مواقف في الخاطر

تشكري علي طرح هذا الموضوع أختي مرافئ وأحكي ليكم عن موقف محرج جدا مر بي وما زال عالقا بخاطرتي وإن حدث لي وأنا في صغري بتذكر أنو كان في أزمة في السكر في بداية التسعينات وكنت مولعين بالباسطة وكانت في تلك الايام في زحمة شديدة في محلاتها وأنا وسط الزحمه عند المحل فلامست يدي جيب واحد من الواقفين فامسك يدي وقال لي ما تعمل كده تاني فاحرجت احراج شديد وما زال ذلك الموقف عالقا بخاطري

هههههههههههههههههههههههههههههههه
حاجه محرجه جد

والله ياابوبكر موقفك محرج احراج شديد

طبعا هنا في الهند في ديانات كثيرة لايصدقها العقل
منهم من يعبد البقر والحجر والشجر والشمس والنار والذكر والفار
ومن المواقف الطريفة يوم ماشي الجامعة مع الصباح طلعت الموتر وبقفل في الباب
جات مرة وقفت جمب الموتر وبقت تبكي وتكورك وتشتم فيني باالهندي وانا مسكين مافاهم حاجة
والمسلمسن اتلمو برضو فيها وهي مادايرة ترضي
فهي من الناس البعبدو الفار وفي فار مبت جنب الموتر وقايلاني انا الكتلتو
اخر النهاية اديناهة قروش وشالت الفار ومشت عشان بعمل ليهو مراسم الدفن
وتتعبد بيهو عشان يقفر ليها زنوبة

المواقف التي تمر بالانسان كثيرة فمنا ما يظل عالقا بالذاكره فلكم الشكر مرافي ومحمد العمري وود العمده

من المواقف المحرجة وطريفة في نفس الوقت موقف مر بي وانا في الجامعة

شبطي اتقطع ومافي طريقة نهايئ البسو تاني الوش قعد براه والارضية براها
اتلفت يمين شمال مالقيت حل اخيرا كان في عمال في الكافتريا شحدت واحد سفنجتو وتعال شوف السفنجة زاتا مركب بس ومليانة طين الحمد لله الداخلية كانت قريبة

ههههههههههههههههههههههههههههههههههههة

والله مواقفكم كلها محرجه
لكن موقفي احرج هاكم شوفوا
في التسعينات كنا طلبه داخلية شندي وكنا مولعين بالكرة
مره مشيت ادخل الاستاد وما عندي قروش
بحاول اطلع بالسور بعد بتاع الشرطه مل يمشي
وانا داير اطلع في واحد قال لي اطلع سريع بتاع الشرطه جاء
وانا ما صدقت طلعت سريع اول ما بقيت في الداخل قام مسكني ليك
قال لي انا ذاتي بتاع شرطه من الداخل
قام سايقني علي الشرطه والناس تكورك فيني
كان وداك الشرطه بجلدوك
ماكضبت عملت نفسي ماشي معاهو وانتل ليك يدي
ومن فوق للسور تاني للخارج ما وقفت الا في الداخليه
ومن ديك تاني ما عندي قروش مابجي حايم بي عند الاستاد

والله يالسعدابي من الضحك داير اقع من الكرسي
هههههههههههههههههه