ساْلت السمحة

في واحد الظاهر عليو غشيم وماعندو خبرة في الحياة وحب ليو واحدة وعايز يتعرف عليهاوقام قال
ساْلت السمحة مخطوبة وقالت لا ولكن لي
وقولت لي تقول بندق
وقلبي الشايلو بين ايديا قنب يدق
وريقي نشف وحلقي يطق
اخوا قال ليا ساكت بس
اتاري الخوف دا مابندس
رصيت نعلاتي بي القلبا وبديت البس
وديك السمحة قالت قر
وانا السجمان بديت انجر
حاولت اقول باي باي لقيت خشمي بي كماشة مابنفر

الحب بعمل أكثر من كده ولا شنو؟؟؟؟
مشكوره أم مازن

[quote="ام مازن"]في واحد الظاهر عليو غشيم وماعندو خبرة في الحياة وحب ليو واحدة وعايز يتعرف عليهاوقام قال
ساْلت السمحة مخطوبة وقالت لا ولكن لي
وقولت لي تقول بندق
وقلبي الشايلو بين ايديا قنب يدق
وريقي نشف وحلقي يطق
اخوا قال ليا ساكت بس
اتاري الخوف دا مابندس
رصيت نعلاتي بي القلبا وبديت البس
وديك السمحة قالت قر
وانا السجمان بديت انجر
حاولت اقول باي باي لقيت خشمي بي كماشة مابنفر

هههههههههههههههههههههههههههههههههههههههههههههههههههه
يحليلو والله
وقع وقعه
الحمد لله الجات على كدا
شكرا جزيلا عزيزتي ام مازن وتقبلي مروري

مشكوووووووووووووووووووور

يا الله حي

المتجهجه الأمممي

يا الله حي
ياني الزمان البحكو بي
و الليله عاد جني القديم
فار ، قام عليّ

بطلع في راس البيت نهار
أعرض أتور في العلال
أسمع طبول بتدق لي
دق دق ددق
يا الله حق
طق طق ططق
الحيطه سالمه و مافيها شق
تل تل تتل
حجاره تقع من راس جبل
كر كر كرو
الكيتا ضاربه
و خالقه جو
و دق دق ددق
حداد يسمكر في حُقق
و دق دق ددق
البت رموشا تقول درق
شبه الQueen
بت الورق
لمحا الوليد
بالكولا قرقر و إنشرق
لبعوه زي زول إنخنق

أكل السجار الشيالو ني
يا الله حي
فارس هلال
ولداً صِبيّ
ضكران يفوح
دخان تمام
ولداً شِقيّ
بينادي لي :
أعمل صفا
ضم إنتباه
قم راقداً
أرقد قيام
قم بس كفــا
أمرق جري
و كيف اوصفا
البت دي تب
ما بعرفا
بعرف رموشا
اللاعبه بي
كان مته فجأه
منو البقوم
يردح علي
الفاتحه لي ... الفاتحه لي

رائعة الصراف قصيدة الهدايا
المعروف بإسم
المتشعلق بن المنبرش

( نأت خطايا في أرض الاغتراب العربي , وكان المني والتوقع
أن أحظي بمال وفير في زمن وجيز وأعود حاملا الهدايا للأهل
والأصحاب , لكن - للأسف - لم يكن النوال كما توقعت , وعجزت
عن جلب الهدايا فألفت هذه القصيدة معتذرا بها لمن توقع هدية .....
...................
* الهــدايا *
ود اللّمين الباقي رايه
وصاني كتر للوصايا
الغربه قال بتفتح الناس العمايا
وصدقنا نحن وقمنا ندهبش حفايا
سافرت آمالي ابعد من مدايا
ولما تهت رجعت للناس الورايا ...
(المقلي ) يا ضراعي اليمين
أبو ( السارة ) يا الداري العقب
يا الباقي لي فرشة وغتايه
وتعبان وراي ما رامي بالك للعطايا
(دكتور/ عمر ) يا حليلي منك
فرقتنا الدنيا يا طيب النوايا
( ود العبيد ) يا روحي يا رفقة صبايا
حكمتك يا سيدي يا رب البرايا
أمي دايرة تشوف جديدي تشم جنايا
وناس عواطف قالوا دايرين بس رضايا
والتايه ..
التايه يا ام نيتا لبن ..
يا الراجيه فرحة يوم هنايا
وناس فرتكان دايرين اطقوا من الزعل ..
قالوا اب سويقاتا رقاق ما جاب هدايا !
كيف بس أجيب ليكم هدايا ؟!
********

