كبوشية التاريخ المبهر والواقع المحزن الذي نسعي لتغييره
 
الرئيسيةالبوابة*مكتبة الصورتسجيل دخول الاعضاءدخولالتسجيل
أفضل 10 أعضاء في هذا المنتدى
عادل عثمان مصطفي
 
أبوبكر الرازي
 
ود عدلان
 
كمال الحاج احمد
 
حسن دينار
 
أبوعزة
 
النعمان نورالدائم
 
ودالعمدة
 
ام شفيف محمد حامد
 
بنت محجوب البشير
 
المواضيع الأكثر نشاطاً
شعراء الاغاني السودانية
سـمــك ..لـبـن ..تـمـــــر هـنــــــدى
وين الشباب
الموسوعة العالمية للشعر العربي.. الشعر الفصيح
شعراء الحقيبة... توثيق شامل
فـــن الـكــاريـكـاتـيـــــر
تـعـالـــوا اخــدزا لـيـــكـم عــرضـــه
وقفات مع عباقرة اهل المسادير ؟؟
اغانى واغانى
الشعر الشعبي والدوبيت والمسادير
المواضيع الأكثر شعبية
شعراء الاغاني السودانية
وقفات مع عباقرة اهل النم والدوبيت
كلمات اغاني الفنان محمد النصري
فوائد البيض المسلوق
اهرامات البجراوية
أغاني الحماسة والسيرة ( توثيق ) - د. أحمد القرشي
نفلا عن موقع سودانيز اون لاين
موضوع الحلقة : مشاكل النساء بعد سن الخمسين
بوست خاص عن صور الفنانين
سـمــك ..لـبـن ..تـمـــــر هـنــــــدى
المواضيع الأخيرة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 49 بتاريخ الخميس فبراير 13, 2014 2:55 am
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 490 عُضو.
آخر عُضو مُسجل هو صلاح عوض الكريم فمرحباً به.

أعضاؤنا قدموا 16441 مساهمة في هذا المنتدى في 2719 موضوع
سجل معنا

للتسجيل اضغط هـنـا


شاطر | 
 

 اهداء هذه القصيده الي كل امه سودانيه ضحته من اجل ابناؤها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حسن دينار
عضو مبدع
عضو مبدع
avatar

عدد المساهمات : 845
تاريخ التسجيل : 30/06/2010
الموقع : India__ City Bngulor

مُساهمةموضوع: اهداء هذه القصيده الي كل امه سودانيه ضحته من اجل ابناؤها   الجمعة يوليو 09, 2010 4:07 am

