كبوشية التاريخ المبهر والواقع المحزن الذي نسعي لتغييره
 
الرئيسيةالبوابة*مكتبة الصورتسجيل دخول الاعضاءدخولالتسجيل
أفضل 10 أعضاء في هذا المنتدى
عادل عثمان مصطفي
 
أبوبكر الرازي
 
ود عدلان
 
كمال الحاج احمد
 
حسن دينار
 
أبوعزة
 
النعمان نورالدائم
 
ودالعمدة
 
ام شفيف محمد حامد
 
بنت محجوب البشير
 
المواضيع الأكثر نشاطاً
شعراء الاغاني السودانية
سـمــك ..لـبـن ..تـمـــــر هـنــــــدى
وين الشباب
الموسوعة العالمية للشعر العربي.. الشعر الفصيح
شعراء الحقيبة... توثيق شامل
فـــن الـكــاريـكـاتـيـــــر
تـعـالـــوا اخــدزا لـيـــكـم عــرضـــه
وقفات مع عباقرة اهل المسادير ؟؟
اغانى واغانى
الشعر الشعبي والدوبيت والمسادير
المواضيع الأكثر شعبية
شعراء الاغاني السودانية
وقفات مع عباقرة اهل النم والدوبيت
كلمات اغاني الفنان محمد النصري
فوائد البيض المسلوق
أغاني الحماسة والسيرة ( توثيق ) - د. أحمد القرشي
اهرامات البجراوية
نفلا عن موقع سودانيز اون لاين
موضوع الحلقة : مشاكل النساء بعد سن الخمسين
فوائد الدخن
بوست خاص عن صور الفنانين
المواضيع الأخيرة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 5 عُضو متصل حالياً :: 0 عضو مُسجل, 0 عُضو مُختفي و 5 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 49 بتاريخ الخميس فبراير 13, 2014 2:55 am
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 490 عُضو.
آخر عُضو مُسجل هو صلاح عوض الكريم فمرحباً به.

أعضاؤنا قدموا 16441 مساهمة في هذا المنتدى في 2719 موضوع
سجل معنا

للتسجيل اضغط هـنـا


شاطر | 
 

 موضوع الحلقة : مشاكل النساء بعد سن الخمسين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبوبكر الرازي
المدير العام
المدير العام
avatar

عدد المساهمات : 1008
تاريخ التسجيل : 29/07/2009
الموقع : جامعة شندي - مركز تقنية المعلومات

مُساهمةموضوع: موضوع الحلقة : مشاكل النساء بعد سن الخمسين   الأحد فبراير 14, 2010 1:04 am

موضوع الحلقة : مشاكل النساء بعد سن الخمسين




بسم الله الرحمن الرحيم

عيادة على الهواء

موضوع الحلقة : مشاكل النساء بعد سن الخمسين 7/ 1/ 2010م
مقدم البرنامج :
إسراء زين العابدين
الضيف :
دكتور/ على عبد المحمود العربي استشاري النساء والتوليد والعقم
مقدم البرنامج :
مرحبا
أهلا بكم أيها الأصدقاء نحييكم كثيرا جدا عبر هذا اللقاء الجديد الذي
يجمعنا بكم عبر عيادة على الهواء ، امنياتنا لكل السادة المستمعين في
بدايات هذا العام بكل الخير والبركة ونأمل أن تنعموا دائما بالصحة
والعافية ، أيها الأصدقاء أهلا مرحبا بكم بداءً هاكم تحايا الفريق الذي
يصحبني عبر هذا اللقاء ، أيها الأصدقاء أهلا مرحبا بكم نحييكم كثيرا جدا
عبر عيادة على الهواء ودوما تثلج صدورنا هذه الرسائل وأيضا بعض المحادثات
الشفاهية التي تحمل بعض التقدير للبرنامج نأمل دائما أن نوفق في تقديم
برمجة ترضى مستمعينا الأعزاء وأيضا نسعد أكثر بهذه الملاحظات والموجهات
التي ترد إلينا نأمل دوما إننا إنشاء الله نعمل على تطوير البرنامج وإنشاء
الله تنوع موضوعاتوا والدخول أيضا في قضايا إنشاء الله حسبما ترد من أسئلة
واستفسارات وموضوعات نأمل أن تنصب كلها في الثقافة الصحية ونأمل أيضا مزيد
من النشر والتوعية بما يخص صحتنا ودائما بنقول لكل المستمعين ابقوا عشرة
على صحتكم وصحتكم عندنا بالدنيا ، نحنا بنحى كل الأصدقاء والمستمعين الذين
أرسلوا بعض الرسائل وأيضا بعض الملاحظات عبر الرسائل البريدية والبريد
الالكتروني حول كثير من الملاحظات للحلقة الفائته والتي كنا نتحدث فيها عن
موضوعات في تخصص النساء والتوليد والعقم وأنا بحييهم كثير جدا ونزول على
رغبة المستمعين ونزول على كثير من الموضوعات التي هم بيعتقدوا إننا لم
نستطيع إننا نغطيها في حلقتنا السابقة نحنا في هذه الحلقة إنشاء الله
بنقول ليهم حا نتابع حديثنا في هذا التخصص وكثير من الموضوعات التي وردت
في أسئلتكم واستفساراتكم وملاحظاتكم إنشاء الله سوف نغطيها في هذه الحلقة
اذاً مستمعي الأعزاء أهلا بيكم ومرحب بضيفنا دكتور/ على عبد المحمود
العربي استشاري النساء والتوليد والعقم ، دكتور على نحنا بنحييك وحبابك
عشرة عبر عيادة على الهواء وشكرا جزيلا لتلبتك لدعوة البرنامج وتواصلك
معنا عبر هذا اللقاء

