كبوشية التاريخ المبهر والواقع المحزن الذي نسعي لتغييره
 
الرئيسيةالبوابة*مكتبة الصورتسجيل دخول الاعضاءدخولالتسجيل
أفضل 10 أعضاء في هذا المنتدى
عادل عثمان مصطفي
 
أبوبكر الرازي
 
ود عدلان
 
كمال الحاج احمد
 
حسن دينار
 
أبوعزة
 
النعمان نورالدائم
 
ودالعمدة
 
ام شفيف محمد حامد
 
بنت محجوب البشير
 
المواضيع الأكثر نشاطاً
شعراء الاغاني السودانية
سـمــك ..لـبـن ..تـمـــــر هـنــــــدى
وين الشباب
الموسوعة العالمية للشعر العربي.. الشعر الفصيح
شعراء الحقيبة... توثيق شامل
فـــن الـكــاريـكـاتـيـــــر
تـعـالـــوا اخــدزا لـيـــكـم عــرضـــه
وقفات مع عباقرة اهل المسادير ؟؟
اغانى واغانى
الشعر الشعبي والدوبيت والمسادير
المواضيع الأكثر شعبية
شعراء الاغاني السودانية
وقفات مع عباقرة اهل النم والدوبيت
كلمات اغاني الفنان محمد النصري
فوائد البيض المسلوق
أغاني الحماسة والسيرة ( توثيق ) - د. أحمد القرشي
اهرامات البجراوية
نفلا عن موقع سودانيز اون لاين
موضوع الحلقة : مشاكل النساء بعد سن الخمسين
سـمــك ..لـبـن ..تـمـــــر هـنــــــدى
بوست خاص عن صور الفنانين
المواضيع الأخيرة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 9 عُضو متصل حالياً :: 0 عضو مُسجل, 0 عُضو مُختفي و 9 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 49 بتاريخ الخميس فبراير 13, 2014 2:55 am
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 490 عُضو.
آخر عُضو مُسجل هو صلاح عوض الكريم فمرحباً به.

أعضاؤنا قدموا 16441 مساهمة في هذا المنتدى في 2719 موضوع
سجل معنا

للتسجيل اضغط هـنـا


شاطر | 
 

  وقفات مع عباقرة اهل المسادير ؟؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: وقفات مع عباقرة اهل المسادير ؟؟   الثلاثاء مارس 11, 2014 2:19 pm

تذكير بمساهمة فاتح الموضوع :

هذه المسادير والمجادعة للاخ منصور المفتاح وهي في غاية الروعة والجمال مع بعض الزملاء . ارجو ان يستمتع بها كل من هو من اهل المسادير :

البلد المجوبكه بالمحن مخجوجه
وموية نيلها ذاتها من الكنيف مخموجه
الروح فى الحلق حرقانه باقى خروجه
وناس هولاكو واقف فوقا شايل كوجه    





الحال العلينا يعلمبو رب الكون ..
الوطن انقسم وفقدنا اولاد جون ..
القرش إنمحق وما مكفيه المليون ..
وحكومة السجم قاطعاها يد العون ..
********************
بُكره الحال بغيرو شعبنا المغبون ..
شعباً ثورتو موضوعا تب مضمون ..
تزغرد امُهاتنا ويفرحو الجنّون ..
وينال عقابو كُل من عمل فرعون ..
 
                     

راجين الكريم يفش غبينتنا
من ناسا مكجنا لرفاهتنا
باكر تنصلح احوالا امتنا
ونرفع للامل ان عشنا هامتنا

المفتاح ازيك ومال عدوك مقاطعنا
مشتاقين كتير لكلامك الزين يعلمنا
معنى الوطن والحال الكم مؤلمنا
ونسلم عليك وعلى وليداتنا  
 
     

المن الكريم يا سلمى ما بناباهو
لكين الوجع من الفقدنا نباهو
القمرى كان غناى سمعنا نباحو
حتى النوم كمل والناس تكوسو يحاحو
 

البلد الزهت رغم البكيدو وخانو
فارسها الصنيديد كالجبل في بكانو
سامها رويحتو شان صون الوطن وأركانو
ثابت ترسو تب راكز مع أخوانو  


يوم قلنا البلاد كانت حداها موامره
كتار الكضبونا وصنفوها مشاتره
سلفا وبنيامين قالوها علني وحاضره
من بدري العلاقات كانت متينه وعامره  
               

راكوبة الخريف الفيها داك عارفنو
والأسد العجوز من القرود داسنو
البلد إنقسم شفناهو ناس شايلنو
زى مولود جديد من أمو ديك حاجرنو


البلد البخاف من الكمر والصورة
اللابتوب واليوتيوب بقت محظورة

حزن النيل علي الحالة البقت مأسورة
في الفاشر تتاجر يركبوك ماسورة  
               

مى بلد النعام العاليه زاهيه قصوره
ويات من قام بروس سوالو كم مقصوره
حزن النيل على الباعوها دون فاتوره
حزنو كمان كتير لى الفاشر الأسطوره



ماني شغيل بيوت بعقب بحل الصره
وما بتبن الجاره واخون الحره
بازل مالي للازمني واقف بره
وسايم روحي لليوم البقولو مشره
(ده شغل ناس البطانه)

ودشوراني المرغومابي قال :
يا ياقوتة الحضري الحضارمي زبونك
عازة وغالية طلعن في التريا تمونك
يا تمرة كريمة القاد سبيط عرجونك
إنكال بالجمال لامن دفق ماعونك

محن البلد بي خيوط العنكبوت منسوجة
وموية نيلها ترجع صافية مي مخجوجة
وقت الروح مخير سيدها عندو خروجة
ناس هولاكو موتم اخف من فروجة  
           

بندورا محفله والعين تكون مدعوجه
وبندور نيلا صافى وجيدا مى معووجه
بندور التتر زى ما أستباحو زنوجه
يمضغم الهلاك ويبلع عقابهم موجه

بي سواعدنا نحن يكون بلادنا خروجا
من ذل الفتن وايضا ضرورات حوجا
زرعولنا الضغائن وبقت الامور ممجوجا
نحن جموعنا واحدة بعروبتا وبزنوجا

ملينا الوعود خطب الكلام ممجوجه
وحاربينا الدليل وكت الشراك مكجوجه
قالولنا البلاد عند الدول مدروجه
لا تقدر تبيع لا مروه تسقى مروجه



الحال بنصلح، وربك بزيل الكُـربة
ونتلملم جميع، حتى البعيد في الغربة
إن صفت النفوس، والعقلا خلوا الحربة
بتنعدل البلد، وتصبح جميع منطربة

الحال يا عماد داير أمانه ودربه
وداير ناس رجال مو ناس نفخ فى قربه
الخم والفساد بندورو تب ما يربا
وما بندور هلس لا ناس رقيص لا شربه


راكوبة الخريف في الطرفة مي مشكورة

عافتنا البنادر والدروب محجـورة

أطـراف البلاد منقوصـة جات محدورة

أمريكان هناك لعبوهـا لعبـة كورة


راكوبة السياسة، في الفتنة مي مستورة
اتبهدلت البلد، وأضحت دروب مهجـورة
أطـراف البلاد الفايرة ديك الفورة
حاملين السلاح، ضربوها في صنقورا


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com

كاتب الموضوعرسالة
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء مايو 06, 2014 9:08 am


زى نفس الغزال وقتين تحن لى سخيلا
قلبت لهجتا وانا منى طارت الحيله
ود جبريل أخوى طاعمه الأنيقه نحيله
زى رطب المشرق الخرتوها دابا الليله




منصور




Quote: زى نفس الغزال وقتين تحن لى سخيلا
قلبت لهجتا وانا منى طارت الحيله
ود جبريل أخوى طاعمه الأنيقه نحيله
زى المشرق الخرتوها دابا الليله



حليل السمحة ام خدود ناديه ولمن تردد اسمي متل سجع الحمام شاديه
ياالمفتاح دى جاهلةصغيرة فايتة القبلها وجايه
لو شفتها ضاوية متل القمر كاسيه
حليلة السمحة ام بسمتآ طاريه


أميراللاى هجمنا وفى الإسم حاججنا
من سمح الكلام درب الصراط لججنا
وقتين قال سلام بلد الحنان حججنا
ما زل اللسان وسكرنا شوق هججنا



منصور

ود جبريل سعادتك غره فايته الصره
يا الوافر ضراعو إن شاء الله ما تدوق مره
روحك ديمه طاهره وكم عفيفه وحره
يا حافظ العروض حفظ الدهب فى صره



كمّلتو البكا بالله شيلو فراشو
القلب الحنين ماشافلو سمحاً حاشو
غرقتونا عاد حروفنا جت انحاشو
شيلوهو الصبر أخاف سهامكم طاشو

تماضر

كمّلتو البكا بالله شيلو فراشو
القلب الحنين ماشافلو سمحاً حاشو
غرقتونا عاد حروفنا جت انحاشو
شيلوهو الصبر أخاف سهامكم طاشو



البكا ما كمل يا دوب فرشنا بروشو
ولد الصيد نقز حيرنا كيف بنحوشو
شوف عينا الحدى والضبع فوقو بهوشو
وناس من تال صعيد سمعوبو مره بدوشو


منصور


البكا من زمان معروفه ستو خناس
ومعروف ديمه بيك ياالشاعره بت الناس
البكا مو كعب مرات بكون أنناس
ومرات ببكوليك إنتى الوضعتى أساس



منصور

ناس من تال صعيد أهل يقين في الناس
والصوابر جوابر لو يرجعن يُبّاس
ياالمتعدي عبد الباقي أبو كرفاس
واقعين في حواك لايشوفوا ضيم لا باس

سمية الحسن طلحة


بنت الأكرمين الفى القبائل راس
ويا الحافظه الشمايل خلقه غير كراس
ناس من تال صعيد فى الحاره هم فراس
وشيخهم جام علم كان للشيوخ دراس


منصور
شايلات طيب بخور كان أصلو من مدراس
وقادلات صيد وحور كى للقلوب هراس
الشيخ شاف وقع والكان زمان عراس
وشطبن لى فوايلو وكهربنلو الراس



منصور


دار نخب السمر بين الضجيع والحاس
ورشفنا السلاف من غير زجاج أو كاس
من مورد أكابر وخيرة الجلاس
تامين النفايل ما بعانوا من إفلاس


سمية الحسن طلحة




Quote: دار نخب السمر بين الضجيع والحاس
ورشفنا السلاف من غير زجاج أو كاس
من مورد أكابر وخيرة الجلاس
تامين النفايل ما بعانوا من إفلاس

سمية

في دار نخب السمر بنشرب كاس فوق كاس
ونسدر خالفين فوق تيس الخلا النكاس
نتحادث بي مهل نجيب كلام جميل وناس
ونصنت بي أدب لي خبر الشعر من فاس

خالد


دار نخب السمر بين الضجيع والحاس
ورشفنا السلاف من غير زجاج أو كاس
من مورد أكابر وخيرة الجلاس
تامين النفايل ما بعانوا من إفلاس


سمية الحسن طلحة


إن شاء الله السمر يبقالنا يوت لا باس
ويكتر قش ملاينو وما يشوفلو يباس
البلد أم حبار والفيها غنى دباس
وليها نقوم حفايا الفيها حال كدباس



منصور

في دار نخب السمر بنشرب كاس فوق كاس
ونسدر خالفين فوق تيس الخلا النكاس
نتحادث بي مهل نجيب كلام جميل وناس
ونصنت بي أدب لي خبر الشعر من فاس

خالد

المنسى اللصم الحاشا مو هلواس
ولو جياب كلام حاشاهو مو خناس
كل الشافو قال زى الصراط منقاس
وما بغدر بخون ماهو الرجيم وسواس



منصور







_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء مايو 06, 2014 9:13 am


عبادى وموجب سحبو فوق حدب الشخاتير ناوى
هيج قاصع العلقات وأزبد للصريمه بلاوى
الزول اب رميش فاصد القليب ما بداوى
يا خالق القلوب أنا فى حواك متحاوى


منصور


من شوف عجوة النخل الفراقا جرحني
وين ما أطراها أعمل واضحاً يفضحني
الدمّر كتابي ومن صلاتي سنحني
لا فكاني طبت ولا كتل ريحني

الشيخ عبد العزيز تكتبوا ساااااى تقول فى منبر تانى
لا بتحترموا بكرى ولا هشام هبانى
لمّن شفت عنوانكم الما بغبانى
الجنّية جات وعفريت المسادير جانى

تبارك شيخ الدين جبريل



يا زول مالو بكرى ومالو داك هبانى
نحن عيال كلام أحسن تكون متدانى
ناس عراضه بره ونحن ناس جوانى
يا جبريل كلامك فى القليب هزانى



منصور سمح الدعاش فرحت عجولو وعاطن
ونقز القمرى فوق سنط الكبور الجاطن
سمح الوليد جدع الصديرى وباطن
الزول السمح دالاتو مابنفاتن
مسكنلو الدرب سراع وفيه اتواتن
نجّاعات بطاين في الدروب اتخاتن
قالنلو الوداع ومن المضارب فاتن

سمية الحسن طلحة


عقبن فوقنا عند مشرع شرابن باتن

وصبحن بدرى فوق حدب الجريفات فاتن

سرقن نور عيونا وجوفنا كيتا صاتن

وعصرن زيت قلوبنا الفى البطاين ظاطن




منصور


(مسدار في جبر الخاتر)
***
ليش الزعل يم ابوك
إن الدنيا جات بالعكسِ
ناقصيين العقول
إن طمبرولك ارقصي

اسامة امبارو

ود أبارو خيرك وديمه طايب خاترك
وديمه عديل قدومك مافى شيتا عاترك
يا زول يا ظريف أنا بى صدق كم شاكرك
ومن رن الإسم أنا ديمه عارفك وفاكرك


منصور


مطمورة العلم يالكريمه صفاتك
مفتاح للكرب دون حليفه وحاتك
لى زمن بقرالك ومابملهن بوستاتك
مشكور يالاصيل ومردوده فى جياتك

اسامة

السمحات فضايلو ..المنو مابنفاتن
شاقني النسيم ..هبّاتو ليّ ماعادن
سكن القمري صوتو..سمعتو يوت اتراطن
منحاز للسماحة ..الآياتها عندك زادن

تماضر

لايكات القلوب ليهن نفوسنا يهاتن
وما بنحمل براهن لينا ما بتراتن
زمن الضيق ندورن حاشا ما ظن ياتن
وموج ريدنا الشديد هن بهدبنبو وعاتن



منصور


قال أحد قبيلة المجانين الفضاحلة يصف بنات زمنا دا، وقد غيرت الكريمات لون وجوهن حتى أصبح لون الوجه أفتح بكثير من بقية الجسم

قامنْ دُفْعــة فـي الكافتيريا أخدن سندة
روج وكريـم وبُـدرة وكلـُّو من هـولندا
ناس لبنى وسلافة وريم وسالي ورندا
لون سيقانا بيبسي! والوجِهْ ميرندا!!


