الضحى - الدوش

الضحي
شمس المغرب الممحوق تميل فوق وشك المحروق

تبين صفرة سنيناتك

بين ضل الكلام مقلوب

تميل يا صالح الأيام ولا عاشرت هدما زين

ولا حتيت تراب السوق .. تفضل

تفضل يا خفيف الضل ورش جرجيرك البايت

وعد ليمونك الفضل وكوم حزنك الباير

وبيع من غير تشاور زول تواريخ دمك الفاير

وتفرش فى الضحى الأعلى تبيع سام العمر كيمان

ولا لافتات ولا أوزان ولا اتمان

تشد تركب قفا الأيا م

زهج خيلك يلد تيمان

فرس شوقك دوام مسبوق

تميل يا صالح الأحلام

أهو القدامك البتبيعو

أشواق الصبا الأيتام

وبرضك ما تبيع لى زول

أسف ربيتو على كتفك

ولا عشتا شبع أوهام

أهى الطاحونة يا صالح أهو السوق الصبح ألغام

تفضل يا خفيف الضل ورشرش صبرك الفاير

وارفع صوتك الحنضل وألعن وما يهمك زول

جد كلامكم حلو..ياريت الواحد يلقى الوقت عشان يستمتع معاكم...شكرا ليكم

اخى عادل انتم الخير والبركة ولك كل الشكر والتقدير على المرور والكلمات الرائعات
ودمت بالف خير
لك التحية ود العمرى على مرورك الرائع

عزيزي عمار / ياريت تداوم وماتقطع روئعك عن المنتدي

تسلم ياراقي