دكتور/ على عبد المحمود :
شكرا
جزيلا للأخت إسراء التحية والتجلي لك وللزملاء والزميلات بالاستديو
وللمستمعين الكرام وأنا سعيد جدا أن يتجدد اللقاء بي مرة أخرى وأمل أن
نعطيهم جرعة مفهومة عبر تساؤلاتهم




مقدم البرنامج :
إنشاء الله اذاً أيها الأصدقاء في هذه الحلقة سنتحدث عن ( مشاكل النساء بعدالخمسين
) ما هي أهم المشاكل الصحية في هذه المرحلة العمرية كيف يمكن الوقاية منها
وكيف يمكن السيطرة على بعض القضايا الصحية في هذه المرحلة العمرية ، وأيضا
نتحدث عن زيادة النزيف هل يرتبط بالأمراض الخبيثة في اغلب الأحوال وأيضا
نسلط الضو على بعض الموضوعات التي تتعلق بما يعرف بتكيس المبياض أو أيضا
اللحميات مرحبا أهلا بكم أيها الأصدقاء وبرضو نحنا حا نستقبل أسئلتكم
واستفساراتكم ما تنسوا رقم هاتفنا (
87455205
) ، دكتور على عبد المحمود امكن في حلقتنا الفائته كنا تكلمنا عن المشاكل
وتعرضنا للمشاكل الصحية بالنسبة للفتيات وبالنسبة للنساء في سن الإنجاب
نحنا حا نحاول إنشاء الله في هذه الحلقة نتحدث عن النساء في مرحلة نهايات
فترة انقضاء الطمث أو نهايات هذه المشاكل بعد الخمسين ولى زيادة حبه كمان
نعم

دكتور/ على عبد المحمود :
شكرا
جزيلا على هذا السؤال الحيوي الحقيقة طبعا ذي ما بيقولوا الحياة مراحل
ولكل مرحلة في الحياة اشكالياتها وأعراضها المتوقعة تكلمنا في الحلقة
الفائته عن مشاكل المراهقة والانتقال من الطفولة الى سن الأمومة وفى هذه
الآونة نتكلم في المرحلة بعد ما القطار يكاد يصل المرحلة الأخيرة الىّ هي
مرحلة ما بعد انقطاع الطمث والحقيقة يعنى بتسمي باسم قبيح جدا يطلق عليها
العامة سن اليأس وأنا بفتكر يعنى كلمة يأس دي كلمة يعنى كبيرة جدا وما في
حاجة اسمها يأس وما الى ذلك في تغييرات فسيولوجية في سن الإنجاب المبياض
تفرز هرمونات معينة بالذات هرمون الأنوثة ، وهرمون الأنوثة دا مهم جدا
عندو أهمية فسيولوجية وأهمية صحية وأهمية عقلية ويؤثر على البشرة وعلى
الشكل وعلى لون الجسم وطراوته وما الى ذلك وبرضو يقي من أمراض القلب لمن
يبدأ المبيض ما يشتغل بعداك الهرمونات تبدأ تقل بالذات هرمون الاستروجين
دا فتظهر المشاكل بتاعة السخانة في الجسم عموما وضربات القلب أحيانا غير
منتظمة وأحيانا أنا لمن أقول هذه الأعراض يعنى مش شرط نلقاها في اى مريض
هو في السودان أنا لاحظت انو الأعراض دي يا إما هي قليلة يا إما المرضى ما
بيحضروا يفتشوا العلاج لأنو في أوربا كتيرة لكن هنا ما بيحضروا يفتشوا
العلاج لمن يشعروا بالسخانة يحدث بعض الارتباك أحيانا وشريحة معينة يحصل
لها اكتئاب ويكون في ذي ما تقول نرفزة شوية كدا تكون زائدة دي كلها أعراض
بتزول وفى لها الحمد لله علاجات وهرمونات معينة ممكن نعطيها ممكن تزول وهى
ذاتها تدريجيا بتختفى دي ما فيها إشكال وفى إشكالات تانية وأنا أحب في هذه
الحلقة ان أركز على نزيف ما بعد سن الخمسين طبعا الست لمن يجيها نزيف في
هذه السن تفتكروا دي الدورة وتقولك كيف أنا تجينى دورة في العمر دا وأنا
جده وأنا كيف أمشى الى الطبيب هي الحقيقة دي ما دورة دا دم غير طبيعي ودا
انزار مبكر انو في إشكالية الإشكالية ما شرط تكون مرض خبيث مرة واحدة ممكن
تكون نقص حاد في الهرمونات والنقص الحاد دا يؤدى الى تغييرات في جدار
الرحم ويجيب نزيف وفى بعض الأحيان ربما يكون مرض خبيث فالرسالة هي في هذه
الحلقة انو اى ست بعد انقطاع الطمث بعد سنة إذا جاها اى نزيف أو دم مهما
كان قليل تعرض نفسها على الطبيب ويتم التشخيص ثم بعد ذلك يتم العلاج لأنو
حكاية جاتنى دورة وما بمشي للدكتور دا من ضمن الأسباب التي تجعل المريضة
تجينا في أطوار متقدمة ، في بعض الإشكالات التانية بعد سن الخمسين والستين
وما الى ذلك مشاكل التبول أى التبول لا ارادى والست ما تقدر تمسك البول
قبل ما تمشى الى الحمام دا نتيجة الى الضعف والوهن العام للمثانة والى
عضلات الحوض بالذات الحالات دي تكون شائعة وسط النساء اللاتي يلدن أطفال
كثر يعنى تلد ثمانية عشرة

