كبوشية التاريخ المبهر والواقع المحزن الذي نسعي لتغييره
 
الرئيسيةالبوابة*مكتبة الصورتسجيل دخول الاعضاءدخولالتسجيل
أفضل 10 أعضاء في هذا المنتدى
عادل عثمان مصطفي
 
أبوبكر الرازي
 
ود عدلان
 
كمال الحاج احمد
 
حسن دينار
 
أبوعزة
 
النعمان نورالدائم
 
ودالعمدة
 
ام شفيف محمد حامد
 
بنت محجوب البشير
 
المواضيع الأكثر نشاطاً
شعراء الاغاني السودانية
سـمــك ..لـبـن ..تـمـــــر هـنــــــدى
وين الشباب
الموسوعة العالمية للشعر العربي.. الشعر الفصيح
شعراء الحقيبة... توثيق شامل
فـــن الـكــاريـكـاتـيـــــر
تـعـالـــوا اخــدزا لـيـــكـم عــرضـــه
وقفات مع عباقرة اهل المسادير ؟؟
اغانى واغانى
الشعر الشعبي والدوبيت والمسادير
المواضيع الأكثر شعبية
شعراء الاغاني السودانية
وقفات مع عباقرة اهل النم والدوبيت
كلمات اغاني الفنان محمد النصري
فوائد البيض المسلوق
اهرامات البجراوية
أغاني الحماسة والسيرة ( توثيق ) - د. أحمد القرشي
نفلا عن موقع سودانيز اون لاين
سـمــك ..لـبـن ..تـمـــــر هـنــــــدى
فوائد الدخن
موضوع الحلقة : مشاكل النساء بعد سن الخمسين
المواضيع الأخيرة
» أول دعاء في القرآن الكريم
أمس في 11:09 pm من طرف عماد الدين احمد الحوتابي

» الموسوعة العالمية للشعر العربي...شعراء معاصرون
الخميس نوفمبر 20, 2014 3:26 pm من طرف عادل عثمان مصطفي

»  وقفات مع عباقرة اهل المسادير ؟؟
الخميس نوفمبر 20, 2014 7:50 am من طرف عادل عثمان مصطفي

» مبرووك الاخت ملاك الزواج
الأربعاء نوفمبر 12, 2014 2:10 pm من طرف عادل عثمان مصطفي

»  القصر الجمهوري السوداني من الجنرال غردون وحتي عمر البشير
الثلاثاء نوفمبر 11, 2014 6:20 am من طرف عادل عثمان مصطفي

» مع قدامي الاعلاميين في تلفزيون واذاعة جمهورية السودان
الجمعة أكتوبر 24, 2014 2:17 pm من طرف عادل عثمان مصطفي

» رموز درامية سودانية
الجمعة أكتوبر 24, 2014 12:54 pm من طرف عادل عثمان مصطفي

» بروفسور علي المزروعي- في ذمة الله؟؟؟؟؟
الجمعة أكتوبر 24, 2014 12:32 pm من طرف عادل عثمان مصطفي

»  شعراء الاغاني السودانية
الخميس أكتوبر 23, 2014 8:54 pm من طرف عادل عثمان مصطفي

دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 49 بتاريخ الخميس فبراير 13, 2014 2:55 am
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 479 عُضو.
آخر عُضو مُسجل هو المهلب حامد فمرحباً به.

أعضاؤنا قدموا 16403 مساهمة في هذا المنتدى في 2699 موضوع
سجل معنا

للتسجيل اضغط هـنـا

شاطر | 
 

  شعراء الاغاني السودانية

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3 ... 8 ... 15  الصفحة التالية
كاتب الموضوعرسالة
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: شعراء الاغاني السودانية   الأربعاء مايو 04, 2011 2:40 pm

عمالقة الفن السوداني
ود القرشي الشاعر والملحن

الفنان الجامعة متعدد المواهب «السر أحمد قدور» سعدنا بلقائه وامتعنا من خلال برنامجه اليومي خلال شهر رمضان «أغاني وأغاني» الذي بثته فضائية تلفزيون النيل الأزرق.. كما أن إذاعة «البيت السوداني» التي ترسلها الموجة «100F.M» اراحتنا كثيراً بأدائها المتميز.. وقدّم السر قدور وإذاعة البيت السعيد «كل على حدة» حلقة تتحدّث عن الشاعر الفذ والملحن البارع «محمد عوض الكريم القرشي»، فلهما الشكر الجزيل في تبليغ المتلقي المعلومة المفيدة.
ويسعدني أن اتحدّث عن شاعرنا وملحننا ود القرشي من زاوية أراها مكملة ومتممة لما جاء به الفنان السر قدور وإذاعة البيت السوداني التي قدّمت برنامجها الشيّق في الثالث من نوفمبر 2006م. ولهذا اخترت العنوان المذكور أعلاه موضوعاً للحديث عن ود القرشي من خلال ثلاث حقب أبطالها أحمد المصطفى والخير عثمان وعثمان الشفيع.


الحقبة الأولى:
كان ذلك في عام 1944م من القرن الماضي حينما غنى الفنان المجدد عميد الفن أحمد المصطفى أغنية «يا عظيم» وهي من كلمات الشاعر أحمد إبراهيم الطاش. فخطر ببال أحمد المصطفى أن يوقف إذاعة وترديد هذه الأغنية لأنه رأى أن لحنها دائري «الموسيقى تردد اللحن» ففعل وأوقف التغني بالأغنية.. ولكن شاءت الظروف أن تصل إلى أحمد المصطفى برقية «تلغراف» هي في الواقع كانت خطاباً طويلاً من معجبٍ في إحدى مدن السودان أشاد بهذه الأغنية إشادة كبيرة أقنعت أحمد المصطفى وشجعته بأن يعدل عن فكرته فواصل في أداء أغنية «يا عظيم» التي وجدت رواجاً كبيراً بين المستمعين.
وفي ذات يوم من أيام نفس عام 1944م جاء ضيف إلى العاصمة قاصداً أحمد المصطفى وعرّفه بأنه هو الشخص الذي أرسل إليه ذلك التلغراف الطويل، وأنه من أبناء الأبيض واسمه «محمد عوض الكريم القرشي»، فنَمت بينهما صداقة سريعة قدّم خلالها ود القرشي لأحمد المصطفى رائعته «يلاك يا عصفور» تأليفاً ولحناً، فأداها أحمد المصطفى خير أداء وملأت شهرتها الآفاق وحدا بها الركبان.. ومن خلال المتابعة لكلمات الأغنية يتضح للقاريء الكريم أن ود القرشي من فرط اعجابه الشديد بأحمد المصطفى فإنه شبهه بالعصفور المغرّد الذي يذهب معه ليغني للحبيب المغرم به في تلك الأغنية. وبعد نجاح «يلاك يا عصفور» فإن أحمد المصطفى وعلى غير المتوقع حينما عرض عليه ود القرشي التعاون معه وذلك بتقديم المزيد من الأغاني الملحّنة، امتنع أحمد المصطفى بأدبه الجمّ عن أن يصبح مؤدياً وحسب لا محلناً لأنه أحسّ إذا سلك هذا الطريق فإن موهبته في التلحين ستندثر وتموت واكتفى بأغنية «يلاك يا عصفور» وانتهى اللقاء الفني بين العملاقين مع الاحتفاظ بالصداقة والإعجاب بينهما.


الحقبة الثانية:
معلوم أن مهنة ود القرشي كانت تجارة الماشية «الأبقار» التي يأتي بها بائعاً من الأبيض إلى ود مدني ثم الخرطوم، وكانت ود مدني سوقاً تجارية رائجة يحل بها ود القرشي ويقضي بها أياماً.. والرجل وهو شاعر وملحن تسيطر عليه هذه الموهبة التي تجلّت في أغنية «يلاك يا عصفور» شَعَرَ بعدها بفراغ بعد أن فارق أحمد المصطفى وكان يبحث عن صوت متميز يؤدي أغانيه فوجد ضالته في الشاب «الخير عثمان» في سنة 1945م. وكان اللقاء بينهما قد لعبت فيه الظروف دوراً أساسياً.. فمن ناحية كان ود القرشي تاجر المواشي يحل ضيفاً في منزل «العم النور ود البشير» وهو تاجر مواشٍ وجزار وهو خال الخير عثمان. ومن ناحية أخرى فقد كان لود القرشي صديق وزميل مهنة تاجر مواشٍ في ود مدني اسمه «عوض سوار» وكان عوض سوار هذا صديقاً كذلك للفنان الخير عثمان الذي كان يُلقّب بـ«فنان الجزيرة» حينما دخل الإذاعة ذائع الصيت والشهرة وغنى قبل عامين تقريباً «1943م» من لقائه بود القرشي وكان عمره دون العشرين. وهو من الرواد الأوائل الذي صدحوا بعد سرور والكاشف وحسن عطية وأحمد المصطفى والفلاتية غنى أغنيات أشهرها «عيوني وعيونك» كلمات وألحان محمود فلاح، شدا بها الخير قبل الكاشف وأغنية «أمل» التي مطلعها «عايز أنسى آلامي وأحقق أحلامي ونسعد هوانا» وهي من كلمات إسماعيل خورشيد وألحان التجاني السيوفي.
هيأ عوض سوار لقاءً لود القرشي بالخير عثمان في ود مدني «البلد الأمة، مهد الفنون والعقل والوجدان السليم» كانت ثمرته التعاون الثنائي الذي بدأ بأغنية «صباح الهنا» وأغنية «يا حبيبي دمعي الغزير فيضانه فاق الغدير» ثم أغنية «حنتوب الجميلة» وهذه الأخيرة لها قصة سأرويها فيما بعد.
تواصل التعاون بين ود القرشي والخير عثمان ولكن الخير لم يكن منتظماً في مواعيده وذهابه إلى الإذاعة بأم درمان من ود مدني لمشغولياته وارتباطه بود مدني، وهذه جعلت ود القرشي يشعر بشيء من عدم الرضا لم يؤثر في صداقته واحترامه كعادته للخير عثمان بل أعطاه المزيد من الأغاني التي بلغت نحو عشر في أوائل الخمسينيات.


الحقبة الثالثة:
هذه هي المرحلة الأخيرة الكبرى التي كانت تمثّل مرحلة إنطلاق ود القشي ومرحلة ظهور عثمان الشفيع وإبداعه في فن الغناء الذي بدأ بأغنية «القطار المرّ» في سنة 1948م وتواصل العطاء ردحاً من الزمن قدّم فيها العملاقان نفيس الدرر وبدائع الألحان وروعة الأداء فدخلا كتاب الفن مع قممه الشماء، أحمد المصطفى وإبراهيم الكاشف وحسن عطية الذين كان لهم القدح المعلى في ترقية ذوق المواطن السوداني وحضارته.


ملحوظة:
في عدد قادم سوف أحكي قصة أغنية «حنتوب الجميلة» التي هي من كلمات وألحان ود القرشي وأداء الخير عثمان بإذن الله تعالى..

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الأربعاء مايو 04, 2011 2:58 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 2:56 pm

قالها الشاعر عندما كان طريح الفراش في الجناح الجنوبي بمستشفى الخرطوم والذي كان يسمى (الساوث بلوك)في عطلة أحد الأعياد حيث غاب عنه الناس وانشغلوا بالعيد في المعايدة وبقي وحيداً. تغنى بها كل من عثمان الشفيع وعبدالكريم الكابلي وزيدان ابراهيم


عدت يا عيدي بدون زهور
وين سمرنا وين البدور
غابوا عني

سجنوني في داخل قصور
قالوا عيان لشفاك ندور

ليته لو كان عاد في المرور
يبرئ دائي ويغمرني نور

تلفونك ما بيك خبور
أقوم أناديك أفشل أثور

يا حنانا فاض بالشعور
كيف نسيتني وكنت بتزور

نحن أهل الوفاء والشعور
وليه جزانا يكون صد وجور

لو بسرعة الأفلاك تدور
هواي طاهر وخالد طهور

أين حبي واين العصفور
خلدت أجيال سكبت در

بي العيد يمر جوه سور
وهم في بهجة وهم في سرور

جاني يحمل باقة الزهور
وقال حبيبي المنع الظهور

وصرت أضحك كيف يا غيور
يكون علاجي سبب النفور

غابوا عني


--------------------------------------

--------------------------------------------------------------------------------

الزهور والورد الشتلوها جوة قلبي
عشان حبيبي تذكاره ديمة عندي

***********
حبيبي يعلم ذكراه خالدة عندي
وطيف خيالو متي إمتي غاب عني
ثم أجتمعنا في تأني وفي تمني
ثم أفترقنا وكأني ما كأني

***********
فيا صحابي يكفيني صنت عهدا
من المودة وجزاي كان صدا
الجور تفشي والهجران تبدا
الحب ده ولي والاخلاص تعدا

***********
ترِك حمامة تخبرني بيه ياما
تقولي اصبر في العجلة النداما
فكم صبرنا وكم كم كم الاما
تطير عقولنا تحرمنا من غراما

***********
حبيبنا شرف أخذني في قدومو
عرفني مسعد وتدلي من نجومو
في يوم ليثبت انو وحات عيونو
اخلاصو ظاهر ويا ربي لي تصونو

***********
الزهور والورد شتلوها جوه قلبي
عشان حبيبي تذكاره ديمة عندي

------------------------------------------------------------------------

عشقتو من نظرة هو قلبو خالي
كيف الطريقة البيها يتم وصالي
ما أصلو ما ممكن يرد لي سؤالي
كأنوا ما شاعر كيف بشغل بالي
يمر علي كالطيف وتضوي اللآلي
العقل فار واحتار فيك يا غزالي
سألت مين ياناس هذا المثالي
اليانعة وجناتو والخصروا بالي
المحتشم ومهذب وطرفو حالي
هل حور أم أنسان أم شيء خيالي
وفضلت أترقب برقو الموالي
وأمتع النظرات في كل غالي
ياالرموش العكسن اعتدالي
ويا ناس أجيبوني عن سؤالي
عشقتو من نظرة هو قلبو خالي
كيف الطريقة البيها يتم وصالي
وقالو لي ده الملهم في نفسو عالي
وفارض علينا هواهو وهو سالي
ده المستحيل ينزل من العلالي
ده الموحي للشعراء الدرر الغوالي
عشقتو من نظرة هو قلبو خالي
كيف الطريقة البيها يتم وصالي
ولكن غرامي عفيف وأنا ما ببالي
وروني وين أهلو أكسب منالي

-----------------------------------------------------------------------
--------------------------------------------------------------------------------

الفارقت ما لقيتا
الليلة وين يا روحي
الفارقت سيد روحا

شوفي كيفن رايق
يفتخر بي تيهو
صوريلو عيوني
الباكية من عينيهو
المرضان قليبي
المخلص الحابيهو
لا تهابي جمالو
ولا الدلال البيهو
قولي ليهو سميرك
أمسى كالمجنون

كم جلست معاهو
واحتميت بي نورو
كم قسمت معاهو
الحب وذقت سروره
كم تعبت معاهو
يوم حرقني نفورو
هو الحبيب الحازم
والوديع في خدورو
بلغيهو سلامي
الحاجبو يحكي النون
الليلة وين يا روحي

القطار فرقنا
ليه القطار فرقنا
أه حزنا ملكنا
بي انتصار روحنا
برانا نحنا برعنا
في الرمال الباسمة
تحكي الرياض مجلسنا
فيها هل هلالو
بين ربوعا نشأنا
الوداع يا حبيبي
ربي لينا يصون
الليلة وين يا روحي
الفارقت سيد ريدا
يا روحي



----------------------------------------------------------

يلاك ياعصفور

كلمات محمد عوض الكريم القرشي

غناءأحمد المصطفى

يلاك يا عصفوري نغني ليهو
أنا لي حبيب مغرم وبغير عليهو
*******
يلاّك يا عصفور نغشى الخمايل
علشان أشوف حبي كالبانة مايل
راد قربو منّك واحكيلو عنك وغرّد بفنّك
إن شاء الله يسمع منك ولي يجامل
*******
يلاّك يا عصفور ننظر جمالو
أنا في يمينو أكون وانت ف شمالو
قول حكّم الأوصاف
انا من عيونو بخاف
الناضر اللطّاف
إن شاء الله حبّي يدوم ويدوم هناهو
*******
يلاّك يا عصفور نطرب ملاكي
الخمري في لونو والخدّو زاهر
راد قربو منّك
واحكيلو عنك
وغرّد بفنّك
إن شاء الله يسمع منك ولي يجامل
******
يلاّك يا عصفور نطرب ملاكي
الخمري في لونو والخدّو زاهر
دي بنت المدارس
ولي هواها عارف
بحكيلا أشعاري وطوّلت شاكي
-----------------------------------------------------------------------------

قابلني ياهاجر

محمد عوض الكريم القرشي

قابلني يا هاجر
هجرك أضرّ
وطال واستمرّ

*****

في سهر الليالي
غمرتني
من طرفي الموالي
أسرتني
جمّدت حبّي
عزلتني
ما تقدّر الموقف
وزورني مرة
وسيب المضرّة

*****

أنا قلبي عارف
حبّو ليك
إخلاصو ظاهر
في عينيك
ومهما بعدت
بيرجو فيك
ودا كلّو حاصل
وما عليك
ما تقدر الموقف
تكون أبرّ
عليك الله
----------------------------

في الشاطي يا الحبان

محمد عوض الكريم القرشي

في الشاطي يا الحبان ساهرتو بينا
الليله يا الحبان ساهرتو بينا
عند النهر والنور
والساقيه بينا تدور
القمري يحكي الحور
وانا الفنان
الموج يداعبنا والحب يقربنا
الشاطي يفرحنا والحب معاهو كمان

يا حليل ربوع شندي
بلد الجمال عندي
الفيها انا فني والمتمه امان

نذكر وطنا دوام
وحده وعمل وسلام
سيبو الخلاف يا عظام
دايرين يكون لينا شأن

مجلس نبيل طاهر
فيه الادب زاهر
لي نيلنا بنفاخر
وبي وطنا السودان
في الشاطي يا الحبان
ساهرتو بينا
------------------------

رب الفن

محمد عوض الكريم القرشي


تعال يا رب الفن يا سيدي
وفيك نظمت الدر نشيدي
تعال يا حبيب اه
تعال بيك الامال جديده
تعال اللحظه معاك سعيده
اوريك فنوني يا وحيها وعوده
اوريك شجوني المرسلة لعيوني
تعال ان ليك في قلبي ريده
معذبة تشتاق لي وحيده
تعال حبيبي تعال
حذاري تالمني حذاري
وكتير يا اليك ما طاب مزاري
بخليك لانك ما ارواني دنك
واقول ليك هجرتك
وتكفى الذكرى عنك
انا الفي هواك عفيف وبائن
يصح تعذيبي واحتقاري
كتير ده كتير اه اه
تعال يا رب الفن يا سيدي
تعال
هب الحب حباني بي لطفو واحتواني
قال لي كنت عنيف بتعرفوا
ما قصدت اهوى براك شوفوه يا ظرفو
تعال يا اخلاق الملائكة
ودنيا الحب اسلاكه شائكه
تعال يا حبيب
ترنم نغماتك واسبح في اهاتك
وغني البلابل منتظره صيحاتك
اعزف عودي يا رب الفن ذاتك
انا وانت الاحلام نعيده
روحي يا روحي الليله عيده
تعال يا حبيبي
----------------عشقتو من نظرة هو قلبو خالي

الشاعر : محمد عوض الكريم القرشي

الفنان عثمان الشفيع

عشقتو من نظرة هو قلبو خالي
كيف الطريقا البيها يتم وصالي
ما أصلو ما ممكن يرد لي سؤالي
كأنوا ما شاعر كيف بشغل بالي

يمر علي كالطيف وتضوي اللآلي
العقل فار واحتار فيك يا غزالي
سألت مين ياناس هذا المثالي
اليانعة وجناتو والخصروا بالي


المحتشم ومهذب وطرفو حالي
هل حور أم أنسان أم شيء خيالي
وفضلت أترقب برقو الموالي
وأمتع النظرات في كل غالي

ياالرموش العكسن اعتدالي
ويا ناس أجيبوني عن سؤالي
عشقتو من نظرة هو قلبو خالي
كيف الطريقا البيها يتم وصالي

وقالو لي ده الملهم في نفسو عالي
وفارض علينا هواهو وهو سالي
ده المستحيل ينزل من العلالي
ده الموحي للشعراء الدرر الغوالي

عشقتو من نظرة هو قلبو خالي
كيف الطريقا البيها يتم وصالي
ولكن غرامي عفيف وأنا ما ببالي
وروني وين أهلو أكسب منالي
-------------------------
لحن الحياة

ود القرشي


لحن الحياة منك و ما تقول
نسينا الماضيو صرنا ناسينك
محبوبي الجميل

سألوني منك..عرفتهم
إيه الصفات عنك ..خبرتهم
شافو الجمال منك..أقنعتهم
بس تنسى كيفنك انا يا حبيب الروح
أعفيني من ظنك..
محبوبي الجميل

لحن الحياة منك و ما تقول نسينا الماضي
و صرنا ناسينك محبوبي الجميل
********
سالمني بإيدو والدمع انهمر
ذكرني بريدو في أوقات السمر
ساحرني بمحيو د جنني و أسر
شاغلني بنورو الكم أخجل القمر

بس تنسى كيفنك
و إنت الوحيد بالذات
الكنا ذاكرينك
محبوبي الجميل

لحن الحياة منك و ما تقول نسينا الماضي
و صرنا ناسينك محبوبي الجميل
********
وفيما الملامة حبيبي
وكل هياما يا روحي
ويامن تعامى حبيبي
سلاما سلاما يا روحي
وذكرى محبي حبيبي
تموجو بقلبي يا روحي
وأنت بقربي يا حبيبي
حياتي و حبي يا روحي

وآآآهنا وانت بعيــد ما كنا ناسينك
و الحب عليك إزداد غمر النفوس ضنك

لحن الحياة منك و ما تقول نسينا الماضي
و صرنا ناسينك محبوبي الجميل
------------------------------------

رمز الجمال

كلمات ود القرشي
المالك شعوري
انا لى فيك امال
رمز الجمال
رمز الجمال

رمز الجمال كفاه

الناير سماه
الغامر رضاه
تلمس سر عظمته
و تهرب من لقاه
يغريك بى عيونو
و يشجيك من فنونو
لكن هو المحال
رمز الجمال
رمز الجمال

رمز الجمال اذانا
ايقظ لى هوانا
فى الطيف ما غشانا
ليه يا قاسى تنكر
اخلاصنا و وفانا
لمين اشتكيك
انا المجبور عليك
كفاية الاحتمال
رمز الجمال
رمز الجمال

غرد يا كناري
و حاكى العندليب
و ابسمى يا خميلة
دة اليوم الحبيب
قد دنت السعادة
و قد زهب النحيب
عطف اليلة بي
و شرفني الحبيب
فجمعنا الهوى
فارقنا النوى
فنعمنا سوى
و هتفنا لنرشف
من هذا المنال
فملانا عيونا
و غمرنا نفوسنا
من فيض الجمال
رمز الجمال
رمز الجمال
------------------------
القطار المرَّ


