كبوشية التاريخ المبهر والواقع المحزن الذي نسعي لتغييره
 
الرئيسيةالبوابة*مكتبة الصورتسجيل دخول الاعضاءدخولالتسجيل
أفضل 10 أعضاء في هذا المنتدى
عادل عثمان مصطفي
 
أبوبكر الرازي
 
ود عدلان
 
كمال الحاج احمد
 
حسن دينار
 
أبوعزة
 
النعمان نورالدائم
 
ودالعمدة
 
ام شفيف محمد حامد
 
بنت محجوب البشير
 
المواضيع الأكثر نشاطاً
شعراء الاغاني السودانية
سـمــك ..لـبـن ..تـمـــــر هـنــــــدى
وين الشباب
الموسوعة العالمية للشعر العربي.. الشعر الفصيح
شعراء الحقيبة... توثيق شامل
فـــن الـكــاريـكـاتـيـــــر
تـعـالـــوا اخــدزا لـيـــكـم عــرضـــه
وقفات مع عباقرة اهل المسادير ؟؟
اغانى واغانى
الشعر الشعبي والدوبيت والمسادير
المواضيع الأكثر شعبية
شعراء الاغاني السودانية
وقفات مع عباقرة اهل النم والدوبيت
كلمات اغاني الفنان محمد النصري
فوائد البيض المسلوق
اهرامات البجراوية
أغاني الحماسة والسيرة ( توثيق ) - د. أحمد القرشي
نفلا عن موقع سودانيز اون لاين
موضوع الحلقة : مشاكل النساء بعد سن الخمسين
بوست خاص عن صور الفنانين
سـمــك ..لـبـن ..تـمـــــر هـنــــــدى
المواضيع الأخيرة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 49 بتاريخ الخميس فبراير 13, 2014 2:55 am
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 490 عُضو.
آخر عُضو مُسجل هو صلاح عوض الكريم فمرحباً به.

أعضاؤنا قدموا 16441 مساهمة في هذا المنتدى في 2719 موضوع
سجل معنا

للتسجيل اضغط هـنـا


شاطر | 
 

 وفاة شاعر الشعب / محجوب شريف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: وفاة شاعر الشعب / محجوب شريف   الخميس أبريل 03, 2014 6:19 am

: رحيل "شاعر الشعب" محجوب شريف
الأربعاء, 02 أبريل 2014 16:02 التحديث الأخير ( الأربعاء, 02 أبريل 2014 16:03 )

لمحجوب شريف قصائد تغنى ببعضها محمد وردي وفرقة عقد الجلاد
فجع السودانيون يوم الأربعاء برحيل الشاعر محجوب شريف، وحدثت الوفاة في مدينة أم درمان بعد معاناة طويلة مع المرض، واجهها "شاعر الشعب" بجلد كما واجه بعض أنظمة الحكم بأبيات قصائده التي شكلت إلهاماً للسودانيين خلال حقب مختلفة.

وقدم محجوب شريف، عدداً من القصائد التي تغنى ببعضها عدد من الفنانين أمثال الراحل محمد وردي وفرقة "عقد الجلاد".


وتعبّر قصائد شريف دائماً عن حال الشعب وفقره، وانتقاد العسكر الذين يصلون لكراسي الحكم عن طريق الانقلابات العسكرية.


وتمكن شريف بحياته البسيطة التي عاشها، أن ينقل شعراً حياً بالعامية السودانية، روى سيراً من النضال والكفاح، واتسمت قصائده التي دائماً ما حملت أراءه السياسية ببساطة الجرس، ما جعلها محببة بين طلاب الجامعات خاصة اليساريين منهم.


انتماء شيوعي


الراحلان محجوب شريف ومحمد وردي
وينتمي الشاعر محجوب شريف سياسياً للحزب الشيوعي السوداني، وتعرض للفصل من وزارة التربية والتعليم تحت بند "الصالح العام" في سنة 1989.

وأثر انتماء شريف للحزب الشيوعي ذو النزعة الاشتراكية، في إشعاره التي عبرت عن الغلابة والبسطاء في السودان بشكل لافت.


تلقى شريف تعليمه الابتدائي والأوسط والعالي بين أعوام 1956-1968 في مدارس "المدينة العرب" في أواسط السودان، ومعهد التربية بالخرطوم، وعمل منذ العام 1968 وحتى عام 1978 معلماً بالمدارس الابتدائية، ومسؤولاً عن المناشط التربوية بالمدارس الحكومية.


