ناس النم هوووى السلام جاكم

أنقول بسم الله نبدا

قول ما دام حبيبي وحب يتناسانـي
مافيش فايدة للبكا والنبيح يا لسانـي
أنا في حوجة لي فقرا وطبيب نفساني
كونو غميدي قل ونومي زي حسساني

نحنة الكلام دة تب غلبنة نجيدو
قدر ماحاولنة ماقدرنة نجيبو.
لم .زهجنة وبدري فكينة دريبو
الة بنجادع معاك وانت لينا ماتعيبو

سوط العنج كتب:: أنقول بسم الله نبدا

قول ما دام حبيبي وحب يتناسانـي
مافيش فايدة للبكا والنبيح يا لسانـي
أنا في حوجة لي فقرا وطبيب نفساني
كونو غميدي قل ونومي زي حسساني

مادام الحبيب الردتو ابى يطراني
شن فايدة بكاي وسهري يا خلاني
ناسيني وسيرتو دوام عليها لساني
ادمن لي صدودو وادمنت انا صحياني

[quote="مرافئ"]

سوط العنج كتب:: أنقول بسم الله نبدا

مادام الحبيب الردتو ابى يطراني
شن فايدة بكاي وسهري يا خلاني
ناسيني وسيرتو دوام عليها لساني
ادمن لي صدودو وادمنت انا صحياني

حن بناتنا ما بهينن كــلام واليهن
محترمات وما بفوتن حدود واديهن
بالزين في المجالس بنذكر طاريهن
سعوب الحله مابنخم ويجيك باريهن

والله التقول حافظ لي حبة دوبيت .. كدي النذكر

بعد الليل سجي ونجماتو ظهرن وضون
زار طيف الحبيب غير حياتي ولون
الزول القبيل من خالص الجمال اتكون
مبيتنا الليلة عندو رب العباد ان هون

[quote="سوط العنج"]

مرافئ كتب:

سوط العنج كتب:: أنقول بسم الله نبدا

حن بناتنا ما بهينن كــلام واليهن
محترمات وما بفوتن حدود واديهن
بالزين في المجالس بنذكر طاريهن
سعوب الحله مابنخم ويجيك باريهن

بناتنا مادبات واالعفة فيهن طبعة
سماحة طبيعي خلقة ما مصطنعة
محترمات وحاشا مابعرفن بدعة
مابعرفن قوالة وطيبات السمعة

نحن بناتنا مقنــاعن طبيعه عليـهن
من دونن رجال ما يظن يعيش سابيهن
عزاً من قديــم لي ان ظهر تـاليهن
أنحن الما بنسوي العــيب وبنبكيهن

بعد الليل سجى وبقيت اعد في نجمو
زار طيف الحبيب طريت حديثو ونضمو
وجيوش الغرام علي لمو وهجمو
ياريت لو يحس بالبي ويجود من كرمو

سوط العنج وينك
خليت دار النميم ترقع

ارجوك يا غفير ود الارايل سيبو
خليهو الخوش كان المراضه يطيبو
ادعج اكحل لي عندالمداني طريقو
والشالت قلبي ما ظنيت تاني تجيبو

جل البديع في جمال رسيمة
برق الهجوع تخفة بي بسيمة
حروف ابجد تبدا بي اسيمة
واحد بقت كية لي خصيمة
ثمانية تاني الحروف يليها
ستين حساب ضيف الف عليها
ملكت ملوك رافله في حليها
خمسين ختام شوقي طال عليها

واحد من اهلنا ديل غناء في ايدو ( قال ما تستاهلي يا ايدي لي القلم كتابه
كم ركبت بشاري ودفرت قلابه
الموت مو بدع فوق البريد واليابه
داير حضرتن فيها الجبين تزابه
كم يا ايدي مسكنا بيك قلم بي شوارح
وكم يا ساق خلفناك فوق مخمس وقارح
وكم راكبين ام قرد حدار لي الطارح
لاخير في المضي لو كان يكون امبارح

الدر والجواهر والصباح الطلا
فيهن حاجه منك ومن جمالك اغلا
الخيل والارائل من صباك في ضلا
دورك تم لا هسع نداتك اهلا

سهرت عيني بدمعا عليها انهلا
ومشتاق قلبي للعود البلد والطلا
علي الماسمسرات جات قوالت الحلا
راسيه واديبه ما ضاقت تنهز والزلا

سمرتها زي سما سري في اوصالي
حلاته عسل صافي مو متحالي
بسمحته تفضحني وتكشف حالي
ليمه بدوروالاصعب يبقالي

حسن د ينار فوق نار الكمينة جلس
من الهافو ضامر وردفو مابنجس
الخلاني حسب الغير وكلو دمس
لطيف ذوقوا رخيم حسو مدلع وبس

البت ا لمن نشت مريودة مي مبغوضة
ماجابت قوائل وكلمة مرفوضة
لوحظك سعيد تلقاها داخل روضة
حلوة جميلة لابسة اسكيرتي اَخر موضة

مافينا الاضينة الديمة بتشلـــق
صغيرنا يوقف القافلة ويوقل طلق
قبل ما ينزلوا الضيفان ضبح علق
دربنا خطر والبارينا بتزلــــق
يا بحر التلوب فايض نهار وعشية

» السلام جاكم
» رسائل السلام
» قصة ادم علية السلام