القطار المرَّ
فيه مر حبيبي
بالعلى ما مر
يا الشلت مريودي

في الرصيف مستني
وللثواني احاسب
امتى يظهر نورو
الليه ديمة اراقب
القى فيه هناى
يلقى فيني هناهو
ننسجم لريدنا
الكان يا مريودي

الاشرجي تراه
للاشارة اداهو
فتحوا الصنفور
لمروره براهو
قلبي زاد خفقانه
و زاد كمان في ولاه
للحبيب الماري
الليهو زاد شوقي

القطار يتهادى
حل في وادينا
يلا نجري نشوفه
المن زمان ناسينا
في السلامة سلامة
اه انا الجنيتها
في المحطة بكيتها
يا القطار تدشدش
يا الشلت مريودي

---------------------------

عيد الكواكب

كلمات محمد عوض الكريم القرشي

:::::::::::::::::

يوم قالوا لي الاقمار عليمة
انك تراها و تلمس اديمها
يا ريت يا ريت يا ريتني ابقى سعيد
واشوفها ديمه
*****
يا فني جود و انصفني ديمه
يا لحني اشدو شعرا قويما
تصور الاقمار عرفت غناك
نزلت من السموات تسمو حداك
و ازدانت الحفلة و النور تجلى
يا الله زيد في الحب و العفة ديمه
*****
فلتسالوني عن عيد الكواكب
الفيه نور الدنيا صفاه ساكب
صوت المغني اصف المواكب
دا الدهب المجمر بجماله انضر
دا الفل يحكي لونه ما احلى نونو
فشهدت استغراضا كان عظيما
و سهرت والاقمار لسواى ظليمة
*****
في الحقيقة حبي بعيد و بعيد سماه
ما ذنبي لو عازل بالجور رماه
ليه التجني و انا راقي فني
و حلو التثني قد غاب عني
معروف هواى و طاهرات نوايا
و الا لو اصررت تكون اليمة
ساجفو و الاقمار لي داني ريمها

------------------------وطني .. وطـني

شعر: محمد عوض الكريم القرشي

::::::::::::::

وطن الجدود نفدّيك بالأرواح نجود
وطن الجدود نِعم الوطن خيراتو كم يتدفقن
آن الآوان أن نـُمتحن في سبيلو لا نطلب ثمن
*****
وطن الجدود نحن الفداء
من المكائــــد والعـــــدا
نتمنى ليك دايما تســـود
بدمانا نكتب ليك خــلـود
هيا يا شباب هيا ياجنـود
هيا حطمــوا هذه القيود
*****
هيا يا شباب هيا للأمام
سودانّا قد ملّ المــــــلام
حرية كاملة هي المُرام
تؤخذ ولا يجدي الكلام
حذاري أن وطنك يضام
حذاري أن يصبح حطام
جهلٌ .. وفقرٌ.. وانقسام
فلنتحد ويجب نعــيــــد
لوطنّا أمجاد الكرام
*****
هيّا يا شباب ضموا الجنوب
القافلة ســــــارت لن تؤوب
أبنوا السلام دكوا الحروب
وماء نيلنا يكون عـــذوب
أهتف معي قل يا أخي
يحيّا الكفاح وينتقي
فليخرج الباغي الشقي
ويرفرف العلم الأبّي
وطني .. وطـني

--------------------------------------


الذكريات

كلمات محمد عوض الكريم القرشي

::::::::::::

الذكريات صادقة وجميلة
مهما تجافينا بنقول حليلة

الذكريات في كل ليلة
توحي للحبايب اشياء كثيرة
فمن يغني يذكر خليلة
ومن بينعي ماضي وذميلة
و من بيعبود وقد طال ليلة
فل تذكورنا كثيرة او قليلة

الذكرة تجمعنا ونمرح طويلة
الذكرى للحبان اجمل اشارة
هي للقلوب مراة وللحب منارة
مرات تجود بجنانة ومرة نارة
حيث الاشار صعب في الحب مدارة

فذكراتنا جميلة وكم نبيلة
واحبابنا وين الليلة في اي ليلة

رجع الصدى المحبوب بالذكريات
واحيا الالم والجور بالذكريات
وفرح الاحبة يتم في الامسيات
حيث اللقاء بهديك ماكان وفات

يا الفي الجنوب حي الشمال
يا الفي الشروق ليك شوقنا طال
يا الفي الغروب هاك لحني قال

الذكريات نهضة بجيلة
ونا كنت حاديها ودايما دليلة
الذكريات صادقة ونبيله
مهما تجافينا بنقول حليلا
------------------------------------

الحالم سبانا



الحالم سبانا احب طرفو الكحيل
اكرم لي هوانا يعيش محيو الجميل
في انظضر بهاهو زي الفل مفتح
يا ورد الخميل وين بنشوف نظيرو
يمرح في شروقو
ويصدح في الاصيل
ما احلاها بسمة
وما أسماها رسمه
تفرح للحزانا تحمل لي غنانا
ترمز عن كتير
تامل فيه مره وشوف دل العذارى
تلقى الصوره تحلف يوسف بي اطاره
الللاء عيونو والبيضاء سنونو
كم يسبيك زهرو.. كم يغريك ثغرو
هالكنا الامير
اما جسيمو ناعم
الفن فيه خاتم
والحاجب قمر
اليكفيه بانو مخلوق من جنانه
رب الكون امر
ما بتقدر تعائن لما تراهو بائن
لاس الحور قلاده
وخاتي النور وساده
مخلوط من حرير

-------------------------------

البان جديد


اليوم سعيد وكانو عيد ..يلا نشهد
حدائق البان جديد

اليوم سعيد شرق الصباح من غير نشيد
زارني الوديد قال لي نقوم البان جديد
نغني فيها نشوف زهوره الفي حقولا
نشوف زهوره الفي حقولا احب زهورا
قلت ليه طوعا كم مريد اتم الهناء واكون سعيد

ياشادي قول واروي القصيد
بين الحدائق الغني جيد
حسن النسيم هاديلا جيد
تغريد طيوره بين زهوره احب زهوره
توريك صورة احلي صورة احلي صورة
فهتفنا قول يا شادي عيد
زان كردفان حسنا جديد

جنات زهور ومعمار فريد
في ظلاله كم كان لينا ريد
لمن نريد نتلو النشيد
بسم خضارة وزاد نضارة
وضع الحدائق كم هو رائع كم هو رائع
فنعمنا فيا بيوم سعيد
يا ربي عيد لي ربوعها عيد

يلا يلا حدائق البان جديد



----------------------------------------------

حين تنعقد ظلال المساء وهى تغطى ملامح النهار بغفوة تلك الظلال قبل ان يلج الليل بسطوته..وجحافل قدومه..وهو يرسل وشاحاته الظلام ليسود كل شىء...وحين ينبلج ضى القمر...من رحمة مرقده ويرسل تلك الشعاعات الضياء..وهى تسقط على كثبات رمال مدينة الابيض...وتكشف عن تمددها وكانها امواج على سطح البحر حين يسقط عليها ذلك الضى اللجين...والهدوء يفرد سلطانه على كل شىء...إلآ من ذلك الصوت الصيدح الذى يخترق كبد الليل ويسكن فى احشاء الشجن..وهو يرسم ملامح تقاطيع الجمال بكل ذلك النسج البديع...حيث ترتمى على احضان المنى كل اخيلة الامنيات...زوهى حبلى بكل خزاز الامل..تسعى الى لك الاصطباح حيث تغسل ترانيمذلك الغناء غبش الفجر.زلياتى طفح الصباح بكل اشراقه الوضى..حيث تستحم كل التطلعات على بحر ذلك الترقب والتوقع الرجاء...
كل ذلك وذلك الشاعر الفنان يتوسط رفقة المساء وسمار السهرويرافق سحر الجمال.وهو يغرد فى سياحة من طرب فريد.يحمل على اجنحته كل دفق احساسيس الهوى.ويصطحب معه صولجانات الجمال بزخمها وخيلائها وشجونها وسحرها وهى تهمى بكل مدى ذلك العطاء الانسكاب.حيث يعاقر الليل ازمنة العشق ويحستى كؤوس اللوعه والعذاب.ويتابع الخفق رعش النبض..وتئن الشجون بثقل الهوى وطفح الحنين وشوق الحنان..والصوت الرائع يردد...
لو قالوا لى.الافلاك.عليمه..
انك تراها.وتلمس اديمها..
تتجد ملاحقة الشجون...
ودا الدهب المجمر..ببريق انضر..
وتتابع الشجون...
نور عيونك.اطفأ منى بدور.
لونك الدهبى...الصرت بيه كفول
ونستمع فى تلذذ.وابهار...

وانت الوحيد بالذات الكنا.طارنك..
محبوبى الجميل...
ونتابع...
والذكريات صادقه وجميله...
ويا الفى الجنوب .حى الشمال..
ونردد فى لهفة الشوق..
رب الجمال..رمز الجمال...
ويتهجد الليل فى سرحان طوافه العشق..وهو يتابع الصوت الصيدح يعربد ويغرد..
يا القطار تدشدش ...الشلته محبوبى...

وذكريات سكان عروس الرمال.وهو يسعون فى فرح وطرب الى حدائق البان جديد...
والصوت الرنين فى جرسه يردد...
اليوم سعيد.وكانه عيد.
يلا نمشى...حدائق البان جديد...

ويسرح صدى الصوت المغنى المغرد للشاعر الفنان الانسان محمد عوض الكريم القرشى.وكانه خنصرة تلك الرياح التى تغشى كل المواسم وهى تاتى بهبوبها وتثير الشجون..سيظل هو فى ذكرياته ذلك الوتر الرنان..وهو يسرح باحاسيس ومشاعر الخلق..ويسقط رعش إصطفاقه على حس القلوب يحيى فيها كل ازمنة مواسم العشق والغرام.ويلهب رياح الاشواق ويسالها ان تهب.فى دفق هاطل يسقى كل الخلجات بدفء ذلك الشعور....والصدى يردد...

امل عشقته.وراح.وعشقت بعده الراح..
حبيبى هجرك .اضرا..
وتاتى حشرجة الاسى..حين نسمع...
عدت يا عيد بلا زهور.وين قمرنا وين البدور..
غابوا عنى...

.................................
اللهم ارحم ود القرشى واجزيه خيرا بقدرما منح من دفء وحب وعطاء وطرب...






_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 3:09 pm


شكل الشاعر محمد عوض الكريم القرشي ثنائية مع الفنان الكبير عثمان الشفيع حيث تغني له الشفيع بمعظم قصائده :

ولد الراحل المقيم الفنان عثمان الشفيع عام 1924 بمدينة شندى بدا تعليمه بالخلوة كسائر جيله بخلوة اولاد حاج جابر ومن ثم المرحلة الاولية وانتقل ا ليعمل مع ابيه فى دكانه بالسوق لمساعدته وحوجته له .نشأة فى بيئة دينيه حيث كان يسمع المدائح النبوية من والده وتلاوة للقران بامتلاكه لصوت جميل الشىء الذى كان دافعا له وسببا خفيا لاحترافه الغناء لاحقا فهو قد بدأ كمادح صفير من مداح الطريقة الختمية ومؤذنا فى جامع حوش ودبانقا.ويقول عثمان الشفيع فى مذكراته ( ان قصتى الحقيقية مع الفن والغناء بدأت مع الحياكة الذى جذبته فعملت بعد ذالك ترزى وكان الغناء السايد يومئذ غناء الحقيبة وكنت احفظ تلك الاغانى فور سماعها لها وكان لى زميل يدعى صالح شيخ العرب وكان ترزيا ايضا نعمل فى مكان واحد وكنا نتبارى فى الغناء وكنت اعامل مكنة الخياطة كأنها اله موسيقية حيث احركها بقدمى بصورة ايقاعية مع ترديدى لغناء الحقيبة. انتشر خبرى كفنان فى شندى وكان الناس يطلبون منى الغناء فى افراحهم الخاصة واحيانا كان يستعين بى فنانى شندى الفى الساحة لاعمل معهم -كورس)ظل الفنان الشفيع يغنى حتى عام 1943 ولكن فى افتتاح الاذاعة عام 1940 حدث له تطور فنى هام وذالك بسماعه لاغانى عمالقة الفن انذالك احمد المصطفى وحسن عطيه والكاشف عبر الاذاعة واخذذ يردد اغانيهم ويحفظها وبدا يغنى الاغانى الحديثه وكان دافعا له ان يتعلم العزف على العود حيث ساعده خاله فى توفير ثمن العود وكان عبارة 175 قرشا وتعلم مبادئ العزف على العود والنوته الموسيقية بواسطة شخص يدعى الزين بابكر ا وبعد فترة اصبح يجيد العزف عليه وكان سببا فى احترافه الغناء.
فى رحلة بالباخرة الى كريمة التقى بالشاعر مبارك المغربى والموسيقار وعازف الكمان وقتها علاء الدين حمزة وطلبا منه الغناء بعد مشاهدته يحمل العود فغنى لهما اغنيى الكاشف -الشال منام عنيى - واعجب به الشاعر مبارك المغربى ووعده بارسال اغنية له وكانت قصيدة يجارى فيها الفنان الكاشف فى اغنيته الشال منام عينى وهى اغنية الباسم الفتان .بعد احترافه الغناء الحديث اول حفل غنى فيه كان بنادى خريجى كريمة .وفى نفس العام جاء للخرطوم لزيارة صديقه صلاح الجمل الذى اصطحبه الى الاذاعة فغنى اغنية الباسم الفتان عبر المايكرفون عام 1943 وبعدها عاد للخرطوم بدعوة من نادى الخرجين بامدرمان ليشارك فى حفل يحيه كبار المطربين .غنى فى الحفل اغانى الباسم الفتان- حيتو ما حيانى-يافتاى اين سخصك اين رسمك. وكان وقتها لا يعرف الشاعر ودالقرشى بل يسمع به ولكن عبر بعض ابناء شندى العاملين بالتجارة واللذين يسافرون الى الابيض كانوا سبببا فى علاقته مع الشاعر ودالقرشى وتحولت الى صداقة عميقة بينهما وكونا ثنائيا مميزا وظهرت عبرها اجمل الاغانى ومن اميز الاغانى التى تغنى بعا الشفيع لود القرشى الذى كان يسمى بالارباب- رب الجمال- رب الشعور- رب المحاسن-رب الفن- رب السعادة -رب الوداعه-رب الدلال- واخرى

---------------

يمكننا القول ان مشواره مع ة ودالقرشى انتج ما يمكن تسميته بالينبوع العذب الصافى الذى امتزج فيه سمو التعبير الراقى بلاداء واللحن ومشواره مع ود القرشى اعطى رصيد فنى للغناء السودانى .
يحكى الراحل المقيم الفنان الشفيع فى ذكرياته عن ودالقرشى حيث يقول( توفى ودالقرشى عام 1969 فى نفس اللحظة التى كنت احتفل بيها بزواجى حيث اجتابنى اكتئاب غريب قبل وفاته بدقائق رغم بعد المسافة بين الخرطوم والابيض وبكيت بكاءا شديدا وتركت الحفل ولكن الاهل وبعض الصحاب اوهمونى بعدم صدق الخبر وان ودالفرشى لم يمت الا اننى عرفت اخيرا خبر وفاته وهكذا كانت عمق الترابط بيننا رحمة الله عليه)
انتاج الشفيع الفنى اهم ما يميز تجربته الاتى
ان قمة مجده كانت فى الاغانى الوطنية وكانت مرحلة المطالبة بالاستقلال وخروج المستعمروكانت اغانيه الوطنية تقوم بدور فى اذكاء المشاعر الوطنية منها الاناشيد =المؤتمر-للعلا - صرخة روت دمى- واخى النصر للكتل اللجائعة-وطن الجدود-ام ضفاير قودى الرسن- بل تعداه الى خارج حدود السودان وذالك بمشاركته مع بعض الفنانين فى الترفيه على الجنود السودانيين فى ارتريا وغيرها ابان الحرب العالمية الثانية.
له كم هائل من الاغانى تعدى المائة والثلاثون اغنية وقد شاركه عدد من الملحنين منهم محمد عبدالكريم القرشى- برعى محمد دفع الله-علاء الدين حمزهيمتلك صوتا جميلا واحساسا صادقا ويتدرج صوته تحت فصيلة الاصوات الرجالية الحاده >كما يتميز بمدى صوتى واسع ونفس طويل وتمكن فى الاداء. احساسه بالكلمة المغناه عمق عنده التعبير والاداء ويرجع الى علاقته بالشاعر ودالقرشى. الا رحم الله الشاعر ودالقرشى والفنان عثمان الشفيع وانزل السكينه على قبريهما وكان الراحل المقيم مدرسة نهل منها العديد من الفنانين اللذين يتربعوا على عرش الغناء الان وقد كانت تربطه علاقة قوية مع الراحل المقيم الفنان خوجلى عثمان رحمة الله عليه فلقد كان يصفه باستاذه.
له الرحمه

----------------

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 3:26 pm

من انت ياحلم الصبا
عبدالمنعم عبدالحي


من انت..؟! يا حلم الصبا..
من انت..؟! يا امل الشباب..؟؟
من انت..؟ من رحت انشده و لكن لا اجاب
ارنو لصورتك الحبيبة بين اطياف الضباب
فى الارض فى الانهار فى الشفق المنور فى السحاب..
من انت..؟! ياا حلم الصبا من انت..؟! ياا امل الشباب..؟؟
****
و احسها فى خاطرى نور تدفق فى انسياب
بالسحر بالامال بالانغام بالعطر المذاب...
بالورد بالأزهار ..... بالكأس المتوج بالحباب
من انت..؟! ياا حلم الصبا من انت..؟! ياا امل الشباب..؟؟
****
وأكاد أسمع في دمي صوت تضمخ من شذاه
حتى متى أبقى على الدرب الطويل ولا أراه
من وحي أوهامي خلقتك رغم آلام الحياه
ياصورة الحلم الذي قد شع في قلبي سناه
ياومضة الأمل الذي قد عشت عمري في رجاه
شفتاك من ورق الورود ... وآه من تلك الشفاه
خداك من شفق المغيب .... و آه من خديك آه
وعيناك يكمن فيهما ليل تسربل من دجاه
من انت..؟! ياا حلم الصبا
من انت..؟! ياا امل الشباب..؟؟

****
إلى متى أدعوك لهفان الجناح
حتي متي ابقي علي الدرب الطويل بلا مراح
أبدا اسير مخيرا بين الروابي ... والبطاح
ويكاد يحرقني الظمأ وتكاد تسحقني الرياح
من انت..؟! يا نفح المنى
من انت..؟! يا نور الصباح..؟؟؟
****
---------------------------فارق لا تلم



كلمات عبد المنعم عبد الحي

أحمد المصطفى


::::::::
فارق لاتلم
أنا أهوى الألم
ما أول حبيب
ولا آخر ظلم
******
بعشق فيك عفاف
وأبعد لا تخاف
إن طال المطاف
تحين للقاك ظروف
ألقاك وانسجم
واسكب دمعي دم
حبّك لي جسارة
وحبي ليك قسم
******
غداً أنا أسعى ليك
أحنّ وأسأل عليك
حبيبي أراك سليت
قليبي الصار لديك
حلفتك عليك قسم
تفارق لا تلم
هجرك لي هلكني
وقربك فيهو سم
******
جميل قاطع جمال
لكن مانع الوصال
حليل القلبو مال
وهام في خيال خيال
وجرحو الما إلتئم
وهم صار ليهو هم
منعت علي دواك
وكم صارعت كم

-------------

يا ناسينا
كلمات عبد المنعم عبد الحي
أداء الفنان :أحمد المصطفى
:::::::::::
يا ناسينا .. ياناسينا
إلاما البين إلاما
متين الموج يرسّينا
على برالسلامة
******
يا ناسينا
وكيف الشوق يطرّيك الخوالي
ليالينا المضت
يا ريت تعود لينا الليالي
وكيف تنسانا
وانت الما نسيناك
وتسلونا وتجفونا
وحبّك إنتا دنيانا ودنياك
******
يا ناسينا
وزاد الهمّ مباكينا بذكراك
ونحن الكم ذكرناك
وطريناك
وانت بعيد
سعيد بي قلبك القاسي
وقلبي وحيد شقيت
بين كاسي وين ناسي
ناس في المرّة جافونا
وبكرة الحلوة بتجينا

--------------------

أنا أمدرمان
كلمات عبد المنعم عبد الحي

أداء الفنان أحمد المصطفى

:::::::::::::

أنا امدرمان تأمل في نجوعي
أنا السودان تمثل في ربوعي
أنا إبن الشمال سكنت قلبي
علي إبن الجنوب ضميت ضلوعي
******
أنا أمدرمان سئلواالنيلين عني
وعن عزمات فتاي عند التجني
فخير بنيكا يا سودان مني
سئلوا الحادي سئلوا الشادي المغني
******
أنا امدرمان إذا ما قلت أعني
فما نيل المطالب بالتمني
تجيش النفس بالآمال لكن
ولكن هذه لما لا تدعني
*****
أنا أمدرمان مضي أمسي بنحسي
غداً وفتاي أحطم قيد حبسي
وأخرج للملأ في ثوب عرسي
وأبسم بعد ما قد طال عبسي
وأعلن والفضاء يعلن همس
وأهتفت والوري يعرف حسي
فيا سودان اذ ما النفس هانت
أقدم للفدي روحي بنفسي
--------------------------------------

لوموهُ اللاهى


لوموهُ اللاهى في الغرام بالله
قولوا ليه الحب شي طبيعي إلهي

الغرام ما بيخير بين كبير وصغير
من زمان الحب امرو فينا يحير
يا جميل يا نضير خلي هجرك غيّر
بكره والله الحب أمرو فينا يصير

نادوا لينا البنا يبني لينا الجنة
يبني طوبة حب ويرمي مونة محنة
بالكتاب والسنة يعقدوا لينا اهلنا
انتصر يا حب نحن نلنا املنا

سيرونا لنيلنا..سووا لينا عديلنا
فوق جناح الحب الملايكة تشيلنا
يوم تقلب خيلنا عليها شبان جيلنا
والزغاريد حب يا خلي مافي مثيلنا

العاقبة لخلانا وللبيشاركو معانا
نحن ناس الحب الله ما بنسانا
نحن صُنَّا هوانا بشرف وامانة
يا جمال الحب و يا جمال دنيانا





(من أجمل أغانى عبد العزيز محمد داؤود)
-----------------------------------------------------

يوم قسموك يا هم


يوم قسموك يا هم
كتبوا عليك اسمي
لو كان رووك بالدم
يا هم رووك دمي
انا لو رضيت بالهم
مابرضى بي همي


حباني يا أهلي
يا من تعزوني
في الدنيا خاب أملي
في حظي عزوني
أنا لو يحين أجلي
ما تبكوا هنوني


يوم السعادة تفوت
يا ناس تخليني
بين الحياة والموت
يا السعادة زوريني
لو أمروها بالجبروت
السعادة ما بتجيني

------------------------------------------


.