والشاعر الراحل متزوج من أميرة الجزولي "معلمة تعمل إدارية في جامعة الخرطوم" وله بنتان خلدهما في قصيدته المشهورة "مريم ومي"، وتغنى له وردي بأغنية "حنبنيهو البنحلم بيهو يوماتي.. وطن شامخ.. وطن عاتي.. وطن خير ديمقراطي".



شبكة الشروق

     
                   

حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
 
                   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وفاة شاعر الشعب / محجوب شريف   الخميس أبريل 03, 2014 6:21 am


قصيدة محجوب شريف قبل يومين من رحيله الفاجع يشكر فيها زوجته البارة



1 / مارس 2014م
محجوب شريف
مستوصف تُقى التخصصي –

أمدرمان صفِّــقوا وغــنُّوا
دقوا الترمبيتة
حبَّـتني حبَّــيتا .. ربّــتني ربّـــيتا
ما بطيق النوم بَــرَّه من بيتا
إلا في منفاي صورة خـتــيتا
إن شاء الله ما يحصل
ينقطِـع خيتا
حلــيـبها .. شاييها .. كسِــرتا وزيتا
بيــنـَّا نِدِّية همَّــنا السُترة
ما استفزتني .. ما استفزيتا
كم تشاجرنا
مين سمع صوتنا؟
ولا غَلَط مَـــرّه .. إيدي مديتا
زعلتَ رضَّــتني
برضو رضّـــيتا
نُـمتَ غـتـتني
قمتَ غَــتــيتا
كبرنا تاتتني
ياما تاتيتا
والبنات كِــبرَنْ
أصبحن نِــسوة
جابن الكِـــسوة
نوَّرن بيتنا
الدهب زينا بينا ما بسوى
سمعه بس سمعة
في ضحى الجمعة
ورَّقَــن خُدرة
فـَرَّن الكِـــسرة
فَــرَّحَـن ضيفنا
شاهي بالله ولا صينية
تفتح النية
هي ماهية ولا تدبيرا .. وسَّــع القـدرة ؟
دنيا .. يا دنيا
ألف شكراً ليك
هي لاقتني
وإني لاقيتا

حبتني .. حبيتا
ربتني .. ربيتا




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وفاة شاعر الشعب / محجوب شريف   الخميس أبريل 03, 2014 6:30 am