مهداة لشيخ العرب زميلناعادل سهل بمناسبة أن شاعرها من المجانيين

كمال عكود

مجنون الغرام عندو الجمال ودبنده
ما بعرف براهو الصاله عندو برنده
من دار ريحو كاتب نوتو راسم بنده
ما بدور ناس سلاف لا ريم ولا ناس رنده

منصور

ود المفتاح حبابك ... اها اسمع رد ناس "رنده"...


كان قلت اسمي افرنجي تلقى القلب سوداني
ولوني يا المفتاح وارثاهو من خيلاني
شاربة من النيل وموية العكر راوياني
غربت في البلدان وفضل الاصل بطحاني


رندا البطحانية







_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء مايو 06, 2014 9:21 am

فوق شكر البطاحين لقيت الكلام غالبني
والرمية والدوبيت يلهجبا ديمه لساني
بت ناظر البطانة الفي البنات عاجباني
بعرف نزالكم حار الا "الاسم" جابني

إسمك رنده لونك منقه جدك فى الأصل بطحانى
واحد تانى أكيد سودانى ماهو يمانى جد رطانى
نحن خليط بليله فريك وفينا الأصلو كان قحطانى
فينا أفريقى فينا إغريقى لكن القلب سودانى



منصور  
حبابك رنده يا الدغريه ما بتفاشر
حبابك خير ملوك للعنصريه مقاشر
زادك يا البتول واصلنا زايد وداشر
من نمولى وحلفا لى تسنى وحدودو الفاشر


منصور  
                   

سبناها التشاشه الزادوها ضرايب
خايفين شغل الكسر إسوجنا مصايب
قفلناالحساب بعد ما بقينانحسب سالب
وشيكات السجم تطير في ايد وليداً عايب
لا يراعى القديم و لا يهمه رأساً شايب
إلعّبنا شليل وللسجن إسوقنا ركايب
جيناك يا الهميم تدينا رأياً صايب
يا اب رأياً سديد شوف سكه غير اللاعب  
                   
اسامة

رنده ملح الدنيا تب ما قصرت فى القول
لسانآ فصيح وفنجرية لامن تخلع الزول
سودانية قمحة بطحانية سمحة ما بترد القول
الحق سلاحا من إنيى مراحا لى محمد قول  
                   
رافت

منصور أخوى نسيت أناغم وأتمم السلام
نضم الحلبية لجّم السان ولخبط الكلام
بريه منك النوبية عندك من دار بنى تمام
والبنية ديك بطحانية طلعت و حيرت الأنام  
                   
رافت

أبارو التشاشا لقينا فيها عجايب
مرات عاج وريش مرات نسوقا نجايب
الشملول بكون فى رحلو تسعه ركايب
والصرمان بكون راسمالو صدقا رايب



منصور  
                   

رأفت حبابك حاشا ماكا ما ملام
وقبلانين سلامك وفى الكرام قدام
الدوبيت بحر كتابو داك عوام
وديمه عظيم خلق للمكرمات قوام




منصور  
                   

لاعبين كش ولد ملينا كش الشايب
مافيش زول غدر مافينا زولا عايب
الزمن الكعب خلانا شفنا عجايب
وضلف التور تمام شايل المغتغت جايب



منصور  
                   

حباب الغالي سيد الاصل وسيد الساس
حباب الفي المحاصه بكوس وما بنكاس
ود ميلاد دوام في الحاره رافع الراس
*ايدك وابل العينه السحابا انماص

رندا

دارك عامره يا المفتاح وما بتنسد
ود شيخ البطانه الجودو فايت الحد
النيل ليك حوار في الداره راجى مدد
وكتين لقيتو جوارك خلي السما التنقد  
                   
رندا

غرقنا السؤال والليله جبتى الرد
وإن شاء الله السماء يبقالنا ما ينهد
ملوك البطانا الفيها فاتو الحد
وسووها المكارم وفيها زرعو الند



منصور  
الند زين كلامك يا ود ملوك الدار
في الغربه ام طبايق بتشيل حمول الجار
السمحة ام كلالق لعروضا يوت ستار
يا دقر الهشايم اللدروب حجار  
                   
رندا

جارا جار ملوك مانى الدبيب نقار
ويا قصب التقانت حاشا ماكى عدار
إن قلنا الكرم جدك بهوش ودار
وإن قلنا الأصل ماهوالبخون غدار



منصور  
                   

ان جينا لي كرمك قبليك يشيل ويرزم
لجام خيول الحارة سدرك موشح دم
وكت النحاس يعوي للعركة تتلزم
الحظو جابو حداك حاشاهو ما بندم  
                   
رندا

قبلى شنو مع المحيط الأهلو بدو بكار
وعند ساعة الدواس دخريها ياكلو النار
المولود جديد من عينو باقى شرار
وارث للشداعه تقول على الكرار



في العركة ام لطام فارسنا طامح فوق
وفي ساعة الكرم لي ضيفو نحر النوق
وللسمحة ام ضفاير قمريهو مرسال شوق
وفي الرأي والعلم سيد الفهم والذوق



فى الزمن الكعب نفاق حشا المريوق
وفى زمن المحل سمح الخريف بى بروق
السمحه أم نفل فى شانا جال ما بروق
وبدفع دمو ليها الساخى مو معروق


منصور  
                   

اب دماً نضيف حاشاهو مو مخلوت
بطحاني الاصل سوداني ساوى الفوت
تمساحا عشاري يختف طريدته ويفوت
عرش يا ابكريك ماف زول معاكا بخوض  
                   
رندا

متل أيوب صبور حاويهو بطن الحوت
وصديق زى نبى ماهو الجهول مسخوت
عزام الكتار بهال مطايب القوت
وعواج للدروب خابراهو وين ما يفوت




منصور  
                   






   
   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء مايو 06, 2014 9:26 am


خابراهو الدروب الوعره والوديان
لجام لام سبيب ماهو البقولو جبان
في حواهو الامان لعدوهو والحبان
زاهد في ام قدود ود خلوة القرآن


تيسو أصيل بشارى وناقتو أم حيران
وشقاق للدروب ماهو البتوه حيران
جرارق السواقى الأمو بت تيران
وشيال فوق دبر ماهو البقول فتران


منصور

*شيال للحمول فوق الدبر مو شاكي
كرما من جدودو حاشا ماهو بحاكي
اب جودا متل موج المحيط الزاكي
درداق للجزر ما بمعط البتكاكي



* من مسادير يوسف البنا مع بعض التعديل
رندا
الجزر أم حبار والوز يجول ويكاكى
وأبمركوب مخرف فيها غاطس وجاكى
القطا من بعيد خاواها دايما راكى
وفيها الخير وفير مافيها قط من شاكى


منصور



طِريت الضـهـرة والوِردَة الزِويــلا بِشـاكــي
طِريت العِيـال اللِكِـــلاب بِتســـاكـــــي
طِريت المَــيـــعَــه الطِيـورا تكــاكــي
طِريت الزيـفــه اللِـشُــقــاق بـِـتـاكـي

الضهره المسدربه بالنخيل متاكى
شايل خير سبايطو متل فدو مهواكى
يا رطب المشرق الدايقك دوام بشهاكى
متل الداق مرارتك وضامنو داك شواكى



منصور

طِريت الضهــرة والوجــع المُكَـوِع فوقـا
طِريت الزوامِــــل البالضُــراع بِـتـسوقا
طِريت يا صاحِبـي البُــطــانة وســـوقا
طِريت الدَرَت البِـجـيــك بِــروقـــــا

عزام

طِريت الضهــرة والوجــع المُكَـوِع فوقـا
طِريت الزوامِــــل البالضُــراع بِـتـسوقا
طِريت يا صاحِبـي البُــطــانة وســـوقا
طِريت الدَرَت البِـجـيــك بِــروقـــــا

منصور

مكلوفات أراك ماهن شياه مريوقه
ماهن من طرف ترب البشارى أبوروقه
محروسات دهب نحل الزكاة ممروقه
جالن فى البطانه خريف صعيد ببروقه


منصور


طِريت أُم رشيــم الفـوقـا التقــول مخلوقا
طِريت أُم كِـضـيــم البالشِـلــوخ مشقـوقا
طِريت الخِـشـيـــم البالخـــدار مدقــوقا
طِريت أُم زُمــام الفـي المفـازة طُـــروقا

عزم

يا وليدات خلاس ودرنا درنا الروقه
درنا عفو الإله علا القلوب محروقه
شتيلة دار صباح البلكجور معروقه
ضاقت خلقى ليها الروح تقر لمروقا


منصور


إن درنا الفزع دايما بكون شيقوق
ودخرى المكرمات إن قسموه بحوق
بار الوالدين كضب البشوفلو عقوق
وحبل التيل متلت حاشا مو حنقوق




منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء مايو 06, 2014 9:30 am


الاخ العزيز الاديب / منصور المفتاح

قديما كان العرب يقولون ان عدم الافصاح فى بعض الاشياء فى حد ذاته افصاح وان النفس اذا ما حاولت ان تشع بمكنوناتها فاما زادت عنها او قصرت منها او شوهتها لذلك تكتفى بالصمت احتراما وتقديرا للجمال
يوميا ازور هذا البوست بانتظام ولا استطيع ان اكتب فبه تادبا واحتراما ولكن من الواجب علينا ان نشكر من يسعدنا ويبهجنا لذلك اسمحوا لى( جميع المشاركين فى هذا البوست) ان اقول لكم ومن سويداء قلبى شكرا جزيلا.. وهذا اقل ثمن ندفعه لهذه المتعة.

عزيزى منصور ... لقد اسعدتنى كتر خيرك

د احمد القرشي

مرحبتين سلام يا القرشى جيدا جيتنا
جيدا من مجيد عند الرهيده رجيتنا
من سمح الكلام خانق سقاك رويتنا
من نغم الحديث فتا الخليل وشديتنا


منصور
الزول أب لهيج المنو ما بنداوى
حارق جوف هوانا ونارو زايده ضراوه
حادق زى تموده وغيرو ديك زى جاوه
ما خرتوهو شو عزلوهو ضمه نقاوه



منصور


الزول ان عِشِق تابعاهو ديمة شقاوة
سهران الليالي..حِبو زايدو جفاوة
وكلما زادو شوق..داك إزيدو قساوة
الزول السمح ..بسماتو ريد ونداوة

تماضر

شن شاقى العشوق والطلعه زايده نداوه
من قلبو الحنين مسحوها مره عداوه
من داق نظره منو تقول لديغ بتلاوه
شيشكم ناس خناس روقولنا سوو هداوه



منصور
أعرض عنّو يالقلب التملّي..تريدو
سيبو يفوت بعيد..أديهو باقي بَريدو
كل ماشاقو شوق يسمع معاي تنهيدو
الحب إن عِمى..كيفن بِشوفك سيدو؟

تماضر



Quote: أعرض عنّو يالقلب التملّي..تريدو
سيبو يفوت بعيد..أديهو باقي بَريدو
كل ماشاقو شوق يسمع معاي تنهيدو
الحب إن عِمى..كيفن بِشوفك سيدو؟


وكت الشوف يصح تنظر نميل في صفاتو
ورغم الليل وسودتو تلمح هناك دباتو
القلب ان عمى ما بوقفن دقاتو
والايام بتكشف ستر الحيين والماتوا


الليل الجبال غتاها من عاداتو
دايما ساتره وساتر جميع عوراتو
الزول السمح والناس بحلفو وحاتو
دايما بفدو بالروح البتبقى حياتو




منصور

القلب إن عشق بسخابو مره وريدو

وبكتب شيك بياض وإمضاهو لى زول ريدو

كيفن يا خناس الزول يهون تجريدو

من رتب الغرام وتشمعوهو بريدو


منصور


ريشات القلب شافن خيالو ورفن
ويات من كان جعيص إن شافو ببقى درفن
عنق الكبور الفوقنا ختمن ولفن
وهبلن نار غرام وأرواحنا ليهن خفن




منصور







_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء مايو 06, 2014 10:05 am

الزول من بقرتو الليله خشو غباشتو
وبى ذوق سارقا اللمعانو خاتى غباشتو
الزول الصميم الديمه باسطه هواشتو
زى كبد الإبل بنقرشو طاعمه هشاشتو


منصور

مستورة العروض بحياها مي منزوعة
رفالا القليب والعين جفتو هجوعا
من حرحافو طار القمري هز فروعا
قابض نجمو فوق نار التوح ملدوغة


سمية الحسن طلحة  
                   

مطمورة العروض المن درك ممنوعه
كان رقص الجبل ما برقنصلو فروعا
قمرى شنو البهز المن ثبات مزروعه
زى قايد الديوش البالرتب مرصوعه



منصور  
                   

زى نجم الخريف الناس تحاحى سطوعا
وناس من قريفه الأرواح تشابى طلوعا
ناس بالسنين واقفين صفوف ملطوعا
شوقهم نظره بس للفى الفؤاد مطبوعا



منصور  
                   

يا زول جيب هديك بنت اللبون الرخصه
والكع جيب معاك بخسة غباشه أم فرصه
أسعد جانا زول قومابى مو زول قرصه
زولن عشقو كبد النوق وصافى المرسه