من أنت يا حلم الصبا كلمات عبد المنعم عبدالحي غناء : سيد خليفة

من انت..؟! يا حلم الصبا..
من انت..؟! يا امل الشباب..؟؟
من انت..؟ من رحت انشده
و لكن لا اجاب
ارنو لصورتك الحبيبة
بين اطياف الضباب
فى الارض فى الانهار
فى الشفق المنور فى السحاب..
من انت..؟! ياا حلم الصبا
من انت..؟! ياا امل الشباب..؟؟
****
و احسها فى خاطرى
نور تدفق فى انسياب
بالسحر بالامال بالانغام
بالعطر المذاب...
بالورد بالأزهار ..... بالكأس المتوج بالحباب
من انت..؟! ياا حلم الصبا
من انت..؟! ياا امل الشباب..؟؟
****
وأكاد أسمع في دمي صوت تضمخ من شذاه
حتى متى أبقى على الدرب الطويل ولا أراه
من وحي أوهامي خلقتك رغم آلام الحياه
ياصورة الحلم الذي قد شع في قلبي سناه
ياومضة الأمل الذي قد عشت عمري في رجاه
شفتاك من ورق الورود ... وآه من تلك الشفاه
خداك من شفق المغيب .... و آه من خديك آه
وعيناك يكمن فيهما ليل تسربل من دجاه
من انت..؟! ياا حلم الصبا
من انت..؟! ياا امل الشباب..؟؟


-------------------------------------------

الشاعر عبدالمنعم عبدالحي من رواد الشعر الغنائي الحديث. حيث تغني له كبار المطربين , وهم:الفنان احمد المصطفي(انا امدرمان-فارق لاتلم-فتنتي-سهران الليل اناجي القمرة)ولقد تغني بها اولا حسن عطية وهي من اغنيات عام 1947 ولقد طلب حسن عطية من عبدالمنعم عبدالحي ان ينظم له كلمات علي لحن اغنية بنات تقول كلماتها-ياصباحي الغزال الفي الضواحي.لان كلماتها لاتصلح ان تبث في الاذاعة ولحنها في غاية الجمال وخسارة ان يضيع هذا اللحن الجميل كما قال حسن عطية فنظم له عبدالمنعم عبد الحي هذا اللحن-سهران الليل بناجي القمرة....ايضا تغني له حسن عطية(النيل الفاض وامتلا-رملتنا البيضا-عيوني عشقو السهر-اقيف يازمن-ننو ياننو-الحجل بالرجل-ظهر نور الشروق-يوم شفت القطار شالو سافر قلبي قبالو-حليل مدني- اقيف يازمان خلي السعادة تطول)......تغني له عبدالعزيز محمد داؤد(بالله يااهل الهوي-لحن العذاري- حليل الدوام بطراهم-انتصر ياحب-ابتسمي لوتسمحي)....تغني له عبدالدافع عثمان(هبت نسايم الليل-في حبك ياخليلي-)..وتغني له عثمان حسين(ناس لالا--ندامي الراح-اوراق الخريف)..تغني له الكاشف(فراق حبي المولع ناري-اسمر جميل)....تغني له التاج مصطفي(ياعين ياساهرة-ونشيد يااخي يدايدا-)ابان العدوان الثلاثي علي مصر....تغني له عبيد الطيب(ياساير ياماشي النظرة ماشة معاك وقف وقف وسوقني معاك--سلام برده ليك).تغني له الخير عثمان(اهوي الدنيا عام1956) تغني له عثمان الشفيع(ايامنا عام 56-داك الصباح اهو لاح-اسمر اسمر ياسمير-انساني) ..تغني له سيد خليفة(يابانة-الممبو السوداني-كفاك صدود-حبيبي ياساكن البوادي-ارض الكنانة)...تغني له محمد الحويج(مابنساك-يالمسافر-وين ياهناي-يامنايا-ياحبيبي تعال-هوي الفؤاد-راحت ليالي-علي ربي امدرمان)...تغني له حمد الريح(نار البعد والغربة)...وتغني له محمد حسنين(ياسهارا)...وغيرهم كثيرون

------------------------------------

عبد المنعم عبد الحي ابن الجنوب الحبيب هو نتاج لعبقرية المكان وعبقرية أم درمان .. فقد نشأ هذا الشاعر الرائع في جو ملأه الفن والجمال والتسامح .. وعبد الحي بوعي الشاعر الفنان اكتشف نموذجية أم درمان أو نموذجية الوحدة الطوعية فلذلك كان عمله المركزي "أنا أم درمان" .. هذه القصيدة الرائعة وهذا النشيد الوطني الخالد هو منفستو الشاعر المؤمن بالسودان الموحد على مستوى الهدف والمصير.
أنا أم درمان .. أنا السودان
أنا الدر البزين بلدي

بهذا الفهم المتقدم لمعاني الوحدة السودانية كتب عبد المنعم عبد الحي هذا الشعر الرائع الذي تغنى فيه بعظمة السودان وعظمة إنسانه صانع الحضارات عبر حقب التاريخ المختلفة .. وانتظم هذا الشعور الجميل كل قصائد عبد المنعم الجميلة التي أثرت وجدان الشعب السوداني وتغنى بها الكبار من أساطين الفن السوداني الخالد..
عبد المنعم عبد الحي:
تعود جذوره إلى جنوب السودان ، وينتمي تحديداً لقبيلة الدينكا.. نشأ عبد المنعم بين الخرطوم وأم درمان.. درس جزءاً من دراسته الأولية بمدرسة الخرطوم الجديدة الأولية .. وارتحل إلى أم درمان وتم استيعابه في مدرسة الموردة الأولية وقد كانت تحمل اسم "مدرسة العباسية"..
تاريخ ميلاده غير محدد بدقة ولكنه على الأرجح بين عامي 1920 -1922م
أول من تعرف على موهبة الشاعر عبد المنعم صديقه وزميله في المدرسة الشاعر الكبير الراحل مبارك المغربي.. وقد عرفه مبارك على الفنان إبراهيم عبد الجليل الذي كان يزور أسرة مبارك في البيت .. ومن ذلك الوقت تعلق شاعرنا بفن الغناء .. درس عبد المنعم المرحلة الوسطى بمدرسة أم درمان الأميرية .. وقبل أن يكمل دراسته الوسطى سافر إلى القاهرة عام 1934م ومنها سافر إلى "شبين الكوم " حيث كان يعمل شقيقه هناك..
كانت والدة عبد المنعم تتمتع بصوت جميل وكانت تردد أهازيج صوفية ومدائح نبوية وقد تأثر عبد المنعم في باكورة صباه بتلك الأهازيج.. وفي إحدى العطلات حضر مع أخيه إدريس عبد الحي في القاهرة وقابلا أخاهما أحمد وكان يرافق الحاج محمد أحمد سرور والفنان كرومة فقد كان أحمد يعزف لهما آلة الكمان.. وقال في ذكرياته أنه قرر أن يبقى في القاهرة ولا يرجع إلى " شبين الكوم " وذلك لمقابلة مجموعة الفنانين الذين يحضرون للقاهرة بغرض تسجيل أغانيهم بها..وكان يواظب على الحضور للنادي السوداني بالقاهرة والذي أنشأ في عام 1936م وازداد تعلقه بالنادي بعد حضور الفنان الكبير والملحن المشهور "إسماعيل عبد المعين"..
قصائده المغناة:
1956 كتب أغنية " يا ناس لا لا " للفنان الكبير الراحل عثمان حسين وأغنية " أوراق الخريف " ، " يا ليالي المصير قولي لخلنا " ... الخ .
وكتب العديد من القصائد التي تغنى بها الفنان الراحل سيد خليفة وكان التعاون بينه وبين سيد خليفة في إبان دراسة الأخير الموسيقى بالقاهرة منتصف الخمسينات وقد تغنى بها سيد خليفة على المسارح العربية قبل مجيئه إلى السودان منها : نانا ، وإزيكم ، المامبو السوداني ..
كما كتب العديد من القصائد الرائعة التي تغنى بها المرحوم أحمد المصطفى وتأتي في مقدمتها رائعته " أنا أم درمان " كإحدى أشهر الأغاني الوطنية السودانية على الإطلاق ، وكتب " بلّ شوقي " وغيرها ..
وكتب للراحل عثمان الشفيع أغنية " أيامنا " و " أسمر يا سميري " وغيرها ، وقد لحنها له الملحن الأسطوري برعي محمد دفع الله ، وتغنى بأشعاره أساطين الغناء السوداني حسن عطية وعبد العزيز محمد داؤود " دوام بطراهم ، أحلام العذارى، يا نديما عبء من كاس الصبا " وكذلك أغنية لوموه اللاهي وهى أغنية يحبها وردي ويترنم بها في مجالسه الخاصة..


-----------



خاتمة..
هذه ملامح لوجه أسمر جاء من جنوبنا الحبيب وعاش في عاصمة بلاده الوطنية " أم درمان " وتشرب قيم التسامح والمحبة وسافر إلى مصر وهو في ريعان شبابه وتزوج من سيدة مصرية وأنجبت له أبناء استشهد اثنان منهم أحداهما في حرب 1967 ضد الكيان الصهيوني والآخر في حرب 1973 م ، ولكنه ظل مخلصاً لمنابعه السودانية فكتب الروائع التي أثرت وجدان الشعب السوداني وكتب " أنا أم درمان " نموذجاً للوحدة الطوعية وقارورة احتوت المعجونة السودانية النادرة مثل " جبة الدرويش " التي وصفها الشاعر المجذوب بالحديقة فهي وإن تعددت ألوانها إلا أنها شيء واحد..
توفى عبد المنعم بالقاهرة 1975م.





_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:14 pm


الشاعر عبد الرحمن الريح


صاحب أكثر من 140 اغنية تبثها الاذاعة كل صباح و مساء


نشأته:
و لد عبد الرحمن الريح (ابو الريح) في حي العرب بأم درمان افتراضيا 1918 (19) أو 1915 (15) او 1922 (1) لأسرة تخصصت في الاتجار بالانعام في سوق الماشية بام درمان. لم يتعلم الشاعر و الملحن الكبير في مدرسة و لكنه التحق بخلوة الفكى احمد عبد الرحيم لتعليم القرآن و تم نقله منها الى خلوة الفكى الخليفة عثمان فى حى السوق بام درمان و يقول ابو الريح " وقفت في الخلوة عند اتمام الربع الأول ثم اخذنى والدي للعمل معه في متجره بسوق امدرمان الكبير لبيع الدمور شمال مكتب البوسته و أخذ يعلمنى من مصحفه الخاص مع راتب الإمام المهدي و مناشيره.و هكذا غرس والدى في مخيلتى حب القراءة و الكتابة منذ الصغر" (ديوان الروائع الحبيبة من اغانى الحقيبة لابو الريح).


ترك شاعرنا العمل مع والده فى المتجر و التحق بورشة قسم الله الحورى ليتعلم النجارة ثم تركها من دون ذكر اسباب فالحقه والده باحد محلات السروجية حيث تعلم صناعة حقائب اليد النسائية و زاولها فترة طويلة و انضم إليه الفنان رمضان حسن بورشته التي كانت تعمل في مجال المصنوعات الجلدية و عندما استمع عبد الرحمن لصوت رمضان احتضنه وتبناه فنيا وبدأ يؤلف له الأغاني. ثم هجر عبد الرحمن الورشة فى العقدين الاخيرين من عمره ليعمل فى بقالة بمنزله بام بدة حتى وفاته.
تزوج مرتين و ليس له اولاد و هو انيق للغاية و لا يتلاعب في هندامه شأنه شأن سرور و كرومة و تزين وجهه شلوخ ظاهرة و ينتمى من جهة ابيه الى الجعليين العالياب و من جهة والدته الى الشايقية الفاضلاب و قد كان جده لوالدته معلما مرموقا و لذلك اشتهرت امه بلقب "بت الاستاذ" و له ثلاثة اشقاء و عدة شقيقات.



اضطرته الظروف العائلية إلى بيع منزل العائلة و الانتقال إلى أم بدة حيث افتتح دكانا صغيرا بمنزله يتكسب منه. و عبد الرحمن الريح انسان شديد الحياء و لايخرج من منزله كثيرا و أن حدث فهو يخرج في المساء إلى مكانه المفضل مقهى "يوسف الفكى" بام درمان مقابل سينما الوطنية (1).
---------------------- :--

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الأربعاء مايو 04, 2011 8:27 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:14 pm

شعره:
يعتبر عبد الرحمن الريح نفسه آخر شعراء الحقيبة التي يعتمد نظم شعرها على طريقة ابى العلاء المعرى "لزوم ما لايلزم" حيث كان من عام 1910 حتى نهاية 1940 كل من لا يعمل بهذا القانون الشعرى لا يعد شاعرا مهما بالغ في النظم لان متانة القافية في رأيهم -خصوصا في الشعر الغنائى- تجعله قويا ذو جرس موسيقى يساعد على ابراز الكلمات بواسطة اللحن و الاداء، كما تتيح للملحن الاتيان بلحن جياش يناسب قيمة الكلمة الشعرية الجيدة و هذا هو الطرف الخفى في بقاء اغنية الحقيبة و خلودها (ديوانه "الروائع").

عبد الرحمن الريح ايضا هو ناقد لم ينشر على الناس ما كتب و هو كاتب مسرحى بخل على الآخرين بمسرحياته و هو ضنين للغاية باى معلومات حول طريقته في التأليف و التلحين و ما لا يعرفه الكثيرون أن عبد الرحمن الريح عازف عود ممتاز، فقد رافق المطرب عمر أحمد بعزف العود عند تسجيل أغنيتهما (كان بدري عليك) وهي أول عمل غنائي بدأ به الشاعر تعاونه مع مطرب يغني بمصاحبة الآلات الموسيقية.

عن ذلك يقول د. نصر الدين شلقامي أن عبد الرحمن الريح كان عضواً في جمعية فلاحة البساتين، وهوبعد شخص قليل الكلام، وكان ناقداً فنياً في مجلة الاذاعة والتلفزيون، بالاضافة الي أنه كتب مسرحية شعرية في العام1946م ضد الانجليز.
دواوينه:
له ثلاثة دواوين من الشعر أحدهم باسم (عصافير وفراشات) وهو باللغة العربية الفصحى( لم ير النور حتى الآن لضيق ذات اليد) حيث قام الشاعربتسليم الديوان في عام 1981 إلى المجلس القومي للآداب والفنون بغرض طبعه على حساب الدولة ،وتابع المرحوم بنفسه هذا الأمر إلى أن يئس وقام بإسترجاع الديوان عام 1990 أي قبل وفاته بعام ولم تحرك الدولة ساكناً. كما له ديوان آخر باسم (الروائع الحبيبة من أغاني الحقيبة) و هو من اشهر دواوينه وقد نشره عام 1971. الديوان يشمل قصائد كثيرة في مجالات متعددة، في الوطنيات وشعر المناسبات وأدب التظرف، وقصائد غنائية لم تغن،و قصائد ما بعد الحقيبة والتي تم فيها الانتقال إلى استخدام الآلات الموسيقية وهي المرحلة التي اكتمل فيها نضج عبدالرحمن الريح الموسيقي وساهم بألحانه العديدة والمتنوعة في الانتقال إلى مرحلة جديدة في الغناء السوداني. جمع عبدالرحمن الريح هذه القصائد في ديوان مخطوط ظل رهين المحبس البيروقراطي داخل المجلس القومي لرعاية الآداب والفنون لسنوات طويلة حتى انتزعه على المك وأهل عبدالرحمن الريح بعد رحيله. و الديوان الثالث باسم (أغاني الاركسترا الحديثة). قامت الأسرة بإعادة طباعة ديوان أغاني الحقيبة وأضافت إليه الأغاني الحديثة بمساعدة وزارة الثقافة والإعلام الاماراتية وبعض أفراد الجالية السودانية بدولة الإمارات منهم السيد كمال حمزة. طبعت حوالي ألف نسخة وزع منها على أفراد الجالية والبقية ما زالت بدولة الأمارات لم توزع في السودان.

يقول عبد الرحمن في ديوانه "الروائع " صرت اتعشق اقتناء و قراءة كتب الاغانى خلسة من الوالد و كانت تطبع و تباع حينها بواسطة مكتبة "محمود عزت المفتى" بام درمان ثم تعشقت قراءة المجلات الاجنبية كالرسالة و الهلال و العربى و المصور و الاثنين و مجلة الفجر السودانية لصاحبها عرفات محمد عبد الله، ثم شرعت في قراءة امهات الكتب العربية من نظم و نثر بمختلف الوانها و مشاربها". و حينما وجد نفسه يخطئ في القراءة استعان بطالب من طلاب القسم العالى بمعهد امدرمان العلمى القديم يدعى ’بشير محمد الامين‘ ليعلمه قواعد اللغة العربية .

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الأربعاء مايو 04, 2011 8:25 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:15 pm

بدا شاعرنا بنظم المدائح النبوية مع بعض المدائح التقليدية في مدح الامام محمد احمد المهدى و كانت هذه القصائد تلقى رواجا قبل ظهور المذياع و الغناء بشكله الحديث و يصفه معاصروه بانه كان قوى العبارة سلسها حتى انه اشتهر قبل اختراع و سائل الذيوع العصرية.


له ديوانان مخطوطان احدهما يحوى قصائده النبوية بعنوان "الكوثر الشهدى في مدح النبى و المهدى" و الثانى يحوى بعض اعماله الشعرية الدينية بعنوان "حب الوطن" و عبد الرحمن مكثر في انتاجه بحكم عمله في منزله.

لايوجد نص يحدد لنا اول قصيدة غنائية اقتحم بها ابو الريح عالم حقيبة الفن

الدكتور يعقوب عبد الماجد قال عن عبد الرحمن الريح "انه رجل شامل بكل ما تحمل الكلمة، فبجانب الشاعرية التي عرفه بها الناس فهو ملحن، وعازف ماهر علي العود ومغنٍ أيضاً، وهو يعد من شعراء الحقيبتين (الحقيبة والحديثة) أي أنه جسر بين عهدين، غني للجمال والحب والوطن، وغني بالمعاني السامية الخالية من الحسية المطلقة، وهو الأمي الذي علم نفسه بنفسه إذ لم يتعدَ تعليمه الخلوة، لكنه كان مطلعاً.

هو شاعررقيق جداً، وعفيف، وحساس، وخجول، وصادق، وأمين وكان يهاجر من حى العرب حيث ولد و تربى الى الاحياء الام درمانيه البعيده ليكحل عينيه بمرأى الحسان.


يقول دكتور نصر الدين شلقامي أن عبد الرحمن كان فناناً شاملاً، واتي بمعانٍ جديدة في الشعر الغنائي في السودان، سواءً كان في وصف المرأة، أو الطبيعة،أو الغزل، أو حتي الوطن، فهو يتناول القضايا الاجتماعية في شعره خاصة تلك المتعلقة بالعادات الضارة مثل عادة (الشلوخ) والمساحيق كما في قوله:
طبيعي خلقه ربك مادايرة اي زيادةلابدرة
لا احمر ورد الخدود محمر
الوان محاسنك زي ماهي

ممن ظهرت باصواتهم أوائل قصائد عبد الرحمن الريح المطرب ابراهيم عبد الجليل فغنى "تعال يا روحى" في عام 1938 التي كانت في محاربة اغانى التم تم الهابط و "هوى يا ليلى" و كذلك "طال الفراق" التي تجارى اغنية "سهر المنام لى وحدى" و "المحبوب حبابه الفى زهرة شبابه" و يقول ود الريح أنها من محاولاته الخفيفة الاولى. و من احلى اغانى ابو الريح التي تغنى بها ابراهيم عبد الجليل اغنية "اضيع أنا" (1):
سالت جاره عن راحته و هناه
قال لى دا جاهل و امه معجنـــاه
و حياة صداقتك لو تسمع غناه
تقول ده بلبل ناح فاقد جنـــــاه

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الأربعاء مايو 04, 2011 8:24 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:15 pm

al]
كما قدمت له عائشة الفلاتية "الليمون" وهي من أغاني الحرب.
و كذلك اغنية "وجه الحبيب ازدهر" التي سجلها بصوت المطرب ابو داؤود بعد أن سجلها ابراهيم عبد الجليل و صاحبه في الكورس الفاضل احمد و صوت نسائى من المحتمل أن يكون فاطمة خميس (15).

و هذه المرحلة يعتبرها د. الفاتح الطاهر المرحلة الأولى من ثلاثة مراحل (19) حيث بدا مشواره الفنى باغانى ذات نمط جديد و هي أغانى بسيطة مترعة بلمسة الحقيبة ذات صدى جماهيرى اولها كما يقول هو شخصيا ان أول أغنية اشتهر بها هي أغنية "ما رايت في الكون يا حبيبى اجمل منك" التي غناها في العام 1938 المطرب الفاضل احمد و من الحان شاعرنا ثم تلتها "خدارى البى حالى ماهو دارى" التى تغنى بها فى عام 1940 اولاد الموردة و كان يضم عوض الكريم و مغن آخر غير عطا كوكو كما تغنى بها ايضا سرور في اول تعاون مع شاعرنا فى عام 1940 (1):
خدارى البى حـــــــــــــــالى ما هو دارى
متين يزورنى حبى و محياه يضوى دارى
اقول جلست مرة مع الطير الخــــــــدارى
لولاه ما اشتبهت في يمينى أو يســـــارى
لولاه ما صبرت على ذلى و انكســــــارى
ما دام صبحت عاشق و الحب صبح ثمارى
سيبونى في الارائك اسجع مع القمـــــارى


ثم تلتها "انا سهران ياليل" التى تغنى بها فى عام 1939 عوض شمبات ومن الحان شاعرنا:
انا سهران يا ليل اتعبنى الضنـــــى
حسنك لغرامك ديمه محضنــــــــــا
تهلك في نفوسنا و نهواك برضنـــــا
بى كل اجتهادك قايم ضــــــــــدنــــا
يا جميل من عذابك و هجرك فضنا


ثم ظهرت بعد ذلك اغنيات "الفريد فى عصرك.. الزمان زمانك" الذى تغنى بها عوض شمبات و من الحان شاعرنا (1) و لكن الجقر يقول ان هذه الاغنية ظهرت مباشرة بعد "ما رايت فى الكون" حيث انبأه بذلك الصديق المخلص لشاعرنا المطرب الطيب سمسم (15).

