كبوشية التاريخ المبهر والواقع المحزن الذي نسعي لتغييره
 
الرئيسيةالبوابة*مكتبة الصورتسجيل دخول الاعضاءدخولالتسجيل
أفضل 10 أعضاء في هذا المنتدى
عادل عثمان مصطفي
 
أبوبكر الرازي
 
ود عدلان
 
كمال الحاج احمد
 
حسن دينار
 
أبوعزة
 
النعمان نورالدائم
 
ودالعمدة
 
ام شفيف محمد حامد
 
بنت محجوب البشير
 
المواضيع الأكثر نشاطاً
شعراء الاغاني السودانية
سـمــك ..لـبـن ..تـمـــــر هـنــــــدى
وين الشباب
الموسوعة العالمية للشعر العربي.. الشعر الفصيح
شعراء الحقيبة... توثيق شامل
فـــن الـكــاريـكـاتـيـــــر
تـعـالـــوا اخــدزا لـيـــكـم عــرضـــه
وقفات مع عباقرة اهل المسادير ؟؟
اغانى واغانى
الشعر الشعبي والدوبيت والمسادير
المواضيع الأكثر شعبية
شعراء الاغاني السودانية
وقفات مع عباقرة اهل النم والدوبيت
كلمات اغاني الفنان محمد النصري
فوائد البيض المسلوق
أغاني الحماسة والسيرة ( توثيق ) - د. أحمد القرشي
اهرامات البجراوية
نفلا عن موقع سودانيز اون لاين
موضوع الحلقة : مشاكل النساء بعد سن الخمسين
فوائد الدخن
بوست خاص عن صور الفنانين
المواضيع الأخيرة
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 4 عُضو متصل حالياً :: 0 عضو مُسجل, 0 عُضو مُختفي و 4 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 49 بتاريخ الخميس فبراير 13, 2014 2:55 am
بحـث
 
 

نتائج البحث
 
Rechercher بحث متقدم
احصائيات
هذا المنتدى يتوفر على 490 عُضو.
آخر عُضو مُسجل هو صلاح عوض الكريم فمرحباً به.

أعضاؤنا قدموا 16441 مساهمة في هذا المنتدى في 2719 موضوع
سجل معنا

للتسجيل اضغط هـنـا


شاطر | 
 

  وقفات مع عباقرة اهل المسادير ؟؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: وقفات مع عباقرة اهل المسادير ؟؟   الثلاثاء مارس 11, 2014 2:19 pm

تذكير بمساهمة فاتح الموضوع :

هذه المسادير والمجادعة للاخ منصور المفتاح وهي في غاية الروعة والجمال مع بعض الزملاء . ارجو ان يستمتع بها كل من هو من اهل المسادير :

البلد المجوبكه بالمحن مخجوجه
وموية نيلها ذاتها من الكنيف مخموجه
الروح فى الحلق حرقانه باقى خروجه
وناس هولاكو واقف فوقا شايل كوجه    





الحال العلينا يعلمبو رب الكون ..
الوطن انقسم وفقدنا اولاد جون ..
القرش إنمحق وما مكفيه المليون ..
وحكومة السجم قاطعاها يد العون ..
********************
بُكره الحال بغيرو شعبنا المغبون ..
شعباً ثورتو موضوعا تب مضمون ..
تزغرد امُهاتنا ويفرحو الجنّون ..
وينال عقابو كُل من عمل فرعون ..
 
                     

راجين الكريم يفش غبينتنا
من ناسا مكجنا لرفاهتنا
باكر تنصلح احوالا امتنا
ونرفع للامل ان عشنا هامتنا

المفتاح ازيك ومال عدوك مقاطعنا
مشتاقين كتير لكلامك الزين يعلمنا
معنى الوطن والحال الكم مؤلمنا
ونسلم عليك وعلى وليداتنا  
 
     

المن الكريم يا سلمى ما بناباهو
لكين الوجع من الفقدنا نباهو
القمرى كان غناى سمعنا نباحو
حتى النوم كمل والناس تكوسو يحاحو
 

البلد الزهت رغم البكيدو وخانو
فارسها الصنيديد كالجبل في بكانو
سامها رويحتو شان صون الوطن وأركانو
ثابت ترسو تب راكز مع أخوانو  


يوم قلنا البلاد كانت حداها موامره
كتار الكضبونا وصنفوها مشاتره
سلفا وبنيامين قالوها علني وحاضره
من بدري العلاقات كانت متينه وعامره  
               

راكوبة الخريف الفيها داك عارفنو
والأسد العجوز من القرود داسنو
البلد إنقسم شفناهو ناس شايلنو
زى مولود جديد من أمو ديك حاجرنو


البلد البخاف من الكمر والصورة
اللابتوب واليوتيوب بقت محظورة

حزن النيل علي الحالة البقت مأسورة
في الفاشر تتاجر يركبوك ماسورة  
               

مى بلد النعام العاليه زاهيه قصوره
ويات من قام بروس سوالو كم مقصوره
حزن النيل على الباعوها دون فاتوره
حزنو كمان كتير لى الفاشر الأسطوره



ماني شغيل بيوت بعقب بحل الصره
وما بتبن الجاره واخون الحره
بازل مالي للازمني واقف بره
وسايم روحي لليوم البقولو مشره
(ده شغل ناس البطانه)

ودشوراني المرغومابي قال :
يا ياقوتة الحضري الحضارمي زبونك
عازة وغالية طلعن في التريا تمونك
يا تمرة كريمة القاد سبيط عرجونك
إنكال بالجمال لامن دفق ماعونك

محن البلد بي خيوط العنكبوت منسوجة
وموية نيلها ترجع صافية مي مخجوجة
وقت الروح مخير سيدها عندو خروجة
ناس هولاكو موتم اخف من فروجة  
           

بندورا محفله والعين تكون مدعوجه
وبندور نيلا صافى وجيدا مى معووجه
بندور التتر زى ما أستباحو زنوجه
يمضغم الهلاك ويبلع عقابهم موجه

بي سواعدنا نحن يكون بلادنا خروجا
من ذل الفتن وايضا ضرورات حوجا
زرعولنا الضغائن وبقت الامور ممجوجا
نحن جموعنا واحدة بعروبتا وبزنوجا

ملينا الوعود خطب الكلام ممجوجه
وحاربينا الدليل وكت الشراك مكجوجه
قالولنا البلاد عند الدول مدروجه
لا تقدر تبيع لا مروه تسقى مروجه



الحال بنصلح، وربك بزيل الكُـربة
ونتلملم جميع، حتى البعيد في الغربة
إن صفت النفوس، والعقلا خلوا الحربة
بتنعدل البلد، وتصبح جميع منطربة

الحال يا عماد داير أمانه ودربه
وداير ناس رجال مو ناس نفخ فى قربه
الخم والفساد بندورو تب ما يربا
وما بندور هلس لا ناس رقيص لا شربه


راكوبة الخريف في الطرفة مي مشكورة

عافتنا البنادر والدروب محجـورة

أطـراف البلاد منقوصـة جات محدورة

أمريكان هناك لعبوهـا لعبـة كورة


راكوبة السياسة، في الفتنة مي مستورة
اتبهدلت البلد، وأضحت دروب مهجـورة
أطـراف البلاد الفايرة ديك الفورة
حاملين السلاح، ضربوها في صنقورا


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com

كاتب الموضوعرسالة
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 02, 2014 12:03 pm


يالناظر حبابك منطلق ساجورك
وفوق حدب أم قفل صحانا صوت باجورك
سيد المكان بى كلمه شاف طابورك
ورينا الدقش بندور سحر طاغورك

منصور


يارايح البلد سلم على ناس عايده
قوليها العشوق من الهموم الزايده
كلما افتكر فوق قلبي نارا قايده
بعد وفاتي تبكوا عليَ أيه الفائده


وصل السلام بى صره لى ناس عايده
زي نار العشوق تاشاها جمره وزايده
قبال تفتكر نار الغرام الزائده
أعرف نار فرن مهبوله لى ناس عايده

منصور


ود مفتاح سلام كم مدة ما اتلاقينا
ودرنا المسادير ضمة ما دوبينا
في العام الجديد بي قُدرتو اتلمينا
نعود نتجادع النمة ونشق وادينا

ود عقيد


يا ود عقيد غدر الزمان جار بينا
من لمتنا ديك قبل البلاد جالبينا
ما نسينا الركوب طاردين عنق وادينا
نما فى الجراب حاقننوا يوت حادينا



منصور

حبل الوصال الليلة حالو شغلني
خدر ام نهيد ياريتو لو يشملني
طول الرحول الي الندم شيلني
جاري القريب عن حالي ماهو سالني



تحياتي


حبل الوصال راخينو كان يلحقنى
ناهدات الصدور طال صدهن لوعنى
نيران الفراق كم جمرهن فادغنى
بوخا من عضاى جار حلى مو طايقنى


مصور


حبل الوصال كترت فيهوا كلامي
ام صـدرا يوز قلق علي منامي
جمــر الهجير قصر علي ايامي
وزولـي القريب مارد لي سلامي



مرت كم سنة وزاد حبكم جوايا

شموعكم ياالعزاز متل الحريق ضواية

بابا نويل يدوبى معاهو لينا هدايا

عام الفين وستة يتم الهى منايا ..

نادية عثمان

عام الفين وستة الصورة تبقى مهمة

بى شوفة وشيك لينا الفرح بنتمّ

ليك هذا الكلام منصور زعيم النمّة

صورتك يابشوش بالحيل تزيل الغمّة


بابا نويل معنكش بالنفيس وهدايا
وجابك لينا فسراع ياالبتضوى مرايا
الفين وسته إن شاء الله يبقى بدايا
لى نجم السعد والشله شامله معايا




منصور


واعدنا الخريف تلاتة من اعيـــــادو
عامنا الجديد هلت بشاير اسعــــادو
والتاني الضحية بي لحمتوا واكبـادو
والتالت هدا نــادي ورزين في قعادو


................................
محمد السيد

رابعة الفرح أخت الكرام ما بعابو
وساعات الكماج قادرنلو قافلين بابو
وقت العيد يطل راجينوا نحن حبابو
بى كبش الفداء المكلوف قمح ورتابو

منصور


بي جيتك اكيد الخامسة لازم اتما
يوم سعدك يجيك فرحان تخم وتلما
مفتاح الاصل منصور وصادق كلمه
في شعرك لقيت روح عبقرية همه

...............................
محمد السيد


بابا نويل قال الليله فرحكم عندي
نسايما هابا من امات خديدا يندي
جايبات المطر العبادي و الباشندي
شن الغربه كما الدناوه العندي

ودعدلان


ودعدلان حبابك بالأصول ياأفندى
وارث للعلم ماك الجديد جربندى
نسام أم خدود لافح بدور جرقندى
بابا نويل فزع طالب جناين شندى


منصور



أهل الدار جيناكم في لوح حضوركم سجلوا اسامينا
في دار ودمفتاح المنصور الليله تتطاقش كبابينا
ولناس ندوية السمحه نعلي القدله ونشنق طواقينا
الفين وسته شاحد ربي بالحب ينعم عليكم و علينا



الدار للجميع أبوابا طب مشروعه
لا فى شروط دخول مافيش خلق ممنوعه
ناس ود عقيد شامرين بفقدو ربوعه
والضيف إن حلف لا بد نقول مرجوعه


منصور


ياالمنصور سلام يا الديمه نفسوا بهيه

ود الصافنات مملوكه ما عاريه

امات الخدود سوا قليبي تـــكيه
إت في الشعر جنرال و غيرك امباشيه


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 02, 2014 12:15 pm


مرحبتين حبابكم اهل النمة والمسدار

زى قمر السما الطلة وشرف المقدار

بى منصور ونادية والعقيد البار

نغزل فى نشيدن حاكى النسيم المار

يحيي

من طولة الغياب لى طلتك محتار
ويا ركاب حوايا أمات سنام هبار
راجيك من زمان للقنصه للأبكار
ونهبر للخلاء العبرانو ماكله عدار


منصور


غدرت ايامى جارت خاته بينا ستار

ويناتل فى الرسن دا القعود هبار

طارى الخترة وقت النجمة والاسحار

نغشى الريلة لى زوادة القنيص الحار

يحيي


طولنا الغياب يا ييحي ود مغوار
ودرنا الدرت والنوق مشت مشوار
شراب الغِب خربنا بقينا مانا جوار
آخ لو فات خريف والصيف بقالنا سوار


ود عقيد


جانا الخيرصان شلعا بروقو شرار
وانجمع الغزال تحت الشجر محتار
كان درتو الركوب نختاهو ضمه حبار
وبى فرق السلم عبران طردنا كتار


منصور


ياالمنصور سلام يا الديمه نفسوا بهيه

ود الصافنات مملوكه ما عاريه

امات الخدود سوا قليبي تـــكيه
إت في الشعر جنرال و غيرك امباشيه


حبابك يا جنب والفيك دوام محريه
يا ركاب سروجن بالنهار وعشيه
صدرك للغزال مشرع ورود ورعيه
يا الماكخازى ماك قدار دوام لوليه

منصور


إنتى مقبله وإنتى المليحه إياكى
ياوزة جزاير الخير تغنى تكاكى
قناصك رقد زرد التتك جلاكى
خون كم حدى ربك لطف فكاكى


mansour

صباح شوقي دفر نوقي عليكم جاي
أفتش لدريب ريدكم وراكم تب بقيت شاشاي
انوح في الليل.. وباقي اليوم أتمو بكاي
نسيتا بعدكم النمه ورخيت اوتاري في الدوباي

مفتاح الكلام النور.. حبابك انت يالمنصور
سيد الكلام الحر .. الدغرى شابي بحور
جيناك صباح داشين .. نقدل نشيل السور
نترس بحورك نم .. مابينا تب محذور

عبدالماجد

مفتاح جنــانا ..النصر هدفو وغاية
نمــاتك فـرح ومن غلب الحزن وقاية
من دغـش راجيـك والشاي حداي كباية
بحرك.. زيارتو الواحدة ميها كفاية
* * *
دلقـان نمي .. صـريتو جبتو معـاية
وظني الاكيـــــد الليلة تمو منايه
بلقاك في البلد اللغريــــب عطاية
عشمي اللجوء..شـان بكري من حلفاية
* * *
................................
محمد السيد


دلقـان نمي .. صـريتو جبتو معـاية
وظني الاكيـــــد الليلة تمو منايه
بلقاك في البلد اللغريــــب عطاية
عشمي اللجوء..شـان بكري من حلفاية
* * *
................................
محمد السيد


جيب اللوح معاك جيب العمار دوايه
سيب أنسى اللجؤ هاك دى البلوم قوقايه
خلى كلام حزن أنسى التنوح رارايه
بلدك فى الخريف نقدا دفقلو شرايه


منصور


قصدي اللجوء في البورد ياحبــاي
ماني اللئيم كافر نعم دنيــــاي
وطني العزيز جنستو ياهامعـــاي
ومابنسي البلوم اللي الولف سقاي

......................................................................................
محمد السيد


مفتاح الكلام النور.. حبابك انت يالمنصور
سيد الكلام الحر .. الدغرى شابي بحور
جيناك صباح داشين .. نقدل نشيل السور
نترس بحورك نم .. مابينا تب محذور

حباب ودموسى ياقناص أرايل الحور
حبابك مندرج ماك اللئيم محجور
بالليل والنهار دربك عديل مخبور
يا جالب الحبور ليك الفؤاد مسرور


منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 02, 2014 12:21 pm


صباح شوقي دفر نوقي عليكم جاي
أفتش لدريب ريدكم وراكم تب بقيت شاشاي
انوح في الليل.. وباقي اليوم أتمو بكاي
نسيتا بعدكم النمه ورخيت اوتاري في الدوباي


نيخ البكرة يا نشات شرف تالاى
وديك المنقه دافقه وفى الخرج باباى
يات من تشوف الليله ليك رضاى
وتشبع فى الغنا النمامو ليك حدباى




منصور



عام الفين وستة الصورة تبقى مهمة

بى شوفة وشيك لينا الفرح بنتمّ

ليك هذا الكلام منصور زعيم النمّة

صورتك يابشوش بالحيل تزيل الغمّة !!

نادية عثمان


ساحرة الخصال يا الصادقه مالكه الهمه
مالكه المعجزات يا ملكه حائزه القمه
خصصت الكلام يا الواضحه خاتيه الزمه
يا أم صورة مبروزه فى القلوب منزمه


منصور


تالتة اعيادنا هلا ومرحب حباب الطلة
بي شوفه خدودك بسماتنا زادت واللـه
نرفع رقاعنا عشان يقراها كل الخلـه
يــــــاضي القمر وكاشف ظلام العلـه

........................................................................................
محمد السيد


منصور أخو الحاره التشق الهم
ضاع منى توم الروح أبت الدروب تتلم
ضحيت كتير بالحيل وروحى مابتنجم
لو ما لقيتا حشاى بقعد عديل للسم

عبدالماجد


عـام الـفين و سـتة الليهو اسـتـنينا
طـالبين الكريم بالخيـر يعـود لينا
عشان نرجع هناك تانى لى ماضينا
منصـور و العقيد الفـيكم اتحوينا
وكل شباب المسدار الليكم انضمينا
دعواتكم كمان تتحـقق امانينا

الناظر


بدعوهو ربي كريم بي التسع والتسعيــن
نلقي السعد بالكوم في الست والالفيــــن
كل آمـالناتتحقق وعدونا لينا يليـــــن
العازب يلقي مناو كان فاطنة كان ام زين

محمد السيد


بى اسم اللجؤ مرقوا الغلابة طيابة

مقبولة وخميسة وجون ولد كركابة

مسكين الولد لو بلدو تصبح غابة

تطرد شفعها وشيوخها قبل شبابها !!!!

نادية


وقت الكوع حمى والكعه تبقى حرابه
تحرق من طرف تصبح مدينه خرابه
يات من نقول فى شقو ساج كرابه
لابتفرز صغير لا شيخ كبير إتهابه




منصور


بلادي حنيــنة برية مابتجور
نفوسنا الواقعة من كـــم دور
تبرر غاية فيشان هدف محظـور
تردينا وحكمنا الظالم المأجور


..........................................................
محمد السيد


يا الناظر تعال متل الخدار حاوينا
يا فجر الخريف راجياك عنق وادينا
ديك ناس ودعقيد متل اللبخ ظالينا
ناس يحى البرامكه ود بشير حادينا


منصور


يا ناظر عموم جيب النميم اروينا
بي طيب الكلام من النعاس صحينا
دار منصور اخوك حالية وحروفا رصينة
من يدخل عليها أمين وليهو ضمينة

ود عقيد


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 04, 2014 3:12 pm


من يوم ما اتوجدنا حقاره ما بنرضابا
و من يوم ما اتولدنا اسياد علوم و آدابا
انهض يا وطن اشرع سلاح اضرابا
و العن الانقاذ و يوما اسود جابا

ودعدلان



الخبـر البجي السـودان ملامحـه عـبوســة


مـن كتلـة وليـداتـو البقـت مـرخـوســة


من بجـنة عـصـي الحلـوب عـيال الخـوسـة



يرجـع لك ألـم والدنيـا راجعـة تروســا




ود الشايقي



إتفق التعيس والخائبه دى المتعوسه
حتوا الناس حتيت زى الفراش مبثوثه
أحقاد القلوب جوا القلوب مدسوسه
أصحاب اللجوء بتروس جيوش مهروسه


منصور


السودان بلد و المولى عـظم شـان
يا ربى الكريم تحـفظ جميع سـكان
ترجع طيور المهاجرة تاني لى مكان
و الفرح و السرور يسعد كمان جيران

الناظر


عيك ياعقيد ويامفتاح يا اخوانى ياخلانى
السبب المنع النوم من عيونى حمانى
قليب السنين والحسرة تب ماليانى
عاما فات والجاى مار بسراع وراه التانى

الصايم


يا الصايم سلام والعبره ديك خانقانى
والموت بالغلب واجعنى مارضو كيانى
كل ما ضوى يوم هبلت سريع نيرانى
من شوف الظلم ضايقابو ضمه أركانى


منصور

حسار الغربة حار واوجاعو مي غابياني
وجريان السنين يا الصايم اتلافاني
تمر بسراع تخلف حسرة تب مالياني
سوالف اياما مرت دون وجود حباني

ود عقيد


الشان إتعرف والناس تدوس سكانو
كان قلت العراق خاتفين رموز ديوانو
البلد المؤمنه نازعه منو أمانو
زى كلب السعر كاتلاهو داك إنسانو


منصور


ياحليل الورود ماتت هناك فى جنينة

وجع الأمهات بات فى القلوب سكّينة

لهفى على الولد مليان قليبو غبينة

ام الدنيا ليه بالقسوة تضبحى فينا ؟!!!!

نادية


يا منصور اخوي في حنك اتربينا
الجود و الكرم و الله كان ماضينا
اتغربنا قلنا الغربة كان تغنينا
لكن و الله العظيم قلعت طواقينا

الناظر


من حنك رضعنا ومن جروفا ربينا
من بحر الفضايل ضمه مره روينا
الزمن إنقلب درب الغروب دجينا
والعقب إن خرف بنجيهوا والله يجينا

منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 04, 2014 3:20 pm


بقول كل بدايا ليها نهايا
الغربة اللئمة هي نهاية النهايا
تمر اياما و سنينا تيقي حكايا
اتحسر عليها عديل واقعد اعد اياما

الناظر

عملونى العميلة الخاينة بت فرعون

قالوا انحزت للجلاد حفيد شيطون

مانى محايدة قالوا وقلمى جد ملعون

سامحهم الاله وشان وطنى كلو يهون !!!


نادية



الفيل فى الوسط والضل دوام مطعون
والمتلك دوام متل الجدى المعيون
قلمك كان رطن رقص القبر مدفون
ويا جبل العشق قلبك وطن مضمون


منصور

حقيقة وظاهرة شهدت بيها كل النــــــــــــــاس
قلم صادق وكلمة تسو سوات الفــــــــــــــــاس
سطع للكون وضوح رايا بقالك اســـــــــــــــاس
وبعدو نعد شجاعة وهمة رافعة الـــــــــــــراس


.............................................................
محمد السيد


ساعية ورا الخطر دون ماتدق اجراس

لاهثة وراالحقيقة القاطعة للأنفاس

تحريف الكلام ماليهو عندى أساس

وعارفة مجالى جد يااخويا كيف حساس !!



تسلم على الكلام الطيب ودى شهادة اعتز بيها جدا والله

نادية



الصدور ضايقة ودوام مكروبة
شيتا غربة وغصة فى الحلوق مصبوبة
ويوما حرابة فى الغرب بعدى جنوبة
وشيتا سرقة وحقوق منهوبة
وشيتا بهدلة وسكلوبة
راجين آخرتا كان تنعدل كان نقلب الهوبة

الصايم


ياالناظر الحبيب ابواتنا القبيلك قالو
بعد دردير الفقر أخير النجع بعيالو
إمن رجع بعد الغربة بدولارو او بريالو
وإمن فوق جبلا بعيد اتشتت معاهو جهالو

والمقصود قول القائل:

دردرنى الفقر لمن بقيت سنكيت
وودرنى العمر لجبال توريت
إمن جب مالا فرح أم سوميت
وإمن فوق جبال تقلى انجدع ماجيت


الصايم


غربة لئيمة علا حنينة وكفاية
عزاك ياالناظر كم قنع ولايا
وعزاك ياالناظر كم كسيت عرايا
وكم غديت وكم عشيت
وكم دمعتن قشيت وكم غصتن فشيت
وكم عرست السمحةآية

الصايم


ود مفتاح سلام الليلة شلنا كلامنا
ماعرفنا بنجدد فى اللغا ولافى أحلامنا
إمكن كانت سلاخية وصادفت سنامنا
والعذر للحبايب وكل المنى يسعدن أيامنا

الصايم

من يوم ما اتوجدنا حقاره ما بنرضابا
و من يوم ما اتولدنا اسياد علوم و آدابا
انهض يا وطن اشرع سلاح اضرابا
و العن الانقاذ و يوما اسود جابا




ود عدلان مشرف والظروف غلابا
وانهبر الشرك هرد القلوب كلابه
رقاصة القرد كتلت جموع بكلابا
وإن طال الزمن ضلف البقر جيابه



منصور


جار بينا الزمان الليله صرنا غلابه
ونيران عزنا صبحت رماد تقابه
والناس القبيل تلقانا بي ترحابه
لاقتنا برصاصا والدنيا دار دولابه

الصايم


راجين الصلاح صارت عهودنا حرابه
كل ما تموت حريقه النار تشب لهابه
أولاد بمبه فى الحارات جيوشنا حبابه
وقت المعضلات ببقولنا أسد الغابه



منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 04, 2014 3:28 pm


ود الشايقي


إتفق التعيس والخائبه دى المتعوسه

حتوا الناس حتيت زى الفراش مبثوثه

أحقاد القلوب جوا القلوب مدسوسه

أصحاب اللجوء بتروس جيوش مهروسه




مشنى الغشغشـة الشفناها لـكــنـا بـروسـا

مشـنى الحقـرة في جنياتنا قاسيـة ضروسـا

مشـنى القايـدة أبّايـة الحـرد والـدوسـة

مشـنى الجبهـة تخـرت من رقابنا فــلوسـا



ود الشايقي


لوكة الكينيا والحنضل فهمنا دروسه
عضم الإنتظار صفاحتو ماكله السوسه
حلم الصغار دايما بكون بسبوسه
دايما فى العدم غايصه الظروف منحوسه


منصور


يا ابو حميد اخوي الكلام القلتو كلو حقيقة
الغربة اللئمة ولعت في جـوانا حريقة
كل ماشفت واحداٌ تقول و الله عندو مصيبة
خوف و ذلة و مهانا و كمان حكاوي عجيبة

الناظر


فى السودان هناك الناس جميع مبسوطا
بالعز و الكرم عمران بيهو بيوتا
للفرح و الحزن و سواعدٌ مرفوعا
الشيب و الشباب لمتن مجموعا
الناس الكبار كمان كلمةٌ مسوعا
الشفع والصغار قعدتٌ مرفوضا

الناظر


الشجر ان مال يتكسرن فراعو
وقمحان للطلب المابيجيبو ضراعو
ليه يا اخوانا البينا ما بتراعو
الراسو بيوجعو يربطولو كراعو

مجدي


وقت الحال إميل بصعب علينا إرجاعو
إصعب نشترى أسباب علاج من باعوا
البينا كان أكذوبه فكوا شراعو
ما أعتبرو القديم حق الجوار ما راعو


منصور


لوكة الكينيا والحنضل فهمنا دروسه
عضم الإنتظار صفاحتو ماكله السوسه
حلم الصغار دايما بكون بسبوسه
دايما فى العدم غايصه الظروف منحوسه



منـصــور,

كانت زهـرة الدنيـا وشـعاع فانوسـا

كانـت تتكي تكرم من مراحـا وعـوسـا

هاشـت وقادت (اللاءات) وسـاس يسوسـا

وفي باندونق تضـوّي رئيسـة مي مرؤوسـة



من الريقه مرضت وصابتا اليابوسه
حقها فى الورث فى جيوب بعض مكنوسه
لمن ساست اللآت زمان محروسه
هسع فى الطريق متل المره الملحوسه


منصور


قنصولا اللئام قاصدين يقطِّعو روسا
مسكولا الزمام حرمو الأنام فانوسا
عقبان جاتا فجّة نور وغاب ناعوسا
بس أولادا دقّو مع الذئاب ناقوسا

ود عقيد


الداير السلام فجج الهلاك مابكوسه
ساتر حالو حافظ راسو من الخوسه
الزول إن صبح أفعالو كالجاموسه
إما يدر لبن إما الضبيحه وموسه


منصور


وطنى الغالى نازف والوريد مقطوع

شعبو الوافى مخلص للخضر ويسوع

تعالوا نعلى صوتنا عشان يكون مسموع

نرفض نحنا ذلا كان نموت بالجوع !!

نادية


الإخلاص ظهر والكل جميع مقجوع
وكتل الناس شلل غدر الجبان مخلوع
ما سمعوا الحديث ظلم الحبش ممنوع
ولافا من الجحيم فرق الضلوع بتضوع


منصور


من الريقه مرضت وصابتا اليابوسه
حقها فى الورث فى جيوب بعض مكنوسه
لمن ساست اللآت زمان محروسه
هسع فى الطريق متل المره الملحوسه



فيكي الساقية روّايـة ودفـق قادوسـا


فيكي جروفنـا ندّايـة ودشـر فقوسـا


فيكي الوعـرة نتّـر, من عصـير, جاموسا


مـو كتّـال ولادك, مجـرمـا وجاسـوسـا.


ود الشايقي





Quote: الفيل فى الوسط والضل دوام مطعون
والمتلك دوام متل الجدى المعيون
قلمك كان رطن رقص القبر مدفون
ويا جبل العشق قلبك وطن مضمون




موت ولدى العزيز زاد فى قليبى شجون

أطفال فى الحريق احتاجو يد العون

بعد الدم يسيل ببقى الفؤاد مغبون

تعيش منصور أخوى ويهابك الفرعون !!

نادية


البلد الحاله وقف وأعلامه جات منكوسة
رجعت للكتل فى مصر رغم ميشاكوسا
بهناك أبوجا تقع تقوم معا ناس دوسة
والناس النست "امريكاناوروسا نحن ندوسا"

الصايم


فيكي الساقية روّايـة ودفـق قادوسـا


فيكي جروفنـا ندّايـة ودشـر فقوسـا


فيكي الوعـرة نتّـر, من عصـير, جاموسا


مـو كتّـال ولادك, مجـرمـا وجاسـوسـا.


ود الشايقي


بى رب البرعى يالشايقى البلد محروسه
دايما فوق لقا وعوامه قادله عروسه
قرام الفجل ضرات كتل ناس دوسه
إن فتح الكتاب بلقى الأسود ممغوسه



منصور


بنقول عارفانا المكارم نحن بنسوسا
ويوم الدواس بندوس بعكازة او بى خوسة
للغاشى والماشى كنا العيوش بنعوسا
المحن دردارة ساقتنا لبلداأبت موسى

الصايم


دايرين الجهال ترجع تقيد لدروسا
دايرين نسمع القمارى بعد ماقدل طاووسا
ودايرين الهوامش عقب يعود فردوسا
ونرجع لواطاتنا نتحكر تملى نبوسا


ياود مفتاح فتك مع ياسين وعيسى
مساديرك يعليها ليك من رفع ادريسا
وبسأل الله ليك عز سليمان وبلقيسا
فارسا عظيم تدخل الدارة وتفج ميسا

الصايم


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 04, 2014 3:38 pm


يا شيخ البلد مليانه زايده عنوسه
والكسره القبيل غلبتنا طب مانعوسه
بندور الفرج قلاع جميع ناحوسه
زى ماساس مداين بالفضيله يسوسه


منصور




Quote:
بى رب البرعى يالشايقى البلد محروسه
دايما فوق لقا وعوامه قادله عروسه
قرام الفجل ضرات كتل ناس دوسه
إن فتح الكتاب بلقى الأسود ممغوسه




منصــور,


فيكم نخـوة البلـد الكبس كابوسـا

وفيكـم عـز أصيـل ومكارمـن موروسـا


فيكـم فـزعـة يوم (دايان) لبستـو لبوسـا

لا جامعـة عـرب, لا حـس (عـميـر ود مـوسـى)؟



احمد الشايقي


البلد الحلم حنة عروس مكبوسه
والخير مندفق خيلها بتجيك عركوسه
قادلات ناس حنان إحبن هنوك ناس نوسه
شامرين ناس جنيد واقفين هنوك ناس دوسه


منصور


غزلانا بالحسرة كبرت زى كبريت فى كروسه
هناك راجية سلوى وبهنوك اتمحنت نفوسه
ياالدخرى الفاها قبل ماتغرب شموسه
شمعته الضواية كملت نان وين ترجع تكوسه؟

النار بهناك مشعللة زى هيلة مجوسه
كتلوهم عسكرا كان تتاره كان هكسوسه
لمتين الحكام محكومة بحب نفوسه
خلو وجوهنا بعد السلام رجعت عبوسه

ياموت كفاية أمواتنا من زمن جساسه وبسوسه
شفعنا بتتولد وترضع وقبل ماتنفطم نقطع رؤوسه
برشاشة برصاصة او مرفوسة او مدهوسة
بكرة ينصلح حالا وتزغرد نيالا... وبابنوسه

الصايم


عزيزي منصور
و كل ناس المسادير هنا و هناك في السافل و الصعيد .. شرق و غرب
و ( خسوساً ) أهلنا في أب دليق و دار البطاحين ..
سلام كبير ..
عجبني البوست طب.
قلت أديكم مسادير قريتا ..

***

ملفحه يا بلد بالحر يلاوى النسمة
مطبول اللسان مفتاحو ضُلْ الرسمه
ضَرْبْ المستحيل كَتَّف رموش النجمة
إنْ صَحَّ الكلام فى عينو تصحى الكجمة
يايوم من حلم زيد فينا طول الهجمة
يابلد اندفر فى رحلتو المنقسمة
ما تورْ إنْ وقع ..... يكتر بياض البسمة

من طابور مدوِّرْ فى المسا المبهول
تالِِتنا النحاس خامس شموس الحول
واحد من بلد قصّرْ غناها الطول
والشِدرْ الكُبار صمّغ سقوف القول
يتساوى المطر ، والخندق المبلول
والليل والنهار ، والكاتِلْ المكتولْ

معبى عيونك ، الشوق والخريف داجين
حلمت الوادى ماسك صرخة ،
بى غادى المدن تضحك
جدادة الوادى طارده اللمحة
من أُفُقْ العناق والعين
مكتف يا جبل واقف
وتشرب دمعةْ القاعدين
وما بين الجبل والوادى
أطفال يشبهو الجايين
قدمنا السبِتْ فى خوفنا
صِبْحَتْ ليلة ْ الإتنين
معلقكْ الشقا العرقان مديد فى الضو
تواريخك حِيَلْ ملفوفة فى طول العِمَمْ
والمشية والرجعه وزمنا الراح
لوت بطن المطار واطيها
يوم الوَعْدْ دردق روح جليدو وساحْ
أياديك فى الوداع طالتْ
أصابعَكْ طايره ليل فى الجو
لا بتشبه وداع ولِقا
ولا شُباكْ تضارى رياح

قسمت المدن ميراثا للسهران
إن بات والمخده اتْجّلَدَتْ بالنار
إن مسك العصايه وسنَّّدْ الأحلام
إن عرك الزمان واتباهى بالفكره
يابرق المسافات ولع الأسرار
من جَمُرْ انخمد ..جُر النَفَسْ ذكرى
وادِعنا وأَمِشْ فى دربك المعووج
رجّعنا وتعال تمْسِكْ عقاب الدار
يا بَكْرةْ أَمِسْ ما أجملك بُكره
مفلوت من بعيد أقربْ لكْ التاريخ
درباً وصّلكْ ما رجعك فى ليل
وقلباً من غُنا نبضو ارتوت أركان
صَفَقْ شِدرْ الشموس الخانقة ضُلْ عينيك
دَفَقْ مويةْ البحور الصابه فى السهله
لوكانت خطاكْ الخابه فى المهله
تبرا إبَرْ ضياع فى شوكةْ الهجرة
ترجانا ونجيكْ الكلمة عامود نور
الليل قصرك طالت مدن انسان
أطفى الرؤيا دقت ساعةْ العصفور
توبك ما اترتق لسه النهار عريان
المنسج كِبِرْ سنوات على المنديل
والنورج حرَنْ فوق قمحةْ الإمكان
والمشو فى الشفق حيمغربوك تانى
يابلد اشتهيك والعبرة خانقانى
أصرخ وارتجيك الصرخة كاتمانى
أحلم وابتديك الأول التانى


منقول ( منتدى ود مدني ) المك نمر

****


انصارك كتار تأمين عبر الكيل
زي بت الريا وكتين قدوم السيل
كان موجور زمان ناسا فهمها قليل
شرك أم قيردون كيفن يقبض الفيل

شاعر أنصاري

ابوجهينة


وارث النغم من داوود حبابك جيت
وشادى وشاجن المزمار رصين ختيت
إن كانت جهينه مع اليقين فى خيت
أبوها أبواليقين بانيلو كمين بيت


منصور


يا اهل المسدار بقول عيد سعيد و عمر مديد
بس العيد مع اهلنا شكلو و طـعم فريــد
و لمت ناس و حكاوي انت بيها سعـيد
و صوت خرفان تبعبع جاي من بلد بعيد
تجيك الشيى من صاج وتلهلب بوخا يزيد
و الشربوت شدوه بى بلحاً انتاجو جديـد
و البقنية موجود في جردل طعمها شديد
الناس فرحانه و مهيصي و معيدة انت بعيد

الناظر


العيد ياجناييت نفحاتة هبت جاتنا
في غفلة زمان لامتين طرينا اماتنا
شيات الجمر فواحة باعثة حياتنا
شطات العمر جمالا طق لهاتنا





منصور


سلام يا منصور

وين يا زول كيف الحال و كل سنة و انت و ألأسرة بى خير و عيد سعيد
و ان شاء الله ما تكون مشيت لى صاحبنا خالد - كان فى اِشاعة كدة انك
ماشى بى هناك - الزول زاتو قالوا متجرس بى غادى و لقى القصة
صعبة شديد

بس حبينا نسلم و ننقل تحيات اِمام و جمال الجعلى (المحسى دى كانت زمان
عملنا ليهو غسيل مخ الأيام الفاتت انا اِتعلمت الرطانة و هو نساها)

و لى قدام
و شكرا

زول بن زول


يازول سلام إن شاء الله عيدك عايد
وضارب للشواشو وفى المكارم قايد
المحسى الغتيت صناع شرابيت رايد
وشيخك للمرارات عندو ديمه مكايد


منصور


الصيد داك نزل عند المحيجر وارد
ضامر فوق جمالو من العيون متباعد
الوز داك رقص رقص أم صديرن ناهد
والشوق إشتعل فى الجوف جحيما زايد



منصور


الاماتو فوق أم لعايت....ردًن
ومن حدق العيون حتى الخديدات...ندًن
قماري الوادي من حالة المفارق ...حدًن
خبًار ناس(ديلا) ما جْن سالمني ....وصدًن


تحياتي...

محمد امين مبروك


من جدع السلام ريشات قليبهم هدن
ومن كحل المقل خدرن جمالهم مدن
البندور نشوف نور فوق خدودهن عدن
سدلن باب وجوهن بالحجاب طب سدن


منصور


حباب مفتاح الليله جيتك.. ضيف
مفتاح الفهم كمال نواقص. الكيف
عاجبنى الكلام ..الخال من.. تذيف
بالله العظيم قولى....... حالك كيف

عوض حمزة


العيد يا جناييت
نسماتو هبت جاتنا
بين غربة وشجن
صارت مسيخة حياتنا
لمتين يا كريم
ترجع تعود لماتنا
في بيتنا الكبير
تسطع نجوم ليلاتنا

مجاهد عبالرحمن


الصيد ورد في لمـحه مـر جواري
و وقفت و سرقت النظر من جاري
شفت السمحه تقدل و كنها تدري بي حالي
و قلبي الرهيف دق و قف طوالي

الناظر


مالك متفن مابتقوم بتباري
وإن قدلن مشن لازم تجيهن جاري
شبه المعيز صيدة الصفى كان دارى
رايقه محفله المضمونه ما بتوارى


منصور


يازول يا سمح إنتا المشيت خليتنا
ما أبيناك يمين ببسمتك أشفيتنا
بندور اللقا نفرح يمين لو جيتنا
نترجاك دوام نفرح نشوف ضو بيتنا

محمد عبدالجليل



من زرزور صغير حلمان مغادر بيتنا
فى جخنون غروب وحلان مغرق زيتنا
لكن منجمع راجع نقيس لون خيتنا
للعقب القديم راجعين نقيم ياريتنا


منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 04, 2014 3:47 pm


لولا الإمتحان بتجينا ما بتغيبى
والممتاز فجر بتخمى لينا تجيبى
الناس بالكلام عابوك ما بتعيبى
يا ورد القرنفل للنحل بطيبى




منصور

الدار براك يا ملكه طب خربانه
والناس تتلبج فارقه الطريق محنانه
يا بلسم تعال إنتى الطبيب شفخانه
يا ساحر الخصال زارد المقل جبخانه



منصور



أبا أخونا من الصوره قلبو أتركش
وإن شاف شوف بيان مضمون بقوم إترطش
من القيف وقف فى سنطه لازق كنكش
وإن نزل لبحر راسو الخفيف بطرقش


منصور


أبا أخونا من الصوره قلبو أتركش
وإن شاف شوف عيان مضمون بقوم إترطش
من القيف وقف فى سنطه لازق كنكش
وإن نزل البحر راسو الخفيف بطرقش


منصور


بس حب العباد فى الدنيا باقى نصيبى

من تبيت صغيرة وهسة بعد مشيبى

الزول لو كرهنى بشوفو برضو حبيبى

الدنيا ام قدود زادت شقاى ونحيبى !!

نادية


فزتيبا أم قدود بالحب تغنى تدوبى
ويادوبك شباب صيدة كبور بتجوبى
قلبك زى لبن ليك القلوب بتشوبى
ياسكر نبات داخل النفوس بتذوبى



منصور


حب الناس من الله جاكي هديه
وطيبه القلب و الله فيك محريه
الزول ان عاش في ديره سخيه
ان قام و ان قعدوالله ليه تحيه





يوم فرح سمحاتنا بلدنا جن قادلات زي بنات العز
دخلن في الدارة يتفدعن و سون رقيص الوز
جميع من كان هناك و قف مندهش حاول يهز
الاطفال الرضع الصغار بكو و قالو عاوزين البز
صديق طار من الفرح و ركي في الدارة يهز

الناظر




Quote: يوم فرح سمحاتنا بلدنا جن قادلات زي بنات العز
دخلن في الدارة يتفدعن و سون رقيص الوز
جميع من كان هناك و قف مندهش حاول يهز
الاطفال الرضع الصغار بكو و قالو عاوزين البز
صديق طار من الفرح و ركي في الدارة يهز


يوم الفرح مرقنا النحاس طبولنا ترز
زى صقر البرزن عريسنا سيفه يجز
وفى محل الموت بنغرز كراعنا غرز
يوم حارة ودواس لا بنتر ولا بنفز

الصايم




Quote: أبا أخونا من الصوره قلبو أتركش
وإن شاف شوف عيان مضمون بقوم إترطش
من القيف وقف فى سنطه لازق كنكش
وإن نزل البحر راسو الخفيف بطرقش
منصور


ات يازول سمحة الصورة ولا سيدها قام يتبكش؟
البيسرح بغنم ابليس عقله داك اتكشكش
والبرش الناس بالموية يوم بالدم بترشرش
كبارنا قالو البلعب بالجمر لابد يوم يتشتش

الصايم


قول لسيدالصورة حوش جمالك حذار تتلبش
وشن فايدة الجسوم بعد العقول تتهبش
كبارنا قالو البلاعب الجريوات أكيد يتخربش
ووالد المحن دوام مصيره يوم يتكلبش

الصايم


في المثل بقولو الجداد يودي الكوشا
لابد من حساب دهرك وقتك المهموشا
عشان الكل يماثل لي ملوك الكوشا
وتعتق نفسك من زنقتا و تحويشا

الناظر


مالك متفن مابتقوم بتباري
وإن قدلن مشن لازم تجيهن جاري
شبه المعيز صيدة الصفى كان دارى
رايقه محفله المضمونه ما بتوارى


منصور


يا منصور اخوى اطربنا بى اشجانك
وقول محمد ود الصائم نحن من حيرانك
و بت عثمان كمان اهديك من الحانك
ود عقيد مالو سكت مع انو من حبانك

الناظر


يا ناظر المحل بلبل كنار فنانك
صداح منشرح مياسه راقصه أفنانك
ناس ناديا المكمله زى فراش أغصانك
ود جعل المصوبن دافره جايبا حصانك



منصور


يا
الحبيب يوم جاني الولد و الله كان يوم عيدى
وفي الشهر العظيم والمصحف كمان فى ايدى
الدكتور مروق و في ايدهو حامل لى وليدى
دماعي سالت من الفرح و رفعت الي فوق ايدى
طلبت من ربى الكريم يحفظ و يكبر لى ولدى

الناظر


الدكتور سال في الحال ايش عاوز تسميه
قلتو غير اسم ابوى و الله ماني مسميه
افضالو كتير على و بالاسم عاوز اهديه
من تبيت و قمت سابح و غرقان في واديه

الناظر


يا منصور اخوي من النعاس صحينا
النوم حصل من قهوة او شاي اسقينا
او بى فن من فنون كلامك اروينا
و قول ود عقيد بلاهي مر ضوينا

الناظر


جيتكم بي خبر بالحيل مفاده طــريف


من زورة الحبيب, سودانا, يا عريـف


بلد الماهلة ديك, ست القوام والهيف


والالاف سـلام, مـن ام عمـودا سيـف,

احمد الشايقي


وين يا اخواننا مفتاح الفهم والراي
منصور الحريف الـ للفهوم قراي
حاجر فوق سوايمو وللكبس سرّاي
حديثو سمِح مرتب حاشا مو برّاي

ود عقيد




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أبريل 05, 2014 2:33 pm


ياناس يا ظراف انا فى البلد متواجد
فى الخرطوم بزازى وشوقى ليكم واجد
يا ود عقيد إنت المشير يا ماجد
وناديه المعجزه المصروفه فايده وعايد

منصور


ود مفتـاح,

للخرتوم سلام شوق واشتها وقرييف

قمنا صباح شروق خلينا فيها الكيف


وجافات قلوبنا حسيرة دايرة تقيف

حلاتاً فيها توتي, حلاتــو فيها القيف



وتحيات لأهل الخرطوم اللطفاء



ود الشايقي


يا منصور اخوي مضاري ليك زمان
طاب الكريم انك تكون في امان
خايف عليك تلحق الكومر ابدخان
كل ما جاهو طيفا صبح ورمان



الناظر

حمدلى بسلامة الجيت منهم طيبين
طولت الغياب و نحن ليك مستنين
ارض حنك كمان عندى ليها حنين
و جل الظريف و الله لي منو سنين

الناظر

سلام خرتوم سلام, لي محنتك زينوبا


سلام آرض العزاز فيك جدنا وحبوبـة


سلامـاً للمهندس داكا راجـل حـوبـة


والآلاف سـلام لي ناس هـناك في سـوبا




ود الشايقي


ست النمّة نادية البيكِ تم غنانا
يسعل منك الخير والوداد يغشانا
منصور الهميم شد الرحال خلانا
في خرتومو قاعد ضمة ما بيطرانا

ود عقيد



Quote: ست النمّة نادية البيكِ تم غنانا
يسعل منك الخير والوداد يغشانا
منصور الهميم شد الرحال خلانا
في خرتومو قاعد ضمة ما بيطرانا



من غير الحبيب مين عاد بتمو هنانا

مفتاح القلوب زول بالجميل اشجانا

منصور غاب هناك بنار فراقو كوانا

فى الخرطوم غطس بحر الغرام دنيانا

نادية


فد يوم شين بسو والبدعة ما لازمانا

من تبينا قمنا والحب في كل زمانا

* ** ** ** *

شوف منصور في البوست كيف لمانا

كبرت قلوبنا والريد كتير عمانا

........................................................................................
محمد السيد




ياناس يا ظراف انا فى البلد متواجد
فى الخرطوم بزازى وشوقى ليكم واجد
يا ود عقيد إنت المشير يا ماجد
وناديه المعجزه المصروفه فايده وعايد

منصور



يا منصور اخوي فضلك مِدفَّق زايد
إيدك صابّة يوت مليانة خير وفوايد
جميع من ضاق حروفك ليها أصبح رايد
عودة سلامة لي الخرطوم سعيد العايد

ود عقيد


ود المجمر جاب كلاما عزيز لبحري
ذكرنا الشباب والجهل من بدري
جيناكم ياودمفتاح ياعقيد يابكري
ندوبي ننم والمتعة في دمانا بتسري

الصايم



مبروك ياالناظر الوليد والفرحة
ودعيناليه بالبركة والقلوب منشرحة
يكبر يشيل اسم ابوك ويداوي الجرحي
تتمدايامكم لسماية اولاده تحضرو الضبحة

الصايم
شن طعم الوليد وكت العفن فى الدار
ويالصايم اخويا اريتو يبقى هــزار
ورحنا الليلة فى مرقة عمايلو شمار
وبترولناانبلع فى(اتينا)جانا هرار

Gazaloat



Quote: للخرتوم سلام شوق واشتها وقرييف

قمنا صباح شروق خلينا فيها الكيف


وجافات قلوبنا حسيرة دايرة تقيف

حلاتاً فيها توتي, حلاتــو فيها القيف

أحمد الشايقي


سلام لبحري من املاكا لي ديوما
كثير اشتهالخوجليها وودمريوما
طريناالكورة في دناقلتها وختوما
حليل مزادها وشعبيتا ثانويهاوعموما

فى الأملاك فوق لسمر تلقى خالد ودعمر
والجعيص وودالبشير وحاتم جرى وترتر
ناس حمد واسامة احمد والبانجيو السكر
قصر الصداقة ياما فى نيلا نتلاقا وياااماطفر

ماتنسى شمباتناأراضي و حلة
سلم لياسر حمد دكتورن كبير ومعلى
الدروشاب فيها زعيمنا البدري ودعبدله
فى حلفايا عند الملوك اقيف وادلى

ابدا برامي شيخ القوم كبير الهمة
وامير ودعون ديمة حايز القمة
محسن جدو ضيف الله وطبقاتو نورن عم
ود الامين ساري الليل معاه تحلى اللمة

عادل الجمل راجينا فى الكدرو يأصحابنا
الفنجري حمدناالله يردد الفين حبابنا
وكوبر وياسر علي وابكما وكم فى جرابنا
ناسا عزااااز بيهم حلت ايام شبابنا

الصايم




Quote: من غير الحبيب مين عاد بتمو هنانا

مفتاح القلوب زول بالجميل اشجانا

منصور غاب هناك بنار فراقو كوانا

فى الخرطوم غطس بحر الغرام دنيانا


ملحوظة:

= شركيلا وود عشانا محطات ومدن في مجرى النيل الكردفاني, (خور أب حبل)



بـطـرا النيل ختم شركيلا فـدّا عـشـانا


وبـطـرا سـعيـة من تيـلاد سليـم وكنانة


بطـرا بلادنا في جلسات سرورنـا, صـفـانا


بـطـرا الناديـة بت عـتـمان تضـوّي جمـانـه



ود الشايقي


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أبريل 05, 2014 2:39 pm


ود الصـائم سـلام يباركو ليك جديدك
و الشي السـمح اتمنيتو ليك يجـيلـك
عشان نفرح معاك و نغني بى تهليلـك
و الزول الاصيل زي القمـر بضويلـك

الناظر


الشوق ..الشقاني وشق راسي شقيقة
وقولة العزول ..الشينة مابنطيقا
قالو وقلنا ..لامن ودروها حقيقة
كل أملي الصبح أجلس حداك دقيقة
.........................................................................................
محمد السيد


حامدين السلامة يا المفتاح وجيتك لديارنا
وطالبنك زيارة تجينا ونضيفك في دارنا
مشتاقين نشوفك توصل تشوف اخبارنا
عشان الخوه بينا ما تبقى بس مسدارنا


يا نشأت وحات المولى داير شوفتك
وممغوس منشرط واجعانى ساكت فوتك
ياود الرجال معروف مجربه حوبتك
غلطان بعتذر داير سماحك وعوفتك



والله يا نشات كانت رحلة قصيره جدا ولكنى آت قريبا (وقبال ناس بيتنابمشيلك)


منصور


الناس وين مشت خلوني البراي إتلفت
حامد الكريم وسعت دارنا لينا وكفت
مجلسنا الصبح بي ملايكة صفت وحفت
ذاكرين الصمد قبال سعاية.. الفت فت

محمد السيد


الشوق والولف والطله دايما واجبه
والشوف للغصن زمن الهجير كم عاجبه
الروح كان تروح مفتونه دايما شاجبه
للهجر المدوعل لى أم رشيم الناجبه




منصور


من بعد المنال الشوق كتلني عشية
بالي الانشغل هامبيك بقالي ازية
يالزاجل تعال الليلة عندي وصية
تقول لام ضمير بي حالا تبقي حرية
......................................................................................
محمد السيد


شوقا لى أم فصيص فوق جيدا صفى النيه
مسلوب من عضاى لى شوفا رخصه بنيه
ما فيش من صليح للحال إشوف لى هنيه
يا السبق حليلكم حالى حالتو شليه


منصور


يالمنصوووور عشان تفهمني ..صفها نيه.
ماجنيت لكن عقلي..الطـــاش زي صقريه.
لمحه من (ام ضمير) فقدت بعدا شهيــه.
دا الخلي ربعــــي يقولو:حالتو بطيه.

محمد السيد


زى شخب الحليب وأنقع كمان النيه
عقلك تركشو المفصوده جاهله بنيه
من لمحة بصر ودرتا تهتا شويه
إن قدلت تجيك قيدك بفنس ميه




منصور


الاخوة أرابيب المسادير,

في معية الفحـل المفتاح,

جاءني صديقي المستشار , محمد شريف,

بالبيت التالي,




Quote:


الأدرع ود الأدرع الأمـه جات جافلابه
كتر له القنيص وارقـد له فوق دودابه




وكنت قد شكرته عليه وأعيد نشـر شكري له , حفظا لحقـه,




Quote: صديقي العزيز الاستاذ المستشار / محمـد شـريف,


لك السبـق ذخار العشيات رافـد ودمت ندي البـذل والدهـر شاهـد

وعشـت شريفاً في مسمى وهيئة رغوباً إلى الحاجات دوماً تساعد




المطلوب ,

مجاراة البيت, اشباعاً لقضية التراث التي يمثلهـا,



ودمـتـم,


دوداب القنيص مساكو مو ضهابو
من خلقو القديم خابرين كريم تيرابو
أصهب مو مفشق واثقين مبربح جابو
مو شنكيب مهلهل نزاز الفقر بحجابو



منصور


أدرع ومسترق سابق الطلق نشابو



دودر فوق دروب الصّي زرد كرّابـو



مد الإيد كرف ريح الصّبح يا دابو



تغيان الصّهـب شلوح أخوك ركّـابـو

الشايقي


البقفاهو ديك لى شوفتو قعدو إتشابو
والماسك الرسن زى الحدى حاحابو
دردم بالخميس جنح الظلام دجابو
وفجرا طب دغش طبابو فوقم جابو


منصور


متل البرمه من الطلحه يا دوب حتت
وفوق سيقانا حنه مع الفنون كم ختت
نضاحة المسك من سوحنا ساحت وشتت
وقلبت فوق وجيهه التوب نزل واتغتت


منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أبريل 05, 2014 2:45 pm


أدرع وشاقّي دار الريـح وقاصع الجرة

مـد الإيد كـرف ريم الدّعـاش الفـرّّه

تيس أمات لبـون ضامـر البطـن للصـرّة

من تبّ وقلــع (ريم) الفريق إنســـرّ




ود الشايقي

كربات جكتو الرقال ختاها المره
من خشش الأراك عداها فات وإنشره
الشاف فوق صفاحو طبنجي قلبو إنفره
من سرعة مخوى عدوه طار كالفره


منصور


براعيك من بعيد لي مده يامنصور
وامات طه في الدوبيت حفيظن نور
شغلك باقي طبعو نضيف بنط السور
متل اب شوره والحاردلو والطيفور
وقلب الزول رهيف

محمد بهنس



قبلان بى كلامك وضمه طب مسرور
ومرحبتبن حباب الذوق وزايدو شعور
يا بهنس تعال رافقنا كان فد دور
ويا عازف الحرف زى ناس حبينا سرور



منصور


ايام اللقى وايام عدم منكفسا
كان هاديني صوت الحنه في فد لمسه
مفدوعة عمر طارياني اوعك تنسى
وادعتا الفريق عقبا وجيتا فرنسا
والغربه اللفيف

محمد بهنس


طابقه البوخه فوقا الحنه ليلك أمسى
ما تنساها دى المدعوجه كان بى همسه
فارعه مفصله المخروطه مى منفنسه
ملكة رحمه تشفى الزول خلاس بى لمسه


منصور




Quote: بـطـرا النيل ختم شركيلا فـدّا عـشـانا


وبـطـرا سـعيـة من تيـلاد سليـم وكنانة


بطـرا بلادنا في جلسات سرورنـا, صـفـانا


بـطـرا الناديـة بت عـتـمان تضـوّي جمـانـه



وطارياك يشهد الرب الهناك لمانا

فى الجنة الوريفة تحت شجرة البانة

البنوت حلاتهن وكت يغنوا غنانا

والشبال وقع فوق رأس حبيب ورمانا !!

نادية


أدرع وشاقّي وديان الصّـعيـد نمّامـو

ساري الليل عجـول والخترة, راخي زمامو

ما همّـاه سـتـيب أب حبل وتمـامــو

رسـنه عجاج لحوقهـن وجبدتـن قدّامو

احمد الشايقي


فوق محريبو زوزو للبهب نسامو
للمطر البعيد كراف سريع شمامو
فوقو مصوبن الركيب بغنى حمامو
داقت الحزه طبه أمات فصيد ما نامو


منصور


علي ضهر المخيتير المعلّا سنامو
فوق مخلوفة حاكر وكلبو مِن قِدامو
خات في بالو صورة اللبسوهو تُمامو
متييين يصلو وكمان يلقى الطفلّن نامو!!


ود عقيد


مو جمل الرحل عقب الفريق طب حامو
مو كلبا ببارى مبلما بى زمامو
شارف ود بشارى إكسير جبالا طعامو
فوقو الفنجرى الوزينو عام قدامو


منصور


مو جمل الرحل عقب الفريق طب حامو
مو كلبا ببارى مبلما بى زمامو
شارف ود بشارى إكسير جبالا طعامو
فوقو الفنجرى الوزينو عام قدامو



كب و قام خات كل البلود قدامو
ما عركس رجع تب مافي زولا لامو
ود عز البشاريات امات خبيبا زامو
وصلني لي بلد ام خديد ماقصرن ايامو

عدلان
مخبور أبدومه بالفرقان كتير نمامو
ما قنصوبو يوم فى فزعه ضاعو وهامو
عارفين عوسو طب شقل البطانات حامو
خابرين للمعيز قراع مراحهن لامو



منصور


أدرع دوفـه أدروج والخـبيـب نجّـامـو

من جـدّه البشـاري, نضـيف مزنّـد فامـو

إن شـدّيتـو بالباصـور كربـت لجـامـو

تتباشـربو فوق فزع العيال يوم قامـو

الشايقي


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين أبريل 07, 2014 12:45 pm

أبدقنوس مجرب سيدو طب ما سامو
شقاق للخشش عشاق للفنق عوامو
كضاب فى اللصاهب كان رقل قدامو
خبار للدروب عراف معلى مقامو

منصور  
                   
دا المرنوع ملازم البوخـة فوقا اتمسّـى

دا المحبوس ختا المرقات صعـب واتقسّـا

دا مباشــر أذاك بي حـن فـؤادك حـسّـا

دا بـودّر مواجـعـك إن بســم لك هـسـا



ود الشايقي


من البوخه شوف عينيا قايم هسه
متفدع وقف وخطاو مخدره لسه
بي لون الدهب جهر العيون وادسا
كمل صبري واصبحت ضارب الجرسه

نشات الامام


فوق البوخه طابقه الحنه فاقعه الكبسه
مى مطفوقه جوها ضيوفها قامت كبسه
متل الصرفه فوق السعده ناعمه اللمسه
للخارش الدخن مدخوره مو زول كبسه


منصور عارف زماني خاتياني فيوالراحـــه
طاقش الشرق خليت وراي الساحــه
الحازت فهم,أخلاق معاها سماحــه
بعد الفراق وين لي طعم تفاحــــه
........................................................................................
محمد السيد



فوق صوبها المنعمه لبسوها وشاحا
والمهجور معذب وشو سود وشاحا
غصن الخيدران همس النسائم ساحا
للمحروق فؤادو الليله سووا مناحا


منصور


جيت ضهبانة كايسة اللمّة والدوبيت

جيت عطشانة لما لقيت حبايبى رويت

جيت يااهلنا يلا ندوبى فوق البيت

معروف بالجمال منصورنا من تبيت !

نادية عثمان


مك ضهبانه يا تفتيحه عندك خيت
ومك عطشانه يا الرويانه مويه وزيت
إنتى إنسانه حالى لسانا بالدوبيت
وما تنسينا يوت أغشينا بى فد بيت



منصور


هنيهين السحر سوونو واح في واحه
لو جسيت ضراعا هي غلتتك في صاحا
ملاحة الشحتفه وبوح الحنين بصراحه
وجه المردغت في الشوك جمال ومناحه
اه كيفن اقيف?

بهنس


يا بهنس محنك ظاهره فيك فصاحه
سوسنة الغرام مالكه النفوس سواحه
شحتفة القليب مضمونه مافيش راحه
خلى السمحه تقدل فوق قلوبنا براحه


منصور  
                   

حرف ال'ح' هو سر النار وسر فياحا
حي حيمور مدعلج مستبد برااااااحه
جهجهنا ولبد في فجه فايحه سماحه
معدوم في اروبا ال'ح' وفتر شراحا
وال'ح' بقولو كيف?

بهنس


حرف الحاء الحليوه الحاليه طاعمه ملاحا
ماها الحيه غادره وبالزعاف فحاحه
متجهجه خبارك صيده خاتيه قباحه
الحق حل حريفك (ح) وشالتا الطراحه




منصور  
                   

أدرع دوف خـفيـف رقّـال بسابـق الميـة

مـن جـدّه البشـاري ونسـبته المكنّّّّيـة

باصـورك زنـوده وكـان ركبتـه حـويّـة


تتـدغـشـبو فوق دار أم هـجـود بكريّـة



ود الشايقي


أب زند العشارى الفيهو طب محريه
ما بتاحت الخمجان بلاقى سريه
فى الصانقيل مجرب وللخشش قمريه
فوقا بخوى ساكت كان صباح وعشيه


منصور  
                   

بنتاغون مغاربي و لعبة كراسي دنية
كتاحة طرفا رئيس وادارة ميها قوية
زرعوا الفرقة والشتيت حصاد غالبيه
بقت الشماتة علينا وخسارة بخماسية

.........................................................................................
محمد السيد


مالك يا ولد جايب هبوب منسيه
إيش كان زيد غلب أو كان حتل تحتيه
نحن مع الإبل شادين بلادنا رخيه
ما بندور لعب بى تيوه مو هميه


منصور  
                   

دون شك الحالة مو بس كروية
والهمة في كل المجال محرية
الدق بيناالدلج صباح ومسية
الغمدة من نارا بدت دخنية
.........................................................................................
محمد السيد


تيس الحنو الخبار مخلوفتو مي متكيه
زي صقر البليب وقتين يشوفلو حديه
يا الشايقي الاصم غربتنا ما هميه
طالبين الرجوع لي السمحه سودانيه  
                   
ودعدلان


ايوه مدردمه ومرها وعيونا صفيه
بتنا دقة المحلب مدروخه حيه
مكاره ومدردحه فاتحا فينا تكيه
حلفو الضاقو حنها.. قالو ميه الميه
بت سودان سليف?

بهنس
كتب هشام شيخ الدين في انفلونزا الطيور


ضعفان بالهموم وفى ناس سمانه غلاده
ساكين القروش من غير يضوقوا سعاده
فاقدين الحنان ما قاموا أى عباده
صحيح آخر زمن ، الموت تجيبو جداده

ورديت عليه بالتالي
نحمدك باكريم بي كل حبور وسعادة
وحفظك لنفوسنا من كل دواء وعيادة
ياباسط النعم الصحة لينا قلادة
كفينا شر البلا وموتا تجيبوا جدادة

فكتب التالي
تولوس الكلس وزن الكلام وأعادها
وأخوك ود حمد أداها منو شهادة
ما كسلا القلم والظاهر انتو مدادها
حالف باليمين تتغدو بكره جداده
ومازال السجال متواصل

تولوس


لازماك فى الرجوع بكره وشمال شبريه
لازمك سيف مجلى ودرقه للصقريه
بتجيك الجناييت للفرح كميه
ما بتبخل عليهم ياالبتتكى تنيه


منصور


أصـله بشاري منسـوبن وأمـه حـنيّـة

تغيان إلا شـايتـه القيـد كرب مكيّـة

رسـنـه السلسـل المشبوك وشيمته قوية


ما ركّابـه غـير هجّـان جناااا شايقيـة

الشايقي






_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين أبريل 07, 2014 12:57 pm

الصيد داك نزل عند المحيجر وارد
ضامر فوق جمالو من العيون متباعد
الوز داك رقص رقص أم صديرن ناهد
والشوق إشتعل فى الجوف جحيما زايد



منصور  
                   

ايوه مدردمه ومرها وعيونا صفيه
بتنا دقة المحلب مدروخه حيه
مكاره ومدردحه فاتحا فينا تكيه
حلفو الضاقو حنها.. قالو ميه الميه
بت سودان سليف?


معدومة النظير في الدنيا بي كليه
بي ياسين و هود مدرعه و محميه
من قومة الجهل كانت للجمال رمزيه
كيف الراي آ بهنس من ها البنيه

الشوره شورتك

ودعدلان


سـودانية ماهـلة الروقـة فيها هـنيّة

تعـرف بالمحـنّة دواك صـباح وعـشـيـة

في سـوحـك كـتل ولهـان وحـقّي الديّـة


ودعـدلان صـحيـح نمّـك وليـكـا وصـيّـة




ود الشايقي


سـودانية ماهـلة الروقـة فيها هـنيّة

تعـرف بالمحـنّة دواك صـباح وعـشـيـة

في سـوحـك كـتل ولهـان وحـقّي الديّـة


ودعـدلان صـحيـح نمّـك وليـكـا وصـيّـة


ما حامت بالفريق لامن بقت عصريه
كل من شافا قال يا شايقي ما حوريه
مسخت البنات جامايكه و اسبانيه
يا بهنس تعال الماركة سودانيه

اركز يا ولد

ودعدلان


ان درت القوام في كلمة استوائية
وان درت الكلام لا شك تكون شمالية
الوجه خلقة مدور وبشرة عن غربية
وحلوة الصورة عندالسكنت الشرقية

حليل قلبا غرق في بحيرة سودانية
.........................................................................................
محمد السيد


قانص ليها كنت وكن صبرت شويه
مالت دون قنيص من بين شكر وشكيه
الا الليله رحت بعيييد ومنها لي
عشرة شهور وخمسه ايام صباح وعشيه
بت حبي العنيف

بهنس



في الحب انكويت..وكترت فيهو شكية
ساكن دون حراك..عبيت سلاح جاهزية
خمستاشر شهر..القانصة فيها خلية
ظنيت بعد سبتمبر..انكتبت ارهابية

...........................................................................................محمد السيد


لمكان السدار دايما بسوقني احساسي
اتقريفت بدور اتكيف اعدل راسي
بصحبة كرام كلامم موزون راسي
اتناسي البعاد وتضوي لي أماسي  
                   
عنيدة


حبابك مك عنيده وفى المعادن ماسى
وكيفـك ضمه واجب وليك دوام بنواسى
وزن الكلام من فيكى جانا مواسى
جانا مأصل الموزون صحيح وأساسى

منصور

نـوّرتي الديار عنّـود وجودك أساسـي

نضـمك في الكلام دهـبي وقصـيدك ماسي

أستاذت البديـع تربيع بيانـك قاسـي


لي جـيتـك نجـيب خيمة وزهـور وكراسـي

ودالشايقي


من رقراق عسين كاحلاني ما كت ناسي
الا البردلوب جالوصو رخرخ حاسي
واتجلبطنا زيين..ما بين حنين وماسي
واللوعات مترمه والعشق بيواسي
كان شغلا نضيييف

بهنس


مك ناسى للمدعوج كحيل أنناسى
شارق روحى ريدو عليهو جاذب أنفاسى
متل الصيد جمالو ومتلو دايما قاسى
فاقع لونو هادئ تقول نحاسا فاسى



منصور  
                   
صنه عجيبه..تاني اتكشكشت اجراسي
طيرة الحب محلقه لي بي فووووق راسي
طرطشني الجميل ومقاسو لاقى مقاسي
بت ذي جرحه..او..لبدة غزال مكناسي
وشتاي فيها صيف

بهنس


متل الغزال صبوهو لى فى شاسى
شالت نومى سلت من ضلوعى إحساسى
أنا فى الغرام مانى الجهول شماسى
إلا جمال عيونو على شاطب راسى


منصور
في الدبه الدبيب لقط المسولب وكاسي
في جوبا والطبنجه الهنضبت احساسي
خلعتنا النهود وجنينه جنها راسي
في نمولي انبرشنا دواسها لاقى دواسي
يابلدي الحريف  
                   
بهنس

في كسلا الكسيلان ناشط الوسواسي
مسند من حرير بتكرفسو الانفاس
مخرته عنقريب بقجة دلع عواسي
والعوم دون بحر..بيطفش الهلواسي
واستغفر الله العظيم

بهنس


كسلا يامدارمانى منها ناسى

ناس دقنة..... ناس اوهاج الغراق الساسى
فايض قاشها وجبالها حاضنة الولى العباسى
وكسيلانها وقت العوقة يوت دواسى

اها كيف ياراستا  
                   
Aisha Hommaida


كسلا حبيبه كيف ياستي كسلا مراسي
فيها اهل صلاح جد برضو فيها قواسي
سرراب فيهو عشقي اتقطع الاوراسي
مقيل في السواقي ولوري اعضاي شاسي

والراستا الصريف  
                   

خرتومنا القبيل جيناهو تكس و بكاسي
لي رفاعة الشرق الضاجه بالاجناس
مكتول بي الجمال مجنون مدروخ راسي
و زيي كتار خلاس الصلي و المراسي  
                   
ودعدلان


السين أمبهل رسم الكلام بهناسى
عدد للمدن فطاها ديك تنقاسى
من حسن الظرف بعرف خلوق جلاسي
أمو من الشوايقه وأصلو أظنو جلاسى



جلاس الأول من جلس يجلس
وجلاس الثانيه المدينه


منصور


بهـدلني العشـوق كتّـر علي وسـواسي

شـارد فكـري (ودعدلان), ضـربت خماسي

جهجهـني الرزين طبعـه ومـروّق وراسـي


بهنـس, فزعـتـك, نـادوا الطـبيب الآسـي



ود الشايقي


شن بتقولو في فرتاق بيوت واعراس
هدمها صبا ذي برق البطين الماسي
حرم ماني واقف,لمبه ولعان كاسي
جنها لاقى جني,مراسها لاقى مراسي
يالجنس اللطيف

بهنس









                   
 
                   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء أبريل 08, 2014 9:59 pm


زى سهيل النجمه لادنه والفريع مياسى
غرقت القلوب ما حداها زول غتاسى
الناس فى الحزن دايره اليجيها يواسى
دايره أهل الزكر ماهو الغفول الناسى


منصور


بندور الركوب للصيد نشوفو يجينا
دايرين الخلاء المرحاتو فوق وادينا
يا بهنس تعال شد السروج ودينا
نلحق يمهن راتعات طلالهن زينا


منصور


غير الصيدركوبناهبوب وصهوه حنينه
فرسان الهوى الشعباط واعصار نينا
واذكر في الضلمه فقدنا لمبه وفينا
هبيش في الضلام لمن تضوي رتينه
مكابسه ذي عزيف

بهنس
متل المهره والبهم اللبون بحداها
من عينيا غزت فوقها مابيه ختاها
يا الماسك التتك لا بد تتخطاها
كان ناكل قرض أرعاهو ضمه جناها



منصور


مرض حامد اكيد ياالشايقى ود العم
امضغ ليك قريضة وغنى جر النم
روشتات الطبيب راستا اخوك سمحة خاتية الذم
ونادهة الاله الكريم يشفيك من الهم
يعلى مراتبك ويسقيك من زمزم
بس اوعاك من نصيحة شيخها يوت ابلم

Aisha Hommaida

مرض حامد حميد لو حمدو تم ولم
يحمد فينا نار لقيانا فينا عدم
والحامد الكريم محفوظ كما المنجم
وحمدو الليله في بطنو وحمدنا لزم
اهه المرض اليطيف

بهنس


تحياتي

من قام صغير ما جاب كلمة ضالعة

ضحك اتبرسم وكت الحبش جات طالعة

وكت الشوف بشوف والقلوب متخالعة

صدرك زحمة النار أم هبوباً قالعة

....

سلاماتي

يا حليل زمان وقتا البناقير عندي

جمالي مشنتتات يخدمن الفي شندي

بعد اصبح مفلس وعاد الجرقندي

يا معشوق متين نتقلد في الهندي

...

الف شكر

ليل الغمة هود والبروق اتلالن

دموع الوجعة جن زي السحابات شالن

ملن قرب العيون لكنهم ما سالن

مو من قلهن بس في الوجوه ما خالن

ملاذ حسين خوجلي


ملاذ السمحه ذي قمحة ربيع المندي
كيفك يانصيحه وكيف لسانك يندي
ذي عنب اللبانين وريحة الجوز هندي
زيديني النقيف اسمع انا الجربندي
يابت ياوريف

بهنس


ليلا مرصع بالحنين يلمع دمع
وجه البنات والريح تتندل في الشمع
الطوف مطلوح وموج بيفرد وينجمع
ليلا يصن..فيو بلعة الريق..تتسمع
ليل في خريف

بهنس


كل الود:

القلب القبيل فيه القواسي انشالن

الهينات زمان كبرن عليه اتعالن

ردفن المآسي وللمواجع كالن

كان بحمل كتير على ( الا ) المراير طالن

..

مع التحية

يا السوسيو بشوفك ليك دور بتوق

تصنف عن علوقك وتابى ليهو تضوق

غير تعباً يجرن قماقمك روق

نقر في قلبك المنع البصر ما يروق

ملاذ حسين


حافي وراك مشيت..والحسكنيت سجاده
غيلان الالم جو..واكلتهم لباده
غمران فيكي نمت صحيت بغير هواده
حزنان كت حضنتك..واتخلقتا سعاده
حي حف الحفيف

بهنس


يا باشة عموم الفي الحكم بتدول

فتيهو الشباب القام جديد واللاول

الخلاهو يا ام ريد المرض بتحول

كنت بضيفو لي جرحي المنوسر طول

ملاذ


يحندكن القلب كم يلبدن من زول
غزالات عندي فيهن طب ولي قبول
الله يحندكن الحندكني ذهول.. ..
محبات النساء والمسك من حب الرسول
اشرف شريف

يابت ياملاذ شوفيني حظري اتجول
بين وهج الحدايق والرحيل بتسول
اشحد في الشجر..جنيت وعقلي اتحول
اكلي النيم رقادي هميم وخبري مدول
اهه كده كويس?

بهنس


اهلا بي كرام الاصل والمصدر
ليلي طوول وزماني بي غدر
مستعجل بقول وصية تتصدر
شوقي تبلغيو لل(معز حيدر)
..................................................................................
محمد السيد


تحندكن القلب تايهات كما الاقمار
وضمه عرق جسيماتكن دواخ ودوار
وفي قلبي الاجار مليون جحا ومسمار
وما ركب الركش ود الرضي الشعار
وكان احرف حريف

بهنس


تحندكن القلب بي لطف ناذي شعور
وفيكن جنه او عفريت عسل مشهور
براكن ومااابراكن..الا بوح محضور
وقلبي خيال مااته ومرتبط بطيور
حيرتن لفيف

بهنس


تحندكن القلب وانا في فرنسا برايا
مشتاق لي مغارزكن تمر بحدايا
ياقاسيات وبنساكن وبمشي نكايه
فيكن للعجم مهرات جسومن ايه
والعجميه نيف

بهنس
كتب فيصل المفتاح عندما تنادى أفراد الإقليم الغربى لتناول الفطور دون جيرانهم من الأوسط ودون إعتبار لحديث الرسول (ص) ليس منا من أمسى شبعان وجاره جائع) فجادت قريحة شبل من ضرغام فكانت سجيل فيصل المفتاح خمسه مربعات خارقة حارقه.....



يوم جابو الفطور جات الخلوق متلمه
وأتحوشوا الجميع ناس جوع قلال الهمه
جنيات الغروب نكرو الجوار والزمه
ورجال الوسط أسدا بعاف الرمه

فيصل المفتاح


عزيز فقد الكبار قول ناس خليفه وعيسى
وفوت (صديق) ترك داركم عديمة ريسه
يا ناس الغروب أوعوالفساله نقيصه
والمره داخله للنار العديل فى كديسه


فيصل المفتاح


(مروان)القبيل قايلنو راجلا فارس
و(أسامه)الهميم فاكرنو واعى ودارس
(غيدا)وزولنا (راضى)الكان بتم الناقص
بس قالوا الفهم تب ما بتمو مدارس





فيصل المفتاح


من الفول خلاص أرتحنا والطعميه
والشاورمه ذاتها وبيرقر الغربيه
يا صديق أرح لى هاشمى عباسيه
ود إدريس حليلو الكان بيكفى الميه


فيصل المفتاح






_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء أبريل 08, 2014 10:08 pm

كعب الزول وكت ينسى ويهمل جارو
وشين وكتين إنشغل عن الكرم بى هظارو
دحين جاكم هجايا حار صعب إنكارو
ودا الشئ البخلى الزول يسيب سمنارو




فيصل المفتاح



جلسات مغربيه والبرش فارشنو
للجار والسبيــل حلفنا مستننو
عيب النسي تاريخو وزايغ عنو
كعب يوم يسوي شي ويدنقر منو


.......................................................................................
محمد السيد


يا بت أبوها ملاذ ونظمك حالى
زى عسل الجوافه بعشرقنبو أحوالى
لحويه فى الدوبيت ومترك غالى
بلغى أبوك سلامى وصليهو سؤالى


منصور  
                   

يا بت أبوها ملاذ ونظمك حالى
زى عسل الجوافه بعشرقنبو أحوالى
لحويه فى الدوبيت ومترك غالى
بلغى أبوك سلامى وصليهو سؤالى


منصور  
                   

هــذه بالإيميل


من أخوكم ألقارئ المحب لكم

مدثر سعيد,




Quote: الاخوة الكرام

بعرفكم ياكم اولاد البلد وبس


ما اكتر من كدي

مبسوط بسط شديد بيكم


ولقيت لي شئ جميل في المنبر


وربنا يمد فيهو






يازول ما حرام الحول يحول بي حولو

لانسمع سلام لا قول عتاب بتقولو

مالك شن حصل دا الباب قفلتا طبولو

الدنيا ام قدود اشغالها ما بيزولو

ان كتر الرصيد الزول يخابر زولو

وان قل الرصيد يكفيك بس مسكولو

وبيناتهن وسط خط الجواب بي طولو

وظرفو في الرسالة في لحظة يبقى وصولو




والسلام


مدثر سعيد نظمك منمق جانا
زى نظم الجواهر ضمه مره أشجانا
دايما كون قريب ما تفوتنا ماتختانا
دايما جيب كلامك ختو ذاتو معانا

منصور  
                   

بي جيتك السعد معقود والبشارة دثارة
ورسالتك وصلتنا فرحت بيها كل الدارة
من طلتك كتر وزيد ماتبقي متل المارة
املناالزمن يجمعنا يوم نركب الطيارة........................................................................................
محمد السيد
انا من ما ذرتهم زمان عندي فيهم راي
بس كنت فاكر الموضوع سوهو معاي براي
ناس في الجود و الكرم و الله لا فهم لا راي
كيف يافيصل تلوم زولا بس في الكلام براي  
                   
الناظر


انسي النساك وزيد في ناحيةالغربيه
ويالناظر حبابك تشرفنا في الشرقيه
من المطار نلقاك فرشناالورد أرضيه
وجاهزين بالطعام من ضلعه لي طعميه

محمد السيد


شن طعم الفول و كت الزول بياكلو برا
و شن طعم الدروس مادام الدرس ما ورا
لا شافـلو ضـيفا لا عابر سبيل سـرا
العايش في الجوع و الفقر ما في زول برجا
من ما قام خلق في اكلو ديمه برا

الناظر


يا الناظر سلام مالك بتنضم ساهى
والفول بالخراب أنساهو طب بالله
ناس فيصل هناك حالين أمورهم باهى
خلو الكسره تب خلوها مره مقاهى



منصور  
                   

بعد تقديم

الشكر لأخوكم الاستاذ

مـدثـر سـعيـد,



شوفوا النـم الصـح,


انت القبلي لاح حاشاك ماكا تخاية

وانت الفي الدواس قدام وشايل الراية

انت القمرة يوم تطلع بدر ضواية

وانت شمسنا في ساعة الغروب كيف آية  
                   
الشايقي


الى ود حبوبة الجسور الف رحمة ونور:

قلبك مو لحم من الدبادب طاير
صنديد عركة الوقعة الخيولا دماير
الموت ياعشاى كاساً داير
سماحتو عليك متل نورة العريس الساير

Aisha Hommaida

نواصـل مع الأخ مدثــر سعـيد,



يا منصور اخوي رجع علي تنقاسي

ود ادريس هناك زولا محنك وراسي

ود عدلان وجامع هم ديل حراسي

وود الحاج ابوي بيهو بيهون القاسي

يااا ربي ارْحَمُنْ واحفضني من وسواسي


يستأذنكم أخوكم


الاستاذ مدثر سعيد في الغياب إجازة

يعود بعدها إن شاء الله للمسادير,

-----------------------------------------------------
----------------------------------------------------

يا الشايقي السلام من نيلنا ليك نِسيْمَة
وود السيد ابشر ياني المصنقر ديمة
منصور اصلو نضمك العجوة حاااالي طِعيمَة
وانا شايفو الكرم الفي طبعكم شيمة
خيمتكم براح الصحرا ضلها غيمة

ساغيب عنكم لزيارة الوالدة قليلاً

في وداعة الله خليتكم بشدو رحالي
مستأذن بروح للبيها مشغول بالي
لي بت الحسن كان ربي يستر حالي
اصلو عفوها مطلووووب شان تتم آمالي
وكان جيت بي سلام بسمع نضمكو الحالي


ونتلاقا في ساعة خير

يا الباشمهندس سلام ان خلاص نسيت السالفه
والكلام الذكرتو و قلتو لي خلاني مسحت الذاكره
المتلك فوق حيا او فوق محل امورو جد متواسيه
دعوتك لي حبابا و بجيك ولو بى كراعا حافيه

الناظر


يا سيد القلم ياني يوت مأمورك
من شيل التقيل قيح جرح ناسورك
اديني الاذن مفتاح تزيدا أجورك
زاد الشوق علي مفتاحنا باهر نورك  
                   
بخاري



يا ود البشير وينك.. لي زمن نورك
وفاقدين طلتك فاقدين شذاها زهورك
وات عارف تمام قد ايش انحنا ندورك
وان تقلت كراعك.. خلينا نحنا نزورك

نشات الامام


يا ود البشير وينك.. لي زمن نورك
وفاقدين طلتك فاقدين شذاها زهورك
وات عارف تمام قد ايش انحنا ندورك
وان تقلت كراعك.. خلينا نحنا نزورك


نشأت بالقدم يلاك نشوف أخبارو
داك ود البشير راوى الحديث وأخبارو
إن نجر الكلام موزون بغنى كنارو
وإن جال بالفريق ضماخه فايحه أزهارو


منصور  
                   
يا سيد القلم ياني يوت مأمورك
من شيل التقيل قيح جرح ناسورك
اديني الاذن مفتاح تزيدا أجورك
زاد الشوق علي مفتاحنا باهر نورك

مأمور إنت فوق وأنا من بيادة دورك
وشيلا للتقيل مخبوربو جملا هولك
بابك إنت فاتح ونحن نحبا نزورك
وشوقاليك مجكن فى القلوب بندورك


: يا الباشمهندس سلام ان خلاص نسيت السالفه
والكلام الذكرتو و قلتو لي خلاني مسحت الذاكره
المتلك فوق حيا او فوق محل امورو متواسيه
دعوتك لي حبابا و بجيك ولو بى كراعا حافيه


الليله البروق يتاهتفن بي سيرتك
والفرح الاكيد عمانا جد يوم جيتك
شتلات نم بينا وشجر المحنة سعيتك
الكع تعال ومفتاح يكون في معيتك

.....................................................................................
محمد السيد


الليله البروق يتهاتفن بي غادي
بدونك ليلي طول وزاد علي بعادي
من غربه وشتاتاالكل صبح متعادي
دعيت بالكريم يجمع شملهم اولادي




لا تسأل ماذا قدم إليك الوطن ولكن إسأل ماذا قدمت لوطنك
وياوطني دم بعزة من وهب امجادي
..........................................................................................
مواطن


الليله البروق يتهاتفن بي غادي
بدونك ليلي طول وزاد علي بعادي
من غربه وشتاتاالكل صبح متعادي
دعيت بالكريم يجمع شملهم اولادي




الطير فوق خمايلو طروب بغنى وشادى
والوز فى جزايرو الصيد مساكنو الوادى
النيل فى الخصر حاويها ضمه بلادى
والشوق ليها فوق يجمعنا فيها الهادى


منصور








_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 11, 2014 8:17 am


ود السيد اخوي بتمنى ليك حياة صافية
وبنرجع أكيد وبنصافي النفوس الجافية
ود المفتاح يمين بجيبو كان لقيت العافية
وبنجلس معاك ونسولف سواليف البادية

الناظر


منصور اخوي فى الصورة انت تلالي
من زمن طويل راسم الشكل في بالي
و متمني شوفتك عشان تشوف افكاري
ود السيد دعانا انا رحبت بيهو طوالي

الناظر


يانشأت يمين تبقولي انتو زهور
فائح طيب شذاكم فاق شذى الريفدور
بـ "حلو" الشمايل انتو باقين نور
وفي نظم القصيد حالي النميم منثور

///////////////////////

ود منصور سلام ات في النميم مزمارو
ما بنجاري وصفك وما بنطول أسوارو
المسدار انشرح واتبهرجت أنوارو
زيد النمة ولع لـ "لهالب" نارو

/////////////////////////

يا المنصور يمين أصبحت يوت مبهورك
من حلل القوافي الفيها غايرة بحورك
"زلقيبك" بعيد بنهابا طلعة سورك
وإت شيال تقيل مسدارنا قال "منصورك"

بخاري


ود منصور سلام ات في النميم مزمارو
ما بنجاري وصفك وما بنطول أسوارو
المسدار انشرح واتبهرجت أنوارو
زيد النمة ولع لـ "لهالب" نارو




المتلك قلال خبرو الصقع ما بدارو
خبرو جرى الكلام ديدابو يوم حارو
راوى الحديث ساقينا طايبا أشعارو
وإن غاب فد سبوع نشاباليها أنوارو


منصور
يا المنصور يمين أصبحت يوت مبهورك
من حلل القوافي الفيها غايرة بحورك
"زلقيبك" بعيد بنهابا طلعة سورك
وإت شيال تقيل مسدارنا قال "منصورك"


ويوت يا ود بشير المولى فاك ساجورك
وجايبك لينا شايل من ثمار باجورك
الكل فى النميم مديون اليك ماجورك
مأمور إنت أطلب ونحن نقضى إمورك


منصور


متل بندقكم إن شاء الله طايشه النيشه
وقول يا لطيف ما تحرمنى من العيشه
يا ناظر الهنود ما تبقى زى الريشه
حالف كان نجيت بدفع لى كم باكشيشه



منصور


منصور اخوي فى الصورة انت تلالي
من زمن طويل راسم الشكل في بالي
و متمني شوفتك عشان تشوف افكاري
ود السيد دعانا انا رحبت بيهو طوالي



متل بندقكم إن شاء الله طايشه النيشه
وقول يا لطيف ما تحرمنى من العيشه
يا ناظر الهنود ما تبقى زى الريشه
حالف كان نجيت بدفع لى كم باكشيشه



منصور


قلبك مو لحم من الدبادب طاير
صنديد عركة الوقعة الخيولا دماير
الموت ياعشاى كاساً داير
سماحتو عليك متل نورة العريس الساير



ودحبوبه فارس الحوبه أصبح ثائر
وأصبح فى الدروع متل المجرتق ساير
جبل المعضلات غاص فى الجزاير غاير
ثابت أخو البنات طارى أم رشوم وضفاير

منصور


ود مفتاح أخوي من السلام جاييكا
يا حالي الكلام نظمك تقول مزيكا
شاحد الله الكريم زي نيتك يديكا
وبي خيره الوفير دايما يكون جازيكا

امين عمر

ود مفتاح أخوي من السلام جاييكا
يا حالي الكلام نظمك تقول مزيكا
شاحد الله الكريم زي نيتك يديكا
وبي خيره الوفير دايما يكون جازيكا


حباب السلام وأنا من زمان طاريكا
ماخدنى الزمن شاغلنى فيها أمريكا
رب العباد من فضلو إنت إغنيكا
يات ما تدور تشوف فى الدنيا طب يوريكا


منصور


ود مفتاح أخوي شن ليك فيها امريكا
وأرض النيل هناك شفقانه ديمة عليكا
ارجع شوفها كيف من حنها بتديكا
و الأسمح شنو ؟ ( بيرغر جداد و لا ويكا؟ )

امين عمر


مفتاح أخوي شن ليك فيها امريكا
وأرض النيل هناك شفقانه ديمة عليكا
ارجع شوفها كيف من حنها بتديكا
و الأسمح شنو ؟ ( بيرغر جداد و لا ويكا؟ )



مانى بطينى لكن عاشق التمليكه
ومانى من الشوايقه وديمه ظاعط ويكه
أرض النيل عظيمه أكان بتحلب ليكا
ليها موقى زاحف لى ربوع بامسيكا



منصور
عاشق للبليله وزيت سمسما البلهيكه
عاشق للعجايز فيها من يسليكه
أرض النيل مبشره كان لقت تحريكه
ما بدور عيالا شنقلوها الريكه

منصور


تسلم يا الرزين سيد الكلام الزين
دي المحرية فيك عشق البلد و الطين
ارض النيل دي فيها جدودنا و الوالدين
و نايرات الخدود سارحات كما الوزين

امين عمر


تسلم يا الرزين سيد الكلام الزين
دي المحرية فيك عشق البلد و الطين
ارض النيل دي فيها جدودنا و الوالدين
و نايرات الخدود سارحات كما الوزين

فى ذرات دمانا بتلقى فيها حنين
ومو مجلوب مقلد أصلى من الجين
أرض النيل عشانا الغالى ليها بهين
وكان نادت تجيهاأرواحنا داقت الحين



منصور


وارثين للثبات من دقنه معروفين
ومن أبوعنجه قلاب الخيول ماخدين
ناس ودالنجومى اللشمال زاحفين
وناس أبوقرجه زى موج البحر دافرين



منصور


وارثين السعي وفي الحارة متكاتفين
ممالكناومحاسناوعمومابيها معروفين
وليداتنا عزيزين شان وفي سلوكم دين
وسماحة وطيبة وفي بيناتنا محترمين
..........................................................................................
محمد السيد






_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 11, 2014 8:28 am


وارثين الشداعة من اولاد على الكرار
اسودا في الحروب فيها بنخوض النار
شـيالين لتقلية وكمان نساعـد الجار
بنساند الضعيف و الله نبقى ليه ستار

الناظر


وارثين الفضل مأرخ عن صدق أخبار
جدودنا ملوك عبدلاب بكاتلو النار
وخصائلنا عامير نفس وعلا المقدار
ومنوالبنكر شموس وآثارا يالكفار*

يعلو طريقة متنها متواتر في ليلة كفر* النجوم غمامها(عن معلقة لبيد بن ربيعة)
........................................................................................
محمد السيد/حلفاية الملوك

من ما قمنا فوق ديداب جدونا و اهلنا ماشين
حافطين للعهود ما ملينا و فضلنا متماسكين
فى التاريخ القديم واصلنا و ما ذلنا متواصلين
كانو رجلا اصاحب علم, للدين كمان حافظين

الناظر


ناظرين نظمك والصبر شبرين
ضافي كلامك ومابتخبر الشين
وصال رحم وكان دعوك بتبين
قول يالله نتلاقي في الحرمين

محمد السيد


ابشر يا الأصم يوما بجي و راح ترجع
و للناس الهناك شوف عين تشوفهم و تسمع
ساكنات الخدور أمات خديدا بلمع
لا بد من تشوفهن و من حلاتن تشبع

امين عمر


دولاب الزمن دايما بعيد تاريخو
بعزل من كرام ألبل تويسو بنيخو
البلد العظيم هاويهوى داك بتيخو
هاوى شديد هلالو وهاوى داك مريخو




منصور
فيك يا امدر حبيبة قلبي عز مقامنا
(عباسية) فيك قضينا أحلي أيامنا
أمبدة القديمة الثورة فيها أعمامنا
لمتين يا كريم نرجع نشوفه مرامنا

امين عمررجـع أخوكم مدثر سعيد بالسلامـة


من رمال تنقاسـي وأرسـل لكم المسدار محفوفاً بعبق الجروف ونسائـم تعانق النخيل,





Quote:

دولاب الزمن دايما بعيد تاريخو
بعزل من كرام ألبل تويسو بنيخو
البلد العظيم هاويهوى داك بتيخو
هاوى شديد هلالو وهاوى داك مريخو

منصور




لما النسمة جات من نيلنا شايلة دوايا

من شوقي الشديد للنارو حارقة حشايا

كيف يبرد حشاي وقليبي صاح جوايا

حت موية البرود إن مِتا ماها كفاية

ما بيبرد حشاي الا اللشوفو حدايا

شوف عيناً عديل لا حلم لاهو رؤايا



و عوافي للجميع دون فرز


مـدثـر سـعيـد,


برسل سلام لي تنقاسي من السكن حلفايا
وفي شتلات جروفنابحكي فيهاالف روايا
كيف امست بعدنا وكيف صبحت الضوايا
لو مالزمن ضيعني كان لي معاهاحكايا
.....................................
محمد السيد

جنيات البلد أوعولنا وأختو اللف
ونضفوا للقلوب واختوه داك السف
شبال الطنابره المن وجيهن كف
والقلب إن ظلم من المودات جف


منصور


بعجبناالكلس في خصالو الكرم والعفه
مابتعجبنا البقت شبه الوليد اب تفه
والبقي زي بنية غيبنا فوقوا العرفه
وكعب الظلم نفسو وبدي السفه بالسفه
.....................................................................................
محمد السيد


الرد من الشاعر مدثر سعيـد,


مرحبتين حبابك ود ملوك ومأصـل

شد سرجك تعال في الحين واوعاك تكسل

ما بهـم المضـى الانكسـر بتعـدل

بتلقاها ام خدود ضاوية ومشيها ممهـل

ياها بلدنا من تبينا نحن وقمنا

ما بتجفا الجفاها ولا الحنان تحرمنا

لو طولنا غـبنا وكان غـرق مركبنـا

يوم نرجع بنلقى صـدر رحيب يكـرمنـا

وكان قنبنا فيهـا كان نصـحـنا وطبنا
الشايقي

شوف يا الشايقى حيلك نحن ما بنقصر
ونكرم من طرف غير من يكون مدثر
من تنقاسى شايل جاوه مو متكركر
وفوق روسينا أقعد لابنضيق لابأسر


منصور


مغمور فرح ترحيبو لامن يوصل
بكريك وبكريك بكري لو تستعجل
الخبر السمح ومنانا لامن يحصل
مدثر سعيد بسراع عندكم يتسجل
.....................................................................................
محمد السيد


المنصور دوما
جئت للتحية و السلام وعساك بخير وكذلك الوليدات

دمت
فتاح عرمان


ود عرمان حبابك فوق فريقنا معدى
ومرحبتين حبابك هدى ترسك هدى
فاعل المكرمات ماسك قضاياك جدى
أبشر يالعزيز ليك منى خالص ودى



منصور


البلد القبيل هدوهو قالوا همج
بندور نشوف ميسرتو تبقى خمج
ما بندور حريمو إتلفحنبو قنج
بندور خير قديمو الورثوهو عنج



منصور


يا سيد المسادير حوشنا منّو غفلنا
سكينا السياسة وبيها إتشاغلنا
بقينا نجيهو طوفة وما بنسّوي مهلنا
قبيل في البورد هادا اكان دا ياهو اهلنا

ود عقيد


فكوها السياسه الظيطه داك بهدلنا
وأرمولنا الهلب برجوبه فيها وحلنا
وديان القنيص صيدا البجول حللنا
زاكرين للإله فى شانو كم هللنا



منصور


إلى نادية في عيد ميلادها


ميلادِك ربيع شهر الربيع ميعادو
تهب نسماتو منعشة والزهور هي مِهادو
النوروز يفتِّح وتنتشر أعيادو
مهما يزيد جمال، قطعا جمالِك زادو

ود عقيد


دى التاسعه بعد التانى عقدك دابو
يا خروع كبور جالب النسيم هبابو
متل المنقه فوق أغصانا ليك إتشابو
عيدك عيد ملوك مبروك عليك حبابو


منصور




Quote: دى التاسعه بعد التانى عقدك دابو
يا خروع كبور جالب النسيم هبابو
متل المنقه فوق أغصانا ليك إتشابو
عيدك عيد ملوك مبروك عليك حبابو



ياسيد الشباب ليك الحسان يتشابوا

راجلا جد هميم ماسمعنا زولا عابو

حرا ماك خسيس قيد الادب ترعابو

بيتك بيت عمار مابنرضى نحنا خرابو !!

نادية عثمان


شمعة علوم نايرة ديمة تضوي
حقانية ميها للحقيقة بتلوي
مشاركنك فرح عماك حدا علوي
وعقباليها يوم تعدي المئوي
محمد السيد
ضيق الصدر ماكنــي والراس عليو غمه
صعب حالــي لامن انا وجلدي مابنتلمه
متين أرجع نرش حوشنا نتونـس وننجمه
وياأمي اشم توبك واحضن من ابوي عمه
........................................................................................
محمد السيد


أخدر دربك على والديك بالهمه
وبى دوبيت من الوجدان رقيق نمه
تبسطك قعدت الأخوان والخالات واللمه
وفوق هباب من الحنقوق بتنجمه



منصور


تحاح فى الهجير يا ابوفقره ضهرك بارد
طالب أمات فصيد ماك المخازى الشارد
ساعات بالعداد فوق صوبن منشن وارد
طارى القرمصيص حارق الفؤاد كم هارد



منصور








_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد أبريل 13, 2014 3:26 pm

[fتاكيتو بابكم وبالركيوه رقدتو
وقدحتو فايحه ساكت وإنتو بيهو فسلتو
البن بالخراب فوق بوخو إنتو كتلتو
مو مال من بكار قانصين تبردو تلتو



علي بابك الــي مـاشا الله انت كتبتو
مابتعرف فساله وحت جيبك عدم عقربتو
فنجري وموهيلك المـال التعبت وجبتو
يوم تعزم تكفي كل الماري حد عنقرتو
.............................................................
محمد السيد

نور بت الجبال عاقلة وهدية رضية

بت زى الدهب ماشفنا ليها اذية

مرهفة كالنسيم وساعة الشديدة قوية

أحب انا كلو عادى ونور تكون عادية !!  
                   
نادية


مرحبتين حباب منصورنا سيـد التايـة
أب صقعن بسر بنخدمو نحــــن حفايـا
إن قام للقنيص جبخان طـرش دودايـة
وإن جاد في النميم موية غمام سقـايـة

/////////////////

قلعــات الزرق سايقلي فيـها بــكار
قاصد دار أخوي مفتاح أنيـًـخ تــار
وكت بعد الدرب والدنيا زادت النــار
منصور أبقى قربي أخوك صحيح محتار

////////////////

نادية اسمك نادية وتاني نادية حروفك
وبيت منصور يزغرد بالقصيد ملهوفك
ياك ست الكلام وبالنمة زاهية جروفك
ما تفوتينا يا الربعة نتمنى ديمة نشوفك


Quote: نادية اسمك نادية وتاني نادية حروفك
وبيت منصور يزغرد بالقصيد ملهوفك
ياك ست الكلام وبالنمة زاهية جروفك
ما تفوتينا يا الربعة نتمنى ديمة نشوفك  



افوتكم وين أقبّل وانتو ناس النم

عشا البايتات حبابكم شلتو عنى الهم

بخارى الجيت تبشّر بالفرح ينتم

وحاتك مابسيبكم انتو جوّة الدم !!  
                   
نادية


نور يا ناديا أميره وبنت مكوك معروفه
ملكه وبنت ملوك راضعه العلم مكلوفه
الناس من جميع تتشابا ليها تشوفه
راسيه مؤدبه السلطانه مى ملهوفه


منصور  
                   

الحجو شنبسوي يوم الرعد قال كلمو

والجعجاع من قول لسانو بكتر همو

حشاش الدقن حت مليارو عاجز يخمو

وكعب البدي المشوار وغالبو يتمو


كعب الكعب كعب المودر يمو
كعب الفسل من جارو بدفن دمو
ساعات الضيوف زى الدبيب بى سمو
لا بكلف صليح لا حالو مره بهمو


منصور  
                   

4shared.com/file/1072158/e7d83648/Dobait-Wad_Abas.html

المنصور اسمع اخوك قيسان جاب شنو!!

ود عدلان


كعب الكعب كعب المودر يمو
كعب الفسل من جارو بدفن دمو
ساعات الضيوف زى الدبيب بى سمو
لا بكلف صليح لا حالو مره بهمو


كعب البكاتل بالكلام سجم امو
كعب البتاكي الباب و نورو يلمو
ساعة ضيوف الهجعة زي حبات الفريك اتلمو
حرم زولك اندس في ضهر بت عمو

ودعدلان


أفو الخيبه واضحه واللسان ساد فمو
وارث للبخل عايفاهو ديك بت عمو
الفرض العديل حاشاهو يوم ما بتمو
والسنن المؤكده لو سمع بتغمو



منصور
أفو الخيبه واضحه واللسان ساد فمو
وارث للبخل عايفاهو ديك بت عمو
الفرض العديل حاشاهو يوم ما بتمو
والسنن المؤكده لو سمع بتغمو

خاتيا الشكره ما ضبح الكبش بي دمو
خاتيا الشكره ما طرح الوشيش من همو
ساعة الرجال لي كرم الضيوف اتلمو

من وين حارسو الضبح صداد الضيوف مو عمو
من وين سمع البغنن فوقو بالخيرات قبايلو إنمو
الزول الفسل ممقوت طبائع وديمه رمدان نضمو
ما شاف كم كباش مضبوحه لللضيفان وقابض عضمو



منصور  
منصور المسك فايح فسيحة ديارك

في حضرة مني واحمد تشيل شبالك

ومرحبتين شقيقنا جمال وصل مرسالك

ود السيد اهلاً ربي يفرح حالك

ولي تنقاسي ترجع شان نرد افضالك

مدثر سعيد


من فكّرْت اجيكم وطلبي ليهو كتبتو
لا باب انفتح لارد سلامي سمعتو
ليه خليتو مسداركم رحلتو وفُتو
وين روَّحتو وين دورين ودوراً غِبتو
ماليْ, كراعي حارة ولاّ انتو بِخِلتو ؟

مدثر سعيد
ردالسلام بزياد واجب عليّ بقولو
عتب النظر والشغل بقيت محمولو
العشم فيك يلقي اعتذاري قبولو
في طلتك فرحه عمت كياني بطولو
........................................................................................
محمد السيد
مدثر سعيد مرحب حباب الجية

يا ود الاصول ال في قديم مطرية


في ساحة الأدب حوام صباح وعشية


والمنصور فرح بجيتك المحريـة


ود الشايقي

جيناك يا ود مفتاح بالقول الجميل أشجينا
قول خصال الأهل السمحة ، البيها نحن ربينا
قول الكانوا كرام ، والماسوا شيتاً شينة
سو نمك عديل فرجنا نحن الفينا بكفينا


صديق رحمة


منصور البديع ود الكريم مفتاح ..
يا صندل مبخر عطرو بقه وفاح ..
يا جرتق سعد بيك دامت الأفراح ...
مسدارك أريج بقجة مسـّك فوّاح ...  
                   
ادريس محمد ابراهيم
المسدار محتفل بيك يا الخليل مرتاح
وتوبا من حرير لفاهو ضمه وشاح
جيتك فوق حصان فوق شانو عوى سلاح
ويا الفارس النبيه يا الشاعر اللماح



منصور




Quote: المسدار محتفل بيك يا الخليل مرتاح
وتوبا من حرير لفاهو ضمه وشاح
جيتك فوق حصان فوق شانو عوى سلاح
ويا الفارس النبيه يا الشاعر اللماح


يا ضيّ القبيله الفارس الضحضاح ..
ود عز الرجال أصل الكرم منداح ...
يا الشاعر الأريب بيكا المعاني فصاح ..
تسلم يا اللبيب نبع العلم نضـاح ..  
                   
ادريس




حاشاك البُخُل ماكا الضنين شحّاح

غبتا وجبتا ياكا البلبل الصداح

نضمك كم رصين الوارثو من مفتاح

ادريس وانت اعَرْضو خلو النفوس ترتاح  
                   
مدثر


عمران بالضيوف دارك دوام مفتاح
وجيناك نحنا ذاتنا دايرين شوي نرتاح
نارك ديمه ضاويه تهدي الطفش والراح
وكلبك هازي ضنبو حاشاهو ما نباح  
                   
نشات

عمران بالضيوف دارك دوام مفتاح
وجيناك نحنا ذاتنا دايرين شوي نرتاح
نارك ديمه ضاويه تهدي الطفش والراح
وكلبك هازي ضنبو حاشاهو ما نباح


وين إنت يا النشيت سهم فى باح
وين راوى الحديث الباحش الجحجاح
طاريك يا الرفيق الفى المداين ساح
ويا الولد المصوبن ضامنه أمو رباح



منصور



حاشاك البُخُل ماكا الضنين شحّاح

غبتا وجبتا ياكا البلبل الصداح

نضمك كم رصين الوارثو من مفتاح

ادريس وانت اعَرْضو خلو النفوس ترتاح



يا الجنب المجرب للدرو رواح
ويا الدابى المبرقط لى عدوك فحاح
الشافك رجف زاغت عيونو وشاح
وياوارث الكرم واهب الثمين مناح


منصور

جيناك يا ود مفتاح بالقول الجميل أشجينا
قول خصال الأهل السمحة ، البيها نحن ربينا
قول الكانوا كرام ، والماسوا شيتاً شينة
سو نمك عديل فرجنا نحن الفينا بكفينا



صديق يا الظريف جيت بى الفريق شاقينا
جيت يا العندليب حادى الشعر شادينا
شوقا لى أم فصيد شاغل القلوب شاوينا
يا الصديق أخوى شيخنا الفضيل حاوينا




منصور








Quote: صديق يا الظريف جيت بى الفريق شاقينا
جيت يا العندليب حادى الشعر شادينا
شوقا لى أم فصيد شاغل القلوب شاوينا
يا الصديق أخوى شيخنا الفضيل حاوينا



يا منصور أخوي قول قولك ، قولك ظريف ساقينا
قولك قول نصاح يفرّح ديارنا الديمة راقدة حزينة
شيخك شيخ شيوخ نفخر بي حاواه وبجلالو يدي سكينة
يا ود المكوك ، ناس الشكرة والتقابة والبمسكو عرينا  
                   
صديق رحمة


             

الليله الفرح طمبج حلفاية وجدة لا حد عينا
جانا الخبر عقد بكري علي بت الاصول بدعينا
ود سماعين هوزز راسو يوم غني ليو شادينا
ود خالتي الكلس شان نص دينوا بعزم فينا

محمد السيد


الليله الفرح طمبج حلفاية وجدة لا حد عينا
جانا الخبر عقد بكري علي بت الاصول بدعينا
ود سماعين هوزز راسو يوم غني ليو شادينا
ود خالتي الكلس شان نص دينوا بعزم فينا





مبروك الفروح يا أولا ملوك وادينا
مبروك يالزبيح راضى الإله فادينا
من بلد الرسول بى فرحتك طارينا
ربك يكرمك بالمال وفير وبنينا


منصور يا منصور أخوي قول قولك ، قولك ظريف ساقينا
قولك قول نصاح يفرّح ديارنا الديمة راقدة حزينة
شيخك شيخ شيوخ نفخر بي حاواه وبجلالو يدي سكينة
يا ود المكوك ، ناس الشكرة والتقابة والبمسكو عرينا


جيت بالتانى والبكرى القبيل كافينا
كان صاموتى بى مسكة يمن ساقينا
ديك أهل الصلاح طالبين دعاهم لينا
يا الصديق جزم طالب الإله يرضينا


منصور  
                   



اهلي الكرام الليلة قاصد داركم

اهل الكرم والجود الديمة سمحة خصالكم

في الادب العفيف قول لي مين مسّـاكم

فرحان منطرب ختوني بس في بالكم  
                   
الخير




Quote:
جيت بالتانى والبكرى القبيل كافينا
كان صاموتى بى مسكة يمن ساقينا
ديك أهل الصلاح طالبين دعاهم لينا
يا الصديق جزم طالب الإله يرضينا




ياالمنصور أخوي كايسين رضا الإله الديمة حاني علينا
سالين الإله من عوج الزمن يعفي الأهل ويعفينا
ويدي أم هبج كوم السحابة الدافقة في وادينا
يفتق شجر الشبع وبت أم ساق البعيدة تجينا

صديق رحمة


سائل ربي الكريم يخدر يباب وادينا
ومن كرمو العميم ينشر فضايلو علينا
نمرح ننبسط ننسى اللي كان شاقينا
وبالنم نجتمع ومنصورنا داك حادينا  
                   
نشات


مرحباً حباب نشأت النمّو يضحى مدينة
ينزل زي سحاب يسقي ظمأ وادينا
ينثر كوم كلام بيهو الجمال ضاوينا
منصور وباقي الشلة عقب الجماعة تجينا  
                   
صديق رحمة


منصورنا يالمفتاح ضيفا بدور رفقتكـم

شـبعان طرب فرحان رويان شرب مويتكـم

درداق في الدروب الليلة جايي عدلكم

دربافي وارد الخير والله ياهو دربكــم  
                   
الخير


سائل ربي الكريم يخدر يباب وادينا
ومن كرمو العميم ينشر فضايلو علينا
نمرح ننبسط ننسى اللي كان شاقينا
وبالنم نجتمع ومنصورنا داك حادينا


خشمك فى اللبن مقبول دعاك آمينا
يا ترب الصلاح نرجوك دوام أدعيلنا
نمرق من درك نفرح نشيل تهليلنا
زى ورد الفقير طابقنو داك إكليلنا


منصور
منصورنا يالمفتاح ضيفا بدور رفقتكـم

شـبعان طرب فرحان رويان شرب مويتكـم

درداق في الدروب الليلة جايي عدلكم

دربافي وارد الخير والله ياهو دربكــم



الرفقه الرجال قبل الطريق ياالطيب
وراجل ود رجال أدنالنا أبقى قريب
صحيان بالزكر ماك البطينى مغيب
وماك الخازى لى جاراتو ديمه معيب



منصور




Quote: حاشاك البُخُل ماكا الضنين شحّاح

غبتا وجبتا ياكا البلبل الصداح

نضمك كم رصين الوارثو من مفتاح

ادريس وانت اعَرْضو خلو النفوس ترتاح  



مدثر مراحب مقنعاً رجّـاح

الجود والكرم أمست طبيعة الراح

للحامل السمينه شان الضيوف ضبّاح

في المسدار حبابك شاعراً صدّاح

ادريس


يا الجنب المجرب للدرو رواح
ويا الدابى المبرقط لى عدوك فحاح
الشافك رجف زاغت عيونو وشاح
وياوارث الكرم واهب الثمين مناح



مدثر مراحب مقنعاً رجّـاح

الجود والكرم أمست طبيعة الراح

للحامل السمينه شان الضيوف ضبّاح

في المسدار حبابك شاعراً صدّاح



في النايبات حديثكم مو كُتُر بتقُصْرو

والطالب حماكم تَحَجوهو كسرو تجُبْرو

ميزان للرجال العالي تحفظو قدرو

والواطي الدني الرعديد تعجلو شُكْرو  
                   
مدثر
بالخير السلام من ابوجا جانا دعاشو

طالبين الكريم فسراع نشوفو رُشَاشُو

كل زول ينكرب ينقح يخُت رَشّاشو

شان تَعَمر بلدنا زرعنا يلقى فرَاشو  
                   
مدثر
الليلة السلام نجماً سطع في سمانا

نقوى ونتحد بيهو ونغلب اعدانا

خلوها الحرب وانسوهو ماضي احزانا

بي ضو الفرح نروى ونربي جنانا
 
                   
مدثر




Quote: الليلة السلام نجماً سطع في سمانا

نقوى ونتحد بيهو ونغلب اعدانا

خلوها الحرب وانسوهو ماضي احزانا

بي ضو الفرح نروى ونربي جنانا


الشي الغريب وحيرنا في أفكارنا
في لحظة سهو مسك القلم يمضالنا
وينوا الاتر حقات جرايم أفعالنا
وحق النفوس بين ثروتا و سلطانا

تساؤل:ـ
الشي الغريب وحيرنا في أفكارنا
في لحظة سهو مسك القلم يمضالنا
وينوا الاتر حقات جرايم أفعالنا
وحق النفوس بين ثروتا و سلطانا
إستياء:ـ
يلاك تعال ونعمل أنانيا شمالنا
كان نلقي فرقة كرسي عن سلطانا
نحلف باليمين هدوها كل امالنا
نقبض العربون ونعدمو البورانا
..........................................................................................
تفاؤل:ـ
عسي وبعد الســلام والسعد الجانا
ماننسي القــري من نصيب اموالنا
مقبولة خاطرا طيب ولاجئين اوطانا
مايبقو العتب دسنــاهو باقدامنا

لسان الحال يقول:ـ
دم بالعزه ياوطني


تساؤل:ـ
الشي الغريب وحيرنا في أفكارنا
في لحظة سهو مسك القلم يمضالنا
وينوا الاتر حقات جرايم أفعالنا
وحق النفوس بين ثروتا و سلطانا


ما فيش حق خلاف السيف إقيف قدامنا
وزى ماقالو صادق من كتاب أحوالنا
ما بندور سبب فى شانوا إضعف شانا
بندور ننجمع حزمه ويبين ميزانا


منصور  
                   








_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 16, 2014 8:48 am


إستياء:ـ
يلاك تعال ونعمل أنانيا شمالنا
كان نلقي فرقة كرسي عن سلطانا
نحلف باليمين هدوها كل امالنا
نقبض العربون ونعدمو البورانا

أنانية وين عقب والدنيا فاضحه لحالنا
داك عنان إزازى وبوش بدودر جالنا
الزيت فى الأرض قاسوهو عرفو أحوالنا
عرفوا الفينا طب شربوها مويه أخبارنا


الشي الغريب وحيرنا في أفكارنا
في لحظة سهو مسك القلم يمضالنا
وينوا الاتر حقات جرايم أفعالنا
وحق النفوس بين ثروتا و سلطانا





الموت ما بنهابو ولا السلاح نخشاهو
الموت كَمُوْ هُوْ فَدْ مَرَّة يقضى قضاهو
ان درت الاتر بالسيف يمين نمضاهو
لكن الدم ما بيحقن دم ولا بيحجاهو
الزول يعقل امرو اخير يربي جناهو

مدثر سعيد
بالخير السلام من ابوجا جانا دعاشو

طالبين الكريم فسراع نشوفو رُشَاشُو

كل زول ينكرب ينقح يخُت رَشّاشو

شان تَعَمر بلدنا زرعنا يلقى فرَاشو



الناس بالحروب حيرانه لامن داشو
كملت كوتتم عدموا الدخر وخشاشو
داب برق السلام شفناهو درنا دعاشو
والبغلط عقب بنملو ننعل خاشو

منصور


الليلة السلام نجماً سطع في سمانا

نقوى ونتحد بيهو ونغلب اعدانا

خلوها الحرب وانسوهو ماضي احزانا

بي ضو الفرح نروى ونربي جنانا


ما فيش غير سلام تنهض ربوع أرجانا
تنهض تنطلق يخشاها مره أعدانا
تنتج للثمار تكفينا تكفى معانا
كل ملل السلام من خيرنا كم شبعانا


منصور


ما فيش غير سلام تنهض ربوع أرجانا
تنهض تنطلق يخشاها مره أعدانا
تنتج للثمار تكفيناتكفى معانا
كل ملل السلام من خيرنا كم شبعانا

من بعد السلام الخير يعم ارجانا
اطراف البلد تروى وتنز شبعانا
تتمدد دروب يجري ويخب نيسانا
دارفور توصلا وتحضر معانا عشانا

مدثر سعيد


قبل السلام المنقوص اركان العدل مطلوبة

فرحتنا بالسلم كيفن تتم وباقى الأمور مقلوبة

بالحساب تنجرد السوابق وترجع المنهوبة

وكتين يروح الغل يالهميم نفرح نقلب الهوبة

وندق طبول سعدنا ونتجمع لو تحت راكوبة



عائشة


قبل السلام المنقوص اركان العدل مطلوبة

فرحتنا بالسلم كيفن تتم وباقى الأمور مقلوبة

بالحساب تنجرد السوابق وترجع المنهوبة

وكتين يروح الغل يالهميم نفرح نقلب الهوبة

وندق طبول سعدنا ونتجمع لو تحت راكوبة



بت حميدة أخيتي مانا العدل ناسنو

و لي عدل الامور دآك الدرب خابرنو

بالمال والنَفِس فيهو الرجال ما بضنو

الاّ حرام تكون دارفور تمن دافعنو

عشان يتهنو ناس ناس للسيوف بيسنو ؟

مدثر سعيد


قبل السلام المنقوص اركان العدل مطلوبة

فرحتنا بالسلم كيفن تتم وباقى الأمور مقلوبة

بالحساب تنجرد السوابق وترجع المنهوبة

وكتين يروح الغل يالهميم نفرح نقلب الهوبة

وندق طبول سعدنا ونتجمع لو تحت راكوبة


اسباب الحرب ما مال ولاها سعية
من زمناً قديم جبر الكسور بالديّة
اسباب الحرب جوّا النفوس مخفية
مِن تركو الحكم سوها بيهو قضية
ليه الناس تموت شان يركبو العربية ؟

مدثر سعيد


اسباب الحرب ما مال ولاها سعية
من زمناً قديم جبر الكسور بالديّة
اسباب الحرب جوّا النفوس مخفية
مِن تركو الحكم سوها بيهو قضية
ليه الناس تموت شان يركبو العربية ؟


المدثر اخوى سلام ينعم صباحا زين عليك لعشية
دارفور العزيزة هانت وجاعت صارت تمد للعشم كورية
حرائرها وشيوخها نزحوا سابوا الديار فى حرق مأذية
ايه ذنبها هى الكريمة تدفع فعال ناساَ عدام شخصية
من قوم حزب الضلال و الغى الحكموا البلد زندية!!!

انشوف اخرتها!
عائشة


ود مفتاح سلام يفتح عليك خزاينو
ينجيك الإله من الدهر وحزاينو
دارك ديمة عامر وبنظمك زاينو
تتعلى رتبك يالهميم والأحبة يعاينو

معليش السلام جاء متاخر


ود مفتاح سلام يفتح عليك خزاينو
ينجيك الإله من الدهر وحزاينو
دارك ديمة عامر وبنظمك زاينو
تتعلى رتبك يالهميم والأحبة يعاينو

معليش السلام جاء متاخر


إفتح ليك وزيد يالملكه إنت الدائن
وإحفظ كل مناك إحفظ خلوق ومدائن
من النيل هناك لا عند مشارف الراين
إزرعا بالورد يا عاشه ليك تعاين



ولك من السلام ما يرضيك /منصور


دارفور الملوك خبر السلام سرانا
يا أرض المصاحف بالعلم بارانا
الكان قبيل داك فى الجنوب غشانا
جابا بضاعتو زاتا وبيها كم تشانا



منصور


دارفور من زمان زاهية ومدفق خيرا
مضمورة حشا ومسدولة فوقو ضفيرة
نُظّارا وشيوخا حافظنو حق الجيرة
كان وقع الخطا ايدهم عليهو جبيرة

مدثر
دارفور الملوك خبر السلام سرانا
يا أرض المصاحف بالعلم بارانا
الكان قبيل داك فى الجنوب غشانا
جابا بضاعتو زاتا وبيها كم تشانا


المنصور سلام تسلم دارك العامرة بالخير دوام مهدية
سلام ابوجا جانا مقسموم ماهو كامل و ضيع المحرية
ناس الظلم قسموا للبلاد وفى دافور شعلوها نار جهوية
لاجبروا الخواطر لانصروا المسيكين ولا تحزموا لدفع الدية
صادروا حق بلد وكمموا للخشوم لاشورى لا ديمقراطية
شاحداك يا لكريم بجاه الرسول وببركة ابوى سلمان جنا العوضية
تتعطف علينا و تعّجل بنهاية شيوخاَ نهبوا البلد ضحوية
ينزاح الهم وننعم بالعدل من ستيت و نمولى لحدود ملوية

والعرجاء لمراحها

عائشة




Quote: إفتح ليك وزيد يالملكه إنت الدائن
وإحفظ كل مناك إحفظ خلوق ومدائن
من النيل هناك لا عند مشارف الراين
إزرعا بالورد يا عاشه ليك تعاين

ولك من السلام ما يرضيك /منصور



ورداً يغمرك يايابا انت الزين
ينصلح حالك تعبق سماك ياسمين
ياود عز الرجال الكلهم طيبين
تتبارك خطاك لمن تقول امين

عائشة


إفتح ليك وزيد يالملكه إنت الدائن
وإحفظ كل مناك إحفظ خلوق ومدائن
من النيل هناك لا عند مشارف الراين
إزرعا بالورد يا عاشه ليك تعاين

ولك من السلام ما يرضيك /منصور

ود مفتاح سلاماَ يجبر الخاطر المسكور هو غاية المأمول
كلمة اعتذار يالمنصور تزيل الحسرة وتكشف المسدول
شفافية واعتراف ورد لحق مساكيناَ طقوا النباح واللول
فرحتنا منقوصة مادام حزب الشيوخ السوا البدع والهول
جاثم فى صدر البلد زارع غيوا فى الجروف همبول

سلام كامل عشان حق وليداتنا الفقدوا الرويحة الغالية

عائشة


في شان البُطَان قلنا الحرب خلوها

اقبلو بالسلام والناقصة فيو تِمّوها

انسو هوى النفوس قولة الصدق قولوها

والمكتومة جوّا علي الملأ اعرضوها

شوفو بلدنا كيف تعلا وتعرفو علوها

مدثر


المنصور سلام تسلم دارك العامرة بالخير دوام مهدية
سلام ابوجا جانا مقسموم ماهو كامل و ضيع المحرية
ناس الظلم قسموا للبلاد وفى دافور شعلوها نار جهوية
لاجبروا الخواطر لانصروا المسيكين ولا تحزموا لدفع الدية
صادروا حق بلد وكمموا للخشوم لاشورى لا ديمقراطية
شاحداك يا لكريم بجاه الرسول وببركة ابوى سلمان جنا العوضية
تتعطف علينا و تعّجل بنهاية شيوخاَ نهبوا البلد ضحوية
ينزاح الهم وننعم بالعدل من ستيت و نمولى لحدود ملوية

والعرجاء لمراحها



يابت حميده يا الشايله الهموم محريه
يا المحريه من أسلافك السابقين ولاد عوضيه
دارفور الصمود بالبلوى كم مبليه
كم من كم حسانا مع الضباع ملهيه


منصور


من ستيت و نمولى لحدود ملوية



ناحلة الضمير سالباني نومي وفكري

من تبيت صغير ونطقت كانت ذكري

في توتيل وقُلْسَة كتبتو اجمل شعري

ويوم راحت علي اريتو كآن يوم شُكري


مدثر


ناحلة الضمير سالباني نومي وفكري

من تبيت صغير ونطقت كانت ذكري

في توتيل وقُلْسَة كتبتو اجمل شعري

ويوم راحت علي اريتو كآن يوم شُكري


ناحلة الضمير شاى البرامكه البكرى
بوخه مع الدعاش مستكتو قامت تسرى
لجوك بالجمال ماك كالأجير المكرى
من توتيل شربت من الزلال مو عكرى


منصور


بندور السلام دكوها خلو حرابه
يات من قام غضب فى شقو ساج كرابه
الأرض المفلخه حايله داك تيرابه
بندور دخنها وبندور عقب بتابه




منصور






منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 16, 2014 9:02 am


]color=#6633cc]إستياء:ـ
يلاك تعال ونعمل أنانيا شمالنا
كان نلقي فرقة كرسي عن سلطانا
نحلف باليمين هدوها كل امالنا
نقبض العربون ونعدمو البورانا


من حرب الجنوب شن نلنا ولاّ جنينا

ودارفور القريبة درساً فَهَمْنَا وِعِينا

بي طولة الامل نحيا ويهون قاسِينا

وفوق درب الحرب ما بيمشي تب حادينا

مدثر


تفاؤل:ـ
عسي وبعد الســلام والسعد الجانا
ماننسي القــري من نصيب اموالنا
مقبولة خاطرا طيب ولاجئين اوطانا
مايبقو العتب دسنــاهو باقدامنا

لسان الحال يقول:ـ
دم بالعزه ياوطني


ود السيد ابشر خير السلام بغشانا

وبي تمن السلاح بسطة وكمان شفخانة

بكرة قُرَانا تنمو يرجع جميع سكانا

وفوق قيف البَحَر نقعد نجُرُو غُنانا مدثر


ناحلة الضمير سالباني نومي وفكري

من تبيت صغير ونطقت كانت ذكري

في توتيل وقُلْسَة كتبتو اجمل شعري

ويوم راحت علي اريتو كآن يوم شُكري


يوم شكرك مايجى يالرزين الدخرى
ناحلات الضمير ياود الكرام لو تدرى
شالن هم بلد الجدود المرملة بدرى
حالفات يمين مايهجعن والبلاوى بتسرى
ومافيش راحة لامن نسكنهم مقابر البكرى
عائشة


ناحلات الضمير بيهن هنايا ويسري

ضِمِن هم البلد ما كان يزيلن عسري !

في مكرام هناك صبرت يومي وشهري

لاهِن جَن علي لا جاني قدري بيجري

مدثر




Quote: يابت حميده يا الشايله الهموم محريه
يا المحريه من أسلافك السابقين ولاد عوضيه
دارفور الصمود بالبلوى كم مبليه
كم من كم حسانا مع الضباع ملهيه

منصور


ود مفتاح الكلس يامقنع بنونه ورَّية
معاك داعين بالسلام تسلم ضمايراً حية
الحرابة مابندورا بندور ديارنا هنية
ناديت يوت بالعدل للفكك خلفت الكية
تتبارك يالأصم بجاه الحسن النورو جلابية

تسلم يالمبروك

عاشة


ناحلة الضمير شاى البرامكه البكرى
بوخه مع الدعاش مستكتو قامت تسرى
لجوك بالجمال ماك كالأجير المكرى
من توتيل شربت من الزلال مو عكرى

منصور




ناحلة الضمير تتنى كيف لو تدري

زي بوصة الجروف وقت النسيم الفجري

من لون الشمس ماخدالا لوناً عصري

بين تاجوج وفاتو فنيتا زهرة عمري

مدثر


حبوبة الحاجة زينب الحنينة ممكونة


دعواتكم بالشفاء لزينب المزيونة
عامر دراها يوت وبالعطف تضوى حنونة
حبوبة الجميلة اليوم صحت ممكونة
شاحدة ربى يتم شفاهاام سعد وأمونة
ترجع سالمة لليتيم تشيل تمد ماعونا

عائشة
ياربي الكريم تشفيها من الصّادا

زينب نصِّحا يتهنو بيها ولادا

ترجع لليتيم ماعونا فيهو زوادا

وبت حميدة أخيتي تتمو ليها مرادا

مدثر


زميل القنصة والمسدار حباب منصور سيدنا سيد الدر..

الدار ناره قايدة وبيك عامرة والضيوف مرتاحين امثال مدثر وعايشة حميدة ومحمد السيد..

حبابكم الف...ونادية نوارة الفريق وهداية الطريق ...ونشات الظريف...وكلهم اهل همة وحارة..

أنخت ناقتى فى دارك يامنصور منذ وقت وحين ..واخذت مهرتى فى مشوار عاقب الكباشية والوعد ان

ان تاتى وتزين المسدار وتلهمنا ...وطال سفرى ..وطوتنى وهاد الكبابيش وانجذبت كالدرويش..

وان لى ان اعود الى دار ودمفتاح اهنى النفس وامتعها بمسدار وانا مشحون ببعض شجن وكثير

حنين...هلا قبلتمونى ...ولسان حالى يقول العود احمد بعد ان تعبت مهرتى من السرى وحنت ناقتى

لسربة فى دار ود التوم...

يحيي عبدالكريم


كمان يا يحى تسأل وإنت سيد البيت

إنت الخته ساسوا وتانى فوقو بنيت

مرحبتين رجعت وجيتنا جبت الخيت

ومن دار القنيص فى الباديه ديك صديت


منصور

دعواتكم بالشفاء لزينب المزيونة
عامر دراها يوت وبالعطف تضوى حنونة
حبوبة الجميلة اليوم صحت ممكونة
شاحدة ربى يتم شفاهاام سعد وأمونة
ترجع سالمة لليتيم تشيل تمد ماعونا



لاتبخلوا بالداعاء بالشفاء
للحاجة زينب بت الخليفة خالد



بت خالد متوكه يا الإله تشفيها
وأمرق من عضاها الدى دوام أبريها
زينب بت أصول واصله الفضايل بيها
واصله الناس جميع خيراتا كم تديها


منصور


ناحلات الضمير بيهن هنايا ويسري

ضِمِن هم البلد ما كان يزيلن عسري !

في مكرام هناك صبرت يومي وشهري

لاهِن جَن علي لا جاني قدري بيجري


ناحلات الضمير كاحلات عيونا واسعه

هابلات نار غرام فى الجوف مغوره قاصعه

متل الصيد بقدلن وفوق قفاهن شافعه

شلت نور خيالنا وللسخانات رافعه


منصور

ناحلات الضمير كاحلات عيونا واسعه

هابلات نار غرام فى الجوف مغوره قاصعه

متل الصيد بقدلن وفوق قفاهن شافعه

شلت نور خيالنا وللسخانات رافعه


منصور



ناحلات الضمير في جوفي وَقَدنْ نارِن

ومن تالا العيون جني السهام يتبارِن

صادنو القليب قَنَّبْ حَرَنْ فوق دارِن

حالف ما افوت كان ارجا بكرة صُغارِن

مدثر
بت خالد متوكه يا الإله تشفيها
وأمرق من عضاها الدى دوام أبريها
زينب بت أصول واصله الفضايل بيها
واصله الناس جميع خيراتا كم تديها


منصور

يشفيك من كل هم يالمنصور وليكا ممنونين
رب العباد يسمع ويمن عليها باللطف واللين
تتعافى امنا زينب بت الرجال الشرابهم هين
نشوف فيها خالد المحيط الكان ماليهو تنين
عشميق الرجال العرش مثل الدود يمين تسعين
تطيب تشفى الكريمة سليلة الصلاح رجال الدين



ممنونين يالمنصور

عائشة


ياربي الكريم تشفيها من الصّادا

زينب نصِّحا يتهنو بيها ولادا

ترجع لليتيم ماعونا فيهو زوادا

وبت حميدة أخيتي تتمو ليها مرادا


المدثر سلام يمرح بالرزاز يروح غاشيكا
دعواتك تعلى تصدف ملك معاك يقول لبيكا
تشفى زينب تجود بالحكمة من كنوز تهديكا
لعاطر سيرتها يخط ويسطر قلم اخوها شبيكة





المدثر تتدثر بالعافية قادر ياكريم

عائشة


منصور المفتاح
و ضيوفه الادباء
هذا لون من الادب الذي يتضوع أصالة
تروني هنا أقف إحتراماليكم و للرسالة
و ما عندي غير كلمتين و التالتة ليهم نفالة
واصلوا الجمال و الحب مبذول ليكم يتواله


بوعسل أبوعسل



Quote: صادنو القليب قَنَّبْ حَرَنْ فوق دارِن

حالف ما افوت كان ارجا بكرة صُغارِن





ناحـلات الضـمير ياك الحصـيف وصّـافـن

قصـبات هـطّـل العين ال عـصـف عصّـافن


شـاقن بي صـغير ما شـفـت زي في مصافن

غيـر طبع الجيـاد, قـارح وصـافي وصـافن



ود الشايقي




Quote: صادنو القليب قَنَّبْ حَرَنْ فوق دارِن

حالف ما افوت كان ارجا بكرة صُغارِن


خلني المتوك وحارن قليبي وراهن
فكري انشغل بيهن وصعب علي انساهن
ليلي وسهادي الباقيات علي براهن
اريت ترجع ايام عمري بعد الجاهن

محمد السيد


ود الشايقى اخوى نم ياكا الحريف ولافن

يجارن ومندرشات عليك لامن حفت ضلافن

ضمة يتمو ليك مولاى ويجلعنا من ولافن

سارحات يردن ويسردن طايعات وماك حلافن

يحيي


من شـوق لمّـتـن, قلبي الرهـيف وجّافـن

مكتوم العشـوق خافي ال عليهو ودافـن

حارقات الفؤاد يا (يحي) خووي اعطافـن

مرنوعـات, أذاي, دهـمة هـزيز اكتافـن





ود الشايقي


خلني المتوك وحارن قليبي وراهن
فكري انشغل بيهن وصعب علي انساهن
ليلي وسهادي الباقيات علي براهن
اريت ترجع ايام عمري بعد الجاهن


متل الصيد بتقدل للرهيد بارياهن
أم غنجا مشتت فوق مواقى إياهن
مخروطة الضمير قبضة صباع فايتاهن
يوما بى ضحوتو أكان تقيف راجياهن



منصور


منصور المفتاح
و ضيوفه الادباء
هذا لون من الادب الذي يتضوع أصالة
تروني هنا أقف إحتراماليكم و للرسالة
و ما عندي غير كلمتين و التالتة ليهم نفالة
واصلوا الجمال و الحب مبذول ليكم يتواله


بوعسل أبوعسل



أبعسلا فى البخس والناس مشرفه واقفه
طالبه أكان تدوق فى الجوف قلوبهم واجفه
من طعم العسل قبال تدوق كم راجفه
كم بتدور عقب دايره الحنيذ مو عاجفه



منصور




[/color]

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 16, 2014 9:15 am


ود الشايقى اخوى نم ياكا الحريف ولافن

يجارن ومندرشات عليك لامن حفت ضلافن

ضمة يتمو ليك مولاى ويجلعنا من ولافن

سارحات يردن ويسردن طايعات وماك حلافن


وإت يا يحى كيف ماك الحصيف بلافن
وبى عسل الكلام زى الحمام ولافن
داخ قبال يشوف زولن سمع بالشافن
لا شاف نار كليت لا شاف طبق من شافن

منصور

الأخوة والأخوات الأعزاء اللطاف رواد مسادير يا أهل المسادير,أولاً السلام عليكم ورحمة الله وبركاته ,,, والله أنا من مدمن عاشق للمسادير كلامكم حلو بالحيل وبشد الحيل نمو وقولو ونقرو فوق الفوق,,, لا املك ملكة الشعر حتى انظمه لكن احبه واتذوقه احفظه,,,
ويا منصور نم بالصوت الجهور أنسنا ,,, أبدأ بالغزل أشجينا ونعشنا,,, وأختم بالحماس والبفينا قول لي نحــــــــــن
دا كلام مرتجل من عجبي الشديد بكلامكم

سائل ربي الكريم وليهو رافع كـــــــفي
يخدر ضراعتكم وفي رزقو ليكم يزيد ويوفي
الشكره حارسكم يا البترقعو المستـــهزي
انتو تسوو الزين وناديه توزع وتكفــــي

دي ابيات مرتجله ومناي تعجبكم


متل الصيد بتقدل للرهيد بارياهن
أم غنجا مشتت فوق مواقى إياهن
مخروطة الضمير قبضة صباع فايتاهن
يوما بى ضحوتو أكان تقيف راجياهن


وقفت احوالي وحرت يوم وقوفها معاهن
ميل بي ضميرا وانا قالو عنى الكاهن
محزوق عجاين وفيها استقامة اوقافهن
قوانين في حساب ياخلاني كيف خارقاهن
......................................................................................
محمد السيد


ياطيراً تطير سلم عليه حسين وقول ليه الصعيد مافيه زولاً زين
رجاله قلال عروض مابخشو من الشين ونسوانه الوحوش يفدن جدى الأيدين
وياطيراً تطير سلم على المفتاح وقول لى الظن فسد والقول بقالنا مباح
يركز نورهدى ساعة السنين باباح وفى السبقن قبيل نحنا بنلم الداح

منصور


ود مفتاح الكلس يامقنع بنونه ورَّية
معاك داعين بالسلام تسلم ضمايراً حية
الحرابة مابندورا بندور ديارنا هنية
ناديت يوت بالعدل للفكك خلفت الكية
تتبارك يالأصم بجاه الحسن النورو جلابية

تسلم يالمبروك


يا بت الكلس طاعم السلات والشيه
بدبح للضيوف ناقة الركوب مرشيه
عرافة الأصول عزامه مك مغبيه
عارفه الحق يقين ماك الجهوله ونيه



منصور


ناحلات الضمير في جوفي وَقَدنْ نارِن

ومن تالا العيون جني السهام يتبارِن

صادنو القليب قَنَّبْ حَرَنْ فوق دارِن

حالف ما افوت كان ارجا بكرة صُغارِن



النار مك براك ملاله يات من شافن
ويات من داك سمع نافوخو ولع ساخن
واحد فى المراح عقل البكار طب ناخن
وزى سهم العيون كبس الزرائب جاخن




سائل ربي الكريم وليهو رافع كـــــــفي
يخدر ضراعتكم وفي رزقو ليكم يزيد ويوفي
الشكره حارسكم يا البترقعو المستـــهزي
انتو تسوو الزين وناديه توزع وتكفــــي


دي ابيات مرتجله ومناي تعجبكم





خالد أخو البنات قولك وصل مظبوط
وزى نظم العقد بى فن دقيق مربوط
حرفك طعمو حادق حاشا ما بتجوط
وحاشاك اللصم ماك الصغير فنطوط





منصور
من قام صغير مجنون غزال أواهن
ليهن قلبو فى بنك الغرام كم راهن
من ضرر الضباع دراق دوام برعاهن
لو كان فى السرير ممكون بيقنت واهن



من قام صغير مجنون غزال أواهن
ليهن قلبو فى بنك الغرام كم راهن
من ضرر الضباع دراق دوام برعاهن
لو كان فى السرير ممكون بيقنت واهن


حارو اخواني فيَّ وفي العليَّ بلاهن

الجِتَّي العلي وِرْدِي وبرد لامَّاهن

لا طب لا فقير يَحوي بيخبرو دواهن

الروح في الجسد الاّ القلب باراهن

مدثر


حارو اخواني فيَّ وفي العليَّ بلاهن

الجِتَّي العلي وِرْدِي وبرد لامَّاهن

لا طب لا فقير يَحوي بيخبرو دواهن

الروح في الجسد الاّ القلب باراهن




الزول إن عشق بهوى الغزال ببراهن

وبكرف نار بخورن فى الورود برجاهن

إن هبلت جهنم فى الفؤاد بطراهن

وبطرى أمات زمام هالكه القلوب زاماهن



منصور


يوسف ود نفوره من الفضايل تقل
وشايل رحلو من السبقو شيل ورقل
مطمورة تراث مكموده جملا وقل
وممعوس خير رجال حاشاهو منو الحرجل



القاف فى تقل ورقل ووقل والياء فى شيل مشدده مع سكون اللام

منصور


يوسف عبدالله المشهور بود نفوره عليه الرحمه كان من آخر من أحتفظ ببعض التراث خلفا لست النفور بنت سليمان وبنت بندق وبخيت عبدالمحمود حسن ليقف من ورائهم أم النصر الولى والولى أحمد الولى ومحمد يوسف محمد حسن وربما عبدالقادر الزين والأمين عبدالله حامد أفندى...أما يوسف كان بهجة بظرفه ولطفه ومدنيته كان يحدثك عن ذلك التراث ويصف ظروف قوله حتى تسمع نبيح كلاب قائليه وتشتم عبق البوخه من اللواتى وصفن وترفع يدك لتغطى رأسك من صوت المطره فكان يوسف مطرا لثراث السروراب الشعبى القومى له الرحمه وليتك جئتنا بالمزيد يا ثابت لك الود والسلام والشكر


منصور


الزول إن عشق بهوى الغزال ببراهن
وبكرف نار بخورن فى الورود برجاهن
إن هبلت جهنم فى الفؤاد بطراهن
وبطرى أمات زمام هالكه القلوب زاماهن

منصور



الزول ان عشق تب حورو ما بينساهن

حاضرات في القليب في الضلمة ما بيغباهن

فرّة فاطرن برقاً شلع من فاهن

الاّ القسمة صيف كيفن يطولو سماهن !

مدثر


الزول ان عشق تب حورو ما بينساهن

حاضرات في القليب في الضلمة ما بيغباهن

فرّة فاطرن برقاً شلع من فاهن

الاّ القسمة صيف كيفن يطولو سماهن !



عشق الزول سلوك برعاهو متل الكاهن
وبرعى حدود جمالو بلا فجور لا هن
إن غابن عديل فى اليقظه عينو تراهن
وإن عسعس غاسقن نور قلبو بقى رآهن


منصور
الزول في الصحا مكتوب عليهو شقاهو
وإن غمد شوية تجي الهموم لاحقاهو
الخوف اب لبوس أنا ما بخاف لقياهو
يا ريت الفي الحلم في صحاي كان بلقاهو

كان خير ولا شر برجاهو ما بهم بالي
وحارسني الثبات من الكبار قبالي
وكت هسع حسيت وشفتك سالمة قاعدة قبالي
كان اتلخبط الكون تاني ماني مبالي

المنسي

الزول في الصحا مكتوب عليهو شقاهو
وإن غمد شوية تجي الهموم لاحقاهو
الخوف اب لبوس أنا ما بخاف لقياهو
يا ريت الفي الحلم في صحاي كان بلقاهو


الشقى وين بدوق نار النكد حارقاهو
فى الآخره أم جنان نار الجحيم راجياهو
شوكة فى الفراش مغروزه يوت طاعناهو
زى جماع معذب ربو كاتبو شقاهو


منصور


كعب نوم الضحى أمس العصير كت نايمة
جيت قدام فريقنا اشوف لي صقوراً حايمة
كبيرن غار علي من نومي تبيت قايمة
صحيت مهجومة لا في مفصل ولا في قايمة

المنسي




Quote: الشقى وين بدوق نار النكد حارقاهو
فى الآخره أم جنان نار الجحيم راجياهو
شوكة فى الفراش مغروزه يوت طاعناهو
زى جماع معذب ربو كاتبو شقاهو


زي حظ الدقيق في الشوك بكوس للماهو...
ود مفتاح أخوي زين الجماعه وجاهو..
شايفك زي مخاصم نمّات أخوك وغناهو ...
تسلم يا الأمير .. وتسلم جواهر فاهو..

ادريس


أخوك يا ريا أخوك ساعة السيوف إدبكن
أخوك يا السمحة أخوك وكت الرماح إشبكن
أخوك جبل الثبات وكت القواسي إحبكن
كم بكيت وكم قشيت دموع الببكــــــن



ريا شن بدور خلاف رجلا جرابو مجكن
وما بدور دلاهه ولا جلاب الرخيصه جركن
إياك المصوبن فارس الحرابه مسكن
رضاى أم رضيع جياب البرضى خرتن


منصور


زي حظ الدقيق في الشوك بكوس للماهو...
ود مفتاح أخوي زين الجماعه وجاهو..
شايفك زي مخاصم نمّات أخوك وغناهو ...
تسلم يا الأمير .. وتسلم جواهر فاهو..



الشقى وين بفوت كان عمرو أردب سمسم
مافيش زول بشيل من همو مافيش بقسم
ودمفتاح دوام لى ضيفو لازم يبسم
ولازم فى الحدود ميزانو قاسط برسم


منصور


أحكي لك تمام الشفتو ما بتغابه
جاين العصير انا وانت من الغابه
بينا والفريق أتولعت تقابه

قدر ما نشوف بعيد قدامنا نلقى حريق
وكت النار علت ما شفنا تاني فريق
تشكي من العطش وأخوك يابس ريق

فترتي صنقرتي قعدتي وأنا محتار جلسته وراكي
حاقب الدرقة ختيت سيفي فوق اوراكـــــــــي
وكت بعد البهم دا كسحتي قمتي براكــــــــي
جيتي وجات معاك كوم صقور تبراكـــــــــــي

بالمناسبة يا منصور عجبتني جدا مجارتك وكمان بسجل كل ما تكتب فبالله لا تحرمنامن ابداعك
خالد


فترتي صنقرتي قعدتي وأنا محتار جلسته وراكي
حاقب الدرقة ختيت سيفي فوق اوراكـــــــــي
وكت بعد البهم دا كسحتي قمتي براكــــــــي
جيتي وجات معاك كوم صقور تبراكـــــــــــي


إنتى مقبله وإنتى المليحه إياكى
ياوزة جزاير الخير تغنى تكاكى
قناصك رقد زرد التتك جلاكى
خون كم حدى ربك لطف فكاكى



منصور


تبيت بعجل شافني جفلا وطارن
غابن من عيوني وفي اللعوت اضارن
ما غابن كتير جن اقدلن واتبارن
قدامن كبيرن عيننو غارن

خالد


تبيت بعجل شافني جفلا وطارن
غابن من عيوني وفي اللعوت اضارن
ما غابن كتير جن اقدلن واتبارن
قدامن كبيرن عيننو غارن




متل الصيد بقدلن وللتبيس داك زارن
ما جدعن سلام عضم الكلام ما دارن
شلخا فوق شلخ شلخن قليبى وجارن
ضاقت خلقى من كمد العوازل حارن



منصور


سلا سيفو ولاقاهن أخوك يا ابامره
تور غنز أم هشيم الفي المجامع دامره
تل سيل وأندلق فوق السحابة الهامره
حجر الصاقعة فرتاك الصفوف العامره

خالد
غاب نجم النطح
والحر علينا اشتد
ضقنا
طال ليلو ونهارو امتد
نظرة منو
للقانون بقيت اتحدى
نظرة منو
فتحت عندي منطقة الغناالانســدا
ودالمفتاح فرحنا فرح شديد
لي صورتك الجديدة رجعت فيها لدقون اهلك الدقن الدايرة جميلة وقيافة ...عيب لي شكلك كده مالو مكمل الوجاهه واخر قيافة وقرض على كده وأمتعنا بالمسادير الجميلة متعك الله في الدنيا والاخرة

محمد السني


نحن الشوله لى عضم الضهر ممتده
زيفا منو لى حوت الشمال إشتد
كايسه الدفوه لى بحر الجنوب تتمده
يا ابو السنى خيرك شوقنا منو أتغده


منصور




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 16, 2014 9:20 am


سلا سيفو ولاقاهن أخوك يا ابامره
تور غنز أم هشيم الفي المجامع دامره
تل سيل وأندلق فوق السحابة الهامره
حجر الصاقعة فرتاك الصفوف العامره


نكاد الرجال قلاع أم رشيم الضامره
من خشم الأسد جيابا تامه وعامره
الصيد فى الإدى من شوفتو شبت شامره
زى ملك العنج بحر الدميره الطامره


منصور

بادرني الكبير وديك إستعدن وقفن
ما مهلتو طار راسو وحناحي يرفن
طارن ديك وكت بريشو رقد إكفن
عارض ومات لليلة امكن عفن

نحمد ربنا الليلة مات عارضنا
وكان عمرو طال يا ريا كان قارضنا
ألحقو بعجل ليش همنا المارضنا
نبدأ زواجنا بكرة ومنو البجي إعارضنا

خالد


بادرني الكبير وديك إستعدن وقفن
ما مهلتو طار راسو وحناحي يرفن
طارن ديك وكت بريشو رقد إكفن
عارض ومات لليلة امكن عفن



صوب رش المطر حزمن متاعن خفن
وخلن فى العيون بحر الدموع ما جفن
الشوق فى القليب لا عدا فات لا عفن
شوقا للقبيل سكك الضلال ما لفن



منصور
اعجبنى جدا بوست المسادير وهذه منى مشاركة املا ان ينضم اليكم بعد افراد اسرتنا الذين دابنا على المجادعة فى مابيننا



اعاين فى النجوم لمن كبيرن غاب

ولى سمح الخصال سطرت الف خطاب

الطبعو الادب ماجانى منو جواب

يكون منعو الخجل ,اصلو الطبع غلاب



ضرب الهمبريب ظنيت البرد بغشانا

ومن ام در شدينا سرنا عشانا

عند سمح الخصال ناوين نصلى عشانا

دى المن زمان هالكانا وسبنا اهلنا عشانا



ولك كل الود

اخوك / مدنى محى الدين

ابوظبى




غلطان البعيش في الدنيا ونسى غناهو
أن كان مالو راح غير أهلو مين بفداهو
سمح الفوق أساس ابواتو تمّ بناهو
وسمح الزول صبي يلد ويربي جناهو

خالد
الدنيا أم قدود ياالمطرى مى هاماهو
والمال إن كتر أو راح دوام إياهو
ما بدور حق رجال والعندو ماببراهو
وحق الناس بصون حق الله داك برعاهو


منصور


اعاين فى النجوم لمن كبيرن غاب

ولى سمح الخصال سطرت الف خطاب

الطبعو الادب ماجانى منو جواب

يكون منعو الخجل ,اصلو الطبع غلاب




الطبع إن غلب محنت معا الأسباب
والطابعو الأدب بنسوقلو كمين باب
الزوق والظرف لابساهو إنتى حجاب
ولابسه المقدره الحامياك ضمه عتاب

منصور
ضرب الهمبريب ظنيت البرد بغشانا

ومن ام در شدينا سرنا عشانا

عند سمح الخصال ناوين نصلى عشانا

دى المن زمان هالكانا وسبنا اهلنا عشانا




صلينا العشاء وأطربنا داك شاشانا

وأطربنا القبيل بى نار غرامو شوانا

شرفت شام شروق شرقت حلوقنا فشانا

وزولن كان صحيح ختفوه كف شفخانا



منصور


عبدك ياكريم راجيك تعلى مراتبو

تصلح حالو ,لاتغضب عليهو تعاتبو

ناسو العزاز تطراهو وديمة تكاتبو

تهدى كفيلو يبقى ظريف ويزود راتبو





طالت ليالى أساى ونجومو قط ماغبن

ومن بحور الهم غرفن مراكبى وعبن

يامنشىء سحاب الخير وسايق رياحا الهبن

مدنى الضعيف راجيك امطارا عنده يصبن


ختاما

الصلى للرسول عد مايحتويه كتاب

ماهب نسيم فاح من قبلة الاحباب

تصلو فى المقام والآل والاصحاب

نكون مع الفايزين من غير حساب لا عقاب

ولك الود اخى منصور

مدنى محى الدين/ ابوظبى





Quote: صلينا العشاء وأطربنا داك شاشانا

وأطربنا القبيل بى نار غرامو شوانا

شرفت شام شروق شرقت حلوقنا فشانا

وزولن كان صحيح ختفوه كف شفخانا



من بعد العشاء والليل نسيمو غشانا
والنار انطفت سكتت سواقي عشانا
شديت اللجام لي شوقي رحت عشانا
بسمت لي صحت و رمتني بي نيشانه
بقت فيني نار حرقت قصب حيشانه

عبدالله وداعة الله


من بعد العشاء والليل نسيمو غشانا
والنار انطفت سكتت سواقي عشانا
شديت اللجام لي شوقي رحت عشانا
بسمت لي صحت و رمتني بي نيشانه
بقت فيني نار حرقت قصب حيشانه


جانا الهمبريب بارد هبوبو غشانا
و قمر السبعتين طلع يا دوبو زاد لمعانا
مرقن امات وضيب كبسو القليب جبخانه
سابلات زينه فوق قدامن الخمجانه

ودعدلان


من بعد العشاء والليل نسيمو غشانا
والنار انطفت سكتت سواقي عشانا
شديت اللجام لي شوقي رحت عشانا
بسمت لي صحت و رمتني بي نيشانه
بقت فيني نار حرقت قصب حيشانه



بكاية المقل مطر الخريف رششانا
وإن تنت لحاظا العين بزيد طششانا
إن قدلت مشت هرد القلوب فششانا
وإن وقفت تنت فرع الجريد هرشانا


منصور


جانا الهمبريب بارد هبوبو غشانا
و قمر السبعتين طلع يا دوبو زاد لمعانا
مرقن امات وضيب كبسو القليب جبخانه
سابلات زينه فوق قدامن الخمجانه



شوفن ليها ساكت من بعيد دشانا
وقتين قربت لحظ المقل قشانا
نضاحة المسك فواح عديل راشانا
وإن جدعت سلام متل الغزال هاشانا



منصور


عبدك ياكريم راجيك تعلى مراتبو

تصلح حالو ,لاتغضب عليهو تعاتبو

ناسو العزاز تطراهو وديمة تكاتبو

تهدى كفيلو يبقى ظريف ويزود راتبو



ربك فيهو أمسك والكفيل روح شاطبو
ورزقك عند إله رب الكفيل داك خاطبو
الزول إن نساك أمحاهو خليك شاطبو
وعقلك ديمه حكم ديمه خليك ظابطو


منصور


طالت ليالى أساى ونجومو قط ماغبن

ومن بحور الهم غرفن مراكبى وعبن

يامنشىء سحاب الخير وسايق رياحا الهبن

مدنى الضعيف راجيك امطارا عنده يصبن


متل القصبه ديك قندوله حمس ولبن
ومتل الصيد مباريه ولى جناها ادبن
علق الطندبات إتكابى فوقا وكبن
وجات بت اللبون واخواتا فوقن شبن



منصور







_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أبريل 19, 2014 11:34 am

رزمي النَّّأقة سوِّيتو وبنين من وحَّا
قلبي الرَّايمو لي فُرقانو شاشا ورحَّا
شبه بي العتامير تيسها جوذر ونحَّا
جمام ريدو ساساق لا أنقطع لا شحَّا


ود المقدم



مخلاية العلوق متل السفوفه لََفحّا
لا عشرق خِنِقْ لا ضَاقْ حِلِيقُو وقَحّا
باشندى الخشش ظاط بالروايح فَحّا
ونحن مع العشم حلق القصايد بَحّا


منصور

ود المقدم يا بديع


قصاص للأتر خابر الدروب فى خلاهو
زارع شقلو حافر عدو تيراب البلاد مخلاهو
عوسن من قديم ساويهو ما خَلاهو
فوقو بنونى زى نحل العسل خِلاهو


منصور

دق اوتاد في قلب الرمال ما ازحزح
ومد أعناقو شام راحل السحاب الرحرح
رماي لي عراجين السنين ام دحدح
متين العودة لي بلدا نخيله ادندح







Emam Eltayeb


الحلوف مكن من المشك وأتدشا
جابلو أردب كروش قال بيها كان يتعشى
جوزين دقا جابا أكان يقوم يتمشى
ولورى اليل حجار كان بيهو كان ينقشا



فى الديش مكوجى البوت القديم بكويهو
والأبرول بجضمو ما بتدور تكريهو
كواى إيدو طاعمه المويه فى جكيهو
ما ترتالو قط كب الهدوم بكيهو



الضحة جرس طابور طويل في مدرسة
والاصابع سجائر متين ياربي أتحسسا
جسمو يلالي حتى الجواهر ما بلبسا
لكن لقيتا مخطوبا وخطيبا قال الا يعرسا

منصور



أخوك أنا يا سعاده المين بقول همالك
وخاتك فى القلب يا الملكه حافظ مالك
سواى للفرض ماسك الطريق السالك
ديداب للبجو ولا بُد نسوى مسالك


منصور




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد أبريل 20, 2014 8:38 pm


الصلى للرسول عد مايحتويه كتاب

ماهب نسيم فاح من قبلة الاحباب

تصلو فى المقام والآل والاصحاب

نكون مع الفايزين من غير حساب لا عقاب



صلى الله عليه خاتم الرسل وجاب
وصلى على الجميع من بدلاء والأنجاب
الزول إن عشق حب الروسول عجاب
ومتل الصالحين فعل الحرام شجاب


منصور


ما بنفرح بمال ونقول كفانا وريثنا
نفخر بالرجال في الحارة يبقو ترسنا
نجمع ناسنا هيلنا من الكبار حارسنا
يحضروا أهلنا فرحانين يباركوا عرسنا

خالد المنسي


بنعزالرجال جبل الحديد فارسنا
أم توبا حرير لافابو عود هارسنا
صوتها كما الهزار ماهو الكريه ضارسنا
قلبا فيها زى شخب اللبن دارسنا



منصور
كل بطحاني يفرح بعرسنا مناهو
ساعة جمعتم بيتنا بنتم بناهو
عذاي عيش العذب يا ريا مر ضقناهو
وسمح الزول صبي يلد ويربي جناهو

خالد


سمح السعد والناس تقيف بحداهو
سمح الزول يهز والسيره ماشه قفاهو
هداك يا ريا جاك وافر الضراع بيجاهو
جاك بالخير كتير بحر الدميره إياهو



منصور


سمح السعد والناس تقيف بي جمبو
ما مهم المكان نادي او في كمبو
بعد سرح الغرام بالابو واتمكنبو
زفيناه لي سعدو الفبيل بحلمبو


الزول إن عشق سيد الدلال شن ذنبو
وإن كتم الغرام فى جوفو مين برحمبو
كان الصيد سدر مرواح معيز رجعنبو
زى كبش المراح يات من تحيل فى جنبو



منصور


دا الأعوج ترا والشين نهاية حدو
وأن شاع دا الخبر بملأ الفريق لحدو
أقولو اب كبس من دخل ود أحدو
فرحوا وعرسو لا موجعن لا حدو
خالد


الدنيا العبوس زايلة ام لباسا خيت
مصير الزول لحد فيه يقيل وابيت
القدر ان وقع ما برجعو البتبيت
عزرائل ما بخبرها كلمة ابيت


الناس للجمال ضربوا البوادى ومدوا
فوق سرج البشارى الختوا فوقو وشدو
الصيدالأليف بنصيدو فوق عند عدو
للكاحل العيون رمل الطريق بنعدو


منصور

الدنيا العبوس زايلة ام لباسا خيت
مصير الزول لحد فيه يقيل وابيت
القدر ان وقع ما برجعو البتبيت
عزرائل ما بخبرها كلمة ابيت

الموت إن حصل سمح العمل بنجيك
وإن طال العمر حشر القبير راجيك
الزول القريب فى الآخره ما بفديك
ولوكان ودأبوك من أجرو ما بديك


منصور



Quote: الموت إن حصل سمح العمل بنجيك
وإن طال العمر حشر القبير راجيك
الزول القريب فى الآخره ما بفديك
ولوكان ودأبوك من أجرو ما بديك


ود مفتاح صدق .. تسلم ويسلم فيك
غير الصالحات في الآخره ما بتنجيك ...
مهما طال عمر .. يومك دوام راجيك ..
لي حسن الختام اعمل بكل ما لديك ..

ادريس

الموت مو شمت غاية البحوم والببرو
والحد والحزن ما جابو زول من قبرو
الزول في الشدائد أولى يلزم صبرو
إترجى الكريم مولاهو كسرو وجبرو

خالد

الموت حق يقين يالمنسى من قدرو
والزول كان كبر فى الشان بمر عبرو
الناس القبيل لى ذاتو ديك هبرو
ومن لطف الرحيم فى الجنه كم عبرو



منصور

ود مفتاح صدق .. تسلم ويسلم فيك
غير الصالحات في الآخره ما بتنجيك ...
مهما طال عمر .. يومك دوام راجيك ..
لي حسن الختام اعمل بكل ما لديك


نسألو كان يجيب فى الجنه ناس واديك
ونسألو مو بخيل من برو يوت يهديك
خالق الميسرات من نعمو طب برضيك
ومن قبس الجنان فى الدنيا كم يوريك



منصور




Quote: نسألو كان يجيب فى الجنه ناس واديك
ونسألو مو بخيل من برو يوت يهديك
خالق الميسرات من نعمو طب برضيك
ومن قبس الجنان فى الدنيا كم يوريك


إيماناً عميق.. يغشاكا ويهنيك ...
وفي الجنه أم ظلال ألقاكا وأسعد بيك
ومن حرّ اللهيب .. رب الانام يحميك ...
تسلم يا الجميل .. محريه أبداً فيك ..

ادريس

بنخاتر منو الوجعة هيلنا برانا
نحن أهل المصاب والناس عزاء مجابرانا
في آخر المراح ديمة بتجي الفترانا
عادة الحد ندوسه والناس عقب تبرانا

خالد

الموت مو شمت غاية البحوم والببرو
والحد والحزن ما جابو زول من قبرو
الزول في الشدائد أولى يلزم صبرو
إترجى الكريم مولاهو كسرو وجبرو

الزول ربو سواهو ورفع لى قدرو
خصصو بالعقل كان ديمه فعلو يقدرو
خلق الكون عديل فى شانو ليهو وعبرو
والناس زى زمان لى أمرو داك كم غدرو



منصور




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد أبريل 20, 2014 8:46 pm


بنخاتر منو الوجعة هيلنا برانا
نحن أهل المصاب والناس عزاء مجابرانا
في آخر المراح ديمة بتجي الفترانا
عادة الحد ندوسه والناس عقب تبرانا




الناس فى التقيله أخوان بنات عاجبانا
ديمه رجال مروه وفى الدرك لاحقانا
الزول البدور الناس تكون قمحانا
شابت منو راس الجن بقت محنانا



منصور



مشاغل الدنيا ديل قسن على ايامي
خلنى زى زولا ً اثير منتظر اعدامى
اقول ارجع عشان احقق جميع احلامى
تلقانى احسب و اعد فى مشاكل اخوانى

الناظر

الناظر خت ترس أرمى الهلب قدامى
والغدر إن وقع بحر الغرق هدامى
أخوانك رجال فيهم حريف صدامى
ما فيهم سفيه خالى الجراب عدامى



منصور

الناس بالمكارم والشعار بتباهو
وإمشي فطرتو حسب مرباهو
عادة جدو عادتو ونسل اباهو نباهو
ألبس توب قبيلتو أن دارو ولا اباهو

خالد



Quote: نسألو كان يجيب فى الجنه ناس واديك
ونسألو مو بخيل من برو يوت يهديك
خالق الميسرات من نعمو طب برضيك
ومن قبس الجنان فى الدنيا كم يوريك


إيماناً عميق.. يغشاكا ويهنيك ...
وفي الجنه أم ظلال ألقاكا وأسعد بيك
ومن حرّ اللهيب .. رب الانام يحميك ...
تسلم يا الجميل .. محريه أبداً فيك ..
ادريس

يا إدريس حلف فى بالى ما ناسيك
وشاكر لى دعاك إنت الكريم طاريك
متل القلتو فوق وأكتر كمان يكريك
ويا وافر الضراع كافى الشرور يحميك



منصور
(

اه يا ريت السعادة أن كان بقت آيدية
كنت أهش هني في الدنيا بالذندية
علي حكموا ناس بالسيئة وطلبوا الدية
أموت بالعطش والموية بين آيدية
خالد

الزول كان كبر فى الدنيا دار عيديه
ما بدور غش صغار والعاب حوات قرديه
لا بكون زول كتال لا بجيهو ديش جوديه
ما بهمو الرزق كان دغرى كان ورديه


منصور


ريا علي قاسية.. وجايرة في التفنين
آه ... يا ربي أرحم صبري أمسى ضنين
إمحق دي السنة... ربي الحليم وحنين
ويخصم من حياتي... رضيت بعشرة سنين

خالد

ريا مسيسه وموعوده بالتمكين
وقاطع شكها الشارقانى زى التين
ماها مدبلبه ومتل العبوب تنين
وزى ملكة جمال وارثاهو من لاتين


منصور

كيف أنا أعيش وصبري ولى مودع
وسببي الرخرخ القام من صغير متفدع
جنيت وجني جنه وحالي أصلو مبدع
أهج شقيش أفج.. فاضلي تاني اجدع

خالد

الرخرخ يا ظريف كم للغوايا بشدع
وصبرك كان نفد أوعى الأمانى تودع
إن جنيت خسر خليك واعى وبدع
وفور لى عدوك خليهو إروح يودع


منصور
أنا بت الرجال أهل الدرق والسيف
أنا بت الما بهمو بحساب الخريف والصيف
أنا بت البحجو المرقوب وبكرمو الضيف
أنا ريا كان شفتكم افوتكم كيف

خالد

أنا ود الرجال بحر الدميره أبقيف
وأناالفى الدرك بنجيك ماتقول كيف
أناالكاتلنى شوق ضامره ونحيلة هيف
وانا الراكز بدور أكان يزورنى طويف


منصور


وكت الليل برد جمالنا شديناهن
ووكت الكيف حكم جربانا فضيناهن
كان إبلن كبار في بطونا سايفناهن
عوض أمك سجن يا أفندي ما شفناهن




حكامات الطرب طرف الفريق زرناهن
وبى سعر الإبل غالى المتر درناهن
الناس بالخلق بختوا الصغير عذراهن
والخازى اللئيم ساعةالورود ببراهن


munswor

أنا بت البيوت المن بعيد معنية
فوق للسماء نفوسنا وبيوتنا حنية
أنا بت اب كبس في النسبة بطحانية


بت أبكبس

لبن الطير بجيك بس بيضيها النيه
ياك بت الرجال والستره فيك محريه
متلك وين بكون إنتى الصويده بنيه
من بريبه جيتى وارثه الدلال وغنيه



منصور

آه عبد الله ابكبس عز البطانة وفخري
وفي وجوه العرب بنعد ماهو الوخري
كريم وهميم كان للقبائل دخري
بت شيخ العرب هيلك صحيح تفتخري

توقد نارو ديمة الما بكوس الجمرة
في الضيفان إهوش سكينو دايمن حمرة
بكأس ما عبر لبنو بجيك بالعمرة
هيلو الرائسة وهيلو الآمارة وهيلة الشكرة

المرحوم ابوك كان للقبيلة عطاها
عزك قديم عمك حسين.... ابو طه
أن شاء الله أخوك دي السكة ما تخطاها
خالد

الطول والظرف فى الشارفه أم رقبه
و فى العود الرخص مياحه مى حدبه
الزول الرزين إن شافهاهبا دبا
واب عقلا خفيف عراقى بالقلبه

منصور


هديك المكنى جات عقلى العديل بتقلبو
هديك المكنى جات قلبى التقيل بتخربو
هديك المكنى جات سيف النصر تقدلبو
هديك المكنى جات جلدى العلى بتسلبو



عمر ود محمد ود حسن


العربي قال لريا
مابتسألي... لا من وين؟ لا وين ترسو؟

رد ريا

كيف العربي بسأل ضيفو كيفن تنسو
أول بكرمو وأخابرو ساعة انسو
من مقلب كلام تعرف ابوه وجنسو

خالد

كان معاي صاحباً لذيذ وظِريٌف
في البيتش لاقانا السمح متقيٌف
قت ليهو: شايف الخلوق كيف بتصيٌف
قال لي: دي سماحة بهماً صيفو خريُف

ناصر

في البيتش كانت ملكات الجمال مجتمعة
قال لي: سماح بهمايزري السيسبان أب فدعة
قت ليهو: الزول الذكراه جرٌت في مسايلي الدمعة
حرم يمين فايتاهم جميع بسبعة

ناصر

فوق القيف رست والتوب حريرتو بلمعه
والناس زى فلم شداها طب مستمعه
متل الجن بجيب بلغيس وتوقد شمعه
جوها الناس حجيج دكوها ليها الجمعه



منصور




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين أبريل 21, 2014 10:56 pm


في لونق بيتش كانت الخلوق متلمة
مكاسيك, وايت, والبلاك ولاد العمة
قال لي: بهم خريف الرازة البجلو الغمة
قت ليهو: حرم يمين زولي الهناك يضوي في ها الأمة


لونق بيتش = Long Beach
مدينة بقرب لوس أنجلس بكالفورنيا

مكاسيك = تطلق علي الشعوب القادمة من المكسيك المجاور لكالفورنيا

وايت = ًWhite
البيض من سكان كالفورنيا وهم الذين قدموا من أوربا

البلاك = Black
يقصد بها سكان كالفورنيا من أصول أفريقيا أولئك الذين أستجلبوا كرقيق والذين استجلبو حديثا بتأشيرات دخول أو الذين تسربوا من الحدود كمايفعل معظم الناس هنا

أسفين للشرح الكثير ومسيخ
ناصر


ســان ديـق = (سان ياقو)


في سـان ديق نزل والليلة حـولين تـمّ

قاسـي صـعيـب بعادوا وبالبهادل عــمّ


إن بالحي قـدل وكان فوقو ناصـر لـمّ

جاب مسـدار تمام سـوّا القصـيد والنمّة




ود الشايقي


يا الشايقى الغزل فجاتو ناس الكبره
وقناصن لبد كجامتو خاطيه الهبره
بريب التمام بحواهو كلبو بتبره
ما بعيق ماخدن وام الرضيع العبره



منصور
حـرقت فرقـتو ال عشـاقو مي منـسـترة

يا منصور .. ختر.. مرنوع ومو زول خترة


سال دمّـاع وحاكى من الهـميع (النتـرة)

عاشـقو وجيع.. شغلتو بقت .. محاية وبخـرة





ود الشايقي

متل السيسبانه طويله شايله الشكره

ومى قداله ساكت حايزه كمين فكره

أبوها من الجنيد عسلايه أمها بكره

شراقة الحلوق مشرق نخيلة الكتره



منصور


صـافية مبطـرة وطيابـة ماهـا الـ عـكرة

سـمـحـة سـيرة للطـاريهــا طـيبة ذكـرى


مـرقة ماهـلـة طـلـة خايلـة قدلـة مهـرة

نـضـم العارفة كان طلبوهـا شـونـة مسـرة




ود الشايقي


دا خريف البطانة الفيها مالو مشارك
هيلو السارحة..هيلو الصاهلة..هيلو البارك
ما وقعلك كلامي ساكته لشنو اخبارك
فخرك وددكين جاك في فريقك زارك

خالد

يا المنسى الخريف فى دار شكر متبارك
وكم مرحات أرايل باسطه النفوس بتبارك
فتاق للعيوش ضحاك المسن البارك
وللأرنوب دفق رزق الفريك بتشارك




منصور


يسلم فاك يا منصور ابياتك تنزل على الجسم النحيل نزول ترتيبة الام الحنون في صدر مولودها وفقك الله الاخ منصور ولك منا كل الود والتقدبر والاحترام


مرحب حباب العزو ماهو الفاية
أبناراً تولع للضيوف دفاية
بشيخ العرب الأفتخار ما كفاية
التابعو أن جانا بنفخربو ونخدمو حفاية

خالد المنسي

صـافية مبطـرة وطيابـة ماهـا الـ عـكرة

سـمـحـة سـيرة للطـاريهــا طـيبة ذكـرى


مـرقة ماهـلـة طـلـة خايلـة قدلـة مهـرة

نـضـم العارفة كان طلبوهـا شـونـة مسـرة



سمحه وبنت ملوك وإنسانه شايله الشكره
ومتل الريحه فى القاروره مى منتشره
شوف الفصيد يالشايقى شيش بى ستره
وحادقه المشرقه الميها الدليهه الشتره


منصور

مرحب حباب العزو ماهو الفاية
أبناراً تولع للضيوف دفاية
بشيخ العرب الأفتخار ما كفاية
التابعو أن جانا بنفخربو ونخدمو حفاية


هديك الناقه فى الخشه وهداك وكايه
هديك الموس مطرقه ذاهبه ديك لدايه
الناس من طرف كفوها كان كم تايه
ما تبخل عليهم كان عدمنا حوايا



منصور


يا لافايني في الزمن الغلط فكيني
أنا زماني روح ناحت عليهو سنيني
إتكالبت غصص الزمن سدت علي شرياني
ومات فناني الحزون النغمو كان بشجيني

ناصر

يا لافايني في الزمن الغلط فكيني
أنا زماني روح ناحت عليهو سنيني
إتكالبت غصص الزمن سدت علي شرياني
ومات فناني الحزون النغمو كان بشجيني


الزمن إن قسالك شن بسوى حبيبك
ولازم يرضى بى حكم الزمان ما يسيبك
إن فاتك غلط وأكان طردتو بعيبك
وعارف قدرو زيك والبصيبو بصيبك




منصور


يا منصور أخوي أريتو خاطرك طايب
درب الغرام جايبلو مطرا شديد وهبايب
وسهر ليالي تطول وتلاتل ؤ مصايب
هو ذاتو شن معناه غي زولاً مجلكن وشايب

مرحب حباب الشايقي ضو البيت
ما تقول بالرد عليك ضنيت
شاغلاني مشاغل الشغل والبيت
وشاقياني شلاقة الشايقي البقول دوبيت

ناصر

يا منصور أخوي أريتو خاطرك طايب
درب الغرام جايبلو مطرا شديد وهبايب
وسهر ليالي تطول وتلاتل ؤ مصايب
هو ذاتو شن معناه غي زولاً مجلكن وشايب


مافيش زول بعجز وفى الفياقرا عجائب
ما فيش كش ولد مضمون دا كش الشايب
الزول كان كبر عسل الكبور الدايب
وأقفات فوق طريقو أمات خريفا جايب



منصور


يا منصور اخوى و الله الليلة عندى ليك حكاية
ود عشابى طرى البلد و شال الشنط مليانا هداية
الشنطة الصغيرة دفسى فياقرا حالف يجيب الداية
قال يوم السماية التمر و العيش اتوزعن بالكباية
الزول ان كبر يا منصور حقـو يتكامل المصلاية
الناظر

ود عيشابى يا الناظر حكايتو حكايه
وداك السكرى الملعون براهو برايه
شييل فى الفياقره أكان يسوى سمايه
ما بتنفع عليقه أكان بلع مخلايه



منصور


يا ود عيشابى وين يا زول طفشتا ورحتا
فارقت الكبور فى درب الغروب طب دحتا
أحسن صد هناك....حب الديار كم بحتا
يا مسك الطرب فى أرواحنا جلتا وسحتا


منصور


ود عيشابى جاك يا الكبره لمى زبادك
ولمى البكره فيك لميهو وادى جدادك
الورل القبيل تحت الحراز دودابك
والدقر الملص عراقى فوق الشابك


منصور


أنا زولي البريدو كالبهيمة سعاني
وفي لحظة عدم تكاني ضبحني وللكلاب غداني
وأنا ظنيته غشامة الصنج عامياني
مازال ريدو يفرهد جنان في كياني

ناصر




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين أبريل 21, 2014 11:03 pm



الاخوة الكرام اهل المسدار...

عامرة بيكم دار الاخ المنصور...

عدت بعد انقطاع والعود أحمد...

أتمنى ان يطاوعنى الحرف كما كان....ولئن عصانى فالمفتاح فى يد اخى المنصور...

يحيي


وين يا يحى نحن نهاتى بيك يوماتى
وين كلب القنيص وينو اللإصهيب وعاتى
درنا أمات فصيد درنا الغزال الشاتى
فى صنق أبضلوع أرواحنا ليهو تهاتى


منصور
ود عريان.....هبانى ماحبيتو

شايل للقلم مقلامى ليهو هديتو

إزميل السجم تاشيبو مارق زيتو

مارق حرمة المستور وناتف خيتو



منصور
هـول مقلام أكيـد نجّمتو ما داعـيتو

متعـوس الأنيس والمتلو ياما سعيتـو


تيلاد البهـم مزروق سـمومو حويـتـو

شايتو كسـر شكال مكيّة يوت داويتـو



ود الشايقي


هـول مقلام أكيـد نجّمتو ما داعـيتو

متعـوس الأنيس والمتلو ياما سعيتـو


تيلاد البهـم مزروق سـمومو حويـتـو

شايتو كسـر شكال مكيّة يوت داويتـو

ود الشايقي




شايقيا فصيح سمح الحروف خاويتو
والنسناس هلكنا بخورو فايح ظيتو
بنراعى الأصول قادرين نطلع زيتو
ما بندور هبوب وإن درتا كان داويتو



منصور

ضـرّيت الشـون منصـور تكلتو ضـراهـا

وكلّقـت القصـيب بتّاب عـويش باراهـا


مـن طاري الهبوب ياك الدرت محـراها

حـرّك شـقّـت الدلجـة وهـواك سـفّـاها



ود الشايقي


ضـرّيت الشـون منصـور تكلتو ضـراهـا

وكلّقـت القصـيب بتّاب عـويش باراهـا


مـن طاري الهبوب ياك الدرت محـراها

حـرّك شـقّـت الدلجـة وهـواك سـفّـاها





بقيت زول مـطامير بالعيوش تملاها
وتسرفا طب رزق حق الطيور برجاها
بتابك مشون كرر العجول بملاها
وكوديقك جبالا للدعول بكلاها



منصور


يا منصور أخوي الشوق دفرنا حداكم
من وسط العجاج هبر القليب ناداكم
صادقين في الوداد وقليبنا ما عاداكم
وان عدا القراب تلقوهو تب عداكم

نشات الامام


نشأت يا اللصم يوماتى بقرأ كلامك
حالى عسل طلح كضاب يمين من لامـك
وشوقك فايتو شوقنا ويا شقيق أيامك
عاشق للوطن شاجيهو واهبو أحلامـك



منصور

ضـرّيت الشـون منصـور تكلتو ضـراهـا

وكلّقـت القصـيب بتّاب عـويش باراهـا


مـن طاري الهبوب ياك الدرت محـراها

حـرّك شـقّـت الدلجـة وهـواك سـفّـاها



جابيق القصب قندولو بتنى شراها

ومارتيق الضحى الموريق بنز لتراها

زرزورا بيجض لبن النقد كداها

لا كشكوش ولا مجداعه منو حماها


منصور


أبقلبا رهيف عاشق الغزال فى الوادى
عاشق صوت كنار مغنون مشذب هــادى
عاشق القمرى فوق فرع المريخ النادى
مالك قلبو داك سايح الفريع الشادى



منصور
رافت سيب بيان وأكتب جميع الدايرو
أكتب فى الجمال سمح العيون ومسايرو
الناس فى إختلاف والليك بتصبح زايرو
والكان مابى داك إن جاك بتصبح دايرو



منصور




Quote: رافت سيب بيان وأكتب جميع الدايرو
أكتب فى الجمال سمح العيون ومسايرو
الناس فى إختلاف والليك بتصبح زايرو
والكان مابى داك إن جاك بتصبح دايرو



Quote: يا منصور حبابك ألف و يعلى كتير فى مقدارك
شان طقيعنا شين و أشتر شلناهو غادى من دارك
من د.نجاة ما تشفق البينا عامره وكله متبارك
فى راسى شيتآ شتر خليك فريب كان غرق منك أدارك


رافت ميلاد

عيشـك حر نضم شبه الرزم قرنيتو

وكليقـك فهـم ماك المكرّب بيتـو


الخالـف يمين جـزّ القمح واسيتو

والمعنى الغميس زي الأتر قصّـيتو



ود الشايقي

بى جوز بقرى داك شقيت قريرى كتحتو
مو بى عيش علوق تيرابى قمحو عزلتو
نجح الخيرصان عقبالنا جاتنا مطرتو
قصبا منو قام سيقان بنات دثرتـــو


منصور


وكتين الفراق سنن ..وسل سنونو

شلنا العقاب ..كيفن نكون من دونو

يا حبان .. بلاكم طار البال وجن جنونو

اقعد و اركز تب.. بيكم يروقو شجونو


حجة امنة



حاجه أمونه روقى القام مشرق برجع
وبرجع بالكتير صاريهو شوق ما بجدع
الماسكك قليل والماسكو داك كم بفجع
وزى لهب الكماين فى الحريق كم بدع



وكتين الفراق سنن ..وسل سنونو

شلنا العقاب ..كيفن نكون من دونو

يا حبان .. بلاكم طار البال وجن جنونو

اقعد و اركز تب.. بيكم يروقو شجونو





حجة امنة


الزول إن ختر تبقالنا قاعده عيونو
ما بنخونو تب سنن المحنه بهونو
ما بنحرق مراكبو وفيهو نبنى ظنونو
زى لبن الحليب نرجاهو فى ماعونو


منصور
المره كان بقت طرشانه مابتيبراك
وكل ما تقول كلام سافهاهو مى سامعاك
دق صدرك عديل بريب خدور برجاك
وتبقى الكينيا ديك مسواك جحيما أراك



منصور




منصور







_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين أبريل 21, 2014 11:14 pm


الجقليب رقد والطير بجض فى الوادى
شافلوا ضباع غضب كضاب بجيها يعادي
الزول أكان ظلم بلغ الفجور متمادى
شن فايدتو غير زاد للصقور مين فادى


منصور


ضبانة أم قربين........عليك ناشيها
زى عين التتك صاريها... فيك ماليها
النار فى الفؤاد والروح محرقه فيها
كل أطراف عضاى...جمر العذاب شاويها



منصور


يا ود يوسف تعال ورينا صيد دار ريح
وقبال شوفو داك دامى القليب وجريح
الزول البهاتى ونذرو واهبو ضريح
وفوق نار شوقو سابل ضمه مره طريح


منصور


سمى الأنبياء الخوجال غرامو غزال
وجؤذر من مراح وضاح وغنجو دلال
ود يوسف تعال خبرنا وصفو محال
وجهرت عينو عينا وصوتو صاطنا زلال


منصور


عاطلين الفكر قايلين حقوقهم سائبه
مو ضايقين دواسهم فى النقيعه الدايبه
ولدات صلاح ميها المدنقره خايبه
مى خازية عروض حاشاها طب مى عايبه



منصور
الاخ المنصور

تحياتي واشواقي

سعدت ايما سعادة لدى تصفحي هذا البوست التوثيقي الرائع ونامل ان يتواصل عطاؤكم ونحن متابعون بنهم وشوق شديدين.

الاخت الاستاذة الشاعرة سمية حسن طلحة مقيمةحاليا بسلطنة عمان ومن المهتمين بمتابعة هذا البوست ولديها الكثير والشيق الذي يمكن ان تسهم به في رحاب هذا البوست . لم تنضم الاستاذة الشاعرة سمية لعضوية المنبر رغم ثقتنا بان عضويتها تمثل اضافة حقيقية للمنبر العام .

ايضا اسرة الاستاذة سمية لها اهتماماتها ببرنامج شوارد الذى تقدمه الاستاذة كوثر بيومي على الفضائية السودانية . لدى متابعتها اخر حلقة من هذا البرنامج استمعت للشاعر ود الشوبلي ( وزير دفاع خيمة الحاردلو) وهو يمجد شقيها المجتبي ومن ثم رات ضرورة الرد عليه بقصيدة من انتاجها الشخصي حيث قالت الى يوسف القسم الشوبلي الشاعر الفذ ما يلي ك-


ود الـــشـوبلي وزيـــر دفــــاع الســاحـة
التلب العلي ضهرو نامت العيون مرتاحة
الـــحــبــوك مــسـروريــن تـمـلي فراحـة
الــكـازوك مـــغـدوديـن صـدوا قـمـاحـــة


فوق سمي جدو (محمد المجتبى) الداخرينو لي حوبتنا
ركـــــــازة الـعـشــامـــــة الـبـغـيـث صـايـحــتـنـــــــا
قــــدحـك جــانــا يـــــا ود الـــرتـوت وبــســطــنـــــا
صحَّ لسانك ات يا الصاقعـة ام حـمـــويـــاً يـسـنـــــــا


وريث الفهم شاعر ام هبج الماهلة
فصيح اللغة الخصبة ماها القاحلة
غزير المعاني في الدهور الماحلة
دا ساساً ممتن ما هو طينتاً راحلة


يــــــا ود الـــــكرام انشــــاء الله ما عدمناك
الــقصـوا دربـــك مـا قــدروا لـيــهــو زباك
لـــقـوا دربـك زلــق بــتعرف مشـيهو براك
ماسمعوا المثل (المكتولة مابتسمع الكوراك؟)


كـضـبـوا القالوا في دربك بنـصبوا شباك
وكضبوا القالوا من بحرك بصيدوا سماك
اســد الــكــجــوجـات الــصــعــب مـلقاك
مـــن شــر الـحـســــود يـحـفظـك مـولاك


تـعـبـــوا الــدودروك وقـجـقـجـوا الشَّراك
قول لي الماسك الدرب اتهيرتَ شن ودَّاك
يا مــلـك الـشـعـر الـفــريـد فـي سـمــــاك
ما خـتـيـت واحــدةً تحسكن لي من تالاك


اقــبــل مـنـــي ابـيـــات قـاصـرة عن معـنـاك
ومن سلطنـة عمان تحية ليك يا نجم في علاك
راجـيـيـن الـكــــريـم يـسـعـدنـــا بــلـقـيــــاك
على ارض الوطن نجتمع في دار اهلنا هنـاك

اطيب المنى

الطيب شيقوق

ودشيقوق حبابك جيتنا بى ناس نظمك
وجيتنا وجبت بت طلحه البتعرف نضمك
البيت ديمه فاتح وعرضو يوسع حجمك
وواسع ومره ماهل وفيهو رخرخ لجمك





منصور


كتر خيرك يا المنصور جبرت خاطرناوجبرت خاطر بت القبائل الجات فازعة في ديارك واصلوا يا اخوى :


كسار الخواطر اصلوا ما بتدارك
ما تجيه اجواد ما بشرفوا مقدارك
ان دخلوا الصالحين في حاجتو ما بتتبارك
اوعك تامنوا يا المنصور اخوى وان كان جارك

شيقوق

بنعود لك



Quote: الله يرحب بيك يا منصور

حديثك يجبّر المكسور
مرآ ك يفكك الساجور
نعمنك محيطا يبلع فى بطنو بحور
نعمنك محيطا يبلع فى بطنو بحووووور

سميه الحسن طلحة

يا منصور اخوي

الباب البجيب النقرة افضل سده
والجنس الفسل ابعد بعيد من رده
معلوووووووووووم الكلب ما بخلي عادة جده
وجلد الحر رهيف اقل حاجة تقدو

تحياتي



ود شيقوق جميل الخير حرام ما بعدو
وحد الله العديل فى شان أزاك بتعدو
الكلب إن ترك خلاها عادة جدو
حال إبليس أخير فاتوهو حول ميس ندو



منصور

أأأخ يا الطيب الكساف بخيل موفالك
وكان دعيت عسل فى حلقو ما برتالك
نساى للجميل قناص بدور شين حالك
وشناف عند قفاك أختاهو ريح بالك


منصور


العيد يا جناييت
نسماتو هبت جاتنا
بين غربة وشجن
صارت مسيخة حياتنا
لمتين يا كريم
ترجع تعود لماتنا
في بيتنا الكبير
تسطع نجوم ليلاتنا

مجاهد عبد الرحمن


بى ساق كلب فتش كلامك جبتو
مانى بقصتا منو حاشانانى طب ما زدتو
يامجاهد سلام سمح العوايد قلتو
لكن عيدنا عيك لبن الطيور كان درتو


منصور

يا المنصور اخوى

ماني القابض اب قرشا وراء اضراسو
وماني الخائب التكى للصواويط راسو
انا الديمة مشغول بذمامتو وكفكفة تراسو


مودتى

الطيب شيقوق

إسمك يا سميه من البطاحين ظاهر
وناس ود طلحه ديك عمده ونقاهم طاهر
عربان ناس كلام والعجمى فيهم ماهر
وسمحين صيد خلاء وبقاق عيونهم جاهر


أنا أخو ودعلى عيش الجاب بقادى

منصور

ماني القابض اب قرشا وراء اضراسو
وماني الخائب التكى للصواويط راسو
انا الديمة مشغول بذمامتو وكفكفة تراسو


مودتى



إيدك باهله فايت الحدود بتواسو
ما بتعرف تتر كاسر الأسود بتداوسو
يا ابصدرن مفكك عافى من ناس عاسو
عافى الرقبه للزول البتقدر باسو



منصور


حبابك حبابك ياالكتير بتابك
ومخنوق للحلق من خيرو داك قسابك
من تبيت شغيل عاقبنو داك ديدباك
وخابرين عوس مكارمك يا الكريم تيرابك



منصور
بريد العيش بريد يوم المريسة كتيييييييييييييييرة
بريد الدقة صافية الموية فيها قلييييييييييييييلة
انا بستغرب في الزول البيابهو صاااااااااااااافي وبيأكلوا بليلة


مودتى


العيش خرشو زين مطاله واللا عصيده
فكة ريق تجبرك منو مره مديده
قراصة كبيق فوق راسا سمنه شديده
فوقا عسل نحلنا وكم محنه بعيده


منصور


فتاح وين جدع ودران مسجل غائب
وين ميس كولك المعلوم فقدنا عجائب
المنبر رجف ضارباهو ضمه هبائب
وفاتك فيهو كمين سيك وكش الشايب


منصور

العيش خرشو زين مطاله واللا عصيده


Quote: العيش خرشو زين مطاله واللا عصيده
فكة ريق تجبرك منو مره مديده
قراصة كبيق فوق راسا سمنه شديده
فوقا عسل نحلنا وكم محنه بعيده



منصور اخوى


العيش العايش للعوج عدال
فراقك فرق الديش وهدم التّكال
اكان داير تبقى في القبيلة مشار
عليك من بدر بى ضهر الكبور والنار


لك معزتي

كره ياالطيب من ملوك الرومانس فى بلادى يبيع الطلح ماروقا للنساء ويتوخى أناث الطلح الضواعة الفواحه ويعرف مواعيدالشربه ومواعيد الغب له عباره مأثور يقول لك (العيش يشرب ولا يؤكل) وهو كذلك شريب ظريف وعفيف عليه رحمة الله وكان من زبانية فاطنه السكر


الديش مالو ما شاف الحدود مهتوكه
مالو على التكل ناسيها مى دلوكه
الزول البشيل السيف ويسيب سلوكه
شن فايدة قيادتو والبطون مهلوكه



منصور



_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين أبريل 21, 2014 11:23 pm


الناس فى القومه والقعده بتدور العيش
بدورو صوامعو واقفه...دايرين متانة الخيش
الزول كان كبر والوش ملا الكرميش
ما برضى الحقاره أكان بداها الديش



منصور


حش العيش ابقى حسيس
بجيب النقدى شنحيبا بداوي السيس
بعد ما العيش يبقى في تحسيس ( يكون غالي)
تلقى الفلوة للملوة جالبة قصيص

الطيب



Quote: سلام اهل المسا د ير
سلام من البطا حيين ياوجووه الخير
سلام ل أب جهينه كتير
تسلم آ منصور اخو ودعلى ال بى عقابنا خبير
ونرفع شعار البطاحين وهو :_

من منا ولا منه
كضبوا القا لوا متلنا
بسوق العوق عا طلنا
وبكفى مراره فسلنا
وود الشلهمه قا ل:ـ
نحنا ال من خبرنا بتسأ ل البنوت
نحنا بنفدى ستير العروض با لموت
نحنا الفرسه نبنيها ونسيها بيوت
ونحنا ورانا نا س ما رح فضلة الحوت

ولكم تحيا تى

سمية الحسن طلحه


لكم فائق الاحترام

يوم وصفو الكرم نسبوهو طب بطحانى
فى بودليق هناك حسبوهو للقحطانى
يات من قال شداعة الناس عديل خاصانى
مو عارفين نسلكم سيدا طب حقانى





حش العيش ابقى حسيس
بجيب النقدى شنحيبا بداوي السيس
بعد ما العيش يبقى في تحسيس ( يكون غالي)
تلقى الفلوة للملوة جالبة قصيص





التقى والمطامير بالعيوش مسروفه
مافيش زول بجوع ما بتلقى طب مكسوفه
الناس فى النعم غرقانه طب مكلوفه
مافيش ناس عدم مافيش جياع معروفه



منصور


منصـــور الأصيــل أســــــد الـكجـوج النـّاتـر
مـزاباتك مُـحال دربــــــــــك مشـيهو مـواتر
أب رايـا ً ســديد مو محـتـاج قلـم لادفاتـر
معـرفتك شـرف ياخريــــــــــــــــــف الـّدّايــر

************

يــاود المـكــــوك قـُـرَّح قـُوى وكواســــــــــر
المكتـــــــوب من عنـوانـو واضــــــح وظاهر
ياســيد البشـاشـة الماك قبيـح ومكاشـــر
من وين في الأهل ياأب بحرا ً مِحمـِّر وداشـر



سمية الحسن طلحة

حماد الرجل تيراب على الكرار قال

نحن سياده مانا بياده
والقبل التمانيه نحن أسياده
الجرح المغور نحن ليهو عياده
عن ساعة الكتال شرطا تجينا زياده


نحن عيال سرور وقت الضحك والفاقه
نحن عيال سرور وقت الحديث إتمادى
نحن عيال سرور وقت الحديد إتلاقى
والجمل والبهيج مشهادنا ليهو الناقه


قولها يا الطيب قالك من السروراب وزول مدينه ساكت وأريتك كان سمعت أبحراحر خالد ودالطيب ودسليمان واللا إدريس ود اللعوير.....................







منصور
والله امتعتنا يا المنصور اخوى ونحن متابعين بشقف شدييييييييييييد

الاخت سمية بلغتها برسالتك وبتجيك ولو عندك علاقة ببكري نعمل ليها عضوية عشان تجادعك عدييييييييل

شوف سعد السعود الساها لى امبارح
اسهر نومي واصبح في المعالق جارح
قدر ما اقول اتوب واعملي عملا صالح
ابى يتخلى ضوق عجوة شروق المالح

لك معزتى

نحن عيال سرور كضاب البقول سوينا
و اقفين كجسور ليرضى و المابينا
المحتاج نساعدو و ما بنقول ادينا
و الضعيف ندفرو نشاءالله بيدينا
المال و العلم فينا من زمن ماضينا
طالبين الكريم يزيدو و يحفظو لينا
الناظر

من بنات النيل العظيمة ديارنا
مُرسل ليك سلام إنتَ ومعاك أخوانا
وهاك خبر البلد الحالو من أحوالنا
باكيات الحروف ..محزون كمان مسدارنا
وإن درتَ المزيد..شوي..وأتم أخبارنا

تماضر

بنت النيل حبابك ملكه بنت ست دار
ومرحبتين حبابك نجمه فى المسدار
من ترهاقا والكنداكه حاشا غبار
وناس المك نمر بى نصرو بلو الدار


منصور


شوف سعد السعود الساها لى امبارح
اسهر نومي واصبح في المعالق جارح
قدر ما اقول اتوب واعملي عملا صالح
ابى يتخلى ضوق عجوة شروق المالح


سعد السعود طباك وإت فوق قارح
وعند شقل الأراك بمراح بكارك سارح
الشارقك ظبى ليك فى خلاك كم شارح
وإن صديت بكون سعدو ومناهو الفارح


منصور
يوسف ود البدرى قال

أسياد نحلا قديم بالراى نحل ننحل
وشن زاد الحديث بنبقالو شركة شل
وقت القلب إفارق والكراع تنقل
بنعرج عليهاإنشاء الله ترقد خل


وقال أبان الحرب العالميه الثانيه وهو ببورتسودان لأبناء عمومته والطليان والإنجليز كانت تهدر مدافعم ومطرالجبخانه ينهمر فوق الميناء قال


الإنذار ضرب والناس تصيح فى الميناء
ويات من يقول الصاقعه وقعت فينا
يا جنيات سرور ختولنا كلمه سمينه
فى حنك هناك الناس تخبر الفينا



وحنك هى السروراب وتقرأ بفتح الحاء وكسر النون وتسكين الكاف


منصور



Quote: تيرابــــك عزيــــز طيــنــو ماهـــو مبنقـِر
ودناسا ًرتــوت ماهُن عويــــــــت بازنقــر
ياأب رسوة العلي ضهر المرادفة مصنقر
ماختـّيت خجلة ً سيدا بمشــي مدنقـــر


سمية الحسن محمد طلحة



Quote: بنت النيل حبابك ملكه بنت ست دار
ومرحبتين حبابك نجمه فى المسدار
من ترهاقا والكنداكه حاشا غبار
وناس المك نمر بى نصرو بلو الدار


مرحبتين حبابك إت دخرى الدار
ماجلاب عيوب.. يازينة الأخيار
وماكَ الهويِّن لاكَ الإضينة الضار
ياطارى البعيد.. بالكلام السار
ومراعى الرسول فى وصيتو سابع جار
كتر خير أبوك وافر الضراع البار
وفاصل المعضلات فارسا عيونو شرار
سماك زى خناس صباره بتنت صبار
وأمك ليها حصحص وفى الحريم إختار


منصور




Quote: كتر خير أبوك وافر الضراع البار
وفاصل المعضلات فارسا عيونو شرار
سماك زى خناس صباره بتنت صبار
وأمك ليها حصحص وفى الحريم إختار


طريتنى العزيز والدمع رقراق
فرقنا الممات أصلو الفراق حرَّاق
أتذكَّر فضايلو وليهو يوت بشتاق
رفيع المكانة الجورو ماإنضاق
ياسمح الشمايل ياكامل الأخلاق
بسأل فى الكريم موزِّع الأرزاق
إديهوالمكانة السامية فى الآفاق
تماضر

نحن عيال سرور كضاب البقول سوينا
و اقفين كجسور ليرضى و المابينا
المحتاج نساعدو و ما بنقول ادينا
و الضعيف ندفرو نشاءالله بيدينا
المال و العلم فينا من زمن ماضينا
طالبين الكريم يزيدو و يحفظو لينا


الناظر نسيت الديمه فاتو الميس
نسيتم ناس فلان والشله فيها كديس
وين الفى ملوص الديمه فيها حديث
وين العند كنابى العيش وديمه جليس




منصور

الفين مراحب بالخريف الجانا
مو رعدا بكضب رشو ما بغشانا
مطرا بلو ظاهر زى تقول فى بطانا
ناس ود طلحه عوووك أرحمونا كفانا






منصور








[/b]

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء أبريل 22, 2014 7:45 pm


واحدين في البيوت مكبرين اعمامهم
نوا بالعودة والزول ابو عوارض لامهم
انقلب الصناديد والضرير قدامهم
عيزو ابخمسة والماسكات عداد ايامهم

اطيب المنى

شيقوق

يا أبوبيان الفيك دوام محريه
كم كمين بيان فوق صفحتك مقريه
فوق بحرك ترد كل الخلوق قمريه
يا دخرى الرجال أبشكرتا فرديه
طريتنى العزيز والدمع رقراق
فرقنا الممات أصلو الفراق حرَّاق
أتذكَّر فضايلو وليهو يوت بشتاق
رفيع المكانة الجورو ماإنضاق
ياسمح الشمايل ياكامل الأخلاق
بسأل فى الكريم موزِّع الأرزاق
إديهوالمكانة السامية فى الآفاق





ما قت كلامينا للجرح فتاق
وما قلت الغدر بسيفو ليك فراق
فقد الوالدين ضقناهو ما بنضاق
والفردوس جميعهم بالشفاعه عتاق



Quote: واحدين في البيوت مكبرين اعمامهم
نوا بالعودة والزول ابو عوارض لامهم
انقلب الصناديد والضرير قدامهم
عيزو ابخمسة والماسكات عداد ايامهم


واحدين فى العقل فاتوا الكبار ومعاهم
بشحد فى الكريم بالخير إتم مسعاهم
لا بقاووا الضعيف لاشفنا شر فى دعاهم
بى طول العمر ياربى ماننعاهم
تماضر

يا المنصور جاتك تماضر شايلة المسادير مزن
تروي أرواحنا بالمعسول بعد ما شقانا الحزن
بتقولك أبشر موفور الضراع ماأختك معاندا الزمن
لكن ما بترتا ليهو، دي ما درة نادرة غالية تمن

( أول مرة وآخر مرة .. على سبيل المداخلة منصور أخوي)

ابوبكر يوسف

ود يوسف بجيك حرم على ما نسيتك
وجيت فسراع خلاس لكن عقب ما لفيتك
عاينت الدروب لا عند خناس كف جيتك
وفوق قبل الجمال راكب قعودى بريتك



منصور


ماكاتال ضعيف وكت المعارك حرَّن
ثابت ياجبل ورجلين عدوكا الفرَّن
نسيتو النعال واصل جريو وإتمرَّن
ياود القبايل البيكا يوت إتسرَّن

تماضر


ماكاتال ضعيف وكت المعارك حرَّن
ثابت ياجبل ورجلين عدوكا الفرَّن
نسيتو النعال واصل جريو وإتمرَّن
ياود القبايل البيكا يوت إتسرَّن



بريب دار غروب هشت ديارهن درن
وفوق صنق ابضلوع شتن قفاهن شرن
الزول مكتول قنيص طبق البنادق قرن
ونوخ ناقتو فوق صفح القويز ما ترن




منصور

يا المنصور جاتك تماضر شايلة المسادير مزن
تروي أرواحنا بالمعسول بعد ما شقانا الحزن
بتقولك أبشر موفور الضراع ماأختك معاندا الزمن
لكن ما بترتا ليهو، دي ما درة نادرة غالية تمن


ود يوسف خناس ناصحه ومحرقه قارحه
داك سر الكلام مالكاهو طب مى جارحه
عسلا كم مفيد جالباهو يوت كم شارحه
نورا للعقول دافقاهو خير مى طارحه


منصور



Quote: بريب دار غروب هشت ديارهن درن
وفوق صنق ابضلوع شتن قفاهن شرن
الزول مكتول قنيص طبق البنادق قرن
ونوخ ناقتو فوق صفح القويز ما فرن


مزيون الطبع لكن حروفى القِصْرَن
قدر ماقُت أقول أجيب المعانى الفرَّّن
محقوقلك بكون وكلماتى زاتن ضِمرن
مابوفوا الوصف حتَّى إن عِلن وإن درَّن

المنصور خريف الرازة ماكسدانة
مابصد العشيمة مصفقة وقمحانة
كتر خيرك إت ياالفنجرى اب جبخانة
ناس ودطلحة حافظنلك حقوق ومكانة
بنت الرجال أهل الثبات الزانا
ما برمش صغيرهم كان تطرشق دانا
طولك طول ملوك ياملكه فايت البانا
عقلك زى جبال المالح الخمجانا



منصور

مزيون الطبع لكن حروفى القِصْرَن
قدر ماقُت أقول أجيب المعانى الفرَّّن
محقوقلك بكون وكلماتى زاتن ضِمرن
مابوفوا الوصف حتَّى إن عِلن وإن درَّن




الصيد فى كبورهن بالبشاير مطرن
وبي فرق السليم دفق القشيش ما بطرن
فاح مسك القرون عبق الدعاشات عطرن
وكرفنو أمات خديد دهب الأسيل ما فرحن


منصور

جات أم لهيج سمية مرحبتين
يالعسل الدفق وودَّر معاهو الشين
نوَّرتى البكان قمرك تمام ..دورين
دوبيتى وكمان ظهرت طبايعك زين

تماضر

ياالمنصور اخوى دارك دوام عمرانة

بالخير والسمح عابقة وتملى ملانة

ودشيقوق هناك نمة وبت الحسن طربانة

داك نور تماضر باق و قلوبنا بكانة

معذرة فلسان الفرنجة الذى نتعطاه جبرا/يوميا اتلف حسس البادية ومنكم نتعلم...

يحيي

وين يا يحى إت والدار براك خربانا
وين زمن القنيص والصيد فرك عنقانا
دايرين الركوب والريل خبرنا بكانا
ما بنقمح وحاتك والبكار ساترانا


منصور

يا تماضر قولي لي منصور أخوي رفيقك عمرو ما تر لي وراء
ووقت الحارة شّدّاد سروج ولي ناس تماضر ماهو الحما والضـرا
حرم بكوس الموت وما ممكن أخليكي وسط بنوت القبايل مسخرة
وكتين تزغردي ترخصلك الروح يا أم زمام، يا بت أسود الشرا

يوسف

لاإتقمحتا يوم لاعرفتا معنى الفر
ياللسد النتر بى نمَّك إتَ تجر
مفرود الوشيش ماضاقو أصلو الصر
مسنود العليك إتضارى .. ماك بتضر


قوماك هوى نشد تالا البلودة حدانا

ركابين ضهور ضمر تبيت سهرانا

قاصدين ام ضمير خايفين نفكه رهانا

فى شقا فى لقا دوما تدورو لقانا

يحيي



Quote: ياالمنصور اخوى دارك دوهم عمرانة

بالخير والسمح عابقة وتملى ملانة

ودشيقوق هناك نمة وبت الحسن طربانة

داك نور تماضر باق و قلوبناليه بكانة


مرحبتين حبابك..تحيا ماتنسانا
ببرانا السمح إن كنتا إتَ معانا
ود شيقوق كمان جاب البضوِّي بكانا
النور إنعكاسكم ..جهرنا ماهو عمانا

تماضر

الف تحية ليكى وبيكى تم منانا

ساحتناتزيد شرف واتبسمت حيطانا

بى نمك كمان ضوى الحرف اروانا

ومسدارنا اكتمل كان بت الحسن تغشانا
يحيي

مرحبتين حبابا خُناس حباب أخوانا
نايره الدار معاكم متعددات ألوانا
في نص البلد منصوب هداك صيوانا
تراه الشوق دفر وليكم عديل ودانا

نشات الامام

تماضر يا بت عز الرجال فيك بهز وبجر النم
وضابح ليك ود أم زور حــرم لآزمن تنطي الدم
وقولي لي منصور خوى يا الوكت الحرابة ما بتنلم
أخوك جاييلك فزع وقت الحارة حرم ما وجع ينزم


Quote: تماضر يا بت عز الرجال فيك بهز وبجر النم
وضابح ليك ود أم زور حــرم لآزمن تنطي الدم
وقولي لي منصور خوى يا الوكت الحرابة ما بتنلم
أخوك جاييلك فزع وقت الحارة حرم ما وجع ينزم


ياسمح الخُلق الأصلو مابتنذم
وفى قلبك تشيل وطناً حنين بتضم
إلقاك السمح محل تمش ماتهِم
وإبراك العديل والزين معاكا بتم

تماضر



Quote: مرحبتين حبابا خُناس حباب أخوانا
نايره الدار معاكم متعددات ألوانا
في نص البلد منصوب هداك صيوانا
تراه الشوق دفر وليكم عديل ودانا


ياضي المجالس العامرة بيكا مكانا
وكِت هليت علينا ..البينا ماهمَّانا
ياشمس الشتا الجاتنا قبل أوانا
بدَّلنا الفصول وكِت سلامك جانا


Quote: الف تحية ليكى وبيكى تم منانا

ساحتناتزيد شرف واتبسمت حيطانا

بى نمك كمان ضوى الحرف اروانا

ومسدارنا اكتمل كان بت الحسن تغشانا


مقبولة التحية خيراً معاك ببرانا
مابتفوتنا تب إن درنا تبقى معانا
عرفنك أصيل كرمك كتير أروانا
ياربى الكريم تتم مُناو ورجانا
تماضر

تماضر


ابوبكر

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء أبريل 22, 2014 7:55 pm


أبواتـك مكوك فى المحاصـات جـالو
أخـوانك تلوب من الكعب بتضـــارو
اماتــك أصـم من الشجيع فى نزالو
أخواتك ملكات جمال الوادى المخدر نالو

سمية طلحة

من أرض المحس مابعرفوا كلمة شالو
أبويا البسيط النيل عمامتو وشالو
وزى حال البلد الدايماً بيشبه حالو
مابوفيك حقوقك..إن زدتا فوق القالو

ياام لفظاً حسّّّين انت الشكر حاقالـو
ياام ادبارفيع انت الجمال خاتمالو
ياالخالك يكيل العين ويفيض مكيالـو
خالاتك صنفهن معــدوم ومافى مثالــو

ناس يحى بى سمح الحديث بروكن
ومن دهب الكلام صافى العيار أدوكن
نشأت قولو حادق مو مسيخ ومجوكن
وديوسف طبق عسل الكلام وزنوكن
منصور
يا منصور الضكر ماك زولاً كذوب ومن كاس الورع ساقينا
نحاس جدودك نتر هز الأرض حاشاك يا سديد الراي ما بتأذينا
تماضر سمحة خصال تردي المازني ومن شهد الحديث تشجينا
سايل الله يا الكريمةعمرك ما تعرفي الحزن ومن عزك يوت تَعِزِّينا
يا ضي الضهبان في ليلاً ضلامو عمى ويا مداوي جروح الزمن وببلسمو يداوينا
يا ود عبدالله أبشر هز تعال في الحارة يا البي طيب كلامو يوت دوام يشفينا
يحيي


مسدار- فاروق محمد الأمين

وين الهافو ضامر وصدرو جاب تجميحه
جبد البُرْصَه من وجنات طبيعي صبيحه
إتخيلتو صيد صَوَّاً وطاتو قبيحه
خلَّا اكبادنا بي رمَّاشو بايته جريحه
****
بايته جريحه ليها ليالي
شالها قلوبنا أبو كزَمَه الرَّدايفو عوالي
النظراتو عندي غوالي
عاشقو براهو نسَّاني البعاد وحوالي
****
بُعاد وحوالي
ما ببقولي زي زولا ملامحو غزالي
يا مخروته لو عارفه العلَيْ واحوالي
ما بجافي كان حنيتي لي طوالي
***
وطوالي الحنين بشفيني
من الصَّادني حتى النوم أظنو يجيني
عليك قصَّة غرامنا الفات وكلُّ حنيني
قول بصراحه إتَّ نسيتني أم طاريني
****
أكان طاريني ليه ما بتظهر
لينا ليالي ما شفنا الجمال الببهر
إت ماك راتِي والرَّبْ يِقْهَر
السن بيضَه والعينين بِرِيقِن يجهر
****

بريقن يجهر اليِسَرَّع
سَنَّاناً مداحِي الدَّفْ ربِدْتُو وكَرَّع
كيف الحَلْ وكيف اتورَّع
منَّ العالِي صدرو وديسو ديمه مَفرَّع
****
مفرَّع ديسُو من غير سلَّه
طامح صدرو حَتْ زعلو وبكاهو محلَّا
نحمد ربنا السوَّاهو وانْقول جلَّ
خلاَّقو البرم جيدو وكساهو الحُلَّه
****
كِسوة حُلَّه جات مخصوصه
حلوه حلاوه ما بتتحالى زي بسبوسه
قصبة مُنْصَحْ الوادي الدوام محروسه
كيف أمسيتي يا رنْعَه ولتيبه فْصُوصه
****
رنعه ولينه لسعْ يانعه
مافي بلاك والروح غير هواك إتْ قانعه
رضيت بي هَمْ إيدَيَّ الصانعه
أخافي الباري في الكَلَسْ ابدوارجاً مانعه
****
أبدوارجاً مانعه مشدود خاطِر
ما بين صَاد وناجع يوت حياتو مخاطر
الخلاني كسَّار لي عهود وخواطر
فُرْق العينو قَلْتَه وجوز نُهودو قناطر
****
نهودو قناطر الله يسِلُّو
زي ما اذاني بي دلعو ولهيجو الحِلُّو
لا أقنعني لا واصِلُّو
دي الخلاني راكب يوت بتُوقُو مِحلُّو
****
بتوقو محلو مهما يبقى
تبقى حرابه يحصل موت وتحصل ربْقه
بعد ما كنت هابِِقْ هَبْقَه
رعبني اليله شبهو اللا حصل لا ببقى
****
كيفن يبقى ليهو منافس
ماخد زينة الميدان وليهِنْ عَافِس
للبَذِرْ التَّلِتْ وادَّافِس
لا جامايكا قال شايقِنُّو ولَّا خنَافس
****
خنافس ديل وراك ملهوفه
ماك شايفاها بدَّافس عشان ما تْشُّوفه
جمالك فرضَه دِي معروفه
لكن هِدِّي يا برَرُوبه كوني ولوفه
****
كوني ولوفه لا تخنقيها فِكِّي زراره
لا تتمادي لا تلعب بِكِ الغراره
فوقِنْ كافَّه إنت مناره
لكن جافيه يا بطرانه يوت في نَزَاره
****

نَزْرَه وحلوه ليها حداقه
عين قَلْته وخشيم ودعه وسنون براقه
اللِّيمِكْ بدورلو لباقه
نطَّاحه ونكُور واتْ مَنْدَلُوبْ طقَّاقه
****
طقَّاقه لي البلمَسْها
يانعه لتيبه رُقَّابه ورَخيصِي تَبَسْها
المهره البِلالي جرسْها
عاشقك بيكِ نوَّاح بسْ دموعو حبسْها
****
دموعو حبسْها خوف النايحه
لكنْ بيكي مُغرم ليك كتيره مَدايحَه
شديرة المحلب الرَّبَّا وفروعِك مايْحَه
بدور تسريح أقيف جنبك تجيني الرَّايْحَه
****
تجيني الرَّايحه شان أصَّبّر
أخير من لا شيء أحانِسْ نفسي بس واجَّبَّر
البت الوريدْها مَعبَّر
خلَّت قلبي دَرَّاب سُوسَه كُلُّو مَتبَّر
****
متبَّر جوف وحلقي مَزَرَّدْ
بقيت ما بطيق قعاد الحيْ أرُوعْ واشَّرَّد
البتْ السَّنِينْها مَجَرَّد
خلَّت قلبي درَّاب سُوسَه كلو مَهرَّد
****

مَهرَّد جوف وقلبي ملَطَّع
من الخلقه نور وجهو وجبينو مَسَطَّع
البت الدلالها مَبتَّع
خلت قلبي درَّاب سوسه كلو مقطَّع
****
مقطَّع قلبي شوف فصَّاصه
ما بدَّواى ودَّع شالتو الرقَّاصه
نقول دي حلاوه ولَّا جعاصه
رماَّشْ عينو دايماً للقلوب قصَّاصه
****
قصَّاص للقلوب من شبَّ
طامح صدرو كلُّو زخيره بيها مَعَبَّ
الزول القلبي رادو وسوَّ ليهو محبَّه
ما خلَّالي فوق صبري وصمَامْتِي الحَبَّه
****
صمامتي وصبري كِمْلو وراحو
وقلبي اللِّنجَرَحْ كيف تبرَ ليْ جرَّاحو
دَيفْ أُمَّاتْ حَقُو البي وْشاحو
ما بدَّلتَ ريدو وما لقيتَ صرَاحُو
****
صراحو بدور لبِيقْ ومدرَّب
بِشِدْ كَلَسَاً بسوِّي اللُولْ وخبُو مَجرَّب
العيَّانو بي نور الزخيره اتهرَّب
يا ما شال عقول وحْدِين جماعه وخَرَّب
****

خرَّب للعقول واتْلَفْها
ولا عِب بي جِنان وحدِين جماعه بَلَفْها
الدَّعَجَه الكُتُرْسُوساقا ما ولَّفْها
ما خده الكاس علي الحاضْرِين وحتى سَلَفْها
****
سَلَفْها الفات زمانو وتمَّ
وِقْفَن صف مِدافراتْ ليها يوم اللمَّه
رافعه صديرَا طامحْ في الرَّقيص مِنْخمَّه
الباقيات خدارِنْ ضَلْ وجاتو الغُمَّه
****
جاتو الغُمَّه ما كان راضي
ما بي إيدو مجبور كان كلام القاضي
بَحَالِمْ لي شهور بي مُرادي
ما شفعولي سهر الليل وحتى وْدادي
****
مُرادي الدايرو ألقى الصيده
ويبقى الجو مُلائم وهيَّ تبقي وْحيده
النيرانو فوق أحشايَ عالي هوِيده
في مُدْقاقا رمز الحب وعلمْ الريده
****
علم الريده في مُدقاقا
فوقو كزيمه فوقو بسيمه فوقو حَداقه
قالب اللَّوَلَعْ خنَّاقا
روحي اتعلَّقت ما بين شفَّها وطقاقا
****

ما بين شفَّها وطقاقا
فوقو حلاوه فيهو غلاوه فيهو حداقه
هاكم قُولِي صاح بي صداقه
شفتو ورِدْتُو أبو كزَمَه البفوحْ عبَّاقه
****
بفوح عبَّاقَه الله يحرسو
نحن نريدو رغم المُو العَلينا وهَرْسُو
القصَبْ المُتيَّم ترسُو
نحن غِرِقنا يا ابحلمات و نرسُو

تماضر


ما بابى المسيكين والفقير بي فقرو
وما عواس قوالة وما رفيقي بعقرو
بدخل لجة الوادي البتلب صقرو
قلبي مكجن الناس السوا وبتنقرو


مو ولدا بدر فرح القريبات دقرو
مو حساس محرق ولدو فوقو وعقرو
عقاد القصص جحر الدبيب من مقرو
راعى غنم هناى بقر اللعين من بقرو


منصور


حباب منصور .... حبابو الأعلى شأن ماضينا
مفتاح القلوب الصاديه.... نور للمنتدى ونادينا
حبابو الأصلو راسخ ......زي رسوخ واديينا
أميرنا..... الباعو فاسح ...وفي الفزع حادينا

احمد ابوحريرة

جبدنا الحقق ...... من الدمك سفينا
يابسين باسرن ........ من اللحم جفينا
في الوادي اب عدار لي ام كمفريت لفينا
لا تسالينا يا ام حمد ...ان بقيت رفينا

جبال المتنى خابرهن زمانن جاهل
بي اشقى ومحتى ودومو ازرق باهل
مصروف المتبر وفي المجالس ماهل
بندليلو بارينا ام غطاسنً ساهل

ابوحريرة

نسيف التبر في مدلق الخيران
لقيتو وفج كيعانك من الزيران
ابشر يا هجين البركبن ديران
بي رفقة مسار الفنكحو الحيران

نسيف التبر في مدلق الخيران
لقيتو وفج كيعانك من الزيران
ابشر يا هجين البركبن ديران
بي رفقة مسار الفنكحو الحيران



شارف ديدبان فوق الرزق سهران
وفوق ماخد البكار والصى دفق مطران
زى ملك اليقين مانى الخلوع شرفان
ومانى مشارك البكرات لبا الحيران



أحمد أبوحريره غرق كبروسك مستف

منصور

جبدنا الحقق ...... من الدمك سفينا
يابسين باسرن ........ من اللحم جفينا
في الوادي اب عدار لي ام كمفريت لفينا
لا تسالينا يا ام حمد ...ان بقيت رفينا




هود فوقنا ليل الهجعه ما ختينا
سقنا النجمه فوق كتف الدعت مدينا
فاح نفس العنق زى الدعاش شمينا
عند بهر الصباح طرف الفريق طبينا


منصور


جبال المتنى خابرهن زمانن جاهل
بي اشقى ومحتى ودومو ازرق باهل
مصروف المتبر وفي المجالس ماهل
بندليلو بارينا ام غطاسنً ساهل



فشان فرح أم فصيد مافيش بتقلو كاهل
وكان فى دار نيام لى جوفا بصبح ساهل
بنت المقدرات ملك الملوك العاهل
عارفه المكرمات بحر العلوم الناهل


منصور


حباب منصور .... حبابو الأعلى شأن ماضينا
مفتاح القلوب الصاديه.... نور للمنتدى ونادينا
حبابو الأصلو راسخ ......زي رسوخ واديينا
أميرنا..... الباعو فاسح ...وفي الفزع حادينا



حبابك إنت يالحاضر بحاضر فينا
وحباب نغمة حديثك بالنميم سالينا
ما بتاكل براك من السلات مدينا
يا ابوحريره خيرك من زمان راجينا


منصور

ما بتتجارى ...باعك في الغنى مخلينا
نفرق في النميم.. فرقا.. يسندو علينا
يا سيد البيهدر ....والسراتها سمينه
زي الطرفة عوسك ......مو شرشير عينه

ابو حريرة

ليــه ياقـلبـي المنـزّه كـاره الفـُرِّيـــــق
والدّش المعاي لاعب بصرتي حـريـــــق
تعـبــان روحـي تـتـقـطف من العُشريق
ياحليـل النـزيــه المونتـي فـي أبودليـق

...........................................................................................
طـال الليـل علي عـقلـي المنزّه حاس
فاقـد نومي عـيـنـي قــرهــدن يـُـبـّاس
لافـّه أفكاري بالحيل عـندي دوشـة راس
الأســعاف مقـرّش والطبـيـب في فــاس
سمية بت طلحة

يا منصور الضكر ماك زولاً كذوب ومن كاس الورع ساقينا
نحاس جدودك نتر هز الأرض حاشاك يا سديد الراي ما بتأذينا
تماضر سمحة خصال تردي المازني ومن شهد الحديث تشجينا
سايل الله يا الكريمةعمرك ما تعرفي الحزن ومن عزك يوت تَعِزِّينا
يا ضي الضهبان في ليلاً ضلامو عمى ويا مداوي جروح الزمن وببلسمو يداوينا
يا ود عبدالله أبشر هز تعال في الحارة يا البي طيب كلامو يوت دوام يشفينا




ود يوسف بالمكارم ديمه يوت بارينا
وديمه مدفق الأفضال وماك ناسينا
زمن الناس تفوت إنت الوحيد طارينا
كل ما نقول نسبقك بالفضل بازينا

ليــه ياقـلبـي المنـزّه كـاره الفـُرِّيـــــق
والدّش المعاي لاعب بصرتي حـريـــــق
تعـبــان روحـي تـتـقـطف من العُشريق
ياحليـل النـزيــه المونتـي فـي أبودليـق



من قام بزازى وبالو فى الشريق
وقانص للتمودا الدابا بان دفيق
زى دهب الهنود اللجمال موريق
وحافظ سرو ساكت زى تقول توريق


منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 23, 2014 10:50 pm


منصور أخوى لامى الحسـان تتبارا
بت حمزة زايدة الحديث جمال ونضاره
وبت الحسن لاضمه النضم فى لسانا دباره
درابى طب لميتو وعقب من وراك بضارا

رافت ميلاد

وين ظبية فريقك والخمايل حالمه
وين ناس سيده ليها الناس بقت مى سالمه
ديك ناس بدور الفى القليعه مسالمه
جهرت نور عيون الناس وميها الظالمه


منصور

التمتم مع حس الطنابرة الشاخره
ما بنسيني انسي مع ام سماحتن فاخره
حبيبتي.. صبابتي وقعت فيها مي متزاخره
من هجري ومخاتات ظرفي درت الآخره
ابوحريرة

خيرك يالهميم عارفاهو جيب الباخره
عارفه مروتك ميها القطيمه الساخره
مافيش زول بلاك بلقاهو داك الداخره
زى عين الجنان حور الصلاح فى الآخره



منصور



Quote: وين ظبية فريقك والخمايل حالمه
وين ناس سيده ليها الناس بقت مى سالمه
ديك ناس بدور الفى القليعه مسالمه
جهرت نور عيون الناس وميها الظالمه


تراك مو قاصد فطيت ستى عديل
الزوزو عمة أبوى جمالا دليل
فاتت لهاليبو بت ملوك النيل
حليلا مسالمة يوسف ود الخليل
رافت

الزوزو زوزو بالعقول يا نبيل
وكم كمين مكتف فى هواها عليل
جيدا من غزال والعود دقيق ونحيل
وإن شرفت موقله مين بدور الويل





Quote: منصور أخوى لامى الحسـان تتبارا
بت حمزة زايدة الحديث جمال ونضاره
وبت الحسن لاضمه النضم فى لسانا دباره
درابى طب لميتو وعقب من وراك بضارا


والله حاجة مكيفاني في البوست ده الا مجاراة العزيز رافت حنا ليكم في النم الحلو ده.

واصل اخي منصور معاكم .

ودشيقوق

.................................
منصور أخوى لامى الحسـان تتبارا
بت حمزة زايدة الحديث جمال ونضاره
وبت الحسن لاضمه النضم فى لسانا دباره
درابى طب لميتو وعقب من وراك بضارا
...............................
أصلو البدر ورا الشمس بتضارا
ويهل علينابى نورا معاهو نضارة
نمك طعم الثمر الفقع النوارة
الحسان غيرو حالفة مابتجر مسدارا



Quote: منصور أخوى لامى الحسـان تتبارا
بت حمزة زايدة الحديث جمال ونضاره
وبت الحسن لاضمه النضم فى لسانا دباره
درابى طب لميتو وعقب من وراك بضارا
...............................



Quote: أصلو البدر ورا الشمس بتضارا
ويهل علينابى نورا معاهو نضارة
نمك طعم الثمر الفقع النوارة
الحسان غيرو حالفة مابتجر مسدارا


وأصلو الضي بباري الضي محِل مايمشي
إن جيتى الصباح.. يحلف عليك تتعشي
وإن جيت بالغبينة يحلف عليّ ..إتفشى
إن رافقتى زيو لاتنذلى يوم لاتطشي


يانور السمية الجانا نوَّر دارنا
وياطيب النسيم جانا هفهف زارنا
معسول الحديث شفانا ودَّر جارنا
غلبتنا الردود شهدت حروفنا ودارنا
تماضر

تماضر أخت سمية كان أبوكن موحد ربو مو عباد صنم
أخوكن المنصور ما متلقي حجج وبالبري ما لصّاق تهم
موفور الضراع سايل الله يبراكم ويبراه الضيق والهم
وعديلة بي قناديل فرح وجريد نخل وعديل وزين ورقيص تمتم
فال الخير لي أمات رسن الما بقودن إلا حراً ما بنزم

ابوبكر

أصلو البدر ورا الشمس بتضارا
ويهل علينابى نورا معاهو نضارة
نمك طعم الثمر الفقع النوارة
الحسان غيرو حالفة مابتجر مسدارا



نجمات زى سهيل وثريا نورهن بقا
سلخ الضلمه من جلد الليالى وشقا
هداك صافى الكلام جابنو موية سقا
لامن ناس هناى بابور قلوبهم دقا


منصور


تماضر أخت سمية كان أبوكن موحد ربو مو عباد صنم
أخوكن المنصور ما متلقي حجج وبالبري ما لصّاق تهم
موفور الضراع سايل الله يبراكم ويبراه الضيق والهم
وعديلة بي قناديل فرح وجريد نخل وعديل وزين ورقيص تمتم
فال الخير لي أمات رسن الما بقودن إلا حراً ما بنزم



وديوسف من جرابك ديمه عاقد النم
وديمه الناقصه عندك بى فرح تنتم
المال فى المكارم دافقو ما بنلم
وعطرك مسكو فايح من بعيد بنشم



منصور




Quote: أصلو البدر ورا الشمس بتضارا
ويهل علينابى نورا معاهو نضارة
نمك طعم الثمر الفقع النوارة
الحسان غيرو حالفة مابتجر مسدارا


بت الحسن طلحه جبتى الكلام الزين
إنشكح الفؤاد وإنشرط الخشم شبرين
البدر مو وضاح والشمس جاهره العين
تر منصور أخوى جاكم هجام فريق أم زين

رافت



Quote: وأصلو الضي بباري الضي محِل مايمشي
إن جيتى الصباح.. يحلف عليك تتعشي
وإن جيت بالغبينة يحلف عليّ ..إتفشى
إن رافقتى زيو لاتنذلى يوم لاتطشي


بت حمزة ضيك بان و فوق الضى كمان بضوى
شايلة الوطن أطنان و برق بركان يدوى
وجع الغبينة لى ربان السفينه شن بسوى
إديك المنال وشرف النضال ويهديكى التروى

رافت

مسدارنا يا الاحباب عالي وطرازو فريد
والليلة الفرح بشـــر قبايل العـيد
غاب من ديارنا زمان ضوا وسمو (عقيد)
واليلة عاد تريان مسدارو ماهو بعيـد



فتوقعوه

الخير عوض


نرحب بعودة الأخ / عقيــد ترحيب خاص من أهل البطانة
كنا نتابع مشاركاتك بإهتمام واصل ياعقيدالخيل وتميم الدار
وبوجودك يكتمل المسدار .....

برّاقك فجيجو متـوالي لاالصباح مانام
عربـك عَـيَّنـو الشيـلة ( وعـقـيـدن ) قام
ساقـو جنيبـة الملك المسـيلا حــزام
وعاشقك إن انتكل فوق جـلـدو مابنـلام


سمية الحسن طلحة


هاك يا منصور أخوى طيب أخبار جابتاالدرة بت طلحة
رافقتها زينة البنات الخنسا ست الخصال السمحة
العين تبراهن أكان عين حسود واللآ من عاشق لو لمحة
عفيفات السروراب التبري لونن وفيهم الفاقع التقول القمحة

ابوبكر

مسدارنا يا الاحباب عالي وطرازو فريد
والليلة الفرح بشـــر قبايل العـيد
غاب من ديارنا زمان ضوا وسمو (عقيد)
واليلة عاد تريان مسدارو ماهو بعيـد




معروف ود عقيد زى الكنار غريد
وفى بحر النميم معروف بجيك وريد
فارس ود فوارس حاشا مو شريد
وطابق للقلم والسيف وتال الليد



العزيز جداً اخى / منصور المفتاح
تحياتى واشواقى
تجدنى من المتابعيييييين لمساديركم وعبرة التحية لكل الاخوة وللاخ ود عقيد
لم التقيكم ولكنى التقيتكم
(الاسم :- ابراهيم على احمد رانفى ( رانفى

حاولت ان انضم اليكم فى هذا المنبر ولكنى لم اوفق
كان فى طريقة شوفنا طريقة كى نتشرف بصحبتكم
وانى لفخور بذلك
وهذه مساهمة

مدخل
الحاردلو الكبير
الزول السمح يوم الخميس واعدنـــا
فى ديم كسلا ان سافرنا منو ابعدنــا
يا عبد اللمين ما شفتو كيف واددنا
تراى هادا المنسينا العقاب وبلدنا

محمد الحاردلو رفيق الصبا موظف ببنك السودان
يا الرهو المسافر فى سمانـــا مشرق
ازجى تحية للدوحة الخميلـــة مورق
على سخط الزمان اللى قلوبنا محرق
نخشى يكون قدر دايماًحياتنــا تفرق

رانفى شخصى الضعيف
عليك مبروك دخولك فى عوالم الفرحــة
على جور الليالى والكبد منجرحـــة
عليك البهجة طلعت والنفس منشرحـة
على بقيت شبر ضاقت الوطا المنطرحـة
رانفى

مجادعة :-
( عوض الكريم (عشرة سنين
ظبى التاكا عينيهو الدغس شاقنى
انا فارقتو مجبور الظروف ساقنى
الفى بعدو بالحيل الفؤاد جننى
صادق حبو ما خيب شعورى وظـنى
رانفى
الجابرنى دايمــــاً فى عيونو اغنى
رفيع زوقاً مادب بالغرام ساكنى
انا يا المنك الاقدار غصب ساقنى
لا برضينى غيرك لا ســـواك مستنى
رانفى
ابو الحاردلو قربك فى البلد دايرنو
دمع الشوق عليكم يا نديم زارفنــو
ستات الجمال العرضهن حفظنـــــــو
ما بنصادو ما ظنيت علينا يحنــــو
عوض الكريم
البلد البحبو وقلبى عاشق منـــــو
انا فارقتو يا ابراهيم وفاقد حنو
نيران فقدو تلهب فى البدن شاوينــو
كيف الرجعة يا خلى الخلاص كيفنـــو
رانفى
ابو الحاردلو زمناً ولى كيف بنعيــدو
كيف شوفت المنزه والدهب فى جيــــدو
جمــالاً فيهو بصعـب للمحب تمجيــــدو
ناجع صيدو يا ابو الحار غلبنى اصيدو

عوض الكريم
لو كان الزمن عهد الساعده بعيـدو
كان افرحنا بزولاً صحيح بنريــــدو
القمحان منو دايماً وكفى ما بتصيدو
جمالو تمانية فى عشرين حروفو يزيـدو

مع خالص شكرى اخى منصور
احجزوا لينا معاكم عنقريب هبابى



وين العهدو فى الصون وين سليم الزوق ؟
وين الليهو راجع كم دفرنى الشوق ؟
يا ابو الخير عليك الخوه احلى وروق
جبنتك طايرة ، بنك فى الارض مدفوق
******
شن بتقولوا فى الغربة البقت خازوق
حصاد سنواتنا يا الاخوان بقانا فروق
كل احلامنا ضاعت والعمر محروق
والمجهود غير مقدر ذى قمامة السوق

يا ابو الخير عميرك فى الحجاز قضيتو
صابر بالسنين درب الريال سكيتو
لا بقيت منو قنعان لا كمان لميتو
العقاد معاك شقيان ومحروق زيتو
*******
فراق الوطن الليلة بان يا دابو
كتار الـ(ذى )قاعدين فى الخليج شن جابو
قعاداً فى الكويت بالله شن اسبابو
لا احباب ولا زولاً بنتسلابو

يا العقاد اخوى الرجعة احسن ليك
ضيعت العمر ساك الريال والشيك
يا وطنى العزيز بالحق انا جاييك
وابو الخير مكوع فى الحجاز ناسيك

ابو الخير ليك معزتى يا عزيز القوم
حاشاك من مذلة ومن قبيح اللـوم
اسال ربى هادى الحال على ما يدوم
ارجع هسى للسودان كفاية هموم

الاخوة ابو الخير والاخ العقيد عرفتهم عبر الفضاء الواسع ولم التقيهم وهما مقمان بالمملكة العربية السعودية
شكرى



رانفى







منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 23, 2014 10:59 pm

يا العقاد اخوى الرجعة احسن ليك
ضيعت العمر ساك الريال والشيك
يا وطنى العزيز بالحق انا جاييك
وابو الخير مكوع فى الحجاز ناسيك


هاك يا ود عقيد سمح الكلام ببكيك
ودايرك تب تصد تزرع جروف واديك
شن تمن الريال والناس محدره فيك
وصد لى دار ابوك لبن الطيور بديك



منصور  
لو كان الزمن عهد الساعده بعيـدو
كان افرحنا بزولاً صحيح بنريــــدو
القمحان منو دايماً وكفى ما بتصيدو
جمالو تمانية فى عشرين حروفو يزيـدو




حاسب للزمن دفان وبغدر سيدو
ما تغفل تضوق المره منو نكيدو
الزول كان أباك أو بالصعر لاف جيدو
خت إن بطلت قربة حوار ما تعيدو


منصور  
                   

شن بتقولوا فى الغربة البقت خازوق
حصاد سنواتنا يا الاخوان بقانا فروق
كل احلامنا ضاعت والعمر محروق
والمجهود غير مقدر ذى قمامة السوق


زى مسمار جحا الغزوهو فى الطايوق
وزى الزول وكت فى السكره صار لايوق
الزول كان سرق مرات بكون مزنوق
وزول الغربه داك دارع الحبل مشنوق

نسألك اللهم السلام

منصور  
                   

البلد البحبو وقلبى عاشق منـــــو
انا فارقتو يا ابراهيم وفاقد حنو
نيران فقدو تلهب فى البدن شاوينــو
كيف الرجعة يا خلى الخلاص كيفنـــو



شن الرجعه والقاعدين هناك مالكنو
فى بلد السجم تالفين عضاى تاشنو
خاش جنى القبيل نعلوهو جننو جنو
ديل لا بحسو بينا ولا علينا بحنو


اخى منصور
منصور العزيز من شخصى احلى تحية
ولى دارك وحاتك ناوى تب الجيــة
فى طريقة ولا اقوم اسيلى قضية
حارسكم صباحاً والنهار لا عشيـــة

***********************


شن الرجعه والقاعدين هناك مالكنو
فى بلد السجم تالفين عضاى تاشنو
خاش جنى القبيل نعلوهو جننو جنو
ديل لا بحسو بينا ولا علينا بحنو
( منصور )



يا منصور اخوى ديل البلد سافنو
وذي ريش الحمام يا خوى نتف ناتفنو
حبل الموت معلق للجميع ناصبنو
دون اسباب بريئاً فى الظلام شانقنو

*****************************
هل يا بطانة ذى ما كنتى مطرك صاب ؟
وهل قلع الدموك اترادا فوقو سحاب ؟
يا حليل دعاشك والنسيم الهاب
كل الدنيا غير سوحك بتبقى عذاب

معكم نتواصل
 
                   

منصور أخوي المرض إتكالب علي وفيّ غرس أنيابو
المتلي مالو غير الصبر والموت كان جاالفاً حبابو
كم من فوارساً سدادين مخروقة من الدنبة كم غابو
سائلم خالص الدعا ياسليل أبشرا ورجالن ما بنعابو  
                   
ابوبكر


مالك يا عريس أنسى الوجع سد بابو
وافتح باب فرح سمح التمنى حبابو
مافيش زول بموت من المرض واسبابو
إلا اليوم يجى الرحمن بخبرو كتابو



منصور  
                   

يا منصور اخوى شفت الحريق الولع
سودانا الكبير الليلة كلو اتشلع
جمرة الفتنة فى الخرطوم كمائن ولع
وبيت الاسرة فى الانقاذ اساسو اتشلع

**********
الزواج سنة والسننن مطلوبة
لكن الشباب من الوضع مرهوبة
لا مهنة لا مال لا كمان راكوبة
ما شفت الحبيب كيف طلق المحبوبة
لكم الود  
منصور أخوي وينك والسهام فوق قلب أخـوك إدّلـتْ
والسعادة الكنا فاقدنها العمر كلو الليله طلت
صوفية بت قبيلة والغرة فوق جبنا من كُتر ماصلّّت
السمحة نايرا جبينها يبرق شل بصر العيون واتعّلت
ما بعيد ليهو البصر إلا لو السمحة عنت ونمت  
                   
ابوبكر




Quote: منصور أخوي المرض إتكالب علي وفيّ غرس أنيابو
المتلي مالو غير الصبر والموت كان جاالفاً حبابو
كم من فوارساً سدادين مخروقة من الدنبة كم غابو
سائلم خالص الدعا ياسليل أبشرا ورجالن ما بنعابو  


بيزاورك دُعاي يقريك سلام محرابو
وبيزيل المرض الغارزة فيك أنيابو
وإبشِّر كلامك ...إضوِّي فوقنا شبابو
ترجع زي زمان...وكل همومك غابو
تماضر


شخصى الضعيف وكتين غرق فى النمة
من غير ما يحس قال يا ولد إتلمّ
فى الناس الجمال كاسيها جِبّة وعِمّة
تدخل زُمرَتُم بس كان تروق تنجمّ

العجيل


سواق القندران البلبود بيخاتل
دفر من أوستن ونزوله فوق لسياتل
في بحر الملح نقر الغزال القادل
توَر علي حسيسي وسواني في قدد شداد وعناتل

ناصر


منصور أخوي وينك والسهام فوق قلب أخـوك إدّلـتْ
والسعادة الكنا فاقدنها العمر كلو الليله طلت
صوفية بت قبيلة والغرة فوق جبنا من كُتر ماصلّّت
السمحة نايرا جبينها يبرق شل بصر العيون واتعّلت
ما بعيد ليهو البصر إلا لو السمحة عنت ونمت


سمح القول وقت عالى المقام إتجلت
وسمح الزول وكت طيفو الصبوح إتفلت
سهمك يا العزيز خاتى الملام ومغتغت
وسهم الزول بجيك يا خلى ما تتبرقت



منصور  
شخصى الضعيف وكتين غرق فى النمة
من غير ما يحس قال يا ولد إتلمّ
فى الناس الجمال كاسيها جِبّة وعِمّة
تدخل زُمرَتُم بس كان تروق تنجمّ

العجيل



يا ود العجيل مخبوره فيك الهمه
والناقصه المقصره بى عضاك تنتمه
الناس فى المجالس دايره طاعم النمه
ما بسليها غيرك ماك فسيلا رمه


منصور

سواق القندران البلبود بيخاتل
دفر من أوستن ونزوله فوق لسياتل
في بحر الملح نقر الغزال القادل
توَر علي حسيسي وسوني في قدد شداد وعناتل

سايق القدران مطر الخريف الهاطل
شاق كبد البلود ماك التعيس العاطل
حق القريب بلقاهو ما بتماطل
ماك زول مريسه ولا البهيمه الساطل


منصور  
                   



Quote: وفوق حدب أم قفل صحانا صوت باجورك


الأخ الكريم/ منصور
حدب أم قفل ده ذكرنى بنمة جميلة حفظتها من أفواه أمهاتنا
عندما (يلولن )البنت الصغيرة ساعة النوم ويقولن بصوت رخيم:ـ

أخوانك تـلاتة وفوق تـلات قعـدان
فوق حدب ام قمارى دلكو الحيضان
الطـين فـوق سـدورن عصـفراّ نديان
ولاأدرى إن كانت من النوع التلاتى أم ان هناك ما يكمل المربوع.
خالص التحايا لكم وللأسرة الكريمة
يا منصور اخوى شفت الحريق الولع
سودانا الكبير الليلة كلو اتشلع
جمرة الفتنة فى الخرطوم كمائن ولع
وبيت الاسرة فى الانقاذ اساسو اتشلع


البيت الكبير بابو الحراز إتخلع
وفى السهراجه سيدو من المصيبه يتخلع
كل ما نقول دا موسى علينا يوت بدلع
وحارقو هداك حشانا وساف هنانا وبلع



منصور  
                   

أخوانك تـلاتة وفوق تـلات قعـدان
فوق حدب ام قمارى دلكو الحيضان
الطـين فـوق سـدورن عصـفراّ نديان
ولاأدرى إن كانت من النوع التلاتى أم ان هناك ما يكمل المربوع.
خالص التحايا لكم وللأسرة الكريمة.




Quote: (بحر أبيض طمح من الخبوب عكران
ومن العقبه فوقو إتكابن الوديان
خلى أمات رهوم لى قوز رجب تيجان
وفوق حدب أم شديده إتناقزن عبران)



شاعر من الحواويت وام غريز بالسبلوقه



مرحبتين حباب الملكه بنت سلطان
ومرحبتين حبابك عاليه ست الشان
راجيين الكريم يغنيك فى البيشان
وإحفظ للعيال ويديهم النيشان


منصور
الزواج سنة والسننن مطلوبة
لكن الشباب من الوضع مرهوبة
لا مهنة لا مال لا كمان راكوبة
ما شفت الحبيب كيف طلق المحبوبة

لكم الود



الدنيا القبيل صبحت على مقلوبه
ما بقدر عليها أكان قلبتا الهوبه
كل السوق بضاعتو تقول على منهوبه
حتى الكسره فى الأسواق بقت مضروبه



منصور


ما بتتجارى ...باعك في الغنى مخلينا
نفرق في النميم.. فرقا.. يسندو علينا
يا سيد البيهدر ....والسراتها سمينه
زي الطرفة عوسك ......مو شرشير عينه


أحمد يوسف أبوحريره

مين متل أبحريره الساريه نزلت فينا
مين بى بت لبون عند الهجوع كافينا
يا أحمد وساعك باهلو ماك دارينا
ما بنقدر نجس وادى أبلعوت فى العينا




أخوي ود مفتاح يا المن صافي الرحيق راوينا
وبي معسول الحديث من أمراض النفوس داوينا
يا الخزين الكريم، يا الماك بخيل بالله أدينا
مساديرك ونمك المن علل الزمان تشفينا
ومن عين الحسود أدعيلنا إنشاءالله ما تبارينا  
                   
ابوبكر


أخوي ود مفتاح يا المن صافي الرحيق راوينا
وبي معسول الحديث من أمراض النفوس داوينا
يا الخزين الكريم، يا الماك بخيل بالله أدينا
مساديرك ونمك المن علل الزمان تشفينا
ومن عين الحسود أدعيلنا إنشاءالله ما تبارينا


الحاسد عينو راجعه وتانى راجعه لعينه
وسيدا الفى تبارك راجعليهو سنينه
الناس بالزكر محروسه مره أمينه
ما بقدر عليها حسود وصاحب شينه


منصور


ظبى التاكا عينيهو الدغس شاقنى
انا فارقتو مجبور الظروف ساقنى
الفى بعدو بالحيل الفؤاد جننى
صادق حبو ما خيب شعورى وظـنى



طللا طل بى أطلال ربوعا رمنى
سهما فوق قديم الكى عليهو كونى
كيتا تانى زى لمح البصر ختمنى
هبلن فوقى نار الشوق وفوقا شونى



منصور


منصور أخوي قالو أخوك بالعــشق مرضان
مباري النجوم وديمة لليالي يـوت ســهران
وصّفوك وقالولي صاحبك مع العشق تبْ ولفان
وأنا زولاً غبيان بدرب الهوي وسموني الضهبان
بِتدُلني على المخارج واللآ أفضل التايه الشقيان؟
أما العزيزة بت عز الرجال حلفت المسكونة الإيمان
ظبية خلا فاتت بعيونا المها وفاقت رشاقة الغزلان


تماضر أختي الوفية جات تأتر اللخو العيان
ما غريب عليكي يالرزينةالفقتي غيرك رقة وحنان
دعواتك سبب شفاي وما تشوفي شر يا أخت اللّخْوان
الشكر يغمرك بحر ومتلو أنهار من المودة والعرفان

ابوبكر يوسف
منصور أخوي قالو أخوك بالعــشق مرضان
مباري النجوم وديمة لليالي يـوت ســهران
وصّفوك وقالولي صاحبك مع العشق تبْ ولفان
وأنا زولاً غبيان بدرب الهوي وسموني الضهبان
بِتدُلني على المخارج واللآ أفضل التايه الشقيان؟
أما العزيزة بت عز الرجال حلفت المسكونة الإيمان
ظبية خلا فاتت بعيونا المها وفاقت رشاقة الغزلان



وديوسف عيونا النور وبقا وزان
وإن قلت القوام مشتوله زى البان
عسلا فى الكلام بشفى السقيم مرضان
ودفيا فيها ما بتفوتو يوم حردان

منصور  
                   











                   

                   


                   

                   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 25, 2014 1:23 pm


مسدار اللوري للدكتور قريب محمد راجع




سائق التيمس الفي طبعو باقي مقلب ** قال لي مساعدو ناوين السفر ادرب



هاك ام الورق جيب ليك رغيف ومعلب ** وباكو من السجار اوع القديم ومهرب



ودع بقعة المهدي وتوجه غرب ** شال سارة وبقيت في نار جمر اتقلب



ممكون إلا صابر والعلي بطلب ** وصفات من طبيب درس الحكاية وجرب



بعد مانط فتاشة وعديل إتصلب ** طلع قوز ابو ضلوع جسم المساعد كلب



جبد السري دخان اللديتر علب ** صادف زنقة عداها وعليها تغلب



تقول كاسر قيود كان في البنية مكرب ** وصادف غفلت الحراس مرق واتهرب



قداموا الطريق ساهل نقوع وجررب ** قبل التاسعة فوق أم اندرابات تلب



من ام اندرابة توهد الخيران ** وإتراجع من السرعة وعمل سكران



قصدو القاصدو تب مافات على الزملان **يبيت صدر أب تبر ويصابح الغزلان



قشة عينو من النوم لمحلو عنيز** قدامها الوعيرة وبي وراها قويز



شال جيهة المهب نشن قليل الميز**كرفت ريحتو خزت وعوضته فزيز



شبيهة سارة سلمت من أذى الرصاص** ورجع صاحبنا آسف واللدين يباس



بتشبه سارة في الهيف والحشا المزرود** والجيد المبوبح والعيون السود



تمتاز بي نفوراً مابحدو حدود** وتمتاز سارة بي العفة وليانة العود



عقب لامح قطيع جنب القصيبات ماشي ** وراح بشويش مباريهو وعمل نواشي



قبض نيشانه واقف ومثل الدياشي ** وقالت بو وراح كل القطيع متلاشي



فرك ايدينو حسرة وعض للسباب ** وقال ياليته كان ماخالف الركاب



قداموا الوحل وتردم السحاب** وزاد الناس كمل والرحلة لسة صعاب



قال يامسعادي اطلع منع الكراب ** هُرب ابو حوت تحتنا والطريق دراب



نزل وادي اب جداد وعلب الدكناب ** وفات وادي المخنزر وعدا بالحجاب



عقيدات الدمر مراها سيل منساب ** تقول شارد اضاليم ماسك الدوداب



ختم من جبرة عفواً لاسلام لاحباب** ونزل ام قرفة ممهول والنهار ماغاب



بات مبسوط يشاغل ناس يضاحك ناس ** ونامت سارة نوماً هادي غير هلواس



حتى مساعدو راح ضارب الرمال وإنباس ** آخر نومه وإرتاحت بقية الناس



صحا من نومه واصل منزعج مزنوق** وفات ام صيقعون لمحة وعقب خازوق



يغير في التعاشيق الشقي الصعلوق ** يحاول جهدو حاري اليوم جريجخ سوق



وصلت سارة ناسة وعشيرة ابوها** وجوها شفاقة مشتاقين تقول ياكلوها



دي آخر محطة الليل يواصلو لبارا ** وللركاب تأسف واعتذر بي مرارة



وصلت سارة موطنها وبلدها الرائق** بوابيرو بتدق صباحي والتور سائق



وإتخلفت في جريجخ حبسني العائق** في بحبوحة لكن الضمير ماطائق

ودعدلان


يا ود راجع التيمس عديله مدرب

وداك سواقو فى سكروته ديمه مجبب

مساعدو مطيع ودايما حاشا ما بضهب

عارف شيلتو فوق تكويشه علق للقراب لبب

بضع ستف الطبلون زواده وكرب

وعبا الجاز تناكى وللساتك هبب

علق فوق صفاح اللورى صاجا وضب

وجاهز للقويز والخور وساعدو مكرب

بعد اللورى قام من المدينه وفرنب

وتوش فتاشه جاها وفاتا فو زى تلب

ساعة الحزه عند الحمره رخرخ جنب

بدور الشاهى عن ست اللهيج ديك قنب

فك الخرمه ختف الكيفه فرفش هضرب

وقبل تانى ختا السرى صوت الكوز حنينا طرب

فوق نقع الصوى سوالو شيتا بهدب

خبار للدروب هبار غروبا مجرب

وقت الخور يجيهو من القويز ويطلب

وتسمع جضه من صوت الحريم وسكلب

هديك الإندرابه البان عمارها وقرب

بدور النومه فيها وبالبياح بطلب

شوف عينى العنق مرحات تويسهن لبلب

وفوق راسنا الحدى بارينا ساكت غرب

فوق عوسو القبيل سواقنا داسلو هررب

وداس بنزينو عابر للوهاد وعررب

لامتين جينا لى جبره الحمارات مغرب

وسار من تال صعيدا وفى الظلامات صلب

دغشا مو صباح طبينا هاتنا صبب

لقينا الناس تتخبل وسيد صباحن حبب





يا ود عدلان ذلك إمتحان عسير فقريب شنكيب شارب للمسادير قبل أن يتقن مهنة ومهارة الصنعه بالتعمق فى الدراسة والبحث




منصور


منصور أخوي

وهاك مسدار بجناس

سألت عن النضرة البتزهو تقول جمالا فراش
فأجابني العزول بالبي العروض فراش
دي بت كهلاً فقير فراش
بتردي المازني وبتفرش عليه فراش


لسع تايه في الدلال ماضي
وهل تناسيت حبنا الماضي
في صحيفة قلبي كم ماضي
ماضي سهام لحظك الماضي

وابحث بين الحروف .. فأنت ألمحي!!

ابوبكر


لسع تايه في الدلال ماضي
وهل تناسيت حبنا الماضي
في صحيفة قلبي كم ماضي
ماضي سهام لحظك الماضي




تائه فى دلالك وبالعليك راضى
وقبلان للحكم من سهمك القاضى
قلبك ديمه مليان حاشا مو فاضى
وقابض لى جمر عشق الغزال عاضى


منصور


لسع تايه في الدلال ماضي
وهل تناسيت حبنا الماضي
في صحيفة قلبي كم ماضي
ماضي سهام لحظك الماضي




تائه فى دلالك وبالعليك راضى
وقبلان للحكم من سهمك القاضى
قلبك ديمه مليان حاشا مو فاضى
وقابض لى جمر عشق الغزال عاضى


منصور


سألت عن النضرة البتزهو تقول جمالا فراش
فأجابني العزول بالبي العروض فراش
دي بت كهلاً فقير فراش
بتردي المازني وبتفرش عليه فراش



سمحه الخضره فوق سجاج جناين القاش
وسمحه العابكه دخانا وعقبلو دعاش
شبه الصيد موقله والوجيه هشاش
وكضاب من يقول سهم الرماح داك طاش



منصور


الليل والنهار اقدامى دج مافاتره
نوناى ونميمى مع الهبوب الخاتره
تذكار لعبة الجاهله ام حمزتا داتره
ورت عينى سهره ودمعتا متباتره
الاخ منصور هذا قليل من كثير سوف تتاتى المسادير تباعا انشاء الله

خالد المحرب




Quote: الجابرنى دايمــــاً فى عيونو اغنى
رفيع زوقاً مادب بالغرام ساكنى
انا يا المنك الاقدار غصب ساقنى
لا برضينى غيرك لا ســـواك مستنى



رانفي قولو سهمو الفي فؤادي ...سكني
قيَح عيني بي سهرو .....وغرامو مكني
صبري علي فراقو.. جوارحي منو شكني
بصلو حبيبي ..ظافر ....إذا القدر مكَني

ابوحريرة

رانفي قولو سهمو الفي فؤادي ...سكني
قيَح عيني بي سهرو .....وغرامو مكني
صبري علي فراقو.. جوارحي منو شكني
بصلو حبيبي ..ظافر ....إذا القدر مكَني


نصلا من مقل عينيهو طار وكبسنى
زى خاتمو البديع كيتا على لابسنى
إن شال خدرو ساكن طيفو دو عاكسنى
من الورده راجف***طبى كان لامسنى

منصور

ود مفتاح وتماضر ورائف في ليلة العيد أبشروا بتتهنو
سايل المولى القدير وحجاجو الفي عرفات واقفين يتمنو
المغفرة والجنة تاركين العقب ورا وليهو ما حنو
خالص دعاي ليكم بالسعادة نغيماً دوام بيها تتغنو

ابوبكر

منصور ........والعوائل والشباب والكاهله
مبروك عيدكم إنشاء الله ...المقابلات ساهله
نور عينينا محبوبنا .......أب خدودا جاهله
شوقنا عليهو أبلى..... حبال صبرنا الماهلة

ابوحريرة

العفو للجميع والعيد بخيت وسعيد
وساعلين الكريم بى خيرو لينايعيد
إدينا الصلاح وسلوكنا يبقى رشيد
وفوق خيرو القبيل يغنينا تانى يزيد




كل عام وكلكم بدون فرز يا أهل النم بخير وصحه وربنا يحقق الأمانى


منصور

الناس فى الشواشو والشرابيت غاتسه
جايله مع الأهل زاهى الهدوم ديك لابسه
السنه فى رخا وماها العجيفه اليابسه
مافى كتح هبوب مافيش نفوسا عاطسه



منصور

لامتين يا بلد فوقك نقيف ندرج
لا هم لا عذاب لا من فقر نتحرج
الباب أقفلوا وممنوع غريب إتفرج
والموت وقفوا ومافيش قتيل ومضرج



منصور


شوف الحال كيف دوام مختلف متبدل
وفى شان ست البنات كيف صبح متعدل
بيها إنصلح حالنا اللكان متبهدل
صبحت وزيرة تهندس تبنى وكمان بتمندل

***

فى يومك ..نعرض بى سلاح علامك ونقدل


شوف الحال كيف دوام مختلف متبدل
وفى شان ست البنات كيف صبح متعدل
بيها إنصلح حالنا اللكان متبهدل
صبحت وزيرة تهندس تبنى وكمان بتمندل


الحال وين بدوم والناس رباعه تكاجر
والمسعول دقس سوالنا عوس التاجر
كم مليون مرق خلاها فاتا مهاجر
وكم تمساح مكرق حامى فيها محاجر



منصور


الحال وين بدوم والناس رباعه تكاجر
والمسعول دقس سوالنا عوس التاجر
كم مليون مرق خلاها فاتا مهاجر
وكم تمساح مكرق حامى فيها محاجر


كم مليون مرق لي رزقو حادي و زاجـر

و كم مليون مخالف لي أخوهو مشـاجـر

السبب القبيل خـلاني أمرق أهـاجـر

الداير السيادة و يوت مخاصـم و فاجـر

الطيب بشير

كم مليون مرق لي رزقو حادي و زاجـر

و كم مليون مخالف لي أخوهو مشـاجـر

السبب القبيل خـلاني أمرق أهـاجـر

الداير السيادة و يوت مخاصـم و فاجـر



سببك مو براك خلوها مليون ضاجر
فيهم ناس صلاح والاف ظراف وفناجر
الناس فى العقاب عادمين صليحا ياجر
والماسك الرزق مابيبو للناس حاجر



منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 25, 2014 1:34 pm

طيب القوم بلدنا مصيبه وقعت فيها
وأظن نفد الحجاب الكان زمان حاجيها
النيل الروؤف بى طولا طب حاويها
وخيرا فى الجراب خابرنو كان كافيها




الشئ العجيب صاحب المِلك ..مستأجر
والبلد الفسيح ..رسل وِليدو مَهَاجر
تاجر وتاجر ..إنقلبت بلادنا متاجر
إتحكر سنين ياهم وإتمكن آلمتكاجر (يالمتكاجر)
***
بدال فهم ..
قلاع غصب ..
قطاع عصب وحناجر

دستورك العلقتو
لاشك حقيقتو مناجر

تاجر وتاجر ..
وإنقلبت بلادنا متاجر

وين المرؤة
ووين..
طفلك ضحية الفاجر

................................................................................
محمد السيد  

يا زول الدماغ ظنيتو صار متحجر
والكان داك كريم أصبح فسيل متجبر
البلد القبيل كان بالزروع متشجر
ضربو الهم يباس واصبح حريق متفجر






Quote: كم مليون مرق خلاها فاتا مهاجر





Quote: طيب القوم بلدنا مصيبه وقعت فيها



تتلمه التعاسة وخيبة رجاء تلاقيها
هوين مو نجيض غلبو البسويو فيها
من صالح العوام أسباب يحاجج بيها
غلطان يوم طرد علاما وسيد واديها
محمد السيد

بلد الخير بلدنا بي دمنا بنفديها

والمال نبذلو تب ما بنقصر فيها

يا الهاجين بعيد فسراعكم اجرو عليها

قبل الشر يعم ونندم علي ماضيها
 
                   
فى الحاره بس بدورنا نمشى عليها
ناس البارده هم خامين كتير حاليها
هاجين بالغلب حالتنا ماك داريها
بخت الفيها داك خيراتها ديك حاريها



منصور  
                   

الليلة القلب أتلامعنلو اتنين
ستاتو الأحامدة والفن مشيهو عنين
الخلانى بعد الشيب فضلت أنين
مهرة معبدة وبريبة ضاربة عسين  
                   
سمية
الليلة القلب أتلامعنلو اتنين
ستاتو الأحامدة والفن مشيهو عنين
الخلانى بعد الشيب فضلت أنين
مهرة معبدة وبريبة ضاربة عسين



القلب إنفطر شطرنو وزينتين
وفى العوم بدعن بنقول دقر ياعين
بريب التبس مسكو البفوح لى وين
وكان الزول خرف بكرفلو عافيتين


منصور

تهموك بالصلاح وحسن الخصال تاميها
غلبنى أشهد فيك وإت العيون ماليها

وإت يوم ظريف والحلوة سهل تلقيها
فوق كم تجابد المرّة* وتطعم فيها

المرّة*(بضم الميم وتشديد الراء)
محمد السيد

تهموك بالصلاح وحسن الخصال تاميها
غلبنى أشهد فيك وإت العيون ماليها

وإت يوم ظريف والحلوة سهل تلقيها
فوق كم تجابد المرّة* وتطعم فيها



تهمونى ونفد والفيها زايد فيها

ما بعرف خلاف الفى الضمير خافيها

كم من روح مجنده بالصلاح وافيها

كم كمين مؤمنه ربى داك واقيها



منصور

البلد إن بقت مبروكه حاشا نبيعا

حاشا نفرتقا ونخرب قديم تربيعا

الزول إن دقس فكاها إبقى تبيعا

إبقى مصيبه منزوع الخصال وطبيعا




منصور


حليل أهلك حليل البردوا المطروحة
واسوك البلد ما خلوا من مشلوخة
أنوريك حقايقا ونفايل فوتا
بشرط كونترات تخرب خراب فى اللوحة  
                   
حليل أهلك حليل البردوا المطروحة
واسوك البلد ما خلوا من مشلوخة
أنوريك حقايقا ونفايل فوتا
بشرط كونترات تخرب خراب فى اللوحة


بردت بالدواس السمحه طابقه البوخه
ميها ديار خراب البى اللبن مبخوخه
ملكه وست ديار ميها العويره تخوخه
فيها رجال أسود حاشاها مى مشروخه



منصور  
                   



Quote: البلد إن بقت مبروكه حاشا نبيعا

حاشا نفرتقا ونخرب قديم تربيعا


بعزة من رفع السما وسواها
وبعزة من بسط الأرض ودحاها
تمت كلمتو والرسالة رضاها
حاشاى خراباأو ولاى لسواها
محمد السيد

الرفع السماء حاميها ما ضراها
عززا بالولايه وبالصلاح علاها
باللالوب محفله بالقيام جلاها
علا تقوم مصيبه وإبقى سيداجناها



منصور  


Quote: علا تقوم مصيبه وإبقى سيداجناها


البلد المصائب كل يوم غاشياها
مامورين مترفيها بالفسوق تملاها
عكروا نيتم وإنتشر الفساد عماها
ندعوك ياكريم تصلح نفوسنا معاها

.....................................................................
محمد السيد  
مافيش خير بدوم فاعل الهموم بلقاها
(والوالد المحن لابد يلولى جناها)
الولد إن رقد مات بالنصيحه خباها
عارف فى الكتاب قد(خاب من دساها)



منصور  
                   



Quote: مافيش خير بدوم فاعل الهموم بلقاها
(والوالد المحن لابد يلولى جناها)
الولد إن رقد مات بالنصيحه خباها
عارف فى الكتاب قد(خاب من دساها)



فى نمك حقيقة العارف بطون فحواها
مدرسة للعلوم ياكا الطبيب جساها
بتمرق الشهادة يوم الخسيس دساها
والشد بيك إزرو مشاكلو جت حلاها
محمد السيد

الزول إن جفل فات الحقيقه ختاها
وين بقدر يفوت الآخره يتخطاها
مو معروف لظى المهبوله بتوطاها
مو معروف تشملو شفاعه من ناس (طه)

(ص)




منصور  
                   

بردت بالدواس السمحه طابقه البوخه
ميها ديار خراب البى اللبن مبخوخه
ملكه وست ديار ميها العويره تخوخه
فيها رجال أسود حاشاها مى مشروخه
ــــــــــــــــــــــــــــــــــ
التلب اللزوم ماقالوا داك فخوخة
أخو السمحة أم ضمير التضوى شلوخا
الدنيا أم قدود ماقبضنو فخوخا
يقدل بالعرض فى السدرة ولا الروحة
سمية

أخو السمحه أم حفل صقر الجدى الخاوى
ما بديها لى ناس البفلقو ويداوى
كم كمين حديث سواهو فوقها الراوى
يا بنت طلحه عشقا للتراب كم شاوى



منصور  
                   

بندور الركوب فى الصى نشوف الصيد
نشوف الفى الخدور والنانتو فوقها فصيد
الشوقو الحرق جوفى وسبانى الريد
وشوق للقمرى فوق طلح الفريق غريد



منصور


Quote: أخو السمحه أم حفل صقر الجدى الخاوى
ما بديها لى ناس البفلقو ويداوى
كم كمين حديث سواهو فوقها الراوى
يا بنت طلحه عشقا للتراب كم شاوى



أخو السمحة المكملة أم حشايا طاوى
مابديها لى أب مخا عقيقة وخاوى
ياود البيوت أمات ضيوف وخلاوى
منصور أب نفل بيتك بسند التاوى


سمية الحسن طلحة


بندور الركوب فى الصى نشوف الصيد
نشوف الفى الخدور والنانتو فوقها فصيد
الشوق الحرق جوفى وسبانى الريد
وشوق للقمرى فوق طلح الفريق غريد



منصور
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياسيد البكار يا المهرتك عربيد
ياسيد الخسيلة المارقة من الإيد
الشوق فى الحشا نارو فبنا تقبد
للدار المرية وسيدا باقى عقيد



أخو السمحة المكملة أم حشايا طاوى
مابديها لى أب مخا عقيقة وخاوى
ياود البيوت أمات ضيوف وخلاوى
منصور أب نفل بيتك بسند التاوى


سمية الحسن طلحة



الحال إنخرب والكان بقالنا حكاوى
داك حال البلد محنا جابلو بلاوى
بندور التلب كان فى الصريمه يلاوى
ما بندور معى وساويلنا حال الحاوى


منصور

ياسيد البكار يا المهرتك عربيد
ياسيد الخسيلة المارقة من الإيد
الشوق فى الحشا نارو فبنا تقبد
للدار المرية وسيدا باقى عقيد



فوق ابدومه بى كبد البطانا مشارط
ومانى الخازى لى برم الطليحه العارط
دوار للمعيز زول شوف عفيفا رابط
وناذر لا تتك لا زول قنيصا فارط



منصور

يا بت طلحه زيك كم فقدت عقيد
وكم من زيو خابر للبوادى بريد
زولا كم رضى وبندورو طب فى الليد
وبندور نمتو الراجياها ست الجيد




Quote: فوق ابدومه بى كبد البطانا مشارط
ومانى الخازى لى برم الطليحه العارط
دوار للمعيز زول شوف عفيفا رابط
وناذر لا تتك لا زول قنيصا فارط



منصور  


قناص... للشوارد مغناطيسك لاقط
دوار المعيز من غير فخاخ وملاقط
بى عفة لسان ووشاً بشوش بتباسط
مشهاداً قديم ماليك فيهو مغالط

سمية الحسن طلحة

قناص... للشوارد مغناطيسك لاقط
دوار المعيز من غير فخاخ وملاقط
بى عفة لسان ووشاً بشوش بتباسط
مشهاداً قديم ماليك فيهو مغالط





نضيف الفيش خلاس خاليهو مافى مضابط
وقط تب ما عتر ساقونى ليهو الظابط
الشوف للغزال قانصلو مره مرابط
ومانى رخيس خبيث متل أبنفيسة ساقط



ر
منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الجمعة أبريل 25, 2014 2:07 pm


يامنصور اخوي من كتر الحزن خلاص الخد جفتو الدمعة
يوم ضلمة الكباس يا الأجواد كان فيهو نورك شمعة
جات السمية بت طلحة زي دعاش المطر وبرقو الشلع لمعه
والماجدة بت عيال شايق زي أم در ثابتة زي شموخ القلعة
اللسان عجز تب من شكرك يا ضو الجبين البادي من الطلعة
ابوبكر



Quote: يامنصور اخوي من كتر الحزن خلاص الخد جفتو الدمعة
يوم ضلمة الكباس يا الأجواد كان فيهو نورك شمعة
جات السمية بت طلحة زي دعاش المطر وبرقو الشلع لمعه
والماجدة بت عيال شايق زي أم در ثابتة زي شموخ القلعة
اللسان عجز تب من شكرك يا ضو الجبين البادي من الطلعة


ياوديوسف القتديل الأخفى ضو الشمعة
الحزن للنفوسهم صافية منهج وشرعة
لغسل الهموم تلزمنا كمين دمعة
وصفة من مجرب دون قياس للجرعة
سمية
دعـواتك للحزين يا بـت الصالحين أولا شيخنا ود طلحة
أهـل تقابة القـرآن والتبروكة يا نـبع الخصال السـمحة
سنة ستة يوم الحارة كان قدحكم بره حاشا ما إندست القمحة
ستارين عورات أهل فزعات وقت الفرغة تجوا في فرد لمحة

ابوبكر

يا شيخ بكرى كيفك والخلوق قانصابك
ويا أبجملا مشهل للبطق لى أبوابك
يا وارث الصلاح الأصلوهو عقابك
ويا جبل الثبات الفوز بشيلو الجابك




منصور


سلام أهل المجادعة البختّوا الطبقّه فوق الطبقّه
منظومكم درر يهرد في القليب الأذتّه الفرقّه
و يتور علينا وجع ضرسّن قديم والعقدة مي منجردّه
ودا الخلانّا نجي نتاوق ونصد في سرعة

ودالمنسي

من جدة ام جداد قنصلنا قبَّل قايم
خلا القنصلية الكان بديرا وصايم
قدامك يسابقك "فاتحة" ولا "عزايم"
فاتح بابو يوت والسبحة حي يا دايم


عوداً حميداً...