مقدم البرنامج :
يعنى بتتفاوت عند النساء في بعض النساء تتفاوت الشكوى عندهم أزيد يعنى في ناس لحدي الستين ما بيكون عندهم مشاكل
دكتور/ على عبد المحمود :

أنا لمن أقول كدا مش معناتا مية المية شريحة معينة طبعا ونحنا بنركز على
الإشكالات دي مهما قلت بنحاول نسلط الأضواء عليها لأنها مهمة جدا برضو دي
من المسالك البولية عند النساء برضها تتبع الى أخصائية النساء والتوليد
ونحنا بنأمل نزرع البول نتأكد انو ما في لحميات بنعمل موجات فوق الصوتية
نتأكد انو ما في حصاوى في المثانة وفى الكلى وبرضو في بعض الفحوصات ممكن
تتعمل عشان الواحد يتأكد انو ما في حتى مرض خبيث في المثانة وما الى ذلك ،
الهبوط والضعف إذا كانت المريضة بتستحمل العملية ممكن تتعمل لها عملية شد
لكن إذا كانت ما بتستحمل العملية في بعض الداعمات الممكن تتعمل لها فبرضو
دا إشكال قابل الى الحلول برضو بعد سن الطمث بعد انقطاع الدورة بسنين
طويلة جدا بعض النساء يتعرضن الى ضعف هشاشة العظام وبعداك يكون عندهم
القابلية الى الكسور في اقل زحلقة أو وقعة تجيها كسور عشان كدا في أوربا
مثلا في السويد وجدوا انو لمن يدوا الهرمونات للشريحة بتاعة النساء ديل
قللت التكلفة كتير بتاعة العمليات كسور العظام والرقاد في المستشفيات وما
الى ذلك برضو هشاشة العظام من ضمن المشاكل التي تأتى على المدى الطويل

مقدم البرنامج :
طيب
يا دكتور حقيقة امكن دايرين نقيف في النقطة دي وانت طبعا مشكور ذي المرة
الفائته تحدثنا عن انو الفتيات أو النساء الواحدة إذا ما متزوجة في اى
مرحلة عمرية بيكون عندها ذي حياء وحاجز من المشي الى طبيب النساء والتوليد
ونفس الإشكالية دي برضها بتكون عند النساء في أعمار متقدمة إذا كانت أصلا
هي ما في سن بتاعة إنجاب وما في حمل شنو الأسباب التي تزيد احتمالية ونسبة
إصابة النساء بهذه المشاكل منها ممكن تكون هشاشة العظام ذي ما انت ذكرت
إنها تتفاوت في بعض النساء أكثر عرضه من غيرهم للهشاشة

دكتور/ على عبد المحمود :
هو
طبعا في معلومة أحب أضيفها هنا انو هشاشة العظام لحسن الحظ نحنا عندنا في
الدول الأفريقية ما كتيرة دي لها علاقة بي شنو بالجينات وبجنسنا ذاتوا
كتيرة في أوربا لأنو كثافة العظام عندنا أكثر كلما الست بقى عظمها نحيف
كلما بقت هي عرضه لهشاشة العظام وكلما بقت هشاشة العظام كانت جامدة دي ما
بتتعرض لهشاشة العظام

مقاطعة من مقدم البرنامج :
نوضحها اكتر نحيف دي يعنى شنو ضعيفة ولى سمينة
دكتور/ على عبد المحمود : نحيفة يعنى ضعيفة فالضعيفة دي عرضه اكتر
مقدم البرنامج : لكن في نسوان كتار سمان قاعدين ينكسروا سريع
دكتور/ على عبد المحمود :
ديل تقال لأنو بيقعوا لأنو العظام طبعا محملنها ما لا طاقة لها عشان كدا بيقعوا
مقدم البرنامج : طيب نحنا حا نرجع امكن مرة تانية امكن دكتور على عبد المحمود
مقاطعة من دكتور/ على عبد المحمود :
ممكن ياخدوا الكالسيوم طوالى وممكن يشروا لبن لكن في حبوب بتاعة كالسيوم ممكن ياخدوا لكي تقلل من حكاية هشاشة العظام دي
مقدم البرنامج :
نحنا
بنحييك وحا نرجع برضو الى بعض الأسئلة من المستمعات ونتكلم برضو ذي ما انت
قلت أحيانا بيحدث ارتخاء عام في العضلات لكن أحيانا بتكون في بعض المشاكل
المرضية المرتبطة إذا كان في سقوط في المهبل أو ضعف في عضلات المثانة هل
هناك حلول والأسلم في اى مرحلة عمرية ممكن تعرض المرأة نفسها في اى سن
عشان ما تبقى المسألة هي مسألة بتاعة خجل وحياء وأحيانا تدخل النساء في
حالات من الاكتئاب والمشاكل التانية ، نحنا بنرحب بكل البيتابعونا
وبنذكرهم بي انو رقم هاتفنا هو (
87455205 ) أهلا بكم عبر عيادة على الهواء .