كما غنى له سرور ايضا في سنوات الحرب العالمية الثانية حينما ظهرت الاغانى التي تتناول القضايا الملحة للجماهير "رجال الحدود" (15) و يقول معاوية ان هذه الاغنية هى بداية تعامل شاعرنا مع سرور فى العام 1939 (1) :
هيا يا رجال الحــــــــــدود
دافعوا عن ارض الجـــدود
و اتذكروا النايرة أم خدود]

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الخميس أكتوبر 23, 2014 8:07 pm عدل 2 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:16 pm


و في عام 1943 غنى كرومة لاول مرة لشاعرنا الفنان كرومة " جانى طيفو طايف"
جانى طيفه طايف لحاظه كالقذائف وانا من عيونو خايف
خيالو جانى طايف فى ثـــــــــوب من الطرايـــــــــــــــــــــف
خدوده كالقطايف وليهو العنـــــــب شفايــــــــــــــــــــــــــف
تلا في هواى صحايف لقى حبــــــــــى غير زائــــــــــــــــــف
قال لى اراك خايف دون تشـــــــرح انا شايــــــــــــــــــــف
حبيبى دمعى زارف غرقنى سيـــــــــــله جــــــــــــــــــــــارف
لماذا عنى صارف وهالكنى وانتــــــــــــه عــــــــــــــــــــــارف
ياملهب العواطف ومهــــــــــدل المـــــــــــــــــــــــــــــــعاطف
متى ياجميل تلاطف وتكــــــــون علينا عاطـــــــــــــــــــــف
انا ياحبيبى حالف لعواذلى فيــــــــك اخــــــــــــــــــــــــالف
وقلبى ليك محالف متى ياغـــــــــــــزال تـــــــــــــــــــــــوالف


و لذلك عندما كان كرومة يغنى طلبت منه الجماهير أن يغنى ثلاثة اغانى كانت كلها من كلمات عبد الرحمن الريح " و هذه الأغاني هي "خداري، أنا سهران ياليل، جاني طيفو طايف".


و قدم عبد الرحمن لكرومة درر منها "يادرتى الجيدة" و "حلمك على يا سيدة" و "عشقت شادن عيونه ساحرة" و "املى غاية المنية" و غيرهما. و يقول عبد الرحمن الريح "تعرفت على كرومة فى حى العرب بحكم تردده على عبيد عبد الرحمن و سيد عبد العزيز و كنت ناشئا فتهيبته". و تعاونت معه بعد بدء عصر الاذاعة و لعل آخر ما شدا به قبل و فاته اغنيتى "يا حمامة مع السلامة" التى نظمتها اعجابا و ولها بالممثلة الصغيرة فاتن حمامة بعدما شاهدتها فى فيلم "يوم سعيد" و قد اوردت اسمها مقلوبا فى ثنايا البيت الاخير الذى اقول فيه (مسجلة فى الاذاعة بصوت حسن عطية):
الجمال يا حمامة فاتن
فيه الوان من المفاتن


و يضيف الفاتح (19) في المرحلة الثانية؛ و هي الفترة التي يعدها عبد الرحمن فترة "ما بعد الحقيبة" و هي من أكثر مراحل حياته نضجا و تحكما و استيعابا لادواتها الفنية و يقول ابو الريح (انا اعتز جدا بهذه المرحلة ففيها كفاح و تعب و عرق).

في بداية هذه المرحلة فى عام 1943 دخل مجال العزف على العود بعد أن شعر أن المستقبل اصبح للآلات الموسيقية فاتقن العزف على العود على يد صانع الاعواد عبد الحميد احمد الحاج و صادف ذلك ظهور الفنان زنقار فاهداه اغنيتين من نظم و تلحين شاعرنا لم يسجلهما زنقار او ربما سجلهما و ضاعت فى حريق الاسطوانات فى عام 1957، و سجلهما فيما بعد الفنان ابو داؤود و هما "بعيد الدار طال بى بعدك منى ... يا مولاى تنجز وعدك " و "قلبى سمير" و ثم اعطى بعد ذلك الى زنقار من نظم شاعرنا و تلحينه اغنيات: "يلاك يا جميل تنيل حظك ... و انيل حظى من جناين النيل" و "سنا البرق يذكرنى سناه" و " الدنيا حظوظ و انا حظى جميل". و مما ساعد فى انتقال شاعرنا من شعر الحقيبة الى الشعر الحديث وفاة كرومة و ازدهار الفن الغنائى الذى يعتمد على الآلات و تحول ابرز فنانى الحقيبة – الكاشف و عبد الحميد يوسف- الى الغناء الحديث و نجاح اغانيه بصوت حسن عطية.(1)

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الأربعاء مايو 04, 2011 8:22 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:17 pm

أول عمل غنائى بدا مع شاعرنا مع مطرب يغنى بمصاحبة الآلات الموسيقية و ليس على نهج الحقيبة الذي كان سائدا هو المطرب عمر احمد و ذلك عندما صاحبه بالعزف على العود حين سجل أغنية " كان بدري عليك" في الإذاعة و قد توفى هذا المطرب و هو في ريعان شبابه لان جسده النحيل و إحساسه المرهف لم يتحملا تأثير التغييرات الفسيولوجية التي طرأت على صوته حيث صار صوته غليظا فاكتأب حتى مات (1).


ثم تلاها بمجموعة اغانى كانت من نصيب ابراهيم عبد الجليل "اضيع أنا" و "الساعة كم" و "ما ممكن اصرح" و غنى من تلحينه كرومة "في رونق الصبح البديع" و هي من كلمات عتيق.


و في عام 1946 تعرف على المطرب الناشئ التاج مصطفى و قدم معه "سحروك ولا مالك.. بقيت تحرم عيونى .. من رؤية جمالك" و "راحة الضمير" و جيران في الحب" و "انت السمير قلبى بيرتاح ليك كتير" و "الملهمة" التي كانت تحفة فنية و احدثت تحولا في الغناء السودانى و بداية مرحلة جديدة تعكس حياة المجتمع و "انا ارضيت ضميرى" و "أنا المعذب" و "إنصاف".


ثم غنى له حسن عطية : خدارى" و " لو انت نسيت" و "حرمان" و "الوان الزهور" و "يا مارى عند الاصيل" و "لو انت نسيت". و احتكره حسن عطية و لكنه كان يقدم قصائده للآخرين من حين لآخر و عند اضراب الفنانين عام 1950 قدم لرمضان حسن "الزهور صاحية و انت نايم" و على ابراهيم "إشراقة البشاشة" و خالد محمد احمد "احبك و الغرام قسمة" وعائشة الفلاتية "أحب عيونك" و نجحت هذه الاغانى نجاحا عاليا فما كان من المطربين إلا فك الاضراب و العودة إلى الاذاعة دون قيد أو شرط و لكن مراقب الاذاعة اشترط أن اى فنان يود الغناء في الاذاعة عليه أن يقدم اغنية جديدة.


و لعبد الرحمن الريح الفضل في اكتشاف عدد من المواهب بينها عمر احمد و قدم له اعمال جديدة و وضعه علي أول الطريق بأعمال جيدة وفيما بعد رفعه إلي قمة المجد وهو دون السادسة عشرة من عمره بألحان تتميز بالحس الدافيء الحزين شهرته منها "كان بدرى عليك" و ليلة التلاقى" و " الطاؤوس".
و كان له الفضل في اكتشاف ابراهيم عوض و لفت الانظار إليه و الذي اشتهر بلقب "المطرب الذرى" كناية عن انطلاقته الصاروخية و هو جار ملاصق لمنزل شاعرنا فقدم له مجموعة من الاغانى دفعة واحدة "يا غايب عن عينى" و هي التي اجيز بها صوت ابراهيم عوض ثم "عيونك فيها من سر الجمال الوان" و "هيجتنى الذكرى" و "علمتنى الحب و اختفت عنى..ا ين القاها ملهمة فنى".(1)

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:31 pm


تحقيق الأثر أو إمتاع المؤانسة كيفما يجده محقق أو أنيس يلزم تبيين الشواهد. وأغنيات عبدالرحمن الريح هي شواهده. وإشاعة بيان تفصيلها هي الأسانيد والإعلان لميراث تركة عبدالرحمن الريح لأهل السودان.

ومضى دون مال أو ولد لان امتداد قدرة إبداعه وتنوع إنتاجه أمتع أجيالا عديدة وشكل وجدانها وصاروا يجدون فيما نثره لهم كثيراً مما يطربهم ويحركهم، فيغنون ويترنمون وهم مستغرقون في ألحان جميلة تعود بهم لأيام خوال وزمان أثير ولعل هذا هو خطر مبدعي الغناء مع الإلمام والاحاطة به، كانت ضرورة تحقي الأثر، وحتى يتأسس كذلك مبدأ التوثيق لفائدة تطور الدرس والموسيقى.

وكلا كان من العسير نشر كل أغاني عبدالرحمن الريح منذ مرحلة الحقيبة وحتى المرحلة التي تلتها، لذا سيتم الاكتفاء بمطلع الأغنية واسم المغني.

هذه النصوص مأخوذة من ديوانه (الروائع الحبيبة من أغاني الحقيبة) وقد نشره عام 1969م ونفذ من المكتبات
وبما أن الديوان يشمل قصائد كثيرة في مجالات متعددة، في الوطنيات وشعر المناسبات وأدب التظرف، وقصائد غنائية لم تغن أو تسمع لذا نكتفي بانتخاب ما سمع،
أما قصائد ما بعد الحقيبة والتي تمر فيها الانتقال إلى الاستخدام للآلات الموسيقية وهي المرحلة التي اكتمل فيها نضج عبدالرحمن الريح الموسيقي وساهم بألحانه العديدة والمتنوعة في الانتقال إلى مرحلة جديدة في الغناء السوداني،
جمع عبدالرحمن الريح هذه القصائد في ديوان مخطوط ظل رهين المحبس البيروقراطي داخل المجلس القومي لرعاية الآداب والفنون لسنوات طويلة انتزعه على المك وآل لأهل عبدالرحمن الريح بعد رحيله.

وحتى تكتمل رؤية تجربته الشعرية والموسيقية من أجل تقديم علمي ـأو متعة عارفة، فهذا جامع مطالع الغناء في مقام التوثيق والتحقيق،
كل القصائد له أما الألحان فبعضها محل نزاع وشهادة كثير ممن غنوا له أنه مبدع هذه الألحان،


من مرحلة الحقيبة وما بعدها نختار ما يحقق ذلك ونثبت اسم المغني الأساسي رغم أن الأغنية يؤديها آخرون وتعرف بهم.
كما أن بعض ألحان الحقيبة مأخوذة من ألحان أخرى وهو ما عرف (بالمجاراة) أو من ألحان (التم تم) نتبع منجزه من خلال المغنين.

كرومة (طيفه طائف) جاني طيفه طائف-لحاظه كالقذائف-أنا من عيونه خايف(سامي الشعور) سامي الشعور زارنا-وشرفنا في دارنا
(يا درتي الجيدة) يا درتي الجيدة-حلمك علي يا سيدة
(عشقت شادن) عشقت شادن-عيونه ساحرة-وقوامه لادن-كأنه زهرة
(النرجس) النرجس يا مدلل والأقحوان-فتح على غصنك أشكال وألوان

الفاضل أحمد (في المسالمة غزال) لي في المسالمة غزال-نافر بغني عليه-جاهل وقلبه قاسي-وقلبي طايع ليه
(غبت) غبت عن إنساني-يا وحيد الكون-السقام مساني-إذا فراقك طال-أبقى لا تنساني
(ما رأيت في الكون) ما رأيت في الكون-يا حبيبي أجمل منك-في دلالك وتيهك-وفي جهالة سنك

(الشادن) الشادن الكاتلني ريده-هلك النفوس والناس تريده-ماله لو يرحم مريده
(بدر الحسن) بدر الحسن فاق القبله ووراه-بين أجياله حايز حسن الكون براه(الزمان زمانك) يا الفريد في عصرك والزمان زمانك-أهدي لي من فضلك نظرة من رمانك
(وين أنت) يا حبيبي وين أنت-ليك مدة ما بنت-وأنا في اشتياق لشوفتك

ابراهيم عبدالجليل(هات لينا صباح) يا ليل هات لينا صباح-يفضح البدر ويخمد المصباح
(وجه الحبيب) وجه الحبيب ازدهر-شال النمام مني-وكحل العيون بالسهر(لاقاني) لاقاني وبفرحة اتلقاني حبيبي
(أضيع أنا) أضيع أنا وقلبي يزيد عناه-ويحيا محبوبي ويبلغ مناه

أولاد المأمون (يا حمامة) يا حمامة مع السلامة-ظللت جوك الغمامة(نجوم الليل) يا نجوم الليل أشهدي-على لوعتي وتسهدي-وعلى بكاي وتنهدي

لي في المسالمه غزال

لي في المسالمة غزال .. نافر بغني عليهو
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وان شافو القمر أنوارو تخجل ليهو
ان جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافو قال انا بالنفس افديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينه ذي ايديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو
1

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء مايو 04, 2011 8:47 pm



ارجو ان اكون قد وفقت بعض الشئ في نقل المفيد من سيرة شاعرنا الكبير الفذ / عبد الرحمن الريح

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس مايو 05, 2011 4:06 am


ستكون محطاتنا القادمة باذن الله مع عمالقة الشعر :-

اسماعيل حسن -- السر دوليب -- عوض احمد خليفة -- صلاح احمد ابراهيم -- صلاح احمد محمد صالح -- سيف الدين الدسوقي -- اسحاق الحلنقي

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس مايو 05, 2011 12:36 pm


الشاعر الفذ / اسماعيل حسن :


ولد عام 1929م في يوم ليس له تاريخ
كأطفال بلادي انحدر كزورق تائه من بلدته في ارض الشايقية ... في القلعة الراقدة تحت
اقدام كلنكاكول ...... تلقى تعليمه ما بين مصر والسودان الى ان تخرج في معهد مشتهر
الزراعي بمصر عمل بالاصلاح الزراعي ..... وتدرج الى ان وصل مديراً لبعض المشاريع
في النيل الازرق اختاره اجراء الريف ورعاة الكواهلة وشعراء البادية نائباً عنهم في اول
مجلس شعب والذي ظل يعمل فيه الى ان توفاه الله عام 1982...
رائد الاغنية السودانية الحديثة

------------------------------------------------------------------------------------


دواوينه



خواطر انسان بالفصحى
ليالي الريف
ريحة التراب
حد الذين
يا سلام
الحرف والوتر
------------------------------------------------------------------------------

مما لا شك فيه أن الشاعر الكبير الراحل المقيم إسماعيل حسن شاعر مجيد وفنان عبقري ....ملأ الدنيا وشغل الناس بأشعاره وقصائده الغنائية العاطفية والوطنية التي لا تعد ولا تحصى فتوج نفسه بقصد أو غير قصد أميرا لشعراء السودان أو شاعر الأمة كما يقولون ، ليس فقط بسبب أغانيه العاطفية التي تغنى بها عمالقة الطرب في السودان ، بل بسبب إرتباطه وإنحيازه القوي يابناء شعبه في كل الجهات الأربع ، ومن هنا كان حنينه الدائم للأرض والنيل للوطن والشعب الذي أعطاه كل خفقة من قلبه الكبير .
نشأ وترعرع في قرية صغيرة لا تكاد تذكرها كتب التاريخ والجغرافيا ، إنها قزية البار القريبة من جلاس ، كان ذلك عام 1929 ، وكانت أمه حدالزين يحلو لها بأن تناديه ب " سما عين " وليس إسماعيل وذلك لحبها العميق لوالدها سماعين ، وعلى الرغم من أنه من جلاس إلا أنه كان يردد أنه من شرق كورتي نظرا لتاريخها ومعاركها التي يحفظها التاريخ .
تلك كانت مرحلة البحث عن هوية داخل وطنه الكبير السودان ، من جانب آخر كانت وشائج العلاقات السودانية المصرية تسمح بالتنقل الحر بين البلدين بسبب المخاطر المحدقة بمصر شمالا وشرقا ، فعرف التاريخ هجرة كثير من العائلات السودانية مع أبنائها ورجالها الشجعان لحماية مصر من الأعداء ، وهكذا كانت رحلة والد إسماعيل إلى مصر وإلتحاقه بحرس الحدود ومن ثم كانت رحلة إسماعيل حسن إلى مصر لمواصلة دراسته إلى أن تخرج في معهد
الزراعة في مصر .
عاد إسماعيل إلى السودان بعد أن تسلح بالعلم وبالفهم العميق لمعنى الأرض والإرتباط الوثيق بالشعب والوطن ، كانت عودته محطة فارقة في كل حياته عندما إلتحق بالبنك الزراعي في السودان وصار يتنقل من وظيفة إلى أخرى في إطار العلم والحلم الكبير الذي ربطه بالأرض فعمل في عدة مشاريع زراعية مكتسبا خبرة وفهم متطور لإمكانيات بلاده الزراعية ، وقد كافأه أبناء جيله على تلك الحميمية بإنتخابه عضوا في مجلس الشعب في عهد مايو لعدة دورات بدا من سنار والشمالية ، لم يكن وقتها يبحث عن الجاه والسلطان والثراء وإنما خدمة لمواطنيه لمزيد من الحرية والإنعتاق ، فربط بوعي شديد بين مهامه الوظيفية والسياسية ومهامه الأكبر كشاعر .
وكان أن تغلبت شاعريته على مهامه ومسؤولياته السياسية والإجتماعية فانصرف كلية للشعر والغناء والإنشاد في حضرة الوطن والشعب الذي أحبه
في تلك الفترة بدأت التساؤلات تطرح أيهما أولا الدجاجة أم البيضة ؟ وبنفس القدر أيهما أولا إسماعيل حسن أم الفنان محمد وردي ، فقد شكلا ثنائيا يندر تكراره واشتهرا على إمتداد الوطن الكبير ، ولم تخلو مسيرتهما من بعض خلافات إلى أن بادر الشاعر الكبير إسماعيل حسن للدعوة لحفل كبير بداره العامرة تتويجا لجهود المصالحة التي بذلت لإنهاء التوتر بينه وبين محمد وردي ، وكانت المفاجأة أن لم يحضر وردي الذي آثر أن يغادر إلى ود مدني للغناء في حفل عرس وكان أن رحل الشاعر الكبير صبيحة اليوم التالي إلى جوار ربه .
ويظل إسماعيل حسن القيثارة الخالدة كما يقول محمد عبدالحميد " إنه إسم مشدود كالوتر ، إمتلك السحر وسر الكلمة الرقيقة ، وأمسك بذؤابة الطرب ، وساق أمته تطوعا إلى السماحة في الروح والوجدان وأنشد للوطن الحبيب وذاب في حبه ولها وشوقا وغراما "
نجيك كيف ونهواك كيف
وكيف يا إنت تتحب
عوالم فوق عقول الناس
وفوق دنيا الخيال حبة
الشاعر إسماعيل حسن مواطن سوداني فوق العادة ، قدم لهذه الأمة العظيمة عصارة أدبية ساهمت بلفت النظر إلى تراث سوداني أصيل باللغة العربية الفصحى وبالعامية السودانية المحببة ، وذلك بما قدم من شعر إفتخر به ديوان الشعر العربي داخل وخارج وطنه الشامخ السودان العظيم

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الخميس مايو 05, 2011 1:01 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس مايو 05, 2011 12:51 pm

ذات الشامة للعملاق إسماعيل حسن
صدح بها الأستاذ وردي


وحياة الأحلام القلبي سقاها
وحياة أجمل بسمة عرف معناها
وحياة سمرة لونا وحاة محياها
وحياتك
وحياتي عندك
وحياة حبي
النال صدك
وحياة أول نظرة لمحتك بيها
وحياة أجمل صدفة عرفتك فيها
وحياة الآمال العشت حياتي عليها
وحياتك
وحياتي عندك
وحياة حبي
النال صدك
وحياة الأيام الجايرة وظالمة
وحياة حبي الكاتمو براك العالمة
أملي وكل منايا هناك يا حالمة
وحياتك
وحياتي عندك
وحياة حبي
النال صدك
وحياة لونك انتي وحاة السمرة
وحاة حبي اليك من أول نظرة
وحياة طهر غرامي انتي القمرة
وحياتك
وحياتي عندك
وحياة حبي
النال صدك
وحياة صمتك انتي وحاة الشامة
الشامة الفوق خدك نايمة دليل وعلامة
تزيد حسنك بهجة تزيدو وسامة
وحياة أجمل ريد في الكون يا حمامة
وحياتك
وحياتي عندك
وحياة حبي
النال صدك

---------------------------------------------------------------------------------------------------------


نور العين للشاعر إسماعيل حسن
تغني بها الفنان محمد وردي

**************
قلبي الحابيك ما خان لياليك
ما ناسي الماضي ماتقول ناسيك
ما بدل حبو ابدا ماتنكر ليك
لكن الأشواك والنار حواليك
يانور العين
يانور العين انت وينك وين

في اللون الأسمر ذوبت شبابي
وعشقت الجنة وفي الجنة عذابي
صابر وبتألم والمر دا شرابي
ياحليل الراحو ياحليل احبابي
يا نور العين
يا نور العين انت وينك وين

الشعر الناعم بي عطرو اسرني
والوجه الناير بي نورو غمرني
عيونو النعسانة برموش تجرحني
خلتني متيم وين راحت مني
يا نور العين
يا نور العين انت وينك وين

انا والنغام والعود في ايدي
بحكيلو حكايتي ويعيد ترديدي
واشكيلو همسة أوهبتو نشيدي
ياما الأوتار تفضحني من ريدي
يا نور العين
يا نور العين انت وينك وين

_________________




بلادى بلادى اهلا يا بلادى الف تحية ليك من الفؤادى
بلادى بلادى اهلا يا بلادى صدورنا حماية ليكى من الأعادى
بلادى أنا
بلاد ناسا فى أول مواريثهم كتاب الله
وخيل مشدود و سيف مسنون حداه درع
تقافيبهم تسرج الليل مع الحيران
وشيخا فى الخلاوى ورع
وكم نخلات تهبهب فوق جروف الساب
وبقره حلوبة تتضرع وليها ضرع
بلادى أنا
تشيل الناس وكل الناس وساع بى خيرو لينا يسع
وتتدفق مياه النيل على الوديان
بياض الفضه فى وهج الهجير يشع
بلادى سهول بلادى حقول
بلادى الجنه لي الشافوها أو للبره بيها سمع
بلادى أنا.... تكرم الضيف
وحتى الطير يجيها جيعان ومن أطلااف تقيها شبع
بلادى الصفقه والطنبور و داراتا تنح فى الليل
وبنوتا تحاكى الخيل...يشابن زى جدى الريل
وشبالا مكنكن فى طريفو ودع
بلادى ...بلاد من التاريخ
من ترهاقا لى عن ميسنا ..حتى الجاى خيل و دروع
بلادى أمان ..بلادى حنان ..وناسا حنان
يكفكفو دمعه المفجوع...يبدوا الغير على ذاتهم
يقسموا اللقمه بيتاتهم ..ويدوا الزاد
حتى ان كان مصيرهم جوع
يحبوا الدار ..يموتو عشان حقوق الجار
ويخوضوا النار ..عشان غد دمعه
وكيف الحال اكان شافوها سايلة دموع
ديل أعلى البقيف فى الداره ..وسط الداره واتنبر ا
واقوللدنيا ...ديل أهلى..كل الدنيا ..ديل أهلى
عرب ممزوجة بى دم الزنوج الحارة ..ديل أهلى
وديلة قبيلتى لما ادور أفصل ..للبدور فصلى
أقول بعضى ألاقيهم تسربوا فى مسارب الروح بقوا كلى
أصحاب روحى والاحساس..
و سافر فى بحار شوقهم كمان عقلى
محل قبلت ألقاهم معاى ..معاى ..زى ضلى
لو ما جيت من زى ديل ..كان أسفاى...وا مأساتى ..وا ذلى
تصور كيف يكون الحال ,,لو ما كنت سودانى ..
وأهل الحارة ما أهاى