الرســـــــــــــــــــــــــــــــالة





بت الخير يجيك الخير


وصل جوايك الكاتباهو للولد الحتالي


اكان ترسلي ليه هين هينين من البركاوي


داك الطعمو حالي


وهنا والله ني ومسيخ وغالي


سؤالك يمة عن احوالي


كان شفتيها تغنيك عن سؤالي


انا اتوكرته في قلب البنادر


زي غريب شرقان مدلدل في الدوالي


جات شايلاني حر الجوف


واانا اتحديت مجالا مومجالي


مصايب الجامعة اكبر من جميع الشفتو


ولا سمعتو في ايام الخوالي


قاعد الكرسي كان شفتيهو


ورم ساقي زي سيد الزلالي


اقلب في الدفاتر من صباحا


بدري لامن تمسي


ما بنسي انشغالي


اسوق الليل تحت ضوء الكهارب


ديمة هارب من فراشي


وهادو حالي


ده كلو عشان اجيب نمرا


انافس بيها واستر بيها حالي


والله عاد حالتنا ما بتسر البال


ومن يوم ما اهديت


ما انسره بالي


سلاطين العلم يايمة


ينسوا العشرة في فد يوم


يدفروك بره زي دفر الطبالي


واخايف اجيكي مرفود


وهادي الفكرة من ما جيت


معشعشة في خيالي


واخير افتح اضانك


قبل ما تلقي في اضنيه


ملهات حبالي


وكان حصل القدر يايمة لا تلوموني


زي علي البنادر اقوي من احتمالي


بناتا فيها جسومن رويانات بالدهون


تلصف بلا جلود السحالي


سبيبن ديمة بالحزم الكبار مبهول مردم


فوق قفاهن..........و حلالي


صدورن طامحة زي موية الدمير


الهايجة تكشح في العوالي


عيونن واسعة تبلع مية


زي ولدك تشرق للموحد والضلالي


وساعة اقيف قدامن


انكس راسي بقدري وجلالي


مشيهن سوه زي سرب الغزال


لكن نفورن ماغزالي


عددان مابخبرو


الا وين ما امشي الاقاهن قبالي


وقصاتن مايفرق دريبن


من دريبات القماري


بخورن في سماء البندر


يدوخ متل مسك العشاري


رقيصن ينهزنو بلا الفلو


اللماتو غابن منو في ضل المضاري


يجمع في قفاهو وينطوح


يتمطط...........مفاصلو


والياهو الفاقدو بالي


دالالكين تجيب الضلة برضو


علي متاهات الضهاري


غناين اصلو ما سمعناهو


اكنت بقول ليكي الا هسع ما ناي طاري


وطنبورن حسوا فاقع


لا فيهو كنتر لا ودع فوقو بيراري


عشوقن في الرقيص


يتلوي زي سيد المغص


يوم يبقي في حالة طوارئ


والمداين ديمة فاير


زي وحوشا في البراري


والمـأسي كتيرة حاصلة


والمكضب يلاقي بوليس السواري


عاد ده حالتنا بقدر استر معاها


خلاف احاكي الناس واضاري


وانتو راجيني يوم اجيكم بشهادتي وينسط ضهري وكباري


وبرضو خافين من اجيكم بغربية في خجل


قايد صغاري


والقدر بقادي كاتب ليه شيتنا


لاني حاني ولا اني داري


الا حاجة واحدة تكون في علمك


اني جاي وتاني راجع لدياري


وياني حميد القديم


الا بس فاقد حجابي وراح سواري


يمة كتري من رضاكي


وسلميلي علي المعاكي


قولي للحبوبة ازيكي


انحنا شبنا وما براكي


سلميلي علي وزينا وحتي جدادنا البكاكي


سلميلي علي بناتنا


وقولهن والله ماني ناسي


طاري شلاخا مواسي


زي شقوق ويكا سداسي


طاري نقشا فوق خدودن


بين ضفايرو وشوفو قاسي


جسمي في البندر ممدد الا بينكم بحواسي


سلميلي علي البكادن والبشتت في التقاوي


في الكرد محراتو قالع


وصوتو فوق ترانو عاوي


ماحزم بقجة ثيابو وقام فجر لاحق اللواري


اخيرو يحفر في الجداول


ومالو ومال حفر المجاري


سلميلي علي الضرايع


والفقير الفوق حصبرو تكتب البخرة ويداوي


مع السلامة ودعك الله


وللوصيتك مانساني


وابقي عشرة الراعي واعي


في بحور اهل البنادر من زمن طالق شراعي


كان نحجت بجيك غانم


وكان فشلت بجيك ضراعي
الرجوع الى أعلى الصفحة اذهب الى الأسفل
ودالعمدة
عضو هام
عضو هام
avatar

عدد المساهمات : 564
تاريخ التسجيل : 30/09/2009
العمر : 30

مُساهمةموضوع: رد: اهداء هذه القصيده الي كل امه سودانيه ضحته من اجل ابناؤها   الجمعة يوليو 09, 2010 4:10 am

لك التحية والشكر ابن الخالة
كلمات جد تعبر عن الزمن الجميل

تقبل مروري ومزيدا من الابداع
الرجوع الى أعلى الصفحة اذهب الى الأسفل
حسن دينار
عضو مبدع
عضو مبدع
avatar

عدد المساهمات : 845
تاريخ التسجيل : 30/06/2010
الموقع : India__ City Bngulor

مُساهمةموضوع: رد: اهداء هذه القصيده الي كل امه سودانيه ضحته من اجل ابناؤها   الجمعة يوليو 09, 2010 4:16 am

شكرا لك ياابن الخاله واهداء هذه القصيده لك والي كل من معك في الهند مجتهد في حقول العلم ورينا يعودنا جميعا الي الوطن الحبيب سالمين
الرجوع الى أعلى الصفحة اذهب الى الأسفل
badreldin elamin
عضو جديد
عضو جديد


عدد المساهمات : 10
تاريخ التسجيل : 10/11/2010

مُساهمةموضوع: رد: اهداء هذه القصيده الي كل امه سودانيه ضحته من اجل ابناؤها   الأربعاء نوفمبر 10, 2010 9:57 pm

مشكووووووووووووور
ابدعته ياود شيخ العرب
الرجوع الى أعلى الصفحة اذهب الى الأسفل
 
اهداء هذه القصيده الي كل امه سودانيه ضحته من اجل ابناؤها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كبوشية إصالة التاريخ  :: منتديات الفنون الشعبية :: الدوبيت-
انتقل الى: