وفاة الشاعر / الحاردلو

صاحب بلدي ياحبوب سيداحمد الحردلو الي الرفيق الاعلي أدعو له بالمغفرة

توفي صباح اليوم بالخرطوم الشاعر الدبلوماسي سيداحمد الحردلو شامي

نسأل الله له كامل المغفرة وان يجعله مع الصديقين والشهداء


السيرة الذاتية للشاعر الدبلوماسي / سيد احمد الحاردلو



- سيد أحمد الحردلو شامي (السودان).
- ولد عام 1940 في قرية ناوا بالولاية الشمالية - ريفي دنقلا العجوز. دار والدته
- وترعرع بناوا و تنقاسي السوق دار و الده المرحوم الحردلو الحسن شامي
- حاصل على البكالوريوس في اللغة الإنجليزية وآدابها 1965,
- حاصل على دبلوم اللغة الفرنسية 1975- 74.
- عمل مدرساً,
- انتقل إلى السلك الدبلوماسي وعمل مستشارًا بسفارة السودان في كنشاسا 1975, 1976
- عمل وزيراً مفوضاً 1977- 1979,
- عمل سفيراً 1980, فسفيراً فوق العادة 1987- 1989
- تقاعد عام 1989.
- عمل محرراً ومراسلاً لبعض الصحف السودانية والعربية.
- شارك في العديد من المؤتمرات الرسمية, واللقاءات والمهرجانات الثقافية.

دواوينه الشعرية:
- غدا نلتقي 1960
- مقدمات 1970
- كتاب مفتوح إلى حضرة الإمام 1985
- بكائية على بحر القلزم 1985
- خربشات على دفتر الوطن 1997
- الخرطوم ... ياحبيبتي 1999
- أنتم الناس أيها اليمانون 1999
إلى جانب الكثير من الأشعار بالعامية السودانية.

أعماله الأخرى:
- ملعون أبوكي بلد (مجموعة قصصية)
- مسرحية شعرية بالعامية السودانية.

ممن درسوا شعره أو كتبوا عنه:
مصطفى السحرتي - تاج السرالحسن - عزالدين إسماعيل - محمود أمين العالم أحمد رشدي صالح - جيلي عبدالرحمن - غادة السمان. [/b][/size][/color][/font]

بـلـــدى يـا حـبـــوب
كلمات:الراحل سيد احمد الحاردلو
ـــــــــــــــــ

عشانك بكاك الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين

يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين

يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين

يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين

يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية

اللهم اغفر له واوحمه

طبل العز ضرب يالسرة قومي خلاص
و(الأقمار) هنديل في الساحة ختو الساس
والخيل عركسن والدنيا بوق ونحاس
والبنوت زغاريتن تجيب الطاش

(الهلال) خلاص يالسرة قام دواس
كسر قيدو تاني وشيد المتراس
شد سواعدو تاني وشيد المتراس

طبل العز ضرب والخيل تسابق الخيل
من اخر الجنوب لي عطبرة وتوتيل
يا شجر الهشاب قوم نمشي نهر النيل
يااااا لوز القطن قوم تاني فتح وشيل
وارقص يانخيل فوق السواقي وميل
(الهلال) خلاص شايل السمح وعديل
كسرقيدو تاني وقام جميل بالحيل
شد سواعدو وقام جميل بالحيل

طبل العز ضرب حي عليك ياكفاح
والاذان نده حي عليك ياصباح
شايل النور ومالي بالاغاني الساح
و(الشلف) وقع يابنية داوي جراح
خلي الناس تنوم بعد الشقا وترتاح