منصور  
                   

ياطيراً تطير سلم عليهو حسين وقول ليهو الصعيد مافيه زولاً زين
رجاله قلال عروض مابخشو من الشين ونسوانو الوحوش يفدن جدى الأيدين
وياطيراً تطير سلم على المفتاح وقولو الظن فسد والقول بقالنا مباح
يركز نور هدى وكت السنين باباح وفى السبقن قبيل نحنا بنلم الداح


الأمين ودحسن ود البدرى  
                   

ود مفتاح الجميل ودى وعامر الشوق
هاك دى :
يا سيدى الحسن يالأزرق أب ترجام
أنا ساكنلى فى خلوة والخلوة على ضلام
الزول الساكن الحديبة من قدام
إطرانا وويتخازز بعد ما نام  
                   

عند حنك الجبل رقد السريع راغام
وعند إسلانج ربض كاسر الشيوخ ضرغام
بحر أبمرون كضب البقول عوام
وفى التسعين رجال ديشم حريص قوام


حباب ودأبارو والحوت ما بهددو بالغرق


منصور

ياالأزرق تعال يااللي التلوب كزام
والشرب السم حقيقة طلحة ود أبشام
يات من فيكم الدقر المراضع الهام
أبقوا لي زريبة من كل أمر هام

سمية الحسن طلحة  
                   
الكباشى اللضيض فى دقشو مافى كلام
وفى أمدرمان قريب لله عالى أعلام
فى طابت حفيد الحافى داك علام
ود أنس الكبير فايت الحدود قلام


منصور  
                   

حباب الزينين
ود مفتاح فى ابواتنا ما فى كلام
تلوب زمانن وقت المحاصا عظام
اسود عراين فى النائبات حكام
بت جبل الحديد اللى للكتاب علام
خلاوى وخرس و نحاس وسيف لطام  
                   

عبادى وموجب سحبو فوق حدب الشخاتير ناوى
هيج قاصع العلقات وأزبد للصريمه بلاوى
الزول اب رميش فاصد القليب ما بداوى
يا خالق القلوب أنا فى حواك متحاوى


منصور  
                   

الليلة الفريخات السهر والاهن
ومن كترة قلاية البن أصبحت التجار دايناهن
الولد الما بسوق أم قجة ويجيبو رضاهن
خيبه حياتو فى الأنس البقولو معاهن


واحدين بكروا واحد حداى متنى
وشطبت راسى ديك سوتلى سكرة ونى
أدمنت النواح قبالو كنت بغنى
كاس الكينيا صار قهوة هواى ودنى




منصور  
                   

ود أبارو سوقن ماهو فسحه براهن
وماهو ختف رزايا من المعى الببراهن
شرك الأسود قجوهو دايره حواهن
وكضب القلبو مو مسنود بقول بحواهن




منصور  
                   

المنصور أخوى الجنون لا تواخذن بالحيل
ديل اهل المجال الليك نفسن بتميل
البن الرداهن والجروره ام شيل
القهوه المجيهه فوقا ختو الهيل
وللشايلين نهارم وتانى سربو الليل
رحل الجيبخان فى الخرجه وزنو تقيل
والواطيين قلوبم ياكلو كبده عديل




منصور  
                   

بردوا زمن درك ما برجو جايب السيل
وسوقم سوق نصاح متل البصيدو الفيل
شيالين تقيل ماهم عقاب من ميل
وقطاع الدروب بصلوه نار الويل



عزة في هواك نحن جملة خليل
عليك المحن أتقلبن بالحيل
غاب قمرك وراح في الضلمة شليل
تايهين والكتاب والتوراة والإنجيل

سمية الحسن طلحة  
                   

فى كندا البحوص واقنص بكون اليانكى
لا برويه نيل لا بر حواهو دوانكى
ركاب الهمر ملاح بنادقو سوانكى
لا بعرف هنود لا همو داك سريلانكى


منصور  
                   

أهاأناجيتكم يا منصور وياسمية وياأهل المسادير الشعراء..أبدا ليكم بالتحية :

ســلام وتحيه لى أهل المسادير واصـله
ومن جوه القلب خاتيه القطـع والفاصـله
توصل كل شـاعر تـك للضغـاين غاسله
تربط للوصـال والبينا سايقه وواصـله  
                   
اسعد العباسي

(لى بت الحسن ولى ود المفتاح)

من البارعـات كتـار ولـمو للأضـاد
وبـت الحسـن عنـدها الإفاده حصاد
ما سميه وارده في بحر اللغات والضاد
وقـاعده للحـروف والكلمه بالمرصاد

**********************************
ويا منصور وشك أبيض وشوفتو تسر
وقلبك كالحجر في الحـاره أسود و مر
عن وكت الدواس والناس دمـاها تخر
بترسـل لى اللتيبه كلمة فـيها الدر

مقبول السلام من ود مكوك وفطاحلة
مردود بالطبق من بت فوارسا باسلة
المنصور يا موفور العروض السابلة
على دارك بشوف جات المكارم راحلة

سمية الحسن طلحة

مرحبتين سلام مطبوق قصادو وزايد
وللحاقن القراف من الركايب عايد
جداع السلام عند الضحايا بعايد
وما بعرف قباح ما قالوا عنو بكايد


يا اللدر اللصم قاهر العدو الصداد
ويا الواضح الملامح وحاشا ماك هداد
يا جبل المكارم لى الضعيف مداد
ولى الطالبك سخيت حاشاك ماك رداد




منصور  
منصـور أخـوي كان يبقى الحديث عانيني
بردت غـلتي في الجهموره وإت طـاريني
بس قـول في البنات وجـمالن الهـاريني
ووصف حسنهن بـى البرضيك والبرضيني  
                   
العباسي

أسعد ود ابوك يا الرواى كان تروينى
من تيبار غرامك خجو كوز واروينى
ظبى الطليح بطراهو مو طارينى
شوف حظ السجم زى كلبى يوت بارينى


منصور  
                   

منصـور أخـوي دوبايـك مسـرب وهادي
هزاعـضاي وحـرك في دفاين المـاضـي
ذكـرني المفرهـد ورمحـو جـوه فؤادي
كل ما يزيد نفـور في ريـدو يوت متمادي  
                   
اسعد

عشوقي يا منصور ساكن دماي وكياني
وعشقو حرمني من كل الحسان اعماني
شيطان الشعر قال لي زيدو أغاني
وصف حسنو كتر في غناك معاني


قماري السجعه عادن وفوق فروعن ركن
وصفن حسنو للسامع غناهن بكن
عاشقات الجمال من شوفتو بقن اشكن
زادن في الطرب لامن دموعن عكن
منصـور أخـوي دوبايـك مسـرب وهادي
هزاعـضاي وحـرك في دفاين المـاضـي
ذكـرني المفرهـد ورمحـو جـوه فؤادي
كل ما يزيد نفـور في ريـدو يوت متمادي


أسعد الطيب العباسى


فوق أصهب مقونن وليلى قامر وهادى
وقانص للمعيز الخترو عقبو الوادى
أسعد خب أرح نحوى المراح من غادى
ونشبع فى أم صدوغ الصوتها فاقدو الرادى



قماري السجعه عادن وفوق فروعن ركن
وصفن حسنو للسامع غناهن بكن
عاشقات الجمال من شوفتو بقن اشكن
زادن في الطرب لامن دموعن عكن


أسعد الطيب العباسى


شوف سهم الارايل للقلوب كيف شكن
وشوف الغيم وراهن سحبو كيفن دكن
آخ يا ابوالسعود الصابنا داك أتمكن
وباضن طيرو فى جوف الفؤاد ما ركن


منصور    
                   

قماري السجعه عادن وفوق فروعن ركن
وصفن حسنو للسامع غناهن بكن
عاشقات الجمال من شوفتو بقن اشكن
زادن في الطرب لامن دموعن عكن


أسعد الطيب العباسى


شوف سهم الارايل للقلوب كيف شكن
وشوف الغيم وراهن سحبو كيفن دكن
آخ يا ابوالسعود الصابنا داك أتمكن
وباضن طيرو فى جوف الفؤاد ما ركن


منصور    
واغلبي من جــدي الشمال العلمو التاتاي
تبعت دريبو لامن وصــل لى هلاكي براي
الخلاني دافن قلبي وحارق دمي بالشاشاي
سود البراطم ولبكتن من ناتــج أبنوناي

مستوحد بــراي ورفــيقي غايـتو غناي
وا سهر ود عيني لي مقل السقــد حاكاي
يا منصور الحرقت فؤادي وسلبت لحم ساقاي
فوكا كل ما قل نميم أنا شوفــو لادون جاي

ود مفتاح سـيداً الـدار الوسـيع وبـراح
دخلت أنجـم علّ الهـمـوم تفـوت تنـزاح
لقيـت الدار بي ضـيوفـا زايـدا فـلاح
فوق سمح النضـم الليهو القـلوب تنداح



مرفق
مودتي

إسماعيل حميم
 
                   

نمكم من عاماً أول كايسلي فرصة اردو
إلا الدنيا وعذابا وجريها الما بنلحق حدو
وكتين تتسـهل يبراني جديدكم فايت حدو
اهجص فوق كلماتو لامن كواحلي يغمدو


مرفق
مودتي

إسماعيل حميم

نًمًٌا جمـيل بالوزن الطـويل الصاح
من ود حميم جانا وحاملً العطر فواح
دخــل دار الكـريم الإسمو ودمفتاح
أب كلــبا غشيم وحاشــا ما نباح  
                   
اسعد



Quote: نًمًٌا جمـيل بالوزن الطـويل الصاح
من ود حميم جانا وحاملً العطر فواح
دخــل دار الكـريم الإسمو ودمفتاح
أب كلــبا غشيم وحاشــا ما نباح


أسـعد ود العباسي مرحب بيك يا صاح
يا الترحابك زي ندى فوق ورودو صباح
ود مفتاح دارو مي ها دار كلاب ونباح
دي الدار الخلت الابكم تب فصيح صداح




مرفق
مودتي


إسماعيل حميم


أسعد ود العباسي مرحب بيك ياصــاح
يا الترحابك زي ندى فوق ورود وصباح
ود مفتاح دارو مي ها دار كلاب ونباح
دي الدار الخلت الأبكم فصيح صـداح
إسماعيل حسين محمد(حميم)

مرحــب سماعين ود حسين وكــلو سـماح
مرحب بى الأصــم تــور الخــلا النطـاح
مرحب ود الأفاضــل الما ردوا الضعاف قماح
مرحب بى سمح الوجوه وفي الحاره نار وقباح

أسعد الطيب العباسي  
                   

مقبول السلام من ود ملوك وفطاحلة
مردود بالطبق من بت فوارسا باسلة
المنصور يا موفور العروض السابلة
على دارك بشوف جات المكارم راحلة
سمية الحسن طلحة

لهجــك جــمــيل ونـــمتك مي سـاهلة
ومن بطــانة أب سـن غــارفه كلامك وناهلة
يا بت الملــوك والفــوارس المدرعه ولابسه
أهـلك كلهم زيــنين ناسـا رتــوت وفطاحلة
أسعد الطيب العباسي  
                   

أياماً ردوف لاهن عجاف لا عكن
جفلن مني غادي ولي ما بنسكّن
يامولايا لامتين القيود ينفكن
أشوف الريدو ساكن في الضمير ومركن

سمية الحسن طلحة  
                   

ما حسبن فواصل العينه يوم ما عدن
و لا مرقن بكوسن للمراتع عدن
جؤذر شام صباح حدب البطاين مدن
وكضب القال سلام بتلفتنلو بردن



منصور  
                   





                   
 
                   



                   
                                    
ود شيقوق صغير وشوفو لينا بغنى
ومرضان بالإبل والصيد شراط دا بتنى
أسمع روقلو صوتو وساويلنا سكرة ونى
وعاينلو المقندف سيف بالصدير محنى


منصور

الليل عندى زى سمسم تقه ودروها
فرضو على عديل أنا والمعاى عدوها
مشتولة الخريف البرمه دافقه فروعا
لايكه كبادنا ديك الحادقه دى المربوعه





منصور  
                   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:02 pm


ود اللرايل اللماتو بى الــصي جكن
لسه قيــودنا من ريـدوأبن ينفكن
وكت ودعنا فارد إيديهو لينا اتمدن
مسخ لينا طعم أيام معــاهو اتعدن

ود العباسي

بعيدين عن عيني وطــال الزمـن ونحــيبو
ووكـــت الليل برد وجاب لى دعاشو وطيبو
وعطر جــوي نقناق البــدودي صبــيبو
عرفت الزول إن عشق مرضـو وعلاجو حبيبو

بعيدين عن عيني وطال زمن البعاد
بعيدين عن عيني وجمر البعاد وقاد
سألت سيدي يجيبهم الخلو ليلي سهاد
أو ليهم يرجعني بي حبل الوداد انقاد



مرفق
مودتي


إسماعيل حميم
من عينى بعدو ونار فراقم حارقه
وكل ما نقول نعدل تبقى دايما فارقه
الروح فى الجسد من حار هواهم مارقه
وريدنا الليلو طال شمسو التقول مى شارقه




يا كمال سالم هلل وهلال ما ببقن والروح دواها الشوف والليد تسالمو


منصور


من عيني بعدو الريدتم لي سارقة
ومابشوف في سماي غيرم نجوماً بارقة
سكنت في الفؤاد وللعوايد خارقة
كمّلت المعاي وبقت لي خاتمة وعارقة

سمية الحسن طلحة


من عيني بعدو الريدتم لي سارقة
ومابشوف في سماي غيرم نجوماً بارقة
سكنت في الفؤاد وللعوايد خارقة
كمّلت المعاي وبقت لي خاتمة وعارقة
سمية الحسن طلحة


من العين بعدت وسهامها للفؤاد خـارقة
قمر السـما الأنورها في النهار بـارقة
الساكنا جـوة القليب ومن الغرام شاردة
كان جفا أو بعاد من روحي ماك مارقة


مرفق
مودتي

إسماعيل حميم


حبابـك ودحميم الجيتنا حاجى ومدن
حبابك يا القطارك جانا فو ما هدن
شوف ترب المعيز من الرشاش كيف ندن
وشوفن كيف كتوف الريده ليهن هدن