*** فاصل موسيقى ***
مقدم البرنامج :
دكتور
على عبد المحمود العربي استشاري النساء والتوليد والعقم يعنى امكن انت
ذكرت برضو في معرض حديثك مسألة اللحميات منو أكثر النساء عرضة للإصابة
باللحميات وشنو أعراض اللحمية لأنو في كتير من الناس بيصابوا بقلق يعنى
زيادة معدل الدورة الشهرية في بعض الفترات أحيانا هل هي إنذار للحمية شنو
الأعراض الأخرى للحمية عشان تبقى المسألة واضحة

دكتور/ على عبد المحمود :

اللحميات عموماً هي في كل العالم موجودة واللحمية هي ورم حميد اكرر جدا
انو هي مرض حميد لكن معدله أكثر في الدول الأفريقية وفى جزر الهند الغربية
ودي لها علاقة بالجينات بتاعتنا وبجنسنا صراحة ، اللحميات ربما تكون ما
عندها أعراض خالص في بدايتها ولمن تصل حجم معين ممكن تضغط على الأعضاء
المجاورة تضغط على المثانة بالتالي تسبب كثرة التبول لأنها بتقلل سعة
المثانة ولو كانت خلفية وضغطت على المستقيم تسبب برضو إمساك وما الى ذلك
ومشاكل في الجهاز الهضمي دا من ناحية علاقتها بالأعضاء المجاورة ، من
ناحية وظيفة الرحم ذاتوا اللحميات مصحوبة بدورات غزيرة لأنها بتكبر
المساحة بتاعة الرحم لذلك الدم يقوم يتدفق بدرجة اكبر برضها بتسبب ألم
أثناء الطمث أو الحيض وربما تجيب برضو دم بين الدورة والدورة برضو
اللحميات في بعض الأحيان ربما تسبب إشكال في الإنجاب ذاتوا لأنو إذا كانت
في داخل الرحم بتتعارض مع تزريع الأجنة ودا مصطحب باجهاضات مبكرة وعدم
إنجاب لكن في العموم هذه الأعراض نسبة ضئيلة ما كتيرة يعنى وممكن تتعمل
لها عمليات وبعداك ينجبوا ، إذا سببت مشاكل وكانت في سن متقدمة مثلا في
أواخر الأربعينات وبقت تسبب أنيميا وتسبب مشاكل نحنا بعداك بننصح باستئصال
الرحم لأنو بعداك ما محتاجين له أساسا

مقدم البرنامج : طيب هل في عمر معين للإصابة باللحميات
دكتور/ على عبد المحمود : والله غالبا بتظهر في الثلاثينات وانت ماشة لكن ممكن نادر تظهر قبل الثلاثينات
مقدم البرنامج : لكن ما لها علاقة بمسألة حمل
دكتور/ على عبد المحمود :

طبعا لها علاقة بعدم التبويض لأنو عدم التبويض بيكون في هرمون معين هو
هرمون الأنوثة الذكرته قبيل وهو هرمون الاستروجين وهى بتتاثر بهرمون
الاستروجين دا ، إذا كان في مشكلة في التبويض وفى هرمون واحد شغال الىّ هو
هرمون الاستروجين بيكون في قابلية الى اللحميات ودا سبب أساسا من أسباب
العقم ، أسباب العقم ما سببوا مباشر عدم التبويض لكن برضو كمضاعفات عدم
التبويض بيكون في لحميات

مقدم البرنامج :
نحنا
بنحييك دكتور وامكن برضو واحدة من المستمعات سألت قالت إنها هي عندها
لحمية وقالوا لها ما كبيرة المهم هي بتسترسل في سؤالا نحنا حا نرجع عشان
نسأل متين يكون قرار الإزالة وهل في تخوف من انو هذه اللحمية بتحمل اى نوع
من أنواع الخلايا السرطانية وما الى ذلك عموما نحنا معانا اتصال نسمعوا
ونرجع مره تانية الو السلام عليكم

مشاركة عبر الهاتف : الو
مقدم البرنامج : أهلا بيك يا سيدي مرحبا كل سنة وانت طيب منو معانا
مشاركة عبر الهاتف : عبد الرحمن احمد من أبو حمد
مقدم البرنامج : مرحبا اتفضل
مشاركة عبر الهاتف : بسأل من نظام حبوب التنظيم استعمالها يكون لي كم سنة يعنى على الأكثر يعنى
مقدم البرنامج : يعنى تستعمل في اى فترة وبعدين تقيف انت قاصد يعنى الاستعمال الطويل ومشاكله
مشاركة عبر الهاتف : أيوا يعنى اكتر حاجة لفترة كم سنة يعنى فترة كتيرة ممكن تستعمل يعنى
مقدم البرنامج : شكرا أخ عبد الرحمن نحنا بنحييك
دكتور/ على عبد المحمود :
شكرا
أخ عبد الرحمن التحية لك ولاتصالك ، الحقيقة حبوب التنظيم إذا ما كان في
لها موانع لأنو في لها موانع برضو في دواعي ، إذا كان ما في لها موانع
ممكن الواحدة تستعملا وافتكر المعقول الواحدة تستعملا لمدة خمسة سنين
وبدون توقف لكن نحنا بنصح انو الواحدة بعداك تدى الجسم راحة شوية إذا
استعملت بعد خمسة بدون توقف كمان يدي جسموا راحة منها لمدة ثلاثة لسته
شهور بعداك ممكن تواصل تانى