------------------------------------------------------------------------


القمر بوبا للشاعر إسماعيل حسن
تغني بها الفنان محمد وردي
**************
الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل

القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل

بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل

المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

--------------------------------------------------------------


ميرى واو
ياسلام
لو شفتو ميرى..... ياسلام
لونها ..... زى زيتونة
ناضجة.. راقدة فوق غصن السلام
العيون الشاربة
من الجور
توشوش ليك ... كلام
القوام بس شن نقول
ما خلاص ... كمل الكلام
ميرى ... زى الريح تولول
وميرى زى فرخ الحمام
كنا ننضم...
و يا حلاوة اللهجة
ميرى... كان تمتم ... فى الكلام
وبى بشيش حدثت ميرى
قلت ,,, ميرى..
انشاءالله ... موتو انا
وبى حنين ... قالتلى .. هاو
قلت ... هاو والله هاو
ما زمان فرقنا هاو
ادفنونى ان شاء الله حى فى ربوع الجنة واو


-----------------------------------------------------------------------


البنات والتلفون
واحدة تمت للقراية
وظفوها
والغريبة الحظ رماها
ضمن باشكاتبن قديم
جنه جن صنف الحريم
وابتدأ التلفون يرن
كل دقيقة
وكل ثانية
وبالطبع دايرين فلانة
وهى تنضم
مرة تهمس
مرة تضحك
مرة بتوسوس وخايفة
من نضم زولنا القديم
قام سألها
يا فلانة...
البضربولك منن ؟
قالت..أخوانى الكبار
خدلو ضحكة
وتانى ضحكة
اصلو أمك يا خرابة
يعنى كان ولداها تيم ؟؟؟
ياسلام


-------------------------------------------------------





قصيدة للشاعر الكبير اسماعيل حسن

ريحة التراب

والله ياريحة التراب
شديتنى للماضى البعيد
عبر الزمان
فى اللا مكان
عبر البكون
جوه اللى كان
مشوار غريب
حفيان
وطيت جمر ام لهب
الروح تهيم
فوق النجوم
والفانى
.. مطمور فى التراب
والله ياريحة التراب
كيفن يكون درب الوصول
لى ساحة ما شقاها زول
من دونى دونك
ألف باب
وكم حجاب
وكم ستور
مندلى يا ريحة التراب
أصلى مليت العذاب
جيتا خايد فى الضباب
شوق ليالى الغربة
فى اعماقى داب
الحنين
جوه جوفى
قصة ما شافت كتاب
الصغيرون..
بى شقاوة الدنيا يا ..يمه شاب
والله يا ريحة التراب
العطش يبس لهاتى
جيت أهاتى
جارى
لى موية الرهاب
والله ياريحة التراب
جيتا تعبان
داير ارقد داير انوم
انسى نفسى
والشقى القاسيتو
فى وادى الهموم
داير ألولى النسمة
بى فرحة صغير كره السموم
والله ياريحة التراب
ريحة التراب. والله يا ريحة التراب
لازم
أوصل مهما كان
أوعى..
!!.. ما توصينى كنا وكان زمان
الزمان
يا أصلى ماليه أمان
ونحن فى ساحاته
!!.. زى خيل الرهان
والله يا ريحة التراب
لازم أوصل مهما كان
حتى كان
سدت سواعد الليل
!!..دروب الكون وما خلت مكان
حتى كان جار القدر
!!.. شدانى فى قاع الزمان
مو ضلام الليل بشيلو
!!.. وبمشى لى فجر الأمان
يا سلاسل القدرة
ما برضى الهوان
بمشى فوق المستحيل
!!..بقدل وبتبختر كمان
لازم أوصل
لى مشاتل ريدى
فى أرض الحُنان
والله يا ريحة التراب


---------------------------------------

خاف من الله/اسماعيل حسن

خاف من الله على قلبي
من غرامك خاف
زرعت الشوك على دربو
وياما في هواكم شاف قلبي

سنين وايام
قضيت عمري في لوعة
انادي الليل واقول ياليل
انا المظلوم عساي دمعة
دموعي تسيل وليلي طويل
وعايش في مهب الريح براي شمعة
انادي الليل واقول ياليل
ياما في هواكم شاف قلبي

خسارة قلبي في حبك واخسارة
علمتو يحبك
ولما سار في دربك
رحت وسبت حبيبك ليه
يا خسارة املي واملك وا خسارة
كنا بنبني الجنة
ولما خلاص قربنا
رحت هدمت سعادتك ليه
يا خسارة دمعي ودمعك وا خسارة
ياما سهرنا ليالي
ياحليلك يا غالي
وياما في هواكم شاف قلبي

يا قلبي انسى الفات وعيش من تاني وحداني
ولو حنيت لعهد الشوق اجيب من وين عمر تاني
كفى يا قلبي شفت الويل وليل السهد بكاني
بعد ما تبت من النار حرام تتجدد احزاني
يضمك ليل ويطويك ليل ونار الويل ميهادة
يا مظلوم وما ظالم حليلك والعمر فاني
وياما في هواكم شاف قلبي
-------------------------------------------------

صدفة/اسماعيل حسن
صدفة وأجمل صدفة انا يوم لاقيتا
أسعد يوم يومي الحييتا
نور عينية ياما حبيتا

النظرات بريئة وممزوجة بخجل
البسمات تضوي زي نور الأمل
وجهك بين مسايرك زي بدر اكتمل
والشامة في خديدك زي طعم القبل
تسكر قلبي وتشعل حبي يشهد ربي انا بهواك

ما قادر اقولك عن حبي الكبير
وصفو علي قاسي وعايش في الضمير
قدر الكون دا كلو حبي واكبر بي كتير
مالكني محيرني شوف قلبي الأسير
اسألي قلبك يمكن يقدر يشرح حبي أنا محتار

صدفة عيوني شافت ليلي الباكي نور
يا أيام ربيعي عمري معاكي أزهر
فيها الطير يغني ومن الحاني يسكر
عمري فراشة حولك وانت شبابك أخضر
ياما بحبك وبعبد حبك علشان حبك روحي فداك
------------------------------------------------------------------


رد النعيم لأمو...
الشاعر إسماعيل حسن
في درب البنات يا يمه
أنا إتبشتنتا وإتبهدلتا واتغربتا دابي
وأنا إتوكرتا في بلدن
بناتها بلا المهور الجامحة
فوق الريح تشابي
وجوهن يمه
كان شفتي القمر لجلج
يضاحك في الروابي
عيونن يمه
زي بحر المحيط والموج يولول
والعرق لافحني فايت وآ خرابي
سنيناتن يمه
بلا شخب الحليب الصافي
يرهج في الكبابي
وريقن يمه
زي خمر التمور
المن زمان
طامرنو في جوف الخوابي
ورقابن يمه
وين رقاب الريل ؟؟
علي الحدب البعيد شرفن
علي هوهيو كلابي
وعودن يمه
متل الخيزران
فدعوهو
لي وجعي وعذابي !!
العرجون يصارع في السبيط
مندلي........فوق قلب الجريد
هتان ينقط في العسل
يا ريت شرابي
ولونن يمه
زي لون القمح
ضروهو وشوف ضراني كيف؟؟
الله يضاريك يا الضرضر صوابي!!
دريباتن ....
عقاب التيه
ومافي خبير بشق التيه
علي بلد الدوابي
مهرن غالي غالي وما بقدر عليهن
وحاتك انت ما بقدر عليهن
وكمان شوفو المصيبه
نفيستي فيهن
ومنو البقدر يمد ايديهو
لى كيس المرابي ( المرابي الذي يتعامل بالربا )
دحين يا يمه
أنا راجع لي دريبك
وأنا الغرقان
وفي الموجات بشابي
أصارع في الهلاك يا يمه قاسي
وبعد قرّبتا لي قيف الشرق
تلفحني شيمة
كاسحي مغربابي
وأنا قعدت زي فاقدن
مزوزو أجرجر في التراب
ودّر حجابي
مشاكل الدنيا
مما فته منك
وإلى هادا الوكت
وايضاً كذلك إلى ما بعدو
ضدّي مبشتنابي
أنا لا مالاً لقيتو
عشان أجيكي
أقدل مع الجنيات
تجيكي العافي
بس فضل شبابي
وأن كان للقروش
أن شاالله طايري
أنا معّلم الله
ليّ حولين أسم فرطاقه
ما دخلت جرابي
والخبر المهم ما قلتو ليك
قبل ما أنسى
في اخر جوابي
دا شيتن أصلو مافكرته فيهو
وحاتك ضمه ما كان في حسابي
إرادة المولى
موخافي عليكم
وكان ديستو لابد يوم تجيكم
خبيري مع البنات
والليل يهود
أهز ضرعاتي وأرفع في حجابي
أنا بقيت غنّاي
آه غنّاي
بلعلع في البنادر
متل ناس ود صليليح
طنبرابي .
---------------------------------------------------------------------------











_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الخميس مايو 05, 2011 1:02 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس مايو 05, 2011 12:54 pm


حرم الشاعر اسماعيل حسن وذكريات من الزمن الجميل


تزوجت إسماعيل وعمري (15)عاماً وفترة الخطوبة استمرت (5) أعوام

بعد انفصالي من إسماعيل وعودة الصفاء بيننا كتب (بعد أيه) و(أنا بحبها)..!!
لم أكن أتصور في يوم من الأيام أن أجلس إلى جوار (نور العين)؛ تلك المرأة القوية التي صارعت كل الظروف وضحت بأنضر سنوات العمر لتقود السفينة والمهمة الصعبة التى تركها لها رفيق دربها الشاعر الراحل إسماعيل حسن.. أربعة وعشرون عاماً وهي تحمل الأمانة وتحافظ عليها بكل نجاح وتفوق..
- (نور العين)، تلك المرأة المتفردة في أسلوبها والمحافظة على تقاليدها الموروثة حتى الآن؛ وهي ترى المتغيرات الاجتماعية والعولمة تزحف نحو العادات الأصيلة لتمحوها تحت ستار التطورات الجديدة في عالم اليوم..
- (نور العين)، تلك المرأة التى خصها رفيق دربها، وكتب فيها كل الغناء الجميل الذي أطرب كل الأجيال عندما استمع إليها يصدح به عمالقة الأغنية السودانية أحمد المصطفى، أبو داود، محمد وردي، عثمان حسين، إبراهيم الكاشف، سيد خليفة وغيرهم من الكبار.
-(ونور العين)، الأغنية التى رددها كل الشعب السوداني وأحبها لاصالة كلماتها العميقة في المضامين والأبعاد خلدت مع السنوات وخلدت معها صاحبتها التي كتبت من أجلها؛ وهي رفيقة درب الشاعر الراحل المقيم إسماعيل حسن.
- في منزل الأسرة العامر بالخرطوم وبعد واجب الضيافة انتظمت الجلسة والحضور؛ فكانت السيدة الفضلى فتحية إبراهيم حرم الشاعر الراحل إسماعيل حسن، وأبناء الشاعر (أماني) و(مهيرة) و(عبد الجليل) ولحقت بنا (غادة)، فكان محور الحديث عن الشاعر الراحل إسماعيل حسن؛ حياته وفنه وأسرته، ونحن نحتفي بالذكرى الرابعة والعشرين لرحيله المر.. وهذا اللقاء هو استعادة للتاريخ والذكريات الجميلة الباقية في حياة الشاعر الراحل الهرم إسماعيل حسن.. وتكون البداية مع السيدة الفضلى حرمه:
أهلاً وسهلاً وحبابكم عشرة وبنرحب بيكم.
* أرجو أن تقدمي لنا نفسك..؟
- أنا فتحية إبراهيم، والدي مولود في بربر وقبيلته هناك، وإسماعيل حسن طبعاً من الشمالية كلنا خط الشمال.
* وتستطرد بقولها:
- أنا في الحقيقة طفولتي قضيتها في السجانة وناس إسماعيل كانوا جيرانا، وأنا لما تزوجت عمري كان ما بين (13-15) سنة والحياة زمان مش زي هسع ما كانت في حضارة.. والمهم حصلت القسمة واتزوجنا والحمد لله عشنا في الخرطوم ومشيت معاه الجزيرة؛ كان شغال في الأول في البنك الزراعي ومشى الإصلاح الزراعي في سنار ومشينا معاه أنا والأولاد وعشنا معاه هناك.. وجينا راجعين لمجلس الشعب؛ كان انتخب هناك.
* مداخلة: تم انتخابه في سنار.؟
- أيوه.
* طيب متذكره الكلام دا كان متين.؟
- والله ما متذكره، أمكن أول انتخابات لمجلس الشعب، انتخبوه في منطقة الكواهلة في الدندر.. وبعدها جينا راجعين الخرطوم من سنار والإنتخابات الأولى والثانية بعدها توفي وكان المجلس اتحلا..
* أنا عاوز أرجع بيك لي وراء شوية.. هل كانت في علاقة بينك وبين إسماعيل زي الحاجات البتحصل دلوقتي.. الولد يوعد البت أو يتلاقوا بالصدفة وبعدين يعملوا برنامج وكدا يعني..؟
- (تضحك)، والله دا ما حصل في زمننا يعني كان دائماً في الحياء.. المرأة دائما تختشي من الرجل.. وما في كان لقاء وهو كان جاءنا كان ممكن يشوفني أنا طالعة أو داخله.. يعني ما حصل لاقيتو في حتة أو وعدتو في حتة؛ لكن هسع طبعاً كل زمن بي زمنو.. وهسع في حضارة أكثر من اللازم (تضحك)، الحكاية دي طبعاً أنا بعترض عليها وربنا يهدي الجميع ويحفظهم إن شاء الله، إحنا عاوزين التقدم لكن معليش اخدوها بطريقة ما عارفه يقولوا امرأة جاهلة.
* مداخلة: ما في شك إنكم عاوزين تشوفوهم متمسكين بالقيم والروح اللي إنتو نشأتوا عليها نتمنى ربنا يحقق الأماني ويهدي بنات الجيل الجديد.
* وسألت (نور العين)، الحاجة فتحية إبراهيم ونحن نسترجع الذكريات..
- عاوزك تكلمينا عن زواجك من إسماعيل حسن.؟
- والله الزواج دا إسماعيل لما خطبني كان طالب في القاهرة والخطوبة أخذت خمس سنين ولما اتخرج جاء عمل الزواج وكان في سنار.
* بتتذكري كان متين.؟
- والله شفتو السنين دي مشطوبة خالص المهم عشنا فترة طويلة هناك وجينا راجعين وحصل إنفصال بيني وبينه مدة سنين..
* مداخلة.. بعد أن تم الزواج والحمد لله وانجبت الأولاد والبنات.. هل كلهم وضعيتهم في الخرطوم ولا في أماكن مختلفة..؟
- كلهم ولدتهم في الخرطوم وهم: أحلام، وليد، أماني، غادة، الهندي، عبد الجليل، أبو القاسم، مهيرة.
* مداخلة: الأسماء دي سماها هو ولا انتي سميتي معاه.؟
- والله هو كان بسمي الأولاد وكان سمى أحلام ومهيرة وأماني وغادة سمتهم خالتهم وعبدالجليل وسماه على صاحبه كان وزير الزراعة كان اسمه عبدالجليل حسن عبدالجليل، وسمى عليه عبدالجليل ولدي دا.. وقاسم برضو سماه على أبو القاسم محمد إبراهيم كان قاعد معاه في المكتب وجاه الخبر أنه جابو ليهو ولد وكدي طوالي سماهو أبو القاسم.. والهندي الشريف حسين الهندي كان في الإنتخابات مسافرين ودي كلها بقولها صادقة.. إسماعيل جا بالليل وأنا كنت لسه ما وضعت فجا شايل ظرف فيه الأسم وفيه قروش السماية.. وقال لي إسماعيل حتجيبي ولد. وقال لي قال ليهو دا الهندي ود إسماعيل حسن وفي اليوم الثاني أنا ولدت وفتحنا الجواب وعرفنا الفيهو وقمنا سميناه الهندي إسماعيل حسن.
* مداخلة: نتمنى أنه يكونوا من الشخصيات الكبيرة العاملة في البلد دي.؟
- إن شاء الله ربنا يوفقهم وبتمنى ليهم النجاح ويكون ليهم دور في الحياة.
* سألت (نور العين) داير برضو أعرف قبل ما اتزوجت من إسماعيل حسن عليه رحمة الله.. هل كنت عارفة إنو بكتب قصائد أو هو شاعر..؟
- زي ما قلت ليك احنا زمان ما كنا بنعرف فنان يعني شنو أو شاعر يعني شنو، ما كنا فاهمين النقطة دي والله العظيم وأنا حتى بعد أتزوجت حتى عرفت إنو إسماعيل قاعد يكتب وبيغنوا ليهو.. يعني بقينا نفهم شوية وفعلاً ما كنا عارفين شاعر يعني شنو لكن عرفنا إنو الشاعر هو البيكتب والفنان هو البغني كان هو ماسك الساحة والحمد لله وكانت الساحة جميلة.
* مداخلة: يعني بعد الزواج انتي عرفتي انو إسماعيل شاعر والفنانين بغنوا ليهو، طيب انتي سمعت الكلام دا ولا إسماعيل قالوا ليك..؟
- والله طبعاً هو الكلمني ومحمد وردي كان معاه وبعض الفنانين يعنى عرفت ان الغنا بغنيه الفنان.
* هل تذكري أنه حدثك عن أول فنان غنى له..؟
- والله الزمن داك غنوا ليهو كتار ما كنت بعرفهم، أنا كنت بعرف محمد وردي وبعرف منى الخير وناس التجاني مختار.. ديل كنت بعرفهم.
* عاوزين نعرف إذا كانت كل الأغنيات الكتبها إسماعيل للفنان محمد وردي كانت مكتوبة ليك.؟
- والله طبعاً القصائد ما بتكون كلها ليهو، لأنو الشاعر دا بحب الشئ الجميل.. يعني إحتمال يكون لقي حاجة جميلة بحبها بكتب عنها، لكن القصة أني عشت معاه فترة طويلة وإحتمال على حبه هو يكون في حاجات هو بحبها فيني وكدي.
* مداخلة: طيب انتي ما حسيت انو في أغنية معينة يكون كتبها ليك انتي.؟
- والله بس انا كنت بحب أغنية ( بعد أيه)، وبعد أيه دي كانت بعد ظروف حصلت بيني وبينه بتاعت زعل وقمنا اتصافينا ورجعنا قام كتب (بعد أيه) بعد ما اتصالحنا.. هي اتغنت بعد ما اتصالحنا والمهم بتعجبني شديد وبحبها.
* مداخلة: أنا عاوز أعرف أغنية انتي بتحس أنها حقتك ومكتوبة ليك بالاسم قوليها لينا.؟
- والله احنا لما رجعنا غنى (نور العين)، و(صدفة) (حنية)..(سؤال).. (المستحيل).
* مداخلة من البنات: وذات الشامة.؟
- ردت بعفوية: لا ذات الشامة دي ما معانا وفي أغاني كثيرة ما متذكراها معليش.
* مداخلة: أنا ملاحظ أنه كل الأغنيات دي بغنيها الفنان محمد وردي فهل وردي دا ما بغني إلا القصائد الكتبها فيك إسماعيل ولا في قصائد تانية كتبها وبغنوها مطربين تانين.؟
- والله في زي أغنية ( عذارى الحي)،غناها عبدالعزيز داود حتى بتذكر اليوم الجا شالها و (ازيكم) سيد خليفة وعثمان حسين (عارفنو حبيب).
* مداخلة: من البنات..( وحبيب جفا).؟
- ( ضاحكة) ( حبيبي جفا) دي قبل ما أنا أتزوج.
سألتها: (نور العين)، الحاجة فتيحة إبراهيم: الواحد داير يعرف أغنية (بعد أيه)، أنتي قلتي بتحبيها هل هي أفضل أغنيات اسماعيل ولا أيه السر وراء أعجابك بيها..؟
- والله أنا طبعاً كلمات إسماعيل كلها بحبها اذا فيها قصة أو ما فيها، كلها بحبها لانها أغاني جميلة والواحدة بتكون عايشة فيها وأنا بحس لما الواحد يسمع أغنية لي إسماعيل يكون عايش فيها.. عشان كدي بحب أغانيه بالذات صوت وردي.. ما قصر وسمعنا منه الكثير بصوته الجميل.
* عاوزين نعرف أسباب الخلاف بين إسماعيل ووردي.؟
- والله طبعاً إسماعيل ووردي كانوا أصحاب شديد وكان إسماعيل بكتب ووردي يغني فأنا في رأيي ما في واحد سبق الثاني والاثنين طلعوا مع بعض وكانت شهرتهم طلعت مع بعض دا غايتو رأيي، أنا ما عارفة التانين رأيهم شنو.؟
* مداخلة: يعني نقدر نقول إنه شهرة إسماعيل ظهرت بعد أن غنى له محمد وردي؟
هو طبعاً إسماعيل قدم أشعاره لعدد كبير من الفنانين قبل ما يغني ليهو وردي، لكن الشهرة بدأت مع محمد وردي.