منصور









_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:05 pm


حبابـك ودحميم الجيتنا حاجى ومدن
حبابك يا القطارك جانا فو ما هدن
شوف ترب المعيز من الرشاش كيف ندن
وشوفن كيف كتوف الريده ليهن هدن

منصور



حبابو ود إسـلانج الناسو كدحو وكدن
الـ من ريحة التراب وزيادة فوقا تمدن
وين القطار يتحرك باقيلي هناك ملجن
فوق دار الحبان وحبال الوصال إتمدن


مرفق
يـا ود حميم مقـــل الســواد إتـــكفن
ويا منصـــور إنفتق الجرح المغور وعفن
من بدر التمـــام المنو الكــهارب طفـن
للأكرمين كمل سالم وابن عمه حاتم
الشيخ, وسيد الدار المنصور, وشيخ
العرب العبّاسي للجميع تحياتي........
ولينا عودة


///////////


بعيدين عن عينى وطال الزمن دردرني
جافاني النسيم وسموم بعادو هلكني
الهارد قلبي يا الأسعد أريتو نجدني
ريحتو بتلحق المريوق قبل ما تتنّي

بعدو على العيون علا القليب شواف
وجرار للنسيم كراف بخور الشاف
الزول الكريزالمنو سووا خشاف
وغيرى منو البدوق كداب يقول من شاف


منصور


ليك ياالمنصور من المسالمه ألف سلام
ومن مسقط ودابسن برضو عندو ليك كلام
يا المسداري السمح كلامك لقلوبنا سهام
في غيابك يا مفتاح الأدب حرَّم الكتابه حرام

المرتضي

آآخ يا المسالمه الفيكى باقى ملام
وآأخ من ظبيتك شاغلانى بيك حلام
يا بلد الغزال الفيك رجال أعلام
وناس المرتضى الحبر العظيم علام


منصور
القلب البريد من شوقا صابو نشاف
وصابو عمى العيون قبال بصير كشاف
يا عالم القلوب انا فى حواك يا شاف
ويا خارق العوايد اريتو لى كان شاف



منصور



_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:09 pm



[b]القلب البريد من شوقا صابو نشاف
وصابو عمى العيون قبال بصير كشاف
يا عالم القلوب انا فى حواك يا شاف
ويا خارق العوايد اريتو لى كان شاف
منصور



الروحي فيها ومنها دمي صابو جفاف
زرفت الدمـع وعيوني صبحو كفاف
سيدي وسيد روحي المنو ديما بخاف
سألتك ترضى عني وتجيبا لي خفاف


مرفق
مودتي

إسماعيل حميم




شايف العين سعيد وشايف القلب موجوع
والفاتو العشوق ما أظن تفيدو دمــوع
وين بدر التمام الفي القامة كان مربـوع
تابر قدمو.. جيدو غزال وديسو هجـوع

بخاري بشير



فيك يا المسالمة حبيب كتير ظلاّم
عامر ديسو سابل واصل الأقدام
فيك حلاة غـزالاً سابق الآرام
شاعرنا قال (نافر) تزيدو ملام


العوود خيدران منسبله فوقو فروع
وجديا فى التبس فواح ومسكو بضوع
يا ود بشير شاغل القليب مرنوع
وساكن فى القلب والعين عزاها دموع


منصور


ليه يا قلبي تشــكي كُـل ما حـمامةً ناحت
وليه يا عيني تبكي كــل ما البروق إتلاحت
نويــت العَــودَه بعد الِدمــوم إسـاحت
علي جَــدية الــوادي ام عُـطوراً فاحت
أسعد الطيب العباسي


بعيدين عن عيني وطال الزمن يابخاري
ودردرني الزمن وابعدني عن سُمـاري
الهارد قلبي وخاتي الكبد فــوق ناري
زولاً ِليمُـو فاِرد وَفَرْقُو سِمًا هــاري

أسعد الطيب العباسي


بعيد عن عيني الا قليبي ما خلاني

ونار في جوفي من فقد الحبيب كاوياني

نازل دمعي، لا طفّاها لا واساني

قلّل نومي، فتّق من جديد احزاني

مدثر

لماذا غابت ام درمان عن هذا المكان؟

الموت يا خليل ما بنجري منو نهابو

المقضِيِّي تبقا ونحن من اسبابو

العز والثبات في الحارة يانا اصحابو

من زمن الجدود بالدم مهرنا كتابو

مدثر

الموت يا خليل ما بنجري منو نهابو
المقضِيِّي تبقا ونحن من اسبابو
العز والثبات في الحارة يانا اصحابو
من زمن الجدود بالدم مهرنا كتابو
مدثر إبراهيم سعيد



مـدثر يا الحبيب حب امدر فينا حبابو
والبدور بي ناسا شر اليوم داك عذابو
إلا سألتك بالذي في ليلنا ونهارنا نهابو
أبعدنا من ناس ساس وراينا دا إهتمابو


مرفق
مودتي

إسماعيل حميم



ضامر هافة والخد باقي نورو سطوع
هردت لب فؤادي وليها نايحة ضلوع
يا المنصور قايدة ناري والعِينة ليا دموع
وحالتي بقت تحاكي تهِلع المفجوع

بخاري بشير



يابْخَاري قُتْ ضَامـْرةْ هَافْ وسَاطِـــع نُـورا
وُهَرَدَت ُلبْ فــُؤادَك بَــي جَمــَال الصُوره
وشكيت من نارَك ودُموعَك نَازلــَة مُطُــورَا
بَس قُولِيْ كَيف اْتمَليتَا بَي نَضَارتَك المَكْسُوره..!


العباسي
[/b]

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:14 pm


عزة في هواك نحن جملة خليل
عليك المحن أتقلبن بالحيل
غاب قمرك وراح في الضلمة شليل
تايهين والكتاب والتوراة والإنجيل

سمية الحسن طلحة
12/5/2008م


قلبك بشكي يا الأسعد بعـرفو وحيحـو
هارداك جدية الوادي العطورا بـ فوحو
عاشق للجمال من زمن جهلو وقراية لوحو
ما بفيدك بكا وما بطيب القلب بـ نويحو

بخاري بشير  
                   


أمدرمان أصالة وفيها طابية ونيل
وبالتاريخ موسمة ماظن يهينا خليل
من كرري القبيل والقبة ليها دليل
لـ هسع يمين أولادها فرّاس خيل


بخاري بشير  
                   

بنت الربيع زادك مبهر وحادق
وحارسك من زمان بت الكريم الصادق
عارفك بت رجال فى الحاره طبقو بنادق
وساعة البارده خيرهم بس تقول فى فنادق



منصور  
                   

أصالة أم در أصل دي الغنى فوقا خليل
الـ في التاريخ منـارة ما ها دايرة دليل
وكان كرري الثبات الـ ما في ليهو مثيل
النازلو الرشاش بالسـيف النجادو طويل

مرفق
مودتي

إسماعيل حميم

رباعة المسادير .. والكلام الطاعم

جب ليكن سلام .. يغشى الخشن والناعم

من بادية وتيش بطرا البشوش وبناغم

أذانى قوامو.. مفدوع ..الخدودو براعم  
                   
أمدرمان جبل كضب البقول مدسوسه
وكضب القال بقدو أكان صبح ديش سوسه
يايات اللغم فوق راسا كجو تروسه
ما بتقدر عليها عهن عشر مبثوثه



منصور  
                   

بوستك دائما فيه مار ماقايلو حي ومباشر
قايلو كلام قدام بينن منقل وفاتر
جيتك منشرح منصور اخوي بالخاطر
اسمح لينا ندخل ما تخلينا قوة ندافر  
                   
الحبر

يا الحبــر خــش بى مهل دون ما تدافر
وجيب من كلامك نمًاً ليهو خُــف وحوافر
نعمن ناس منصور ديل شفوت وشــواعر
واعمل حسابك واوزن كلامك أوعاك تخاطر

أسعد الطيب العباسيِ   سادتي أهل المسادير ..سيدي المفتاح صاحب الدار ...سيدتي سمية بت الحسن ـ التي نجحت في جرحرتي إلى هذه الديار ـ أرجو أن تسمحوا لي جميعًا بهذه (التخريمة) وهي عبارة عن مربعات من قصيدة رثى بها الشاعر الفرد صديقه الشاعر الفحل شيخ الجيلي الشيخ الكباشي الذي توفي بإحدى مستشفيات لندن ،وما شدني إلى هذه المربعات أن شاعرنا عكير صور فيها الدنيا كقاتلة متربصة عجوز تبحث عن ضحاياها بإصرار شديد وعندماأرادت أن تقتل شيخ الجيلي بحثت عنه بمنزله فعلمت أنه غادر إلى لندن للعلاج فطارت إليه هناك وقتلته، وهذه الصورة الدراماتيكية أبدع عكير في تصويرها بشكل غير مسبوق في أدب الرثاء في الشعر القومي السوداني 0
من المهم أن نذكر أن عكير كان قد فجع في صديقه أحمد علي بشير كمبال إبن حلفاية الملوك قبل أن يفعجه موت صديقه شيج الجيلي الشيخ الكباشي 0يقول عكير في هذه المربعات :

صَفَتُــن البِقَــتْ للأكرمـين صفايه
ما كـفاها أحــمد كوكــب الحلفايه
للكبـاشي جــات بى عمـرتا الكفايه
كايسه الجيلي مزعوجه ورجولا حفايه

بالــسور تلـبـت من الصبر مسـلوبه
دخلت في البرنده وما لِــقت مـطلوبه
توســوس مالا كــل مـراتِبنُ مقلوبه
ما برجــع بلاهــو وما بنوم مغلوبه

سألت منو فحـل أمات خدوداً بندن
أب كفًــا بيــرفع كل راسًا دندن
قالو ليها عيـان كرعى ما بنسندن
سـافر للعلاج يِــداوى روح لندن

ضحــكت بى تهكم وجنحت لى الفره
عارفه معاها ما بنفع عــلاج الذره
زي برق القُنُب طــوت البلاد البره
جابتو جُسه بالطياره والبِــكا حره

رأيكم شعرا أو نثرا دام فضلكم....مع تحياتي ومزيدا من قلبي...أخوكم أسعد الطيب العباسي  

                   

               

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:21 pm


ما بناخطر مع الناس البعرفو مقامن
ومنصور منهن تيلاد وعارف شانن
بترحيبك دخلن وانشا الله نبقي معاهن
والله اوقي يا اسعد من الشفوت ولسانن

الحبر


أمدرمان جبل كضب البقول مدسوسه
وكضب القال بقدو أكان صبح ديش سوسه
يايات اللغم فوق راسا كجو تروسه
ما بتقدر عليها عهن عشر مبثوثه
منصور

امدر عِزة وشموخ السايرا دايرة تروسه
ما بـ قوة سلاح بي عز الرجال متروسه
البجيها بالشين تطحن عضامو ضروسه
البجيها حبيب ليه العِلم والفنون ودروسه


مرفق
مودتي

إسماعيل حميم
يا ابو السعود دوافع الرثاء وعمق الرباط يعكس حالة الحزن ويبين صدقها أما هذا فتكلفناهو ولا نستطيع به أن ندانى عكير ولكنه زاد الموجود



قناصة السمين للجيفه مى ختايه
ما بتعرف عذر لا زول تمرقو وصايه
مرات كم تنقى وكم تجس الشايه
ومرات من طرف تملاها كم مخلايه

شايله خرايطا وحافظاها مى مرعوبه
ما بتعرف تطش صياده مى مصيوده
صيدا موسماهو ومويتو مى مربوبه
ما بقدر يفز لو سوى مليون هوبه


ما بدور دليل خابره البتكسع ومدن
وخابره السارحه خابره الراتعه خابره العدن
كان جفلن خبيب وأكان رقيلن شدن
ما بغباها كان مرقنبو عند ناس لندن


الأسباب بلايا وبيها شان نطرا
إلا اللوح مؤرخ جوه كان أو بره
من مات فى السرير هبشوه تب ما تره
كم مات فى الحروب لا قال وداع لا قره


منصور

يا ابوالساره مرحب بالسلام بتناغم
ويا عاطس القصايد حاشا ماك العاقم
بابك ديمه مفتوح حاشا ماك اللاغم
يا ساند الضعيف والديمه لليك راغم


منصور

ياسلام وياسلام وياسلام عليك يا منصور فقد نجحت في مجاراة عكير بدرجة الإمتياز ولكن كما قال أحبابنا المصريون الحلو ما يكملش فقد أغفلت
مجاراة المربع الرابع0

اسعد

الأسباب بلايا وبيها شان نطرا
إلا اللوح مؤرخ جوه كان أو بره
من مات فى السرير هبشوه تب ما تره
كم مات فى الحروب لا قال وداع لا قره


والطا تقرأ مشدده بمعنى نتذكر

منصور




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:27 pm


[b]زى وجع الضرس تاورنى ريدو وشدا
وساهر بى منوسر نجمو لى ما أنعدا
الزول فى الحبس مشروط عليهو العدا
علا البى صعيب أنا قيف قليبى أنهدا


(نظره يا مولاى حافى حالق بالطريق الشاقى الترام)

منصور
الميل اربعين بشوفو قام تيرابا

يعجب مستوي وما فيهو ًِِفد رقابة

شن بتفيدك الدوشكا ومعاها عصابة

ماك عارفنا كيف بنكاتل الدبابة

مدثر

(امدر عِزة وشموخ السايرا دايرة تروسه
ما بـ قوة سلاح بي عز الرجال متروسه)


الزينة ام طوابي بالرجال محروسة

كورتى وكرري ماظنيت وعيتو دروسة

بعد فزيتا روح شوف كِسِرتن عوسا

الزول فى الحبس مشروط عليهو العدا
علا البى صعيب أنا قيف قليبى أنهدا


الريديا قليب داريهو طبطبو مدة

وماتفتِّق لِى جرحن دابو بدا ينسدا

مكتوب في الكتاب ماتعزمو عقد العقدة

الا بعد كتاب معلوم تمام يتعدا

مدثر

صَفَتُــن البِقَــتْ للأكرمـين صفايه
ما كـفاها أحــمد كوكــب الحلفايه



إنْ حانْ الأجل ما بنلقى منو وِقاية
غير لُطْف الكريم وصبُراً يلاقي الجاية
شِنْ بِدوري، ما الكمبال عليكي كفاية
من شلتيهو كم عيناً وراوْ بكّاية