مقدم البرنامج :
شكرا
جزيلا عبد الرحمن ، نرجع دكتور امكن كان عندنا سؤال عن اللحمية واحدة من
المستمعات قلت إنها هي شخصت حالتها بلحمية وكان عندها نزيف وضعف في
الهوموغلوبين والدكتور قال لحمية لكن ما كبيرة هي متخوفة لأنو بعض
الحوليها بيقولوا ليها اللحمية دي لو تركت لفترة ممكن تسبب إشكال

دكتور/ على عبد المحمود :
والله
اللحميات طبعا قرار الزميل دا قرار صحيح لأنو اللحمية لو كانت ما كبيرة
نحنا بنتابعا يعنى بنتابعا كل شهرين كل ثلاثة شهور كل ستة شهور ونعمل
موجات ونشوف مقاساتها هل زائدة ولى ما زائدة لكن اى حاجة في الطب يعنى
العلاج بيكون مرتبط ارتباط مباشر بالأعراض الحقيقة لو في أعراض حتى لو
كانت صغيرة وكانت بتسبب أعراض والأعراض بتسبب إزعاج وتسبب أثار سالبة صحية
دا يدعو الى التدخل لكن أحب اطمئن انو اللحميات ديل كونوا يتغيروا الى
سرطان دي نسبة ضئيلة جدا تعتبر اقل من 1% ودي ضعيفة جدا

مقدم البرنامج : شكرا دكتور ، معانا اتصال الو السلام عليكم
مشاركة عبر الهاتف : عليكم السلام إسراء لك التحية
مقدم البرنامج : أهلا بيك يا ستى مرحبا
مشاركة عبر الهاتف :
عندنا اختنا وزوجة اخى عرضناها على الطبيب واكتر من سبعة سنوات وما وضعت عرضناها للطبيب وقال لينا عندها ريح وما حا تلد
مقدم البرنامج : منو القال كدا الدكتور
مشاركة عبر الهاتف :
أيوا الدكتور ، طبعا بيورم الرجلين واليدين وبيطلع في الثدي برضو السؤال الثاني
مقاطعة من دكتور/ على عبد المحمود :
أنا ما كنت سامع لأنو المايكروفون ما كان شغال عيدي السؤال الأول
مشاركة عبر الهاتف : الدكتور قال لينا عندها ريح وما حا تلد
مقدم البرنامج : هي كم سنة ما أنجبت
مشاركة عبر الهاتف : سبعة سنوات
مقدم البرنامج : سبعة سنوات والدكتور عمل لها تشخيص وقال عندها ريح
مشاركة عبر الهاتف : أيوا قال لينا عندها ريح ، السؤال الثاني
مقاطعة من مقدم البرنامج : معليش انتى قلتي الأعراض شنو ، ومنو معانا
مشاركة عبر الهاتف : هالة احمد
مقدم البرنامج :
انقطع الخط ومعليش يا هاله مع انو سؤالك كان مهم نحنا كنا دايرين نستفسر اكتر
دكتور/ على عبد المحمود :
أيوا دايرين نستفسر اكتر يعنى هل الإنجاب دا ثانوي ولى أولى والريح ذاتو هو شنو دا كلام غريب
مقدم البرنامج : هي تكلمت عن تورم في الثدي هي قالت ولى تورم في القدمين
دكتور/ على عبد المحمود :
هي كلمة ريح دي دائما الريح الأحمر والريح التي نسمعها عند الجماعة بتاعين الحركات لكن ما حاجة في الطب ريح وما ريح
مقدم البرنامج :
عموما
يا ريت يا هاله لو يعنى تقدري تتصلي بنا مرة تانية عشان على الأقل نقدر
نستفسر منك اكتر إذا كانت المسألة هي طبيب فعلا الذي قال التشخيص دا نحنا
بنحييك وبنرحب بيك وبنرحب بكل البيتابعونا أهلا بكم وما زلنا نتواصل معكم
عبر عيادة على الهواء

دكتور/ على عبد المحمود :

أنا ممكن اعلق عموما وللأسف الاتصال انقطع لكن ممكن اعلق عموما عن ما هي
أسباب عدم الإنجاب ممكن تلقى من خلال التعليق دا تلقى ما يفيدها كنا
دايرين نعرف الست دي هل عدم الإنجاب دا ثانوي ولى أولى

مقاطعة من مقدم البرنامج : هي تكلمت عن أعراض شنو علاقة التورم نحنا كنا دايرين نعرف
مقاطعة من دكتور/ على عبد المحمود :

طبعا التورم إذا في تورم في الرجلين دا اسبابوا كتيرة ممكن يكون مشكلة في
القلب ممكن مشكلة في الكلى تورم الرجلين دا اسبابوا كتيرة وهى ما حامل لكن
في الحمل دي حاجة تانية الحمل سببوا تورم الرجلين طبيعي في اغلب الحالات
لكن في ضغط الجنين بيكون في تورم أو زلالي أو ارتفاع في ضغط الدم يؤدى الى
ذلك لكن كونوا في تورم في الثدي في حاجة اسمها متلازمة الناس قبل الدورة
بتجيهم حاجات ذي دي نتيجة الى اختلال في الهرمونات بيجيهم تورم في الثدي
وبيجيهم انتفاخ في البطن وزيادة في حجم البطن وقلق عام ودا اسبابوا
الحقيقة ما معروفة وعلاجاتوا الجذرية ذاتا برضو ما معروفة لكن بنديهم بعض
الهرمونات وفى ناس بيدوا مدررات لأنو بيفتكروا انو بتكون في سوائل كتيرة
في الجسم في ناس بيدوا حبوب الاكتئاب لأنو برضو بيفتكروا انو الحكاية دي
متعلقة ( الدبرسة ) لكن الحقيقة الواحد سؤالها ما قدر يتابعوا ويعرف ما هي
المشكلة أما كلمة ريح وما ريح دي أنا أسف جدا في الطب ما عندنا كلام ذي دا

