قطار الزواج للبنات فقط المعذره اخواتي

هذه قصيدة شعر لطالبة بالجامعه تطلب فيها عريس بأي مواصفات يعني بصراحه شبح العنوسه هجم علي البنات وأصبحوا بنات حواء يفتشون عن العرسان في اي مكان واي زمان وبأي مواصفات بعد ما كانوا مفتريات وبيتأمروا ويشترطوا في مواصفات العرسان اصبحوا الان يقبلوا بأي واحد بعد ان فات قطار الزواج مسرعآ وبدون توقف في اي محطه لذلك رفعوا بنات حواء الرايه البيضاء واليكم نص القصيده

قطار الزواج للبنات فقط المعذره اخواتي 11321

طالبة عريس

قطار الزواج للبنات فقط المعذره اخواتي 254da0b179

قطار الزواج للبنات فقط المعذره اخواتي Selectorx

قطار الزواج للبنات فقط المعذره اخواتي Wedding1l

[url=https://2img.net/r/ihimizer/img199/5035/827811401fu8.gif] قطار الزواج للبنات فقط المعذره اخواتي 827811401fu8

[/url]

قطار الزواج للبنات فقط المعذره اخواتي 2277jsoftjcom

طالبه بجامعة النيلين تطلب عريس عاجلآ وليس أجلآ واليكم النص

لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلــــع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***
للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الشبكه *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزآ أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر وبيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــمآ فاخــــــــر *** ونجفآ بالـــدرر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى ولي وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارآ يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** ولفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك علي قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بقطع وأجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولينا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى وودع
عجزتو قعــــــدتو تقولوا *** ماشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعتوا *** من قد القفة الأوســـــــع
والليلة قطركــــــــم دور *** وبقيتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنيآ ليكم كبدة وشية *** بعـــد الأضراس تتخلــــــــع

ود الدرقــــــــــــــــــاب
مــــــــــــــ أمين ــــــــوني

قطار الزواج للبنات فقط المعذره اخواتي 2458693251_34d8c78922_o

عووووووووووووووووووووووووووووك

هههههههههههههههه(اذا فاتها قطار الزواج تنتظر في المحطه حتي ياتي تكسي الغرام ( عجيبه والله يامبدع

ههههههههههههههههههههههههههههههههههههه
مافي كلام يامبدع لك الشكر

واصل
تــــــ / م

مشكورسين شباب علي المرور الراقي
ودمتم بود

مشكور ياود كبوشية علي الموضوع الذي يشغل كل بنات حواء هذه الايام ((وهو الخوف من العنوسة)) وهذه دعوة لكل الاباء والامهات والاخوات بمحاولة تقليل تكاليف الزواج
حتي يعم الاستقرار لشباب السودان

» ما هو فحص ما قبل الزواج؟
» مبروك الزواج
» عادات يجب تجنبها بعد الزواج