دخلت بي عَجَل فِسْراع علينا عجُوبة
ما إطّامنا، دارنا العامري تلحق سوبا
قالت جِيتا بي فرضاً ومِي مندوبة
وين القاهو شيخ كباشي راجل الحوبة

خريف الرازة عون الفازة واللِتْهَدّن
هاشاً وباش ما سمعنابو يوماً طَنْطَن
صبرو يغالب المرض العليهو اتوطّن
شَدَّ رِكابو للحُكَمَا البلادُن لندن

صدّت غادي، بي فوتها الفؤاد إنْسَرّا
ومُو عارفنها المسنوحة ناوِي مضرّة
علي بلد الضباب لي جناحها فرّت فرّة
والصايح عُقُب من قُولو ضُقنا المُرّة
مدثر

بوستك دائما فيه مار ماقايلو حي ومباشر
قايلو كلام قدام بينن منقل وفاتر
جيتك منشرح منصور اخوي بالخاطر
اسمح لينا ندخل ما تخلينا قوة ندافر



أدخل يا رجل بيتك عديل ماك عابر
ويا ترب الصلاح اللخواطر جابر
قولك طعمو خاص فى السوق قليلا نادر
وابقى معانا طب ما تسيبنا تمرق خاتر


المدثر سلام بارى الكلام داويهو
عندك كم علاج بالكى كمان أكويهو
الناس من طرف بطوف تحنك فيهو
ما تغفل تخلى الجن عليك تلويهو



منصور


خربانة أم قدود وخرابا ما بتّايا
سموها العبوس اللي الكباد كواية
مابتعرف كبيراً عقدولوا ولاية
ولا بتقرعا من اللبّنت واللفركت حاحاية

طاوية حبالا حايمة مدبتة بي حدوبا
ما بغرك نعيما وتنخدع بي هبوبا
ماشفناها نايمة الماأنطرت في حوبة
كم فارساً مدجج موسداهو الطوبة

مكتوب الفراق في نوتتا ومعنون
قولاً من قديم مسنود صحيح ومعنعن
كم بكّت علي قشاش دموع الببكن
فرهيداً لتيب هن أندى منو وألين

مي دوامة تقلبلك نكد ونواح فرح ومسرة
تطرح لك جبينا في مرة وتديهو 100 صرة
متل حارساً موصى وفوق عروضو أنشرا
التذكار بينفع المؤمنين و ماضرا

سمية الحسن طلحة



النضارة خلها في الشقوق وكسورا
بس وريني يالعباسي الريلة كيف بنزورا
الحرس المعاها ما مدفوع (قروش) مأجورا
ساكنة قصور عوالي والمتلي ما من دورا

كف الموت موتّر والخلِق في غواية
راجيانا العبوس وأكفانا يوت روراية
ما بتختار طرف هي الـ للأكرمين نقاية
تاخد الزول عديل من غير خبر ودراية


//////////////

صرت ووسوست كايساهو دخري الحوبة
ما تمت مرادا أم بهجـــتن مســــلوبة
طنت ودمدمت بشويشي جرّت توبة
قالت مابسيبو رويحتو مرقت دوبة

////////////

درداق البكار فحل أم وضيبا مدّهن
شيال التقيل الدبرو نوسر وعورَن
الدعوات تجيك من مكة وكل المدّن
لاحقاك يا الهميم حتى إن بقيت في لندن

///////////

ضحكتلو العبوس بشويشي مرقت برة
عارفة بتكفتو كفت الصقر لـ الفـــــرة
طارت لحقتو المابتعــرف العشــــرة
جابت الجسه (صندوق) البعدو ما في مسرة

يا المنصور أخوي دايما مخدّر صيفك
عاويات المدافِع بسَكِتِن بـ (سيفك)
الزول في الحبس كيفِن بِهدِد قيفك ؟
خلُو يتِم عدادو الريدو تمّام كيفك !

بخاري بشير


حتي لا تغيب ام در



ليه جبت العوين ما جبتلك فرسان

فالحين في النضم خذلوك في الميدان

التاتشر وراك مردمات كيمان

ويا الناسيهو عوسنا، الليلة شفتو بيان

مدثر


[/b]

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:30 pm

ليه جبت العوين ما جبتلك فرسان

فالحين في النضم خذلوك في الميدان

التاتشر وراك مردمات كيمان

ويا الناسيهو عوسنا، الليلة شفتو بيان  


ماسمِع بالمهيرة الأقوى من فرسان؟
كيف بتقول عوين وماقريت ال كان
كونو نكون وراكم ماهو تقليل شان
بنقدّم خُطاكم عشان أصِلنا حُنان
لو دايرين نفوتكم كان وصلنا زماااان  
                   
تماضر

شوف عيني المآذن ضربوها بالجبخان
ما ناس (لوح) يمين مابعرفو الآذان
أخوان ناس سمية وقت نزلو في الميدان
فرو وعردو يا (أمدر) أرقدي أمان

بخاري بشير  
( حوار مع النفس)

مالك نفسسي دائما بتابي الواجب
ارجعي توبي لي وش الكريم الناجب
قالت لي كان بي خاتري من الواجب
افضل جلسة بين دعجة عيون وحواجب
.....
قت ليها العيون يا خاينة شن بسوي
مابتفيدني ما دام اصلو عمري منوي
قالت لي ما دام النفس في بوي
ما بتتبارح الدعجة الجبينة مضوي
......
قت ليها العمر يا ام جور فترتو قصيرة
الدعجة بتموت وانت بتفكري غيرة
ارجوك تابعي خطوات الكتاب والسيرة
فيهو بتلقي عتمورا زلقتو خطيرة
.....
قالت لي يا صاحبي ام قدود فراقة
نقضي شبابنا بين لجنة لسان وحداقة
قت ليها ام قدود بيت الندم والعاقة
كم امست تساقي واصبحت حراقة
.....
قالت لي واليت الصلاة البدرية
فارقت الوسامة وجلسة ام قادرية
قت ليهاالسفر احسن لنا الباكرية
ارجعي توبي يا خاينة العمر عارية
......
قالت لي بدري علينا من التوبة
ما هاجرنا ما خلسنا دين ام روبة
قت ليها الكلام دين الكريم يسعوبا
كيف الشوري ان جات ام ضعن مزعوبة
.....
نعمل جولة قبل التوبة قالت ليا
طول من قعاد نادية وسعاد وثريا
قت ليها العمل قبل الرحيل يا ولية
ما بنور قبر غير الصلاة الانسية
......
قالت لي ما شفت الجماعة البارح اخر طربة
عند ام رشمة لاوطنا عزيز لا مربة
قت ليها الندم يا الخاينةراجياك كربة
تمشى تبوبي بين ندماك وتصبحي تربة
....
قالت لي ما شفت الجماعة الليلة
شرزمة قامو كل واحدن ضربلو نتيلة
قت ليها الكتاب يا الخاينة سوي حليلة
توبي وصلي ماك عارفة ام قدود دار ليلة
......
قالت لي عارفة الدنيا ما بتظلي
ابي اتخلي لي انس اللهيجو بسلي
قت ليها الندم قبل العمر ما يولي
راجيك القبر يا الخاين توبي وصلي
......

الشاعر عمر الشيخ ابراهيم ودنفيسة
                   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:35 pm


يا المنصور أخوي دايما مخدّر صيفك
عاويات المدافِع بسَكِتِن بـ (سيفك)
الزول في الحبس كيفِن بِهدِد قيفك ؟
خلُو يتِم عدادو الريدو تمّام كيفك !



بخاري بشير



راوى الحديث دايما بتبسط ضيفك
جدعه وبنت لبون ساخيبا عقبان كيفك
طيف الفى القلب طافبينا يا الراك طيفك
نحن هلكنا طرفو يا الكاجو كجره طريفك



عينكم فى القصر والنمله مى أمدرمان
وهد الكعبه شين حارسنو ناس تيران
ناس طبق الجريد والجندى ودكيران
وضرب الفيل علم دارسنو كانو زمان




منصور



من سابع بحور هددت جيت فوق عاتى
وداير الناس تخاف وتزوغ من البعاتى
أسعد يا ولد قول للشواطين هاتى
ونحن هدانا ديل يا شيخنا بتجر واطى



منصور
نحن الابيض المبروك بِشيشِي يَتاتِي

ونحن الازرق الهدار دروبو عواتي

نحن الموت يمين ما بنرجا، ليهو نَهَاتِي

وعينَّا حِدَا الشمش ما فينا راس بيطاطي

مدثر

الصوت والصوره جالن فى العقل خجنو
جابن فخ هلاك عند الخيال قجنو
يا سنن الرسل من شر عذاب نجنو
كم من زول سمع بى حالو ساكت جنو


منضور


الشاف والطلح شافيات بشوف من شافن
بشوفن تال صريف راتعات بيوقدن شافن
شبه الصرفه خاتيات العضام ونشافن
أنا آآخ يا ولد شارقنى مره خشافن



منصور


أولاد الصره تب ما فيها زولن راتى

ودى البلد القبيل ختولا سمته شراتى

الداج بالفلا ومن كان عقب نواتى

ما بدوها هينه أكان ظهر بعاتى



منصور


عند زرزورو كجينا الشرك جلاهو
داك شبه الدهب عقب الكريم جلاهو
ترب الصيد مولد ربى ما قلاهو
وين الشوفه عاد يا ربى وين ألقاهو




طالت غربتي ..وضقت الفيها حلوه ومره
متين شوفه الحبيب.. ساعة صفاء ومسره
ومن طيبة لقاو.. كل ايامي صبايح غره
لو يختاني لعب الزمن.. الكتابة وطره



.................................
محمد السيد


للناس طبائع في الاحسان ..وماداساها
واحدين السماحة خلقه واخلاق محتكراها
غيرهم عجزوا في موقف شهامة تتلقاها
كعبه البقت من لحظة صبر.. جت عادماها



............................
محمد السيد

البوست إن حتل واجبنا نحن نرفعو
والزول الكريم كل دينو ليو ندفعو
شين كلفة سؤال للغاب وعذرو بشفعو
بكور بالارشفة ناويلنا نية ًأم صفعو


سلام للبحر في قافية المسدار
سائلين عليك ترجع تحىّ الدار
نتلفتلك كتر بس التقول رادار
الكع وسل سيفك وجددو المشوار



................................
محمد السيد






_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 08, 2014 2:38 pm

الاخوة الاعزاء قراء المسادير:

الي اللقاء في دوحة اخري من دوحات المسادير...

اترككم مع اهل البطانة والشكرية

مودتي

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 15, 2014 7:35 pm


أخوك أنا يا سعاده المين بقول همالك
وخاتك فى القلب يا الملكه حافظ مالك
سواى للفرض ماسك الطريق السالك
ديداب للبجو ولا بُد نسوى مسالك


منصور

روحك كركرت دقش الرجال مابى
وكرشك زنقلت مشك المهوج عابى
شداد للحرام زاد للبجيك كابى
ولُهْلُهْ يالغشيم لكن تفح دابى



منصور


الجنرال وقف كتفو المرصع ضوا
وسهمن من عيونو كما المدافع عوا
ورونا الجبال كان فيها شان نتحوا
ما ولدت قبل زيك جمال بت حواء


منصور


يا اخوانا البنات
صبحن سبب في الجوطة
وفي نص الخلوق
تلقاها ترفع صوتا
رابطات الخداع
زي الطرح والفوطة
والبت ما بتمش
يا خالطة يا مخلوطة

الملة عمر

نتار يا الأسد فى الغابه قابض الجو
وغيرك فى القصور ينبح جريواً هو
واحدين زى صبر واحدين بعاشيم بو
وجوك دايرين رضاك يا القلتليهم كو

منصور
الدكانا نحن دحين نقوم وندكو
والما شين علينا بشيش بكرة بجكو
واليابانا لا بنطراه لا بنسكو
والطارو اليطيرو ان شاءالله تب مايركو

الملة

إمام يا سريع النجده سابق التو
وقدحك من حراز صاجك غريق مو طو
يا دقر الهقانيب للدود بتطوطو
وما يتغير غدر حت كان عدوك سطو


منصور
اب عراق فتق قرنو المبادر شره
والباشندى عمت مهششيب الدره
من النقره كل حين فوق عليو منصره
ها الايام محاريها القليعه ام غره

الملة

الليله الصعيد جاب الهبوب من جاي
فوق للفرع تلب جنا القوقاي
مرضان البنات ما بنفعو اللولاي
والدخل القبر ضايق الهبوب من لاي


ضللنا الهرع لا متين تعولو أتْزَرْقّنْ
ونقزن فوقنا بَوْ عبران خلانا ورقّنْ
مكن القلوب فى صدورنا رجّنْ ودقنْ
ولسنات القماح فى حلوقنا ضجن ونقن


منصور


أكل الشلخه لامن كمل المنسية
شمخ الحورى لبعصه عريب بت ريه
أكان ما أسكت الباكيات و أخلف الكيه
قوله أبو فاطنه يا الصادق خساره عليا


الملة





_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة مايو 16, 2014 8:28 am


يا مله

الدكاك تدكو وحبلو ذاتو تفكو
وكان جاك بالعصا بالحربه عجل شكو
كان مثل نساك أوعك كتابو تجكو
ورقك كان سمح كيتاً عليهو تدكو



منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت مايو 24, 2014 6:28 pm


الباب أقفلو وأوعك تخلى متاكا
والجالب الهموم أختاهو لو كان جاكا
ما تقبل وراك للضهرو كان أداكا
بعشم فيك عقب للباب بزح ببراكا


منصور


شيطان الشعر الليله جاري وراكا
ذي شعر المحلق في جبال التاكا
يا منصور منابع شعرك انت براكا
محال نقدر نجاري الجايه من تالاكا

عبدالله الاسد


شيطان الشعر عاصرنو لمن كاكا
وسففنا الدريش حصحاص ولد مرحاكا
شعرو بشيلو مننا كان قبل غشاكا
ما يقولك مخازنو مغار جبال تركاكا