_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الخميس مايو 05, 2011 1:03 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس مايو 05, 2011 1:00 pm

نص كلمة / بقية الحوار
إذا تحدثنا عن الزمان الجميل الماضي.. فهل هذا يعني بأن زماننا هذا ليس جميلاً؟
والجمال هنا ليس محدداً؛ لأننا نجده أينما ذهبنا، فهنالك جمال الطبيعة وجمال الخلقة والأخلاق وجمال التعاضد والتكافل وجمال المواقف والمبادئ وجمال السيرة والسريرة، وجمال الصدق والنبل، وجمال الوفاء والتراحم، وجمال الفن والإبداع.. إذن فالجمال موجود في دواخلنا ومن حولنا، وهو سحر لا ينتهي إلا بنهاية الدنيا.
وما دام الجمال فينا ومنا؛ فدعونا نبحر مرة في حكايات من الزمن الجميل، الذي نعيشه ونحيا من خلاله دائماً.ك
ان اسماعيل فقداً عظيماً.. تمنينا أن يكون بيننا إلا إن أيامو بقت شوية..!
ليس بيننا خلاف مع أسرة المطرب محمد وردي .. والله ما جاب الخلافات ..هاشم هارون ما قصر معانا والشكر والتقدير له..!
لم أكن أتصور في يوم من الأيام أن أجلس إلى جوار (نور العين)؛ تلك المرأة القوية التي صارعت كل الظروف وضحت بأنضر سنوات العمر لتقود السفينة والمهمة الصعبة التى تركها لها رفيق دربها الشاعر الراحل إسماعيل حسن.. أربعة وعشرون عاماً وهي

تحمل الأمانة وتحافظ عليها بكل نجاح وتفوق..
- (نور العين)، تلك المرأة المتفردة في أسلوبها والمحافظة على تقاليدها الموروثة حتى الآن؛ وهي ترى المتغيرات الاجتماعية والعولمة تزحف نحو العادات الأصيلة لتمحوها تحت ستار التطورات الجديدة في عالم اليوم..
- (نور العين)، تلك المرأة التى خصها رفيق دربها، وكتب فيها كل الغناء الجميل الذي أطرب كل الأجيال عندما استمع إليها يصدح به عمالقة الأغنية السودانية أحمد المصطفى، أبو داود، محمد وردي، عثمان حسين، إبراهيم الكاشف، سيد خليفة وغيرهم من الكبار.
-(ونور العين)، الأغنية التى رددها كل الشعب السوداني وأحبها لاصالة كلماتها العميقة في المضامين والأبعاد خلدت مع السنوات وخلدت معها صاحبتها التي كتبت من أجلها؛ وهي رفيقة درب الشاعر الراحل المقيم إسماعيل حسن.
- في منزل الأسرة العامر بالخرطوم وبعد واجب الضيافة انتظمت الجلسة والحضور؛ فكانت السيدة الفضلى فتحية إبراهيم حرم الشاعر الراحل إسماعيل حسن، وأبناء الشاعر (أماني) و(مهيرة) و(عبد الجليل) ولحقت بنا (غادة)، فكان محور الحديث عن الشاعر الراحل إسماعيل حسن؛ حياته وفنه وأسرته، ونحن نحتفي بالذكرى الرابعة والعشرين لرحيله المر.. وهذا اللقاء هو استعادة للتاريخ والذكريات الجميلة الباقية في حياة الشاعر الراحل الهرم إسماعيل حسن.. وتكون البداية مع السيدة الفضلى حرمه:
* هل حاول إسماعيل تجريب التلحين..؟!
- والله طبعاً هو كان بيحب يستمع لكن التلحين دا ما أظن، يعني يلحن ليهو قصيدة لا دا ما حصل، لكن ممكن يستمع للفنان لما يجي يلحن كان بكتب بيت بيت والفنان هو البلحن، يديه رأيه فيها اذا كان الأغنية دي بتمشي لي قدام ولا لا..


* بالنسبة للفنان محمد وردي هل كان بيجري البروفات في منزل إسماعيل، وهل كان وردي بيدي أي ملاحظات في الأغنية..؟
- والله أنا شايفاهم متفقين والبروفات دي ما حصل عملوها في البيت لكن بجي يلحن، وكان إسماعيل يكتب وهو يلحن فكان بلحن بيت بيتين وبعدين يستمعوا ليها يشوفو، اذا كانت بتمشي كدي ولا لا وبعدين يواصلوا.


* مداخلة: يعني القصيدة بتكتب على مراحل كوبليه، كوبليه.. هل كل القصائد تم تلحينها بالطريقة دي ولا كان في تغيير..؟- والله بعض مرات إسماعيل يكون معاه في البيت وطبعاً هم زي ما قلت متفاهمين وممكن يحصل تغيير طالما هم متفقين.


* طيب لو قلنا ليك اختاري أغنية معجبة بيها من وردي وكتبها إسماعيل حسن..؟!
- أنا زي ما قلت ليك الأغاني كلها بحبها، بحبها شديد أغاني إسماعيل وبستمع ليها بما فيها (نور العين)، ونور العين أغنية جميلة عشان كدي بحب استمع ليها.


* نريد أن نتعرف على إسماعيل حسن كرب أسرة طريقة التعامل، متى يكتب الشعر حدثينا عن هذه المرحلة..؟!
- والله إسماعيل كان كصديق بالنسبة لي أنا وأولاده، يعني بحب أولاده شديد ولما يجي يكتب ما بتضايق من البيت، يعني تلقاه وسط الأولاد لما تجيهو حاجة كدي قصيدة عاوز يكتبها فتلقاه وسط العيال جايطين قاعد يكتب، يعني ما عنده مكان مخصوص كدي إلا لما يكون عنده حاجة ما كتبها لكن لما تجيهو الكتابة ويكون عاوز يكتب بكتب وسط الأولاد ما بعيد منهم.


* بنسأل عن تعامله مع الأولاد كرب أسرة..؟! - هو صديق ليهم والله يعني كان بحبهم شديد أولاده ديل، يعني حالة الزول المفارق، كان بحب أولاده شديد وما بحب يفارقهم، وحياته عادية يجي من الشغل مرات بتكون عنده ندوة يمشي ويجي من بدري البيت.


* غير العمل هل كان لإسماعيل نشاطات أخرى..؟!
- أيوه.. بعمل ندوات شعرية ويمشي الإذاعة ويذور الأصدقاء وبتكون عندهم جلسات مع بعض ومع الفنانين وهو زول كان محبوب الله يرحمه، وكان أبو الكل يعني مش بس أبو أولادي، أبو الأجيال الكانوا بجوه، أولاد مروي وكان دائما بمشي نادي الزومة، تلقاه مع ناس الكورة، حتى ناس الكورة كانوا بجوه في البيت عشان يهنيهم يعني زول محبوب ما مكروه وبحب الناس وبحب الضيوف، راجل كريم الله يرحمه، راجل بشوش الفي ايدو ما حقو زي ما بقولوا واي زول محتاج بجيهو والله انا ما بشكره عشان زوجي لكن دا الحق، إسماعيل كان كريم الله يرحمه، وفقدناه فقد عظيم أنا والاولاد وكنا متمنين يكون معانا لكن أيامو بقت شوية والحمد الله وربنا يرحمه ويحسن إليه.


* نعرف أن والدة الشاعر إسماعيل حسن شاعرة حدثينا عنها، وهل حدثك إسماعيل عنها، وهل في أسرتها شعراء آخرين..؟!
- والله طبعاً أمه كانت اسمها (حد الزين)، امرأة كانت ظريفة وبتحب إسماعيل شديد ودائماً هي وشقيقتها (عرفة) خالة إسماعيل وهم لما يكونوا قاعدين ومعاهم إسماعيل أنا بديهم فرصة يتكلموا مع بعض ويتكملوا عن الشعر طبعاً أنا ما عشت معاهم في البلد عشت هنا في بالخرطوم وما بقدر أعرف عنها حاجة فكان هي بتتكلم عن إسماعيل وعن اهلهم وجدودهم وبتقول كانوا يعملوا كدي وكدي، فكان بحكوا ليهو.
- تعقيب: يعني كل أسرة الشاعر إسماعيل حسن لها اهتمامات بالشعر.
*طيب في داخل أسرة الشاعر إسماعيل حسن فمن من البنات أو الأولاد تاثروا بوالدهم وتخرجوا شعراء..؟!
- والله هو طبعاً شاعر زي اسماعيل طبعاً ما في.. عندي ولد فيه شبه شديد من أبوه حتى طريقة كلامه يعنى حتى مرات بكتب.. هو فنان نحات (وليد)، لكن شعر ما حصل.
* مداخلة: (وليد) يشبه إسماعيل في شنو..؟!
- يشبهو في أخلاقو وفي طبعه وفي شكلوا.
* إهتمامات الأولاد والبنات بالهوايات الأخرى..؟!
- والله طبعاً البنات اتزوجوا وبقت كل واحدة بي أسرتها لكن عندي ود (أماني)، محمد جمال بكتب شعر جميل دا ممكن يكون زي جدو بعدين عبدالجليل ما مشى في مجال الشعر لاهو ولا شريف، وشريف عندو الروح العسكرية.


* مداخلة: ربنا يديهم الصحة ويسعدك بيهم..؟!
- إن شاء الله وربنا ينجيهم في طريقهم.

* ودي مناسبة وبنسأل عن العلاقة ما بين أسرة إسماعيل حسن وأسرة المطرب محمد وردي..؟!
- والله طبعاً محمد وردي كان بجينا في البيت كنا أسرة واحدة وما اتلوم فينا، يعني ظروف الحياة وما قاعد يجي لكن أنا بقدر ظروفه والحياة بقت كل الناس مشغولة لكن ما في خلاف بيناتنا وإن شاء الله ما يكون في خلاف الى الأبد.
* طيب هل هناك أي زيارات متبادلة..؟!
- والله محمد وردي ما جاني في البيت ولما مرض وإن شاء الله تاني ما يمرض مشيت ليه أكثر من مرة ومشيت ليهو في المستشفى ولما زوجته اتوفت مشيت ليهو إن شاء الله ما نمشي ليهو في شينة ونسمع عنه كل خير.
* أعود ليك للأغنيات هل شعرت في أي لحظة بأن إسماعيل كتب أغنية لشخصية أخرى غيرك.. وهل إنتابتك الغيرة..؟!
- والله طبعاً زوجة الشاعر هي عارفه الشاعر شنو، حتى يجو بنات اهل يقعدوا يقولوا ليهو اعمل لينا قصائد وانا ما كنت بغير كنت بتمنى يطلع الحاجة الجميلة ولحدي ما بحب يحكي لي مشيت الحفلة وبقيت وحدي كدي فيها كدي ويقعد يوصف لي، ما كنت بزعل وما كان بدس مني وحتى المعجبات بجوني في البيت وصاحبتهم ومرات نقعد نتغدي سوا وكنت بستقبل ضيوفو والحمد لله لغاية الآن وإن شاء الله البيت دائماً مفتوح للضيوف.
* ماذا تقولين لوزارة الشؤون الاجتماعية والثقافية بمناسبة تكريمها للشاعر إسماعيل حسن..؟!
- أنا بشكر الوزارة وما قصرت والعملوه شئ ما ساهل وكان مفروض إسماعيل يتكرم من قبل كدي والحمد لله هم أتذكروه وبنشكرهم وربنا يقدرهم على عمل الخير إن شاء الله.
* موقف عالق بذهنك من خلال حياتك مع اسماعيل؟
اتوفى ليهو (24) سنة فانا بتمنى من الله يديني طولة عمر شوية أمنياتي ربنا يحققها لي وبعد كدي اصلو كل زول عندو أيام معدودة في الدنيا وأتمنى ربنا يقدرني أعمل حاجة باذن الله.
* في الخاطر سيادة الوزير الأستاذ هاشم هارون..؟!
- والله الأستاذ هاشم هارون ما قصر يعني التكريم كان مفروض يكون بدري أنا طبعاً مش بفرضو واسماعيل اتوفي قبل (24) سنة اللهم إلا الصحف هي الي كان دائما بتذكروا لكن الوزارات لا.. دي أول مرة تتذكروا وزارة، والشكر والتقدير كله لوزارة الشؤون الاجتماعية والثقافية بولاية الخرطوم وعلى رأسهم الأستاذ القدير هاشم هارون وجزاهم الله كل خير، وأنا بشكرهم على الحاجة الجميلة القدموها لاسماعيل، وإن شاء الله يقدموا الكثير.


* إسماعيل حسن في كلمات..؟!
- والله إسماعيل الله يرحمو يعنى الواحد راسو انقطع بعد ما هو مشى، لكن الحمد لله أنا بقيت قوية والحمد لله والعيال كبرت..
(مهيرة)، درست في روسيا واتخرجت دكتورة و(عبد الجليل)، برضو اتخرج كابتن بحري (وليد)، نحات والبنات زوجتهن صغار كل واحدة هسع في بيتها الكبيرة في كندا.. غادة كانت مقيمة في دبي وأماني معاي هنا والحمد لله قدرت مشّيت البيت وأنا بتمنى من ربنا يوفقهم.


منقول : من صحيفة الأسطورة السودانية
الرابط : http://www.alostora.sd/art-culture/1078--l2r.html
__________________

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء أكتوبر 26, 2011 10:40 am

لمحة عن بعض شعراء الأغنية السودانية

--------------------------------------------------------------------------------

المطربين أكثر شهرة من الشعراء

والشعراء كانت حقوقهم مهضومة

نعرف الكثير عن المطرب وعن الأغنية ولا نعير إهتماما ً بالشاعر

هنا في هذا البوست سنحاول جميعنا إلقاء مزيد من الضوء على بعض من شعرائنا الأفذاذ الذين أثروا الساحة بالكثير من الروائع ... نتمنى أن نجد المتعة في هذا البوست وحتى لا يكون رتيبا ً فسنطعمه بالصور وبعض المسابقات ... سيكون تقديم الشعراء بدون أي ترتيب مقصود ولكني إرتأيت أن يكون الشاعر الأول مقصودا ً لأسباب ً ستدركونها في حينها

الشاعر الأول : صاحب الصورة أدناه ... فمن هو ؟






_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 9:58 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء أكتوبر 26, 2011 10:44 am

ولد الشاعر مسعد حنفي في عام 1911 م في مدينة شندي واسمه الحقيقي محمود وما كلمة مسعد هذه إلا كنيه كناه بها والده إستبشارا
بمولده إذ كسب قضيه مدنيه كبيره كانت معلقه لبضع سنوات ثم حكم فيها لصالحه في نفس يوم مولده..
ثم طغى مسعد على محمود حتى محاه تماما من أذهان الناس .



 وهو  صاحب  الصورة  اعلاه

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:00 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء أكتوبر 26, 2011 10:51 am

مناجاة

للشاعر الكبير

مسعد حنفى

*****

هل تذكري نزهتنا في المقرن سوى

وسط الزهور نتساقى كاسات الهوى

هل تذكري النيلين عناقم كيف بدا

زي احتضان الورده لي بلل الندى

الموجه تابعه الموجه جاريه تطارده

تهدر تثور في صوت يزيد عنفه الصدى

هل تذكري القمري الشدا

كيف كان يغرد منشدا

الحان غرامنا يرددا

وحوله الطيور مااسعدا

هل تذكري انا ليك فدا

كيف كنت هانيه ومسعده

الوجنتين متورده

والابتسامه تساوي كونا وماحوى

هل تذكري كيف كنا في غاية الصفا

رقت حواسنا والمناظر ترهفا

الماء أمامنا يداعب العشب الطفا

نثر الرذاذ فوق لي وجوهنا يلاطفا

بدت الزهور ما اظرفا

ألوان عديده مصنفه

الخضره معناها الوفا

والصفره عنوان الجفا

اما البياض لون الشفا

رمز السلام والمعرفه

والحمره شوقنا المانطفى

نار تستعر تحرق قلوبنا في الهوى

هل تذكري شمس الضحى المتألقه

كيف اختفت لامن بديتي مشرقه

ليك تنحني الاشجار رؤسها مطرقه

غارت عليك نشرت غصونه المورقه

ما احلا ساعات اللقا

نزهتنا كانت شيقه

بدت الحديقه منسقه

اكمام وروده مفتقه

أطياره فوق متعلقه

جوه القلوب ثمر الهوى طاب وأستوى

هل تذكري كيف كنت فاتنة مدللة

جذابه رايعة مكملة من غير طلا

نور إبتسامتك يملا جنبات الفلا

روعة وجمال زي الزهور وسط الكلا

رقّ النسيم والجو حلا

غاب العزول والبال خلا

ياغاليه ياست الملا

انت الرخاء بعد الغلا

والشدّه ياكافي البلا

جمبك تكون ما أجمله

روحنا تتشابى للعلا

يلاّك سوى ابداً املنا ما انطوى

--------------------------

وقد تغني بهذه الاغنية الفنان / صلاح مصطفي

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:43 am

--------------------------------------------------------------------------------

وجه القمر سافِر
كلمات الشاعر: مسعد حنفي

وجه القمر سافِر يضوى شعاع ونور وافر
يا بدر سألك جاوب ليش أخوك نافر

من حيو السباع تنتر ومن رمشو السهم طافر
ريم يسحبلى سيف لحظو وآخر بالسلاح غافر
يادمع ادفق ودع يا قلب سافر
شوقي لي ضامر
هل بى نظرتك اظفر يا من بى القلوب ظافر

كاحل طرفك الناعس والجيد بالاسيس غامر
مجدولات ايديك صدرك رجح طبق الضامر
زيدنى من تيهك طائع ليك يا آمر
زهرة السامر
رفقا بمجنونك يا ليلة بنى عامر

اعلم لولا ما طرفك للبيض الرقاق شاهر
إنسان عيني كاد يغرق في ماء خدك الزاهر
ونورك يتوقد لي عيون الخلوق جاهر
ظلمي شئ ظاهر
وإشراق الفجر يشهد على طرفي العليل ساهر

في دولة صباك تايه يا الفى عشقي ماك فاكر
أصبح مسكنك قلبي الفى كل ثانيه ليك ذاكر
لو رأيت محيك يا البى نظرتك ماكر
ليك أكون شاكر
وأم الأفق بيك تقنع لا تولد شمس باكر

تنظر بانه تتمايل في ثياب لو قدم خاتر
وتنظر كيف صدير يقلع تفاحو وردف ناتر
وبين ناعساتو يضوى الصارم الباتر
اللحاظ فاتر
لامعه سيوفو تتبارق من كسراتو يا ساتر

عاشق محيك الضاوى وعاشق حسنك النادر
تقبل لحظك يمرضني وانت على شفاى قادر
في هواك قابل تنفيذ أمرك الصادر
لي ليه غادر
حلمك جود وأتعطف سارع بى لقاي بادر

وحيات طرفك الناعس وحيات حاجبك الداير
وحيات خدك المجلى ومنظوم ثغرك الناير
بى لقاك تسمح لو كان في المنام زاير
فكرى فيك حاير
كل ساعة جيش حبك يهجم في الصدر غاير

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:01 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:45 am

الناعسات عيونن

كلمات الشاعر: مسعد حنفي



الناعسات عيونن نور جبينن هلّ


مابين تبر صافي واخضراني اللون


دار العزّه يا عبدالعزيز إتجلّ


بي نور الخدود المنّه


زينة الكون


الغانيات جمالن من الحور اجلّ


ولي اقمار وجوهن في فؤادي سكون


لي ليمن تكاد درر النجوم تدلّ


البي نار غرامن قلبي صار ممكون


مسحور من طريفن وسحرهن لي دلّ


وين ماهبّ طيبن تلقى قلبي يكون


من انوار جمالن ياخي عقلي اختلّ


توجد في صفاهن العفاف والصون


بين فدعة يديهن واللدن والتله


بين رمان صدورن الجمال محصون


البدور تسعالن والملوك تتعلاّ


لو تلقاله نظره من الصفا المكنون


بين مفصود خديدن وساده زايده العلّه


صاروا لي زي ليلى وصرت انا المجنون



ياقاسم معاك نجم السعود ما ذلّ


دمت قدرك عالي ودام عدوك مغبون


لي عزولك ديمه الإنكسار والذلّه


والنحاس مابوازن لي دهب شيبون


من نظرة جمالن راح منامي وولّى


عقلي شاغله غرامن واعترتني شجون


السرور ياقاسم عرشه قوم اتولّى


بين تهاني البانه وميلة العرجون

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:02 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:48 am

إنتقل الشاعر مسعد حنفي إلى الرفيق الأعلى في 12-10-1996م يرحمه الله ويحسن إليه ويجعل البركة في أولاده وأحفاده وذريته

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:05 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:50 am







الشاعر / سيد عبد العزيز

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:51 am

(لي نية في قمر السما)


مقاصدى آه ما أجسما
لي نية في قمر السما
مقاصدي آه ما أجسما

أبني الفكرة وأهدما
والعين تسيل دمع الدما
والدمعة مرات أعدما
لحبيبى روحي اقدما
يا ليته يرضى يخدما


حواسي مالها كلما
هبت نسيمة تألما
روح يانسيم ليها كلما
لو جاهله كنت تعلما
حن المعذب لـ اللما


عجبا ملاك ساكن حما
في حماية الحيا احتما
منعوا الدلال يظهر حما
هلك النفوس أبا يرحما
ومن هجرو يا حامي الحما


بديها روحى تقسما
بدل الزهور فى مواسما
مهما النفوس قدرن سما
الفى القلوب ممضى اسما


كم من محاسن وأعظما
فيك خايلة خلقة منظمة
زي معنى شاعر ناظما
صفاء بهجتك ما أعظما
شوفتك ظمأ وتروي الظما

حي المسالمة ومسلما
ذكراها أنسي وقلما
الذكرى دايما مؤلمة
لله أموري أسلما
القمرا مالقيت سلما
لي نية في قمر السما

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:06 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:53 am

]color=#003300]سيد عبد العزيز ... ولد بحى العرب بأمدرمان عام 1900م ذلك الحى الذى كان يعج بالشعر والفن والأدب فقد كان به عبيد عبد الرحمن وعبد الرحمن الريح وأحمد عبد الرحيم العمرى ، وسيد عبد العزيز صاحب مدرسة متميزة فى الشعر الجزل الرقيق فقد قال الشعر صبياً وأكمل تعليمه الأولى ثم عمل فى البيع والشراء بزريبة البهائم ، ثم هجر الزريبة وسوق العرب وتعلم صنعة الحديد حتى أًصبح ميكانيكاً ماهراً وكان يستقل دراجته ليتعلم اللغة الانجليزية فى المساء مما أهله ليشق طريقه فى مصلحة النقل الميكانيكي بنجاح وأقتدار وكان يغشى مجالس العلم واللغة العربية فى حلقات المعهد العلمي وكان كثير الإطلاع وحاد الذكاء فجاء شعره لوحات بارعة من الإتقان اللفظى والمعنوى ... ومن إطلاعه علم أن ملكة جمال اليونان فى ذلك الزمان كان أسمها ماتريد فصاغ رائعته :

سيدة وجمالا فريد خلقوها زى ما تريد
[/color]

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:07 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:54 am

ولأن سيد عبد العزيز كان مطبوع الشاعرية فقد كان خفيف الظل سريع البديهة فقد روى بصوته في حلقة مع مبارك ابراهيم – رحمهما الله- أنه وصديقه الشاعر أحمد عبد الرحيم العمرى قد قاما بزيارة بعض أقرباء من جيرانهم بالحى ولفت نظره منظر فتاة نائمة وهى مفتوحة العينين وأتفقا على أن ذلك شىء مألوف ويعرف بنوم الغزلان وقال على الفور :


يجلى النظر يا صاحي منظر الانسان

الطرفو نائم وصاحى ... صاحى كالنعسان


وبرغم أن سيد عبد العزيز كان فى الجناح المناوىء لصالح عبد السيد عندما أنقسم شعراء وفنانو الحقيبة الى معسكرين إلا أن شعر سيد عبد العزيز هو الأقرب الى شعر صالح عبد السيد غزارة فى الإنتاج وجودة فى الصنعة وروعة فى التعبير.