لقى محجوب شريف تعليمه الابتدائي والاوسط والعالي بين اعوام 1956-1968 في مدارس المدينة العرب ومعهد التربية بالخرطوم وعمل منذ العام 1968 وحتى عام 1978 معلما بالمدارس الابتدائية ومسؤولا للمناشط التربوية بالمدارس الحكومية وفصل للصالح العام في عام 1989 وانتقل للعمل في مدارس حتى العام 2005. الحالة الاجتماعية متزوج من الأستاذة أميرة الجزولي [ معلمة تعمل إدارية في جماعة الخرطوم ] له بنتين مريم محجوب شريف [ تخرجت من كلية الإتقصاد والدراسات الاجتماعية ] كلية الخرطوم من مواليد 1983 م، ومي محجوب جامعة السودان كلية الفنون الجميلة من مواليد 1987 م قصائد محجوب شريف رائعه والفاظها موسيقيه وهي بالكاد تكون ملحنه وتعبر دائما عن حال الشعب وفقره وانتقاد العسكر الذين يتوالون عن طريق الانقلابات العسكريه وعدم خدمتهم للشعب قصيده الغويشاشيه ما تسألني كم تمن الغويشايه بل جاوبني كم تمن الطمأنينة هجين الدبله والخاتم سلالة كم وكم حاجه متل الستره وهاجه بحتم الدوله لا حوله باوراقا الثبوتيه صبحت في خبر كان للي كانت ليها محتاجه المسيكينه ما تسألني كم تمن الغويشايه بل جاوبني كم تمن الطمأنينة دخري الحوبه للقمريه حبة عيش وقشايه غويشايه تدسدس فيها وتخبي يعلم الله بتربي علي كل المهن طافت من عين الفقر خافت بس عين الصقر شافت صقر لابس لبس حربي وختم الدوله لا حوله باوراقا الثبوتيه في هنداما متخبي صبحت في خبر كان للي كانت بيها فرحانه المسيكينه غويشة مي ومريومه تماما زي حمامايه لم تعرف لها زوجا ولم تعرف لها تومه وحيده وجوه عشايه
بتاتا لم تساسق في الطريق العام و لا في الحله قوقايه و تب ما للتباهي و لا لزوم القدله والزينه هي المختوته لي يوما المدسوسه للحفله المحروسه من غفله الموروثه في الخاطر المخصوصه للممكن يكون باكر
كتير الحمي تتسربل مسام البيت وتسكن في ضرا النومه و كم تتعثر القومه كتيرا ما كتيرا ما كتيرا ما ككل الناس تتم الناقصه بالمويه و تبقي الستره عشايه غويشة السترة والحوبه ومن تعب التي ظلت ترتق لالصبر توبا تفتق وردة السترة التبتق في بنياتا وتعتق ذكري حبوبه غويشايه وفر من سكرا وشايا وفر من كسرتا وزيتا و كم من باقي ماهيه يشيلا السوق كما هي بلا سكة رفاهيه ولا حتة قماشايه تساسق مكتبا وبيتا كما كل الافنديه حبيبة فول وعيشايا تساهر ابرتا وخيطا مكنتا من زمن ياما تحت الداما دواره و كل زراره نواره تفرهد في قماشايا تخليهو القديم لنجي يبقي المافي من مافي و يبقي البلدي افرنجي تقول للذله حاشايا اما العبد باللاهي فزوجا ليس باللاهي قلبي الجمره واطئها و ماني محلقا ساهي و لا متملقا احدا و لا متعلقا ابدا باموال ولاجاه طول العمر ماهيه بقت حزمة معاشايه أخيرا أصبحت ورقة وما بتسد فرد فرقه المنديل تمن طرقه و الصقر ان وقع كتر الباتابت عيب ضرا ودرقه لذلك يا رضي نفسي حزمت الامر من أول ما بالخوف بنتحول و لا بنجوع بنتسول اكيد عمر الكلام أطول قصير العمر لو طول احب الكلمة لو حره احب الستره لو مره اعاف الشينه لو دره احب العفه بت امي حليب الستره في فمي دبيب النمله في دمي وكت تلقالا عيشايا تجر جريا واباريها و ما بتضل طريق الصف للمخزن و لم تأذن لنفسها تنفرد بيها ولم تأذن ولم تحزن علي ذلك و لم تحون
و بعض البعض قد ذهبوا الي من عنده ذهب و بعض البعض قد مالوا الي من عنده مال و لكن من ستر حالو يمين الله قد نهبوا الا ما اشرف النمله الاما اشرف النمله و تبا للضمير لمن يصير خمله اما العبد باللاهي فزوجا ليس باللاهي قلبي الجمره واطئها و ماني محلقا ساهي و لا متملقا احدا و لا متعلقا ابدا باموال ولاجاه طول العمر ماهيه بقت حزمة معاشايه أخيرا أصبحت ورقة وما بتسد فرد فرقه المنديل تمن طرقه و الصقر ان وقع كتر الباتابت عيب ضرا ودرقه لذلك يا رضي نفسي حزمت الامر من أول ما بالخوف بنتحول و لا بنجوع بنتسول اكيد عمر الكلام أطول قصير العمر لو طول احب الكلمة لو حره احب الستره لو مره اعاف الشينه لو دره احب العفه بت امي حليب الستره في فمي دبيب النمله في دمي وكت تلقالا عيشايا تجر جريا واباريها و ما بتضل طريق الصف للمخزن و لم تأذن لنفسها تنفرد بيها ولم تأذن ولم تحزن علي ذلك و لم تحون
و بعض البعض قد ذهبوا الي من عنده ذهب و بعض البعض قد مالوا الي من عنده مال و لكن من ستر حالو يمين الله قد نهبوا الا ما اشرف النمله الاما اشرف النمله و تبا للضمير لمن يصير خمله دا ما منك دا ما منك دا من حال البلد ذاتا حراباتا وحزازاتا ناس السلطة ناساتا ناس فوق وناس تحت تحت الأرض اقرب لامواتا ضاقت ولما استحكمت حلقاتا ياللاسف... كم من ولد فاتا سهولا، جبالا، غاباتا ونيلا جاري في حزة مفازاتا هديك لجة موانيها و فوق رحمة سماواتا ضاقت ولما استحكمت حلقاتا كم من ولد فاتا ??) و تبقي قصيدة (غوايشايه) لمحجوب شريف بمثابة إدانة دامغة علي سلوك هولاء الظلاميين، تري هل يستحق ذلك اللص الحكومي المختوم بختم الدولة واوراقها الثبوتية عفو هذا الشاعر الجميل صحيفة الأضواء 4/12/2004 م


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وفاة شاعر الشعب / محجوب شريف   الخميس أبريل 03, 2014 6:37 am

ومن اشعاره


أقول دون رهبة
أقول دون زيف
أموت لا أخاف
أين أو متى وكيف
بغتة مستمتعا
بأنجم السماء
ليل صيف
رصاصة في القلب
طعنة من سيف
أموت لا أخاف
أين أو متى وكيف
أموت في الظلام
في الزحام
تحت غفلة
بساحل الطريق
حريق
غريق
أموت في سريري
زوجتي بنتاي
جيرتي عشيرتي
وأصدقائي
قطتي راكوبتي وزيري
معززا مكرما مهندما
بناصع البياض
موكب يحفني
لمرقد أخير
أموت لا أخاف
كيفما يشاء لي مصيري
أموت لا أخاف
قدرما أخاف
أن يموت لحظة ضميري
..........................................................................

ويصيح متأملا وهو الشاعر المؤمن

عرض اكتافكم روحوا ياالا
شعبنا أصبح أمسي وظل
كترتوها عليه الطله
اكلتوهُ زمانك ممَّ
ولبستوهُ كذلك ممَّ
عدمتوهُ الخيت والغله
شبراً شبرأً عابس ويابس
أكتر منها مابتذلّ
الكانون في الشارع ولع
طَول منها نار الحله
عِشنا وشفنا تب ماخفنا
العايزكم لمن جرب كنتو اضلَّ
تلك مأذن واللا مخازن ؟!
خمَّ ولمَّ فساد الدنيا
ثم إتنحنح ...هي لله
كبر وصلي
لما رفعتو السيف والمصحف
ولافي المتحف بقي حق الله
باسم الدين والدم والدمعه
وباسم الخالق عزَّ وجلَّ
اتعذبنا ... وماكذبنا
حليلو الفات ... المات وإتشل َّ
بيوت اشباح وجراح ومذله
دم الشهدا رصاصه رصاصه
وحبل المشنقه داك وإدلي
ومع ذلك حتي اللحظه
ماإتربصنا ...ولا فجرنا
إلاكذلك ما اتحجرنا
قد أدبنا الشعب الطيب
نحن جميعاً دونو اقلَّ
بيتنا وساسنا ورفعة راسنا
نحن حنانو وجَنا وجدانه
مش لافتات في الإيد ومظله
إيد علي إيد وسِلم سِلم
مابنسلم وشعب مُعلم
مابتخلي
حاشا وكلا مابنتخلي
غُبننا أكبر من تتصور
وحكم الفرد زمانك ولي
القذافي وأصبح مافي
حسني مبارك ...وعلي عبد الله
ياحاج زين إستغفر ربك
تسرق شعبك
وتهرب تلبد جمب بيت الله ؟
والغرقان في الدم السوري
حتي الحاجب منو اتبلَّ ومابتحلَّ
الهبباي سوداني مُدرب
جرب هدم وجرب عَلا
مابالصدفه ولاها لعلَّ
فيكم ريحه من الشبيحه
خلو البلطجه روِحو يا اللا
كل العالم عين بتاوق
صوره وصوت وكتاب ومجله


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وفاة شاعر الشعب / محجوب شريف   الخميس أبريل 03, 2014 6:43 am


شذاذ افاقنا
ارفعو صوت الحناجر
إعتلو كل المنابر
قفلو كل المحاور
جهزو كفن المقابر
لي نظام حكم البرابر


واكتبو بي دم الشهيد
احنا مرقنا وكان إيمانا
حرية عدالة
وما بثنينا لارصاصك ولا تهديد
حلم خلاصك ورفعة راسك
يا سودانا احلي نشيد
وابدا ابدا
قسما قسما مابنحيد
درب الثورة اللسة جديد