منصو ر
عنقان الأرايل جن يتتان قدله
وصهبن من بكار زاينات صدورهن جدله
وجاجات وجوهن خايله فيهن هدله
فيهن مس كهارب من عيون منسدله





منصور
إتنين في فرستك أصلو ما بنتغالتْ
يا التِعِلْ الملتْ مويتو الوَدِّينْ وسالتْ
واحدين رفقتُن مِتلْ الحَكومة إن طالتْ
آ بتقضي الغرد لكن بنسمعا قالتْ

الملة


إتنين في فرستك أصلو ما بنتغالتْ
يا التِعِلْ الملتْ مويتو الوَدِّينْ وسالتْ
واحدين رفقتُن مِتلْ الحَكومة إن طالتْ
آ بتقضي الغرد لكن بنسمعا قالتْ

الملة


عبران المقدم بى أبلعوت جات وارده
وفيهن لون دهب كبد الختمهن هارده
صى الصحارى سمومو جابن شارده
باعن وأشترن بالكيلو ناس واليارده



منصور


شافن مرفعين قمزن خيولن عارده
ودفقن مسكهن روح المتيم زارده
كسارات قلوب فى الغى مدربه ماردة
للأرواح تكهرب لا بتعد لى جارده



منصور








_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد مايو 25, 2014 6:31 pm


ياخ نجر الشعر زى نجر الحوايا صعيب
وزى رقلى العنانيف خايله بالركيب
ركاب الأصاهب ما بكرو بالشنكيب
وما بسليهو غير أصوات غنى اللنقيب


منصور


بهمن من عنيزه حليب لباها أتربا
ودهبن مو مضهب فى محافضو معبا
آخ أنا من سماحن جابنى حافى أتدبا
دا الخرق العوايد فوق شقيل داك شبا


منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء مايو 28, 2014 6:31 am


نحن عيال سرور دايما علينا بطاره
ونحن عيال سرور عند ضربة النقاره
عند موجب الرجال مافينا من بضاره
نحن بندخل الوكره المولعه ناره



العم الزين الإمام حسن البدرى


المنصور سلاااااام ومعزة
وصباحك دعاش وبغام روينة ...
شوف كباشي قديم قال:


معِزة الخلا البي السيسة شقَّن ونقَّن
دردورهِن جفل بي البادية كلُّو عنقَّن
أُمَّات دقيماتن خلق ما إندقَّن
قلبن والفِن لي ديمة ما بِتيقَّن

وشوف آخر
صيدن دودرو النوَّاش غلب في كسعتو
زايع راسو من ضرب السريعي نزعتُو
ضربتو خطيتو نيشاني إندرق بي تحتو
عقبا ن ليهو رصَّاص أُم محيجين بعتو


محبة صادقة
ودالمقدم


المقدم ود المقدم يالشاعر الراوى يمك ديمه بفرح يا الهميم الواعى
ولك السلام


بنات محريب لماهن كبد إبل مِتْزرْقِنْ
وعسلا للبنونى لهيجها حالى مِشرْقِِنْ
سهم العين بصيبك كان لَبَدْ مِتْدَرْقِن
وكان لابس حجاب أو لو بقيت مِتْعَرْقِنْ

منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس مايو 29, 2014 8:22 am

بهمن من عنيزه حليب لباها أتربا
ودهبن مو مضهب فى محافضو معبا
آخ أنا من سماحن جابنى حافى أتدبا
دا الخرق العوايد فوق شقيل داك شبا
منصور
مرقن شوقرن من الضراع ماصبَّا
فتَقْ ليهِن شِقيلن عِرقُو بان ماتغبَّا
سواري النترة جاتهِن مطرو أرعد وكبَّا
وسيد فرزاعة لي التَّيس البعافط دبَّا
جك باريها منشط تاني ضوبع وخبَّا
وإدَّارق بي الشدير كتم النَّفس وإتخبَّا
بعد ماخَطَّ سيبتو ولي أُم محيجين عبَّا
قلج قارحها قدامْهِن هباب ما شبَّا
ودالمقدم
"أم محيجين نوع من الزخيرة ، والسيبة شعب او عصي توضع فوقهن فوهة البندقية
لكي يكون التصويب دقيقا
محبتي

عبيد الطيب


بنات محريب لماهن كبد إبل مِتْزرْقِنْ
وعسلا للبنونى لهيجها حالى مِشرْقِِنْ
سهم العين بصيبك كان لَبَدْ مِتْدَرْقِن
وكان لابس حجاب أو لو بقيت مِتْعَرْقِنْ

منصور

غتميل السِّحاب والسماء المتزَرْقِن
زاد شرفيبنا لي من المدامِر مرقِن
المعزة التوقرن من الأنيس بِندَرْقِن
خلَّن قلبي بُوص كبدي وحشاي أنحَرْقِن
ودالمقدم

بهمن من عناق مكلوفه من إكسير
وأمها من مراح كان للقلوب كِسِيرْ
دهب العنج وين ما بتودى بسير
ويا الأسد الهمام بتدور عقب تفسير




منصور


بنات محريب لماهن كبد إبل مِتْزرِّقْ
وعسلا للبنونى لهيجها حالى مِشرِّْقِِْ
سهم العين بصيبك كان لَبَدْ مِتْدَرِّْقِْ
وكان لابس حجاب أو لو بقيت مِتْعَرّْقْ

منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين يونيو 02, 2014 10:28 am

بهمن من عنيزه حليب لباها أتربا
ودهبن مو مضهب فى محافضو معبا
آخ أنا من سماحن جابنى حافى أتدبا
دا الخرق العوايد فوق شقيل داك شبا
منصور
مرقن شوقرن من الضراع ماصبَّا
فتَقْ ليهِن شِقيلن عِرقُو بان ماتغبَّا
سواري النترة جاتهِن مطرو أرعد وكبَّا
وسيد فرزاعة لي التَّيس البعافط دبَّا
جك باريها منشط تاني ضوبع وخبَّا
وإدَّارق بي الشدير كتم النَّفس وإتخبَّا
بعد ماخَطَّ سيبتو ولي أُم محيجين عبَّا
قلج قارحها قدامْهِن هباب ما شبَّا
ودالمقدم
"أم محيجين نوع من الزخيرة ، والسيبة شعب او عصي توضع فوقهن فوهة البندقية
لكي يكون التصويب دقيقا
محبتي

بنات محريب لماهن كبد إبل مِتْزرْقِنْ
وعسلا للبنونى لهيجها حالى مِشرْقِِنْ
سهم العين بصيبك كان لَبَدْ مِتْدَرْقِن
وكان لابس حجاب أو لو بقيت مِتْعَرْقِنْ

منصور

غتميل السِّحاب والسماء المتزَرْقِن
زاد شرفيبنا لي من المدامِر مرقِن
المعزة التوقرن من الأنيس بِندَرْقِن
خلَّن قلبي بُوص كبدي وحشاي أنحَرْقِن
ودالمقدم


بهمن من عناق مكلوفه من إكسير
وأمها من مراح كان للقلوب كِسِيرْ
دهب العنج وين ما بتودى بسير
ويا الأسد الهمام بتدور عقب تفسير




منصور
بنات محريب لماهن كبد إبل مِتْزرِّقْ
وعسلا للبنونى لهيجها حالى مِشرِّْقِِْ
سهم العين بصيبك كان لَبَدْ مِتْدَرِّْقِْ
وكان لابس حجاب أو لو بقيت مِتْعَرّْقْ

منصور


هاك يا العبيد يا مقدم


صيحة عوك بِنَقْمُزْ للبدورنا رباعه
زى نهمة أسود عند العرين لباعه
كَبْدَنا لينه دايما للرغام نباعه
يابسه كما الحجر وقتين نغير رداعه


منصور حمرة نقع الخلاء الدوم للغزال شبّاعه
فيها بكاكى هضليم طارده لى سبّاعه
زى فرش الحرير عند الكسوع رتّاعه
فيها تشوف عحايب من معيز رنّاعه


منصور


فوق أب رادعة يا المنصـور وردنا جماعة
حاقبين الكللش والفصــوص لماعـــة

أب عـرف المكجــر والكتـر شـراعـة
نزلتهـن دغـش يا أب آمنة شـد براعا

ود الشايقي


قواصع ضيب خلا ودومن كتر نباعا
من رقلى السموم والشم شرار فى شعاعا
زوزايات عصافير للدرب هباعا
لى ملال حصاها كما النعام جداعا


منصور






_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين يونيو 02, 2014 10:40 pm


شكرا منصور
شكرا الشايقي

قطَّاعة الفجاج لبَّاعة
وِزْرة سيدها تميتك لي الوَلَع فرزاعة
رِكِب لي دروها كاكليتن معاهو جماعة
دج حاروكها بي القوز الحدارتو هكاعة

عبيد الطيب

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء يونيو 03, 2014 4:00 pm


أبشر يا عبيد أبشر بالخير

خوجال يا العبيد توبك مجرجر عزه
وضباح للأصاهب ما بتجز الوزه
للضربو المحل مرحات سخاك بتدزه
ولبنك بالسقو ماك البخيل بالبزه

منصور


الطيب محمد علي قسم السيد الكباشي
شبه الجاهوريح بارود ووقَّل وغزَّه
ولاَّ الباين الصّيَّاد وشررف وفزه
يالموزون قوامك ومن وسط منحزَّه
ريدى معاكى ريد عفه وإصول ومعزَّه

عبيد الطيب

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت يونيو 07, 2014 7:21 pm

مرضان بى غرامهن لا قنص لا مزّ
من درفون صغير لامتين سكيكو ورزّ
عبران الصنق بدع جمالهن شذّ
من كل خلقو زايد فى سماحهن بزّ


منصور


فى فصل الخريف يا ربى كيف العودة
لام قلبا شفيف كل الطرق مسدودة
يا قلبى العفيف دايما وقعتك سودة
روح لا تقيف الحب طريقته وحيدة
شد سرج الغرام و اركب خيول الريدة


أنا أخو الجميعاب


قصب السكر الرويان نضيف من بوده
منو قرعنا للآفه ورسمنا حدوده
مشتول الجروف أرضك قرير مى فوده
نحن قبلنا شرطك والصعاب وبنوده





منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد يوليو 27, 2014 10:47 pm

ديفة النقَّا بي الدَّوْ الفتق سيَّالو
باسو الليلي ضحوية فجُر طابقالو
معشوقك صحابو بقولو كُرْ من حالو
والزاروهو قالو العافية تب ماها فالو


ودالمقدم





فوق نايب لزوم طالب الدوام هامالو
شاق درك التعول لا بقسى لو همالو
من قعر القراف جبد الصقيل تلالو
نهر الفوقو فو قطع الصنق وطوالو



منصور


الناس فى المحك بتبين خبايا عيوبا
وكوكن فى المخاد بوروكا ما بوعوبا
بيك حرينا لعبو وتانى غنو الْعُوبا
وظانين فيك خلاس تبقالن الألعوبه



منصور


خربوها البينا ديك فاتوها فعلة سوبا
خمو قطر جوايز مَلَحُوها ذاتا عَجُوبَا
سوولنا البدع لامتين بقت إعجوبا
صدق الخوه داك بالكيد فجُر عٌجّوْبا


منصور

كمسنجي الفراق لي البقجة شالا وكرب
وفي كرسي الامل شباكو ناصية مزرب
كيس تمباك غليد وعلبة سجار اتسرب
ونوكيا الجن معاي كيباتو ما بتتعرب

الملة عمر
مستشفى العيون جات فيهو أريله ماشه
تشبه حبة الدر أم جمالاً راشه
مرضانا ونصيحنا والمدير والباشا
جت شالت عقول الناس وقدلت ماشه


الملة عمر

أجمل من دهب شيبون
وأجمل من قمر عشرة البضوي الكون
سوت قلبي كورة ومثلتلو فنون
مرة تشوتو أوت ومره جوه القون
"تقول لي روبن فان بير سي"


الملة عمر

فناجرة دار سرور أهل الربط والوحل
وأهل النجده والدرك المشيهو وحل
أهل القمزه بالخير للبصيبو محل
وأهل الآفه للخطاى بجوهو نحل




منصور


مستشفى العيون جات فيهو أريله ماشه
تشبه حبة الدر أم جمالاً راشه
مرضانا ونصيحنا والمدير والباشا
جت شالت عقول الناس وقدلت ماشه


المله عمر



عينو على التتك قناص هبر ما ناشه
شلعت فوقو نور كجام زَرِدْ كماشه
كمنو حداها تمرق زى فرق دياشه
نبلت من كمينن لا قبض لا حاشا

منصور


زي مهر السبق في مشيتو و رحيلو
ضامر هافو تُقل أردافو هدن حيلو
طلقولوا البخور جدع عقودو و تيلو
طبق البوخة قام عرقو الصفيح ما يشيلو


الملة عمر

واحد وأربعين بت اللمين عبد الله
لا حامت فريق لا جالست خلق الله
نهدك برتكان حاجبك هلالا هلا
رقيقك طعموبو الشاي بعد ما حلا
الملة عمر

النايب البشارى الداب برك يا دوبو
أجزرو للكريم الجانا قالب توبو
البكره أم تنى قبال يقوم بتنوبو
يبقى شريك جناها يقاسمو فى طنوبو


أبشر يا أسد لك الأبواب مشرعه وعلى شرعة أبو حنيفه تمهل


منصور


انحنا اسيادا وكت الناس تدنقر روسا
وانحنا مكوجنت غيرنا ان قست لو نعوسا
نحنا الحارة كان عدمت جزم بنكوسا
ونحنا ان جانا فرعون بلقى نصنا موسى

الملة عمر

انحنا اسيادا وكت الناس تدنقر روسا
وانحنا مكوجنت غيرنا ان قست لو نعوسا
نحنا الحارة كان عدمت جزم بنكوسا
ونحنا ان جانا فرعون بلقى نصنا موسى


من طرف المله عمر



نحن القال جبل نسويلو شغل السوسه
وإن هبلت جحيم نحن الرجال بنسوسه
مكن اللطام فى الحاره نحن تروسه
نحن فى القبايل للمقلهت خوسه