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:08 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الخميس أكتوبر 27, 2011 10:59 am

(قائد الأسطول - كلمات سيد عبد العزيز)


لحن وغناء سرور .. غناها أيضا فنانون أخرون .. هذه الأغاني التى تترك انطباعاً أدبياً حاداً كثيفا لدى السامع لها .. فهى ملتزمة ما لا يلزم من القوافى .. بجانب انها مشطرة فى مقاطع ست تتماشى وروح العصر.. غير أنها كانت فى حينها نقطة تحول جادة للاغنية السودانية فهى رمزية اتخذت ستاراً لتوصيل شحنات سياسية علت الذهنية السودانية من جراء الاستعمار الإنجليزيى فكانت خطاباً مباشراً للسلطة.. وأسئلة.. إنها العلة والمعلول بكل مضامينه.. وفوق كل شىء إنها اغنية متميزة.. وشاءت أحداثها الغنائية أن تميزها فى عصرنا فكانت السلم الذى خطا عليه الفنان ( بادى محمد الطيب) :


يا قائد الأسطول تخضع لك الفرسان

ياذو الفخار والطول أرحم بنى الإنسان



مين لسماك يطول ما يطولك اللمسان

معناك شرحو يطول والله يا إنسان

أصدق كفانا مطول ياذو الحسن إحسان

أنا عقلى بيك مختول والناس عقول ولسان



ما بنكر المعقول آمنت بالأيمان

بالطلسم المصقول بدل لخوفى أمان

بالنور سحرت عقول كانت صميمة زمان

يا من تحق القول قتل النفوس حرمان



وما الجندى والمكتول و طالب الغفران

من أيدو راح منتول وأتوهد النيران

فاقد الصواب مبتول مما رأى حيران

أصبح زهر مشتول وفاح ملا الجيران



يا علة المعلول كم أومى ليك بنان

كم من أسير مغلول مالاقى فى لحظة حنان

يرى وعدك المحلول زى حجة الوسنان

والكان سكونو تلول ما ببدلهم بجنان



يا حبيبي كون ممهول وليكون ماكان

الفى غد مجهول والماضى أسمه الكان

نفديك شباب وكهول ونبقى ليك أركان

فى حبك المأهول ونخدم السكان



يالفى سماك مفصول تنشاف عيان وبيان

ما عرفنا ليك وصول وما دنيت أحيان

إنت الخطاك أصول يعلم الديان

مثلت فينا فصول ما بدرسها النسيان

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:09 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الثلاثاء نوفمبر 01, 2011 9:27 am

قالوا الشاعر سيد عبد العزيز كان ماشي (ومعه أحد الشعراء) في الطريق وفي أثناء ما هم ماشيين فتحت واحدة من البنات باب الشارع حقهم وكانت تظن أن الشارع خاليا ً من المارة .. وفجاة شافت الشاعر وصاحبو ..فقامت قفلت الباب بسرعة وإدسـّت وراهو .. خجلانة لأن أحد غريبا نظر اليها (الزمن داك البنات كانن بيخجلن من الرجال) ... أها عمنا سيد عبد العزيز وصاحبو أتاريهم شافوها (بالرغم من حرصها الشديد على ألا يشوفوها) ... أها طوالي عمنا سيد قال لصاحبو : حاول يخفي نفسو.. قام صاحبو قال ليهو : وهل يخفى القمر في سماهو ؟... عمنا سيد قال ليهو : أبدا ً وطبعا ً لا .. شفناهو شفناهو ..... وكانت بداية القصيدة التي أكملها عمك سيد في نفس اليوم ... وقام الفنان سرور بتلحينها وغنائها .



حاول يخفي نفسو وهل يخفى القمر في سماهو
أبداً وطبعاً لا شفناهو شفناهو
*******
حاول يخفي نفسو وغير اتجاهو
سطع النور في أفقو وكل إنسان رآهو
خلنا البدر أشرق كامل في علاهو
وخلنا الزهر فتح من أنفاس شذاهو
******
جذاب حسنو رايع لادن خلقو مايع
رقص البان مشيهو تحب تنظر وشيهو
عيونك تختشيهو من قوة ضياهو
ومن شدة حياهو
*******
مرة إذا نظرتو ونظرو ليك رناهو
قلبك ينشرحلو وترتاح لي لقاهو
دون تشعر تحبو وتلهج في ثناهو
********
كل وصف تراهو أقل من مستواهو
مترفع عظيم عالي بعيد مداهو
ملأ العين جمالو الزاهي رشح نداهو
يلالي والكواكب تتناثر حداهو
فيه الحسن أودع ما ملكت يداهو
*****
مفرح وشوفتو تفرح بتلقاك باسم
كالزهر المنسق في زمن المواسم
تشوف في مقلتيهو حياة دلالو وتيهو
واللحظ البجرح والوجد المبرح
أنا من دون أصرِّح قلبي اصطفاهو
وهسه هناك معاهو


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الثلاثاء نوفمبر 01, 2011 9:29 am

من حور الجنان - كلمات سيد عبد العزيز


من حور الجنان أم أنت إنسان الكمال
هل أنت الملاك جيت تورى الناس الجمال

سبحان من نشاك حسنه وفى غاية الكمال
يهواك الجنوب وإليك ينقاد الشمال
وما أظن يحصوا حسنك لو يحصوا عدد الرمال
بى إيه يقدروك يا ملك ملوك عصر الجمال

سلطان بهجتك محروس بجيوش الجلال
ويغار من صفا حسنك صفا ماء الزلال
فى مراية خدودك أشوف تأكيد سحر الحلال
وأشوف فى سما حسنك كل يوم يسطع هلال

صفا ماء الجمال فى مجال جمالك راق وجال
زى ماء الحياء فى عيون ربات الحجال
ما فعل السلاح تفعل عيناك النجال
مكسور الطريف كسر قلوب الرجال

يا خلاصة المعانى الصار معناك موضع مثال
فوق المحسنات حايز لطف وكرم خصال
آلهة الجمال اعترفوا ليك ما ليك مثال
وتتمنى البدور تقبيل يداك بى امتثال

يا طايل الوريد يا أهيف يا اللى خصمه زال
فيك منظر يحنن وفيك منظر فارس النزال
ليك من الغزالة جبين وقاد وعيون غزال
الحور من مناصبها لى قدرك تكتب نزال

يا الغصن الرطيب عاجبنى فيك الإنهدال
اللادن قوامك من ملبن وذو اعتدال
جوهر حسنك الصافى وسيرك طاهرات عدال
آيات بينات ما فيهن للكافر جدال

شاركت الغمام والموج مناظر وارتحال
شاركت الظباء فى نفرتن والإكتحال
شاركت القلوب فى موضعن وعلى كل حال
نفداك بالنفوس وفداء النفوس كان المحال

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الثلاثاء نوفمبر 01, 2011 9:31 am

يا بت ملوك النيل - كلام/ سيد عبد العزيز


يا بت ملوك النيل يا أخت البدور
مين لى علاك ينيل فى البدو والحضور

الجبرة فيك بتخيل
محمية الحما الما حام حداه دخيل
ما كان أبوكى بخيل
بت عز الرجال أهل الدروع والخيل
الهنا... والسرور

يا السامية ست الجيل
طرفك من حياء
فى عصر السفور خجيل
حسنك وضع تسجيل
فى صحف الدهور
يتلوه جيل عن جيل
لى يوم النشور

الهيفا يا الخنتيل
حروف آيات محاسنك
أرتلن ترتيل
يعجبنى فيك تمثيل
أخلاق الملاك
فى سطوة القتيل
الفارس الجسور

غصنك رطيب وعديل
شعرك ليل
جبينك يخجل القنديل
النور عليكى سديل
يا معنى الجمال
الما أتوجدلو عديل
فى ناس ولا حور

فقتى الكانوا قبيل
ما خدات فى الجمال
جائزة نوبيل
حيرتى كل نبيل
عيناك سحرهن
يسحر سحر أبابيل
يخترق الصدور

يا صاحبة الأكليل
ما أظن النهار
العين تدورلو دليل
محياك نورو جليل
كنت أقول شمس
لو ما الزمان كان ليل
أن عليك نور

لا زلت ليك أميل
يا رمز السعادة
الما أتوجدلو زميل
يا آية التكميل
يا مراية الجمال
الفيكى كل جميل
ريحانة العصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الثلاثاء نوفمبر 01, 2011 9:33 am

يا أنة المجروح - كلام / سيد عبد العزيز

يا أنة المجروح
يالروح حياتك روح
الحب فيك يا جميل
معنى الجمال مشروح

للحب زناد فى الجوف زى الزناد مقدوح

منه الجبابرة تلين لصوت بلابل الدوح

وتصاحب النسمات تفضل معاها تروح

بين نغمة الأشواق ومحاسن الممدوح

الناس تحب رؤياك بالخاطر المشروح

يا ملفت الأنظار يابسمة المفروح

وانا أهدى ليك الحب حب من فؤاد مجروح

حب الشحيح للمال حب الجبان للروح


سورية فى السودان بحبى ليكى أبوح

عنب جناين الشام أتمنى منه صبوح

وانشد فؤادى الضال بين الرياض مذبوح

وأرى الهلال فى ظلال تلك الخميلة يلوح

أنا لو ضمنت رضاك أكون سعيد ممنوح

يا من تسر رؤياك تفرح وتنسى النوح

تكسى النهار بجمال خديك جمال ووضوح

منه الغزالة تقيف فى موقف المفضوح

من الوله للقاك دمعى الغزير مسفوح

ناقم على الأيام مع أنه طبعى صفوح

انا والخيال فى جدال وانت بنداك منفوح

كل ما النسيم يغشاك زى الحديقة تفوح

رايق كحيل نعسان انسان رقيق وجموح

ساحر العيون بجمال فى سواك ما ملموح

ان كان تميس بنميس ان كان تموج بنموح

عدل الطبية جعل جور الحبيب مسموح

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الثلاثاء نوفمبر 01, 2011 9:37 am

]size=b]قلنا الشاعر / سيد عبد العزيز كان شغال في النقل الميكانيكي بالخرطوم ... أها الخواجات قاموا نقلوهو إلى مدينة الأبيض (غربة عديل كده في الزمن داك) ... أها قام الشاعر الفذ / عبيد عبد الرحمن (نديد سيد عبد العزيز وتؤام روحو وصديقو) شعر بفقد وغياب سيد فقام كتب قصيدة خاصة لسيد هي (رسائل *) المشهورة بحبيبي أكتب لي وأنا أكتب ليك بالحاصل بي والحاصل بيك التي تغنى بها المبدع / إبراهيم الكاشف.[/]

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:11 pm عدل 2 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الثلاثاء نوفمبر 01, 2011 9:39 am



(غصباً عنك يلفت نظرك)
كلام / سيد عبدالعزيز

طبعا ً دي آخر أغنية لحـّنها وغنـّاها الكاشف وسجلها للاذاعة في عام 1969 (نفس عام وفاته يرحمه الله)

الأغنية دي ليها قصص وحكايات: القصة الأولى على لسان الشاعر سيد عبدالعزيز نفسو حيث يقول :
في يوم جمعة وأنا وأصدقائي العبيد وخالد نسير بسوق أمدرمان وكان مملؤاً بأشكال وألوان الحسان من كل الأعمار وإذا بواحدة بارعة الجمال ... لفتت اليها كل الأنظار رجال ونسوان .. كبار وصغار .. وعند ذلك قلت مخاطباً أصدقائي بصفة لا شعورية (غصباً عنك يلفت نظرك) وأكملت المطلع ..

والحكاية الثانية التي تتعلق بلحنها وغنائها يقول عمنا سيد : الحقيقة ما كانت هذه الأغنية للكاشف بل لأحمد المصطفى وكنت قد وعدته بها وبعد استلامي لها من لجنة النصوص سلمتها للكاشف ليسلمها لأحمد المصطفى وبعد كم يوم قابلني الكاشف وعرفني بأنه لحـّن الأغنية وح يغنيها، قلت ليو : ليه ما سلمتها لأحمد؟! قال لي :أحمد تنازل لي عنها، قلتلو أنا ما راضي، قال لي: على كيفك ترضى أو تغضب.

والرواية الأخرى ذكرها السر أحمد قدور ... قال: سيد عبدالعزيز جاء يفتش عن أحمد المصطفى في دار الفنانين وما لقاهو ... أها الكاشف شاف عمنا سيد بيسأل عن أحمد المصطفى قام قال ليهو : دايرو في شنو يا سيد ؟ قال ليهو: داير أديهو أغنية فطلب منو الكاشف أن يقولها لهم ... وبعدما عمنا / سيد قرأها قام الكاشف قال ليهو : بالله ده غناء ده وأشار الى آخر أن يطلب من سيد عبدالعزيز قراءتها مرة ثانية، ثم اشار الى ثالث أن يطلب من سيد عبدالعزيز قراءتها مرة ثالثة وبذلك كان الكاشف قد أتم حفظها ثم قام بتلحينها.




غصباً عنك يلفت نظرك
مهما تحاول وتأخذ حذرك
تصبح عاشق ... غصباً عنك

طعم شوفتو يحلو في نظرك
وتفرح جدا لو كان نظرك
تفتكرو ملاك انتظرك
في مناظرو يتمتع نظرك
تقول ليه ومنشرح صدرك
الحسن كلو اتفصل قدرك
البدر شفناهو نورو في بدرك
لا ما اطـّاول قدرو لقدرك

إن يوم في العمر الحظ نصرك
وفي نعيم حسنو أتمتع بصرك
تصبح أسعد أبناء عصرك
وتملأ عيون كل من بصرك
أنت في قربو تأمن دهرك
يا محظوظ يومك وشهرك
حلو الدنيا يجري في نهرك
وأيامك باسمة وزهرك

أنت في قربو الناس تعتبرك
الموفق وأسعد وأبرك
بالنعيم اتعوض صبرك
والشباب العاد في كبرك]


نرجع لعمنا الشاعر / سيد عبد العزيز

قالوا الفنانين كانوا تلاتة بس (سرور و اللمين برهان وكرومة) ... أها في بداية التلاتينيات قاموا إنقسموا لفريقين ... سرور براهو ... وكرومة واللمين مع بعض ... أها الإنقسام ده خلى الشعراء زاتم ينقسمو (شعراء يكتبو لي ديل وشعراء يكتبو لي ديلاك) ... وبقى في نوع من التنافس ... أها قال ليك عمنا سيد كتب ليك قصيدة سمحة خلاص وقام أداها لسرور وقام سرور لحنها لحن جميل جدا ً وفي أول حفلة ليهو قام غناها (كانت حفلة ساهرة على مسرح نادى الخريجين بأمدرمان سنة 1934) ... قال ليك الخلق ما إيدوك الدرب ...الأعمى شايل المكسـّر ... والفنان سرور كانت ليو طريقة غنائية خاصة بيهو براهو وهى الرقص الموزون والتحرك البطئ المستمر على خشبة المسرح مما جعل الجميع ينتشي ويتمائل طربا ً مع الأغنية .

طبعا ً نحن ما سمعناها بصوت سرور لكن سمعناها بصوت الثنائى ميرغنى المامون وأحمد حسن جمعة لأنهم سجلوها في الإذاعة وإشتهرت هذه الأغنية بهما... في المداخلة الجاية إن شاء الله حنحكي ليكم قصة هذه الأغنية


أقيس محاسنك بمن - كلام عمنا سيد عبد العزيز

أقيس محاسنك بمن
يالدرة الماليك تمن
نورعينى ونور الزمن

ما شفنا فى طول الزمن
سواك بدر فى داخل كمن
الأنوار .. يتزاحمن
فى خدودك أخدن أمن
ومن فاهك يتبسمن
بروق فى بروق يتقسمن


دى الدنيا أم جنة عدن
شفنا ملاك لابس بدن
إنسان لكن مفردن
حاز النور حاز اللدن
غصنو مهفهف أملدن
وهيبة أسد فى عيون شدن

يا الجبرة المازجة العجن
وجسمك بالطيب إنعجن
إذا النسمات بيك عرّجن
طباق الجو يتأرجن
والأنفس يتهيجن

أنت نرجس من الوسن
لعيونا الأعين جسن
وأن آية الحسن الأسن
وغصون الروض يتمايسن
فى ذاك الزى الحسن
وكل حسن مالك حسن

روضك زى عارضين صفن
حلاك سحرك ما سحر وفن
كواكب النور البلصفن
بصفاتك ما أتوصفن
بدور الكون لو ينصفن
يسجدن ليك ومايكون وفن

فيك عيون بالحسن إزدرن
ومهما أفكارهم يكبرن
زى حسنك ما يعبرن
مع البدرين سيرك سرن
ومن وزنك هن يقصرن

-------------------------------------------------------------------------------------------------------------------------


قصة الأغنية :


الرواية الأولى : قالو في أم درمان كان في مرتين متشابهات في الإسم (كل واحدة فيهن إسما محاسن) وكانن جميلات وبيغيرن من بعض ... أها قام عمنا عبيد عبد الرحمن كتب في واحدة فيهن أغنية (من محاسن حسن المحاسن في جبينو النور والهلال) أها قامت التانية زعلت زعل شديد خلاص وحرقتا ليك نار الغيرة وقالت : كييييييف يقول الكلام ده في محاسن ديك وأنا موجودة .... أها قامت مشت لعمنا سيد وقالت ليهو : عاوزاك تقطع فيني أغنية على مقاسي ... قام عاين ليها من فوق النضـّارة كده وقال ليها : عاد يا محاسن أقيس محاسنك بمن يا الدرة الماليك تمن إنتي نور عيني ونور الزمن.

الرواية التانية : قالو بت الشاعر أو حفيدتو قالت ليو : إنت كتبت شعر في كثير من البنات إلا أنا ... عشان كده عاوزاك تفصـِّل لي قصيدة تعدد فيها محاسني ... قام قال ليها : أقيس محاسنك بمن يا الدرة الماليك تمن.

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:13 pm عدل 2 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الثلاثاء نوفمبر 01, 2011 9:45 am

]color=#00cc99]لنا  عودة  شاء  الله - مع  الشاعر/  مرسي  صالح  سراج


[
[/color]

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:15 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 10:59 am

[b]معظم الناس بيكونو سمعو الأغنية الوطنية (يقظة شعب) لمحمد وردي أو على الأقل بيكونو سمعو موسيقاها التي كانت مقدمة برنامج إذاعي شهير إمتد لعشرات السنوات ألا وهو برنامج (دكان ود البصير) ولكنهم قد لا يعرفون الكثير عن صاحب الكلمات.

مرسي صالح سراج هو من أرقين *- حلفا القديمة ثم حلفا الجديدة ... الحلفاويين كانوا وما زالوا بيعتزوا جدا ً بحلفا وعندما أجبروا على الهجرة في بداية الستينيات كانوا بيقولوا : حلفا دغيم ولا باريس .. وحلفا أرقين ولا برلين ... وذلك عندما ناس عبود قالوا ليهم : حنوديكم لمكان جميل ونعوضكم عن وادي حلفا .

مرسي صالح سراج لم يكن شاعرا ً فحسب بل كان صحفيا ً وناقدا ً رياضيا ً وفنانا ً تشكيليا ً ... عمل لفترة من الوقت مستشارا ً لوزارة الإعلام بالرياض - المملكة العربية السعودية ... لا أعرف تاريخ ميلاده بالظبط ولكنني أعرف أنه إنتقل إلى الرفيق الأعلى وهو في ريعان شبابه في سنة 1967م ... وكانت وفاته بلندن التي ذهب إليها مستشفيا ً ... يرحمه الله.

* أرقين و دغيم: أسماء لأحياء أو قرى .. في حلفا الجديدة يطلقون أرقين على مجموعة قرى متقاربة في الجغرافيا (قرية 5 وقرية 8 وقرية 11)[/b]

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:16 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:05 am


هامَ ذاك النّهرُ يستلهـمُ حُسنا
فإذا عبْرَ بلادي ما تـمنّى
طرِبَ النّيلُ لَدَيْها فتثنَّىَ
فأروي يا تاريخ للأجيالِ عنـّا *


ثائرٌ إذ هبَّ من غفوتِهِ
ينشدُ العلياءَ في ثورتِهِ
كاندفاع السّيلِ في قوّتِهِ
عجباً مَن لهُ جندٌ على النّصر يُعين
كُلُّنا نفساً ومالاً وبنين

*****

نـحنُ في الشِّدَّةِ بأسٌ يتـجلَّىَ
وعلى الوُدِّ نـضُمُّ الشّملَ أهلا
ليسَ في شِرعتِنا عبدٌ وموْلَىَ
قسَماً سنرُدُّ اليومَ كيدَ الكائدين
وحدةً تَقْوَىَ على مَرِّ السّنين

*****

قلْبُ إفريقيا بِوَعْيٍ نابِضِ
حَلَّ مِنّا بالـجّنوبِ النّاهِضِ
مِن عدو الغابِ بِلَيْثٍ رابِضِ
قِدَمَاً هي كانت جنّة المستعمرين
مالـَهُم منها تبارَوْا هاربين

*****

نـحنُ أبناء ملوك في الزّمان
توّجوا الفونج وزانوا كردفان
أفسحَ المجدُ ليهم خيْرَ مكان
نسباً نِعْمَ أجدادٍ بِهِم يزهو جبين
خُلُقٌ يسمو وعَزْمٌ لا يلين

*****

شرقـُنا يوم اللقاء كيفَ سعَىَ
حينَ داعي البذلِ بالرُّوحِ دعا
كيفَ بالسَّيْفِ تحدَّىَ المِدْفَعَا
ودِمَاً بذَلوها ثرّةً لا تستكين
للخنا للقيْدِ للعَيْشِ الـمُهين

*****

حِينَ خَطَّ الـمَجْدُ في الأرْضِ دُرُوبَا
عَزْمَ تِرْهاقا وإيـمان العروبة
عَرَبَاً نـحنُ حملْناها ونُوبة
بِدِمانا مِن خلودِ الغابرين
هُوَ يحدونا إلى عِزٍّ مُبِين

*****

هـَمُّنا في العَيْشِ إقْدامٌ وجُود
وعنِ الأوطانِ بالمَوْتِ نذود
لِنَرَىَ السُّودانَ خفّاق البنود
وغَدَاً سوفَ يَعْلو ذِكْرُنا في العالمين
فعُلُوَّاً كان شأنُ العامِلين

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:10 am


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:33 am

نرجع تاني لشاعرنا سيد عبدالعزيز :

نظرة ... كلام عمنا / سيد عبد العزيز

ألحان وغناء / عبد الله الماحي

نظرة يا السمحة أم عجن لو كان قليل تبرى الشجن
أعرف صفا الأيام أقيف أنظر جمال تلك الوجن

دولات صدودك ماوعن آلامو بى إدرّعن
أبكى وأصيح متضرعاً يا ناس دموع عينى ترّعن

أرحمونى مارضنى الظعن أمالى جور لى قاطعن
أحشاي هديل أتقطعن وبالفرقة نشابك طعن

يا منبع النور والفـِطن يا الفقتى يعرب والرطن
فى جوفى من حبك قطن يا جاهلة مليون ألف طن

كيف أسلى عينيك والوجن يالبسمتك نور الدجن
جسمك حرير ناسجو العجن ناضر وباللون انعجن

الضاوية زى خديك من فى الدنيا يا نور الزمن
أرواح نسائمك لى رمن نرجس مزج لى مسك اليمن

ما أحلاك يا الجيدك شدن يالعمرى فيك ضائع سدىً
انا عندى شوفتك يا اللدن أحسن من الروح فى البدن

يا منبع الذوق آه يا من حبك غرز فى الجوف كمن
يا غالية قط ما ليك تمن إن هب او جار الزمن

ليك السلام ما ولعن خديك وبالنور يلمعن
وعدد النجوم ما يطلعن يرضيك وبيك لى يجمعن

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:38 am

الأقباط زمان لما يكون عندهم عيد من أعيادم يقومو يعملوا زفة وإحتفالات ومهرجانات في الشوارع ... أها في عيد من الأعياد وفي واحد من شوارع أم درمان كان عمنا سيد عبد العزيز واقف مستمتع بالموسيقى والأناشيد والزفة ... وفي أثناء ماهو متابع قام شاف ليهو قبطية فائقة الجمال (شديدة ... شدة الحرامي ) والبت كانت واقفة وتعاين من بلكونة في الدور التاني من إحدى العمارات وكانت بتتفرج في المهرجان الفي الشارع وكانت ماسكه ليها غصن أخضر فيهو زهور وتتلاعب به بأناملها (عمك كحلا كيف أنا ماعارف !!) ... طوالي عمنا سيد صور المشهد ده وبدأ يقول : يا مداعب الغصن الرطيب .. يا مداعب الغصن الرطيب وطوالي جاهو شيطان الشعر ..