مقدم البرنامج :
بنشكرك دكتور على عبد المحمود وبنقول لكل المستمعين نحنا معكم وبنتواصل إنشاء الله معكم عبر عيادة على الهواء
*** فاصل موسيقى ***
مقدم البرنامج :
دكتور
على امكن انت قبيل تحدثت عن بعض المشاكل المرتبطة بالنساء في أعمار مبكرة
في مراحل الستين وما بعد ذلك في بعض الإشكالات أيضا في الالتهابات هل هناك
أسباب للالتهابات التناسلية عند النساء في هذه المرحلة العمرية



دكتور/ على عبد المحمود :
لحسن
الحظ الالتهابات بتقل بعد العمر داك لكن ممكن مثلا تجيهم فطريات إذا كان
عندهم سكري لأنو في العمر داك بتجى أمراض الكبر كالسكري وما الى ذلك
ومعروف لو بياخدوا كرتزون للعلاج لسبب من الأسباب ودي التهابات محلية
وعلاجها بالبوسات وما الى ذلك لكن الالتهابات البكتيرية دي بتكون قليلة ما
عدا التهابات البول ممكن تكون برضو موجودة إذا كان عندها مشكلة في التبول
ذي ما قلنا قبيل حبس وما الى ذلك لأنو البول لمن يتحبس يسبب نمو البكتريا
والبكتريا طبعا بتسبب التهاب المسالك البولية

مقدم البرنامج :
شنو الأسباب في تكرر التهابات المسالك البولية هل هناك أسباب متعلقة بعيب خلقي
دكتور/ على عبد المحمود :
والله
أول حاجة معروف انو التهاب المسالك البولية في أثناء الحمل كتيرة جدا ودا
نتيجة لتأثير الهرمونات في هرمونات معينة بتسبب ارتخاء في عضلات الجهاز
البولي كلوا وهذا الارتخاء برضو بتوسع الحوالب وبتوسع المسالك بتاعة
المجارى البولية دا بدوره يقود الى احتقان البول والبول لمن يكون محتقن
برضو ذي ما قلت قبل شوية يشجع الى نمو البكتريا ويحصل الالتهاب ودا معروف
في الحمل عشان كدا في كل زيارة بنفحص البول ونتأكد لأنو بعض مرات بيكون ما
في أعراض

مقدم البرنامج : نحنا حا نقيف هنا يا دكتور ومعانا اتصال الو السلام عليكم
مشاركة عبر الهاتف : السلام عليكم ورحمة الله
مقدم البرنامج : أهلا بيك يا ستى منو معانا
مشاركة عبر الهاتف : معاك أستاذة تغريد على
مقدم البرنامج : أهلا بيك اتفضلى
مشاركة عبر الهاتف :
عندي
أعراض الىّ هي بتاعة انو كان يوم 25/ 12 / 2009م تقريبا جاتنى الدورة وتمت
مدة بتاعة أسبوع وقمت اغتسلت منها وعديت لي تانى ذي ثلاثة يوم شعرت بمقص
شديد فجأة كدا نزلت لي قطعة بتاعة دم تانية تقيلة ومشيت قابلت دكتور وقال
لي دي ذي دم بيكون الرحم تخلص منه تقلصات عادية وعمل لي موجات وقال لي
الحمد لله الرحم نظيف ما فيهو حاجة فعديت لي ذي تلاتة أيام تانى فإذا
الدورة تجينى تانى بصورة غزيرة واستمرت معاى ذي خمسة أيام بالضبط

دكتور/ على عبد المحمود : يا أستاذة عمرك كم انتى
مشاركة عبر الهاتف : عمري 46 سنة
دكتور/ على عبد المحمود :
طيب الدورات دي بتجى منتظمة كل شهر ولى بتغيب خمسة وأربعين يوم
مشاركة عبر الهاتف :
بتجينى بعد كل 21 يوم تعدى أربعة أيام واليوم الخامس بيغتسل عادى
دكتور/ على عبد الحميد :
طبعا بعد عمر الأربعين بيحصل ضعف في مستوى الهرمونات بتاعة المبايض

مشاركة عبر الهاتف :
أيوا فعلا أنا مشيت عملت تحليل وقام قال لي انو في واحد من الهرمونات دي مختفي
دكتور/ على عبد المحمود :
قد يكون هرمون الاستروجين الىّ هو هرمون الأنوثة بيكون مرتفع ودا بيبنى جدار الرحم بعداك مستوى الهرمون لمن ينزل في الدم ويكون (label) الى (keretecal
) بعداك بينزل دم يعنى حالة ما مزعجة لكن عشان الواحد يطمئن مية المية كل
المدارس بتقول انو إذا الحكاية دي تكررت بعد سن الأربعين أحسن الواحد ياخد
عينة من الرحم ويحللها ويتأكد انو ما في حاجة مزعجة