لا حراسك لا قرع إجراسك
لا رصاصك لا قوة راسك
ليك اليوم مش حتفيد


ولازم تعلم انو الشعب
وعزمو أكيد
حيرجع تاني سيرة اكتوبر
وليها يعيد
وبي ثورية وارث نضالي
الثورة تكون محمية
ومافي تعالي
لي ميثاق الشرف الغالي
البحمي الثورة من كل مغالي
من العسكر او متربص او سريالي


وبكرة نشوف مين لي كوعو
مين البلحس
شذاذ آفاق
وبكرة تعالو خلوها وفاق
ومين البلبس
مليانة نفاق جلابيتك
مابندبس
شذاذ آفاق
في رأيك انت
ثوار أحرار
ياريت لو كنت فهمت
دروس جيرانك
واتلونت
شفت طريقك واتخارجت

غضب الثوار ماليهو نهاية
كشف الاحرار سويتو محاية
مرض الاطفال ماليهو عناية
عموم الناس لاعيش لا قراية
قلناها خلاص
قلناها كفاية
قلناها خلاص
قلناها كفاية
شذاذ افاق


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وفاة شاعر الشعب / محجوب شريف   الخميس أبريل 03, 2014 6:44 am


.... قُتْ لينا كيفْ،
يا دوبْ إذاً عايز "تجاهِدْ" في الخلِقْ .....!!!!!
يا بختنا ياااااالفنجري ....
مَالْ كُنتَ مِنْ يوم "يونيو" داك
ليْ "يونيو" دا، بِتْسوْ شِنو ....؟!
وهُو لِسَّه فيكم حيلْ على الشَّين والضلال ....؟!
راح الجنوب
وراح الشّمال .......
وليْ الليلة بتقول "الجهاد" .....؟!
في مين "تجاهد" يا "أمير المؤمنين" ....؟!
في السُّقتَهُمْ عِشرين سنة
وأكتَرْ كمانْ ليْ فقرَهُمْ
ليْ قهرَهُمْ
ليْ حَتْفَهُمْ ..... وأكتَرْ كمانْ
في مِينْ "تجاهِدْ" ... أو فيْ مِينْ؟!
في الضاقْ خلاصْ ..... وكاسَ الخلاصْ،
في القالوا لا:
للظُلْمِ والغُبْن ..... الفساد؟!
وآخر المآلْ
سَمَّيتُمْ "الشُّذَّاذ" .... وآآآآخْ
اللهْ الْعَليم
مِينْ اللي شَذّْ
ومِينْ اللي فَزّْ
ومِينْ اللي هَزّْ ....
وعايز تَفِكْ رَبَّاطةَ الهوَس القبيلْ ....؟!
روَّحْ وغارْ زمَنْ العفاريتْ للأبدْ
روَّحْ وما عُدنا بنخافْ .....
الأَرْضَة جرَّبَتْ الْحجَرْ
أكَلَتْ عصايتك مِنْ زَمَنْ
وقريبْ قريبْ
بتدّلى مِنْ عرشو الجسَدْ .......

الأثنين 25 يونيو 2012 م


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وفاة شاعر الشعب / محجوب شريف   الخميس أبريل 03, 2014 6:46 am


ومن روائعه أيضا ومساهماته الجميلة:

يا فارسنا وحارسنا
يا بيتنا ومدارسنا
كنا زمن نفتش ليك
وجيتنا الليلة كايسنا
يا حارسنا
حبابك ما غريب الدار
وماك لي حقنا الودار
كنا زمن نفتش ليك
وجيتنا الليلة كايسنا
يا حارسنا
جيتنا وفيك ملامحنا
بعد يا مايو ما يئسنا
بنرجع ليك توصينا
بنسمع ليك تحدثنا
بيك يا مايو
يا سيف الفدا المسلول
نشق أعدانا
عرض وطول
حلفنا نقيف ونتحزم
نشد الساعد المفتول
عشان نبدى اشتراكية
ونرفع راية هم خلوها
فوق السارية متكية
دقت ساعة كانت نجمة
في أعماقنا منسية
كنا زمن نفتش ليك
وجيتنا الليلة كايسنا
يا حارسنا


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
 
وفاة شاعر الشعب / محجوب شريف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كبوشية إصالة التاريخ  :: المنتديات الاجتماعية :: صيوان كبوشية-
انتقل الى: