من طرائف أغاني البنات

وانا اتجول بين المواقع قرأت هذا الموضوع وحبيت أن انقله لكم

ما أضحكني حقا هو أخر اصدار لغناء السيرة السوداني، البص يتملئ فل، (الجكس) قاعدين في الكراسي جوة البص .. والشباب شماعة وفوق ضهر البص .. والدلوكة شغالة ..

اها سمعتو آخر اغنية سيرة ؟؟؟

هي الاغنية المعروفة ..

يا يمة لو ما ساهي إرادة ... سمح العلم سمحة الشهادة

يا حليلو نحنا قطرنا فات

أما النسخة الجديدة منها فهي كالآتي:

يا يمة لو ما ساهي إرادة ... سمح العرس سمحة الولادة

يا حليلو نحنا قطرنا فات

والله حيرتونا عديليا يا جكس

طبعا اغنية راجل المرأة بقت موضة قديمة وما جايبةحقها .. والجديد هو:

بختي بختي ... ان شاء الله راجل اختي

وكمان شوفوا التمرحل العجيب الجايي دا الذي سوف ياتي بالزول وهو العريس:

يارب تجيب المطرة
والمطرة تملأ الخور
والخور يجيب العيش
والعيش يجيب الزول

فن عديل ما فيهو كلام .. السيرة خلاص قربت توصل:

سلام سلام يا أم العروس
سلام جاييك عريس تمام يا ام العروس

نكشـــة:
الاخترعت الاغنية دي لو ما معرسة والله تستحق وتستاهل عريس حااااااااااااااااااااااار .. وسمح العرس سمحة الولادة ويا حليلنا نحنا قطرنا فاااااااااااااااااااااااااااااااااااااااااااااات .. ويا العزابة الحقوا روحكم

ههههههههههههههههههههههههههه
اغاني مسخره
موضوع جميل
شكرا رازي

تشكر ود العمري علي المرور

والله لو قطرن فات ولا جاء مافي زول فاضي ليهن

تشكر ياريس أغاني البنات فيها العجب

موضوع رائع يا الرازي
إنت في راجل المرة ولا انا باالله عندما أوصل البيت تسمع يمين وشمال أغاني هابطة لدرجةـ معليش مثال ورا وراء ـ بالله عليكم دا غناء [الله يرحمك يا عبدالله الماحي وسرور وكرومه

» من طرائف العرب
» أغاني وأغاني ولحم السخيل
» شطة البنات بالسودان