مشاركة عبر الهاتف : عملت الحمد لله موجات صوتية وقالوا لي نضيفة ما في اى شيء
دكتور/ على عبد المحمود :
الموجات الصوتية برضها مهمة لأنها بتورى تخانة جدار الرحم إذا كان ما في حاجة معناتا الموضوع ما يحتاج لعملية نضافة وما الى ذلك
مشاركة عبر الهاتف : يعنى دي حاجة عادية والدم لونوا احمر فاتح
دكتور/ على عبد المحمود :
حاجة
متوقعة لكن برضو راقبيها في الشهر الجاى والتاني إذا تكررت أنا انصح انو
تتخذ عينة من الرحم ذاتوا عشان بعداك تطمئني متين في المية

مشاركة عبر الهاتف : ممكن أقابلك يا دكتور
دكتور/ على عبد المحمود : ممكن عن طريق أستاذة إسراء
مقدم البرنامج :
جدا
إنشاء الله وربنا يديك الصحة والعافية أستاذة نحنا برضو يعنى دكتور على
مشكور ممكن تتصلي بنا عبر العيادة وإنشاء الله نديك بطاقة تسلمي يا ستى ،
نحنا امكن حا نرجع يا دكتور ودي واحدة من الموضوعات حقيقة المهمة جدا
وعايزين ننتقل منها مباشرة الى تكيُـس المبايض وامكن جاتنا أسئلة كتيرة عن
تكيس المبايض يعنى كتير من السيدات يقول ليك أنا والله أنا شخصوا لي حالتي
وقالوا تكيس مبايض دايرين نعرف شنو تكيس المبايض اسبابوا وهل هو يعنى مرض
يمكن علاجوا

دكتور/ على عبد المحمود :
تكيس
المبايض هو من أسباب عدم التبويض واسبابوا الحقيقية ما معروفة لكن هناك
نظرية بتقول له علاقة بتاريخ الأسرة بتقول له علاقة عدم التجاوب مع
الأنسولين ومقاومة الأنسولين وما الى ذلك هي المشكلة شنو انو في داخل
المبيض في الظروف العادية يكون في حويصلات صغيرة ونتيجة للتنشيط الطبيعي
من الغدة النخامية تبدوا تكبر رويدا رويدا حتى الحويصل الكبير يصل المحيط
بتاعوا من 18 – 20 ملى بعداك البويضة تطلع في نصف الدورة في نصف الشهر دا
في الظروف العادية في التكيس بتاع المبايض في حويصلات في الجانب الطرفي من
المبيض والحويصلات دي ما بتكون من 6 – 9 ملى ما بتكبر لحدي 18 – 20ملى
لذلك بيكون تبويض ما في بيكون في هرمون واحد عالي الىّ هو هرمون (
L-H
) بينشط حاجات تانية وبيزيد لينا المعدل بتاع هرمون الذكورة يكون تبويض ما
في بيكون هرمون الذكورة عالي وفى بعض الستات حتى بيقوم ليهن شعر ويقوم
ليهن دقن ويقوم ليهن شعر من صفات شعور الذكورة وهكذا لحسن الحظ عندوا علاج
بتعالج مية المية والعلاج بيعتمد على ماذا تريد المريضة هو طبعا اعراضوا
بيدي دورات غير منظمة يا يكون في غياب وفى اغلب الأحيان بيكون ما في غياب
لكن تكون الدورة متقطعة يعنى مثلا كل شهرين كل شهر ونص كل ثلاثة شهور
ودائما في اغلب الأحيان ما مية المية لكن في اغلب الأحيان بيكون الوزن
زايد الوزن يكون متضخم وربما يكون في شعر ذي ما قلت والدورة تكون غير
منتظمة متباعدة ، بنشخصوا بحالتين إما بموجات فوق الصوتية نشوف هذه
الحويصلات في المساحة الطرفية من المبيض ، والمبيض ذاتوا بيكون متضخم أو
بقياس الهرمونات

مقدم البرنامج :
شكرا
دكتور على نرجع برضو لأسئلة المستمعين حقيقة معنا سؤال برضو واحدة من
المستمعات بتسأل نحنا قبيل كنا بنتكلم يا دكتور عن عدم التحكم في البول
أيضا هنا في مستمعة هي بتقول إنها هي اقل من عمر أربعين سنة عندها مشاكل
في قلة البول بتحس بي إنو بتكون عندها مشكلة في التبول وهى قالت كانت عرضت
نفسها على طبيب وقال لها انو هي كانت ولدت ولادة متعثرة قبل فترة طويلة
افتكرت انو المسالة تتغير لكن هي بتقول انو ما زالت عندها هذه المشكلة
ومسببه لها قلق وهى بتشعر برغبة في التبول لكن عندها إشكالية

دكتور/ على عبد المحمود :
هل
في صعوبة في التبول يعنى المثانة بتملا وما بتفرغ بالصورة افهم كدا من
سؤالها ، دي طبعا عايزة تخضع لفحص معين لأنو الإشكالات بعضها بيكون وظيفية
وبعضها عضوية وفى أجهزة معينة (
ure-dynamek)
دي مهمة جدا عشان أول حاجة بنشوف بنعمل موجات فوق الصوتية في المقام الأول
ونشوف المثانة ماسكة كم كمية من البول بعداك بنخلي المريض يمشى الحمام
ويجى راجع بعداك نعيد الموجات تانى في نفس الجلسة ونشوف ما تبقى من بول في
المثانة إذا كان 100 ملى أو اقل دا طبيعي إذا كان اكتر من 100 ملى معناتا
التفريغ دا غير مكتمل معناتا في ارتخاء في الأعصاب البتغذى المثانة الىّ
هي بتدى الشعور بي انو الواحد يتبول بعداك إذا كان المشكلة دي شخصناها
بالموجات الصوتية بنخضع المريض الى فحوصات متقدمة ودي تجرى في مستشفى بن
سينا في قسم المسالك البولية عندهم أجهزة معينة بتورى كيف الإنسان يتبول
وما تبقى وهكذا يعنى بيشخصوا هل في مثلا قفله في مخرج المثانة أو في كسل
في المثانة ذاتا فما بتقدرى تعرفيهوا إلا بإخضاع المريضة الى هذه الفحوصات
المتقدمة

مقدم البرنامج :
هي امكن بتقول انو المشكلة دي مسببة لها قلق وما قادرة تمارس حياتها هل هناك علاج
دكتور/ على عبد المحمود :
أنا انصح إنها تقابل اخصائى بتاع مسالك بولية وهو بعداك يحولها الى الفحوصات التي ذكرناها دي لأنها مهمة جدا
مقدم البرنامج :
إنشاء الله نحنا نتمنى انو تكون متابعانا وربنا يديها الصحة والعافية ومعانا اتصال آخر الو السلام عليكم
مشاركة عبر الهاتف : عليكم السلام
مقدم البرنامج : أهلا بيك يا ستى مرحب منو معانا
مشاركة عبر الهاتف : معاك بخيته برير – من جادين شرق سنار
مقدم البرنامج : أهلا بيك يا بخيته اتفضلى
مشاركة عبر الهاتف :
ولدت
ثلاثة أطفال الحمد لله سالمين وبلد بقيصرية الحمل الرابع بقى مما ادخل في
الشهر الخامس بيجينى نزيف ومما يجى النزيف دا لمن ينزل منى الحبل السري
الكلام دا قبل أربعة سنة عملت لولب تميت ثلاثة سنة حملت الحمل التانى تانى
نفس الشيء تميت الخمسة شهور تانى جاني نزيف وتانى نزل منى الحبل السري وما
عارفة الكلام دا من شنو

مقدم البرنامج : يعنى بيحصل إجهاض يعنى الطفل بينزل
مشاركة عبر الهاتف : أيوا ولى الشهر السابع الأخير دا نزل ليهو سته شهور فتحوا لي قيصرية وولدتوا
مقدم البرنامج : عمرك كم يا بخيته
مشاركة عبر الهاتف : عمري 28 سنة
مقدم البرنامج : اكبر طفل عمرو كم
مشاركة عبر الهاتف : 10 سنة
دكتور/ على عبد المحمود : واصغر واحد عمرو كم
مشاركة عبر الهاتف : 6 سنة
دكتور/ على عبد المحمود :
الرجوع الى أعلى الصفحة اذهب الى الأسفل
http://www.ahlamontada.net
ام مازن
عضو نشط
عضو نشط
avatar

عدد المساهمات : 144
تاريخ التسجيل : 16/01/2010
الموقع : الطائف

مُساهمةموضوع: رد: موضوع الحلقة : مشاكل النساء بعد سن الخمسين   الأحد فبراير 14, 2010 8:02 pm

شكرا على الموضوع الرائع
الرجوع الى أعلى الصفحة اذهب الى الأسفل
أبوبكر الرازي
المدير العام
المدير العام
avatar

عدد المساهمات : 1008
تاريخ التسجيل : 29/07/2009
الموقع : جامعة شندي - مركز تقنية المعلومات

مُساهمةموضوع: رد: موضوع الحلقة : مشاكل النساء بعد سن الخمسين   الإثنين فبراير 15, 2010 2:32 am

شكورة ام مازن علي المرور
الرجوع الى أعلى الصفحة اذهب الى الأسفل
http://www.ahlamontada.net
mohamed alomari
عضو مجتهد
عضو مجتهد
avatar

عدد المساهمات : 294
تاريخ التسجيل : 28/10/2009
العمر : 33

مُساهمةموضوع: رد: موضوع الحلقة : مشاكل النساء بعد سن الخمسين   السبت فبراير 20, 2010 1:41 am

مشكور حبيبي
موضوع مفيد جدا جدا
وجميل
الرجوع الى أعلى الصفحة اذهب الى الأسفل
أبوبكر الرازي
المدير العام
المدير العام
avatar

عدد المساهمات : 1008
تاريخ التسجيل : 29/07/2009
الموقع : جامعة شندي - مركز تقنية المعلومات

مُساهمةموضوع: رد: موضوع الحلقة : مشاكل النساء بعد سن الخمسين   السبت فبراير 20, 2010 3:23 pm

لك التحية العميري هذه حلقة من حلقات البرنامج الإذاعي القيم عياده علي الهواء وقد قمت بنقل مجموعة من الحلقات للفائده وسنواصل
الرجوع الى أعلى الصفحة اذهب الى الأسفل
http://www.ahlamontada.net
 
موضوع الحلقة : مشاكل النساء بعد سن الخمسين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كبوشية إصالة التاريخ  :: المنتديات العامة :: المنتدي الطبي والصحي-
انتقل الى: