انفصال الجنوب

يالسعدابي الناس دي شكلها بتخاف بس انا شخصياً أؤيد الانفصاااااااااااااااااااال

ده الكلام

يالنعمان خوف مافي لكن نحن مافي انا أويد الانفصال وحتى اذا تم الانفصال توجد سلبيات وايجابيات على الشماليين وندعو الله ان تكون الايجابيات اكثر يارب

انشاءالله بعد الجنوبين ديل يطيرو
تاني مافي عوجه
بنتقسم النبقه

صراحه موضوع شاغل الجميع الانفصال من مصلحه الشماليين معنويا وليس ماديا
لاننا نعلم ان الجنوب في بطن ارضه النفط والمعادن النفيسه فلذاك حاليا الانفصال سيكون زعزعه بالنسبه للشماليبين
لكن اعجبني كلام المشير عمر البشير (قال\ الانفصال طلاق باين بينونه كبرى)(والعايز يقلب الحكومه اليجرب لحست كوعوا)

وشكرا

الانفصال وتقسيم السودان جريمة لن يغفرها التاريخ لمن تسبب فيها - فالعواقب لن يحتملها السودان كله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخ عادل لك التحيه
الجنوب قبل الاستقلال كان منفصل عن باقي السودان يعني لو انفصل تاني لا يعني شئ
الجنوبيين الاغلبيه فيهم مسيحين تعاليم ديننا الحنيف لا تتماشي معهم ولذلك هم يريدون الانفصال خليهم يروحو في ستين داهيه
السودان عامر بالخيرات كله اراضي زراعيه لو اعتمدنا علي الزراعه هي البترول الحقيقي
اهلنا زمان كانو لا يعرفون البترول ( الجاز يولعو بيه اللمبه ام عوينه واتطورت الي اللمبه ام شريط او ام قزازه ) كانو لا يعرفون من ياتي هذا الجاز هل ماتو من الجوع ؟ كانو عايشين عيشه هنيئه وفي امان الله معتمدين علي الزراعه
وبعدين البترول موجود في الشمال والذهب موجود بس كانت دقسة الشاطر ( الحكومه) نقبت البترول في الجنوب يعني الجنوبيين لقوها بارده لو كان نقبو في الشمال ما كان الجنوبيين عندهم شئ حتي يطالبو بالانفصال
علي كل السودان بلد خيرات بس عايز الناس يعملوا لاستغلال هذه الخيرات
ودمتم في امان الله

الاخ الكريم السعدابي / تحية طيبة : موضوع انفصال الجنوب كما ذكرت سابقا كارثة ضررها اشد من ضرر الفيضانات والكوارث الطبيعية ؟؟؟؟؟؟؟؟؟ وشوف يجر السودان الي مشاكل لا يعلم مداها الا الخالق سبحانه وتعالي وما كنت اريد ان ادلي بدلوي في هذا الموضوع ولكن مداخلتك الاخيرة دعتني لان افصل ولو قليلا عن ابعاد هذه القضية.. اولا : انت تعلم ان كل الاعمال الهامشية والتي نترفع عنها نحن الشماليين لا احد يقوم بها سوي الجنوبيين ؟..ثانيا : مشكلة الحدود الجنوبية مع قبائل التماس - كالمسيرية والبقارة - والثروة المشتركة بينهم سوف تجر البلاد لمشاكل ونزاعات في المراعي ومياه الشرب لا تستطيع الحكومة ولا غيرها حلها ؟..ثالثا : المصدر الوحيد لمياه الشرب لقبائل المسيرية هو بحر العرب - وهو مالاتسمح به قبائل الدينكا ( انوك ) لجيرانهم المسيرية بمشاركتهم في الشرب منها ؟ وانت تعلم وفي ظل الحكومة وقبل الانفصال كانت تقوم نزاعات بينهم في المرعي ومياه الشرب ؟ نحن لا نملك شيئا ولا نستطيع ان نمنع الانفصال زلكن طالما هو قد حصل - فلن نستطيع دفع اضراره ومشكلاته التي سوف تحصل لا محالة .....وربنا يستر ويجيب العواقب سليمة ..