منصور

كوجانة غيرنا عنيه نزلو لينا يعوسا
وكان رفع القنايه الفينا بعرف عوسا
نحن جزمنا جاهزه الحاره وين بنكوسا
نحن علمنا فوق علم الندور منكوسا


منصور


نظام الحديث ورسام حروفو. قوافي
وركاب لي سروجو ومظهر المتخافي
منصور العزيز والله كلمك كافي
ودايرين المزيد ودايرين كلاما شافي

إمام الزين

شوف الزمن شقانا صى وفيافى
شتت شملنا وبلعتنا غربه منافى
يا ود نور هدى جنب الكلام الوافى
يا ملك السخا الماك البخيل الجافى



منصور

بت عمسيب خلاس جاك الفكى وحيرانو
وكدكتو المدير شعللتو لى نيرانو
كان قايلنو بقره وراهو ديش تيرانو
تربسو باب شروركم ما تكوسو لى حررانو



منصور


محمد حنفى حاج الطيب

ما تشكرلى أصلو حمار
كان فى نتيجه ما برميهو جحر الفار
عجبى الدومو نازل حــِرتى فى الفَقَّار
ود ابل الشروق ابو لاحض الخطــَّار

* على الشيخ



يا حنفى الحمار حوبتو بتزيدو ندار
قراب الأماكن وين بحجرو نهار
شيال الرويّن بروى للبذار
وجياب التقيله إن شاء الله تبقى حجار


منصور
جَيْتو علي الدروب كالقنبلة الموقوتة
كل ما مر جاي الخطوة تابا وافوتا
مقارنة بالسلاح والعسكر البي بوتا
عينو تفجو بحرك وتبلعك بي حوتا

ود حمزه


وين يا المن من ضمير الريل قوامك بالمقاس منحوته
وين يا المن شعاع عينيك كهارب فى القلب محتوته
بريبة الباجا إنتى المن نجف مخروطه
فيك كسرو الركب متل الإبل مربوطه



منصور
حالّي العقدة ما دايرلو قول ونصيحة..
كلما تمسي تبقى ايامنا بيهو صبيحة
الشايقني بي ريدتو وبزيد تبريحا
خلّا قلوبنا بي دوبايو بايتة جريحة


ود حمزه



إن قالت الغلط بنقول أكيد هى صحيحه
وفيها مرضنا نحن وهى الباقيه فينا نصيحه
يا ورد القيام بنشيلو بالتصبيحه
للبالج وشيها وداعجه حادقه صبيحه


منصور



_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد يوليو 27, 2014 10:49 pm



حكاية أغنية يا مولاي وكلماتها كاملة

الجيلي الشيخالجيلي الشيخ
من عمق عمق اعماق البادية خرج علينا الاستاذ الشاعر المجيد / علاء الدين كمبال ود البيه بكلام معسول اختاره لنا من عدة خلايا نحل ، هى اغنية المدهش فيها ان تؤلف من شعراء سته ، اختيار استاذنا ود البيه للمربعات الشعريه ممتاز ، كدى نستمتع بكلمات هذه الاغنية ضربة البداية من الاستاذ ود البيه بهذا البيوت
يا مولاي اه من غلبى
من النارو حرقت قلبى
الشاعر الفحل القارح محمد شريف العباسى بجمله المسمى التلب يصف حالته وحالة التلب وهو ذاهب لديار المحبوبة ، والسفر معروف معاناه وعطش وقلة نوم وتعب التلب موصوف بدقة
يا مولاى بشكيلك شقايا وغلبى
وحظى الديمة من رد الانيس جافلبى (( الرد بكسر الراء هو المكان ، الانيس هو المحبوب ))
وطالت السفرة واتحفت مناسم تلبى (( تعبت خف جمله التلب ))
وهب الريم وعاودك الحنين يا قلبى (( الريم بفتح الراء ضرب او نوع من النسائم المنعشة ))
مالك نفسي مطعونة وتملى تنينى
ما لك عينى الغميد ابيتى تلينى
عطشان كفح الموية ما يروينى (( كفح الموية هو الاستعمال او شرب الماء بشراهة ))
كا تلانى الطريفيه البريدا قرينى (( الطريفية هى الظبية ))
غصبا عنى فارقت الضريح غير امرى (( الضريح معروف ولكن هنا كناية لمنزلة المحبوب ))
وكل ماهب نسام منو زاد فى جمرى
جرحى القرب يبرى كاد يودر عمرى
عودو لى تغريد بلبلك يا فمرى

وهنا كلمات الاغنية كاملة ،، مع انه من الصعب تواجدها كاملة

يـــا مولايَ بشـــكِيلَك شـــقايَ وغُـــلبي
حظِّي الدِّيمَة مـن غيبة الأنيـس جـافِـلْبـي
طــالْـتَ السَّـفْـرة وانحفَّـت مناسِـم تِلْبـي
هـبَّ الرَّيـْم وعــاودَك الحنيـن يا قلـبـي
***
مالِـك نفسـي مطـعــونـة وتمَـلِّـي تنيـنـي
مالِـــك عينـي للغمَّيـــد أبـــيـتـي تليـنـي
عطشان ديمة كَفـْحَ المـويـة مـا بروينـي
كـاتلانـي الطــريفـيـة البـريـــدا قريـنـي

***
النَــاس عَيـَّـدَتْ مَــرَقتْ عَــلَي أصْحَابَا
وانا فرَّيتْ عَلَى الجَاهله السَمِحْ تِرحَـابَا
فَـاطْــراً يحكِـي بَرَّاق البِـدَودِي سِـحَابَا
لفَّــتْ قَــلَبي زي لفْ طَـرْحَتَا اللافحَابَا
***
اتَمنّى الدهب لو لونهُ يشبه لونِك
واشتهت الدرر لو هي تبقى سُنونِك
مجنون ليلى حالتو اقل من مجنونِك
ما دام ليلى كانت في المحاسِن دُونِك
***

غصباً عني فارقتَ الضريح غير أمري
كــل ما هبّ نسَّــام منُّو زاد في جمْري
جرحي القرَّب يبرا وكادْ يودِّر عـمري
ردَدُو ليَّ تغـــريد بـُلبــلك يا قُــمري
*****
أَخَدَرْ لَيهُو ضُلْ فَوقُـو المَحَاسِنْ شَـرَّنْ
أَفْلج فَاطرُو زَي برق السَواري الكرَّنْ
يِتقَسَّـــمْ مَقَاطِـع في المَشِــي ويتْحـرَّنْ
زي فــرخ القطـا الأمَّاتو رَكَّـنْ وفرَّنْ
***
عــــمي الهادي نشّاب البريدا ضربني
قسّــــم نومــــي من تيبَان حيايا سلبني
حاكـم انصافي أبي يقبل سؤالي صلبنى
صبري الكان جميل جربتو و كلو غلبني
***
من البيتْ جَــا طَــالــع بيْ لُطُـــفْ يتكَّـلْ
الطِّــيب المَفَـحَّــلْ بْي القُــرُنفُــل عَكَّـــلْ
فوق سَدْرُو وتحتْ تَوبُو الَرهيف ومَشَكَّلْ
يَغـطِـــس ومَـــرَّة يقْـلَع بُرْتُكانْ البركَــلْ
***
ختَّتْ أيدها فـوق إيـدي انجذبـتَ خِــدِرْتَ
حبيت أمشي من كُتر الطـرب مـا قـدِرْتَ
بقــت الحنـَّة بيـن إيـدي وأيديهـا انـدِرْتَ
لـولا الحنـَّة بينـي وبينهـا كــنـت ودِرْتَ
***
شـــعـرِك منتظـــم زي السـلاسـل فتـْلـُو
وعينيكِ ترقِّص الحجـر إن بقـت شافتْلُـو
الطـاؤوسة قاصـدة مشيكـي مـا عرفتْلـُو
واعصـاب الـرءآك اتكـهـربـت تِـلْفَـتْـلُـو
***
كَـوْنِي حَلِيفُو مَـالُو عَليَّ بِعْلِنْ حَـرْبُو
طَـالِعْ سَـعْدُو في شَرْقوُ وَمُنَوِّرْ غَرْبُو
سَيَـانْ عِندِي وَاحِد بُعْدُو أو كَانْ قُرْبُو
مَا بَـارَحْني في مُرُورْ النَفَسْ بَشْعُرْبُو
***
ممشُــوق القــوام المــا وجــدتا مثيــــلو
خصامو معايَ أخير ليْ من محنَّة غيرو
جافــانى العـــزيز الكنتا ديمـــه نصـيرو
هو يسـوِّى الغلط وانا اسوِّي كتَّر خيرو
***
أَحْ والوَحَّـــه مَاب تَدُورْ تَفَــارِقْ قَلْبِي
أحْ من نـار فلانة وجرحها النوسربي
يا نفسيِ الَصــبُر لوُكيهُو لا تنْسَــلبي
الحَظْ مَا بدُومْ يَومْ غَالبَة يوَمْ تنغَـلْبيَ
***
عن من أحبـُّه غيـر خاطـري أنا فُـرِقْـتَ
هائج بي غرام عن حالتـي كلـي سُرِقـْتَ
لولا أدمعـي مـن نـــاري كـنـت حـرِقـْتَ
ولولا ناري مـن كتـرة دموعـي غرقـْت
12 hrs · Like

Munswor Almophtah
القصيده هذه جموعيه صرف قرار من محكمتى العليا فالشريف العباسى هو إبن الشاعر الفحل محمد سعيد إبن الأستاذ محمد شريف نورالدائم إبن الغوث أحمد الطيب إبن البشير وهذا جمام نباع سيال فياض وهنالك إستلاف من شاعرنا عمر محمد حسن فى هذه القصيده من قوله
هديك المكنى جات سيف النصر تقدلبو
ديك المكنى جات جسمى العلى بتسلبو

فيا دكتور حسن وجدنا فى هذه القصيده القطفه والعقره وذلك وسمنا وأحسب أن شعرائها من جماعتنا وأبصم على ذلك وسأحاول إستفسار
أبوقطاطى عن ذلك

عــــمي الهادي نشّاب البريدا ضربني
قسّــــم نومــــي من تيبَان حيايا سلبني
حاكـم انصافي أبي يقبل سؤالي صلبنى
صبري الكان جميل جربتو و كلو غلب

منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد يوليو 27, 2014 10:50 pm


صهلن خيول الريد وبرجن للرقيص
قمزن كلاب الشوق إشابن للقنيص
بريبة طلح دهب الكون قصادها رخيص
وزى طلب الملوك مقصوده بالتخصيص


منصور



_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أغسطس 23, 2014 8:00 pm


شوق نحل الشويدر فى الملاين لسعو
وشوقن يوت بزيد قط ما وصل لى تسعو
زى دهب العنج فى القيمه زايد وسعو
وكبسو الناس على دابين فشانو بيسعو




منصور


شفنا الصيد قدل طالب المشيرع وارد
وشفنا دفق جمالاً من قبل مو وارد
ينبوع السماحه الغيرو مافى موارد
عجن الروح عجن هلاك قلبنا وهارد


منصور


إن كجو الشرك فسراع تشوفو تهبرو
وكان حفرو البحر للريد تقيسو تعبرو
كان جَرّت شخيت مافيش بشر بتعبرو
ويات من قال ولد بى إيدو بحفر قبرو


منصور


لحم النوق سلات إن جيتنا يوت بشوٌكا
ولبن الطير شراب بالكوز سرف بملوكا
إن جيت زول كماج بتجيك خيولهم روكه
وبتجيك نوع سيوف من ناس على وممروكه



منصور


شوقن من معالق الجوف إجيك وإنتى المبلمه حافيه
وشوقن ريدو ليك ما فيهو خصلاَ خافيه
شوقن فى الثبات ما فيهو لاماَ نافيه
شوق الزول سقيم أحلامو بس للعافيه

منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أغسطس 23, 2014 8:04 pm



قمر الجمعتين الفوق سمانا مدوّرْ
ودافق ضوو فى ليل شوقنا كاشف ونوّرْ
رمحك من رماة حدقن خفسنا وغوْرْ
وفتق فينا نار جرحن قديماَ توّرْ


الماس والدهب من ريدو ما صدنى
إلا نبل رماحو المن بعيد صادنى
شبكات غيو داك بى مكرو هن رصدنى
متل القام مباحث جن عديل قصدنى




منصور



حجر الريد وقع من جبلو نحن قرشنا
وكايسين شوفتو ساكت فى الحصايه درشنا
يا دوب ساسو قام من شوقنا نحن عرشنا
وشاف ود عينو داك لى جيْتو نحن فرشنا


منصور


بكرة شام شروق رعايه لى حيرانا
وراعيين نحن بيها وبينا مى داريانا
قانصين بالسلاح لى شاعره لى حاريانه
مرقن خيل هوانا من الدروب حيرانه


منصور


نون النسوه ما بتقبل حروفن نافيه
وما بتقبل أمر دايماَ غريقن لافيه
بى كف عيسى فيهن لينا دايما شافيه
ودايماً نلقى فيهن سر كمال العافيه


منصور


هن بطيخ جروف ما بتلقى فيهن لاقى
ودايماً قسمتك فيهن جزم بتلاقى
سيد زرعو السمح طالق بخورو وساقى
أوعك من شناف أحذر حساب ناس تازقى

منصور





_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد أغسطس 24, 2014 10:26 am



هن زي الفخار هين و ساهل كسرو .
بكرمن النجيض العالي دايما قدرو.
وصانا الرسول قال صلو ليهن استرو .
و الما بكرمن واجب قصاصو و بترو .