محمد محمود



Quote: من جدة ام جداد قنصلنا قبَّل قايم
خلا القنصلية الكان بديرا وصايم
قدامك يسابقك "فاتحة" ولا "عزايم"
فاتح بابو يوت والسبحة حي يا دايم


بارك ربي فيو وكتين للحقوق وافي
ندعوا لي السلامة بين الأهل متعافي
قطع شك في دريب ابواتو وليهم قافي
دعاين الكريم يخلف عليكم بالنزيه الصافي

ودالمنسي

منصور ياجمل شيل الحمول يوم تجينا الوقعه
سمعنا من جميل النظم مسدارك الجناس والسجعة
عرضة جموعية طافت الجبل وهزت جنوب البقعة
ماكا الخزين الشايل هموم أهلك لا ريا ولا سمعة

ابوبكر

سلام أهل المجادعة البختّوا الطبقّه فوق الطبقّه
منظومكم درر يهرد في القليب الأذتّه الفرقّه
و يتور علينا وجع ضرسّن قديم والعقدة مي منجردّه
ودا الخلانّا نجي نتاوق ونصد في سرعة



ود المنسى مرحب وإنت ياك سيد دارك
ومرحب يا الكريم اللضعيف بتدارك
سمح الحديث الفى الجوار بشارك
ويا طيب العريكه العمرو ما بتعارك


منصور

ود المنسى مرحب وإنت ياك سيد دارك
ومرحب يا الكريم اللضعيف بتدارك
سمح الحديث الفى الجوار بشارك
ويا طيب العريكه العمرو ما بتعارك

الترحاب ياهو شيمتّك ياالباهي والمنصور
والكرم والجود هيلك من زمان موفور
هاشي باشي ديمة ووشك مو مصرور
يا الطيب الأصيل عزك قديم موصول

ودالمنسي

ما قلته الشعر من نشيت تبيت
بعجبني السمح والشكره لي أم سوميت
بدور انظمو بس شيطانو قال لي أبيت
دحين دلوني يا الحبان خلاس غبيت

ودالمنسي



Quote: ما قلته الشعر من نشيت تبيت
بعجبني السمح والشكره لي أم سوميت
بدور انظمو بس شيطانو قال لي أبيت
دحين دلوني يا الحبان خلاس غبيت


ود المنسى ياسمح النبأ والظيت
ستار العروض المأمون على الفى البيت
لزام التقيلة المن الحارة ماوحيت
طايعة لك الفصاحة وفى منابرا أتعليت

سمية الحسن طلحة

ود المنسي جات سـمية فيك تجـر الـنم
ود مفتاح عـقر ناقتو وحــرم تنط الدم
وأنا المسكين ما عندي غير مراحب اتقدم
يا رعد الصعيد اللي دويه الأضنان تنصم
والله نظم المسادير أخير من نموت بالهم
ابوبكر



Quote: ود مفتاح عـقر ناقتو وحــرم تنط الدم


تحية:ـ
هيا المفتاح سلامى ..ليك وللقبيل سبقونى.
أسباب الزيارة:ـ
هم النضم جابنى للدار الهيجت علي شجونى.
سؤال:ـ
حالك كيفنهو.. وعن حالى مشغول ردوم لعيونى.
فى اللوم:ـ
مجتمعين بى هنا ..ولحوم الناقة ماتعزمونى.
إعتذار مقدم:ـ
كان طفرت جيتكم علا بالمطر الصناعى* حمونى.
محمد السيد

هيا المفتاح سلامى ..ليك وللقبيل سبقونى.
أسباب الزيارة:ـ
هم النضم جابنى للدار الهيجت علي شجونى.
سؤال:ـ
حالك كيفنهو.. وعن حالى مشغول ردوم لعيونى.
فى اللوم:ـ
مجتمعين بى هنا ..ولحوم الناقة ماتعزمونى.
إعتذار مقدم:ـ
كان طفرت جيتكم علا بالمطر الصناعى* حمونى.




مرحبتين سلام نسل الكرام الجونى

بى سمح الحديث طربونى مره شجونى

الحال ياهو داك حال البلاد الفونى

لو بى بت لبون أفدوها ما تشورونى
منصور



Quote: ود المنسى ياسمح النبأ والظيت
ستار العروض المأمون على الفى البيت
لزام التقيلة المن الحارة ماوحيت
طايعة لك الفصاحة وفى منابرا أتعليت


بت الحسن طلحة شدرة وضليل فراعّه ما قمحانّه
للغاشي والماشي تهدي وتراضي ماها النقور زعلانه
التابه العجوله ماها النؤوم عمرنات دوام حيشانه
حديثك يجم وعمى فضلك وكرمك يا بت شيوخ البطانه
ود المنسي



Quote: ود المنسي جات سـمية فيك تجـر الـنم
ود مفتاح عـقر ناقتو وحــرم تنط الدم
وأنا المسكين ما عندي غير مراحب اتقدم
يا رعد الصعيد اللي دويه الأضنان تنصم
والله نظم المسادير أخير من نموت بالهم


النم فالك يا أبوبكر ود اب شرا المعلوم
وكرم ودمفتاح مبيّن قسم مابعرف اللوم
تراحبك يسر ياود الرجال في الحارة مابتنوم
يا السيل الدلق في الوديان وغلّب البتعوم
ودالمنسي



Quote: مرحبتين سلام نسل الكرام الجونى

بى سمح الحديث طربونى مره شجونى

الحال ياهو داك حال البلاد الفونى

لو بى بت لبون أفدوها ما تشورونى


سلام منصور ود مفتاح
الغربة حال الفقري مابنفديها لكن دونك تسيل دمانا جداول خررررررر

إت بشروك بالمدخور ومكيالك دهب يا السمتان
يا البسمك ديمة باشر في الحارة والأحزان
ما بتجيب اللوم وديمة لزوم وأخو أخوان
ما كُت بعرفك زمان لكن سمع من حديث حبان
ودالمنسي



Quote: مرحبتين سلام نسل الكرام الجونى



Quote: لو بى بت لبون أفدوها ما تشورونى


خيرك واصل ..وفي أصلك الكرم هو الحاصل
مورث فيك عن جد ..معرف بي قدح متواصل
ليك الحديث فاكهتو دانت بدون ماتفاصل
مضرب للمثل ..ومحط للمكارم عضد ومفاصل
محمد السيد

يا ود يوسف المشهاد دوام ساويهو
ما بدور شكر ضيف الهجوع راجيهو
الزول إن دقس للميس وفات واسيهو
يا جبل الصبر مخبور وفيك حاريهو



منصور


يا بنت طلحه دايما للكتير جيابا
دايما ست شكر مستوره ماك هيابا
قولك للكرام حاسناهو ماك ريابا
يا بنت الأصول حاشاك ماك عيابا




منصور



Quote: ما بدور شكر ضيف الهجوع راجيهو


سمح الطباع لاشك حالك البعنيهو

تحياتى لمن هو في منزلة (الخال )منصور المفتاح.



مسلسل من كرم والأصل للباديهو
تنيت الزيارة يالغالي للغاشيهو
خلانى ياحباى إعلانى اسمعو ليهو
خالى ود مفتاح بكل عزيز بفديهو


محمد السيد

مسلسل من كرم والأصل للباديهو
تنيت الزيارة يالغالي للغاشيهو
خلانى ياحباى إعلانى اسمعو ليهو
خالى ود مفتاح بكل عزيز بفديهو


تفديك النفوس باذله النفيس دفاقا

يا هنداس حروف القول وضوء بقاقا

مخبور فى المجالس وإنت ياك رواقا

عند سمح الخصال فى توب لطاف بتلاقا


منصور




Quote: يا هنداس حروف القول وضوء بقاقا


فارس الحوبــة ..ساعة السيوف تتلاقا
وحظك في القنيص ..متفائلينبو رفاقة
متلك فى الكرم ..لوفي الحلم ماتلاقا
وطبعك فى الملوك ..لاشك لقيتلو علاقة
محمد السيد



Quote: يا بنت طلحه دايما للكتير جيابا
دايما ست شكر مستوره ماك هيابا
قولك للكرام حاسناهو ماك ريابا
يا بنت الأصول حاشاك ماك عيابا




ود مفتاح عريس خيلا تجيك تزّابى
فى كبد المحاص الحارة مابتهابا
الصافى النضيف حاشا من بتابة
ياود الإصول والحلقة والتقابة

سمية الحسن طلحة

بنت العالم الأواه حليم أواب
وسواى الفضايل حاشا مو ضهاب
الملك المأصل وفى القبايل ناب
وجابك صافيه زيو وظنو فيك ما خاب



منصور


فقدتكم لما غبت وسَافَرْ نَشّقْ هناك فوق جبال الباحة
وين ود مفتاح يا بحر الكرم المبقدرو يعبرو سباحة
وود نايل بحر علوم الدين الكون العَمّرو بيهوالساحة
وبت شيخنا ود طلحة عبقت الكون بي طيب خلق وسماحة
هي الما بتكوس نظم الشعر وتدوبي بي طلاوة لسان وفصاحة

ابوبكر

ود مفتاح حبابك عدينا منك حول
ولو ما هاالعبوس ما بفرقنا منك زول
نم أدينا قولك وجيب بهادر العول
مولاي يسعدك طول ما لـ "سعدنا تجول"

--------

بت خياط معتقة بالحروف مليانة
ونمتا زي خدار شتل الجروف نديانة
سمح قول حفيدة طلحة ساطع زانا
ومن جوهر حديثا قلوبنا طب طربانة

بخاري بشير

هنداس القوافي ومعدن الابريز
معمار الكلام في فمو حدو الميس
جاب القول معتق زي عطور باريز
مابقلبو النضم هنداس النميم هنديس

----------

الصديق نشق قال لـ"جبال الباحة"
وفاقد دار أبوي مفتاح أمير الساحة
ود يوسف نميمك ضاوي باقي سماحة
والمتلك صدوق وأحزانا ياك مساحا

بخاري بشير

ود مفتاح طريت لـ" يحى نشأت ـ ونادية"
والنم القبيل أشجارو يوت متاكية
وينهم يالأصم اليوت حروفهم ضاوية
يلعنها "العبوس" ساقتنا سوق الساقية

---------

منصور أبقى عافية ولي حلف بي نذرو
في كل جمعة أزوركم وأوفي نذري وأجرو
الأيام صروف والزول ما بيغلبو عذرو
وليكم ياالهميم حب ما بينضب بحرو
بخاري بشير



Quote: بت خياط معتقة بالحروف مليانة
ونمتا زي خدار شتل الجروف نديانة
سمح قول حفيدة طلحة ساطع زانا
ومن جوهر حديثا قلوبنا طب طربانة


من ناحية بخاري الكرم عمانا
بشير الخير صحايفو بالعلم مزدانة
جمعة بألف جمعة تبقى بيك جامعانا
ياالحبان عموم أدنو جاى بى حدانا
سمية

الكاسي الجمال مابورّي الكعب للناس
السيرة الطيبة بتعُم لا عند حدود مِكناس
الفضل ان تبقى دابو يمين قسم مابتنداس
وأحرس علي العديل لا تكون دوام كباس
ودالمنسي



Quote: خيرك واصل ..وفي أصلك الكرم هو الحاصل
مورث فيك عن جد ..معرف بي قدح متواصل
ليك الحديث فاكهتو دانت بدون ماتفاصل
مضرب للمثل ..ومحط للمكارم عضد ومفاصل


جودك فاض وعمى الرويانّه والماحل
يابحر المحيط الا حدود لا ساحل
بتنحرو وتكفّو المقيم والراحل
إياك ودالمفتاح وفيكا تب مانفاصل
ودالمنسي

جيدا يا بخارى الجيتنا فوق جيد عاديه
وجيدا جبت سيرة الفينا كانت ناديـا
ناس يحى وعقيد كانت نفوسهم راضيـه
وفوقهم جات سميه وجات بشائر الباديه




منصور

يالمفتاح ود العقيد أطربنا في الخرتوم
ونادية كمان معانا جالبة المكارم كوم
نموا وزيدو يا معدن خلاصة القوم
ياكم نار دواس وقت المحاصة تحوم

ود المنسي

اللهج المطعم وروحو من أنناس
وسيدو على المكارم ضم صاحب باس
كاب اللبوس اللدروع لباس
ويا المنسى المخاوى مع الشماليل راس



منصور


يالمفتاح ود العقيد أطربنا في الخرتوم
ونادية كمان معانا جالبة المكارم كوم
نموا وزيدو يا معدن خلاصة القوم
ياكم نار دواس وقت المحاصة تحوم





بخت الجاها زى نجم الهجوع منضوم

وبخت الفيها هلت زى سهيل فى الكون

ناس نشأت معاكم حاشا مو زول لوم

وشايف للكرامات والحدى بتحوم




منصور


منصور أبقى عافية ولي حلف بي نذرو
في كل جمعة أزوركم وأوفي نذري وأجرو
الأيام صروف والزول ما بيغلبو عذرو
وليكم ياالهميم حب ما بينضب بحرو



حبابك يا اللصيل سمح الكلام بتعبرو
والرسم السمح صافى الفنون بتخبرو
الزمن الكعب صراف وناصب قبرو
مين بقدر عليهو وديمه يامن غدرو



منصور

ود مفتاح حبابك عدينا منك حول
ولو ما هاالعبوس ما بفرقنا منك زول
نم أدينا قولك وجيب بهادر العول
مولاي يسعدك طول ما لـ "سعدنا تجول"



حول والله عارف حاشا مك مجهول
وزى ورد الهجوع بيك الفؤاد مشغول
حليل زمن الحديث الكان بسوى الهول
وكان زاد المحفله خاتية طب من قول



منصور

هنداس القوافي ومعدن الابريز
معمار الكلام في فمو حدو الميس
جاب القول معتق زي عطور باريز
مابقلبو النضم هنداس النميم هنديس


العنعنه حقتك ما بتعرف التدليس
وما بتعرف تلولو زى فعايل إبليس
ضيفك رزقو دايما من كرايم العيس
ودايما غرضو مقضى وزى تكنو عريس


حلاة النمَّـه وكتين تقالْْدَ النمَّـه

وسمحه مجالس الدوبيت جبنْةَ اللَّمه

يا منصور اخوى..وكل الـ عليك انضمَّ

جيتكم قافِر الشـاردات بدور انجمَّ





Quote: اللهج المطعم وروحو من أنناس
وسيدو على المكارم ضم صاحب باس
كاب اللبوس اللدروع لباس
ويا المنسى المخاوى مع الشماليل راس


اللهج المسكّر أنتَ عقدو وراسّو
وفي نضم الكلام ليكَ باع غارب ساسو
ياود مفتاح اللزوم أنتو الكرم ناسّو
تَدْخل الجُلّه ماكا الليّن سهِل ميراسّو

خالد محجوب

حلاة النمَّـه وكتين تقالْْدَ النمَّـه

وسمحه مجالس الدوبيت جبنْةَ اللَّمه

يا منصور اخوى..وكل الـ عليك انضمَّ

جيتكم قافِر الشـاردات بدور انجمَّ



سمحه النمه وقتين جبنتا بتنشمه

سمحه النمه وقتين الغزال إتلمه

سمحه النمه يا شقاق عظيم الهمه

سمحه النمه وقت الزول يكون بى ذمه



منصور

ناس فى الطلح والبوخه عودها صنادل
وناس بى أبشنب والليل بكدو حناضل
يا رب السعاده البالأكارم فاضل
وعبدك ليك موحد وديمه ليك بناضل

منصور



Quote: ناس فى الطلح والبوخه عودها صنادل
وناس بى أبشنب والليل بكدو حناضل
يا رب السعاده البالأكارم فاضل
وعبدك ليك موحد وديمه ليك بناضل


الرائع المرهف منصور المفتاح
التحية لك بعد زرات صحرانا وصحاري غيرنا
ذكرتني ابياتك الجميلة.. أبيات شعر دوبيت للشاعر الجميل ( الجاقريو ود العليفون )

قال فيها :

الطابق البوخة
قام من نداهو مِفرهد
نام من الدوخة.. آيدو عاقباهّو
الجدلة مملوخة
ولي معالق الجوف موسو مجلوخه
ود المنسي
شاذلى جعفر شقَّاق


منصور

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أبريل 26, 2014 6:36 pm

ناس فى الطلح والبوخه عودها صنادل
وناس بى أبشنب والليل بكدو حناضل
يا رب السعاده البالأكارم فاضل
وعبدك ليك موحد وديمه ليك بناضل  


البارح أنا وقصبة مراقد السيل
في ونسة وضحك لامن قسمنا الليل
وكت العنقريب أتشقلبنبو الخيل
لا بخلت ولا جادت علي بلحيــــل

محمد عبدالجليل

بتجيك بي لُطف وبي حنان تتكّل
الصندل مرشرش بي القرنفل عنكّل
ياحلات توبو الشفون ومشكّل
بي حِشمة وأدب يقدل غزال البركل

علي ابرهيم اللحو

الشايل المدافع وللتتك هزاز
ودر قلبى طفش نومى صارلو خزاز
أم ديسا مدفق والرقيبه قزاز
وإن عقبت قفانا الغيم دفقو رزاز



منصور  
البارح أنا وقصبة مراقد السيل
في ونسة وضحك لامن قسمنا الليل
وكت العنقريب أتشقلبنبو الخيل
لا بخلت ولا جادت علي بلحيــــل


شرقنى السمع بالبيها مافى مثيل
وحتى المشرق المخصوصه ليهو نخيل
كان بخلت عليك ما تبقى ليها بخيل
وديك خلابه يا المخلول دواها خليل


منصور

الليلة الغزال طربان شروقو مغاربو
مارق برة والسور اب محابس سابو
تللا الليد و صايد قلبي بي نشابو
تنا القدلة والفرع المعجن جابو

/////////////////

منصور الغزال صايدني زايد جنو
ود اللريل الفوقو الشويردات غنو
ناعس أفلج أدعج وسمحة بيضة سنو
أوصف للعلاج زولك محضر كفنو  
                   
بخاري

دُلوني يا الأحباب الحال صِبح بطّال
بِتقلب فوق وهيج والدمع سيّال
من جمر الوقيد لِبستَ عِمه وشال
سترك يا مجيد عقب تصُلح الحال
الليلة الغزال طربان شروقو مغاربو
مارق برة والسور اب محابس سابو
تللا الليد و صايد قلبي بي نشابو
تنا القدلة والفرع المعجن جابو





آآخ ياود بشير من لحظو ساكت شابو
وكم شيبان مودر ليهو كم بتشابو
فرع الخيدران الماح وعاجبو شبابو
زى جدع الحدق ما أظن بلوص نشابو



منصور

منصور الغزال صايدني زايد جنو
ود اللريل الفوقو الشويردات غنو
ناعس أفلج أدعج وسمحة بيضة سنو
أوصف للعلاج زولك محضر كفنو



أهل القنيص فى الريله حارو ومحنو
وحيرم الدهب لاصف جميل من سحنو
أدعج وطرفو كاحل لينا ياريت يحنو
ويا ريت يا ودبشير يسبيك بى خاص لحنو



منصور

ود الأرايل المرعاك بطانا
الصبر الجميل تب كملان معانا
نور بسمو المفلج نار متدرعانا
بجيب أجلى المحتم أديكم ضمانة
سمية طلحة

في الطلة القبيل أعصابي شهقو ودابو
وفرع الحنة مال نهدو المفرهد دابو
سماحة أخلاق وخلقة ، قلمي فاقدو صوابو
وقف محتار عديل في جمالو وين أبدابو ؟


///////////////////////


وقت قسمو الجمال أدوهو لامن دفق
ممشوق القوام عراقو مو مطقق
فمو عسل نجوع منو الخلوق تتعشرق
ومن عينو السهام في جوفي ضربها حقق
بخاري

ضهبان من زمن وعطشان بدور تسقونى
الاربع قرب املوها طب ..بعد تروونى
وفي دار الكرم الفاتحنا ما تنسونى
متوجع كتر وفيكم سلوى وطبيب لشجونى  
                   
محمد السيد
مرحب بالكلس وإنتا المأصَّل ساسك
إنتا الريد جليسك والمَلَك حراسك
نفخربك كتير والعزيزة مقاسك
وتفخربك بطانة الفيها أهلي وناسك  
                   
تماضر

بطانة سلامي ليك كل ما يهب دعاشك
وتعالك تكب ومنوعات قشاشك
تسلمي يا تماضر من كل سهام تنتاشك
أصلتي المأصل ،يارب تصلحو معاشك

//////////////

هاك من ود بشير أحرف ثنا وتقدير
ياك بت العزاز الأحسنو التدبير
حب القافية طبعك وقلمك مقامو كبير
تسلمي يا الصميمة يابت مكوك الدير  
                   
بخاري



Quote: في الطلة القبيل أعصابي شهقو ودابو
وفرع الحنة مال نهدو المفرهد دابو
سماحة أخلاق وخلقة ، قلمي فاقدو صوابو
وقف محتار عديل في جمالو وين أبدابو ؟


يا بخاري أبدأ بي الرقيبة الزي زجاجة روم
محزوزة ومِباعة القرط من الكتيف بعيد محروم
وراقد فوقْها العيد مرتاح يلصّف جمال منضوم
وأتحدّر لوضف الجسم المقسّم والعويد مبروم

خالد محجوب  
                   

بخاري..

سلامي ليك فاق للبجيبو رشاشك
غرَّق أحرفي مطراً بلولي دعاشك
سلام الزهور تشرق تنادي فراشك
لاتفكّر كتير ..سهمي ذاتو الناشك  
                   
تماضر

ود الأرايل المرعاك بطانا
الصبر الجميل تب كملان معانا
نور بسمو المفلج نار متدرعانا
بجيب أجلى المحتم أديكم ضمانة


الزول الملايكه وللقلوب شفخانه
دايما بالو واسع وبالكتير برجانا
زى كرم الخريف ترس الرهيد مليانه
ناس محبوسه عندو وناس كتير وحلانا

دُلوني يا الأحباب الحال صِبح بطّال
بِتقلب فوق وهيج والدمع سيّال
من جمر الوقيد لِبستَ عِمه وشال
سترك يا مجيد عقب تصُلح الحال


لايكين الصبر والعوس مصنقر وجايل
والفرج الخريف لقط سحابا شايل
يا المنسى القفاك مللا وراها قبايل
وزى برق الشروق مطرا بعدل المايل


منصور  
                   
في الطلة القبيل أعصابي شهقو ودابو
وفرع الحنة مال نهدو المفرهد دابو
سماحة أخلاق وخلقة ، قلمي فاقدو صوابو
وقف محتار عديل في جمالو وين أبدابو ؟


أصهب ود أراك عراف بشق ديدابو
للبريب بحاحى وكم مراح كم جابو
ختاى للتيوس ختاف معيز نشابو
يا راوى الحديث سامعين كلامك شابو



منصور   سلامي ليك فاق للبجيبو رشاشك
غرَّق أحرفي مطراً بلولي دعاشك
سلام الزهور تشرق تنادي فراشك
لاتفكّر كتير ..سهمي ذاتو الناشك


سلامك فاتنا ساكت وباصو كان قشاشك
ويا الغرقان رشاش ورينا إيش الداشك
سهمك طاش ختانا الفيهو شفنا طشاشك
وقرب شوفنا ساكت خلو داك غشاشك





Quote: لايكين الصبر والعوس مصنقر وجايل
والفرج الخريف لقط سحابا شايل
يا المنسى القفاك مللا وراها قبايل
وزى برق الشروق مطرا بعدل المايل



الصبر لُكنا وفتلنا فتل ولبسنا عروض
وقابضين علي زناد القليب الصبح مهرود
إتمكن خلاس وألم الفرقة مابي يروق
يا منصور الشورة كيف ورينا يا ابوعروض




Quote: يا منصور الشورة كيف ورينا يا ابوعروض  


بندور نشاورو معاك ماكا البلاك مغروض
عانينا الفراق والحالة زايدة ضغوط
الفاجعةالهناك وللبيع الشرف معروض
وكيف ينلتق توب العفة الصبح مشروط  
                   
بعد العسر المولى ضامنين يسرو

بى كرم الصلاح وبالليالى بيسرو

يات من كان موحد فينا ضامن نصرو

عارف ربو عادل وديمه فارج عسرو


منصور  
                   

ياخالد....
وقت دنت البنية يمين دنيت من أجلي
يافوخي انسحك وصبحت فاقد عقلي
الجيد المحزز والجمال الأصلي
والجسم المقسم عجلن بي أجلي  
                   
بخاري

عزيزي منصور

///////////////


الخور المقيف الرجال بتهابو
وإت عارفني يالمنصور بحب زلقابو
التيس الملجم وقتين يشق هرابو
تعرفني أم خدود ختاف معيز الجابو

/////////


هرابو..........مفردها "هربة" وهي الحفرة
بخاري

مفصصه زى نحلة المنقه يوت فى عجلى
يوت من ريقا جمت ريكه ساكت عسلى
أم جيدا مبربح وأم لهيجا عسلى
حرمت مره واحد للزويل الفسلى


منصور  
حليل الخروع النوارتو خاره عسيل
حليل الحلفا فوقو الليله أصبح سيل
حليل القمرى ساعة الجضه عز الليل
حليل القمره واسعه وبيها شفنا شليل


منصور  
                   



Quote: ياخالد....
وقت دنت البنية يمين دنيت من أجلي
يافوخي انسحك وصبحت فاقد عقلي
الجيد المحزز والجمال الأصلي
والجسم المقسم عجلن بي أجلي  


كيفن بتّتوهدب ياالبخار وانتَ ثابت عقلك
الرزانة والسمتّه مما قمتّه واقفات عدلّك
عشا البايتات الكرم قديم ورٍثتو من أهلك
بيني وبينك الجمال أظُنو إجيب أجلي وأجلك

خالد محجوب



Quote: بعد العسر المولى ضامنين يسرو

بى كرم الصلاح وبالليالى بيسرو

يات من كان موحد فينا ضامن نصرو

عارف ربو عادل وديمه فارج عسرو


شاحدين الكريم إفرج كُربنا سريع
والحزن المِعشعش تنقشع ضابتّو تَمِيع
نعود للأهل من بلاد برد وصقيع
حامدين وشاكرين بين البرقعّو وقيع

خالد محجوب



Quote: حليل الخروع النوارتو خاره عسيل
حليل الحلفا فوقو الليله أصبح سيل
حليل القمرى ساعة الجضه عز الليل
حليل القمره واسعه وبيها شفنا شليل


القَمر وكتين يَهْل بيهو النفوس بِطيب
والقمري كان قوقّا بنجاي حبيب وحبيب
السيل إن دلق في الحلفا ليهو خبيب
ونوارة الخروع كان فقعّت علاج كلامو عجيب

يا منصور شيطاني أظنو كبير مو سغيّر
وكُتْ قايلو نايم وبين الأنام مديّر
الكلام بقى أجي برا لامن بقيت متحيّر
قولي دحين دا شنو قبُل القليب مايودّر

أرجو منك الأجابة

خالد محجوب



Quote: مفصصه زى نحلة المنقه يوت فى عجلى


مقياس جيدا قالب منعدم ..يمين يتنى
نلحس كوع ايدنا ..كان في وصالا املنا
مفصصه زى خرز ..والسبابه ليو ناظرنا
معركنا بين نهدين وعندالضمير مكتلنا  
                   
محمد السيد



Quote: حليل القمرى ساعة الجضه عز الليل




مالك علي يادمعة طارية السيل
سببك غبار ..ولا الذكرنا قبيل
جانا عصير وحلفنالو الا مقيل
الرويان في خدارو مالقيتلو متيل

...................................................................



Quote: قولي دحين دا شنو قبُل القليب مايودّر



قولك منعدل علا الحدث يوت متغير
بندور النضم وشرح الغريب ومحير
ابلك اربعات يالمنسي قوملها سير
فيك رزانة وحِكمك لي عقولنا تنير

.................................................................
ود السيد



مالك علي يادمعة طارية السيل
سببك غبار ..ولا الذكرنا قبيل
جانا عصير وحلفنالو الا مقيل
الرويان في خدارو مالقيتلو متيل

...................................................................
ابو السيد


متل الطيلسان برقتنا داك بالحيل
ودا أبخدا منور وفوقو صبو عسيل
بريب دار صباح الليهو مافى مثيل
وفى شانو القنيص بتقدمنو الخيل



منصور

مابعرف أفوت وقلبي شايل همّو
بس بعرف أعيش وهواكا سابق دمّو
ناديت للصلاة..الصف وراكا بتمّو
أذِّن بالحنين.. واسيت أخوهو وعمو
بعد كبّر هواك..وبالسكينة إنجمّو
ركع الشوق معاك ..ودّع سؤالو وغمّو
سجدت فيني روح..وكل الملايكة إتلمّوا
في ساعة التشهّد ..دوبيت بصادف نمّو
وإن جيت للسلام يمين حنينك ضَمّو
في الآخر ختام..شمال ..بسالم..نضمو
بعد أدّى الفروض ..كيفن وصالك تحمو ؟؟

م\تماضر



Quote: مابعرف أفوت وقلبي شايل همّو


ماكى الخزينة تعتلى المستف غمو
ياكى الدانة ساعة الرجال اتلمو
جوهر عقد المجالس يالمسك للشمو
يااجمل معنى وحسن اختيار السمو

تماضر الخنساء حمزه(ما أجمله من اسم)(وما اسماها وانبلها روح)
..........................................................................
محمد السيد



Quote: مابقلبو النضم هنداس النميم هنديس



من ود البشير الليلة فاقدين نمو
ياربي انشغل ولا الدنيا صارت همو
وين سحر المسادير اللقيتا فى فمو
بشرانا بيك مليون يالخفيف فى دمو
.....................................................................
محمد السيد  
                   

الأخ محمد السيد
//////////////

ده ان أدااك وكتر ما بينضم فمو
هنداس الغنا الموزون وتريان نمو
كيال للمديح مابيعرف حديثا يزمو
تسلم يالصميم "السيد" المن فطمو  
                   
بخاري

مابعرف أفوت وقلبي شايل همّو
بس بعرف أعيش وهواكا سابق دمّو
ناديت للصلاة..الصف وراكا بتمّو
أذِّن بالحنين.. واسيت أخوهو وعمو
بعد كبّر هواك..وبالسكينة إنجمّو
ركع الشوق معاك ..ودّع سؤالو وغمّو
سجدت فيني روح..وكل الملايكة إتلمّوا
في ساعة التشهّد ..دوبيت بصادف نمّو
وإن جيت للسلام يمين حنينك ضَمّو
في الآخر ختام..شمال ..بسالم..نضمو
بعد أدّى الفروض ..كيفن وصالك تحمو ؟؟


شيطان الشعر جافانى قايم جنو
وكل ما أقول حديث إغلبنى تب ما أتمو
يا بت الصلاح اللفلاح فاعلنو
مالك مارضه قلبى المن زمان مارضنو
شايفك فى الخشوع يا خشاف كتير راجينو
شاربه الإبتهال إنتى الجمال نور فنو
شايفين للسجود داك الركوع داركنو
سرك داك جهر يالجاهره ليك كم غنو
كم ليك من محب فضل الكتير داخرنو
متلك كم بقوموا الليل وداك كم فرض عاملنو
سجودك يا المقامو كبير وجودك نحن داك عارفنو
حبابك ديمه يا الأواهه ليك كم آهه آننو



شاعر المسدار و الدوبيت فارع العبارة عبد الله حمد شوراني ، له رباعيات أنشدها في "عينات" السنة المعروفة بمنازل النجوم وهي كالآتي
يتكون فصل الصيف من
(1) النطح
(2) البطين
(3) الثريا
(4) الدبران
(5) الهكعة
(6) الهنعة
(7) الذراع
ويتكون فصل الخريف من :
(1) النترة
(2) الطرفة
(3) الجبهة
(4) الخيرصان
(5) الصرفة
(6) العوا
(7) السماك
وفصل الشتاء يتكون من :
(1) عريج
(2) الغفر
(3) الزبنان
(4) الاكليل
(5) الشولة
(6) البلده
(7) النعائم
ويتكون الربيع من :
(1) سعد ذابح
(2) سعد السعود
(3) سعد الأخبيا
(4) سعد بُلع
(5) الفرق المقدم
(6) الفرق المؤخر
(7) الحوت

هذه الرباعيات أخذت منها ثلاثة، لأنها تماثل أيامنا هذه في الخرطوم بحرها الشديد الذي أدوش العقول ، حسب الإرصاد الجوي بلغت درجات الحرارة في الخرطوم45 درجة ، وقد تزيد في بعض الروايات.. والناس الآن تتشرف للقاء الخريف الذي أصبح على الأبواب.
شوراني يصف الحر بكلمات بليغة يتذكر خلالها محبوبته..يقول

غَابْ نَجْم النًطِحْ والحَرْ علينا اشْتَدً
ضَيًقْنَا وقِصِرْ ليلُه ونِهَارُه امْتَـــــدً
نَظِرة المِنو لِي القَانُون بِقِت اتًحدي
فَتَحَتْ عِندِي مَنطِقْة الغُنَي الْ انْسَدً

ويمضي شوراني الى منطقة متقدمة من الوصف والوله، فيقول ذاكرا "عينة " أخرى

شَالْ بَرْق البِطين رَقَصَنْ دَبَادْبُه ورشًو
وِينْ النايرة -يا خِلاًيْ- مِرايةْ وَشُـــــــو
عَاشقِي العِندُو حَقْن المُويَة ضَايِق خَشُو
سَهْرَان فَاقْدو بِي عِلًيقُو لَيْ وغَشُو

وعنما بدت مقدمات الخريف يذكر شوراني أولى "عيناته" ويشتد عليه الحب قائلا

نَجْم النًترةَ فِي شَفَق الحَمَرَات غَـزً
ويِنْ الشًارْفَه لِي بَرًاق سِحَابُو الرَزً
جِنيبةَ الفارِس الفُوق المَشَمش هَزً
فُرْقَها مُرٌ وَدًرْ من لِسانِي اللًـذًة


أنظروا حبائي الى هذه البلاغة ، وجمال التعابير عند شعرائنا ،وشوراني أحدهم لله دره.. وانا أطلب منكم رفقائي الاعزاء ان نجاري هذه الأبيات وكل يأتي بما في معينه.. مع محبتي .. وياريت يفتح لنا عملاق البوست الأخ منصور المفتاح هذه المجاراة..، ودمتم
بخاري  
                   

أحبائي سلام
أبتدئي لكم ، برغم أني تمنيت أن يبدأها العملاق منصور، ومعذرة اذا تطاول التلميذ على معلمه..
////////////////////

سموم عينة "النطح" ولت وزادت نوحي
طرتني الحبيب الطيفو بنعش روحي
فراق الجاهلة سمم بدني أحيا جروحي
ياحليل العمر وكتين قراية لوحي  
                   
بخاري

عينة "النطح" ولت وسموما أكلت لحمي
فارقت النسيم ، فارق لذيذ النوم
غياب الجاهلة نوسر جرحي هدد عظمي
يشفيني الإله المولى واهب النعم  
                   
بخاري

بتقلى وبوِح أنا من خريف لا الصيف
ناطح النترة متلهم عريج أب زيف
كاتم ريدى أضاير فيه من التقا للهيف
جود بى ليمو يامولاى ولو فى الطيف

سمية الحسن طلحة

دمع العين ياطرفة منو مالى فكاك
شافتنى وبكت أنفتح السما شباك
قالت لى هديك الجبهة داخلة كفاك
أرجيتن أنوح للعوا والسماك

سمية الحسن طلحة

ماشفت سعد السعود الساها لي البارح
أقلق نومى وأصبح فى المعالق جارح
قدر ما أقول أتوب وأعملى عملاً صالح
أبى يتخلاّ ضوق عجوة شروق المالح
ود الراوى
                   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   السبت أبريل 26, 2014 6:54 pm


دخل السماك وأنا طالبو داك سماكى
وطرفك ليهو زى الطرفه دمع الشاكى
عود الخيدران تريان خريف متاكى
تحتو المويه تجرى وفوقو وزو يكاكى



منصور
كمل حر الضراع والهنعة جات متسارعة
زيف الجبهة ضارب والبروق متشالعـة
قصبة الوادي الـ "ليها" الخلوق متدافعة
صدرك عالي و الخدين مياهن ناقعـة


بخاري
صدق الخيرصان زرد السيول خيرانو
فرهد قش ملاينو وتاومت عبرانو
دودة الصرفه زحت فوق رخص سيقانو
جات الصرفه بلت لى بعيد قيزانو



منصور


قام رعد العوا وأتشالعن براقو
قال للجبهه وين المن رزازك راقو
عسل العجوه داك المنو دقنا رقاقو
سالب للقليب المن زمان شراقو



منصور


شعفوفة الشوله شلت للدوام شافينا
غرزت فى العضم قريها داك شاوينا
عقبت فوقا ريح البلده حار تاشينا
شفقت روحنا للراجينو فات شارينا



منصور
سعد السعود فتق زهر باشندى
حرك للفريع لابس فراد ناس شندى
سعد الأخبيا النسامو هاب طشقندى
جاب الظابط المأمور ومو جربندى


منصور
رعد الجبهة طارق لي مسامعي دويهو
والقبلي انشحط تعالوعاقبة سريهو
وكت حفرو إتملت والطرفة في واديهو
ياحليلو الشويدن الحارق الفؤاد شاويهو





بخاري


زيف النترة سايق للسحاب بي سرعة
والسيل اندفق مويتو بتجيب الضبعة
الخور المقيف امواجو جات مصطرعة
طلعت الصرف و معاها طلع أبولمعة


برق الخيرصان سابق لميعو دعاشو
والباشندي نور زهرو فاتق شاشو
ود الأريل الصايد قليبي وناشو
غاب الليلة يالمنصور عليك بي رياشو

برق الخيرصان سابق لميعو دعاشو
والباشندي نور زهرو فاتق شاشو
ود الأريل الصايد قليبي وناشو
غاب الليلة يالمنصور عليك بي رياشو





بخاري


يا زول ليك على وأنا من زمان فتاشو
وببرالو الدرب والقبلى صاب رشاشو
الزول الظريف الديمه قلبك هاشو
لبن الطير براك إنت البيلعن خاشو



منصور

النطح إنقضت مر أيامو ياصغيرونة
وفي زمن البطين علمت بيك ممكونة
هاتفتو بي ثريا رسل ملامو مؤونه
جرحي فيو دبران وعصرتليو (ليمونه)

اللهم هون عليهم صيف هذا العام

..........................................
محمد السيد

انشلخ السما وضوت بروق النترة
يابدربا صعيب كترت علي العترة
قلبي الرجاك طالت عليه الفترة
كايس رضاك ونعيش كمان في سترة


................................................
محمد السيد

سعد السعود لما الربيع يغشانا
مابنقدر نلومو في وعدو لوغشانا
الباش منشرح بي بسمو كم هشانا
شلع قلوبنا وعقولنا جت طاشانا

............................................................
ود السيد

ليالى الهنعة بردن والقلوب تب شاشو
تذكار الأرايل مللنو فراشو
هبت نسمة الصيف والدمع بشاشو
مد ضراعو لى نترة الخريف ورشاشو

أتفرقن دروبنا وزرعى عَمَتو عماشو
من الصرفة صرفوا النظر لى طَشَاشو
قطعوا الطلة غادى من فريقنا أنحاشوا
شمتان العذول والحساد على أتواشوا

سمية الحسن طلحة


زغت الهكعه هارد للزويل فشفاشو
حر الهنعه قاد ظبى التمام حواشو
عصر البطين ضباح بدور حشاشو
واشوقا على الكاوينا طالنا نشاشو




خواف الرعود أنا ديدبان دياشو
صدرى الدروه صاد ضرب الجبان نياشو
ورد الحوت يفوح نفحو العبير وشواشو
كل الشافو زاغ قلبو وكتير من طاشو


منصور



الزبنان برد ليلو ونهارو غلبنا
والدخن إنمحق والبلده فال طالبنا
زيف الشوله دايما هو البشيل شايبنا
والعجب النعايم من قساهن شبنا



فوق ياالمنصور

ويا أهلنا أهل

المسادير !

متابعين .

مامون



مأمون الجوانب إنت طبعك ذوق
طلتك تلهم وبسمك مثالو شروق
يامطر طفا نيران حشاالمحروق
جددت الدما وحركت فينا عروق
........................................................
محمد السيد


سعد السعود رشانا هاش بى رزازو
فوق حدبو أبمروج عنقانه باشه بزازو
جدى الأرايل نومى زاد خزازو
يا مامون طلبتك قلبى زاد هزازو






Quote: يا مامون طلبتك قلبى زاد هزازو


تنينا الطلب للغالي قالِ* مزارو
ومن طيب كلاموالكل ليو بتشارو**
حبل الفكر العجزنا عد أمتارو
متين يستجيب وقلبك يعودلو قرارو***

قليل* الزيارة
يشترون** طيب حديثة
تنتظم ضربات قلبك بعد زيادة***
..............................................................
محمد السيد

يا دوب جات عريج العينه شايله أولادها
وجات بالقر موتبه لينا ديك الفالحه
باريها الغفر بتهابو ديك السارحه
متل الضبعه والد والصقور الجارحه




من عِينة عريج وَجّه ضعنهم صاعد
رحلوا وعاشِي قصدوه السحاب الراعد
أكان الحي مختر والظروف بتساعد
ما كان قلبي رادتــُن والسكن متباعد

ودالصقرى

سميه.. متابعين لكين .. اللسان مربوط
ومتل نضم ناس ود الصقري ده بدور (البطانه
وقشها المفروق) وعاوز أسألك .. إنتي
ومنصور

أكان الحي مختر والظروف بتساعد

أم

أكان الحي مخير والظروف بتساعد

فقد بدا لي معنى ود الصقري أقرب
إلى مخير (مو مسير) منه إلى مختر
(لو بالخاطر) .. وعجبي من
زولاً يباري السحاب الراعد ليلتقي
محبوبو بقلبو (الرادتُن) فأستهان
بالمسافة وعدها قضاءاً محبباً
تنضح به رشاقة عبارة الرجل.

وأكان بالمراد واليمين مطلوق
ما أكان أنشنق ود أبكريق في السوق

سلمتم جميعاً
محمد عبدالجليل

الزبنان هجمنا وبالنزيل والانا
وغرزن نوق خلانا والكبور محلانا
شبه الصيد غدرنا وبالرماح شكانا
وكهرب روح قلوبنا المن زمان شلانا



منصور

لبن النوق نشابو وبالحسام بتشابا
ماهو معى وبروس حاقننو بالضرابه
دخرى بنات قبيل البى قفاهن يابا
تور عنزه أبقرون دود الخشش يابا




عليت نمك , ماالليلة لقاك وحشني
وعندك بداوي, زمن ابدعيس الخشني
منيت روحي ,بيطيب البيوت تنعشني
تاوق علينا,جمر شوقك يوت تشتشني

........................................................
مسدار شوق للخال المفتاح

ما بخلت على عسل الكلام عشتنى
ما فاتتنى ساكت حودا يوم طشتنى
شوفتا لى وشيها اللغرام نشطنى
شوقا ليها سارح فى الخريف عطشنى


منصور


Quote: سميه.. متابعين لكين .. اللسان مربوط
ومتل نضم ناس ود الصقري ده بدور (البطانه
وقشها المفروق) وعاوز أسألك .. إنتي
ومنصور

أكان الحي مختر والظروف بتساعد

أم

أكان الحي مخير والظروف بتساعد

فقد بدا لي معنى ود الصقري أقرب
إلى مخير (مو مسير) منه إلى مختر
(لو بالخاطر) .. وعجبي من
زولاً يباري السحاب الراعد ليلتقي
محبوبو بقلبو (الرادتُن) فأستهان
بالمسافة وعدها قضاءاً محبباً
تنضح به رشاقة عبارة الرجل.

وأكان بالمراد واليمين مطلوق
ما أكان أنشنق ود أبكريق في السوق

سلمتم جميعاً

سلمك الله أخى محمد عبد الجليل متابعة كلامك ولكننى كنت أطمع فى رد الأرباب منصور
السابقك على الباب قولو ياأرباب ، و لايفتى ومالك فى المدينة
حسب فهمى أن مخير هى الصيغة الحديثة لِ مختر ولافرق فى المعنى بين المفردتين
ربما شىء طفيف هو : التخير قطعا بين أمرين ، أما مختر فله مطلق الحرية فى الإختيار
ونطمع فى الإستزادة يامنصور .

وإليكم ودالصقرى فى عينة النعام ونفيف الصقط الحار نص الليل ورففى البروق وبعد المسافة
بينه وبين المحبوب وقد حفن جرايد جمله روقاي :ـ
يادارع عشانيق البروق وبرفن
الليل جا وعين النعايم نفن
على الدادنو شالن حجولو وقفن
ياالليل غادى ياروقاي جرايدك حفن

سمية

عشانيق البروق كاحل الموايق بكن
وكر الرعده بهدب للسروب وشركن
عنق الصفيه البقويز ديك جكن
وزى قمرى الكبور فوق غصنى حامن وركن


منصور


عشانيق البروق جهة البريدن رفّن
هضاليم السحاب الفوق فريقم ختن
صبن من موايقي على خدودي وسحن
من الريدو ساكن فى الضمير ومركن
سمية الحسن طلحة


مى شعفوفه ساريه وعوسه ديمه مكجن
ومى ضراره لى الفوق القويز ومجكن
الشاغلانى ديك ريدا الغلبنى إتمكن
وفايتانى المكمله والمزاج أتعكنن


منصور


يا محمد كلامك كلو دارسو وعارفو
وناس علم الكلام خابر حديثهم غارفو
الزول المتل وهج القمر داك شارفو
هطال الدموع بحر الموايق سارفو




منصور

يا طير أترو وحصحص وجيبلى أخبارو
ورينى الدمر والمى قدل باجبارو
ورينى الظروف والحال جميع فى ديارو
يات من طاف حضر والقام سنين فى جوارو



منصور

سوالنا العجب والمتلى فيهو إحتارو
واحدين ضوو ساكت من جفلو أضارو
جدى السليم الفوقو قوقا كنارو
حارق جوفى ريدو الفيهو هابل نارو



منصور


طيبات الخصال الفوق قبيح ماتبّن
جمال دورن على قفر البطاين خبّن
أنسندن ضعونن فوق علاوي وشبّن
قدامن كلوفـَن فى المواصع ربّن

ودالشريقاوي
طيبات الخصال دهب الفراعنه متبن
وقناصن بدودر كاجى شركو متفن
هبارات شراك درب السلامات طبن
وصيادن قبض ريح القماحات صبن


منصور

منصور أخوي الضرا الما راكوبة خريف
الموج الزاخر، زي تمساح الكبلو إن ضرب القيف
ما تلوم أخوك إن غاب عنك يوت إياهو ليك رديف
وين بت الصالحين السُراي سمية أم لساناً عفيف
وين ود شيقوق سيد الكلام العمرو ما قال ردي وعجيف
شوقي ليكم بحور دميرة أمواجا تهدر وتب ما بتقيف


ابوبكر

مى شعفوفه ساريه وعوسه ديمه مكجن
ومى ضراره لى الفوق القويز ومجكن
الشاغلانى ديك ريدا الغلبنى إتمكن
وفايتانى المكمله والمزاج أتعكنن


منصور

مابتنفات مراتع التلوب النشن
هيمن فيها ياأرواحنا لاتنفكن
علي سمح الطباع ماهو المسيخ ومكجن
نيران الكماين في عضاي يحرقن

سمية الحسن طلحة

منصور أخوي الضرا الما راكوبة خريف
الموج الزاخر، زي تمساح الكبلو إن ضرب القيف
ما تلوم أخوك إن غاب عنك يوت إياهو ليك رديف
وين بت الصالحين السُراي سمية أم لساناً عفيف
وين ود شيقوق سيد الكلام العمرو ما قال ردي وعجيف
شوقي ليكم بحور دميرة أمواجا تهدر وتب ما بتقيف

شوق للريدو من لب النفوس أتمكن
جافى النوم موايقي والمدامع كبن
نيران الغرام من نور جبينو يبقن
وريشات القلب بذكرتو طارن و طشن

سمية الحسن طلحة

ود يوسف حبابك بالفريك بتلاقى
ما بتبخل جزم لابس الكرم عراقى
الناس دابه باديه وأنت تور جراقى
كم كمين سدر وأنت الوحيد شراقى



منصور
مابتنفات مراتع التلوب النشن
هيمن فيها ياأرواحنا لاتنفكن
علي سمح الطباع ماهو المسيخ ومكجن
نيران الكماين في عضاي يحرقن

سمية الحسن طلحة



تلوبا شنكبو وقلع الكبر سنانن
ودورن ذاتو فات عقبا رحل فنانن
الصيد السمح رخص الفريع جنانن
ويات من كان فصيح من شوفه صار رطانن



أتفرقن دروبنا والطرايق أتقسّن
فارِق ياغميد وياجفن أتحيّن
أسربن ياعيون و فوق وطاتو أنفشّن
طِيرن يارموش ضللنو وبِشّن
سمية الحسن طلحة


كيفك المنصور

يطول عمرك على هذا العطاء المتواصل
نحن متابعون بشقف شديييييد


ابو بكر ود يوسف



Quote: وين ود شيقوق سيد الكلام العمرو ما قال ردي وعجيف
شوقي ليكم بحور دميرة أمواجا تهدر وتب ما بتقيف


ياكا من الفي بيوت مكبرين اعمامهم
نووا بالعودة والزول ابعوارض لامهم
انقلب الصناديد والضرير قدامهم
عوذا ابخمسة والماسكات عداد ايامهم

هيييييييييييع

الطيب شيقوق

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأحد أبريل 27, 2014 4:10 pm


ياهو البنج عديل والناس بتدى تماما
فى زمن الدرك دراج بدج قداما
زولا من صلاح ليل الهجوع قواما
أتار للضعيف بحر المكارم عاما


منصور


ود شيقوق حبابك يا الأصيل تيرابك
يا شقاق غروب كدب البشق ديدابك
العاداك عديل ساعة الجميل قرابك
والخاواك سعيد سجم البدوق كوكابك


منصور


Quote: ود شيقوق حبابك يا الأصيل تيرابك
يا شقاق غروب كدب البشق ديدابك
العاداك عديل ساعة الجميل قرابك
والخاواك سعيد سجم البدوق كوكابك


هييييييييييييع السرورابي يطول عمرك - اديني واحدة تانى خليني اقدل بيها سااااااااااى

ودشيقوق

يا طير أترو وحصحص وجيبلى أخبارو
ورينى الدمر والمى قدل باجبارو
ورينى الظروف والحال جميع فى ديارو
يات من طاف حضر والقام سنين فى جوارو
منصور

راتع بالعسين المن خدرتو نضارو
أتقسن دربو علي بعيد مشوارو
الأحباب عموم متجمعين بدوارو
ياقابض القماح خاف تنحرق بنارو
سمية الحسن طلحة

تلوبا شنكبو وقلع الكبر سنانن
ودورن ذاتو فات عقبا رحل فنانن
الصيد السمح رخص الفريع جنانن
ويات من كان فصيح من شوفه صار رطانن
منصور

كبار العقول يازين حسن كبرانن
والبوب للتلوب الكم شجتنا ألحانن
الصيد شن بحوشو برا لذيذ شنانن
خاتمين الفصاحة والكلام ماخانن
سمية الحسن طلحة


عقبان جيتنا مارق يا الإصيهب ومارد
وماك كسار هضاليم من مراحك شارد
ياكا عقاب عرب نفسك نفيسهم بارد
يا بحر الكرم يات من بطلبك وارد


شنو ليك يا القواسممى ودشيقوق

منصور


راتع بالعسين المن خدرتو نضارو
أتقسن دربو علي بعيد مشوارو
الأحباب عموم متجمعين بدوارو
ياقابض القماح خاف تنحرق بنارو



حول فى الجحيم شاوينى شى حر نارو
ناس بلك المطافى من العلى إحتارو
يا بريب عسين المن نضارو إضارو
أفصل يا زمن ما تكون لئيم ضرارو



منصور

ود مفتاح الكريم النارو ديمة ما مطفية
ان مرْ عليك ودشيقوق لسمية بلغوا خالص التحية
بت رجالاً ناجوا الحبيب ليلاً طويل وما غفوا الضحوية
مي بت اسود الشرى والشاهد ود المحرب خالص النية
الحوار المحب الطائع لي شيوخه ابداً ما غادرلهم تكية

ابوبكر

كبار العقول يازين حسن كبرانن
والبوب للتلوب الكم شجتنا ألحانن
الصيد شن بحوشو برا لذيذ شنانن
خاتمين الفصاحة والكلام ماخانن



شن معنى الكلام والصيد عقب قدامن
ولخبط دق قلوبهم راصد الضغط ميزانن
الزول إن كبر بكبر بقدر شانن
وعراف التبس فرق الشقيل نشانن



منصور


نحن العزانا بنعزو ونجل مقدارو
والمابينا حرّم ناسو القبيل يضارو
قومتنا الخلا والليل بعد هبارو
زولنا نفرتقو يصبح يكوس نجارو

طارق صديق

نحن العزانا بنعزو ونجل مقدارو
والمابينا حرّم ناسو القبيل يضارو
قومتنا الخلا والليل بعد هبارو
زولنا نفرتقو يصبح يكوس نجارو


مجروس يا بعيد بسراع تجيبو خبارو
مقطوع الشجر عدم الببل ميس دارو
يا ناس خلو بالكم والكعب ما تبارو
وأبقو رجال مروه والضعيف بتبارو


بتبارو من البر أى تبرون إليه


منصور
للحبيب منصور نقول :


كُل ما أطِلْ أشُوفْ منصُور هِناك مُتحَكِّّّرْ
عقلي سَرَح بعيد ومن كَبْس الهُموم مُتفَكِّرْ
يوم الخَميس وَدَّع خلاص الناسي ما مُتذَكِّرْ

عبدالله الشقليني

كُل ما أطِلْ أشُوفْ منصُور هِناك مُتحَكِّّّرْ
عقلي سَرَح بعيد ومن كَبْس الهُموم مُتفَكِّرْ
يوم الخَميس وَدَّع خلاص الناسي ما مُتذَكِّرْ



تشوف سعد البنين يا الصافى ماك متعكر
ويا أبقلبا بياسع حاشا ماك مسكر
يا واضح الملامح حاشا ماك متنكر
ويا الحاضر ضميرك لى صفيك بتذكر


منصور

ألف كتر خيرينك يا شقلينى


ود مفتاح الكريم النارو ديمة ما مطفية
ان مرْ عليك ودشيقوق لسمية بلغوا خالص التحية
بت رجالاً ناجوا الحبيب ليلاً طويل وما غفوا الضحوية
مي بت اسود الشرى والشاهد ود المحرب خالص النية
الحوار المحب الطائع لي شيوخه ابداً ما غادرلهم تكية



آآخ يا ولد والله يا دوب شفتك
وغيرك ما بنفوت لكن زهولا فتك
أغفر يا درير طب للجروج بنختك
وما بندقس عقب هاك التحيه وفتك


منصو

منصور با اخوي لي ديارك شادين الرحال
جايينك بي العديل والزين شايلنو فال
عشمنا نتلم بي المحنة والغربةسترة حال
بس ورانافايتين حبان وخيان فراقهم حار
ماياهو حال الدنيالمة وشتات ياربي يدوم الوصال

سهير الشيخ

منصور با اخوي لي ديارك شادين الرحال
جايينك بي العديل والزين شايلنو فال
عشمنا نتلم بي المحنة والغربةسترة حال
بس ورانافايتين حبان وخيان فراقهم حار
ماياهو حال الدنيالمة وشتات ياربي يدوم الوصال




حبابك بت رجال فوق الرموش تنشال
وفالك يا أم صلاح خير الخريف هطال
عشمك ما بخيب لو فى السماك بنطال
وناسك فى العقب عند اللطيف حللال



يا مراحب بكم

منصور

آآآمنصـور حباب, الديمه فاتح بابك,

آآآود المكـوك نادر عزيـز تيرابـك



في السروراب مكين فرعـك مركّز نابـك

وودناصـر وراك عرق التبلدي اتشـابك




ود الشايقي


عامر مجلسـك متحكرين احبابك,


ودشيقوق رفيقك عني قولّو حبابك,




من (بت الشيوخ) عابق بخور أطيابك,


وفي المسدار يطيب زادك ويصفى شرابك



ود الشـايقي


آآآمنصـور حباب, الديمه فاتح بابك,

آآآود المكـوك نادر عزيـز تيرابـك

في السروراب مكين فرعـك مركّز نابـك

وودناصـر وراك عرق التبلدي اتشـابك



حبابك نيخ تعال والبكره ديك حاقابك
يا جنب السناجك عالى سامى جنابك
للسروراب تعال خلينا كان نشابك
يا ترب الأماجد خابرو صافى عقابك



منصور


عامر مجلسـك متحكرين احبابك,


ودشيقوق رفيقك عني قولّو حبابك,


من (بت الشيوخ) عابق بخور أطيابك,


وفي المسدار يطيب زادك ويصفى شرابك




شن مجلس براك وإنت الككر هبابك
وعندك صولجان يا أبصوله ما بتجابك
ودشيقوق سلامك قبلو عاجبو شبابك
وطيبا بوختو عاقبه والكريم عشابك



منصور

جؤزر تال صباح طباها شال لمراحو
قصاص الدرب للمويه جابو وراحو
تبس الخريف الفيهو فزعوا وحاحو
دمع الشوق عليك إنت البدور سحاحو


منصور


عقبت فوقو زادت عشرقة نحناحو
شن الباز بسو يوم البكسرو جناحو
مو تمساح طعام طابق القداح زحاحو
فارس معضلات درك الكتال جحجاحو


منصور


مو فسلى وبخيل تلب الكرام مناحو
مو زرزور بلاد الناس تحرسو يحاحو
سواى الغلط ببقالو شيخ صحاحو
عارف للحدود فعل الجهر بحاحو



منصور


فوق المقرح من صهب ختيت صعيدا قبلى
متل القانص المرحات مدودر أبلى
الباشندى فايح متلى فيهو بيبلى
يانى أب رسوه فى الغابات بجول مو شبلى


منصور


أخي منصور
حباب الزعيم البلفه ساعة العسرة
حباب جبل الضرة ورى نهار الخترة
لمن تعطى ايدك تتره
زى صفق الاراك الشمة ريحة النترة


أسعد كثيراً بقراءة هذه المسادير الرائعة التي تعيد إلينا الذكريات الجميلة بالبوادي ودعاشها وسنطها وسيالها وأشجار الطندب والعشر حتى ، لكن ما يؤسف له أن الأسفلت قد سال شمال الوادي فأصبحت الركشة تقدل مع السفنجه والأوستن جنباً إلى جنب فترجل الأوستن والسفنجه بعد أن منعهم الحياء وحاجات تانيه من القدله مع الركشات والأمجاد. والشئ الأكثر أسفاً أخي منصور أن الدرب بعد أن إنشحط إختفت الغابات فزحف الأعراب ميممين شطر الغرب ودخلت الكهربه وعمت الفوضي معها فتري القرية بيت في آخرها مضاء والآخر منور وهي تماثل وتحاكي مباراة شطرنج شارفت على الإنتهاء فلا بيادق أو خيول مصطفة في إنتظام. التقنية والمدنية جميلة لكنها ومع شديد الأسف لم تزجي لنا نحن في تلك القرية الظالم أهلها أى شئ سوي سراويل الجينز وهجر الزراعة وركوب الحمير وتعلم صنعة البنادر من سمسرة وإحتيال وشيكات ما أنفكت تبحث عن مدارج للهبوط ولن تفعل يقيناً، ناهيك عن تجكيس نساء سوق الناقه وشراب الشاي بلبن فورموست بضمان نسله أو بدون ضمان حتى.
ناس الدشيناب كان بعد أن يتخطاهم باص ود أب كمه ميمماً شطر الشمال في إتجاه قرية السناهير يثير الكثير من الغبار والعفار فكان أن ذهب معي أحد أصدقائي من ابناء البندر ذات مرة والممرات كثيرة فشاهد منظر الصبية وهم يجرون خلف الباص ينسلون من غيمة ذلك العجاج الذي يشابه الإنفجار الذري فضحك وقال لي والله لو كنت أحمل كاميرا لفزت يجائزة صورة العام ، فهؤلاء الصبية أجادوا أكثر من الفيديو كليب بتاع مايكل جاكسون ثريلا.
وناس الدشيناب مشهود عنهم أنهم قوم ساخرون برغم قساوة ملامحهم وشظف العيش الذي يعيشونه ، فقد حدث أن تم تمديد أعمدة الكهرباء شمالاً وتم إنارة الكثير من القري عده قرية كانت تجري المفاوضات بين مجلسها وبين المحلية في تسوية أمور ماليه معنية فسمي أبناء الدشيناب تلك القرية حلة فطت ومازال الإسم متداول بالرغم من دخول الكهرباء لها.
أشكرك منصور على هذا الإبداع وأتمنى لك المزيد من التوفيق والسداد والصحة.

ساحت إيدا في الخد المهرج
وعامت ديسها نام فوق المرجرج
صـورةً جهجهت قلبي المضـرج
وفرع البانة لعلع فينا كربج

المله عمر

فرع البانه ليها المولى درج
وديسا فوق كفل ياربى فرج
عسل الكلام الماها جهول مهرج
ولاها مسيخه للمغروض بتحرج

المله عمر يا ود الأرابيب ترب الحكماب والشهيناب الأصلاء سلام عليك وعليهم
فى الأولين والآخرين...فقد كنت كالحاشى مع شكانيبهم فى صولات وجولات وكان المرحوم عبدالرحمن السيمت ذو سمته لا تضاهى وكان عمر المامور مامورا وكان ود القرم ظريفا فنجرى...وفى ضرا الشيخ الطيب القوس وقداسة وبركة السناهير والتسعين وأولاد منير كانت نزلهم آمنة مطمئنه ونسأل الله أن تظل كذلك...عزيزى لم أرى سوق الناقه ولم أرى بدعه بعين البصر ولكنى نفذت إليه ببصيرة عرضت فيلم واقعه فخلته الواقعه بلا شك بل بيقين أما تبدل الأحوال وإختفاء الزباد والبو والصبر وجداد الوادى وإختفاء الأرنوب وشقل كان يواريها من سوءة صياديها وأختفاء الحمبك ونار الحلبه ذلك المشروم البرى وأختفاء الدكك والمقى والتقى وأختفاء كل جميل وكل أصيل وكل هادف لتظل تلك الباهته الماسخه الممجوجه بكل أسباب التكلف والخداع تلك الوافده من الفضائيات الفاضيه والفضيحه...فيا عزيزى الملا أحلامنا إستغراق لصور فى الذاكره وصدق بعض نفر لا ولم يتبدل منهم أحد........................



منصور

ود الشايقي



Quote: عامر مجلسـك متحكرين احبابك,


ودشيقوق رفيقك عني قولّو حبابك,




من (بت الشيوخ) عابق بخور أطيابك,


وفي المسدار يطيب زادك ويصفى شرابك


افو افو آ المنصور اخوى وود الشايقي الشي ما بتقولوا لى النم ضارب في راسك . انا ضيعت زمنى مع البوستات النيّة ساااااااااااااااى .

ودشيقوق

حباب الزعيم البلفه ساعة العسرة
حباب جبل الضرة ورى نهار الخترة
لمن تعطى ايدك تتره
زى صفق الاراك الشمة ريحة النترة


حبابك إنت يا البهلول وسيد الستره
دربك ماسكو ساكت حاشا مك زول عتره
يا دوحة الهجير للناس وغيرك كتره
نضمك من دهب والناس خلافك شتره



منصور
افو افو آ المنصور اخوى وود الشايقي الشي ما بتقولوا لى النم ضارب في راسك . انا ضيعت زمنى مع البوستات النيّة ساااااااااااااااى


غبك ودرك يازول تعال ما تغيب
وأشرف فوقنا ساكت للشمارات جيب
فارس المغارات إنت ياكا الضيب
ويا الحافظ جوارحك حاشا ما بتعيب



سلام يا شيقوق


منصور




Quote: غبك ودرك يازول تعال ما تغيب
وأشرف فوقنا ساكت للشمارات جيب
فارس المغارات إنت ياكا الضيب
ويا الحافظ جوارحك حاشا ما بتعيب


هييييييييييييييع ود المفتاح يطول عمرك بطلاق تاني ياني محربس في محل المرتع دا .

ودشيقوق



Quote: غبك ودرك يازول تعال ما تغيب
وأشرف فوقنا ساكت للشمارات جيب
فارس المغارات إنت ياكا الضيب
ويا الحافظ جوارحك حاشا ما بتعيب




بعد السلام جابنى العلى و البيا

الروح يوم تنونى مابتشفى قولة احيا

تترجى الفرج ..صبرن جفل ماباقى ليهن جيا

يااخوانى هوووى كان شوقن كتلنى ماتشيلو فينى الديه

حجة امنة

بعد السلام جابنى العلى و البيا

الروح يوم تنونى مابتشفى قولة احيا

تترجى الفرج ..صبرن جفل ماباقى ليهن جيا

يااخوانى هوووى كان شوقن كتلنى ماتشيلو فينى الديه


شن الديه والشوق من وراك شاوى القلوب كالشيه
يا ملكة حسان الكون أصبرى شويه
أمونه بنت الريل شغيله رشيه
ساعلين الفرج والنوم نكوسلو عشيه


منصور


الزول فى الطرب بشجيهو داك زول كاسو
عند ساعة الهجوع بسمع دقاق وناسو
اللهج العسل فتاق شدر أنناسو
وارث للحداقه وللظرف ود ناسو



منصور


المنصور اخوى نارك شالعة ما بتموت

وحارسين المسادير جازمين عديل ما نفوت

الا الزمن وكترت مشاغل شوفها شوكة حوت

ما تحمينا مرتع البهم والقنيص لى يوت

يحيي

المنصور اخوى نارك شالعة ما بتموت

وحارسين المسادير جازمين عديل ما نفوت

الا الزمن وكترت مشاغل شوفها شوكة حوت

ما تحمينا مرتع البهم والقنيص لى يوت

جنب المواقف وفى المجاعه مبوت
ويا فزع الدرك بتفك حجا المربوط
رقليك باللصيهب للكرام مشروط
وما بتعقب تخون متل البغدرو بيوت



منصور


هراد الفؤاد الأصلو يوم ما خانو
زى الدروه صبت فوقى نار جبخانو
يا فزاع جميع الفونى بى شفخانو
بى عبقو وبخورو الطابقو فوق دخانو



منصور


بى عبقو ودخانو فوقنا سوى الكى

وما قادرين نقول غير الانين وأحى

المنصور أخوى الفانا قبال نفوت الحى

والبوخة التفوح قتلتنى عقب ما حى
يحيي

بريمة الطلحه رخس السيسبانه النى
وساح من ريدا فى ساير عضاى العى
شنكيب هودجا الفوق دبرى شايل الرى
وياها عبور خلا المحجوبه من قول عى


منصور


بريبة تمام يادوبه صايره جدى
ميها الجيفه خوت فوق تلاها حدى
بنت الكبور الفى قفاها ودى
لا حاسه الجحيم لا داريه إيش البى


منصور


جدية تال شروق مرنوعه خلقه وزى
ومن نعم الكبور مكلوفه شاربه المى
صياد شنو المن صوبا صايبو الغى
وجاطت بطنو زى الدفقو فيها الدى



منصور


حاضر بين جديه وديك عناق بريبه
ما بغدر قسم ما متهم بى ريبه
أم مسكا بفوح شاغلانى مره عجيبه
زى العجوه طاعمه وفوقا كتحو زبيبه



راجيك يا يحي راجيك الكع


منصور


أرح نرقل نزازى الصيد نشوف مرعاتو
دودو فوقو رعد العين نشر هرعاتو
سيال الودى الفوقو كاب فرعاتو
تحتو بكون مقيلو وفيهو يوت ساعتو



منصور


الكمتر ضحك بعد الرشاش بشانا
عنكوليبو شابك يا الكريم تشفانا
الزول العيونو على القلوب كالدانا
جاو الدوم عديل الليله زاد كددانا




منصور


المنصور أخوى

دار المر شاشاها اب رعود وبروق

وضاحك نالا ومرخا فيه اخضر عود

والسمحة بسمت وشعت بخديد وورود

ارح يا نديم كان نوفى ليها وعود

يحيي





_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء أبريل 29, 2014 10:00 pm

شن الديه والشوق من وراك شاوى القلوب كالشيه
يا ملكة حسان الكون أصبرى شويه
أمونه بنت الريل شغيله رشيه
ساعلين الفرج والنوم نكوسلو عشيه





منصور اخوى..فراج الكروب و الغومه


بي شوفة العزاز..الروح ترد تنجمه


البال يروق ... عود الفرح ينشمه


طربان السدار...بحديثك اتاانتمه

حليل زمنا سمح والناس تجيك تتلمه
يا شبه الملوك إنتى بتحسنى النمه
أمونه بت المك عقيد فى متمه
يا ملكة صدق معروفه خالصه الذمه


منصور  
                   

دار المر شاشاها اب رعود وبروق

وضاحك نالا ومرخا فيه اخضر عود

والسمحة بسمت وشعت بخديد وورود

ارح يا نديم كان نوفى ليها وعود


يلاك فوق شخاتيرا أم دباس وعنق
ويلاك ليهو داك الفوق حواها مرق
المر الجبل ساح فى السماحه عرق
ومن صيد صيو ساكت كم فؤاد وحرق



منصور

منصور يا ود مفتاح المغالق ضمــــــــة
وقعت عيني في مسدارك بديع النمــــــة
فرّح قلبي طارت من عضاي الحمـــــــة
اقبل بي جليس انا في حداك بنجمـــــــــة

انا من المتابعين لي سودانيزاونلاين و كنتا متابع المقالات بتاعة د.كتور عبد الله علي ابراهيم القاعد تنزلها و كنت مبسوط منك لكن و الله لمن لقيت المسادير اتكيفت منك حد الثمالة
يا زول انا انا عندي اهتمامات ذي التكـ دي بتاعت سياسة و متزوق شعر و مسادير و دوباي
طالب القرب عندكـ مانع؟؟

سلامات
بكري صديق محمدصالح

منصور يا ود مفتاح المغالق ضمــــــــة
وقعت عيني في مسدارك بديع النمــــــة
فرّح قلبي طارت من عضاي الحمـــــــة
اقبل بي جليس انا في حداك بنجمـــــــــة


قبلان يا عزيز أقعد وأصير جلاسك
وقيلان من كلامك عتقو ظاهر كاسك
يا شامخ العقل إنت المأصل ساسك
وطلحا للكلام باريلو حارص فاسك


منصور  
                   


يا طير أترو ورينى كيفن حالو
ما تبخل على أغشاهو ريح بالو
من درك الخريف أنا روحى كم هامالو
ما بصبر برا وما ظنى قط همالو



فرحان فى البلد والقبلى فرهد نالو
وطربان منبسط قمرى الكبور غنالو
الناس والأهل بى شوفتو فرحو وجالو
ولين النوق محمدو والدخان جلالو


منصور

ينصر دينك آآ المفتاح حافظ تراث ابواتـــــك
و من فسيخ بورد السجم صانع براك شرباتك
ماسك درب الادب و العلم ساوي ســــــواتك
يمين عسل النحل يرخس عشان كلمـــــــــاتك

بكري صديق  
ينصر دينك إت مزرود كلام مخلاتك
وماك بخيل براك عارف حقوق خالاتك
أبديداب نضيف كضب البعيب خلواتك
وكضاب بسرقا السواك بى خلاتك



بحر الغرام فى قلبى زاد هدامو
شتت شيمو شركا للحريف عوامو
قبلان بى محاكمو وحاشا ما لوامو
واشوقا على السوونا سقدا ونامو



منصور  
                   

منصور العقيد اشعارو زاهية صباحو


في الدوبيت سرورو وفتنتو وافراحـو



في المسدار نهيضو وسربتو ومرواحـو


جينا نطوف مجالسو وننبسط بي راحـو


يا مطر الخريف براق شروقك لاحو
وخيرك بان عديل بكر الحوار ليك حاحو
زهر الربيع ياكا الوحيد شراحو
أنت عقاب كرم جمل الركوب مناحو


منصور  
                   

معروف زول بصر صعب الكلام لماحو
شن متلك بصيبو برا السنين رماحو
ماكا رخم رمم عاضرنو كسرو جناحو
يا جبل الثبات كضب البقول زحاحو



منصور  
                     

يا أولاد البلد ماتولو ناس لحياتو
ما أتفكوهو ساكت وإمشى بى مرحاتو
زيت الناس مرق زيتك كتل فرحاتو
جيش إبليس قدل فوقك طبق سرحاتو



منصور  
                   

طريت شلع البـروق فوق الهضلّم


طريت مسدارنا جيهناهـو والنـم



طريت الحلة يات من جاكـا سلّـم


طريت بَسَم الحبيب لـ وجيهو بلّـم



ود الشايقي


سمح الرشاش والليل إجيبلو دعاش
وسمح الزول تكرفو وثغرو فيهو بشاش
الزول شبه الأرايل وللقلوب هشاش
ومليان عفه تب مخبوره مو هباش


منصور  
عرقوب الأجانب جبتو طابى سلاحو
ما بعرف عرض توب العفاف شلاحو
البلد القبيل الناس تعرفو صلاحو
خفت عهنو صار شايب الهبوب لفاحو



منصور  
                 

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 30, 2014 9:09 am

[b]موفور الضراع كان فى العدم فلاحو
من خيرات ترابو مع الضروع ملاحو
الزمن العلينا الناس تفوتو يحاحو
والقال حاجى داك ما ظنو غير رداحو



منصور


تاج الدين حماها وباالنفوس عزاها

ود دينار تعرفو الملكه فاقده جناها

ناس ود دقنه جالو الورطه جابو جلاها

ناس أبوقرجه قدلو وليها حفظو أرجاها




منصور


مى بالملوه كالوها الفقير قلاها
ما عبروها باليارده الرخيصه شراها
يا دهب الجبال الفيها خزنه براها
ما تخلوها سايبه والضباع تبراها




فوق أبقنف شديت وطاب دار ريح
وطاب الناشنى سهمو ومنو قلبى جريح
فوق العد كحلتو وللحنايا بريح
ومتل الزار فقيرو وليهو سوى ضريح




شقيت خشة الوادى أبجدادا كاكا
رقل زاد مشيهو أبفقره أكان ألقاكا
مانى عقاب قماح للحول قريب برجاكا
وإن قلبت على بهبر بعيد ببراكا


منصور


الخبر الوصل قالوا البشائر صبت
والعتاب ظهر من فوقو أرنب شبت
الليد التتل بى فن حرام ما تبت
والفل هزتو وبى فوحو تالهن هبت



منصور



الحبيب منصور المفتاح
يشجينا ويطربنا دوماً شدوك الجميل
تسوقنا قدمانا ودون ماوعي ننساق لاحاسيسنا لزيارة بوستك المميز
نعجز احيانا من التعليق ... ننتشي ونبخل عليك أحيانا ...
تسلم يا جميل وفقك الله بكلمك للوصول للمرام المنشود

لك التحية والمودة حبيبنا المنصور

خالد محجوب


الدايرنى و المابينى
محلول ربطو
لابسعدنى لابشقينى
من حوض الجرايم ضق شرب بى هينى
وحلف بالله مااتاكسر برا البانبنى
----------------------------
الليل والنهار اقدامى دج ما فاتره
نانوى نميمى مع الهبوب الخاتره
ت>كار لعبة الجاهلة ام حزمة داتره
ورت عينى سهرة ودمعة متباترة
---------------------------------
واسفاى كن الموت اجى يعجلى
قبال المنزه فيه اكمل غلى
ياشهور الظلام الغبتى ابيتى تهلى
اشوف الفرو بنسف فى السحاب الكلى
-----------------------------------
قعاد البيت براهو اليوم بجالى جنون
بدور شتل الجنينه وخدرة الليمون
وين ياصاحبى مقرن حاجبو عامل نون
والتسريحه فوق الجبهه عامله فنون

ود المفتاح وجدت البوست امامى رفعه صاحبى ود المنسى
وقت امعونك فيه لك التحيه اخوك خالد المحرب


الدايرنى و المابينى
محلول ربطو
لابسعدنى لابشقينى
من حوض الجرايم ضق شرب بى هينى
وحلف بالله مااتاكسر برا البانبنى



متل الضل وراى طيف البدور بارينى
من شبيت فرز شاغلنى يوت لاهينى
فوق عطشى العلى صومنى مو راوينى
يا حاوى اللديغ من العلى تحوينى



أب أحمد مغرق لى كدى خبارك يا زول

تحياتى لك والأسره


منصور

تسلم إنت يالمحجوب وتسعد روحك
وتسلم بالكريم يبراها مره جروحك
يا باذل الكتير فايدانا ديمه شروحك
ويا الضاحك النخل مبسوط وعاجبو قروحك

منصور


شقيت خشة الوادى أبجدادا كاكا
رقل زاد مشيهو أبفقره أكان ألقاكا
مانى عقاب قماح للحول قريب برجاكا
وإن قلبت على بهبر بعيد ببراكا


منصور


الأرواح تشاشي بالدوام لي لقاكا
ياخبار دروب المشبكة .. وفكاكا
يانيل التساب إت القماح حاشاكا
وقصاص الدروب إن ضهب .. بغشاكا

سمية الحسن طلحة



الوش فى الخيال زى الخدار فى التاكا
والمغرود نشوفو الليله بابو متاكا
مبرومة الجروف المى كتل مفراكا
كدب من هبر شرك الوقوع فى شباكا


منصور


ياجريعة البنوني الفي قربتو مواكا
الصايدني .. لايفارقنى لايختاكا
دقاق الربل في الختة لي ختاكا
بقت آمالي بين الرحي والمرحاكة

سمية الحسن طلحة


جريعة البنونى الخاشو لى خصاكا
من بكرى أب صرف مداهو لى واداكا
يا قمر السبوع المافى نجمه حداكا
فى فلكك تدور شمس الطلوع وافلاكا




منصور


اللهج المحدق حاشا مو هراج
وفراح الدواخل للقلوب دراج
الليل ديدبانو وفوقى توبا ساج
وحارص فى العلى متل التقول نساج


منصور

سماك زرقن مهيطل وبالصبيب والاك
عربك ناشقة ديكورم كدام وشباك
خدارك قام منوع ياالمرية كساك
ضرع الشولة من الحينة جابلو تواك



سمية الحسن طلحه



قريرك فى الملاين دافقه فوقو أراك
وبريبك سرب عقب الشخاتير جاك
مرحات البكار بى حنهن حاوياك
ولايكات عود شفاك ياالشافيه درنا شفاك






منصور

منصور صاحبنا من زمان بالحيل

رايحين منو ناس دوار بفتش فيهم
ولابد إنت واحد من جميع طاريهم
يا رأفت حبابك والكرام داريهم
والزول الظريف حاريك يا الحاريهم



الشكر لك يا زول وود عبدالجليل قوام بلفاك
مع التحايا

منصور


أدينا خطرك نخرم مساديرك ديل
مانى ضهبان شاتر مودرلو شليل
بسأل حداك وين أخوى ود عبد الجليل??

رافت ميلاد

رايحين منو ناس دوار بفتش فيهم
ولابد إنت واحد من جميع طاريهم
يا رأفت حبابك والكرام داريهم
والزول الظريف حاريك يا الحاريهم



الشكر لك يا زول وود عبدالجليل قوام بلفاك
مع التحايا

منصور




Quote: منصور صاحبنا من زمان بالحيل
أدينا خطرك نخرم مساديرك ديل
مانى ضهبان شاتر مودرلو شليل
بسأل حداك وين أخوى ود عبد الجليل??


رأفت يا حبيب زمن الشتات والروحه
نحنا خترنا من بلدا كتيره جروحه
شليلناإنسرق نهجا كتيره شروحــه
ما بنفقد أمل ماداب عصاتنا نصيحه

محمد عبدالجليل



Quote: منصور صاحبنا من زمان بالحيل
أدينا خطرك نخرم مساديرك ديل
مانى ضهبان شاتر مودرلو شليل
بسأل حداك وين أخوى ود عبد الجليل??



يا أخوانا انا جاى اتفرج ومبسوط شديد من رأفت الصار بجادع في الدوبيت
وحياة ديني يا المنصور اشهد انك استنطقت الصخر العصيا
فضل ليك يا المنصور تاني الرطاني ابو بكر ادينا فيهو نمة وانا بكلمه يجي يعقب حتى ولو بالرطانة .



Quote: أدينا خطرك نخرم مساديرك ديل


اديك انا الخاطر خرّم ساااااااااى يا العشاء كفانا كلامك الحلو ابو لجنة زى لجنة بنية اخبار النشرة الجوية في قناة الجزيرة



Quote: شاتر مودرلو شليل


اتفرجوا اها رافت ده تاني قصر قال ( مودرلو) والله الا يقع ليكم من فوق يفهق عنرقتو



Quote: بسأل حداك وين أخوى ود عبد الجليل??


وحياتكم اتفرجوا شوفوا حلاة لتقة ود عبد الجليل لزوم الالتزام بالقافية . والله زى لتقة العنبة في فرع الطلح .

لكن يا رأفت اخوى شعرك بذكرني شعر ود هارون الرشيد الذى قال فيه

نحن بنو العباس نجلس على الكراسي -

بس يا المنصور اوعاك تدخلني في لجنة النصوص والمراجعة.


ود شيقوق نسيت فرح الخليل رطانى
جود للشعر سوالو عوسا تانى
ناس سبويه ذاتو الفى الأصول عجمانى
ما بنقدر نقول يطلع ظريفنا يمانى



منصور


ود شيقوق نسيت فرح الخليل رطانى

صدقت بالحيل يا عيسي ( بفتح العين وتسكين الياء وكسر السين )
ديل رطانة زمان يا المنصور اخوى

هسع دحين ناسك ديل عارفين ليك النال او الشيح او البراح ؟؟؟؟؟؟؟؟؟
ديل ناس حلاوة بلي ولكوم سااااااااااااى


تعرف يا ود شيقوق الخليل فرح جاء إلى أمدرمان صبيا بذهن كلوح الأردواز وورق البردى جاهز لتلقى المعانى وليس فى حلفا غير النخيل والقامشه والمغارات من مخلفات ذوات العماد فوجد فى أمدرمان تلك الصور والمعانى وأفتتن بها وهيأ له التعليم فى المدينه وسائل الإفصاح فأبدع وأبوبكر الآن أفضل منا فهو فى أرض بنت الضاد ونحن فى أرض العجم وبكتلوج الخليل أحسبه سيبدع


ولك وله السلام


منصور




Quote: الآن أفضل منا فهو فى أرض بنت الضاد ونحن فى أرض العجم وبكتلوج الخليل أحسبه سيبدع


لم تعد في العمر بقية لباديات جديدة يا المنصور اخوى - إت تتكلم كيف يابا؟

واغلب رطانة زمنا ده يا منصور اولادهم لا بيعرفوا عربي ولا حتى رطانة وانما الانجليزية او غيرها من اللغات العالمية .

وتلقى الواحد فيهم يخلف كراع في كراع ويخت الطاقية في هامتو فووووووووق ويكون مقنطر ليك سفة مجيهة ويقول ليك (نحن اولادنا بطلاق تاني مو راجعين لحديثكم الني ده اولادنا ناس لغات اجنبية سااااااااااى ).

قولو ود شيقوق قالك خم وصر
ما شف/ت سعد السعود الساها لي البارح
أقلق نومي وأصبح في المعالق جارح
قدر ما أقول أتوب وأعمل لي عملاً صالح
أبي يتخلا ضوق عجوة شروق المالح

ودالراوي


منصور المفتاح سلام يا المبروك سلام
رمضان كريم تصوم وتفطر علي خير

عامر يا الكريم عامر واياك مس العابر
مشطوطين خلاس قول سوي البجبر الخاتر
فوقنا نيران تهجس في الجسيم الفاتر
فاضل لي افوت تارك العقاب لا حرس لاغافر


الحال العلي حال العدو المسكين
وحال الكتفو وسالين علي السكين
وحال الفي البحر حيشنّو تمساحين
وحال الفي السجن ماقدرولو سنين

ود المنسي

عامر يا الكريم عامر واياك مس العابر
مشطوطين خلاس قول سوي البجبر الخاتر
فوقنا نيران تهجس في الجسيم الفاتر
فاضل لي افوت تارك العقاب لا حرس لاغافر


مرحبتين حباب المطرى خيرنا الماطر
ومرحبتين حباب اللينا ديمه مسافر
يا ود دار جعل فارس المغاره الشاطر
ويا جبل الركاز بخشاك من قال كاسر


منصور



[/b]

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 30, 2014 9:32 pm


ما شف/ت سعد السعود الساها لي البارح
أقلق نومي وأصبح في المعالق جارح
قدر ما أقول أتوب وأعمل لي عملاً صالح
أبي يتخلا ضوق عجوة شروق المالح



الليل طب طويتو وفى الكلامات سارح
وسويت حال غفر بارى الحدود فوق قارح
مشرق دار ربيط شارقنى شوقو وفارح
وماهو عقاب حصاد ماهو الفشوش الطارح


منصور


ياقلبي الصميم ماقلت واعي وفالح
شنو الخلاك تتطش ولضلوعنا تبارح
الشال نوم عيوننا وللكبد داك فالح
هل ربحت تجارتو ولا إنت الرابح




Quote:
اللهج المحدق حاشا مو هراج
وفراح الدواخل للقلوب دراج
الليل ديدبانو وفوقى توبا ساج
وحارص فى العلى متل التقول نساج


منصور


فاطراً لاح وسيم خلاني في اللجلاج

وبسّاماً يضوي الليل تكنه سـراج

أداني الحرور والتيهة والسهراج

ومن فرقـك متـوّك, تاقي للفـرّاج


ود الشايقي



Quote: فاطراً لاح وسيم خلاني في اللجلاج

وبسّاماً يضوي الليل تكنه سـراج

أداني الحرور والتيهة والسهراج

ومن فرقـك متـوّك, تاقي للفـرّاج


عسل انت يا ود الشايقي يديك العافية ويطول عمر ود المفتاح

ودشيقوق

فاطراً لاح وسيم خلاني في اللجلاج

وبسّاماً يضوي الليل تكنه سـراج

أداني الحرور والتيهة والسهراج

ومن فرقـك متـوّك, تاقي للفـرّاج


ود الشايقي




الزول من قداستو الناس تقول مهراج

ومحفوف بالزخارف ساعة إقوم بهراج

متل الهنود عشاقو ديشن داج

وزى بحر الدميره الطابق الأمواج


منصور

فاطراً لاح وسيم خلاني في اللجلاج

وبسّاماً يضوي الليل تكنه سـراج

أداني الحرور والتيهة والسهراج

ومن فرقـك متـوّك, تاقي للفـرّاج


ود الشايقي




الزول من قداستو الناس تقول مهراج

ومحفوف بالزخارف ساعة إقوم بهراج

متل الهنود عشاقو ديشن داج

وزى بحر الدميره الطابق الأمواج


منصور

ياقلبي الصميم ماقلت واعي وفالح
شنو الخلاك تتطش ولضلوعنا تبارح
الشال نوم عيوننا وللكبد داك فالح
هل ربحت تجارتو ولا إنت الرابح


يا زوله الصلاح وارثاهو من كم صالح
ويا ترب الصلاح بت الكريم الصالح
عشقك للرسول ساربابو قاطعه المالح
وربحان المعاك والغيرو ياهو الطالح


منصور


مرحبتين حباب المطرى خيرنا الماطر
ومرحبتين حباب اللينا ديمه مسافر
يا ود دار جعل فارس المغاره الشاطر
ويا جبل الركاز بخشاك من قال كاسر

ماعندي قول أقولو وآت علم نبراس
يوت هميم وفي الظلام كباس
تابي تفزع قُبال إفيقو الناس
ياجبار الكسور يا ولدة الفراس

ودالمنسي

كماين الطلح للصيد هتف نسامن
وربحان الهبر دوار بكوس للسامن
الزول الحريص من رزقو بكفى التامن
وبحرس عينو فاتحه ولى خزاينو بيامن




منصور


نستفتح بمن لكل مغلوق فاتح
بحب النبي ياربي لينا تسامح
تبدل سيئآتنا بالحسن والصالح
ناضرين الجوه لا رهق لا كالح

سمية الحسن طلحة

مافيش شك خلاص عاشق الرسول الرابح
والعاف الذنوب بى توبتو ليهو بصافح
نور المعضلات بحر العلوم الـطامح
وطالبين طب شفاعتو الليها دايما مانح


منصور
:

فاطراً لاح وسيم خلاني في اللجلاج

وبسّاماً يضوي الليل تكنه سـراج

أداني الحرور والتيهة والسهراج

ومن فرقـك متـوّك, تاقي للفـرّاج



عسل انت يا ود الشايقي يديك العافية ويطول عمر ود المفتاح


أخوي شيخ العرب ود شيقوق,

ويدوم سعدك يا سعادة المستشار دائماً ذواق وخبيــر

لك التحية وعش طيباً والأخوات والإخوة جميعاً


أحمـد الشايقي


الحبيب الكاتب : منصور المفتاح

لمساديرك وللآخرين :

كتب الشاعر أحمد محمد الشيخ ( الجاغريو ) :

يا جَاهِل نفورَكْ مَمزوجْ بالحَنانْ
طَرفَكْ فِطْرَة فَاتِر واسْهَامَكْ سُنَانْ
حِينْ ما نَظَرتَ خَدَكْ لي قُدتَ العنَانْ
مِن نَظراتَكْ صرتْ زي شَاربَ الدِنانْ

الشقليني

الصيد إن قدل والخد بزينو النان
وااخ منو يا عبدو السكونو جنان
زى برم الطلح طافوبا كم دنان
وأدوش للقلوب الهاوى والفنان


الشقلينى حتى الدوبيت خابر دربو يا ملك العوالم العليا

لك خالص الود والسلام وللجاغريو الرحمه


منصور






_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 30, 2014 9:45 pm


الاخ منصور تحياتى بلا حدود وشكرا ايضا بلا حدود على هذا البوست الرائع.

بريدك يا العفافك فيك غريزة وطبعه
ريد خلاها صورتك فى الضمير منطبعه
بريدك يا الهمومك عاودت متبعه
لامن يكمل الريد فى الاراضى السبعه

مع عاطر تحياتى

ود النعيم
بريدك ياالفيك آيات الحسن مجتمعة
ريدا دق ساسو ومنو مالي رجعة
بريدك يالهمومك يوت علي منجمعة
لامن يستغيث الريد ويطلب شفعة

سمية الحسن طلحة
التحايا لك : علي أحمد النعيم
الصيد إن قدل ما بصيدو غير فرسان
واااخ المن غرامو الصبر كملان
زي قبة ولي إتواردوا الحيران
وكم وارد رجع من البحر عطشان

سمية الحسن طلحة


بريدك يا العفافك فيك غريزة وطبعه
ريد خلاها صورتك فى الضمير منطبعه
بريدك يا الهمومك عاودت متبعه
لامن يكمل الريد فى الاراضى السبعه

مع عاطر تحياتى

ود النعيم



صيدة الهشاب الديمه قامحه الضبعه
ديك العند رهيدة الريد تزيد النبعه
درنالا القنيص أكان ننوم فوق شبعه
ديك الفوق جمال الخلقه حادق طبعه



كتر خيرك يا النعيم ولك الشكر والسلام


منصور


للحبيب الشاعر المُعطر بالتواضع
الفواح بطيبه والنثَّار للخير
ألف سلام عليك

كُنا قد نقلنا لك :

***

كتب الشاعر أحمد محمد الشيخ ( الجاغريو ) :

يا جَاهِل نفورَكْ مَمزوجْ بالحَنانْ
طَرفَكْ فِطْرَة فَاتِر واسْهَامَكْ سُنَانْ
حِينْ ما نَظَرتَ خَدَكْ لي قُدتَ العنَانْ
مِن نَظراتَكْ صرتْ زي شَاربَ الدِنانْ



***
وكتبنا في مقام محبة شِعره ما نُهديك وأهل خيمتكْ:

من نَفرَت خُدودك وَدَعتَ الجِنان
وإن نَظرتْ عُيونَك حَفَرت بالسِنان
لَمن بَقَّ بَسمَك شُفْتَ برُوق بيان
في ضوَك غِرِقْ ،شُفتَ الموت عَيان


الشقليني

من نَفرَت خُدودك وَدَعتَ الجِنان
وإن نَظرتْ عُيونَك حَفَرت بالسِنان
لَمن بَقَّ بَسمَك شُفْتَ برُوق بيان
في ضوَك غِرِقْ ،شُفتَ الموت عَيان


الخد الوجا نورو مع الكواحل بان
ويا أبثغرا مرصع وبرقو من مرجان
عودك خيدران والقامه قامتك بان
والكان داك صعيب الليله ليكم هان


منصور


بى فرق الطليح ناش القليب نشابو
صاب بيت الكلام المن زمان شاشابو
ياشبه الغزال المن قديم نشآبو
شابالك عقول وأهل الصلاح فيك شابو



منصور


حليل صيد الجفيل الليله درنا هشابو
قلنا نزور قبايلو والقلوب هاشابو
الهرع إنجمع فوق صوبو طاب رشابو
فرحت منو سعده وليهو زاد عشابو


منصور
الليله الورود عدو وحفايرو يباس
والليل الضليم هارينا بى أكباس
القلب إشتغل رقاصو زاد وسواس
واشوقا على الحادق التقول أنناس


منصور
الخد الوجا نورو مع الكواحل بان
ويا أبثغرا مرصع وبرقو من مرجان
عودك خيدران والقامه قامتك بان
والكان داك صعيب الليله ليكم هان
منصور

الخد المنور ظلمة الأكوان
وياأبثغرا يشع في القلب شَحَحان
عودك فرعو طايل يا الهواك ريحان
والكان داك صعيب فيه أنقطع شريان

سمية الحسن طلحة


الليله الورود عدو وحفايرو يباس
والليل الضليم هارينا بى أكباس
القلب إشتغل رقاصو زاد وسواس
واشوقا على الحادق التقول أنناس

منصور

الليلة الورود زلالو أنقلب حصحاص
والليل البهيم لا قمراء لا جلاس
القلب أشتغل وفقد صوابو خلاص
واشوقا علي المسّخ علي الناس

سمية الحسن طلحة


طبقولى الكى عقب عند الملاين غاص
وبى تتك العيون رشونى جام رصاص
شبه الصيد قدلتو الساها فيهو الراص
وين بنضوق علاجو الراعى ديش حراص


منصور
مو عقاد قصص حاشاهو مو لصاص
وأب قلبا ملان تيرابو ناسو جعاص
باسو براهو باين حاشا مو بصاص
والجبل التقيل رسيان ومو هياص


منصور


ناس الألفه ما بدورو الكبار فى مقامن
وما بدورو الدرير الفرسو فات قدامن
مو ناس صدق لحن الكضب فى كلامن
ولا دارو العجب لا كان رجب صوامن


منصور

ود رحمه اللدر ناصع نضيف الفيش
ولامع زى دهب حاشاهو من تغبيش
ساعة الحاره فارس خيلو مره تهيش
وبرضو يجينا راجع ويشكى من تهميش



منصور


قلبك يا جنب ميزانو مو من ريش
وما برجف بخاف أكان غزاهو الديش
خبار للدرو يا الديمه وازن النيش
ويا كافى الديوش من البكار مو عيش


منصور
القلب إشتغل رقاصو زاد وسواس
واشوقا على الحادق التقول أنناس

زاد تلصصنا على منهلك الزاخر عن حد الشرع ..

نرد خفية دون أن ترانا مرات كُثر ننهل ونرحل دون أن نترك أثر
ونغريك السلام سرا آملين أن يصله لك ملك طاهر لحظتها.

يأباالقلم ويقف هامدا مكسورا أمام نظمك من الدرر البض.

كذلك تأبا النفس حزينة تتجرع مرارة الحرمان عن المقدرة على نظم
الشعر.

وها اليوم نقف قبل أن ننهل نلقي لك التحية والسلام يا المنار العالي
فيناأنت ورفاقك الكرام .. محبي المسدار والنم الجميل.

تحياتي واحترامي منصور المنصور بإذن الله

مو عقاد قصص حاشاهو مو لصاص
وأب قلبا ملان تيرابو ناسو جعاص
باسو براهو باين حاشا مو بصاص
والجبل التقيل رسيان ومو هياص
منصور
ياجبل الحديد الكنيتك قصاص
المتعدي واسيِ ياسمي كرفاس
العلم التلوح نارو فوق الراس
كيفن يجهلوك أبّان عقول نُقّاص
سميةالحسن طلحة


كفات بالشمال أسد الكرايه القارح
وحجّر غابتو تب منع البفر والسارح
من نتراتو الفارس يفز والدارة تصبح طارح
قمر السبعتين الما هلا ود البارح

الاعزاء بت طلحة ومنصور

سلام وعذراً لعدم مجاراتكم بالقافية ولكن عيب الزاد ولا عيب سيدو .... ويا بت طلحة بوست البطانة نزل سوقى معاك منصور وكل من له حس مرهف ذواق من الاخوة والاخوات الكرام.

لكم التحية اجلها.

ود النعيم

ياجبل الحديد الكنيتك قصاص
المتعدي واسيِ ياسمي كرفاس
العلم التلوح نارو فوق الراس
كيفن يجهلوك أبّان عقول نُقّاص
سميةالحسن طلحة



يا زوله عوفه منو البدورلو قصاص
وشفتيلك جبل هدوهو والله إتماص
من ناس بى خفض مبسوط ورافعو الراص
وديك ناس بو رفع عند البهم رقاص



منصور


ود المنسى يا ترب البواسو الراس
وحاويين للعلم حاقننو فى كراس
لهجك ديمه وازنو وحاشا ماك ضراس
وقايد ماك بياده وديشو من فراس





منصور


تسلم ود ابوى صافى وسليم النية
ياالدغرى العديل مابعرف الملوية
دخرى الحوبة ات فى الدنيا ماكا شوية
بيك فرحانة جد رغم الحزن والكيّة !


ناديه عثمان



تسلمى والمعاك والفيك دوام محريه
ياالزى ناس بنونه المكه بت جعليه
فعالة المحال شايله التقيل دون ليه
يا جبل الصبر يالصالحه إنتى وليه


وليه من الولاية لله
ناس الألفه ما بدورو الكبار فى مقامن
وما بدورو الدرير الفرسو فات قدامن
مو ناس صدق لحن الكضب فى كلامن
ولا دارو العجب لا كان رجب صوامن

منصور

ناس الألفة حاشاك ماكا من نُدّامن
وبفريق النفاق ما حُمت مع حواّمن
مذمة الرخيص للعزاز إكرامن
وأنا ناس الكضب ما بلقوا عندي مرامن

سمية الحسن طلحة

ود رحمه اللدر ناصع نضيف الفيش
ولامع زى دهب حاشاهو من تغبيش
ساعة الحاره فارس خيلو مره تهيش
وبرضو يجينا راجع ويشكى من تهميش

منصور
بت المرضي حكمة كلاما مو مِطيريش
برنجي الآخرين ,, معاها يطلع طيش
قلبك يا جنب ميزانو مو من ريش
وما برجف بخاف أكان غزاهو الديش
خبار للدرو يا الديمه وازن النيش
ويا كافى الديوش من البكار مو عيش
منصور

حفيد المفتاح الصافي ماهو عويش
لاهو الراشي لاهو المرشي بالبقشيش
راعي .. وواعي .. مو مِغيشيش
رُكازة العشيم والراي بلاك مافيش
سمية الحسن طلحة
مرات كمان بطراها زولتي القبيل ضفرتني
زمن مطموس دردقني في مرماها وبمنعة باك شمال شاتتني
أبحرت سفني من مرساها وفتها، عشان هي كما فاتتني
لكن يا قليب الرماد وكتين قت الله معاها ليه مضيع لي فرصا مكان واتتني

ناصر



Quote: بت المرضي حكمة كلاما مو مِطيريش
برنجي الآخرين ,, معاها يطلع طيش
مادام الحكومة بتشكي من تهميش
أدونا الأمان.. أننسحب بي شييش


ماني قاصد شو لكن دوماً سمية والمفتاح يستخدمون مفردات تستعصى على أمثالنا
لذا حبيت أن أبدأ وأسن سنة حسنة أن يصحب الأبيات التي يرى كاتبها قد تستعصي على القُراء الكرام شرح مبسط.

لفت نظري جمع من كلمات نستخدمها لكن القليل منا يعرف مصدرها وفحوها ومعناها.

* مطرطّش وكثيراً ما تطلق على الذي لا يوزن كلامه وتصرفاته أو كما استخدمتها الريحانة مطيريش وحسب علمي المتواضع اعتقد أنها من مطرطّش.
والتشبيه جاء من المطر الطايش ترعد وبروقها يتخالفن وبعد شوية تطش والناس تكون في رجاها في ملّه والله أعلم، كنت كثير السؤال عن معاني ما يستعصى علي من كلم حتى سمتني أختي البكر نكير.

برنجي ومنها جاءت كلمة البرنجية التي تعني الأول في اللغة التركية
برنجي : الأول
إكنجي : الثاني
منها كانت تسميت السجائر المعروف في السودان سجائر البرنجي اي الأول

رجاءً منصور وسمية والأخرين تلبية الطلب شرح بعض المفردات والأمر متروك لتقديركم
هل الكلمة شائعة ومعروفة ولا غميسة قد لا يعرفها الكثير من الناس

ولكم الشكر مجاري المسادير ومنكم نستفيد

ودالمنسي

غايتو ياخالد كان علي قول أختك ... البدو ديل كلهم ترب نكير
ودا دليل النباهة .. هسع الجاهل ( أقصد الصغير) في البيت
وكت يكون حِرِك ( كتير الحركة ) دليل علي ذكائه وسرعة بديهته
وأنا مابحب أشرح إلا لو سألوني ...
إليك شيء من شاعر البطانة / يوسف القسم الشوبلي / ود الشوبلي

أتيت كئيب وحامل هم شديد في راسي
أذهبو عني شخصاً مرهف الإحساس
مسكت القلم وضعت مدادو في كراسي
من وين أبدأ فيك !؟ أعلنت فجاءة افلاسي

سألت الخالق الأرض والجبال رواسي
يهنيك ويسعدك ياالمهذب وراسي
اللوح والقلم والكرسي والإخلاص
من الفي القلب كهاربو ضربت ماسي
سمية

عتر اللسان بعد غيبة وصبح متحير
يبداك بالسلام وانت الجليس الخير
ولا ينم كلام الشوق اللهيبو مطير
ياحادي الركب, قايده وليهو مسير



..............................................................................
محمد السيد

عتر اللسان بعد غيبة وصبح متحير
يبداك بالسلام وانت الجليس الخير
ولا ينم كلام الشوق اللهيبو مطير
ياحادي الركب, قايده وليهو مسير



جيدلك بالرجوع وحبابك إنت النير
يا عف اللسان حاشاك ماكا معير
الشوق نارو هابله وسيدو مو متغير
يا واصل الأهل إنت الكبير مو صغير


منصور


_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الأربعاء أبريل 30, 2014 10:01 pm

تسلم ود ابوى يا المك ويسلم راسك

ياجبل المحبة الطيبة اصلو اساسك

موفور العلم ادينى فيض كراسك

ياصنو الملاك راقى وشفيف احساسك




ناديه عثمان



كضب البقول فى النمه شافو إفلاسك
وكضب الطيبتو ذاتا متينه زي صب ساسك
عينك فاتحه نايمه وحاشا ماك بسكاسك
ويا شبه الملايكه الشمه بسكر كاسك



مرات كمان بطراها زولتي القبيل ضفرتني
زمن مطموس دردقني في مرماها وبمنعة باك شمال شاتتني
أبحرت سفني من مرساها وفتها، عشان هي كما فاتتني
لكن يا قليب الرماد وكتين قت الله معاها ليه مضيع لي فرصا مكان واتتني


nasr


من عسل الكلام وفشان نبيهه سبتنى
برقا من عيونا كهاربو ديك شلتنى
كيف بكريها صاقع وكيف أسو كان أتنى
وااخ أنا من غراما الصيده ديك مكنتنى


منصور  
                   



سألت الخالق الأرض والجبال رواسي
يهنيك ويسعدك ياالمهذب وراسي
اللوح والقلم والكرسي والإخلاص
من الفي القلب كهاربو ضربت ماسي  
كفات بالشمال أسد الكرايه القارح
وحجّر غابتو تب منع البفر والسارح
من نتراتو الفارس يفز والدارة تصبح طارح
قمر السبعتين الما هلا ود البارح


القارح فوقو شبا التوبو أبيض ناصع
ودودوبو البطانه الميسا ماهل واسع
مو دوار سليب كايس أم صديرن راصع
وزى نيشان لواء وأركان حروب المانع



كسع الجره للماكل الأراك شن عيبو
كسع الجره للقانص البدور بريبو
نفس البرى فى حنك الرهيد شريبو
وارد البدرى حاشا أكان بقيت ضريبو



منصور  
                   

كسع الجره للماكل الأراك شن عيبو
كسع الجره للقانص البدور بريبو
نفس البرى فى حنك الرهيد شريبو
وارد البدرى حاشا أكان بقيت ضريبو
منصور

الماكل الأراك ماكلنا حامي لهيبو
وصاقع الجرة عاقلاً وجب تسريبو
القانص البدور بريبو يبقى نصيبو
من ني الثمار تملي طُعمو يجيبو



Quote: الماكل الأراك ماكلنا حامي لهيبو
وصاقع الجرة عاقلاً وجب تسريبو
القانص البدور بريبو يبقى نصيبو
من ني الثمار تملي طُعمو يجيبو


إشهد الكريم العالي وقف متحير

حت صاقع الجرة ( بتعرفيها ) كنت أظنها شغلة بس يعرفها الرجال

قال القدال

كملت كوتت التمباك صقعنا الجرة
وكت إتقفلت شقيش قبل بي المرة
نرمي أمرنا لبلد المعاني الحرة
الشم خوخّت وبردن ليلالي الحرّه

والبراق برق من منّا جاب القِرّه
شوف عيني الصقير بجناحو كفت الفرّه
تلقاها أم خدود الليلة مرقت بره
تغلي مديدة الحلبة التسمن رِدفها
السمن المبستر يانكي
والويقود بعيرات.. والدخان في العين
يسوي عمايلو
وشن فايدة مديدة الحلبة
والويقود بشيلو اليانكي  

                   
ودالمنسي

الشم خوخّت وبردن ليلالي الحرّه
والبراق برق من منّا جاب القِرّه
شوف عيني الصقير بجناحو كفت الفرّه
تلقاها أم خدود الليلة مرقت بره

الحاردلو  
                   



Quote: الشم خوخّت وبردن ليلالي الحرّه
والبراق برق من منّا جاب القِرّه
شوف عيني الصقير بجناحو كفت الفرّه
تلقاها أم خدود الليلة مرقت بره
الحاردلو


أي بالحيل يا ريحانة البطانة
هذه الابيات للحاردلو لكن محمد طه القدال أقتبسها في قصيدته المشهورة مسدار أبوالسرة لليانكي

تسلمي ولك التحية والاحترام

خالد


مرضاً غلب الطب والبصير والشيخ
منك ياالنظرتك للكباد فليح
مقيلك ديمة في مغزر سلم ومريخ
عقيدك دوّر الصي أب وطاتاً فيخ

ودالشوبلي  
                   

الصيد صيد مداين وضلو جادعو لبيخ

ومكلوف زاد جناين ديمه ليهو تبيخ

الأرواح تهيم فى سوحو ديمه تنيخ

وداك عالى المقام الساكن المريخ


منصور  
                   

حالى وطعمو حادق حاشا ماهو مسيخ

وشربات من عنب كيفن تقولو فسيخ

ملك المقدره الماهو النفيخه رويخ

وعود المحلب المصموم وحاشا شريخ



منصور  
ورود المى بقالك غب تجيهو هجوع
ونار الشوق على زادت بقيت موجوع
زى محروق حشا وطبقولو غى مفجوع
يا فقهاء الضروره الزول حلف مرجوع


منصور  
                   

ورود المى الأطباء قالوا طب ممنوع
وزاد الشوق على الروح تالقت لطلوع
زي قمري الفروع بقى النضم مسجوع
وناس فقه الضرورة قالوا لحسة كوع

سمية الحسن طلحة  
                   

ورود الغب صعيب هم ما بيخبرو هجوعو

ونار الشوق بتسري من القلب لي فروعو

يا مالك النواصي والكون جميع في طوعو

عجل بي دواي قول لي متين هو رجوعو  
                   
مدثر

ورود الغب فطمنا ونحن شوقنا طلوعو

نار الشوق شوتنا وصيدنا حاضنو ربوعو

يا ود سعيد المطره صابه دموعو

كيف نقدر على الراجينو زادو منوعو



منصور  
ورود المى الأطباء قالوا طب ممنوع
وزاد الشوق على الروح تالقت لطلوع
زي قمري الفروع بقى النضم مسجوع
وناس فقه الضرورة قالوا لحسة كوع

سمية الحسن طلحة


فقد اليوم بسل الروح تقولو سبوع

علوق الشده شن معناتو بعد الجوع

ظبية القوز صبيحه وطلعها المرنوع

تلالى خدودا زى كتف الفريق مرصوع


منصور  
                   

أرض الله الوسيعه علي بقت منشبره
من لهطي وتِقِربني كل صاحب يبرا
عارفك يالظهــورِك مي رديه ودبره
فقدك أحرَّ من سم أب لـــدغةً نبره

ودشوراني  
                   

أرض الله الوسيعه على بقت قد إبره
طعنا فوق جرح ما ظنو تانى بيبرأ
ضهر الماصع الممرون نضيف من دبره
ساق الزول بعيد فى حلقو خانقه العبره



منصور  
                   

شاحدك يا الكريم الفُرْ قة منها نبرا

وناراً موقدي في الجوف ما بتموت بي عَبْرَه

كان الزول رحولو مني قسراً وجبرا

اخير المِيتة من قولَة جميلاً وصبرا


----------------------------
التعديل للإستغفار

جرحنا يبرا بي شوفت الوشيهو صباح

وارض الله الوسيعة علينا زادا براح

كان حكم القدر فرقتنا في الالواح

لا طب حكما ينفع لا عزِم صُلاّح

مدثر

في أرض الله الوسيعة لربوعن هبرة
والقابض الجمر صعيب عليه الصبرا
في الصايدني لا لي إيد ولا لي خبرة
لطفك ياالرحمتك واسعة مي منعبرة

سمية الحسن طلحة  
                   

من غيبتو العقل طش وبقيت مصروعو

ومن جيتو القليب ما بيمسكنو ضلوعو

انقشع الضلام روّح وِدِرْ من ضوعو

لا بحمل نشوقو ولا بنحملو طلوعو  
                   
مدثر

جرحنا يبرا بي شوفت الوشيهو صباح

وارض الله الوسيعة علينا زيدا براح

كان حكم القدر فرقتنا في الالواح

لا طب حكما ينفع لا عزِم صُلاّح



برقا من عيونو خلعنى والبى راح

وزى موعود لقا وشرقا ليالى صباح

إنجمع الشمل والكان بقالنا رباح

ولطف المولى باين للبريقن لاح


منصور


شاحدك يا الكريم الفُرْ قة منها نبرا

وناراً موقدي في الجوف ما بتموت بي عَبْرَه

كان الزول رحولو مني قسراً وجبرا

اخير المِيتة من قولَة جميلاً وصبرا


**************************************

في أرض الله الوسيعة لربوعن هبرة
والقابض الجمر صعيب عليه الصبرا
في الصايدني لا لي إيد ولا لي خبرة
لطفك ياالرحمتك واسعة مي منعبرة

سمية الحسن طلحة


حليل الكان حداى واليوم صبح فى جبره
حليلو الحادق اب لهجا عسل فى النبره
ناشر الناس جميع رافع البموت من قبره
أجمع تانى بينا وفكو داك ضيق عبره


منصور  
                   

لامن شوفي راح أنا قلبي ما خلاّهن
جفلن مني هن ولا هسه جاري وراهن
خدّادِن درر برق الظلام بسماهن
منزوع النحل وضعه الإله في فاهن


منزوع النحل طب النفوس وشفاهن
خلقو المولى زاد واتحملنو شفاهن
الخرف العكشنى حرمنى طاعم شاهن
وكضاب البقول أنا قلبى مابشهاهن


منصور



منزوع النحل طب النفوس وشفاهن
خلقو المولى زاد واتحملنو شفاهن
الخرف العكشنى حرمنى طاعم شاهن
وكضاب البقول أنا قلبى مابشهاهن



العسل المصفّى فاتنو تب في صفاهن

منضومات نضم متل العقد صافاهن

إتْوَهدَبْ كِتِلْ من شوفتي بسمة فاهن

والعجب ان كمان طبقن عليهو لماهن

مدثر
مالك يالمنسى ممكون متلى ريتك تبرأ
ترجع دار جعل من ضيق ظلام الهجره
خلق الزول بضيق دايما تجيهو الضجره
شوق الزول بزيد وكتين تزيد الحجره



منصور  
                   

واحدين كربجوهن وبالبطاين قفّن
واحدين همهم ديل سورجن وديل صَفّن
واحدين جالسو الفوق الديباج يتغفّن
الحي رِزقو ياكلو والبموت بتكفّن


الشيخ عبد العزيز  
                   



Quote: مالك يالمنسى ممكون متلى ريتك تبرأ
ترجع دار جعل من ضيق ظلام الهجره
خلق الزول بضيق دايما تجيهو الضجره
شوق الزول بزيد وكتين تزيد الحجره



المأذيني فرق من الحبيب ووليدّي
الجرح غوّر ماأظن دوا طبيب بيفيدني
شاحد الله الكريم يحل عقدتي المعقودّي
يجمع شملنا إن كان في ضل شديرّي بعيدي
ياالهرع المكملة فيك حرارة عايد
براوة عليك هجمت الليهو قلبنا رايد
ود الحوري مندوف أب وضيباً قايد
ربطو و ميّزو جابلو العلوق الزايد


ود شوراني

واحدين كربجوهن وبالبطاين قفّن
واحدين همهم ديل سورجن وديل صَفّن
واحدين جالسو الفوق الديباج يتغفّن
الحي رِزقو ياكلو والبموت بتكفّن


الشيخ عبد العزيز


قبل القومه ملحوا لى أم خشيما عفن
وشدوا على البزازن وبالبطانات لفن
كواسر للخشش ماهم رخم بتفن
قنيصهم للطبقن البوخه فوقها اتدفن



منصور

واحدين متلى متاخرين جوها النمه
شايلين ريحه دعاش عطرا لذيذبنشما
قاصدين العزاز اهل الكرم واللمه
طارين القمارى ناوين مبيت ناس شمه



دايما ليك مكان يا زول كبير الهمه
ناقص الجلسه يا دوب بى ستر بنتمه
يا ملح المجالس ليك نعود نتلمه
نحسب من جديد عقبان نجيب النمه


منصور

بأس الحديد رب العباد كافينا
من شر خلقو واقف ديدبان حامينا
وسواس خلقو والعقد المنفثه فينا
داك رب الفلق واغب الغسق طارينا

منصور


الليلة الحديد صادف حديد النينا
قلبو صميم جبال التاكا فيهن لينا
قال لي الشطارة معروفة ورثاً فينا
قُت ليهو الرسالة عنوانا تب كافينا

سمية الحسن طلحة  
                   

يا أهل الصلاح والصوله يا الواصلينا
يا ترب الفلاح بندور دعاكم لينا
ناس جبل الحديد الفى البطانا بزينا
أقضوا غردنا من سير شوقنا نحن حفينا



منصور

اختف كراعك شروق قبال بزوغ الضي
ناس جبل الحديد راقدين صعيدا صي
كاربين الحزم ما فيها حبلا ني
وفي سدر الروكي دايرهن الحقوك يا جني







أبوعلى السودانى  

اختف كراعك شروق قبال بزوغ الضي
ناس جبل الحديد راقدين صعيدا صي
كاربين الحزم ما فيها حبلا ني
وفي سدر الروكي دايرهن الحقوك يا جني


أبوعلى السودانى



فى القدسى الحديث بى سرو كن كانلى
وبى سر عبدو بقباق القلع بانلى
اب لمبات صعيب الحال قسم هانلى
ولاحق الميس جرب من وردو شارب رى



منصور
                   
اختف كراعك شروق قبال بزوغ الضي
ناس جبل الحديد راقدين صعيدا صي
كاربين الحزم ما فيها حبلا ني
وفي سدر الروكي دايرهن الحقوك يا جني

أبوعلى السودانى

ياالجبل الحجزت بين النار والمَي
هبار الشروق واسع سدركن فَي
قال أبوعلي الفارس البخود الدَي
الفي سدر الروكي ألحقوهم لَي

جبال الروكي دربا زلق يا سمي
متراميات طرف وعقبان جليدا سي
متوكرهن مشوبح بين الممات والحي
كاتلو الشوق اسوي القوق مراد الري



أبوعلى السودانى  
                   

يا أهل الصلاح والصوله يا الواصلينا
يا ترب الفلاح بندور دعاكم لينا
ناس جبل الحديد الفى البطانا بزينا
أقضوا غردنا من سير شوقنا نحن حفينا

منصور

ياأهل الصلاح ياأبواتي وينكم لينا
ناس جبل الحديد يا سبق السابقينا
قبل الصيحة تلفونا وتعرفوا البينا
أقضوا غردناوغرد يات من محقب فينا

سمية الحسن طلحة

ياالجبل الحجزت بين النار والمَي
هبار الشروق واسع سدركن فَي
قال أبوعلي الفارس البخود الدَي
الفي سدر الروكي ألحقوهم لَي

سمية الحسن طلحة



السلام عيكم،


جبال الروكي دربا زلق يا سمي
متراميات طرف وعقبان جليدا سي
متوكرهن مشوبح بين الممات والحي
كاتلو الشوق اسوي القوق مراد الري
اهلها كفر وخاتي شكرقبيحة زي
مي ابودليق ولي ابزليق ديار رام في
البضبحو شول اكرمو الزول مطايب وني
ناس علي عيش اكف الديش وما سو شي
.


أبوعلى السودانى

جبال الروكي دربا زلق يا سمي
متراميات طرف وعقبان جليدا سي
متوكرهن مشوبح بين الممات والحي
كاتلو الشوق اسوي القوق مراد الري

أبوعلى السودانى


أب على شن بقول يا أخوانا فسرو لى
والشوق كان طمح فسراع بنلقى خوى
الروكى كان بعيد جمع الأرض والطى
ولى جبل الحديد الخاتى دق النى



منصور  
                   





                   

                   

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين مايو 05, 2014 7:30 am


الأقدار موجهه نحن ليها عمايا
ما بنقدر نفوتا أكان شربنا محايا
حرص الزول محدد والقلوب سهايا
فوق شرك القدر قمريه طبق الآيه




محمد كل سنه وإنت بألف خير وأبوعلى دا من بين ماريا وإيدالولى وعمو حجازى وأخوهو يحى وأسأل الجماعه بوروك


منصور
جبال الروكي دربا زلق يا سمي
متراميات طرف وعقبان جليدا سي
متوكرهن مشوبح بين الممات والحي
كاتلو الشوق اسوي القوق مراد الري
اهلها كفر وخاتي شكرقبيحة زي
مي ابودليق ولي ابزليق ديار رام في
البضبحو شول اكرمو الزول مطايب وني
ناس علي عيش اكف الديش وما سو شي
.


أبوعلى السودانى



الروكى وقتين نقول جبل الفراتيت هى
وماهن فى الصقايع ولا حداهن صى
فيهن دب ضبع ماكل السلات النى
وفوقها مخوى قانص وإنت شفتو حدى
وشها ليك بكشفو وسمحه ساحرة زى
بجوها الناس يحجوا وفيها كمين شئ
منابع المويه من غنن الجبال مى دوى
ومرحات صيدا تخلف فوق كبادنا الكى



الجبال تطير من فوق لي السماك وتري
وفوق لي بنات نعش ان صنقعت ما شوف شي
خليهن وارح اديهن قفاك ضحي
ويا ما تليم جبال سيلها العفاف ومحي
ويا ما تشوف غزالا عين ترمي حدي
المن امات رميلة متركشات لا شمي
مجافيات الروكي اووردو الصقيع مو مي
نبع جمد ونبت همد تحت الصقيع بقي هي


ملحوظة

الجبال بفتح الجيم وتشديد الباء علي الطريقة السودانية

أبوعلى السودانى




Quote: الأقدار موجهه نحن ليها عمايا
ما بنقدر نفوتا أكان شربنا محايا
حرص الزول محدد والقلوب سهايا
فوق شرك القدر قمريه طبق الآيه



أحكام القدر في رقابنا ماشة وجاية

شاربين الوجع ماقلنا منو كفاية

صابرين للمرار ساجدينلو في المصلاية

شاحدين الآله كان لي عذابنا نهاية !!
نادية

جبال الروكي دربا زلق يا سمي
متراميات طرف وعقبان جليدا سي
متوكرهن مشوبح بين الممات والحي
كاتلو الشوق اسوي القوق مراد الري
اهلها كفر وخاتي شكرقبيحة زي
مي ابودليق ولي ابزليق ديار رام في
البضبحو شول اكرمو الزول مطايب وني
ناس علي عيش اكف الديش وما سو شي

أبوعلى السودانى

الليلة أب علي جاب طاري القرونهم لي
سمحين الخصال وكمان مليحين زي
من سافل صعيد ودساقرتة عرّج بي
علي أهلي الغرامهم خِلقة ساكن فِي
سمية الحسن طلحة


أحكام القدر في رقابنا ماشة وجاية

شاربين الوجع ماقلنا منو كفاية

صابرين للمرار ساجدينلو في المصلاية

شاحدين الآله كان لي عذابنا نهاية !!



ناديه



قدر الزول بهون وقتين يشوفلو حكايه

أكبر من مصيبتو وليهو تبقى مرايا

صبر الزول سمح وقتين تصيبو بلايا

عان ناس بوتو ديل فرموها فى قلايا




وكل سنه وأنتى أكثر فرحا وأكثر
رضا وشكرا وكذا الإبنه



منصور

الليلة أب علي جاب طاري القرونهم لي
سمحين الخصال وكمان مليحين زي
من سافل صعيد ودساقرتة عرّج بي
علي أهلي الغرامهم خِلقة ساكن فِي


سمية الحسن طلحة



أبو على غاص مغور فى اللحيم الحى
وجاب بلد البطاحين ما ترك من شئ
ناس رانفى البدوبى على الشويدره جدى
وناس ود عيش بكفو الفى العلالى حدى


منصور




الزول السمح باقّي غير دِليك
يبرق في العيون دون خُمر ووديِك
كايد أترابو ونازل في القلوب تهليك
قلوبنا زي الخدرا بين إيدينو لي التوريق

خالد

يا دوب بتقت فسراع بتبقى فريك
ومن نز التقانت شاربه بى تكنيك
سعيد الحظ جنب ماهو الدلاهه عميك
وما بنقدر نداقرو أكان حلف برميك



يا دوب بتقت فسراع بتبقى فريك
ومن نز التقانت شاربه بى تكنيك
سعيد الحظ جنب ماهو الدلاهه عميك
وما بنقدر نداقرو أكان حلف برميك

منصور

مشتول التقانت نوارو باسم ليك
والعفرت تظن سحابو تب راويك
تتعشم تقول لامن تمد إيديك
حارسو الجنب من القطف يعفيك

سمية الحسن طلحة


الزول السمح باقّي غير دِليك
يبرق في العيون دون خُمر ووديِك
كايد أترابو ونازل في القلوب تهليك
قلوبنا زي الخدرا بين إيدينو لي التوريق

خالد

الزول السمح من كل نوع يديك
يزيد في الدلال وإت تزيد في الفيك
بألوان قزح مطر الخريف يغريك
كان خلينو إت هواهو ما بخليك

سمية الحسن طلحة

مشتول التقانت نوارو باسم ليك
والعفرت تظن سحابو تب راويك
تتعشم تقول لامن تمد إيديك
حارسو الجنب من القطف يعفيك

سمية الحسن طلحة


مشتول التقانت منو عبو الريك
ومن سمح المسور ضمنوه مانع الشيك
طالب المستحيل ماهو الهوين كيك
وماهو دجل مشعوذ ديمه لاعب بيك


منصور


مشتول التقانت منو عبو الريك
ومن سمح المسور ضمنوه مانع الشيك
طالب المستحيل ماهو الهوين كيك
وماهو دجل مشعوذ ديمه لاعب بيك

منصور


العز بالمواريث والدلع راجيك
وسمت القفل قطفتو بي إيديك
ركوب الصعاب معروف طبيعةً فيك
طالب المستحيل طرورة ما بباريك

سمية الحسن طلحة




Quote: الزول السمح من كل نوع يديك
يزيد في الدلال وإت تزيد في الفيك
بألوان قزح مطر الخريف يغريك
كان خلينو إت هواهو ما بخليك

سمية الحسن طلحة


أوعد يا رب بي متل الزويل دا



Quote: أوعد يا رب بي متل الزويل دا

رب العزة قادر كان سألت بعطيك
وكان أعطاك الكريم مافي من بحميك
تتزلل صعاب والقاسية بتهون ليك
في العام الجديد تلقاها كل أمانيك

سمية الحسن طلحة

كل عام والكل بخير









_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين مايو 05, 2014 7:41 am

رب العزة قادر كان سألت بعطيك

وكان أعطاك الكريم مافي من بحميك
تتزلل صعاب والقاسية بتهون ليك
في العام الجديد تلقاها كل أمانيك

سمية الحسن طلحة

العز بالمواريث والدلع راجيك
وسمت القفل قطفتو بي إيديك
ركوب الصعاب معروف طبيعةً فيك
طالب المستحيل طرورة ما بباريك

سمية الحسن طلحة


سكن الناس إيجار وانت القصور تمليك
ويا المالك كرامتك مين بقول بمليك
لبن الطير حقيقه إن درتو إنت بجيك
وداك سابع المحال جالبنو من دخريك


منصور  
                   
سكن الناس إيجار وانت القصور تمليك
ويا المالك كرامتك مين بقول بمليك
لبن الطير حقيقه إن درتو إنت بجيك
وداك سابع المحال جالبنو من دخريك

منصور

بالعام الجديد جايين نباخت ليك
بقدم السعد إنشاء الله هلاّ عليك
سبّاق للمكارم والواجبة دون مِحريك
والقايلين بطيروا ما بلحقوه مشيك

سمية الحسن طلحة  
بالعام الجديد جايين نباخت ليك
بقدم السعد إنشاء الله هلاّ عليك
سبّاق للمكارم والواجبة دون مِحريك
والقايلين بطيروا ما بلحقوه مشيك

سمية الحسن طلحة


مقبول السلام من المساقط ديك
ومتلو كمان سلام من فاس بلدنا بجيك
الميج البطير عند الكرم با ريك
وتيسا للركوب ساعة الضيوف بفديك


منصور  
مُرسل للحبيبة,,, أمي السلام بغريك
بتذكر وداعك ودمع العيون ترويك
يوم تِقلت خُطاي تباري فيهو مشيك
في العام الجديد نبض القلوب بهديك  
                   
تماضر

مُرسل للحبيبة,,, أمي السلام بغريك
بتذكر وداعك ودمع العيون ترويك
يوم تِقلت خُطاي تباري فيهو مشيك
في العام الجديد نبض القلوب بهديك

تماضر الخنساء حمزه



مرسل للحبيبة... أمي كل لحظة وانت بألف خير

رب العالمين المافي ليهو شريك
وصانا نبرك دون وصاية عليك
شفيع الأمة زاد أشواقنا في التحريك
يوم قال الجنان بتكون تحت قدميك

سمية الحسن طلحة  
                   



Quote: رب العالمين المافي ليهو شريك
وصانا نبرك دون وصاية عليك
شفيع الأمة زاد أشواقنا في التحريك
يوم قال الجنان بتكون تحت قدميك

سمية الحسن طلحة  


مقامها كبير وفي القليب دا رُقادّا
ست الهم العظيم ولي البطان مُشهادّا
تتبن لي المريض ولي البعيد سهادّا
ما بنوفيها حقها هي زي النجوم في بعادّا
مُرسل للحبيبة,,, أمي السلام بغريك
بتذكر وداعك ودمع العيون ترويك
يوم تِقلت خُطاي تباري فيهو مشيك
في العام الجديد نبض القلوب بهديك


تمُاضر الخنسناء

متل العند خناس من بر أظنو بصيبك
وحب الوالدين فايزابو بعدل صيبك
فوز الجنه قبض ايد بالأمومه نصيبك
وسمح القول دوام بلداتو راخى خصيبك


منصور

مقامها كبير وفي القليب دا رُقادّا
ست الهم العظيم ولي البطان مُشهادّا
تتبن لي المريض ولي البعيد سهادّا
ما بنوفيها حقها هي زي النجوم في بعادّا

خالد

أمطار السعد كل يوم عليك تترادى
يانجمة سعودنا الفي الضلام وقادة
بي حبك نفوز كالختمت حياتو شهادة
عاجل البر يكون في الدنيا لينا سعادة

سميةالحسن طلحة  


Quote: مرسل للحبيبة... أمي كل لحظة وانت بألف خير

رب العالمين المافي ليهو شريك
وصانا نبرك دون وصاية عليك
شفيع الأمة زاد أشواقنا في التحريك
يوم قال الجنان بتكون تحت قدميك

سمية الحسن طلحة  

أمي الحبيبة والله بشتاق ليك
حنية العيون وملمسن إيديك
الكون جميع مابساوي إت عينيك
حتّى الجنّة حق رايداك تحت كِرعيك  
                   
تماضر



Quote: مقامها كبير وفي القليب دا رُقادّا
ست الهم العظيم ولي البطان مُشهادّا
تتبن لي المريض ولي البعيد سهادّا
ما بنوفيها حقها هي زي النجوم في بعادّا


صدق من قال أقوالنا فيها مُعادة
وقدر من نزيد تقصيرنا باقي زيادة
بطراها الحنينة بي مبخرا وأعوادا
ربي يزيد هناكي ويديكي ديمة سعادة  
                   
تماضر

الصيد البرد بالليل مراحو بشقن
وتال كبر الطلح بدرعنو برقن
كبشا مندفع ختمن قفاهو عنقن
وافرات للجمال كعب الكلام ما بلقن




ود المفتاح

كل عام وانت بالف خير

اهلك ناس منتدى سنار جميعهم في انتظارك وقالوا عنك الكثير ارجو تصفح منتداهم العام للاطلاع على ما قيل عن منصور المفتاح . ارجوك ان تطل عليهم عبر نافذتهم الاسفيرية وتسهم ولو بالقليل من ابداعاتكم .

Sennar.net.com

لك عميق مودتي

اخوك
ود شيقوق  
                   
الصيد البرد بالليل مراحو بشقن
وتال كبر الطلح بدرعنو برقن
كبشا مندفع ختمن قفاهو عنقن
وافرات للجمال كعب الكلام ما بلقن

منصور

أخوات القمر نور الكهارب طفن
وفي خلق الله نيران الكماين بقن
شايقني حديثا عنهن ومعنعن
عندكم الكلام موفور وماهو ملقن

سمية الحسن طلحة  
                   

سنار دار ملوك من فونج قديم وعنج
وارباب واحدم ماهم تبيعه همج
أصحاب كلمه صر معدوم إصيبها غنج
وديل أصحاب تراث ماهم جهوله سمج



يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى

ولك السلام

منصور  


Quote:

الصيد البرد بالليل مراحو بشقن
وتال كبر الطلح بدرعنو برقن
كبشا مندفع ختمن قفاهو عنقن
وافرات للجمال كعب الكلام ما بلقن





الله الله , يا المنصـور , ياهو دا الشكر كدي,

متعك الله بالصحـة والعافيـة



أحمـد الشايقي



Quote: سنار دار ملوك من فونج قديم وعنج
وارباب واحدم ماهم تبيعه همج
أصحاب كلمه صر معدوم إصيبها غنج
وديل أصحاب تراث ماهم جهوله سمج



يا شيقوق الف حمدا لك بالعوده وجيدلك بفك الساجور وكش الباجور والف مبروك لعبدالله والمرتضى وأمانينا لهم بسعادة كبيره والعوده إلى سنار فرض عين فطن إليه محمد عبدالحى


الاخ المنصور يا ايها الزهو المباح

قواسيب المودة والثناء لك ايها المخضرم وعقبال لاولادك وما احلى فرحة زواج الابناء يا ود المفتاح .

برضي في انتظار طلتك في منتدى اهلنا ناس سنار للاطلاع على ما قيل عن منصور المفتاح وفرحتهم بطلتك الموعودة .

أكرر عميق مودتي

ودشيقوق

الشايقى الأصيل فى الدار حباب أقدامك
يا فاعل المكارم مين بفوت قدامك
الناس فى العدم دخريها باذلو إيدامك
يا مطر الخريف إنت البخافو صدامك



كتر خيرينك يا الشايقى ولك السلام والتحايا



منصور  


Quote: بالعام الجديد جايين نباخت ليك
بقدم السعد إنشاء الله هلاّ عليك
سبّاق للمكارم والواجبة دون مِحريك
والقايلين بطيروا ما بلحقوه مشيك

سمية الحسن طلحة  


آمين يا سلمى .. والله كلامكن يكيف
وضحكتني (محريك) .. إنتو برضو في البطانة
بتقولوما تتمحرك لمن يتثاقل في العمل

أرح سفر المسادير ينحو للأعمق  
آمين يا سلمى


تعرف يا محمد البتمحركو ديل الذين تخف سيقانهم زمن الغنائم وتتثاقل أرجلهم زمن الزحف إلى الكاشير أو أيديهم زمن الكمسارى يفرقع بأصابعه لمن نام عمدا لك السلام يا ظريف وعلى نايل كلمه أحمد يوسف بو حريره بوحريده




آمين يا سلمى

! ؟

ود عبد الجليل حايداني فيك منصدمة
كيف يغباك مشهاد البدر ليل تمه
ياضو القبايل في السنين الصرمة
يسلمك الله من كيد ناس عزيزة وسلمى

سمية الحسن محمد طلحة



Quote: يسلمك الله من كيد ناس عزيزة وسلمى


سمية العزيزة كيف حالك والله دي ياها المرحكة زاتا!
هل تعلمي أنك سمية مو كدي وبس زوجتي إسمها سمية برضو
لكين إيدي شترا ومتمرحكة كمان، وطالما جبتي
المسدار السمح ده .. بركه الغلته للمرة الثانية
ولك العتبى يا من تضمخين وجداننا بجميل الكلم
ويا ريت لو كنت بعرف أمسدر لكنت ....

يا سمية العفو والله غلتانين
لكين القليب مشدوه زمانا شين
ما يصح يغباني مشهاد بدر دورين
طالبين السماح يا بت عزاز بطاحين  
                   
محمد

حاشاك يامحمد المحركة والشتارة
لكن
منصور دا صالح ظنيتا دي مغارة راسا عديل
الناس بدخلوا مسيدو دا يختوا حاجتم ويمرقوا
مابتجاسروا يهبشوا بحرو


يا سمية العفو والله غلتانين
لكين القليب مشدوه زمانا شين
ما يصح يغباني مشهاد بدر دورين
طالبين السماح يا بت عزاز بطاحين

محمد عبدالجليل

أبوالصادق أخو السمحات أخو السمحين
جموعية صم تيران دواس تورشين
ما بنلوم أكان ماكنا ليك دايرين
مسموح ياالسمح فالك عديلة وزين

سمية الحسن طلحة  
                   

من يوم شفتو وعيني جَفتْ تغميدّا
غزيز ديسا متوسد الحِزوز في جيدا
تقدل بي مهل والقلوب يزيد تطريبا
هالكا العِباد تشوف الدموم في وريدا

خالد  
                   



Quote: تعرف يا محمد البتمحركو ديل الذين تخف سيقانهم
زمن الغنائم وتتثاقل أرجلهم زمن الزحف إلى الكاشير
أو أيديهم زمن الكمسارى يفرقع بأصابعه لمن نام عمدا
لك السلام يا ظريف وعلى نايل كلمه أحمد يوسف بو حريره
بوحريده


المنصور - وتتمرحكوا تلقيتها أول ما تلقيتها من عمي
حامد، كان يقول (الشفع ديل يتمرحكوا من الصباح قلعوا
عشرين حوض بس) وعمي حامد - أطال الله عمره - لازال
مزارعا بيده وقد تجاوز الثمانين، ذهبت إليه الســـنة
الفاتت في الزراعة عندو سدره ضليلة وتحتها نص عنقريب
وقلت ليهو ياخي العنقريب دا قصير وانتا ضهرك موجعك،
قال لي: هازول أنا مما ضربني النحل تاني ما حسيت لي
بي شيء، وأشار بيده إلى أعلى السدرة حيث الخليــــة
الكبيرة حاوية النحل الضربو عندما هرب كل الحضـــور
إلا هو تمرحك خايف من اللوم فجاءت مرحكته شفاءا تاماً
من وجع الضهر، فبعضهم يتفادى بها دفع القروش وآخــر
يستخدمها لدفع اللوم والدنيا كلها دفع واللوم بجــي
بالغفلات.

سمية - تاني ما بجادعكن بالمسادير تب لا إنتي لا منصور
بدخل أقرأ وأفرتق ذي باقي الجماعة لكين تكونوا
عارفين أني معاكن من هنا إلى ما شاء الله  
                   
فى زمن الدرك الناس تصير ممحونه
واحدين قالو ضاعت كرتتو وشنطونه
متلك يا اللصم من خير وعاك يعطونا
يا دهب الملوك إت للقلوب صابونه


أفو بدور تفوتنا وتخلى ضهرنا للخلاء ها زول حلف ما تفوت
يا البرمكى إنت قايل نحن بنخليك يا قايد الركزو وتلو
ضرعاتم بشاير خير تقبل السلام يا أبو التيمان



منصور  
                   
فطموك يا ولد قبال تتم إتنين
وفيك درعو الخلال تانى بتقبل وين
بنكك جمدوا وحرموك من تموين
ولا زاد باقيى ليك لا كاش تشيل كنتين



منصور  
قدحك ديمه باذلو وديمه ليهو بكانه
نضمك ديمه وازنو وديمه نيش جبخانه
صدرك يا المفككو للقلوب شفخانه
بيتك للضيوف متل التقول سلخانه



محمد فاهمين القلتو ولكن نفكر فى ما لم تقل بعد


لك التحايا




ود المنسي



Quote: من يوم شفتو وعيني جَفتْ تغميدّا
غزيز ديسا متوسد الحِزوز في جيدا
تقدل بي مهل والقلوب يزيد تطريبا
هالكا العِباد تشوف الدموم في وريدا


ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .

هييييييييييييييع عفو عليك يا مصطفى سعيد رفت راسنا فوووووووووووق  
                   
ودشيقوق

 
       

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين مايو 05, 2014 8:49 pm


سمية - تاني ما بجادعكن بالمسادير تب لا إنتي لا منصور
أبو التومات بي شينة إنشاء الله مانتفرّف
ماك حق القصار ساسك في المكارم غرّق
يادهب الخزانة الصافي حر ومحرق
جر نم حالي المسادير خلنا أنتعشرق

سمية الحسن طلحة


لكين تكونوا
عارفين أني معاكن من هنا إلى ما شاء الله

المحرات حقيقة بقلع المدفونة
وطبايع النفوس ينضح بها ماعونا
إلى ماشاءالله معانا متينة في مضمونة
والفي الكون جميع بشينة ما بفرقونا

سمية الحسن طلحة


Quote: ات عارف يا منصور اخوى اخونا ود المنسي ده مقيم في كوسوفو ومتزوج ليهو خواجية بلغانية والكلام الفوق ده كلو قاصدها بيهو .

هييييييييييييييع عفو عليك يا مصطفى سعيد رفت راسنا فوووووووووووق


أخي منصور المنصور
تحية طيبة وسلاااام
عليك الله شوف عقيد الدندر دا بقطع الكلام وبساوي من راسو ساكت كيف ؟؟؟
باقي لي كل ما ياخد لي نومة تتخمر قصة في ٍاسه ويصدقها
وعليك أمان الله عمري ماقلت ليهو أني متزوج من البلقان عمري كلو

الزوووول دا بدور إسوي لي مشاكل مع زوجتي التي تعلمت يا دوب تفك الخط بالعربي ولا أستبعد أنها تستهجى كل ما أكتب في سودانيزولاين ... تقوم تجيني بكرة تقول لي ( أنا من البلقان )

زوجتي يا عقيد الدندر من المجر ( هنقاريا ) بلد نهر الدانوب

خالد



فطموك يا ولد قبال تتم إتنين
وفيك درعو الخلال تانى بتقبل وين
بنكك جمدوا وحرموك من تموين
ولا زاد باقيى ليك لا كاش تشيل كنتين



منصور


الله في شرعو قال فصالو في عامين
الما تم حول من حضنو ليش فاردين
لا وجبت زكاة وفوقكم جرورة ودين
تقولوا الرووب يقولوا غباشة ولا تخين

سمية الحسن طلحة



يا منصور سلام ،اللّينة ليكَ هِي الجاية
والأم الحنون لى ضناها هي الغتايـــة
بى هَبوب عَبادي فاجة السَحاب مُصلايـة
أبشِر بالرُشاش الخلى أم سِويق مَشايــة



****

حليل زمن الرشاش وقتين يجض عتابو
نحن كمان نجض وقتين يشق ورتابو
شافت عينى حت بيت النمل هشابو
ضامن خيرو منو وضمه ضاق بتابو








سلام يا الشقلينى


منصور



حليل زمن الخريف وقتين يصح تيرابو
رامي سبيط ثمار والفالح يملأ جرابو
طعم نوافر أم بنا من العروق طاشابو
لا لمينا في مويتو ولا لحقنا رهابو

سمية الحسن طلحة


ود المنسى غار شيقوف عديل هجابو
ساقو بلاد مجر فد مره لينا وجابو
فوق أصهب مقونن نازى دوم دجابو
يا جبل الحديد الفاهو وأبقى حجابو






كان بجي معاي باقي تب دابو
مو زول ضنيب مرحب حبابو حبابو
يوزن قبائل والفكر ديدابو



Quote:
الصيد البرد بالليل مراحو بشقن
وتال كبر الطلح بدرعنو برقن
كبشا مندفع ختمن قفاهو عنقن
وافرات للجمال كعب الكلام ما بلقن



الصيد الورد رهـدا غدايرو يسقـن

سادر والودي صالتات بروقو يبقـن


بلقن خاترن لاهـيات علي ما رقـن

ولا بجني صادات لي حقوقي يحقـن ؟


أحمـد الشايقي

الصيد الورد رهـدا غدايرو يسقـن

سادر والودي صالتات بروقو يبقـن


بلقن خاترن لاهـيات علي ما رقـن

ولا بجني صادات لي حقوقي يحقـن ؟




أحمـد الشايقي




صيدا مو قرج حلوات حديث ما بنقن

حادقات اللهيج متل الكنار ما بضجن

قناصن برك بى غبار قماحو بعجن

وهبرنلو الشرك حدب البوادى بلجن




يا أبو حميد والله أدخلتنى مدرسه
كلامك مشرق عقبوهو بى تموده ولك السلام


منصور دي واحدة مخلوطة بي رطانة من عمكم ود الفراش يا ود شيقوق...بس ما أظنها رطانة صاحبك

وعايز واحد رطاني يكون ساكن بين ضفتي نهر عطبرة يجي يفتينا في الرطانة دي؟


فتحت الباب علي جضّن كلابا
ترا ام كرّاب محكرة فوق سنابا
علي ست الصبا المخضوبة دابا

تقول لي:

(ايلامان قون داي أرابا)

وفي روايته قال: قالت لي أسكت أسكت..العرب صاحين..أو أمش العرب صاحين)


تحياتي لكم يا أهل المسادير والنم فردا فردا...

نزار


فتحت الباب علي جضّن كلابا
ترا ام كرّاب محكرة فوق سنابا
علي ست الصبا المخضوبة دابا

تقول لي:

(ايلامان قون داي أرابا)



الضل ضل ضحى وجدعت هنوك هبابا
واللبخه أم قلب باقيالا زى هبابه
بابا متربسه وكضب البقول ما بهابا
نور القمره ديك سارقاهو منو إهابا

تحياتنا لك

منصور




_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين مايو 05, 2014 8:54 pm

Quoter=#00cc00]]]: دي واحدة مخلوطة بي رطانة من عمكم ود الفراش يا ود شيقوق...بس ما أظنها رطانة صاحبك

وعايز واحد رطاني يكون ساكن بين ضفتي نهر عطبرة يجي يفتينا في الرطانة دي؟


فتحت الباب علي جضّن كلابا
ترا ام كرّاب محكرة فوق سنابا
علي ست الصبا المخضوبة دابا


هلا هلا ود المفتاح فزعنا وجاب خبرك يا ود اعمي
اها تاني عندك حكي ؟
لو بدك اى تفسير زيادة تجد بت طلحة هون .  
                   
ود شيقوق



Quote: الضل ضل ضحى وجدعت هنوك هبابا
واللبخه أم قلب باقيالا زى هبابه
بابا متربسه وكضب البقول ما بهابا
نور القمره ديك سارقاهو منو إهابا




القمرة ما بتسرق من الضل بادية بينو كعابة
والباب المتربس بنكسر كان مابتسندو كلابا

اللبخة ام قلب فوق للهبوب اتطايرت ورتابا
والهبابي كل ما الضل يروح زحوه داير غابة

شيـخ العـرب,

ركـزة بني العباس,




Quote: صيدا مو قرج حلوات حديث ما بنقن

حادقات اللهيج متل الكنار ما بضجن

قناصن برك بى غبار قماحو بعجن

وهبرنلو الشرك حدب البوادى بلجن


يا أبو حميد والله أدخلتنى مدرسه
كلامك مشرق عقبوهو بى تموده ولك السلام


منصور  


إنمـا منكـم يبتغى الإفصـاح, ويستـدل على البلاغـة,

ولكم التحيـة ولضيوفكـم


اتباشر أديمو وشال سحابو زرقّــن

ماطر شيمـة دافـق بي مسايل شقّــن



هاطل عـينـة للضيفان دخاخين طقــن

ناصح في النضـم طعم الـ عسـيلو محقّـن



أحمد الشايقي  
                   

كُل مايهمد قليبي تهيم غزال في رهيدا
الجن والإنس واقع في غراما بريدا
تقدح في القلوب شايلا الهب في عويدا
ألومني الثبات خالق العباد هي فريدا

خالد
 
القمرة ما بتسرق من الضل بادية بينو كعابة
والباب المتربس بنكسر كان مابتسندو كلابا

اللبخة ام قلب فوق للهبوب اتطايرت ورتابا
والهبابي كل ما الضل يروح زحوه داير غابة




نادره محسنه ومعروف أصيل تيرابا
ما دقولا رقصت نازله فى ربابا
بت المقدرات نور من جميع أترابا
والعامل جدى كاتحالو ضمه ترابا



منصور  
اتباشر أديمو وشال سحابو زرقّــن

ماطر شيمـة دافـق بي مسايل شقّــن



هاطل عـينـة للضيفان دخاخين طقــن

ناصح في النضـم طعم الـ عسـيلو محقّـن






أحمد الشايقي




هرعا مندفع كبست سماهو دلقن
وساعة الحزه دودن نار رعودو وبقن
أخوك عوج الدرب رازمات نحاسو بدقن
وراسى الديمه ساخى وديمه قلبو ميقن






Quote: نادره محسنه ومعروف أصيل تيرابا
ما دقولا رقصت نازله فى ربابا
بت المقدرات نور من جميع أترابا
والعامل جدى كاتحالو ضمه ترابا




فارعة ولينة, خضرا وملسا زي رقّابة
لي حس الدليب في الليل تقوم تتشابي

تنكع ديسها كل ما نقرشت ربّابة
تتكي لا الارض وتشبّّل الدرّابة


عنكوليبة ماها عوير خلا وسلهابة
وان ترت تميس ميلا معاهو مهابة

بتقمّح ندايتا وجميع... اصحابا
والفراجة ديك صابحين سمان وطرابي

نزار

عنكوليبة ماها عوير خلا وسلهابة
وان ترت تميس ميلا معاهو مهابة

بتقمّح ندايتا وجميع... اصحابا
والفراجة ديك صابحين سمان وطرابي



عنكوليبه شربت رش وشبت دابا
زى شربات متلجه قالوا سلم الجابا
كل من شاف شرق فد مره قالو عجابا
يا بخت البدوق ويتكركع إتلجابا


منصور  
                   
 
                   

                   

                   

نزار
[/b]
[/size]

_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الإثنين مايو 05, 2014 9:02 pm


فارعة ولينة, خضرا وملسا زي رقّابة
لي حس الدليب في الليل تقوم تتشابي

تنكع ديسها كل ما نقرشت ربّابة
تتكي لا الارض وتشبّّل الدرّابة



رخصة خيدران واللين أصولو أسبابا
يات من شاف وقع أو عض للسبابا
مهرة معجزات بتبلو ميس ديدابا
وإن لكعت تتل للديس تسوى حرابا



منصور


Quote: رخصة خيدران واللين أصولو أسبابا
يات من شاف وقع أو عض للسبابا
مهرة معجزات بتبلو ميس ديدابا
وإن لكعت تتل للديس تسوى حرابا

منصور



بانا ولينى زي الرقيص ميلانّا
الخِصر قبضة يد والعيون نعسانّا
تجدع بي السِهام في الخُلوق جبخانّا
الديس هدل الكِتيف زي الطيور ميسانّا

خالد





Quote: بانا ولينى زي الرقيص ميلانّا
الخِصر قبضة يد والعيون نعسانّا
تجدع بي السِهام في الخُلوق جبخانّا
الديس هدل الكِتيف زي الطيور ميسانّا




غصن البانة أليّن في الرقيص بالزانة
ردفهافي الوحل بقي للخصر ميزانا

طرفة عينها بي خلقة كحل تأذانا
سابل ديسها كم ستات مشاط عجزانة

نزار

غصن البانة أليّن في الرقيص بالزانة
ردفهافي الوحل بقي للخصر ميزانا

طرفة عينها بي خلقة كحل تأذانا
سابل ديسها كم ستات مشاط عجزانة




قصيبة التقنت العند اللرنبو مكانا
لتيبه مفرهده الصيف والخريف سيانا
الما جابت كديبوعقبان عليها رزانه
سلبت نومي مبروك عليها فلانه



أبوعلى السودانى



Quote: قصيبة التقنت العند اللرنبو مكانا
لتيبه مفرهده الصيف والخريف سيانا
الما جابت كديبوعقبان عليها رزانه
سلبت نومي مبروك عليها فلانه




والله يا منصور (اللرنبو) دي رجعتني لزمان أخضر وبعيد...ربنا يخضر ضراعك
وضراع ابوعلي السوداني...وباقي لي قليلين خلاص البعرفو معناها..

كنا في ذلك الزمان اليانع نتسابق علي الحقول بعد ان نرمي شنطة الدمورية
من علي ظهورنا ونسرع ونبطيْ في العمل خوفا من الوقوع في اللرنبو..


سد اللبقة بالواسوق وقول يا فلانة
وأعزقا من هريس القشة والعطشانة

الرويانة خلقة وما بتجيك محلانة
حتي القمرة طفشت من كتر لطشانة

نزار

سلبت نومك المبروكه شاطره فلانه
قاريه محققه وبحر العلوم فنجانه
وارثة عظيم خصال سمح الفعايل زانه
عابده موحده القديسه زايده رزانه




منصور


سلبت نومنا ام عيون نعسانه
واتحكرت جوه العيون وانسانه
راضينبو السهر ان كان بقت رضيانه
الا خوفنا السمحه تفوتنا يوم تنسانا

نشات

سلبت نومنا ام عيون نعسانه
واتحكرت جوه العيون وانسانه
راضينبو السهر ان كان بقت رضيانه
الا خوفنا السمحه تفوتنا يوم تنسانا


النوم دروليك وأفرحبو كان فرحانه
ناس ناعس العيون فيها الخلوق سرحانه
لو كان غسلتك نحن العيون طارحانه
وإن كان شرتك شرك العيون كاويانا



ولك السلام يا نشأت وقول لبخارى كتر خيرك


منصور




Quote: سلبت نومك المبروكه شاطره فلانه
قاريه محققه وبحر العلوم فنجانه
وارثة عظيم خصال سمح الفعايل زانه
عابده موحده القديسه زايده رزانه




القديسة بي سبحة وبخور حاويانا
مالية مكانا تركة جدها الحفيانا

طلقة بخرة والنار تنطلق في حشانا
تاني النوم دحين أكان كروه بيغشانا
نزار

سد اللبقة بالواسوق وقول يا فلانة
وأعزقا من هريس القشة والعطشانة

الرويانة خلقة وما بتجيك محلانة
حتي القمرة طفشت من كتر لطشانة



أبوعلى يا نزار كان سلباق أزمانا
كان كالف الجرارق وللمراح لبانا
جاباق إن سخى ومرتاق حريف إنسانا
كان زراع بحر علافى ساد الخانه



منصور
سلبت نومنا ام عيون نعسانه
واتحكرت جوه العيون وانسانه
راضينبو السهر ان كان بقت رضيانه
الا خوفنا السمحه تفوتنا يوم تنسانا


نشات امام


في البيت السعيد اطراه كان يطرانا
ويا نشات امام ختيت ليك امانة
لتيبة التقنت الشربت عشا النديانا
جو حشانا ونار شوقه التقول بركانا



أبوعلى السودانى


سد اللبقة بالواسوق وقول يا فلانة
وأعزقا من هريس القشة والعطشانة

الرويانة خلقة وما بتجيك محلانة
حتي القمرة طفشت من كتر لطشانة


Nazar Hussain



بقول يا ود حسين ضارب اللرنبو نسانا
وما نسيناه قط وطاريه ما فكانا
ننسي الروح وما ننساه ديمه معانا
فوف حيا فوق محل الرجعه ليهو حجانا



سلبت نومك المبروكه شاطره فلانه
قاريه محققه وبحر العلوم فنجانه
وارثة عظيم خصال سمح الفعايل زانه
عابده موحده القديسه زايده رزانه


منصور


انا ما زليت حلف نما بجر عشانه
ارد الروح اداوي جروح تلم بريانه
عل جرحا منوسر غلب الشفخانه
وما ظنبت حت العم ود حسن يلفانا



أبوعلى


حاج منصور سلام تسلم وما تشوف شانه
وحرم ضربك ضيارما بتودر الجبخانه
تقول سحار بعيد الفي قلوبنا عيانا
والله انا اشتكيتلك ياما فقدنا وعانا


أبوعلى


مرحبتين سلام بالفنجرى وخمجانه
وإنتو عيال قنيص بتجضمو الجبخانه
زمان ودحسن قال يا بدرى شبنا كفانا
وإنتو ملوك حلم غرقتو ساس بنيانا



منصور


شرفت وقلت شافت كلبنا معانا
وأنسندت على ساقا رهيف بنيانا
شوف دخان الضحى القالباهو فوق سيقانا
يا بدرى الأمين شبنا السفاهه كفانا


عمر محمد حسن البدرى


ويا حامد موسى مراهد أسأل محمد مقبول من العماليق ديل بوريك
وعمر دا عم الإمام الزين

منصور


جدية دار صباح الفى الجحيم صاليانا
نصبت مشنقه وزى الحرس صالبانا
يا برم الطلح الفيهو عشنا صبانا
لابسين توب عفاف لا خنا قط لا صبأنا


منصور


في البيت السعيد اطراه كان يطرانا
ويا نشات امام ختيت ليك امانة
لتيبة التقنت الشربت عشا النديانا
جو حشانا ونار شوقه التقول بركانا



أبوعلى السودانى


يا منصور أخوي الدنيا ما دايرانا
قدر ما نهجس ونروق تجي كاردانا
تعبنا من الجري والبيهو زادت اذانا
تجفل في الحبيب ودايراهو ما يطرانا


لتيبة التقنت الشوفتها لي نرفانا
رخصه براعم الصفصاف عليها خشانه
عزيزه منعمه ومضروب عليها حصانه
مسكنها القلوب وهي في العيون انسانا



ملحوطة
النرفانا اعلي درجات الصفاء الروحي عند البوذيين
اي قمة السعادة والهناء

أبوعلى السودانى








_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
عادل عثمان مصطفي
كبار الشخصيات
كبار الشخصيات
avatar

عدد المساهمات : 6481
تاريخ التسجيل : 19/10/2010
العمر : 60
الموقع : كانبرا - استراليا

مُساهمةموضوع: رد: وقفات مع عباقرة اهل المسادير ؟؟   الثلاثاء مايو 06, 2014 9:04 am


لتيبة التقنت الشوفتها لي نرفانا
رخصه براعم الصفصاف عليها خشانه
عزيزه منعمه ومضروب عليها حصانه
مسكنها القلوب وهي في العيون انسانا



أبوعلى السودانى

ـــــــــــــــــــــ


Quote: لتيبة التقنت الشوفتها لي نرفانا
رخصه براعم الصفصاف عليها خشانه
عزيزه منعمه ومضروب عليها حصانه
مسكنها القلوب وهي في العيون انسانا
أبوعلى السودانى



ــــــــــــــــــ
القطيف والحرير من جسيمها غيرانا

من غير مساحيق الوجينات نديان

وإن برقت ألماظ عيونا جاهرانا

وإن بسمت شمس الصباح اسنانا

لتيبة التقنت الشوفتها لي نرفانا
رخصه براعم الصفصاف عليها خشانه
عزيزه منعمه ومضروب عليها حصانه
مسكنها القلوب وهي في العيون انسانا



سريالى وتراجم للتيب تريانه
زى ورد الهجوع فى خلوه فوق جاذبانه
واقفين ديدبان فى شانا هى الجازيانا
يا أب على شن نسو حكم الأوامر جانا


منصور

ـــــــــــــــــــــ


Quote: سريالى وتراجم للتيب تريانه
زى ورد الهجوع فى خلوه فوق جاذبانه
واقفين ديدبان فى شانا هى الجازيانا
يا أب على شن نسو حكم الأوامر جانا
منصور


منصور اخوي بدروب الجمال شايفك شاقي صعيدنا
وللكليمات تنقي وتفلي في النشابات لصيد فريقنا
نفسك كريمة وابيه و بالعلم والاداب حفظت تراثنا
سلامي وشوقي مدوسوس في القليب فايض ليه زمانا
عماد

ـــــــــــــــــــ
منصور ود مفتاح العلم والراي
جيتك راكب ابوسوميت حافي كراعي
لابس سديري شايل في الكتيف مخلايتي
للمحبة والإلفة والحرية والسلام ساعي
عماد


حاشية:ـ
ابوسوميت اسم جمل الفارس طه البطحاني
ومقابله الكيورد


منصور اخوي بدوب الجمال شايفك شاقي صعيدنا
وللكليمات تنقي وتفلي في النشابات لصيد فريقنا
نفسك كريمة وابيه و بالعلم والاداب حفظت تراثنا
سلامي وشوقي مدوسوس في القليب فايض ليه زمانا

عماد

يا زول صد قفاك قرج الصعيد خاتيهن
وحافظ كلبى من رازه وتويس باريهن
بريب الملاين كلى شوق بوريهن
وما بعقب بخون دوار صدق برويهن


لك وعليك السلام يا عماد محمد الطيب


منصور


ـــــــــــــــــــ
يا زول صد قفاك قرج الصعيد خاتيهن
وحافظ كلبى من رازه وتويس باريهن
بريب الملاين كلى شوق بوريهن
وما بعقب بخون دوار صدق برويهن
منصور


حاشاك الخيانه كبدالسماءهذا زمانا
نبتك اصيل شجرة(الاراك) ام در سارانا
بريق الوجد هفهف نغزناوحمانا رقادنا
كان صدق الكريم فكة الريق في سودانا
عماد
مهرة ود كلس جقلابه غير شغله
وقت الشوف اشوف بتضيقبها السهله
مي فرسا لزوم ضباره بي مهله
وان عدوا الجياد عرجا وكمان جهره


أبو على السودانى

إنعرط اللزم ساعة الدناقر دقن
ودار النقزه فوق أمات ضميرن رقن
براق السنون نجف الكهارب بقن
وسمح القول عسل ورثنو صافى ملقن




منصور


غاب نجم النطح والحر علينا اشتد
ضيقناوقصر ليلو ونهارو امتد
نظرة المنو للقانون بقيت اتحدى
فتحت عندي منطقة الغنا الإنسد


وقت الشوف اشوف بتضيقبها السهله
مهرة ود كلس جقلابه غير شغله
مي فرسا لزوم ضباره بي مهله
وان عدوا الجياد عرجا وكمان جهره


أبوعلى السودانى

مهرت ود كلس جربا وكتير دبره
ومطفوق صاحبا وكوز ملوه ما عبره
عند شيط الضريس والعشره ديك دفره
ومريوقه أم نصيب وكافر الجوع قهره


منصور



Quote: مهرت ود كلس جربا وكتير دبره
ومطفوق صاحبا وكوز ملوه ما عبره
عند شيط الضريس والعشره ديك دفره
ومريوقه أم نصيب وكافر الجوع قهره





مهرة ودكلس دغلة وكمان دشرة
ويومو اليفرجا بكلفها فوق عشرة

ما ضاقت لجام بس حدّها الوشرة
شديدة هي في الرقاد ومناهر الحشرة
نزار

مهرة ودكلس دغلة وكمان دشرة
ويومو اليفرجا بكلفها فوق عشرة

ما ضاقت لجام بس حدّها الوشرة
شديدة هي في الرقاد ومناهر الحشرة


مهرة ودكلس زى آفه منتشره
وخرابة تكل خاتياها ديك عشره
يوم ترحل تموت بنزيعا فى النشره
وكم زول بنبسط ويسيبا ديك كشره


منصور




Quote: مهرة ودكلس زى آفه منتشره
وخرابة تكل خاتياها ديك عشره
يوم ترحل تموت بنزيعا فى النشره
وكم زول بنبسط ويسيبا ديك كشره




مهرة ودكلس في لونها
زي منبرنا ده..
لا هو جردقي لا ( فدا)

وخرّابة زي بوستات تراجي
وناس كده..


(الفدا) للّون الذهبي

نزار

أب على جانى صوتك حالى لهجو متنى
وشايل عوس نزار فرق الغروب بهدلنا
الأسبان زمان طارق عديل دخلنا
مو زى ناس نزار بالسر عديل وحلنا



منصور


إنعرط اللزم ساعة الدناقر دقن
ودار النقزه فوق أمات ضميرن رقن
براق السنون نجف الكهارب بقن
وسمح القول عسل ورثنو صافى ملقن




منصور





_________________
مـــــــــــرحبــــــــ **** بيكــــــــــــــــــم***

الرجوع الى أعلى الصفحة اذهب الى الأسفل
http://الهوتميل abouhind1982@hotmail.com
 
وقفات مع عباقرة اهل المسادير ؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
كبوشية إصالة التاريخ  :: منتديات الفنون الشعبية :: الدوبيت-
انتقل الى: