شعراء الحقيبة... توثيق شامل

توثيق شامل لكلمات شعراء الحقيبة .. وهم :

ابراهيم العبادي--احمد محمد حسين(العمرابي)--احمد محمد الشيخ الجاغريو--خليل فرح -- سيد عبدالعزيز--صالح عبدالسيد ابوصلاح--عبدالرحمن الريح--عبيد عبدالرحمن--علي المساح --عمر البنا--محمد الرضي ودالرضي--محمد بشير عتيق--محمد علي الامي--مصطفي بطران..

مع الشاعر / ابراهيم العبادي (1)

ابراهيم احمد بابكر (العبادى)

ولد ابراهيم احمد بابكر العبادى بمدينة امدرمان في حوالى عام 1894
فى منزل والده فى حى العبابدة (امام مستشفى امدرمان) و هو من
قبيلة العبابدة المشهورة بام درمان و التي نزحت إليها من بربر و مصر.
قضى طفولته الباكرة بها و قرأ بخلوة الطاهر الشبلى ثم دخل المدرسة
الاولية (و كانت تسمى الكتاب) بام درمان بتوجيه من سلاطين باشا
بسبب عدم تشجيع اهله لدخول المدارس آنذاك. ثم دخل مدرسة
امدرمان الوسطى و ما أن تم السنة الثانية حتى اخرجه والده بحجة
أن ما حصل عليه من تعليم كان كافيا و ليعمل معه في زريبة
المواشى بامدرمان.
لم يمانع والده في أن يرسله إلى خلوة الشيخ محمد البدوى فحفظ
قدرا لاباس به من القآن وتلقى مبادى الفقه الاسلامى مما كان له
اثره الواضح في انتاجه الشعرى الباكر. عمل بعد ذلك كاتبا تجاريا
بعد أن تعلم الصنعة من صديق له من الشوام.

كان ابراهيم مفطورا على حب الغناء منذ نشاته ساعده في ذلك انه
ترعرع في وسط شاعرى فقد كانت عمته شاعرة ممتازة لها صولات
وجولات فى نظم الشعر على وزن الدوبيت و كان يسمى آنذاك
"سيمارة" كما كان والده يقرض الشعر .

يقول العبادى؛ انه بدا نظم الشعر و هو لو يتجاوز الحادية عشر
من عمره و يرى ان موهبته تفجرت فى يوم ختانه و ذلك لان
المهنئين كانوا يزجون المختون شعرا فاعتبر نفسه ملزما بان يرد
عليهم شعرا ايضا و بدا سيل التهانى له بقصيدة لعمته فى مدح
اخيها احمد العبادى (والد الشاعر) ثم تقدم حاج ابو عيسى و انشد:

قلبك بولاد من حديد
و فرقك من الفرسان بعيد
شوفة الدغم عندية عيد
العقبى لى عرسك الجديد

فرد الصبى ابراهيم مشيرا الى حفلة زواج فى الحى
لم يتمكن من حضورها بسبب ختانه:
اصبح لى صباح و اصبحت انا مرضان
و ما شفت الدهيم البلعب الهويان
ما جيب لى خباره البى الخمر رويان
و متاسف كتير ما حضر عرس عثمان

بدا نضوج شاعرنا و نظمه للشعر الغنائى في عام 1914 و عرض اول
انتاجه على يوسف حسب الله (سلطان العاشقين) و الذي كان
بمثابة النابغة الذبيانى في سوق عكاظ فاثنى عليه يوسف و كان اول
انتاجه يسير على نهج الدوباى كما كان سائدا في ذلك الوقت و من
ذلك ما خاطب به يوسف حسب الله عند ظهور اللص المشهور
(اللبخ-(1)) او (اللنج-(2)) بامدرمان و ما احدثه من رعب في قلوب
الغانيات:-
يوسف قليبن في الكجر ما اطامن
يشكن من لصياوص الحلة قط (ليل) ما نامن
ساكت من زوالن و العيون أن قامن
زى سرب الظبا الأنضم و قل شامن

و يقول عن تجربته مع شعراء جيله:
كان لهم مجلس اسمه "شعراء الدوبيت" و ما كانو يسمحوا لاحد
بالانضمام الا بعد اختبار فيتشئ احدهم فى موضوع بعينه فيرد عليه
الآخرون ملتزمين بالقافية نفسها و كانوا يقولون على الرد "تغطية"
فيقولون "غط هذا الكلام". وكان قائد الشعراء هو يوسف حسب الله
و يجلس الى يمينه محمد على عثمان بدرى و عمر محمد على
و احمد محمد صالح المطبعجى و جقود ابو عثمان و معهم ايضا
الشاعر عوض السيد بابكر و الشاعر عمر محمد على و غيرهم.
و لما انتهى الدوبيت و حصل الانقلاب لصالح الرقيص (يقصد الشعر
الغنائى) لم تنسجم المسالة الجديدة مع ذوقهم فاستمروا بطريقتهم
القديمة لكن انا و ود الرضى و خليل فرح و العمرابى سلكنا الطريق
الجديد.

و في عام 1917 بعد تجربته الذاتية في الحب دخل مضمار العاطفة
و على نهج الدوباى أيضا:

اقتبس البدر من آمنة نوره و دارتــــه
و الخز و الذهب عار من جسيمها نضارته

و

فرع الياسمين من النسيـــم يتنى
سالكه مضمرة و التنه فوق التنه

و كان يجارى اغانى المطرب ود الفكى من منطقة كبوشية بالسافل
على نسق الرميات باسلوب أكثر حضارة و منها:-

ست البيت الصلاح ** نور شلاخها لاح

قبل العشرينات بدا يتجه إلى الاغنية المتطورة و كان موحى ذلك
بيوت الاعراس فقد قال في حفل زواج صديقه بشير الشيخ:-

حفلة بشير ما اعجبها ** لسرورنا اسفر حاجبها

و في حفل صديق له يدعى خضر :-

جيبوا لى قلبى الـــــــودر
يا اخوانا في حفلة خــــدر

و في حفلة ثالثة لصديق اسمه شبخ ريا:-

شيخ ريا حسبك من فخر ** ليك البدور طاعت تخــــر
اذكر ليالى العاصمــــــة ** المن سوء إلهك عاصمـــة
هي جنة شرطا عاصى ما ** يمسك بنان في معاصمه

و في عام 1928 نزح العبادى إلى الجزبرة فقضى بها ردحا من الزمن
و منها إلى غرب السودان حتى بداية الاربعينات فقفل راجعا إلى
مرتع صباه. و قد تزوج العبادى متاخرا قليلا و له ذرية من البنات
و الاولاد و منزله في المهدية امدرمان.

يعتبر العبادى هو اول من انتقل بالشعر الغنائى من الطنبور إلى اغانى
الرق فاستحدث بذلك حدثا جديدا في تطور الاغنية السودانية و كانت
اول اغنية له في هذا الصدد (يبكى و بنوح و يصيح لى الشوفتن بتريح)

مع الرميات و الدوباى
كما اسلفنا كان العبادى في بداياته يجارى فنان كبوشية ود الفكى
فى رمياته بدوبيت متطور: -

ومن تلك الرميات لود الفكى:

ببكى و بنوح انا دمعى جارى *** محجور من الارايل

فجاراها العبادى:
ببكى و بنوح انا دمعى جارى *** مكتول هالــــكنى جــارى
صدرك رمى البـــــــــــدارى *** و اعلن منشـــــور ادارى
و صرح طالـــــــــب ودارى *** و قال فاك و حية خـدارى
اكتل و في الرشـــــــم ادارى *** و على الشـــــلاخ مدارى
يا الساكن غــــــــــرب دارى *** كاتــــــلنى و مـــاك دارى

و يتضح اضافة الشاعر الجديد للجناس إلى الرميات و أن لم يخلو
من السذاجة خاصة في البيت الثانى

فرد عليه ود الفكى و جاراه:

يا ناوى الرحول لبلودها *** نارها الفى الضمير مـــــوقودة
هب النسيم لى من بلودها *** جاب لى طيب تومتى الفروده
كالشمعدان منصوب عودهــــــا

فقال العبادى

هاك يا سرور وصف البداية *** زى البـــدور اول بــــــــداية
عينيها حور كايدات عـــدايا *** و ستة السطور في الخد نداية
و الرشمة فور جلبت ردايا *** تتجلى نــــور زى الــــــــهداية
فاقت الحضور ثم البــــداية *** زى ناس بـدور جاريات هدايا
عمرى و جميع ملكت يدايا *** بى كل سرور لام خـــــد فداية

و يتضح الفرق بين سطحية الاهزوجة السافلية و بين التطور الذي احدثه
شاعرنا.

و قال ود الفكى أيضا:
القيدة في غالق *** يشقينى الحكمه الخالق

فقال العبادى:
السامية في جيـــــــلها *** كريم لمتين اناجى لــــها
هاك خلى تبـــــــجيلها *** اديبة و راسية في جيلها
سعيد اليوم يناجى لها *** تدير له ظروف فناجـيلها

من اشهر الرميات اغنية العبادى:
التايــــــه دلال ماخــــــابر *** كم قلبا مـــــــعذب و صــــابر
وقفت شئ عجيب في الدار *** و اســــــفرت اللثام عن داره
تتخنتل دلال و قــــــــــداره *** سهم الحاظها ما بتـــــــدارى
انقسمت مشت طــــــــالبانا *** تـــــتمايل و تقـــول البـــــانة
نديان خـــــــدها لطـــــربانة *** زى الزهرة في ابـــــــــــانة
جات تتمايل العرجـــــــــونة *** البى هوى النفوس معـجونة
قول لى اهلنا ما ترجونـــــــا *** ما بضوق السراح مسجونه
آه من طلعتها البـــــــــــــهية *** و اعضاها اللطيفة طــــرية
فاهه من الفظاظــــــــة برية *** يتـــــــــــلالا كأنــــــــه ثريا

ومن اروع ما قاله العبادى انذاك هذه الرمية التي كان يؤديها سرور
و كرومة و الامين برهان:

الجرحة نوسربى غور في الضمير
في قلبى خـــــــــلف الكـــــــــــــى
يا ناس الله لى
كان ما الشئ قسم و انا عقلى مداير
ليش عاشق المدلل بيه شن دايـــــر
يمشى الكى قبل و ينسف الدايــــــر
و الديس الغزير لى قامته يضــــاير
و المحى المتل قمر العشا الدايــــــر
يتب في عجن و يقول لى شن دايــر
رحماك يا العشوق طاش الفكر حاير
يا ناس الله لى

و فى احدى المناسبات بمنزل سر الختم جبريل و كان يزين احدى
جدران ديوان ديوانه بصورة حسناء فاتنة قام بتصويرها المصور
الارمنى المعروف آنذاك (أرام) فطلب من الشعراء الموجودين معه
فى الديوان عثمان بدرى و يوسف حسب الله و العبادى و الخليل
و كان صديقا لهم من كل واحد منهم بيتين فى وصف جمالها و قد رصد
لهم جائزتين للاول و الثانى، الاول ينال كتاب الاغانى للاصفهانى
و الثانى ساعة جيب فاخرة:

قال بدرى:
احسن من ظبى فى حسنها وفى نورها
ابهى من البدر و صفاها كالبنورة
فى جيلنا بتفوق ام سرتى و تنـــورة
نجلاء العيون القتنا فى تنــورة

و قال حسب الله:
سيمات الجمال فى صورتها محصـورة
رقتها فى النظر و اناملها و خصره
ابهى من الحوارى الفى الخيام محصورة
عجبا شوف عشقنا جمالها هذى الصورة

و قال الخليل:
يا ريم الفلا الدنيا مافى مثالك
لى عدم الانيس و الوحشة قلبى رثى لك
حباك الفؤاد لكنـــــه مابش لك
عجبا شوف عشق كل الانــــام تمثالك

و قال العبادى:
شوف ريمه (آرام) كيف جالسه فى التصويره
محيها كالبدر فى نوره و التدويره
انظر لى عيونها و دعجتها و تحويره
من كثر الدلال تنشاف عويــــره عويـــره

وبعد الانتهاء شكل سر الختم لجنة نصوص للحكم تكونت من الاستاذة
بشير الفضل و مصطفى التنى و عثمان ابراهيم فكانت الجائزة الاولى
من نصيب العبادى و الثانية من نصيب استاذه يوسف حسب الله.

مع ود الرضى:
يعتبر ود الرضى نفسه تلميذا للعبادى رغم ان العبادى يصغره بعدة اعوام
و عندما جاء ود الرضى الى العاصمة جاء كخامة شعرية و يحمل معه
اصالته و سذاجته و تعلقه بالغناء الشعبى و لم تفارقه سمته القروية
فى البداية وحينما اتصل بالعبادى لانه كان من المعجبين به ابدى
العبادى استعداده لصقل الشاعر القروى.

يقول العبادى عن ود الرضى؛ " كنت احبه و اعيش اشعاره و كثيرا ما
حاولت تشطير اشعاره و يعترف كل منا بتاثيره على الآخر و هو يكبرن
ى بعشر سنوات لكنى دخلت قبله فى شعراء الدوبيت لانهم قبلونى
شاعرا فى 1914 و كان شعره بدويا حين جاء الى العاصمة و إن كانت
معانيه سامية، لكنه اصبح حضريا مثلنا."
و لقد قام العبادى بتشطير قصيدة "متى مزالاى اوفى نذارى"
و غنى الاغنية المشطرة سرور.

مع ابو صلاح:
كانا فى عمر واحد تقريبا و عاشا فى بيئة متقاربة و حظيا تقريبا بنفس
التعليم فلا غرو ان قامت بينهما اقوى المنافسات و المنازعات و كان
ابو صلاح اسبق من العبادى فى نظم الرميات و الدوباى و فى
الاحتكام لشعرائهما و الذين شهدوا له بالسبق فى ذلك و لكن
العبادى برز فى فترة الطنبور.
و كان كل منهما يحاول ان يشل من حركة الآخر و يقلل من شأنه
و ليس ادل من ذلك من تطويق العبادى لسرور كما كان كل منهما
يصف الآخر بالصنعة و التكلف رغم شاعريتهما المطبوعة.

و اشار العبادى انه زار ابو صلاح فى منزله بالخرطوم بحرى برفقة صديقه
المطبعجى و بمبادرة منه فى 1916.
و ذكر ان ابو صلاح انشدهم قصيدة دوبيت انشأها حديثا يصور فيها امراة
شعرها طويل جدا ، و كانت الساعات تعلق آنذاك على الرقاب و تستخدم
فى تعليقها اداة تسمى "كتينة" و هى خيط قيطان اسود .

و مما جاء فى قصيدة ابو صلاح ما معناه "انت شعرك طويل ادينى منه
كتينة" فقال العبادى قلت له " يا صالح يومك العشقتها طوالى عايز تمّعطها".
و العبادى هو الوحيد الذى اخذ بنهج ابو صلاح فى نظم القصائد و اهدائها
الى الطنابرة ليؤدوها من 1927 حتى 1919 و أّلف فى تلك الفترة:-

نورها الضاوى خافى فداها
تايهة المايحة روحى فداها

و منها ايضا اغنية كان يخاطب بها الشيخ على عبد الرحمن السياسى المعروف
يا مفتينا كيف افتينا
قول للتينة جننتينا

غير ان ابو صلاح لم ينضم للسلك الشعرى الغنائى الجديد الذى اسسه
العبادى الا بحلول عام 1924 مبتدئا بقصيدة مطلعها :-
ليلة القدر نصحبها
الف سهلا و مرحبا

و هى مجاراة لقصيدة العبادى التى يقول فيها:-
نظرة يا ظبية السلام
تبقى من هجرك سلام
دمت يا روضة الزهور
تجرى فى خدودك النهور
تبقى زى سالف الدهور
خالية من ربقة المهور
الغرام عامل احتلال
رشفة من نيلك الزلال
يعيش حاجبك الهلال

من طرائف العبادى:
في يوم وقفة عيد من الاعياد، كان العبادي وميرغني الخليفة وآخرون
من مدينة ود مدني فتشوا عن حذاء للعبادي فلم يجدوا.. فقد كانت
قدماه كبيرتين.ميرغني خليفة خريج الخلوة اراد ان يسخر من
العبادي فقال:-
- سوق مدني الكبير ما لقينا فيو نعلات
- ابراهيم.. قال المعلم مات
ما تفكر كتير
ادرع الشبطان من جلداً قديم
أوجز من العجلات (يعني تموت تخلي)
قال العبادي لميرغني الخليفة
- جاك يا ود الخليفة.
يا ميرغني اخوي.. اخير لك تنقرع
وبمشاريعي لا تحاول ترد
بوديك اسوان في طرد
ومعاك طارتك والقرد

إبراهيم العبادي «ليك سلامي يا أمدر أمان»
إبراهيم العبادي «يا عازه الفراق بي طال»
إبراهيم العبادي «شوف محاسن حسن الطبيعة»
إبراهيم العبادي «ليالي العاصمة»
إبراهيم العبادي «يا حليل رياضنا الغناء»
إبراهيم العبادي «ببكي وبنوح»
إبراهيم العبادي «حفلة خضر»
إبراهيم العبادي «يا موفورة النفل»
إبراهيم العبادي «جدي العَزاز»
إبراهيم العبادي «يا سايق الفيات»
إبراهيم العبادي «شموس عفة»
إبراهيم العبادي «برضي ليك المولى»
إبراهيم العبادي «من فروع الحِنّة»
إبراهيم العبادي «الضاوي جبينا»

يا عازة الفراق بي طال

يا عازه الفراق بي طال
وسال سيل الدمع هطال

طريت برق الفويطر الشال
وساح دمعي البكب وشال
كمل صبري ومنامي انشال
لبس من ناري عمه وشال

أرض آمالي في امحال
ومن الهم بقيت في أوحال
وبعدك عزه ساء الحال
منامي وصبري أضحى محال

حليل الناسا وناسا
طريت أم در حليل ناسا
وكيف أنساها وأتناسا
ومفتون بي ظبي كناسا

ولع جوفي جمري الحي
وما بتطفيه آه وأحي
فيا زينة ربوع الحي
لي دياركم يعود الحي .

شوف محاسن حسن الطبيعة

شوف محاسن حسن الطبيعة ..تلقى هيبة وروعة وجلال
صاحى شاهد هاهى الطبيعة ..زاهية زاهرة فى زهور ربيعة
دون سواقى نسرف نبيعه .. ما فى شتلة السائم يبيعه
ما فى صيدة انقادت تبيعه .. دون مجالب حسن الطبيعة
لا تصنع صبغة دلال
شوف نواحى الوادى الخديره .. والحمائم يشجيك هديره
تلقى بدر التم فى غديره ..دى المحاسن وانا قلبى ديره
صاحى املأ عيناك وديره .. شاهد ايد الصانع القديره
تملأ بهجة وعظمة وجلال
فوق هضاب الوادى الوثيرة ..الزهور منظومة ونثيره
عن جمال البدو تبدو سيره ..وعن محاسن البادية الكثيره
والجداول فى حال مسيره ..فى جبينه التل لازى مسيره
والغداير حول الهلال
شوف هداك الصيد لجّ شارف ..يرعى ناله الحول المسارف
اوعى من الخور سيله جارف ..ميل شمالك وابرى المصارف
عج على السيال ظله وارف.. دائى بنت البدو وانت عارف
بل شفاى من دائى العضال
بهوى يا اخى السكنت براحه .. فى هدوها وعز انشراحه
فى غدوها وساعة مراحها
بهوى فيها الحيا والصراحه
ما بتجول بكرب خاضبه راحه ..يا اخى بعشق جارة مراحه
فى ربوعه الخلف التلال
شوف جمال البدو مو مضاره .. شوف دى صفره الفضحت نضاره
هادى نادى الغامق خضاره ..دون تجندر لهجة حضاره
شوف طبيعة البدو والنضاره .. شئ يعيد الروح فى احتضاره
الخضار والماء والجمال
دون فصاده سواك الهك ..والابار ما لمسن شفاهك
بى فظاظه ما فاها فاهك .. فطره ادبك وطبع انتباهك
دون تعلم مثبوت نباهك .. ما بيدروا ديل جهلوا جاهك
الحقيقة بتناجى الخيال

ليالي العاصمة

شـيخ ريا حسبك من فخر *** لـيك البدور طايعـات تخر
اذكـر لــيالي العـاصمة *** المن سوء الهـك عـاصما
هي الجنة شرطاًعاصي ما *** يمسـك بنان فـي معاصما
كانت لـيـالي مـواسـما *** انـوار تـلالي مـن السما
في قـلبي دايـماً راسـما *** ولكـن حروفـا مجـسـمة
بالـلـه يوم المـهرجان *** الجـو صـافي من الـدجن
ممـا رأيت تلـك الوجن *** انا عقلي فـرّ ركبلـو جان
ايـام غلـس مـااقصرا *** وراحـت كأن لــم نـذكرا
يـاربي خـدّر عنـصـرا *** وانصـر جيوش بختـنصرا
ايـام سـرور بسراع تمر *** والكـون يقـنب فوق جمر
لوتـاني عادت و لي امر *** الـيوم بــبدلو بـي عمر
ماشفـتهن حين قالو جن *** زي الكـهـارب بهــرجن
اوع السلوك فوق الوجن *** بالنـظرة ليــك بتـلـجن
افلن شموس عند *** وجـن شـلـوخن عـلـّبن
صيد الخلا الما *** فـي قـلبي نـزلن وطنـبن
لـوشـفتهن تحت القصر *** حامـلات نيـاشين الـنصر
تلـك البدور طلعت عصر *** اودرت خـم وصـر
يامـاحي بـذكر جلسـتن *** واوصـاف مناظـر خلستن
مولاي حواك من حبستن واسطن
صيح سـروروتلاه الامين *** ضلـت قـلـوب العـالمين
عاقـلنا يـلزمني اليمين *** ماعـرف شمالو من اليمين
وشغل القلوب *** بي لـبّو للانظـار جلـوب
كم بي لحاظو هزم تلوب وقتل اسود
الله قـد تعـس الكـفـر *** فضح الشمـس وكتين سفر
ستة الشلوخ واقفات غفر *** لـي فاهـا غالـيـة النفر
نـقرابي من بـينن طفر *** وقال لينا في عينكم ضفر
شار بي وضيبو الانضفر
شـبه اريلاً حـاول فزاز *** عينـيها والجـيد جـام قزاز
بـي عودا يا ست العزاز *** تلـكم ليـاليـنـا الـلـذاذ
النقعة خز والقامة زان *** والنون تقول الخيرزان
حين وقعولو النقـرزان *** جلّ القـدير لي صورتو زان
عمل القلـوب كورة قدم *** يلعـبّـها وهـي في العـدم
كهربنا والصف انهدم *** تلـقانا قتـلا ومـافـي دم
لـلـه درّك يـاعـمـر *** سـوق الادب بيـك انعـمر
ضرغام وابهي من القمر *** والـطف وارق مـن الثـمر
بي عودا يامولاي تعود *** ايـام هـنا وطـالع سـعود
نتلاقي في اقرب وعود *** يبقي الحسود فوق عينو عود

يا حليل رياضنا الغنا

ياحليل رياضنا الغناء
وصداح هزارها تغنى

يا ليل حظوظنا الجنة
ظرفك علينا تجنى
اخرجنا من الجنة
و فى نار هواها سجنا
يا حليل رياضنا الغناء

عمل الدهر دى العملة
و جاء جرد على الحملة
فارقت دورن جملة
تفرغ عيونى و تملا
يا حليل رياضنا الغناء

مر يا نسيم بجارى
و احكيلو كل الجارى
قول ليهو دمعه الجارى
فى خدوده سوى مجارى
يا حليل رياضنا الغناء

ذكرى الحبيب عاطرانى
كبت دموع ماطرانى
الذمة والاطرانى
سيان لو يطرانى
يا حليل رياضنا الغناء

شلخه الحسامى و خالو
ورمز الصليب فى خالو
بروحى لو اسخالو
سيد عين حياتى اخالو
يا حليل رياضنا الغناء

فقتى الحضر والبادى
فقتى الختم والبادى
سهمك برق عبادى
يمطر جمر فى اكبادى
ياحليل رياضنا الغناء

يا مى خيالك جانى
جنح الظلام ناجانى
هيج على اشجانى
و الجانى ياناس جانى
يا حليل رياضنا الغناء

ببكي وبنوح وبصيح

ببكي وبنوح وبصيح للشـوفـتـن بتـريح

فرع النقا المميح مـنو المـسـك بفيح
وكتين صباحو يبيح بلـبل قلوبـنا يصـيح

ياجـنـة الطبيعة ايـاك زهـرة ربـيعا
صحت شراها وبيعاعـينيك حروب ربيعة

ختمو البروق ورعودو تـغـريد بلابل عودو
نظروا الخلق لي عودو جافي المنام مـا بعودو

متنوعات ازهارا في خدودا تجري انهارا
ليلا الطلع في نهارا ضـلل فـؤادي و هرا

آه لو قطوفك دانية احـظي ولـو فد ثانية
كت اعصي ياغانيةواعـلن فيالقي تمانية

الجيدا طال واتني ودر جـماعـة متـلنا
التوب شبك في التنة يانـاس انحـنا كتـلنا

لابسة الحشم ازمة و مـالك مـلايين ذمة
الحاشا ما بتذما ضـيع اخـوك بالذمة

في رويحتي وباكرتي دايـماً مـقدم كـرتي
مابتسهي عن ذاكرتي يـاللي صفاي عكرتي

يا موفورة النفل

يا موفورة النفل بالهيبة الكست الحفل

ليك في الجمع الحفل نسبه راد من طفل

اتمايل غصنك رفل ميل سنده الكفل

اتمايح مايس رتل رن في قلوبنا حجيلة تل

عام نهده وكتفه الحتل اتوسد في فنايدة تل

اتناعس مايس قدل في الأرداف رمي الجدل

في القامة الزينة البدل شفنا الجور والعدل

يا المايح احب واجل فيك اذلال قدري الاجل

قلبي المابعرف الوجل رعته وخاف سيف النجل

ليك مقدار ما بذل در نفيس الغزل
في حبه انا لم ازل رغم اللام والعذل

جدي العزاز

جدي العَزاز الجيدو قزاز

ياعُزاز انا نومي خَزاز

تسعة الحزَّاز والرقبة قزاز
حُقّ الابزاز بالمرَّة لُذاذ

احور وافقل ان شفتو وقل
طيّو مَرقَّل بشيش يتنقل

الخصرو هضيم لا جوع لاضيم
خـاتي عِضَيم المـا نِضِّـيم

من تبَّ حشيم المـاهوغشيم
فيهو رشيم لقلوبنا يشيم

لونو تبر في صفارنا قبر
يالمابي تبر انا جنِّي كبر

سايق الفيات

ياسايق الفيات عج بي وخد سنده
بالدرب التجت تجاه ربوع هند
***
بوصيك قبل تبدأ سيرك
داك طريقك سابق الريده
منك بعيد جيده حي هند
المرام عج بي ربوع عبده
شوف سياق الفيات الليلة كيفن هاش
والشجر الكبار بقي شوفنا ليه طشاش
***
شق حشا الطريق واتيمم الحلال
زفنه الكلاب مانالن إلا علال
باقيات ثواني قلال
بينك والغروب داك مشرع الشلال
***
أطوي الارض واضرع
ومن أفكارنا سيرك يا الفيات أسرع
ميل علي المشروع
لا تريع القطيع وتجفل الأدرع
***
شوف النهر مار بخشوع تفول مجسان
كما مر المنام في مقلة النعسان
جلت قدرته ما اظلم الانسان
كم ينسي الجميل كم يجحد الاحسان
***
مانفرن تقول سايق الكلام إلفه
عطشان قلت ليهن وصحت البلفه
مافيش كاس قريب قالن دون كلفه
تشرب من كفوفنا لم تتكفى

شموس عفة

شموس عفة وبدور دورن _*_ بهي الدنيا وزهي خدورن
حليلن لامتي ازورن
حليل الدر حليل حورن _*_ سحر هاروت سكن حورن
فؤادي الضلّ مسحورن _*_ لابسات روحي في نحورن
طريت بانات تميس راحلة _*_ تميل بي ردوف واحلة
صدور عالية وخصور ناحلة _*_ خدود زاهية و عيون كاحلة
وبينن تمشي متهادية _*_ زهيرة غصننا النادية
تضلم وفي الظلام بادية _*_ سايدة حضورا والبادية
كبير مقدارا وهي صغيرة _*_ حداها البدر مات غيره
اريج بالله جيب غيرا _*_ حصون افكاري ماتغيره
حشمتو وخلقو واخلاقو _*_ غار الكون علي اطلاقو
كتير تقليدو مالاقو _*_ معاطفو وردفو اتلاقو
حنانك يا بهي الصورة _*_ فيك آمالي محصورة
ليك في قلبي مقصورة _*_ محال غيرك يطوف سورا
موفر في الادب قسمو _*_ يضوي العتمة فر بسمو
نسيم لو اوما بيقسمو _*_ يأثر مرو في جسمو
بعد لطفك بعد ظرفك _*_ السيوف طرفك
سلامي الزاكي زي عرفك _*_ يقبل راحتي كفك

k]] برضي ليك المولي الموالي[/b]

لو تحول دون قصدي العوالي

برضي أغوص في بحوري وأوالي ليك أخرج درري الغوالي

وأنشي شعري وزجلي وموالي في سناك قليل ياجميل

برضي ليك المولى الموالي وفيك لازم الصبر الجميل

ياملاكي ظروفي العصيبة حايلة دونك مالي صيبة

قالي هاك أقوالاً مصيبة كل نفس توجد نصيبة

والمصيبة المولى اليصيبة بالقدر كم عز الذليل

كم ربوعاً أجدب خصيبة ومافي فجراً ماعقبة ليل

المكارم خلقي الجبيلة والمحامد سالك سبيلة

ديمة شارب سلسبيلة من أخاير أخر قبيلة

ومن أعالي العايلة النبيلة وكل صميم لصميم بديل

الليالي اليلة وقبيلة للجلل معدود الجليل

تشككى كتر النوح العيالك وديمة تشكي أيام زاهيالك

يامهفهف سيرك أمالك والنسيم السائر أمالك

أن زاهر ولاهى ويالك من مرائى وصدقك قليل

أنت عاشق بالجد خيالك ومنه ساكن ظلاً ظليل

ياسما الغايات ياملاكا من تطاول لي نيل علاكا

عشت دم ياحليلة حلاكا ياحياة أرواحنا هلاكا

لو سليتو النار ماسلاكا قلبي راضي وهاك الدليل

أنه صابر وحامل بلاكا مرة أرحم يكفي القليل

برضي ليك المولى الموالي وفيك لازم الصبر الجميل

من فروع الجنة

من فروع الحِنّة وزهرة التفاح
هـاج بـلابل فـكري النسـيم الفاح

الجداول تجري فوق خدودك دُر
والرشـيمات بَقّـت في اشـعة خُدر

يعمي عيني قبلك مانظرت بدر
فـوقو ليـلاً حالك يعلو غصناً ماح

القوام متوازي لاقصر لاطول
والشـليخ افعالو تـصرُّفات مسطول

اهو خاتي دا ساند ضهرو في الاسطول
والعيون حُرّاسو وفوق جفونو صِفاح

انت روحي وراحي ليك ظمآن
غاب مـا بـصرِّح باسمك مابجيب القاب

انت ديسك خدرك ماكِ صيدة
غاب مـن فوارس حيِّك ليك غابة رماح

اختصر افكاري خصرك المعقود
مابيُمس بي كفة لاقميص لاعقود

جاربو ردفاً جاير حلمه ليه مفقود
عذرو واضح صدرك مالبو جوز تفاح

خلّي امعن شوفو قول لي ايه يا النور
هل رأيت لك دمية ام دا جام بَنّور

جلّ من انشاها وصاغا شعلة نور
هل دا جيد وقلادة ام نجوم وصباح

المعاصم جدلة والكفيفات غوف
والكتيف الهادل بالكفل مشغوف

نايمة او كان صاحية حال جلوس ووقوف
شوفو لاحم ديما ومِنّو مالو براح

من جمالك فكري انغمس في بحور
هل رأيت لك صيدة ام دي من الحور

احترس ياقلبي البواكرالحور اوع عينيك يبكن

يام جبيناً يندي بالحسن نضاح
حالي من دون شرحي كامل الايضاح

ستي لا تاخديني الغرام فضّاح
ود محلق قبلي بي سعيتك راح

الضاوي جبينا

الـضـاوي جـبـيـنـا قـفار وتـلال بقو بيني وبينا
النادية

يـاهـمـوم انـسـيـنـا و الاحـلام بـي ثوبـا كُسـينا
مهما زدت مابتنسينا اطلال امدر وربوع خمـسينا

الشــوق حـاســيـنـا نايـح البـلبل مـامواسـيـنا
فـيك اذانا وتـآسـينا يخيب مسعانا ان كان تنسينا

يــابــت اطــريـنـا لوما بيك شوق يابـت خاطرينا
خاصـّي البينا ماتشاطرينا كـفاية كـفـاية كـفاك اطرينا

اســمــع يـاخـيـنـا شـدّ الـشوق ماتـقولو رخينا
عيونّا تفيض بالعبرة سخينة بالمال والروح في هواها سخينا

مــمــا هـويــنــا سـحيقة الهوّة الفـيها هـوينا
البيـنا اهي ماتقولو هوينا اسألـو بس مـولاي تهـويـنا

حــلـيـلـو جبـيـنـا حليلو دلالا وقـوس حاجـبينـا
عيونا الفـاترة وحق نبينا شاقّة فؤادي وكـايلاه غـبيـنة

يـاحــمـام نـاديـنـا رتـّل سـجـعك فـي نـاديـنا
عبـّي وهـات يانسيم ادّينا من ارواحـك طيـب واديـنـا

شاعر العيلفون / احمد حسين العمرابي:

أحمد حسين العمرابى

نشأته:

ولد الشاعر احمد محمد حسين العمرابى في قرية المطمر بين الدامر وشندى سنة 1904
و هو من قبيلة الجعليين (العمراب)

و دخل منذ طفولته الباكرة خلوة الشيخ الفكى بشير ود الرباطابى بقرية المطمر و عندما بلغ العاشرة من عمره
سافر إلى والده بالدامر حيث عمل ترزيا معه حتى بلغ 17 من العمر و اتصل بالشيخ الفقيه المرضى ود منصور
و تلقى منه الفقه و مبادى النحو و الصرف وقرأ الشعر العربي القديم..لذلك كان شعره رصينا قويا .

و في عام 1922 حضر إلى الخرطوم و اسس مع اخوته دكانا للخياطة بالسوق العربى
وكان دكانه قبلة الشعراء يجتمعون فيه حيث أن قصيدة من الاسكلا وحلا قد ألفها ود الرضي في هذا الدكان..

تزوج مرتين .. الاولى عام 1942 و رزق ببنت واحدة و الثانية 1956 و له منها بنتان و و لدان
و كان يقيم الخرطوم 2.
و نسبة للثقة التي يتمتع بها فقد عمل وقتا طويلا عضوا بمجلس قضاة الخرطوم المدنى .

شعره:

انشد الشعر في بداية العشرينات حين قدومه من بلدته كبوشية ....
حيث تكفل به ابراهيم العبادى و امده بانتاج شعراء الدوباى امثال جقود و سلطان العاشقين
و بدرى كما اصلح من شأن تجاربه الاولى.
و لم ينظم العمرابى شيئا في الطنمبور لان أغانى الحقيبة كانت قد بدأت فعلا .

و لم يجابه معارضة من والده كما حدث مع عمر البنا و العمرى و عبيد بخصوص اتجاهه إلى الشعر الغنائى
و مصاحبته للمغنيين و الشعراء.
حيث قال والده عندما اشتكى بعضهم من ذلك
" أولا انا ما عندى ولد سفيه، ثانيا الشبان ديل قدره و اولاد ناس مثله" .

و وجد صعوبة في المنافسة مع شعراء الحقيبة الكبار في ذلك الوقت
و لكن في النهاية.

في عام 1923 تمكن بمعاونة العبادى من قراءة اغنية "غردة" على سرور الذي اعجب بها فلحنها و غناها
و تعتبر اول اغنية تغنى بها سرور للعمرابى.
و كانت هذه اولى خطواته و هي تتكون من 11 بيتا جميعها تلتزم اللزوميات.

القمارى الغردن:
شوف القمارى الغردن *** لى نومى شالن شــــــردن
يا حليل غصينات اللدن *** في قلبى ساكنات خلــدن
نار الفراق حارقة البدن *** و افكارى كم كم كابـــدن
يا حليل نغيمات اللجن *** و البسمة من فاه ام عجن
تذكارها بى زاد الشجن *** و افكارى ضلن ما نجـــن
ليلات و كان فيهن مناى *** ما تم لى بالمر هنــــــاى
جار الزمن ردف عناى *** طال البعاد و ازداد ضنـاى
عذالى قالوا لى تعال *** نهديك بطل دى الفعــــــــــال
زادو لى نيران اشتعال *** قتيلهم الحب عندى عــــال
منى السلام يغشى ام بها *** عد ما يزيد بى حبـــــها
مودوعة منى لربها تحفظ *** عذول لا يسبهــــــــــــا

و لقد غنى له سرور أيضا "خمرة هواك يا مى" و "العيلفون جنة عدن"

ثم غنى له عبد الله الماحى "العيلفون جنة عدن" و "يا عزة يكفى البى حصل"
و التي غناها أيضا الفنان حسن الامين و غنى له اولاد برى "زينة البها و معنى الجمال" التي لحنها ود الماحى.
و غنى له ميرغنى المأمون و احمد حسن جمعة الكثير من الاغانى منها "انعشنى نسام الصبا" في عام 1962
و كذلك اغنيتى "في الحفل البهيج" و "سافر حبيب الروح" في عام 1972
و كذلك تغنى له على ابو الجود و ود الجديد و احمد الجابرى و الطيب عبد الله وغيرهم.

اما الفنان الكبير كرومة فلم يغنى للعمرابى سوى اغرودته "هب النسيم جاب لى طيب" .

و لانشغال العمرابى بعمله و اصدقائه و حضور الحفلات الغنائية نجده غير مكثر في انتاجه
بل توقف حلال الثلاثينات و الاربعينات و عاد إلى الانتاج في الستينات.

من أولى بداياته في الدوباى :

ما سكبت دموع عين المحب من هيّن *** العاشق موله و للفرص متحيـــــن
لاتعنف تظنه خليع و ما متدين *** جادل بالتى قول ليه قولا ليــــــــــــــــــن
نصحك يجى تبقى نجحت في انقاذه *** من وسواس و من خناس قفلت نفاذه
سر الحب مطلسم لو تحل الغازه *** تسعد باللقا و الحاسدين يتغاظــــــــــــو
نيران الغرام جوه الفؤاد وجاجه *** و العين ساهرة تذرف للدمع ثجاجـــــــه
العاشق تضيق بكل الارض فجاجه *** تسعى اقدامه لى سوح الحبيب دجّاجــة

وشعره ملئ بالحزن والألم والأسى لان العادات والتقاليد في ذلك الوقت تحرمهم من رؤية المحبوب
لذلك يقضون كل أوقاتهم سهرا وسهادا...
وهاهو في بدايته الشعرية ينصح الناس بعدم لوم العشاق..... وإحسان الظن بهم
ما سكبت دموع عين المحب من هين
العاشق موله وللفرص متحيــــــــــن
لا تعنف تظنه خليع وما متديـــــــــن
جادل بالتي قول ليه قولا ليــــــــــــن

و لقد كان دكانه ملتقى الشعراء مثل العبادى و ود الرضى صديقه العزيز
و شهد محله مولد الكثير من الاغنيات المشهورة منها "من الاسكلا وحلا"التي طلبها سرور من ود الرضى
و سلمها له بعد ود الرضى بعد ساعات قليلة .

و قد حفظ العمرابى كثيرا من شعر ود الرضى و لكنه لم يتأثر به و القصة الطريفة التي رويناها في ترجمة ود الرضى
تبين عمق الصلة بينهم حينما زار العبادى و العمرابى ود الرضى في قريته ام ضو بان لعلة المت به
فما أن رآهما قادمين لزيارته حتى قام و أخذ يعرض مخاطبا اهله
" اهلى.. اهلى .. جوا .. انتوا قايلين ما عندى اهل غيركم؟"

من اناشيده الوطنية المعروفة و التي يخاطب بها العيد و غناها له المطرب عبد الله الماحى:
تعود يا عيد مدى الازمان *** على السودان نعيم و أمان

و كذلك نشيده :
نال الشعب كل مناه *** رد قيادته لى أمناه

و نشيد البيعة:

يوم البيعة كان مشهــــــود
قطع الشعب فيه كل العهود
بالتأييد جهاد و جهـــــــــود

خمرة هواك يا مى:
من اغانى العمرابى المشهورة هي أغنية "خمرة هواك"
التي تغنى بها ميرغنى المامون و احمد حسن جمعة و لحنها الحاج محمد احمد سرور
وهى أغنية جيدة السبك حلوة المعاني موسيقية الألفاظ صادقة الأحاسيس ...
وهو يرمز للمحبوب بمي مثله مثل العقاد و الهادى العمرابى ..
ويقول إن التي تذهب اللب والعقل ويسكر منها الشخص هي خمرة هواه وليست خمرة بابل المشهورة
و الشاعر يقصد "بخمرة هواك"
خمرة لماك لكنه تسامى عن ذكر اللمى...
لان شعره اقرب إلى الشعر الصوفي من الشعر العاطفي خاصة وانه تربى في بيئة دينية وصوفية:

خمرة هواك يا مي صافية وجلية *** هي اللاعبة بالألباب لا البابليـــــــــة
كم ليل أنوح سهران والناس خليه *** عيني سهاد ودموع أمست مليـــــه
شاهدي اضطراب ونحول ظاهر علىّ *** راضى وبشوف هجرك اكبر بليه
مي الفؤاد بهواك فاقد شليه *** لو طال جفاك يضيع باقي التليــــــــــــــه
يا تائهه سيبى الجور حلمك علىّ *** ليك منى ما شئت والوجد ليّــــــــــه
أنا لم أزل لهفان وانت الابيه *** سنيتي أن تحيي دائما خبيـــــــــــــــــه
لو فى النساء رسل كنت النبيه *** مابسلي ريدك لا وحياة ابيـــــــــــــــه
الروح تتوق للقاك دايما شهية *** رافض النصح من خل رافض النهيـــة
كلت قواى زفرات وجدى وهية *** اسباب هواى لحظات فاترات وهيــــــة
هاك منى بإخلاص الماسه ديه *** دررا تنافس الدر وأزهار نديـــــــــــــه
هلم روحي إليك يا مي هديه *** كان النبي المعصوم قبل الهديــــــــــــــه
ليك منى الف سلام والفيى تحيه *** تصباك مع النسام بروح سحيـــــــــه
ما قال محب وعلى محبوبه حيا *** وتقر عيونك يا نور المحيــــــــــــــــا

اندب حظى ام آمالى:

من أكثر قصائد احمد حسين العمرابى
حزنا وتشاؤما وألما أغنية اندب حظي أم امالى...
وفيها يحمل الشاعر ضياعه وعدم تحقيق آماله وطموحه في الحياة لسوء حظه وليس الإهمال وعدم الاهتمام
لأنه رجل عرف عنه الحزم والعزم والاجتهاد....

وهنا يظهر تأثير الثقافة السودانية حيث يعزى كل مشاكله للسحر والعمل لذلك يدعو ضارب الرمل ليكشف خيرته
( لسيد خليفة أغنية مشهورة تحمل هذا المعنى وتقول اضرب رملاك يارمالى)
ولكن الأيام لم تبتسم له والهموم تثقل عليه ....

وفى القصيدة أيضا يفتخر العمرابى بأخلاقه الحميدة وسيرته العطرة بين الناس لأنه من أسرة عريقة
ذات حسب ونسب ...ويصف الشاعر حالته من العذاب الذي لم يستطيع تحمله ويتمنى الموت حتى يتخلص من هذه المعاناة القاسية...
وكيف أن قلبه كان خاليا من الوساوس فأصبح مشغولا مهموما...
ويطلب من محبوبته ألا تحزن عليه بعد موته...
ويعود للشاعر في الأبيات الأخيرة بعض من تفاؤله المفقود ويتحدث عن جمال الملهمة ومحاسنها التي يلهج بها لسانه...
وهو لا يخشى الصد والهجران ومع ذلك كتوم في حبه لا يصرح به لولا الدموع التي تفضحه دائما )
حبك كاتمه زاد انحالى من فرطه الدموع فاضحالى) وهذا المعنى سبقه فيه محمد على عثمان بدري في أغنية مرضان باكي فاقد
(دمعي إذا طريتك بين الناس فضحنى)....
ويعزى الشاعر سبب شقائه وتغير أحواله هو جمال الحبيب الذي لايستطيع أن يناله قلبه ....
وبؤسه وألمه وحزنه جعل عدوه يعطف عليه خاصة والدموع تتساقط من عيونه ينابيعا.....
أغنية مليئة بالأحاسيس والمشاعر الصادقة بالإضافة أنها متماسكة و رقيقة الألفاظ...
التزم الشاعر فيها لزوم ما لا يلزم حيث تتكون القافية من أربعة أحرف مما يدل على شاعريته وتمكنه من اللغة ...

تغنى بهذه القصيدة الفنان عبدا لله الماحي
كما سجلها للإذاعة الثنائي ميرغنى المأمون واحمد حسن جمعه
وكذلك غناها الفنان المبدع الطيب عبدا لله ولم يكن اختياره لهذه الأغنية جزافا وإنما لأنه وجد فيها نفسه
وحياته وآلامه وأحزانه وتجربته التي عاشها والتي عبر عنها شعرا في أغانيه الحزينة :[/color]

اندب حظي أم امالى.....دهري قصدني مالو ومالــــــــــــي

شوف الخيره يارمالى....أظن كاتبني عن عمالـــــــــــــــي
عارض يعترض اعمالى.....أبنى وأملى ما تمالـــــــــــــــي

لا تقول ضعت من اهمالى ...أنا عامل الحزم رأس مالــــــي
بس ايامى ما با سمالى..........همومي الزايدة متقاسمالــى

بين الناس حميدة افعالى..........أصلى من الجناب العالـــي
حبك وحبي مانافعالى................يوم ينعوني لا تنعالــى

قلبي المن الوساوس خالي............اليوم انشغل ياخالــى
لو كان في اللحد ادخالى.............أحلى من العذاب ياخالى

دوام آيات محاسنك تالي...........زيد في هجري لا ترتالى
مقسم عن هواك ما تالي.......... طرفك بالهلاك أفتى لــي

حبك كاتمه زاد انحالى.......من فرطه الدموع فاضحالـــــى
الشاقنى ومغير حالي.............حسنك واللهيج الحالــــي

هاك شكواي لو تصغالى...............العدو حن لي رقالى
سهران والدموع راشقالى.........وحياة حبي ليك يا غالى

خمرة هواك- العمرابي

خمرة هواك يا مي صافية وجلية
هي اللاعبة بالألباب لا البابلية
***
كم ليل أنوح سهران والناس خليه
يني سهاد ودموع أمست مليه
شاهدي اضطراب ونحول ظاهر علىّة
راضى وبشوف هجرك اكبر بليه
***
مي الفؤاد بهواك فاقد شليه
لو طال جفاك يضيع باقي التليه
يا تائهه سيبى الجور حلمك علىّ
ليك منى ما شئت والوجد ليّه
***
أنا لم أزل لهفان وانت الابيه
سنيتي أن تحيي دائما خبيه
لو فى النساء رسل كنت النبيه
مابسلي ريدك لا وحياة ابيه
***
هاك منى بإخلاص الماسه ديه
دررا تنافس الدر وأزهار نديه
هلم روحي إليك يا مي هديه
كان النبي المعصوم قبل الهديه
***
ليك منى الف سلام والفيى تحيه
تصباك مع النسام بروح سحيه
ما قال محب وعلى محبوبه حيا
وتقر عيونك يا نور المحيا

اندب حظي أم امالى دهري قصدني مالو ومالي

شوف الخيره يارمالى أظن كاتبني عند عمالي
عارض يعترض اعمالى أبنى وأملى ما تمالي

لا تقول ضعت من اهمالى أنا عامل الحزم رأس مالي
بس ايامى ما باسمالى همومي الزايدة متقاسمالى

بين الناس حميدة افعالى أصلى من الجناب العالي
حبك وحبي مانافعالى يوم ينعوني لا تنعالى

قلبي المن الوساوس خالي اليوم انشغل ياخالى
لو كان في اللحد ادخالى أحلى من العذاب ياخالى

دوام آيات محاسنك تالي زيد في هجري لا ترتالى
مقسم عن هواك ما سالى طرفك بالهلاك أفتى لي

حبك كاتمه زاد انحالى من فرطه الدموع فاضحالى
الشاقنى و مغير حالي حسنك واللهيج الحالي

هاك شكواي لو تصغالى العدو حن لي رقا لى
سهران والدموع راشقالى و حياة حبي ليك يا غالى

مع شاعر الحقيبة والفن الحديث / الجاغريو

ونحن نسعى للتوثيق لشعراء الحقيبة كان لابد من لنا من
التعريج قليلا لشاعر من روادها أشتهر بعذوبة المفردة فكان
شاعرا ًوملحنا ًومغنيا ً

الشاعر الكبير أحمد محمد الشيخ
(اللجاغريو )
فى جلسة صفاء يحكى عن الشاعر.

إنه في قرية الدبيبة الوادعة تستقبل صراخ ذاك الصغير فى عام 1910
لم تكن تعلم أن هذا الصراخ سيتدفق شعراً رقيقا ً عذباً وقويا
ويبدأ الصبى أولى خطواته بخلوة الفكى الأمين بالدبيبة ثم
هاهو يكتب أسمة لأول مرة أحمد محمد الشيخ (الجاغريو )
وتمضى الأيام وينتقل الصغير ذو الصوت العذب مع أهلة الى
موطنة الأصلى فى العيلفون وهو لم يتجاوز الخامسة بعد
وكغيرة من أحفاد الشيخ ادريس بن الأرباب ينتسب الى
الخلوة والتى كانت هى مصدر العلم والتعلم آنذاك.

وكانت العيلفون لما حولها من القرى بمثابة (أم القرى) لما لها
من مركز دينى وثقافى كما أشار الى ذلك مستر جاكسون
فى كتابة sudan notes and records فى عام 1916 ثم ظهر
تأثير التعليم الدينى فى القرى المنتشرة.
وكان أثر الخلوة واضحا فى حياة الناس حيث تأثر شاعرنا فى
الفاظة ببعض العبارات والأفكار الصوفية واستخدما فى اشعارة.

الصبى ينشد شعرا
كتب الشعر منذ صغره بصورة عفوية ولم يكن صانعا لة بل
كان يتدفق من لسانة بكل وقت وفى كل المناسبات وحتى
فى ملحة وبيت رفقائة وهاهو يعود من الخلوة حاملا اللوح
والدواية داخل حقيبة القماش يشكو ألما ًفى عنقة فأمسكت
بة أمراة بصيره وبدأت تدلك له عنقة حتى خف الألم فكان أن
نقدها من الشعر ما ظل عالقا حتى الآن :-
وقفت بالشمال لفحت تِويبه ومايسه
بسمت وفى وريدى بالأنامل دايسة
أديبة حشِيمة ما قالولها تُب الكايسة
أنظر فيها شوف سيقانها كيف مُتقايسة

جاءت تلك الأبيات على نسق الدوبيت والذى برع فية الجاغريو

عبدت الطاولة الكنزى أب دقن خاويتو
عملت هواك ضريح يا زهرة وإتحويتو
يا توماتا أنا فى حالى شن سويتو
قالن لى البيازاك أنت لى شنو هويتو

وتناقل الناس من حولة ماجادت بة قريحتة من شعر جميل
فى المناسبات العامة والإخوانيات والطُرف والمُلح وكان
المجتمع من حول الشاعر ذواقا ًللشعر ومقدراً لصاحبة
محافظا على تقاليدة وعفافة وهاهو شاعرنا يلحظ فتاتة
فى صدفة نادرة وينظم:

هدا أهو دا
حبيب روحى انا شفته
سهيت خيالو طافنى
وانتبهت شفتو شافنى
شافنى ساهى
شفتو واقل عنقو باهى
شفتو مايس غصنه زاهى
أهو الحياء وهنا الحى الأنا طفته

أو يغنى

صادفنى الحبيب بى حِشمة سالمنى
تركنى أميل ثملان ليهو قلبى سلمتو
بى سهامه ألمنى وأبى ما يكلمنى
فى هواة ظالمنى وأنابرضو مالمته

سافر مع أسرتة وأستقر ببرى ثم عادت الأسرة مرة أخرى الى
العيلفون وعمل فى نهاية العشرينات فى الخرطوم فى الأعمال
الحرة وسافر الى كوستى وعمل ببحرى ووادى سيدنا
وكان يلتقط الاوراق من الطريق ويكتب فيها ماورد بخاطرة من
شعر حتى قال عنة اهل برى لو وجد الجاغريو حجرا ًورفعة
لكتب علية أبياتا وكان لماحاً يثيرة كل ما حولة وأصبح الفتى
شابا يافعا يبحث عن الثقافة والأدب والفكر ويشغل بالة ما
يشغل جيله من أحوال السياسة والوطن .

الشعر الغنائى عند الجاغريو
امتاز شهرة الغنائى بالسهولة وقربة من المستمع إذ كان يلتقط
من المناظر والأسماء والأحداث وليدة اللحظة وإمتاز بسرعة
البديهة والتأليف السريع واللحن الخفيف الحديث وكان مما يذكر
عنه أنه يؤلف اثناء الحفل ويصوغ الكلمات مع الألحان والأداء
فى آن واحد والكورس يتابعة حتى نهاية الفاصل
ومثال لذلك :

يا رايع جفيتنى وأنا ضايع تعال لى
أو
التبرى وجمروه النار انطفتلو
طالع فى الهجيرة والشمس اختفتلو
أو
الحجروك حبى وعملو السبب حبى
كيف ينزعو الصورة المرسومة فى قلبى

التقى بالفنان كرومة وكان صوت الجاغريو لايقل عذوبة عن صوت
كرومة وإمتاز الجاغريو بطول النفس حتى قال من يعرفة أنة
عندما يغنيان سويا كان كرومة ينتظر الجاغريو لطول المد فى
صوتة وكان كرومه يحب صوتة جدا.

إمتازشعراء تلك الفترة بأنهم متعددو المواهب فكان الشاعر
ملحنا ًومغنيا ً أيضا وكان الجاغريو شاعرا ًوملحنا ًومغنيا ًوكان
ممن عاصروه أبو صلاح ومحمد ود الرضى وعبد الرحمن الريح
وسيد عبد العزيز .

ومن الفنانين كرومة وسرور وعبد الله الماحى والأمين برهان
وعبد الله الريح وعمر البنا وغيرهم.

وكانت كلماته منتقاة بدقة مع سرعة التأليف ويحس المستمع
أنة لابديل لها:

حاولت أنساك وقلبى زاد فى جروحه
ورينى كيف الحى بيودع روحه
ورينى كيف أسلاك انا حرت فى أمرى
سجلت ليك حبى ووهبت ليك عمرى

أو

بالله يالعندليب أنعشنى وخليك قريب
اسمعنى لحن الهوى
صوتك يضاعف الهنا اصدح وخليك هنا
أنت الصديق وأنت السمير
أنت ما بتخون الضمير
من كؤوس الحب أسقنا وعلم الأزهار الغُنا

شعر وسياسة
كما أن ثقافتة الأدبية الكبيره الناتجه عن علاقتة وصداقتة للأدباء
والساسه فى ذلك الزمان قد ظهرت فى شعرة فقد كان شاعرا
للمركز العام فى الحزب الوطنى الإتحادى حيث أنشد فى مؤتمر
الخريجين فى عام 1938 قولة:

اللإنكسر السلم بعد ما طلعنا
وما خايفين من السما ينفتح يبلعنا
والزراعنا غير الله اليجى يقلعنا

وكان من السياسين المحبين للوطن وقد صحب الأزهرى طوال
حياتة وكان لايفارق أعضاء الحزب خاصة الشريف حسين الهندى
وحسن عوض الله ويحى الفضلى وعبد الماجد أبو حسبو .

كتب الكثير من القصائد الوطنية التى لم يتطرق لها النقاد والإعلام
كثيرا وظهرشعرة السياسى فى مناسبات الحزب العامية وفى
المناسبات الوطنيه وأشتهر الكثير منها :

نحنا صغيرنا عندو حياتو ما همية
فى زمن الحرب واحد بيازن المية
نحنا أرواحنا يفدن ناس سعاد وصفية
ونحن اللى وطنا وعودنا ديمة وفية
نحن أولاد بلد تعقد نقوم على كيفنا
فى لقى فى عدم دايما مخرف صيفنا
نحن أب خُرس بنملاه وبنكرم ضيفنا
نحن فى رقاب الناس مجرب سيفنا

وزار كل قرى السودان وأسمعها صوتة وتغنى لها وأنشدها من
كلماته ، وقد ظهرت كلمات فى شعرة من خارج البيئة ولم تكن
مألوفة فى وقته ودلت على ثقافتة الواسعة.

حبيب روحى اهديلى من عنبك أديلى
يا فلايكى عديلى انا نسيت مناديلى

او

إية غرام قيس لى غرامى
واية جمال ليلى لجمالو

وامتاز شعر الجاغريو بالحركة والتصوير ويحس ذلك فى كثير
من قصائده ففى قصيدة سميرى تحس بالرؤيا والحركة
التصويرية واضحة:

هديلك جن تلاتة اعرفو تومتى ياته
انظر شوف حلاتا الظهرت بى غلاتا
الناعسات كاحلاتا انا دستورى نازل
فى الخرطوم تلاتة
وفى قصيدته
اسمر لونه لادن جسمو يزدرى بالبروق فر بسمو
احب القاه واتمناه يسمع منى معنى غناة
لو بسهامو قلبى يقسمو ما بقدر ابوح بى اسمو

الاخوانيات
فى قصيدة يمدح فيها صديقة الشيخ محمد صديق طلحة
ناظر البطاحين:

البطحانى معروف ما بتزحو الدفرة
ما بتلافى فق ضهر البقود بالقفرة
قول لعدوه لو للاخرة ناوى السفره
حمر فيهو وامشى براك سوى الحفرة

وفى تحية ناظر الشكرية الشيخ محمد احمد ابو سن

يا شيخ العرب رايك سديد ومحنك
وان سالوك ما بتتسهى تنقر سنك

وذم الخمر فقال

تتهيج من النيران تفور تدشُر
وتلعب بالعقول ماتخلى فيها عُشر
كل يوم للحوادث فى الوجود تنشُر
لوشربك جرف ماأظنو عِرقو بشُر
وقال فى مدح المصطفى
يا صفوة البارى ليك الامم زارت
كيف معجزاتك توصف عقولنا احتارت
بظهورك الاديان دون ملتك غارت
يا خير خلق الله الفيك السير سارت
لولاك مافى جنان ولاخمدت الفارت
والنيرين لولاك يالهادى ما اتبارت

توفى وفى جبية قصيدة للاستقلال فى يوم 1/1/1969
ولم يشكو علة قط.
رثاة إسماعيل حسن بقصيدة طويلة .

وزى ما قلت
كان
ناس احمد الطيبين وفنانين
حروف منحوته فوق لوح القدر قاعدين
يغنوا الليل ... يهجموا الليل
ونسمع صوتو شاقى الليل
يقول يا ليل (يارايع جفيتنى وأنا ضايع تعال لى)
الى أن يقول
وهبت ريح من المجهول
وشالت أحمد المعروف
وما مجهول
فروع وأصول ......شن بنقول
وشن بنقول
ورثاه عكير الدامر
إنكسر الحسام البى الأدب مزدان
إندك الجبل فوق البعيد والدان
إنسلبت عقول وإنشلت الأبدان
رقد فارس البصهلن كوكب الميدان
سيف الهزه ظاهر ما بدورلو بيان
وعرق العزة لو مات تلقى ليهو ليان
جاغريو إسمو ما بموت بالشعر رويان
شعر كل المعانى الضاربة فى المليان
وقال زغبير عبد الماجد
فرقك حار على أصبحت فاقدك حاير
يا قشاش دموع اللى وضيبة بضاير
ضربك بكسر الخوده وبصد الغاير
يا صداد ملاقاة العجاجن طاير
الى أن يقول
قلبى فقدته باكى عليك كتر زلزيله
وسهران طرفى حاس مانام نهارو وليلة
السبب الألمنى وجسمى كسر حيلة
شاعر السمحة أحمد مات رحل يا حليلة

تغنى للجاغيرو العديد من الفنانين على رأسهم كرومة
وأحمد المصطفى ومبارك حسن بركات وسيد خليفة
وخلف الله حمد وبادى محمد الطيب وأثرى الساحة
الغنائية بالعديد من الأغنيات الخالدة

اشعار الجاغريو

الجاغريو «أب نفلين»
الجاغريو «أسال عيونك عن أسباب هواي»
الجاغريو «أسمر لونه»
الجاغريو «الأباح دمي كتر همي وين حبيبي يا ناس»
الجاغريو «التبري المجمر»
الجاغريو «الجاغريو ... يحاكم البحر»
الجاغريو «الحجروك حبي وعملو السبب حبي»
الجاغريو «الخيل في جنح الدباس الخيل في جنح الدباس»
الجاغريو «الريد عتاني متين نتلاقي»
الجاغريو «العندليب»
الجاغريو «الفتان حبه شغل بالي»
الجاغريو «المرسوم في ضميري وين .. سميري»
الجاغريو «آه من اهات قلبي الابتلوه»
الجاغريو «أوصف خدوده ولا أوصف عيونه»
الجاغريو «بالله يا زهر الندي»
الجاغريو «بنوت الزمن»
الجاغريو «بهدلني حبك يا أم خدود»
الجاغريو «بهواك يا حبيبي وما بعيش براك»
الجاغريو «بي هواكم ابتلينا»
الجاغريو «تمت الأفراح»
الجاغريو «حاولت أنساك وقلبي زاد في جروحه»
الجاغريو «حائر في هواك هائم إنت راتع»
الجاغريو «حبيبي أنا»
الجاغريو «حوريات تلاتة»
الجاغريو «خفيف الروح»
الجاغريو «زهوري اليانعة»
الجاغريو «سبب تسمية الشاعر الجاغريو بهذا الاسم»
الجاغريو «ست الحسان»
الجاغريو «سيدة شباب الكون ومدينة أحلامي»
الجاغريو «شلوخ أم سيوف»
الجاغريو «صادفني الحبيب بي حشمة سالمني»
الجاغريو «صباح الفل صابحني خديده»
الجاغريو «طار قلبى وقال ماهو عايد»
الجاغريو «طلع بدرك سافر شفته»
الجاغريو «عيونك ضيعت عمري»
الجاغريو «غرام قيس»
الجاغريو «فارقني حيرت بلال الدوح»
الجاغريو «فايتني يا تومي أنا السهران كمل نومي»
الجاغريو «في ربوع بحري لاقيته بسم حياني حيتو»
الجاغريو «فيضان النيل»
الجاغريو «كل شئ يا حبيب جميل»
الجاغريو «للميدان مارقين سوا»
الجاغريو «مرثية الطاقية»
الجاغريو «منديلي ضاع مني»
الجاغريو «نخل الريد»
الجاغريو «هجروني إيه ذنبي»
الجاغريو «هجروني»
الجاغريو «هويتك»
الجاغريو «يا أحبابي دلوني والله العظيم حبيته»
الجاغريو «يا السادة الميني عن ريده كلميني»
الجاغريو «يا جاهل نفورك»
الجاغريو «يا حبيبي أنا فرحان»
الجاغريو «يا عيوني إنتو خفتو»
الجاغريو «يا قلبي وين سمرك وحبيبك الامرك»

من اين جاء لقب الجاغريو للشاعر والملحن والمغني الراحل أحمد محمد الشيخ رحمه الله،

الذي تغنى له الكثير من الفنانين أمثال كرومة واحمد المصطفى وسيد خليفة وخلف الله حمد ..

يقال ان شاعرنا كان معجب بممثل امريكى (COWBOY) كاو بوي يدعى جاك ريو "Jake Rewo"

وكان كلما اتى الى مجلس يقول:Hands up .. am Jake Rewo وكان يرددها كثيرا ..
فكان اقرانة يقولون من باب التندر، جاك ريو جاء وجاك ريو راح، واستمر الحال هكذا الى ان اصبحت جاغريو بكثرة التداول هذه هي الرواية،

وقد اثبتت صحة الروايه في لقاء اذاعي في برنامج كان يقدمة الاذاعي اللامع والمعروف محمد خوجلي صالحين في حلقة اذيعت عام 1962م،
التقى فيها بالشاعر الراحل أحمد محمد الشيخ "الجاغريو" رحمه الله ,

سأل الاستاذ محمد خوجلي صالحين الشاعر الجاغريو في مستهل الحلقة عن سبب تلقيبه ب "الجاغريو"

فكان جوابه كما يلي:

"كنا مجموعة من أبناء القرية ساكنين في الخرطوم في فريق اسمه الترس وكانت هنالك قصة خرافية بطلها اسمه "جيك ريو"

وسمينا الاسم دا لي واحد اخونا اسمه حسن مضوي ،
شالناهو منو وسمينا بيهو واحد تاني اسمو محجوب
وشالوهو من محجوب وسموني بيه أنا ..

في البداية زعلت ولكن اخيرا اصبحت افتخر به واقول انا جيك ريو،
واضاف الشاعر الجاغريو ان ذلك كان في عام 1933م" .

الحجروك حبـــــــــــي وعملو السبب حبـــــي
كيف تنزع الصــــورة المرسومة في قلبـــــي

بافرحي وهنــــــــــاي يابهجتي وطبــــــــي
فيك املي ومنــــــــاي فيك بجيد غنــــــــاي
مابعشق ســــــــــواك وليه مني مخبـــــــي

انا لي فيك غايــــــــه هي منيتي وكسبـــــي
من صدك كفايــــــــه وكيف يرضيك جـفاي
يالحسنك حــــــــواك بحبك وحات ربــــــي
********
يانيراني زيــــــــــدي يامهجتي التهبـــــــي
انا صبحي ومســـاي في عل وعســــــــاي
لو في الطيـــف اراك ياللي البدور تسبـــي

يالبيك انتشـــــــــاي ولجنك يزيد طربــــي
لاتهمك اســــــــــاي وما تسمع وشايـــــه
حاكمني في ضــراك وريني ايـــــــه ذنبي

ايه يعني المــــرايه مع خدك الذهبــــــــي
انا من دون درايــه اهتف بيك بـــــــــراي
قـــــــدامي ووراي حبك اعلن حــــــربي

يالغصنك ثنـــــــاك وكيف من هواك سلبـي
فيك واضع ثنــــايا وفي لحاظك فنــــــــــايا
فيك نزلت عنايـــه جاغريو عمره مجبــــي

تغني بهذه الاغنية الاخ الفنان محجوب شنيبو في بدايات حياته الفنية - له مني التحية

صادفني الحـــــبيب بي حشمه سالمني
تركني اميل ثمــلان ليه قـــلبي سلمته

بـي سهامه المــني وابي ما يكالمــــني
في هواه ظالمـــني وانا برضه سالمته

فردوسه في ذهني وطهره المنزهنـــي
واجهته واجهنــي وبي عواطفي كلــمته

بي ضميره كاشفنــي وهدم املي نشفنــي
سبأ عمري كاد يفني وانا مغمي ما علمته

انا ريده بادلنـــــــي وهو العاطفه بادلنــي
لكنه بهدلنــــــــــي قال لي حظك وقسمته

وهذه ايضا تغني بها الاخ محجوب كبوشية

بهدلني حبك ياام خــــــــدود غصنك رطب مايح لـــــــدود
انا صبري راح فاق الحـدود غيثني يا عريقة الجـــــــدود

ياحبيبي اهـ لي متين تجـود بالزوره والعالم هجــــــــود
جود ياحبيب المهجه جـــود جود بالوصال اهـ لو تجـود

جيش الغرام جبار عنــــــود كل يوم مطلع لي بنـــــــــود
لي هلاكي طلع لي جنـــــود وانت لاهي في نضيمك تنود

انا بيكي مضني ولي شهود خديك ورمان النهــــــــــــود
انا في غرامك لي عهــــود وقلبك علي قلب اليهـــــــود

ظبية وخديداتك اســـــــــال في الدنيا قط ما ليك مثـــــال
اهـ يا 80 فيك خصــــــــال كل ما طرينتي دمعي ســـــال

لي ام درمان نوت الذهـاب من النويح صابني التهــــاب
فراقك احر من الشهـــــاب والحكمه وصلك لي رهـــاب

لي لماك مالقيت لي دليــل ياحبيبه جافني الخليـــــــــل
محبوبك الراقد عليــــــــل غيثه يا ام حلما قليـــــــــــل

صباح الفل صابحني خديـــــده
فرح قلبي وجماله مافي نديـده

تلالا نوره وشفته طالع بــدره
خطف قلبي واحتجب في خدره
ياعـــزال بالعلـــي مابــــتدروا

تركني معني نفور قاسي مابتصده اعنه
جماله اسرني حبيبي الله يزيده

انا الولهان ليك انوح واغني
بعادك حار بيه لاتشغلنــــــي
اوضح ليك حبــــي ليك لانــي

احب الحب تبقـــــي فيه صـراحه وفيه يحب التــــعب والراحـــــه
بحب محبوبي ومابحب بقليده

انا التعبان وانت روحك راسيــــــه
شفاي وهناي في حدائق اسيـــــــا
انوح لي لماك وانت شوفتك قاسيه
واقول ياليت لو خيالك طافني وشال عيني شاف جمالك وشافني

يحن قلبه وايدي تلمس ايده

يا حبيبــــي انا فرحـــان فرحــــــــــــان بيـــــــــــك

اداء الفنان/العميد احمد المصطفي

ياريت يـــــدوم هنانـــــــــا

ياحبيبي الحب سقانـــــا كاسات الهنا في ملتقانـــا
نســــــــانا الهمــــــــوم وطفالنـــــا السمــــــــــوم

خلانا نشوانين نتمايل برانا

ياحبيبي بــــي انا داري يوم الفراق حتم وجـاري
لــــــو مـــا بســــــمتك زانـــت رسمــــــــــــــتك

ماكان انا وقلبي اتعالج اسانا

ياحبيبي زور هلا عيدك واكتبني في الحب سعيدك
انــــــا عاشـــــــق وفـي وفي هـــــواك مخــــــتفي

وافيك ووافيني نحرس وفانا

[b]هجرونــــي هجرونـــــي / الجاغريو--احمد المصطفي[/b]

هجرونــي ايـــه ذنبــــــــي

هجروني ليه يامــــــــلك هجروني وبغير عليــــــــك
حسدوني في حبي ليـــك رازوني قطعوا الســــــــلك

هجروني جسمي انهـزل هجروني دمعي النــــــــزل
حسدوني واشي وعـزل مابخلي فيك الغــــــــــــزل

يالعالي في مستــــــواك هجروني ما بطيق نـــواك
عرفوني مابريد ســواك منعوني اعيد هــــــــــواك

ياحليل ليالي السمـــــــر في الشاطئ قرب النهــــر
تلهي وتداعب الزهـــــر بهواك طول الدهــــــــــــر

ياروحي روقي اكرسـي ياعواطفي اهدي وارســي
ياحبيبتي نقر جرســــي دايراني اشوف درســـــي

يادنيا جيناك ســـــــوي نشكو الغرام والنـــــــوي
مافيش لزوم للحيـــــاه لو تخلو من الهــــــــــوي

بالله يالعندلـــــــــــــــــــيب انعشني وخليك قــــــريب
اسمعني لحن الهــوي
صوتك يضاعف الهنـــــــا انعشني وخليك هنــــــــــا
انت الصديق والسمير
انت مابتخون الضمير

من دنان الحب اسقينـــــــا وعلم الازهار الغنــــــــــاء
في الغرام شيدنا البنـــــــاء وعشنا في محراب حبنـــا
وعفافنا كان الاميــــــر
بشذي المحبوب منغمر

حرمنا يا اخوي غبنـــــــا نحيا ونموت في حبنــــــا
ناديات خدودو توجنــــــا فطره وطبيعه معجنـــــــه
تجبر القلب الكسيـــــر
وتسبي لي عزة وكثير

رايقه ومعكره دمنــــــــا ومن كل ريبه مؤمنـــــه
بسماتها تطفي لي سمنــا ونظراتها تفرج لي همنا
انا دمعي فائض منهمل
في هواك لامن اندمــر

في هواك روحي ملجنــه شئ ينسي الروح والجنا
غصنه لادن مال واتنــي ونظراته ياخوي مفتنـــه
لادن اطري من الحرير
ناعم لطيف هادي وغرير
اهـ يالصديق لو طفتنــــا وشفت اندماجنا وشفتنا

ياالساده المينــــــــــــــي عن ريده كلمينــــــــــــــي/ الجاغريو--احمد المصطفي

ياالساده بكل صــــــراح من نظرتك انا عقلي الراح
فيك بعشق الانشـــــراح شفي قلبي بعد الجــــــراح

شادن ربيب البـــــــــطر في فؤادي ريده انســـــطر
اغراه صوت الوتــــــــر ياحبيب بقيت في خطـــــر

ياسميري شوف صقلتـه مع فدعته ونقلتـــــــــــــه
في الوقفه شوف وقلتـه واحذر سهام ومقلتـــــــه

غاب العزول المريـــــب ياحبيبي جيتك قريـــــــب
من قبل ما ننطـــــــــرب حصل الشعور الغريــــــب

ياحبيبي الفؤاد حــــرق قوماك ليل ننســـــــــــــرق
نكشف الطريق بالبـرق تاني لحظه ما بنفــــــترق

بسمت زهور الرمــــال مزجت نسيم الشمـــــــال
اتني بصديره مــــــــال ياجميل يا رمز الجمـــال

ايضا تغني بها الاخ محجوب كبوشية

بي هواكم ابتلينــــــــــــــا يالنفور حن علينـــــا/ الجاغريو--احمد المصطفي

ليلة لقاه مــــــــــــــــروح بيه الفؤاد مجـــــروح
وضح لي ياعصـــــــــفور كيفن وداع الـــــــروح

نافر ضربت خـــــــــــلاك يتحفظك مـــــــــــولاك
انا ما بطــــيق بعـــــــدك كيف استطيع اســـلاك

ياسيده افكـــــــــــــــاري هاك روحي تزكــــاري
اسمك يا سيد الكـــــــــل ورسمك يزيد نــــــاري

البيه نار الكـــــــــــــون بيه الفؤاد ممكــــــون
اكسر لي اول حرفــــــه والميم عليها سكــــون

مين في الوجود يسواك يالطال علي نـــــــواك
سهران اقيم الليـــــــــل وكل السبب بهــــــــواك

سبتيني رغم عــــــداك زهرة ربيع في نــــداك
لو في رضاك موتـــــي دمي العزيز يفــــــــداك

طير ياحمام زجلــــــي للاعين النجـــــــــــــــل
بلغ تحياتـــــــــــــــــي قبال يتم اجلــــــــــــــي

ليك البدور اعــــــوان من دون خمر نشـــوان
هارب من الجنــــــات يوما غفل رضــــــــوان

الشاعر / خليل فرح

كتب فرح خليل فرح

ولد خليل فرح بقرية دبروسة مركز حلفا وكان عام 1894م
نشأ وترعرع فيها وكانت حلفا معبرا لدخول العلماء والمهندسين وجميع المهن المختلفه
وكان يقف على مدخلها آنذاك خليل فرح يشاهد بعينى رأسه تلك الحشود الوافدة من المثقفين
فنال من كل نبع قطرة وأخذ من الثقافات المختلفة التى كانت بمثابة الخميرة

هاجر خليل فرح إلى أمدرمان
حيث أسرة أبيه فدخل كلية غردون التذكارية قسم البرادة الميكانيكية
فوجد صفوة من الطليعة القادمين من الأقاليم الذين التحقوا بالكليات المختلفة
فاختلط بهم وتعرف على ثقافاتهم فكانت له إضافات جديدة.

ثم واصل خليل إطلاعه فى الأدب الجاهلى ووعى إبداعات أدباء مصر
أمثال طه حسين – العقاد – حسن أحمد الزيات
وقرأ مجلاتهم وصحفهم وحفظ من عيون الشعر العربى الكثير
ومما لفت نظره قصيدة عمر بن أبى ربيعه ( أعبدة ما ينسى )
التى لحنها وسجلها مع قصيدة (عزة فى هواك ) فى مصر فى أواخر أيامه بصوته
فكان حدثا هام فى ذلك الوقت الذى كانت الأغانى فيه ممجوجة فأدخل اللحن المميز والموسيقى
والمقدمة التى نسمعها الآن فى (عزة )
ولا أبالغ لو قلت أنها كانت قليلة فى تلك الفترة فترة الثلاثينيات حتى فى الدول العربية المجاورة.

أشتهر خليل فرح داخل الكلية بعمل الشعر فعلم به شعراء أمدرمان
مما حدا بحضور الشاعر محمد على عثمان بدرى إبن عمه وسلطان العاشقين يوسف حسب الله
ومعهم المبتدىء (مركز ) ليختبرا خليل فرح فى هذا المجال.

بدأ المبتدىء مركز والحكمان يراقبان الموقف
بدأ ببيت شعر فرد عليه خليل فرح
ثم كانت الثانية والثالثة والرابعة حتى أقتنع الحكمان فأوقفا المعركة واعترفا له بالشاعرية
ومنحاه الشهادة بذلك .

ومنذ ذلك الوقت سمى بشاعر الحديقة نسبة للميدان المنجل نمرة واحد الذى يقع فى الجزء الشرقى من الجامعة.
وصار خليل فرح يواصلهم ويجتمع بهم حتى استفاد منهم الكثير.

توسع خليل فرح فى علاقاته مع الأدباء والشعراء
وتمكن من ارتياد المنتديات ،
كمنتدى أبر روف ومنتدى الهاشماب ومنتدى الموردة ثم منتدى (دارفور)
لتخرج جل أناشيدة وأغانيه الوطنية منها تباعا ،
وجاءت من ثم جمعية إتحاد الأدباء التى تكونت لجنتها من دار خليل فرح بالخرطوم .

وفى بداية العشرينات اشتد ساعد المناضلين والتحم الشعب بهم وظهرت الأناشيد تغنى فى كل موقع.

ثم كانت المظاهرات العنيفة ومن ثم جاءت جمعية اللواء الأبيض بكوادرها المدنية والعسكرية
ومؤسسها وصانع إسمها الباشمهندس محى الدين جمال أبو سيف وصحبه.

قامت ثورة 1924 م وخرجت الكلية الحربية بمظاهرة قوية
ثم تبعها الثوار بقيادة المناضل الباشمهندس محمد سر الختم الملقب ( بالصائغ )
وهو من اولاد حلفا وهو أول ثائر يدخل السجن .

طالبت الجماهير بوحدة وادى النيل وعلى رأسهم خليل فرح الذى تغنى وقال

من تبينا قمـنــا ربينــا ** ما اتفاسلنا قط فى قليل
دا ود عمى ودا ضريب دمى ** إنت شنو طفيلى دخيل

وقد واجه خليل المستعمر والقصيدة طويلة :
((نحن ونحن الشرف البازخ)) وأردفها ماك غلطان دا هوى الأوطان ثم انفرط زمام الأمن
وانزعج له المسؤولون فبثوا عيونهم بالجواسيس خلف خليل فرح

عاش خليل فرح فترة وجيزة لا تزيد عن التسع عشرة سنة منذ تخرجه عام 1913 م
من الكلية إلى وفاته فى 30/يونيو 1932 م
عاش عيشة الكفاف لا يملك فى هذه الدنيا الا شبرا واحدا فقط فى مقابر أحمد شرفى
ولكنه وجد الكثير من هذا الشعب الوفى وهو من الأوائل الذين كرموا حينما أقاموا له حفل تأبين بنادى الخريجين
والمستعمر قابع بكل قوته وجبروته وعلى رأسهم إسماعيل الأزهرى ،

وقد طبع ابن عمه الأستاذ / حسن عثمان بدرى كتيبا جمع فيه كل الكلمات والمقالات والأشعار التى قيلت فى تلك الليلة ،
وما زال التكريم مستمرا .
وقد جاء تكريم جامعة الخرطوم وطلبة جامعة القاهرة فى عهد الرئيس نميرى
كرم بنيشان العلم الذهبى وأيضا مع ثوار 1924 م
وقد كرم نفسه بنفسه حين قال

من فتيح للخور للمغالق ** ومن علايل ابروف للمزالق
قدلة يا مولاى حافى حالق ** فى الطريق الشاقى الترام

وهذا يدل دلالة واضحة على حبه لأمدرمان
فتغنى بها فى كثير من المواقع الشعرية ، وكان خليل فرح يعشق أماكن منتديات الأدب ولا يتحدث الا نادرا
وكان صبورا وهو يعانى من مرض الدرن
ولم يكن منزعجا وكان على يقين إن وفاته قريبة جدا وقال عن الجلد وعن الصبر:-<
جنّ ليلى وشاب رأسى فما<
كلت ركابى وهمتى للصعود<
أنا والدهر توأمان كما<
أشكو يشكو تجلدى وصمودى<

وخرج ديوان لخليل فرح بتحقيق البروفيسور على المك
بعد جهد جهيد لعدم وجود مصادر فأخذنا الأشعار من أفواه الشعراء والحادبين لإخراج أدبه للوجود
ورغم كل ذلك نحن ما زلنا نحاول جمع ما ضاع للطبعه القادمه ولا بد فى هذه العجاله أن اترحم على البروفيسور على المك
والله يسكنه فسيح جناته فلولا مجهوداته لما رأى ديوان خليل فرح النور علما بأنه طبع بعد وفاة الشاعر بكثير ،

كما أود أن اوضح هنا الأسباب التى دعتنى لكتابة السيرة الذاتية لخليل فرح
وهى شعورى بأن معظم المعجبين يستفسرون عن كيفية نبوغه وبلاغته ومعرفته للفصاحه بهذه المقدرة وهو الآتى من شمال السودان ،
من بلاد العجم ويقينى أنهم سوف يدركون المعنى بعد ما عرفوا مراحل حياته حيث دخل كلية غردون ثم اتصاله بشعراء أمدرمان
وأدباء المنتديات والكم الهائل من السياسيين المتأدبين أمثال
يوسف مصطفى التنى ومحمد أحمد محجوب
وكل ذلك إضافة لا ختلاطه بالأدباء والعلماء ومكتشفى الآثار
حينما كان متواجدا بالبوابة الشمالية بحلفا
حين قدوم الوفود تباعا لداخل السودان من مصر..

فرح خليل فرح 1998م

من اشعار خليل فرح

خليل فرح «أذكر بقعة أم درمان»

خليل فرح «اللهو المباح»
خليل فرح «بدرك يا ربيع فايت عليه جلال»
خليل فرح «بين جناين الشاطئ»
خليل فرح «تم دور وادور»
خليل فرح «خمرية»
خليل فرح «زاهي فرعك نما وسما»
خليل فرح «طويل يا ليل سهادك وياما حكمك جاير»
خليل فرح «طير الودي»
خليل فرح «عزه في هواك »
خليل فرح «فَلَق الصباح قول لي»
خليل فرح «في الضواحى وطرف المداين»
خليل فرح «قمر»
خليل فرح «لم خيل الضل علي الاريل»
خليل فرح «ماهو عارف قدمو المفارق»
خليل فرح «مرثية سري»
خليل فرح «ميل وعَرِّض»
خليل فرح «نحن ونحن الشرف الباذخ»
خليل فرح «هبت نسايم الصيف عشا»
خليل فرح «هجرك يا سعاد مرر علينا حلانا»
خليل فرح «ود مدني»
خليل فرح «يا ليل صباحك مالو»

لم خيل الضل علي الاريل

لم خيل الضل علي الاريل
في مشارعو الصيد ورد قيل
القنيص حين شافن يتخيل
جري دمعو ودمو ساح سيل
انتفض قلبو وخفق ميل
فوق جروح الليل برك شيل
***
حفلن قلنا السما تجلي
والنجم بتضاري في الحلة
الجناين تلدي كل حلة
فيها وردة ونرجسة وفلة
فيهن السلسال شفا الغلة
فيهن العلة ودوا العلة
كلهن متبلمات الا
من لحاظن ارحم الجلة
***
الجمال اتجلي في شفوفن
هو اللي شايل الحنة في كفوفن
جلسن والبهرة في سفوفن
الحرير الاصلي في رفوفن
***
الكنار صاح والغصون مالت
والرياح صنت عقب شالت
العقود فوق الصدور جالت
والعيون زي السيوف صالت

عزة في هواك/ خليل فرح

عزه في هواك ... عزه نحن الجبال
و للبخوض صفاك ... عزه نحن النبال
عزه مابنوم الليل محــــال
و بحسب النجوم فوق الرحال
خلقة الزاد كمل و أنا حاليحال
متين أعود أشوف ظبياتنا الكحال
عزه ما سليت وطن الجمــال
ولاإبتغيت بديل غير الكمــال

و قلبي لي سواك ما شفتوا مال
خذيني باليمين وأنا راقد شمال
عزه ما نسيت جنــة بلال
و ملعب الشباب تحت الظلال
و نحنكالزهور فوق التلال
نتشابي للنجوم و أنا ضافر الهلال
عزه جسمي صار زيالخلال
و حظي في الركاب صابوا الكلال
و قلبي لسه ما عرف الملال
أظنه ودقبيل و كريم الخلال
عزه ما إشتهيت نوم الحجال
و لا السوار بكى في يمينا جال
و عزه في الفريق لي ضيق مجال
قبيلة بت قبيل ملأ الكون رجال

عزهشفتي كيف نهض العيال
جددوا القديم تركوا الخيال
روحك أم سماح سري كالسيال
شجوا الفؤاد حيوا محسور الليال
عزه في الفؤاد سحرك حلال
و نار هواك شفىو تيهك دلال
و دمعي في هواك حلو كالزلال
تزيدى كل يوم عظمه إزداد جلال

عزه في حذا الخرطوم قبال
و عزه من جنان شمبات حبال
و عزه لي ربوعأم در جبال
و عزه في الفؤاد دوا يشفي الوبال

ماهو عارف قدمو المفارق/ خليل فرح

ماهو عارف قدمه المفارق
يا محط آمالي السلام

في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام

يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام

من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام

ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام

يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام

مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان

مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام

في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام

أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام

أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام

يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام

الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
نحن ما مجينا الخصام

يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام

من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام

ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام

خمرية / خليل فرح

دنِّك دمه سايل أظنه مات مفلوق
عبَّق طيبه فاح عسَّف ملانا خلوق
ملوك في دارنا نحن وبره مانا خلوق
نفوسنا نفوس ملايكة ما بتستجير مخلوق
دِر يا ساقي دُون نُدماك علي مطبوق
وصهلِل يا نديم واسمعني مما يروق
زِيم شادي زِيم شنِّف مسامع السوق
وانشد في معاني البابلية وسوق
دع ما قالوا مالك فيها وابن دسوق
كُروم بابل قبيل ساقيتنا ليها تسوق
حاشاك والله لولا حسنك المعشوق
والطرف الغرير ما كان لذيذ ومشوق
كاسَك من سلافة خدك المعشوق
ونغمك من لدانة قدك الممشوق
طفَحْت الكاس تطاير ذي تبر مسحوق
رُقت وراقوا نُدمايَ ورقى الراووق
صافية ورايقة طاب مزجك صبوح وغبوق
ولّه غِبيت أنا ونظرة نديم وعشوق
صفار تبر البراتِي المن صفاك مسروق
مزجت أخلاقي بيهو يذوب ويحلى وأروق
لليل إنْتلَت وفزع النجم مفروق
وانحدرت كواكبه تقول قطن مطروق
وقت الليل برد منه الصبح ملحوق
حياه غير نديم واقعة سيوف ودروق

الشرف الباذخ / خليل فرح

نحن ونحن الشرف الباذخ

دابي الكر شباب النيل

قوم وم كفاك يا نايم

شوف شوف حداك يا لايم

مجدك ولي وشرفك ضل

إمتي تزيد زيادة النيل

نحن نطارد العنزة الفاردة

نحن نزود مشارع النيل

نحن برانا نحمي حمانا

نحن نموت ويحيا النيل

ما بنندس ما بنتوصي

نحن نكيل برانا نشيل

نحن الطينة ومطر العينة

نحن الوادي برقه يشيل

نحن الصولة سيوف الدولة

نحن كنانة اسماعيل

بابه العالي وشرفه الغالي

كان لجدودنا ظله ظليل

يا حكامنا جيبوا البينه

ولا انقرعوا كفوا الشينه

ده ود عمي وده ضريب دمي

انت شنو طفيلي دخيل

يا نزلانا أمرقوا الذمة

كيف ينطاق هوان الأمة

شالوا حقوقنا وزردوا حلقونا

ديل عاوزين دمانا تسيل

من تبينا قمنا ربينا

ما اتفاسلنا قط في قليل

ما فيش تاني مصري سوداني

نحن الكل ولاد النيل

في الضواحى وطرف المداين / خليل فرح

يلا ننظر شفق الصباح

قوموا خلو الضيق في الجناين

شوفوا عز الصيد في العساين

يله نقنص نطرد نعاين

النهار أن حر الكماين

كلبي يا جمجوم أصله خاين

شوفوا كيفن يبرأ الملاين

هب شال وكشح المراح

للقنيص الخيل خف راسن

نحن ما بنخاف من مراسن

المكارم غرقنا ساسن والمجاهل

مين غيرنا ساسن

ان عطشنا نمز مر وآسن

وأن عشقنا بنعشق محاسن

فى المحاسن كفي يومنا راح

في الخميلة انجلت المحاسن

عيني حايرة ومشي قلبي جاسن

بعض حسنك هي يا محاسن

الحرير حين قدميك داسن

والزهور حين شفتيك باسن

والغصون من لدنك مياسن

والنسيم فاح بكر الملاح

يا الطبيعه الواديك ساكن

ما في مثلك قط في الأماكن

يا جمال النال في ثراكن

ياحلاة البرعن أراكن

في قفاهن تور قرنه ماكن

لا غشن لا شافن مساكن

في الخزام والشيخ والبراح

شوف صباح الوادي وجماله

وشوف خضاره وصيده ورماله

شوف يمينه وعاين شماله

شوف نسيم الليل صاحي ماله

شوف فريع الشاو مين أماله

القمر خجلان من كماله

والصباح لا بهل الوشاح

يا أم لسانا لسع معجن

كلمة كلمة وحروفه ضجن

ديل خدودك غير داعي وجن

ديل عيونك من غير سبه لجن

ديل دموعك من نظرة شجن

ده دلال ايه ده دلال معجن

محن الامات يا رداح

ماك نسيم الليل بي برودك

نامت الازهار فوق خدودك

غرد العصفور فوق عودك

النفوس ما اتعدت حدودك

ما عرفنا عدوك من ودودك

بس أنا المقسوم لي صدودك

يا حياتي وأملي اللي راح

فَلَق الصباح قـول لى
أهـو نورك لاح خِلِّى
يا خفيــف الــروح
هــو هـــذا نـداك
أم نــدى الأزهــار
من جنان رضـوان أصلك
لـذا كـل ربيع فصلك
اتـنـفــس فــوح
تتـنـفــس نـــاس
وريـــاض وبحـــار
ما ألذّ نسيـم وصلــك
مـا رأيت يا جميل مثلك
يـا بليــل السُّــوح
هــو هـــذا نــداك
أم هـوى الأسحــار
أنت روضة وليك زهرة
وله كوكب وليك بهرة
ضمخــوك للجبيــــر
زعفران وعبيـــر
إنتَ نـار فـى بهــار
صَبّـغْ الخـدين حُمرة
بعد ساعة بتشوف صفرة
الاصفـرار ده كتيـر
أخجلـوك يـا أميـر
ولّــه نُمّــت نهـار
صبح البُستـان شايل
شجـر الرمـان مايل

السُــلافْ فى الدِنـــان
والكنـــار فى حنـــان
والهِــزار فى هِــــزار
إنتَ كالطـاووس خــائـل
كبرياءك وفيـك خــايل
انـزل انـــت كمـــان
غـّن قـول يـا زمـــان
ويـــن حبـيـبــى آذار
مــا عرفنا عدوك زاهــل
ولَّـه لِسَّـه غُـــلام جاهل
مُتَهـــلل صيـــــف
شِتـــا عنــدك كيـــف
فــى اللـــعب بالنــار
فـى لهيبــك أشـوف ساحل
كالفــراشة أجيــك راحل
أنــا خــــايف كيـــف
يــا لطيـــف الطيـف
أهــوى وابقــى فـى نــار
فلــق الصبــاح نّـــوَّر
لــى نحــور الغِيــد صَـوَّر
جميعَـــنْ فـى الـــدور
مِــن خــدود وبـــــدور
صَــدَفَـــه و مُحَّـــارْ
عَـزَّة شُـوفى الحــوش نوَّر
بــى نجــوم الليـــل غَـوَّر
يـــا صبــاح النــــور
علـــى العيـــون الحـــورْ
والخـــديـــد الحــــار
عَــزَّة قـومى كفـاك نـومك
وكفــانــا دلال يـــــومكْ
إنـت يــا الكبـــرتــوك
البنـــات فــاتــــــوكْ
فــى القطــار الطـــار
عــزَّة شُـــوفى شبــاب قــومكْ
سبقـــوك علـــى كــومك
بـــت رجـــــال ولــــدوكْ
للقبيــــلة هـــــــدوكْ
إنـــت عِـــزْ وبَطَــار
الجمـــالْ فـى كمــــال وصفك
أدبِــك وجمـــال خِلْفــــك
الضميــــــــر كالعــــــودْ
والعيـــــون السُّـــــــود
فى البطـــانة كُتـــــار
منزلــك عُنْـــــوان ظــــرفك
نــوريـــة يَصــون إلفــــك
زَعَلِــــكْ يــا أم خــــــدود
سَــــوِّى ليــــه حــــدود
مِنُــــه يــا سَتَّــــار

ما له أعياه النضال بدنى
وروحى ليه مشتهية ود مدنى
ليت حظى سمح وأسعدنى
طوفة فد يوم بى ربوع مدنى
كنت أزوره أبويا ود مدنى
وأشكى ليه الحضرى والمدنى

آه على حشاشتى ودجنى
وحنينى ولوعتى وشجنى
دار أبويا ومتعتى وعجنى
يا سعادتى وثروتى ومجنى
يـا لقلب بالهموم حبكــا
طرفه مسهد عيشته ديمه بكا
كم تـــألم بالنوى العبكا
وكم ذكركم وفكره كم ربكا
حين سألنا حاوى الوصب
من خمـايل قـرية القصب
قالوا جات سيرتك على النصب
ونحن بين الروضة والقصب
صنفه بعدها قالن ان تصب
تربط الأحلام مع الخصب
كان حبيبنا وحاشا ما نصبى
ومن زمان فارقنا وهو صبى
تانى ما سمعنا انقطع خبره
يا حليلم طشوا ما اتخبروا
واحدة فيهن قالت انجبروا
فقر أبونا وخدمة النبرو
الكنانة أكرمت نزلى
وأغدقت من خيره كل زلى
إن حييت أو مت فى الأزل
ده مقدر طبعه فى الأزل
غايته نجتم نفثتى الخطرت
بى تحية من حشاى شطرت
للتدور والطارية والما طرت
سلاما ما الغصون خطرت

بين جناين الشاطئ وبين قصور الروم
حي زهرة روما وابك يا معــروم

دره سالبه عقولنا لبسوها طقـوم
ملكه باسطه قلوبنا نبيت عليها تقوم
الطريق ان مرت بالخلوق مزحوم
كالهلال الهــل الناس عليها تحوم

شوف عناقيد ديسا تقول عنب في كروم
شوف وريدا الماثل زي زجاجة روم
الــقوام الـلادن والحشا المبروم
والـصدير الطامح زي خليج الروم

خلي جات متبوعه الصافيه كالدينار
في القوام مربوعه شوفا عاليه منار
موضه آخر موضه هيفا غير زنار
روضه داخل روضه غنى فيها كنار

شوف جبينا الهل ضو فوقه فنار
منه هل الشارع منه بق ونار
طالعه ما بتتقابل زي لهيب النار
تحرق البتهابـل والبعيد في نار

تم دور وادور

عم نوره شال

فات الحله نور

زي بدر التمام

واحدين قالوا نور

واحدين قالوا دوب

مروي ما بتنور

زي بدر التمام

مين يقوم يتهور

يبري القيف هناك

تحته الدابي كور

زي بدر التمام

قالوا الكون اتطور

لا عاشق عفيف

لا جميل إتصور

زي بدر التمام

الحسود يتضور

ناره ماكله لسانه

كله زور ومزور

زي بدر التمام

الطريق الحور

دمي ما بروح

سيدة ليش يتجور

زي بدر التمام

هز شوقي وتور

يا نديم إزاي

جرحي المخفي غور

زي بدر التمام

يا قليب إتجبر

قوم وريني كيف

الكرام تتصبر

زي بدر التمام

نحن ما بنتعبر

النفوس أن حبت

تستحى وتتكبر

زي بدر التمام

ما خبير أتخبر

في الزمان الفات

والجديد إدبر

زي بدر التمام

أوعي لا تتشبر

هل رأيت لك عاشق

بالغرام يتنبر

زي بدر التمام

نحن ما بنطفر

ما بنهاب سفيه

إلا ما بنتزفر

زي بدر التمام

قولوا لي البتنفر

ما شالن قناع

المعاك تتوفر

زي بدر التمام

يا زميل إتشطر

شن بتشوف حداك

إلا حور مبطر

زي بدر التمام

يبقي يومنا مطر

ماله الكون دهين

والفريق معطر

زي بدر التمام

النحر مغمر

والسباته حارة

والمجال مضمر

زي بدر التمام

الشعر مخمر

يرشح كله ند

عردب المجمر

زي بدر التمام

قام محمد بشر

هز فوق تيجانن

سل سيفه وكشر

زي بدر التمام

قول معاي وإتفشر

نحن سياج عروضن

نحن يوم المحشر

زي بدر التمام

يا حسن اتذكر

طيب ليلتنا ديك

والصباح السكر

زي بدر التمام

المدام ما اتنكر

لا من ديكنا صاح

فوق رؤوسنا اتحكر

زي بدر التمام

كل شىء مفسر

ما في شىء غريب

والعسير ميسر

زي بدر التمام

ما في عين تتحسر

دام عريسنا دام

والحسود إتحسر

زي بدر التمام

يا ليل صباحك مالو/ خليل فرح
أحبابك جفوني ومالو
لا يفرز يمين من شمالــــو
ما دام الحبايب مالـــــو
بدرك ما بشيقني كمالــــو

يا ليل طول وسيبو في حالو
ما بزحزح إنتحالــــــــو
باليل والنهار بوصالــــو

يا حاسد سعي ونمالــــــو
لكن قلبي ما اهتمالـــــو
ما يحقد وديع في جمالـــو
ضاحك كالزهر في رمالــــو

زاد تيه ودلاله وحالـــــو
بلفي قلبي مين او حالـــو
سيب الواقع ارضى محالـــو
لابد العيون تصحالـــــــو

مع الشاعر / سيد عبد العزيز

ولد بحى العرب بأمدرمان عام 1900م
ذلك الحى الذى كان يعج بالشعر والفن والأدب فقد كان به عبيد عبد الرحمن وعبد الرحمن الريح وأحمد عبد الرحيم العمرى ،
وهو صاحب مدرسة متميزة فى الشعر الجزل الرقيق.

فقد قال الشعر صبياً وأكمل تعليمه الأولى ثم عمل مع الأعراب فى البيع والشراء بزريبة البهائم ،
ثم هجر الزريبة وسوق العرب وتعلم صنعة الحديد حتى أًصبح ميكانيكياً ماهراً وكان يستقبل دراجته ليتعلم اللغة الانجليزية
فى المساء مما أهله ليشق طريقه فى مصلحة النقل الميكانيكي بنجاح وأقتدار وكان يغشى مجالس العلم واللغة العربية
فى حلقات المعهد العلمي وكان كثير الإطلاع وحاد الذكاء.
فجاء شعره لوحات بارعة من الإتقان اللفظى والمعنوى وتتجلى ثقافته وإطلاعه على التراث فى قوله :

ما بهم كلام ناس زيد قلبي الهلالي أبزيد

ومن إطلاعه علم أن ملكة جمال اليونان فى ذلك الزمان كان أسمها ماتريد فصاغ رائعته :

سيدة وجمالا فريد خلقوها زى ماتريد

وهو لا يعنى هنا المعنى القريب الذي يتبادر الى الذهن إنها خلقت كما تريد ولكن يعنى أنها خلقت كملكة جمال اليونان
ولست أدرى كيف علم أن مياه البسفور تتدفق على الشاطي ان زادت السفن فى سرعتها ليقول :

فريد حسنك ودلك موفور وأنا دمعى يجرى مجرى البسفور

ويتجلى إطلاعه على التراث فى قوله :

لحاظها تخيف قائد المليون وترهب عنتر ونابليون

والأمثلة على سعة إطلاعه كثيرة ولحلاوة شعره وطلاوته فقد تبارى عباقرة الفنانين فى تلحينه وأدائه

أمثال عميد الفن السودانى الحاج محمد أحمد سرور ،
وكروان السودان كرومه والفنان الكبير ابراهيم الكاشف
وغيرهم من المبدعين.

ولأنه كان مطبوع الشاعرية فقد كان خفيف الظل سريع البديهة فقد روى بصوته بحلقه مع مبارك ابراهيم – رحمهما الله-
أنه وصديقه الشاعر أحمد عبد الرحيم العمرى قد قاما بزيارة بعض أقرباء من جيرانهم بالحى
ولفت نظره منظر فتاة نائمة وهى مفتوحة العينين واتفقا على ان ذلك شىء مألوف ويعرف بنوم الغزلان وقال على الفور :

يجلى النظر يا صاحي منظر الانسان الطرفه نائم وصاحى كالنعسان

وبرغم أن سيد عبد العزيز كان فى الجناح المناوىء لصلاح عبد السيد
عندما انقسم شعراء وفنانو الحقيبة الى معسكرين الا أن شعر سيد عبد العزيز هو الأقرب
الى شعر صالح من ناحية غزارة الانتاج وجودة الصنعة وروعة فى التعبير.

وقد إنتقل سيد الى جوار ربه فى أغسطس 1976م فغاب عن سمائنا نجم ندر مثيله.

سيد عبدالعزيز «أجلى النظر يا صاحِ منظر الانسان»
سيد عبدالعزيز «أقيس محاسنك بمن»
سيد عبدالعزيز «الجمال والحب في بلادي»
سيد عبدالعزيز «الفي دلالو»

سيد عبدالعزيز «الليلة لاقيته»
سيد عبدالعزيز «أم جمالاً يشفى السقيم»
سيد عبدالعزيز «أنا راسم»
سيد عبدالعزيز «أنا ما معيون»
سيد عبدالعزيز «إنت عارف أنا بحبك»
سيد عبدالعزيز «أنفاس الزهر»
سيد عبدالعزيز «أنه المجروح»
سيد عبدالعزيز «باسم الحب»
سيد عبدالعزيز «جارو أهلك وجورهم امر»
سيد عبدالعزيز «حاول يخفي نفسه»
سيد عبدالعزيز «حليف الصون»
سيد عبدالعزيز «رحلة في طيارة»
سيد عبدالعزيز «سيده وجمالها فريد»
سيد عبدالعزيز «صباح النور عليك يا زهور»
سيد عبدالعزيز «غصباً عنك يلفت نظرك»
سيد عبدالعزيز «فتنة»
سيد عبدالعزيز «فى الطيف»
سيد عبدالعزيز «قائد الأسطول»
سيد عبدالعزيز «لي نية في قمر السما»
سيد عبدالعزيز «ليلتنا ليلية»
سيد عبدالعزيز «مسو نوركم»
سيد عبدالعزيز «مليح الزى ساحر المحاجر»
سيد عبدالعزيز «من حور الجنان»
سيد عبدالعزيز «منار المعاني»
سيد عبدالعزيز «نافر الغزلان»
سيد عبدالعزيز «نظرة يا السمحة أم عجن»
سيد عبدالعزيز «يا بت ملوك النيل»
سيد عبدالعزيز «يا فريع الطيب»
سيد عبدالعزيز «يا مداعب الغصن الرطيب»

» فنان الجماهير - سيد خليفة - توثيق شامل......
» رحيل كروان الحقيبة / مبارك حسن بركات
» اغنية الحقيبة ... ليست عبقرية ام دومان