وانتوا عارفين الكبير نادا المنادي
وفي المنام قال ليهو :
حاج الجاك تعال .. تعال .. تعال ..
طقاها لي بلد الحجاز
تبع الحجيج ... وصل البقيع ..
انفش زين ..
يبكي ويحج ..
(مرضية) بتدور العلاج
دايما تنق
في كلاها قالت نار توج
وانا دربي مسدود بالكتر
امشي وافج .. واقعد وافج
والبيت يعج ..
ناس ( سامية ) دايرين الأكل والكسوه
دايرين الشراب
ودخري البيت (عمر)
يا سيدي يازين الشباب
جوابو في ضنب الجواب
جوابا قدر نص الكتاب
داير بناطلين شان يهج
*****
واحدين يسووا الحيله بس جواب سلام
وآخر الكلام يصبح وصايا
لي أنا ..... !
تصور .. ! لي أنا المجنون اقرطع في المحايه
وكتب شيخي ومسح ما خل آيه
ووقع قيدي اندفن وسط البنايا
وزعل مني الفكي ورفس الدوايه
وختف حنكولو فوق راسي كسر كم عصايه
*****
اصبحت اكوس لي صورتي في ضهر المرايه
ومآسي الدنيا ما شربت ندايا !
برضو في آخر النهايه
انتو ما مخلني يا ناس ود هنايه وبت هنايه ؟!
راجيني وموسيقا اللوم بتعزف في الزوايا
ويرقصوا الراجين يخمو رزم هدايا
أجيب هدايا ؟ ... أنا ؟
أجيب هدايا ؟ ... أنا ؟
أجيب هدايا ؟ ... أنا ؟
*****

طالبة استاذنت تستلف استيكة من شاعر حلمنتيشى:
المرحوم محمد اسماعيل (بورفيسور جاغوم بن بلاع)
تسمح؟؟

وكيف يا الحلوة ما بسمح
اصابعى العشرة تكتب ليك
وقلبى استيكة للغلط يمسح
يدوب بين اصبعين حلوين
يتوه وسط السطور يسرح
ولمن تنتهى الكلمات
يخش فى الشنطة فى منديل
ونمشى القهوة نتفسح

هناك عاشق يطيع سحرك
يجيب الفانتا شان امرك
تختى الشنطة فى حكرك
وقلبى الدايش وسط منديل
يسكلب ويقول والليل
وجوه الشنطة يتمرجح
وترجعى ثانى يا الحلوة
تلقينى راجيك هناك مصلوب
اشوف الناس طشاش فى طشاش
واقرا سطورى بالمقلوب

ما تخجل وتتعقد
انا اتعقد؟؟
ازح جنبك ..ازيد الخلطة تسبيكة
واقول ليكى ..بى صوتا ندى ورائع
يفيض رقة ومزيكة
من فضلك... ونترجاك
ولو تسمحى..
ترجعى لى الاستيكة

لك التحية علي هذة الكلمات الرائعة
تقبل مروري

شعر حلمنتيشي
لي إيــدينا بنــــــــرفع *** والعازب كلو بيســــــــمع

نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلــــع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***
للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعتوا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

بالمناسبة في ايام الدراسة كانت لدي جزمة وعاجباني شديد ففي مدرسة الزعيم الازهري بجبرة امتحنت الشهادة السودانية ففي الامتحانات ذهبت الي الاستراحة ولما رجعت الي الخارج لم اجد جزمتي فكتبت هذه القصيدة فقبل ان اذكرها لكم ياحليل زملائي بالجد مثل حافظ محمد العوض وموسي محمد صالح ، ياسر عبدالله عدلان(البارتقل ) وعبدالغني ود التاحميد والفجل مصطفي الفكي ، فاليكم هذه القصيدة

يا جزمتي

يا جزمتي الشالك يطير

يبلوه بي مرضا خطير
بي الايدز بي شر مستطير
يا جزمتي الشالك يقع
في بركة في يوماً مطير
لا يضوق سعادة ولافرح
لا باسطة لا شاي بي فطير
يا جزمتي الشالك يموت
في السكة بي نطحة عتوت
بي رفسة تتفطس مصارينو التجوط
يا جزمتي الشالك يقع
في السكة في اعفن ترع
تتكسر الرجلين وتنحل الضلع
واخر ختامو يكون صرع

يا عمر سلمان دى جزمه واللا همر على العموم رائع جدا تقبل تحياتى فجر

موضوع: رد: ساْلت السمحة الخميس مايو 06, 2010 2:21 pm

ســــــــــــــــــلام ياناس كبوشــــــــــــــــية عووووك ماجمــــــــــــــعتوا
تطلوا علينا بي رســــــــــــــــــــــــــــــــــــــــــــــــــــــــــــــــــــالة واحدة
عشـــــــــــــــــــــــــــــــــــــــــــــــــــــان نقول المنتدي منـــــــــــــــــــور

شكراً ليك ياود الخال ودالمهدي وبالمناسبة بالامس شاهد في النت ان اخوك سلمان نجح في الشهادة السودانية وأحرز 70

وألف ألف ألف مبروووووووووووك وغقبال الدكتوراه

موضوع: رد: ساْلت السمحة السبت يونيو 19, 2010 6:34 am

ممدوح كتب:: بالمناسبة في ايام الدراسة كانت لدي جزمة وعاجباني شديد ففي مدرسة الزعيم الازهري بجبرة امتحنت الشهادة السودانية ففي الامتحانات ذهبت الي الاستراحة ولما رجعت الي الخارج لم اجد جزمتي فكتبت هذه القصيدة فقبل ان اذكرها لكم ياحليل زملائي بالجد مثل حافظ محمد العوض وموسي محمد صالح ، ياسر عبدالله عدلان(البارتقل ) وعبدالغني ود التاحميد والفجل مصطفي الفكي ، فاليكم هذه القصيدة
يا جزمتي

يا جزمتي الشالك يطير

يبلوه بي مرضا خطير
بي الايدز بي شر مستطير
يا جزمتي الشالك يقع
في بركة في يوماً مطير
لا يضوق سعادة ولافرح
لا باسطة لا شاي بي فطير
يا جزمتي الشالك يموت
في السكة بي نطحة عتوت
بي رفسة تتفطس مصارينو التجوط
يا جزمتي الشالك يقع
في السكة في اعفن ترع
تتكسر الرجلين وتنحل الضلع
واخر ختامو يكون صرع

هههههههههههههههههههههههههههههههههههههههههههههههههههههههه
تصدق القصيده تشبهك انيقه ورائعه زيك
بتخيلك وانت بتقول فيها
اوعى تكون الجزمه المقطوعه من فوق بغير نظام الكنت بتشلتنا بيها في الكوره
كان ديك هي الحمد لله الاتسرقت

موضوع: رد: ساْلت السمحة السبت يونيو 19, 2010 4:07 pm

ياود سلمان اوع تكون الجزمة الكنت بتلعبها معانا فى بيت ناس محمد محجوب سالمين

موضوع: رد: ساْلت السمحة الأحد يونيو 20, 2010 5:08 pm

معقولة ياود العمري اصلهو الزول دا سرق جزمة ولا كامري اتعوض الله ربنا بيديك احسن منها واعفي واصفح عن الزو لالسرق احتمال يكون محتاج ليها اكثر منك
وانشاء الله ربنا يديك جزمة احسن منها
قول امين

موضوع: رد: ساْلت السمحة الأحد يونيو 20, 2010 5:12 pm

ود عدلان كتب:: ياود سلمان اوع تكون الجزمة الكنت بتلعبها معانا فى بيت ناس محمد محجوب سالمين

هههههههههههههههههههههههههههههههههههههههههههههههههههههههه
ياها زاتا كانت عاجباهو شديد يمشي بيها المدرسه ويلعب بيها الكوره ويشلتنا بيها وينوم بيها ويقوم بيها
عشان كده ليك حق ياعمر تزعل كدا وتتمغص

موضوع: رد: ساْلت السمحة الأحد يونيو 20, 2010 5:14 pm

ود المتاريس كتب:: معقولة ياود العمري اصلهو الزول دا سرق جزمة ولا كامري اتعوض الله ربنا بيديك احسن منها واعفي واصفح عن الزو لالسرق احتمال يكون محتاج ليها اكثر منك
وانشاء الله ربنا يديك جزمة احسن منها
قول امين

والله يااخونا ود المتاريس لو شفتا الجزمه المسروقه دي كنت زعلتا معاهو
دي قطعه اثريه نادره جدا جدا

موضوع: رد: ساْلت السمحة الأحد يونيو 20, 2010 9:47 pm

شكراً ليكم ـــــــــ عملتوها منبر نقاش تم فيها تداول الاخبار القديمة والجديدة والأثرية و الكذب والنفاق (معقولة انوم بيها وأقوم بيها )

ههههههههههههههههههههههههههههههههه
حصل ياعمر
يعني انا حكذب فيك؟

يا عمر سلمان جزمتك دى قالو بالليل براها تقوم تمشى بيت خالك بدر واى زول تلاقيهو فى الشارع تديهو شلوت

شوف شوف ودعدلان الجانا امبارح (متين خشيت الشبكة)

ده انا لسه ماخشيت الشبكة كويس والله ياعمر سلمان كنت اتمنى ان يكون هذا المزاح بيننا وجه لوجه ونحن قاعدين فى ضل عصير او لافين فى سوق الاربعاء او على الاقل نتلاقى فى المواصلات ولكن هذا حال الدنيا واتمنى ان نلتقى قريبا لنضحك كثيرا وخلى اخلاقك رياضىة يالبادرابى

ههههههههههههههههههههههههههههههههه
جزمة البادرابي

يامحمد فضل المولى ندمت الزول على القصيدة

سلامات عمر شكلك كده الحاجة المتعود عليها مابتقدر تفارقة (الولف كتال)

موضوع: رد: ساْلت السمحة الأحد أبريل 28, 2013 7:43 pm

اتململت في القعدة
واتشهدت مليون مرّة
بخاف المحنة والزرة
لساني خفيف وقلبي رهيف
واكان قالت صباح الخير اقّرب اقيف
براي يوم داك رميت نفسي
طردت الخوف ده من قلبي

» السمحة بت الأربعين