يا مداعب الغصن الرطيب
في بنانك إزدهت الزهور
زادت جمال ونضار وطيب

* * *
يالمنظرك للعين يطيب
تبدل الظلمات بنور
وتبدل الأحزان سرور
إن شافك المرضان يطيب

* * *
تعجبني والشيء العجيب
هادئ واليف ماك النفور
بى عفتك صنت السفور
والحسن والأصل النجيب

* * *
أنا وأنت في الروض يا حبيب
راق النسيم وحلى للمرور
بقى أحلى من ساعة السرور
وأدق من فهم اللبيب

* * *
والروضة في موقع خصيب
حضنوها وإتلافو النهور
ترى فيها أنواع الزهور
من كل لون أخدت نصيب

* * *
يانع ثمارا وغض وطيب
أشبه بربات الخدور
الإنبرجن في يوم حبور
زادن جمال ونضار وطيب

* * *
في الروض غنى العندليب
ورددوا غناهو الطيور
ترتيل أناشيد الحبور
وفتيانا يوم عيد الصليب

* * *
دنت الثريا بقت قريب
بين السلوك في تاني دور
في ثانية كم سطعت بدور
وأهلة كان نوعن غريب

* * *
شيء ينعش الروح في الأديب
ويحيي روح ميت الشعور
للقاك تنشرح الصدور
ويفرح القلب الكئيب

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:43 am

قصة أغنية قائد الأسطول:-
قال ليك عمنا سيد عبد العزيز عجبتو ليك واحدة من بنات آل المهدي (ناس حي الأمراء) وقام مشى لأهلها عشان يخطبا وكده ... قاموا رفضوهو ... وسبب الرفض الرئيسي إنو الزمن داك كتير من وجهاء المجتمع كانو بيعتبروا الشعراء والفنانين ديل ناس صعاليك ساي بتاعين غنا ورقيص وما عندهم شغلة ... أها البت كانت بتقرا في كلية المعلمات في أمدرمان ... أها عمنا سيد الشاكوش حرقو وجهجهو بالحيل لكن ما باليد حيلة ... ومن شدة إعجابو بيها كان بيمشي يقيف قدام الكلية عشان يشوفا وهي طالعة ... وطبعا ً الطالبات عموما ً بيطلعن فى شكل مجموعات في الأول وبعدين كل مجموعة تمشي في إتجاه ... المهم في يوم من الأيام البت طلعت براها بدون صاحباتا (أظنها كانت على عجلة من أمرها) ولم تمر لحظات إلا وطلعن رفيقاتها وراها ... أها هي بقت فى المقدمة ورفيقاتا بقن خلفها .. وعمنا سيد عبد العزيز أتاريهو كان متابع الفيلم وقام طوالي صورو في لوحة جميلة حيث قال:


يا قائد الأسطول تخضع لك الفرسان
ياذا الفخار والطول أرحم بنى الإنسان

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:45 am


نظرة ... كلام عمنا / سيد عبد العزيز
ألحان وغناء / عبد الله الماحي


نظرة يا السمحة أم عجن لو كان قليل تبرى الشجن
أعرف صفا الأيام أفيق أنظر جمال تلك الوجن

يا منبع النور والفـِطن يا الفقتى يعرب والرطن
فى جوفى من حبك قطن يا جاهلة مليون ألف طن




طبعا ً الأغنية دي إتغنت سنة 1929م

يا الفقتي يعرب والرطن دي في ناس قالو: الصحيح إنو عمنا سيد قال : يا الفقتي يعقوب الرطن

أها ... يعقوب الرطن ده منو ورطن قال شنو ؟

قال ليك يعقوب ده كان واقف مع صاحبو بتونسوا فقام دخل عليهم واحد وبدأ يرطن مع صاحب يعقوب ويعقوب مافاهم حاجة لأنو ما بعرف يرطن وقام الزول الجا داخل ده أدّه ليك صاحب يعقوب حاجة ملفوفة كدي .. وفات

أها بعد كم يوم كدي جو ناس البوليس ليعقوب وقالولو: صاحبك في السجن وعايزك تشهد ليو ... أها في المحكمة وبعدما شرحو القصة ليعقوب إتضح إنو الحاجة الكانت ملفوفة ديك كانت من الممنوعات (يا مسدس يا بنقو)... يعني الشغلانة كانت مكيدة عشان يرمو بيها صاحب يعقوب (يعني مسـّكوهو أمانة وهو ما عارفا شنو)
أها قام القاضي سأل ليك يعقوب : يا زول إنت كنت قاعد مع صاحبك ده لمن جاهو الزول ده؟ (وأشار القاضي إلى صاحب صاحب يعقوب)

يعقوب : آآآآي كنت قاعد معاهو

القاضي : الزول ده قال شنو لصاحبك ؟

يعقوب : أنا والله ما بعرف أرطن ولكن الزول ده قال لصاحبي بالرطانة كذا وكذا وكذا ... فأستغرب الجميع لذكاء وفراسة وفطنة يعقوب الذي حفظ الكلام القالوهو بالرطانة بالرغم من إنو ما بيعرف يرطن (وترجمة الكلام إنو الزول قال لصاحب يعقوب : أمسك لي الأمانة دي معاك لغاية ما أرجع من السفر)... وده السبب الخلى عمنا سيد عبد العزيز يتناول يعقوب في القصيدة الفوق دي .. وده طبعا ً تلميح من عمنا سيد لفطنة الكاسرا فيو ضـُلعا وكاتلاهو كمد


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:47 am

عصاية أبو العائلة :
قال ليك الشاعر يوسف الحسن أبو العائله كانت عندو عصاية عاجباهو عجب شديد خلاص ...أها في يوم من الأيام كان قاعد في دكان واحد من أصحابو في سوق ام درمان ... يتونسو سااااي ... ضاربين الهمبريب ... أظن عمنا أبو العايلة عينو سرقتو وصاحبو قام عشان يبايع ليهو زبون ... في اللحظة دي جا واحد براحة سرق العصاية وعرّد ... طبعا ً عمنا أبو العايلة زعل زعل شديد على عصايتو الإنسرقت ... وقام حكى لأصحابو (سيد عبد العزيز و عبد الرحمن الريح وعتيق وعمر البنا) وقال ليهم إرتجالا ً:
ختـّيتا في دكان مقدد تقول غربال
وقايل سيدو واعي وليهو خاتي البال
اوصيك أحترس ما تخت ليكا فيهو حبال



قام عمنا سيد عبد العزيز قال :
يوسف ليهو حق على العصا بتحسر
زي عصاة موسي الكلامو مفسر
إن ضربت حديد الصلب لان إتاثر
وإن ضربت جبل إنهد جانبو تكسر

قول للسارق الآثم سرقت النار
عصاتنا بنظبطا في ليل ولا نهار
أوعك تنوم خليك دوام مسهار
يوم نلقاها في إيدك ..ده يوما ً حااار


قام عمنا عبيد عبد الرحمن قال :
وافاني الخبر يا صاحبي يوم الجمعه
والناس في المساجد للصلاه مجتمعه
قالو ابو الحسن فقد العصايا أم لمعه
ذات الإنعدال رمز المناعه ومنعه
الشالا يشيلو الموت بطي السرعه
يحفى .. يعمى .. يشحد يمد القرعه
خاتمة حياتو الموت المعاهو الصرعه


عمنا عمر البنا قال :
السرق عصاية يوسف رزيله طباعو
إن شاء الله يعيش ناقص مقصـّر باعو
عينو تنقد .. وينشل يمينو وضراعو
ورقبتو تنحني تنزل تحت لكراعو


عمنا عتيق كان رقيق شوية في كلامو .. قال مواسيا ً عمنا أبو العائلة:
صبراً أخي رب وعسى تاتيك مصانه مقدسه
مولاي ينجيك من أسي وتجزيك من الخيرات كسا
انت الخزين ضو المسا وانت الحنين ساعة القسا

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:50 am

الليلة لا قيتو ... كلام عمنا / سيد عبدالعزيز .....غناء المطرب/ إبراهيم الكاشف
الليلة لا قيتو
ملى السرور قلبي وبإسمو ناديتو

القلب حباهو
وبالشكر واليتو
ما عشقت هندامو
وقامتو وتواليتو
أنا عاشق أخلاقو
وقدرتا جليتو
ياليتو يشعر
بى ياليتو ياليتو

بالزمة يا مدهش
وجدانى هزيتو
منى الفؤاد بالصد
صدعتو وأذيتو
وإن حلفونى بأسمك
عن ضررى عزيتو
ليه ودى بالهجران
يا حبيبى جازيتو

أنا لو ضمنت رضاك
كان شخصى هنيتو
وبيك تم لى أملى
الفى الكون تمنيتو
وأقول صريح للناس
يا ناس السعد ظنيتو
عرج على بعد
ما خلاص العمر أفنيتو

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الإثنين نوفمبر 14, 2011 11:52 am

الفي دلالو ... كلام عمنا/ سيد عبد العزيز
الفي دلالو ما أعظم جلالو
إستحل هلاكي ولي حرم هِلالو
الهلال الشغل الناس هِلالو
الظلام حين شاف محيو أنجلالو
نضرة خدودو وبالأنوار يلالو
راح أنفسنا وريحانة لخِلالو

المنعم توب العز كسالو
مثال النعمة وماأعظم مِثالو
جداول ديسو في وردانو سالو
طيبو يعبق كل ما الليل أمسالو

شالو فالو الناس يتمنو حالو
مثالو الباسم وحتى الغيم سِحالو
ومن ضميري حب الغير محالو
نائم وخلى الكان نائم صِحالو

المدلل ما أكرم خصالو
حسنو وافي ومافي لسان حصالو
عالي سماهو بعيد وصالو
المحاسن في مراية جمالو
رطب قوامو وخمر التيه أمالو

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء نوفمبر 16, 2011 10:56 am

كانت تلك لمحة عن عمنا الشاعر / سيد عبد العزيز وعن بعض أشعاره التي أثرى بها مكتبة الغناء السوداني.

إنتقل الشاعر سيد عبد العزيز إلى رحمة الله تعالى في سنة 1976م عن عمر ٍ يناهز الـ 76 عاما ً ... يرحمه الله ويغفر له.

_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:18 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء نوفمبر 16, 2011 11:04 am







شاعرنا / حسن عباس صبحي :




ماذا يكون حبيبتي؟
ماذا يكون؟
******
يا جرح دنياي الّذي لا يندمل
يا من تركت القلب ينزف في أنين
حسرات لحظات توالت في وجل
كصدي يطير مضيّعا عبر السنين
*******
ماذا يكون حبيبتي؟
ماذا يكون.
*******
بعد الّذي جرّته أيّام العذاب
و توشّح القلب المولّه بالسراب
وهو الّذي يلقي الصباح علي أمل
و يبثه من وجده شوق الكنار
وينضّد النغم المورّد للنهار
حتّي مع الّليل المخيّم بالظلام
يهب الحياة غناؤه...
يهب الفنون.
*******
ماذا يكون حبيبتي؟
ماذا يكون؟
*******
بعد الوعود وقد تلاشت و انطوت
بعد البراعم في أكمّتها ذوت
بعد العناد و قد توشّح بالظنون؟
*******
ماذا يكون حبيبتي؟
ماذا يكون؟
*******
و مع السلام
لك من فؤادي باقة الحبّ الحنون
لك من عيوني دمعة المزن الهتون
لك من جنوني، يا جنوني، ألف لون
لك من فؤادي ما يكون وما لا يكون
و لك السلام و لهفتي
و تساؤلي:
ماذا يكون حبيبتي؟ ماذا يكون؟



وتغنى له شرحبيل أحمد بـأنشودة : قدم الخير عليك يا بلادي

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء نوفمبر 16, 2011 11:08 am

هو الشاعر المرحوم دكتور حسن عباس صبحي المولود في شندي سنة 1928م
درس الأولية والوسطى بشندي وعطبرة والمرحلة الثانوية بوادي سيدنا.
تخرج من كلية الآداب بجامعة القاهرة سنة 1954م.
عمل بإذاعة ركن السودان بالقاهرة ومنها إنتقل إلى هيئة الإذاعة البريطانية بلندن واستقال منها محتجا ً على العدوان الثلاثي على مصر عام 1956م.
نال درجة الدكتوراة عام 1968م في الأدب الإنجليزي ومن ثم عمل رئيسا لشعبة اللغة الإنجليزية بجامعة أم درمان الإسلامية.
كان رئيساً لرابطة أدباء السودان بالقاهرة.
اصبح أمينا ً للعلاقات الخارجية لاتحاد أدباء السودان.
كان أستاذا ً بمعهد الموسيقى والمسرح.
شاعر وناقد وأكاديمي وأديب وإعلامي .. اشترك في كثير من المنتديات الأدبية بمصر والسودان.
كان يقدم برامج في تلفزيون السودان في الفترة من 1970م إلى 1973م كما كان يقدم برامج مشهورة في الإذاعة منها (من الفكر العربي المعاصر) و (مشاهد وأشعار)
غنّى له الفنان عبد الكريم الكابلي أغنية (ماذا يكون) كما تغنى له شرحبيل أحمد بأنشودة (قدم الخير عليك يا بلادي).

له ديوان بعنوان (طائر الليل)

إنتقل إلى الرفيق الأعلى بمدينة تبوك بالمملكة العربية السعودية في 1990م ... يرحمه الله.

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء نوفمبر 16, 2011 11:12 am

الكتور حسن عباس صبحي حين نال وسام العلم والآداب والفنون الذهبي وخلفه مباشرة تظهر جائزة الدولية التقديرية من الطبقة الأولى من رئيس الجمهورية جعفر محمد نميري عام 1977




_________________
مـــــــــــرحبــــــــ **** بيكــــــــــــــــــم***



عدل سابقا من قبل عادل عثمان مصطفي في الإثنين مارس 10, 2014 10:19 pm عدل 1 مرات
الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات


عدد المساهمات: 6461
تاريخ التسجيل: 19/10/2010
العمر: 57
الموقع: كانبرا - استراليا

مُساهمةموضوع: رد: شعراء الاغاني السودانية   الأربعاء نوفمبر 16, 2011 11:15 am

• ولد الدكتور حسن عباس صبحي بمدينة (شندي) الوادعة عام 1928 وتأثر بها وبخضرتها كثيراً وحفظ القرآن على يد والده عباس صبحي الذي سمي حي كامل على اسمه تكريماً له وهو ( ديم عباس).
• تلقى تعليمه الأولى بشندى و المرحلة الوسطى بعطبرة التي شكلت له جزءا كبيرا من حياته حيث التقى بأستاذه / عبد القادر شريف الذي حبب إليه اللغة الإنجليزية فانكب عليها وكان من المتفوقين في منافسات الإلقاء بالإنجليزية والعربية.
• انتقل للدراسة الثانوية بمدرسة وادي سيدنا وبدأت مواهبه بالظهور وقد كانت بدايته موفقة وتنم عن إحساس ديني نبيل حيث اهتم بسيرة المصطفى عليه الصلاة والسلام وشخصية سيدنا عمر بن الخطاب الفذة .كان معجبا أيضا بشخصية العقاد وعبقريته والمهاتما غاندي مُحَّبَ السلام وقدم بحثا عنه وهو طالب بالسنة الثالثة .. كان يهوى دراسة التاريخ فقرأ تاريخ فلسفة اليونان وقرأ لمارتن لوثر كنج وكافة أعمال شكسبير وسقراط وشارلس ديكنز.. اهتم أيضا بالعصر العباسي والأموي والأندلسي كما أهتم بالثورة المهدية وكان اهتمامه بالأدب الشعبي من خلال تأثّره بمسدار وشخصية الحاردلو وشخصية مهيرة بت عبود التي كانت تمثل له قمة الفروسية والبطولة.
• تخرج من جامعة الملك فؤاد (جامعة القاهرة حالياً) عام 1954.
• قدم د.حسن عباس صبحى من خلال ميكرفون إذاعة (هنا أمدرمان) الكثير وكان له قدرة صوتية مميزة حيث قدّم العديد من البرنامج الإذاعية الناجحة كبرنامج ( موضوع يهمك ) و(أديب فى دائرة الضو) وذلك فى عهدالاستاذ محمود ابوالعزئم ، وأيضا من أميز البرنامج التى كان يقدمها برنامج ( الليل ) فى اليوم المفتوح.
• عمل مذيعا بأذاعة لندن BBC وقدم العديد من البرنامج فى فترة الخمسينات وعاصر فترة العدوان الثلاثى على مصر عام 1956 وقد انتقل للعمل باذاعة لندن قبل العدوان بقليل الا انه ترك العمل بها ابان فترة العدوان وعاد الى السودان ليعمل محاضرا فى جامعات السودان المختلفة ولاسيما جامعة أمدرمان الاسلامية التى كان من دعائمها فى مجال اللغة الانجليزية.
• نال الدكتوراه في اللغة الإنجليزية وآدابها مقارناً إياها باللغة العربية عام 1968 من جامعة ادنبره بالمملكة المتحدة...موضوع الرسالة (أثر الكتاّب الانجليز الحديثين في الشعراء العرب منذ 1931 – 1960). تحتوي الدكتوراه على ترجمة ما لا يقل عن مائة قصيدة من العربية إلى الانجليزية وتحتوي الكتب التي أعداها على عدد ليس بالقليل من أضراب هذه الترجمات.
• عمل معيداً بجامعة أم درمان الإسلامية منذ 1965 م ومحاضرا بعد الحصول على الدكتوراه منذ 1968 مترقيا خلال تلك الفترة حتى نال درجة أستاذ مساعد 1975 ثم عمل رئيسا لشعبة اللغة لانجليزية وآدابها بالجامعة منذ ذلك الوقت حتى انتدب الى المملكة العربية السعودية بكلية التربية للبنات بتبوك .
• عمل رئيساً لشعبة اللغة الإنجليزية بكلية التربية للبنات بتبوك حتى عام 1990 حيث وافته المنية ودفن بالمملكه العربية السعودية بمدينة تبوك. رحمه الله.
الجامعات والمعاهد التي درس فيها أيضاً.
o جامعة الخرطوم
o جامعة أمدرمان الإسلامية
o جامعة القاهرة
o معهد الموسيقى والمسرح
الكتب والبحوث التي ألفها والعديد منها يعد كمرجع في الجامعات المختلفة
o ديوان طائر الليل بالعربية
o الصورة في الشعر السوداني بالعربية
o دور المثقف في المجتمع بالعربية
o الرومانسي اللامنتمي بالانجليزي
o في الأدب المقارن باللغة العربية
o النفاذ عبر الجدار باللغة الانجليزية
o مثالية الحب والجمال عند الرومانسيين باللغة الانجليزية
o إدراك الذات مع الطبيعة الأم باللغة الانجليزية
o الشعراء الانجليز والعرب في المهم الرومانسي باللغة الانجليزية
أعمال قام بترجمتها:
o مسرحية الرجل السابع للكاتب الانجليزي مايكل ردقريق وقدمت من البرنامج الثاني من إذاعة مصر ترجم
o بلاد الشمس الساطعة للكاتب الليبي الوطني موجا جيكارو لخصه ونشر في جريدة الجمهورية
قام بترجمة دليل جامعة أم درمان الإسلامية من العربية إلى الانجليزية o ترجم أغنية (ما شقيتك) للشاعر خضر حسن سعد والتي يتغنّى بها الفنان سليمان الهاوي وبطلب من المستشرق الأوروبي (وليم فاركستون) الذي تواجد والدكتور حسن عباس صبحي والفنان سليمان الهاوي في مؤتمر بالقاهرة في ندوة تختص بالأدب العربي فأصبحت واحدة من مراجعه في دراسة الشعر العامي العربي تحديداً السودان، والتي ظهرت فيما بعد في كتابه (الشعر العامي العربي مراعاة الواقع العربي) .
المؤتمرات التي مثّل فيها السودان في العالم العربي
o مهرجان المربد في العراق 1970
o عضوا في وفد الأنبياء إلى صنعاء 1976
o مثل السودان في ندوة بن رشيق 1981
o عضو الوفد الثقافي الإعلامي على القاهرة 1981
o ممثلا للجامعة في الموسم الثقافي للطلاب السودانيين بالجامعات المصرية
الأنشطة والمناصب الأخرى
1. كان رئيس اتحاد الأدباء السودانيين عام 1976
2. أمين العلاقات الخارجية في الإتحاد نفسه
3. أمين الثقافة بجمعية الصداقة السودانية الباكستانية
4. رئيس لجنة الدراسات الأدبية والترجمة بالمجلس القومي للأدب والفنون.
5. عضو لجنة الآداب بالمجلس نفسه
6. عضو لجنة النشر بالمجلس نفسه
7. كان عضو لجنة الشعر من عام 1978 -1981
الأوسمة التي نالها:
o نال وسام العلم والآداب والفنون الذهبي وجائزة الدولية التقديرية من الطبقة الأولى من رئيس الجمهورية جعفر محمد نميري عام 1977
o نال وسام العلامة إقبال الذهبي من الرئيس الباكستاني ضياء الحق عام 1979 .

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
 

شعراء الاغاني السودانية

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 15انتقل الى الصفحة : 1, 2, 3 ... 8 ... 15  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
كبوشية إصالة التاريخ  ::  :: -