حافظ محمد أحمد الولى


قال هن زى قزازوإكرامنا ليهن وأجب
وبظلمن اللئيم دايما بصونن ناجب
سيد الكون وقال فيهن شروط وعجايب
ونص الراى دا هيلن حق أصيل ونجايب



منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت سبتمبر 20, 2014 11:30 pm


كل ما نقول ندور نملأ العيون من شوفك
يقرعنا الحرس لا نقول سلام لا نشوفك
جوكر كر نجر ما بغطى لى مكشوفك
وشوفو حسابنا ليك ورينا خافى كشوفك




منصور



عند الله الكريم بندور دوام رفعانك
وبندور يسعدك أجراً على عرفانك
نحن غفرنا ليك بندور فضل غفرانك
وبابنا فتحنا ليك بندور إذن خُفرانك

منصور


عبران المفازه المن قنيص فزازه
كيف تنحاش بلا البكره أم فقر نزازه
أم قربين معمره فى الضرب رزازه
ما بتصيدا ديك اللدنيب هزازه


ألمى من السعن بالقرعه مافى قزازه
وشيتك فوق جمركانونو داك هزازه
فى نظم الكلام الناس معاك معازه
ضيفك بتلخم كبد الإبل مزازه




منصور



بلداً ماها هيلك مابفيدك صكو
وضفراً ماهو ضفرك مابمتع حكو
قفطان الحرير الفصلوه أمجكو
مابستر عرض عريان وحايم إمفكو


عبدالله عباس


الخلاك وفات أوعاك تبارى تسكو
وكان جاك تانى صاد من عالى جبلك فكو
القفطان قطن خابرنو قاطعين شكو
وستار العروض ما بقولو ماشى أم فكو


منصور



بقّ وفوقنا دوّرْ زى قمر دورين
ووجّنْ فوقنا ضون جوز خدود بدرين
بريبة الطلح دى المابتدور دربين
وِرْدٌكْ فى الغرام بِطِبْقو ليك وِِرْدِينْ



منصور

الليلة البلوم طربان يقوقى ويصيّح
والعاشق ينوح لامن صباحو يبيّح
عناب الحجاز فدّع غصونو بميّح
ترا الحارق حشانا ولى قلوبنا مسيّح

من مسدار القمرية
الفرجوني



مرحات ألبل الفرق الأراك دوَارِّنْ
وعنقان الأرايل فى الشقيل دودارِّنْ
حراس الرزق دا المابدور ودّرِانِنْ
مرضان شوفتن ما بشفى غير حدرانن

أبشر يا مله وأبشر يا فرجونى

منصور



ود مفتاح دخل جمله اب كريق قدام
وبتلفت تقول كركون سلاح ما نام
البارود هرج ناره التقول هدام
سيف اجاداده فوق فقر الرجال كزام

المهندس عبدالله الأسد

أسدا كان أبوك زمن المحاصات هام
وكان درق العقيده الفيها مات ما هام
ركاب أبوسدر للضيف كريم همام
وعراف العبرّنْ فى القنيص هيام


عبدالله الأسد ياخ رحماك إمتحانك عسير والشكر لك والسلام

منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء سبتمبر 23, 2014 7:58 am



نياش القلوب أرواحنا ذاتا بنيشه
وسايقنا ومرق شاحنا فوق تكويشه
دياشى الغرام فوق كابو رافع ريشه
عارف زر هوانا وروحنا حافظ فيشه


منصور



_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أكتوبر 11, 2014 9:40 am

الليل شايلو شوق ودانى بلدك شاقى
وشايل ريد سنين شاحن معاها أشواقى
ريحة عنبرو التوّرْ على عشراقى
فتق جرح أزاى يا بدرى وين عشاقى

منصور

زولك جاك بزح إلقاك مساهر هامى
وخرمان يا الشهاك شاهيك غدربو ورامى
يا الحادق اللهيج أنا قلبى عشقك رامى
ونبتن فى القلب شتلات هواك وغرامى

منصور

ود عينو إن وقع فى العين بنضمن جَهَرو
وفيهو جنس جمال يات من قنصبو انْقَهرو
معدوم متلو مافيش قطْ طبيق فى دَهْرو
يا فرس الرهان مافيش بدالك مهرو

منصور

زايد فى السماح دايما بهرشك أسدو
وديمه الناس تحن لى مثلو لمن حسدو
هبار للشرك جبخان قنيصهم فسدو
وتجار الغرام بارت عروضهم كسدو

منصور

ماهر فى الكلام تحلف تقول دحدوح
وعزاف للحروف وسط الجميع ممدوح
شدر الريد تظنو بغنى ديمه تسوح
وتفضح سر هواها الكاتمه كلو تبوح

منصور

يا راعى الظروف أرواحنا أرعى لحاله
وعقد الريد نجيك بندور تكون حلالا
راكبين فوق تلوب متل التقول رحاله
وأمسح للقديم تبنا الذنوب أمحاله
وقت الباب قفل والشوفه قالو محاله
طلقت فينا نار متل التقول ملاله
العين شاف غزال قام بالصنق فلالا
رجفت روحو لا صاد لا صبح حَلّالّه
منصور

بلقيس فى الجمال محروس حراب وسيوف
والزول كان جبل إن شافو بس منسوف
إن مرق الصباح شمس النهار مكسوف
وإن قدل العشاء قمر الطلوع مخسوف

منصور

حَجُونا وصنفنا وقالو فيهو حكاوى
وشفنا جمالو فى عين العجوز الراوى
عينو عديل تَشِلْ وكان لمسنا بداوى
نشال للقلوب ما بسويّ زيو الحاوى

منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أكتوبر 11, 2014 9:45 am


صار العين بنشن للمكارم صادا
وصداد للأعادى أكان إسود صيادا
المحن إن حبن عرافا ست رصادا
بقطع دابره وأبوابا ديك وصاده

منصور

كلابة الزمان عكشتنا بى سنانا
ودرش العيش طحين عركتنا فى مسحانا
هبلت صاجه حار عوس العجين ماسحانا
لامن عينا طلعت وأندفق سححانا

منصور

درناهو المروق وإن شاء الله جيهة أمبده
وسوق الناقه نغشى وفيهو يوت نتغدى
حياة الغربه مره تسوى وجع الغده
وفيها شبابنا راح وأتشالبتنا المده

منصور

كبور الطلح فوقن تعولن كَبّن
وعبرانن شَبعْ ضِرْعات حليبهن لَبّن
كلاب القنيص متل النهرت وتبن
وزى رصاص بنادق لا حَرَنْ لا أتْدَبّنْ


منصور


الجيد جيد غزال والوش قمر وجاج
والعود من نخيل والساق حواها العاج
القول عندو ما بَعتَرْ ولا بتقدر تقول لجلاج
ونضمو بضفرو زى شغل القِبَطْ نساج
منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس أكتوبر 16, 2014 1:58 pm


مالك كدكوك بى صره عن كاجور
واللا سقوك محاية شيخ بسوق باجور
بابك تربسوهو وبالحديد مكجور
وفوقو وقف نبطشى العسكرى الماجور


منصور



_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس أكتوبر 16, 2014 2:07 pm


الليل شايلو شوق ودانى بلدك شاقى
وشايل ريد سنين شاحن معاها أشواقى
ريحة عنبرو التوّرْ على عشراقى
فتق جرح أزاى يا بدرى وين عشاقى


زولك جاك بزح إلقاك مساهر هامى
وخرمان يا الشهاك شاهيك غدربو ورامى
يا الحادق اللهيج أنا قلبى عشقك رامى
ونبتن فى القلب شتلات هواك وغرامى


ود عينو إن وقع فى العين بنضمن جَهَرو
وفيهو جنس جمال يات من قنصبو انْقَهرو
معدوم متلو مافيش قطْ طبيق فى دَهْرو
يا فرس الرهان مافيش بدالك مهرو


زايد فى السماح دايما بهرشك أسدو
وديمه الناس تحن لى مثلو لمن حسدو
هبار للشرك جبخان قنيصهم فسدو
وتجار الغرام بارت عروضهم كسدو


ماهر فى الكلام تحلف تقول دحدوح
وعزاف للحروف وسط الجميع ممدوح
شدر الريد تظنو بغنى ديمه تسوح
وتفضح سر هواها الكاتمه كلو تبوح


يا راعى الظروف أرواحنا أرعى لحاله
وعقد الريد نجيك بندور تكون حلالا
راكبين فوق تلوب متل التقول رحاله
وأمسح للقديم تبنا الذنوب أمحاله


وقت الباب قفل والشوفه قالو محاله
طلقت فينا نار متل التقول ملاله
العين شاف غزال قام بالصنق فلالا
رجفت روحو لا صاد لا صبح حَلّالّه


بلقيس فى الجمال محروس حراب وسيوف
والزول كان جبل إن شافو بس منسوف
إن مرق الصباح شمس النهار مكسوف
وإن قدل العشاء قمر الطلوع مخسوف

منصور


غافر برضي لي محبوبي يسعد ياهو كل مناي
يرفل في نعيم الدنيا اعيش انا في محيط مأساي
مايهمك عشيشنا البدري يومو الوصلتو الهبباي
هايم كل عزاي طمبوري بلهـج ولي الجمال غناي
ياما في الغرام في مظالمة محرومين وماني براي

وضاحة

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد أكتوبر 19, 2014 12:55 pm


حال الدنيا دايما يوم تشيل يوم تدى
يوم تديك عديل ما تقدرى ذاتو تعدى
ويوم ما تقوم عليك ماموره وين بتبعدى
كلو قدر كريم راجيك براك ما بعدى




منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين أكتوبر 20, 2014 6:28 am


صندل عود كلام بشويش براهو نجر
ومسك الود دا شايلو وزارعو غابه شجر
مخبور بالنزاهه وفى الوظيفه كجر
والـكــلب إن نبح فوق راسو ما بقول جر



منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد نوفمبر 09, 2014 4:38 pm

اليلة الصعيد هبهب فروع النيم
وبوجد نفسي في الغرغير مفارق الليم
وين العنقو باهي
ليل وصدرو مكجرو الهضليم
ضقنا ليالي كان الزايله فوقها نعيم


الليلة القليب لف واتذكر عرب جقداه
اضرع بالفجاج يا تيس قنه عاد بزياده
بلد السكسكانيه أم جمالا ساده
أهجموا الليلة أوعاك تخلف علي ميعاده

دقش



بى مرحاك غرامو عضانا ضرا دريشه
وسالبو جلد هوانا وروحنا ماعط ريشه
عسلو وسال بحر من عنبه فوقو عريشه
وقسيان شوفنا ليهو وديمه فى التقريشه


منصور

قمريتين كبور خالقنا أبدع فوقن
وليهن كال خصال بدّع تمام فى طوقن
سيالات حسن راكات دوام وبقوقن
وطاربات الأهل وقتين ينومو بروقن




منصور


ليه ضويتي بي سنّك مداين غيري
وليه أصبحتي فوق شجرتنا ما بتطيري
بعد شربت غنيماتك دفنتي حفيري
لو زعلانة عمّري ليك رباعي وغيري

أبو بدري البدري


كل ما نقول نجيك نلقاك عساكرك واقفه
وكركون للشرف خالعنا والروح راجفه
كان عرفو العلينا أكان تصيبهم واجفه
وكان يبست كبادهم وأضحت قلوبهم ناشفه
منصور


الشتا جانا بي بردو وسحابو الدّكن
ولسه قيودنا من أم بادر أبن ينفكّن
ود اللّريل اللماتو بالصي جكّن
فراقو خلى ريشات القلب ما بركّن


الصوفي العاشق محمد شريف محمد سعيد العباسي



مالك يا القرين عضم الكلام فكيتو
ومالك سيد هواك فى الريده ما كفيتو
سلمنا الحقوق تور الكرامه تكيتو
علا الغب دا حار مالك على بكيتو



منصور


دربك يوت وعر لا فتو لا فكيتو
قسيان علا شوفتك كان درك جكيتو
سايجنى حبل الوصل حاشا رخيتو
شاكرين للكريم شادنو ما نخيتو

منصور


ود الأسد البدوى القح والنابت كما العربان فى أركان السودان ما بين أبا والسقاى وطقت راصدا لتلك الحيوات ونازعا جميل ألسنتها بمهارته وحرفته وخرفنته شكرا يا همباتى ولك السلام
يا الفوق أبوسدر جوال
وايدك فى أدانك ما بتدور جوال
دخال المحاصات فى لهيبن جال
وركاز فى الشدايد ومن وراك رجال

سلام يا أبو السعود

منصور



الوجه البرارى نضارتو ما بتتغابى
والعين عين غزال إن كحلتك كهرابه
الهاف هاف نحل إن جات عليك كَلابّه
شايله مدافعا وبتفك عليك كلابا

منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء نوفمبر 11, 2014 12:06 pm



الصيد صيد خلا ودنب الشرود هزنو
وإن جفلن بجيك حجر الحصايا الفنو
الكلب المبربح بالدرب سبقنو
وسيدو الفوق بشارى طوى الصنق قمحنو


منصور





شوف الدابه قامت والعيون كحل الإله جلاها
شوف الروبه فى الربرب وقت تلاها
الهاف قبضة إيد والساق نبت علاها
والوز فى البحر بى صدرو ما بعلاها

سلام يا ناصر
منصور [/center][/size]

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء نوفمبر 12, 2014 2:39 pm


مفتاخ الغُنا وشالنو بى فرق الطليح جكّنْ
وشقن قلبى شقهن الجروف نعناح سماحا مجكّنْ
زى دوار زواملو بريت دريبهن عَجّنْ
وقمزن منى زى نشاب وفكو ولَجّنْ



منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الخميس نوفمبر 20, 2014 7:50 am


صار العين بضاوى ولى مداينك طاف
ومليان ريد معبا وليك دوام عطاف
زهرك فى الغنا دا كان فتق قطاف
وزى ولد الحدى سوسيو هواك خطاف




منصور



مالكم علّىْ حبل الوصال قاطعنو
وبنسارقو النفس مالكم على حاجرنو
الريد وقت يقوم لاعننو خاشو وجنو
ومن الكان على زايدنو كوزين جنو


منصور



الصيد صيد خلا ودنب الشرود هزنو
وإن جفلن بجيك حجر الحصايا الفنو
الكلب المبربح بالدرب سبقنو
وسيدو الفوق بشارى طوى الصنق قمحنو



منصور

حبل الله المتين ما فينا قط من فاك
ودرب الريد عديل ما ظنو منو فكاك
القال ما بحب بحلف يمين أفاك
وقولو تتُفَها ومضمض معاها فاك


منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
 
وقفات مع عباقرة اهل المسادير ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3

صلاحيات هذا المنتدى:لاتستطيع الرد على المواضيع في هذا المنتدى
كبوشية إصالة التاريخ  :: منتديات الفنون الشعبية :: الدوبيت-
انتقل الى: