كلمات اغاني الفنان محمد النصري

نفاج الوداد

منو القال اقفلو النفاج قطع حبل الوداد والحن
وعلاه الجدار يا حلوه عاد تاني الوصال كيفن

حليلك يا صباح الخير وكت ورد الجنينه يفوح
متعود عليهو عليكي يا الشوفتك ترد الروح
حرمونا التلاقي صبرت رغم انو القلب مجروح

وعايش بين طيوف الذكرى مشتاق والقلوب يبكن

بكى القلب الملان اشواق وكت غاب وشك الضواي
فوق الذكرى كم هدهدو زين كترتلو اللولاي
فراقك يا حبيبه وقد حطب نار الشجن جواي

سرج خيل الجنون قربت فوق صهواتو اركب اجن

رجعت حصنت قلبي قريت حروف الالفه والاحساس
قريت من عند بداية الشوق ولمن جيت على الاخلاص
شويه قوى الامل في الريد وخفت حدت الوسواس

طردت الظن واظنو رحل وما ظنيتني تاني بظن

كلو العارفو مشتاق ليك وعارفك لي مشتاقه
تعالي نيقن الاشواق بانو اكيد حا نتلاقى
بكره حا تتفتح ابواب ونفاجين وكم طاقه

واشوفك كل ليل وصباح يعود تاني الوداد والحن

[b]كلمات اغنية الحسن محمد النصري

وقفت بعد حلبت لبينة الشاي تكورك يا الحسن
يا ام الحسن وينو الحسن
ولمن صفت رغوة شخيبات اللبن في حلتا المبنية من طبق السكن
واقفه في حوش البهايم ولسع تكورك يا الحسن

وتلاوي في الحمل العنيد
جاها حساً من بعيد مارق من القاطوع ورا
قال ليها خير يا الحاجه خير
قالتلو خير تعال لي جاي دايراك تعنون لي جواب يا الراسي لولدي الخدير
لا تبقي زي شافع السرير يقول لي زين آيمة زين وزين تبقي بعد شهير
وان جاني يكتب فد سطير
اقولو يا سجم السجم انا زي قرايتك ما قريت
لكن عويناتي بيفرزن الوريقة البيضاء من لون القلم

بعد المغيرب بي شوي جاها الحسن تعبان يسير
العشى غنمو من الدرب وسرقت ندي وشو الهجير
سوتلو شاياً بي لبن قرض معاهو حرف فطير
قالتلو بسم الله قول واكتب وصيتي انا للخدير

الزمن يا ولدي ماحقاهو السنين
البعيش في الدنيا ما بعيش مرتين
العمير فاضل لي بس منو اليقين
وانت طوّل في البنادر يا الحبيب لا متين
تعال اوريك حق ابوك الجم حقيق حاج اللمين
ان عرفتو بلا عمار يقولو ولداً عندو طين
العلاج لا تنسي رسلو لي دحين
العوينات يا جناي شوفن ضنين
سلامنا ليك مطرز للبنيات والبنين
ولو الارض يا ولدي تنشال في الايدين انا كت برسلا ليك
في لوري الخزين

--------------------------------------------------------------------------------[/b]

[size=24]كلمات اغنية قلب بالصُح محمد النصري

دا ما القلب البجرسو شوق اذا ما اختار سبيلو بعاد
ولا القلب التبكي حبيبة لو غابت عن الميعاد
قلب من قام صحاري الالفة كان بيشقهن بالنوق
محكوم بسياج العفه في يوم ما سرح مطلوق
شيال للتقيل ما نحى لو ساد العمر ارقوق
ندي وريان كريم وجواد إلا من الضعف معتوق

قلبِ نبيل وكلو جمال ومابيحقد علي مخلوق
ومهما جرحو المحبوب وخلا قليبو كلو شقوق
كتوم من قام يضاحك غيرو صابر والجرح مفتوق
عليه ما بيضحكوا الشمات وتجري دموعو روق فوق روق
قلب ما همو يقضي ايامو جنب الضامر المحزوق
قلب مشغول بهم اكبر من اشواق ورضى المعشوق
هم وطنا عشانو نزف دماهو على الارض ماروق
وهم انسان قضايا كتار وما قادر عليها يحوق
قلبي أنا ..
حكيم يعرف متين يرتاح وينسي شقاهو يصفي يروق
ومتين يعكر يكون فيضان ويبقي علي الزرع خازوق
فشكرا ياحبيب الروح على مروادك المطبوق
انا ان حبيت بقدّر زولي وان فارقت بفوت بي ذوق
دة ما القلب البجرسو شوق
الا بيبكي لما يشوف مابين الخلق في خلوق
ماخده طباعا من الغابه شايله ضميرا ماشي السوق
وتاني بيبكي لما يشوف مابين الحقوق في حقوق
نزلت من سماها زلال وطارت من تحت لفوق
وداعاً يا حبيب الروح .. وداعاً يا ملاذ الروح ..
وداعا وما بقول بنساك .. وداعا والقلب محروق
وداعا وفي الختام دنياك مناي وراي تسوي القوق
تمدلك السعاده ايدينا لي فردوسا ليك تسوق
وداعاً يا حبيب الروح ..
وسيبني اعيش قسمتي وراك باسم والكبد محروق
وقسم بالله .. رغم جراحي لسه عليك قلبي شفوق
وقبال الزمان يفرقنا بوصيك والعتاب ملحوق
بخاف يا من رضيتلي معاك غصب إتمطق العميوق
بكرة تدور عليك الدنيا ومن كاساً سقيتني تضوق[/size]

]color=#ff0066]كلمات اغنية لقيتك وبرضى ما اتودر محمد النصري

برغم قساوة الايام والزمن الصبح اغبر
لقيتك فى مسار الليل جريحة خطاك تتعثر
تلملمى ماضى ذكرانا من فجر الدجى الاسفر
بتزرعى بذرة الامال على درب الهوى الاخضر
بليلى مجرجرى اللوبى مقالدى سبايب القنقر
لقيتك غنوة فى الخرطوم عاجى صداها فى البندر
شدهنى خيالك المصلوب على عجل الزمن مجبر
رجعت حسب سنين عمرك لقيتن والضياع اكتر
ترانيم حرفك المنقوش على وتر الغنا اتبعثر
لقيتك بحة الدوبيت مجلولة بين قوافى النم
ممرجحة فى صدى الاحزان طليقة لسانك اتلعثم
فتقة توبك المحتار مشدقة بى خيوط الهم
بتشربى من صميم مهجور برغم منابع الكوثر
لقيتك مسبر الاهات تضمدى فى جدار الروح
تجففى بركة الاحزان من عمق الاسى المجروح
ملامح وجهك الضواى مودرة بين معالمو طموح
طموح مطموسة فى الاحزان مشادقى وجيهك البهر
لقيتك ودعة محتارة مكنتلة فى عبل درويش
تهز اعصابك النوبة مخربشك الزمن خربيش
برغم جناحك المكسور تطيرى ان كان لقيتى الريش
الا مشانق الايام دواليب لافى فى محور[/color]

]color=#ff33cc][b]كلمات اغنية غيم الوداد محمد النصري

نزل غيم الوداد صبا **** غمر وديان غناي عبا
سرى الفرح الحنين تبا **** حضر وفد الولف سايق بشاشات المطر لبى
تعال يا العمرو ما غبا **** تعال انا وانت في عينيك من عينيك نتخبى
تعال اشواقي ما قدرت تقاوم نسمك الهبا
كان جيتك تكون اروع زمن دابو الحرف تبا
زاهية الدنيا بالافراح لسة اساي ما تبا
وكنت دخرتلك غنوات عشان احلامنا تتربى
كفاك طول الامل يا ليل **** اخير تديني باقي الحيل
قبل يجرف هواي السيل **** والم في العمرو ما غبى
معاك ببني المشاعر بيت **** معاك بحلف بقول غنيت
ولا بقدل بقول يا ليت **** ولا بالجاي نتنبى
نزل غيم الوداد صبا **** غمر وديان غناي عبا
سرى الفرح الحنين تبا **** حضر وفد الولف سايق بشاشات المطر لبى
وكان حبل العمر ساكن **** قسيمة زولة تتحبى[/b][/color]

كلمات اغنية ضل السحابه محمد النصري

لو قدرتي يوم سافرتي شوقي
وحنيني جريتو بالليل فوق ربابة
تسافري ونحن مشتاقين نشوفك
ترجع كيف خطاك ما جاتنا دابا
وحاتك انت يا املي المنور
منك جاتني في قلبي الاصابة
واقف راحي فوق القيف رجوعك
تايه امشي وانشد في الجلابة
أراقب طيفك الفجراوي لو زار
اشابي عليهو يا ما قلبي شا با
لكن بس عزاي انا ماني اول
ولا آخر موجع الصبابة
فراقك يا أم ضمير نكد حياتي
وزرع في قلبي أشواك الكآبة
أسيبك كيف وكيف تنساكي روحي
وعيونك في القلب غرزت نشابا
وكل ما قت اعبر عن غرامي
أنا الفارسي بحس منك مهابة
ولو فكرت ارجع ماني قادر
بدونك نحن ما طاشين ضهابه
مشتاق ليك جمر الشوق كواني
تهاتي الروح مؤبدة في عزابا
أسيبك كيف وانا الشايف عيونك
بحور دفقت مويتي علي سرابا
ترحلي مني زي ضل السحابة

كلمات اغنية ما بتخيَّل محمد النصري

أنا ما بتخيَّل إنو تروحي وتسكني بين طيات الذكرى
وشايلة معاك في روحِك روحي
ما بتخيَّل أصبح باكر وألقاك مافي قُصاد عينيا
وكيف إتحمل فقد الدنيا الفيها أحلامي إترسمت ليّا
عُمرُو ما كان البعد مسافة وإلا الطيف كا ملَّ الجيَّه
وما بتتخيلي هزت قلبي لحظة طيفكِ ماشي عليًّا

ما بتخَّيل وين راح أمشي لمن ترحلي مني تروحي
كيفن يصبح ذكرى البينّا وسيل أشواقنا ولحظة بوحي
ما حأسيبكِ ترحلي وأبقى بين نيران أحزاني ونوحي
ولو لا حت لنا فرقة بقوللها لأ يا فرقة أرجوك لا تلوحي

أنا ما بتخيَّل إيه راح أبقى لما أعيش في الدنيا بِدونِك
وكان خليتكِ وين راح ألقى الكت بلقاهو يشع في عيونِك
أبقي معايا مودّة ورحمة يا الفي قلبي هواك وسكونِك
كوني في عوني أنا بي تحنانك شان بي شوقي أكون في عونِك

ولما الشوق كان جابك ليّا ما خيّبتَ أشواقِك فِيّا
وإتشربت إحساسك شهقة دون ما أحس بك إنتي هدية
ما صدقتِ أنا إني لقيتك أم وحبيبة وروح وأُخية
هم الفُرقة أنا كاتلني كيفن عاد بي هم الجيّة

كل ما اقول تفيق القاها ماشى على تضيق
يتواتا القدر خطواتى وانسد الطريق
تايه فوق عباب افكارى ما قادر اريق
انقر للطيوف مزمارى حايم فى الفريق
لازمنى السهر فى ليلى اصبح لى عشيق
آه اصلو المصائب غير ماشفت رفيق
قلبى وراك حالك ليلو مو شايف طريق
لازولا يقول ياحليلو لاقلبا شفيق
غرقان فى بحور الريده فى جوفا الغريق
ورغم انى البغنى نشيدا ما اتبلا لى ريق
آه انا من عواتى زمانى كيف اقدر اطيق
هجرى ولوعتى وحرمانى فوق جرحى العميق
من نار الجحيم يا الغالى قلبى حرق حريق
واتبرا الغريب من حالى وابتعد الصديق
حتى زمانى وكت الشده فى احلك مضيق
لى زهرة شبابى اتعدا واتمتص الرحيق

كلمات اغنية لما شفتك محمد النصري

قلبي دقّ .. واهدى للزمن ارتعاشة
والعيون في عز خريفا عانق الاحساس دعاشا
الخطاوي تراها ماشة ماني عارف وين هي ماشا
والربيع فوح زهوري بانتظارك يا فراشة
غنى في اعماقي صوتك غنوة الشوق والصبابة
والبرق لاح من سنونك داعب احلام السحابة
الحنين الفي عيونك بدد الهم والكآبة
والمشاعر الشاردة جاتك ما رجيت ميعاد ايابا
يلا ارحلي توهيني فيا ألق الذكرى باقي
الحزن لمن افارقك بلقى في صوت السواقي
مدي ايديك وانقذيني مددي جسور التلاقي
داير القاك جنبي دايما تطفي نيران اشتياقي
بي صراحة الدنيا اجمل من نعيشا اسى وتجافي
شيلي وعد اللقيا واقع لي فجر يشرق تصافي
النخل قمريهو هاجر والنجم في سمانا مافي
والظلام يا حلوة خيم في انتظار انك توافي
لما شفتك نور امامي ما قدرت اديك قفايا
امشي وين عاد من عيونك وانتي أي مكان معايا
اعذريني اذا انتظرتك زهرة في عتمور شقايا
وسامحيني عشان بقولك طيري حلّقي في سمايا

كلمات اغنية نسيتينى محمد النصري

نسيتينى وماقايلك بتنسينى
نسيتينى ونسيتى إنك نسيتينى
سألت عيونك المحتاره لمن إنتى شفتينى
مشبهى والله هاديه النظره أم بهتت عناوينى
هدلتى عجن
رويتى وجن
بنانك فى شفاك طعن أتاريك ماعرفتينى
حرام والله تنسى الماضى ياغرة دواوينى
فاكرك فوق جحيم مشتاقه صابره متين تلاقينى
اتاريك انتى فى وادى
وبنات أفكارى فى وادى
وقليبك طاشى بى غادى ناسى البينو والبينى
إستاهل عشان طاريك لم سهيت عن دينى
فقدت الذات وقلبى المات والله يكضب الشينى
أغنى وماعرفت غناى
هويتك وماحفظتى هواى
وحنانك زى ضايقو سواى ينتح هينو فى هينى
كلكلت المشاعر الباكى موت أحلامه ود عينى
وضمدت الجراح النازفه من أعماق شرايينى
وجيتك برضى انا الولهان
أصدح بى غناوى زمان
ناسى أوجاعى والاحزان وداير إتهنى بى حينى
أمانى بلاك وهم مابيبقه حتى ان كان جرحتينى
تراى صابر أغنى وأدوبى
بغفرلك تعالى وتوبــــــى
رضيت بالجمرة البتبوبى غيرك شن مبكينى
متين ياسفرة الفرح اللحق فى التربه والدينى
ضفافك يارهود الرحمه فوقه يكاكى وزينى
تقيف فينوس على الاهرام تمد ايديها لى قدام
تفرد أحضانه لى الايتام أصافيها وتصافينى

....... ونواصل...

كلمات اغنية امانه عليك محمد النصري

أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلام .. تحت وجع الليـــــــالي سكوت
أمانة عليك .. قبل ترحل مع الأيام .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت
.........
عهودي معاك أموت واقف... علي باب الهـــــــــــــــــــوى المفتوح
انا البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنايا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت
أمانة عليك...
سنين الإلفـــة بيـــــــناتنا .. قمـــــــــــر لــــــــــيلاتك الصـــافي
تفاصيل روعتك جـــــــــــــواك ... منابع إحســــاسك الدافـــي
حواس خليتا يالمحبـــــــــــــوب .. وراك لا فيــــــــــــــنا لامافي
تموت بي شوقـــــــــــك الأفراح ... أمد باللهفة اطـــــــــرافي
مكان ما عشت في الأعماق .. هناك كلك عشق مخـــــــــتوت
..........
اماني وراك مابتنســــــاب .. علي طرف العيون دمــــــــعات
امش و انا بالأماني ارجاك .. سنين عمر الجفا الجايــــــــات
و امانة عليك محل تـــــــنزل ... تمــــد حبل المحبة صــلات
يشع نور الوفا الماليــــــــــك .. تبق ليل الفراق غــــــنوات

كلمات اغنية الضرب فوق الميت محمد النصري

اعتدت الجراح ياغالية ما عاد البشوفو جديد
ومابشعر بقيت بالطعنه مهما كان مداها بعيد
واحد عندى كان الامى تنقص ولا تانى تزيد
والا أصبح ملاقى مأسى والا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوة ابقه عدوها انا الويحيد
يانى صريعه من شبيت فوق مهد الطفولة وليد
ولم كبرته واترعرعت فى دنيا الغرام والريد
من نار العذاب الضقتو لو ماكنت زول صنديد
كان فى قبرى بدرى رقدت فى جوف ود أحدو شهيد
إلا هواك ملانى عزيمه آه يابلبلى الغريد
بلقاك والمحن حابكانى دايماً ليه مادى الليد
الا الليله عاد فى الغربه نازف قلبى دمو صديد
والموت قبل أجيك صدقنى ياهو مصيرى تانى أكيد
الشقى فيها أمسى غرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكه أرزح فى الظلام والقيد
وخايف تبقى فيها اقدارى حاكمه على بالتأبيد
لويجدى الشعر ادمنتو كم سطرت فيهو قصيد
وترجمت العليا أغانى لو قول الشعر بيفيد
لو عش فى الجنان يابوحه غيرك ماحأبقى سعيد
ودونك لو هدولى ثماره برضىء أشوفه مره شديد

كلمات اغنية اشارات الوداع محمد النصري

هو كـان شايف اشـارات الــوداع فـي الـعـيـن
قدر جاي وامل راحل حزن قدر الفراق والبين
نـذر قدرو المداقر عمـرو لازم عمـرو يـتـودر
نـتر جـرحو بيبشر دمـو بـاكـر دمـو بـتـقـطر
عـرف فـرحـو السقـاه حـنـانـو والراجيهو بتاخر
شـعـر حـلـم السـنـيـن الـعـاشـو قـدام عينو بتبخر

حس هو لما ضم ايديهو بشوق العمر بجري
وحس كمان ضياع آمالو فاجئو في القلب بدرى
كانو عيونو كان بتقول وداع يا حبنا العذري
غمد اكان يضاري دموع وتخزلو دمعة منحدري

بسم رغم الفراق الجاي ياها عيونو زي اول
ضحك امل الزمان ضاميهو رغم انو الالم طول
سخر من الحياة الودارة عمرها مابتناول
ثبت حتحت دموعو الحري عن عينيهو ما تحول

رجع لايام زمان لا قاهو في درب العمر صدفة
ايديهو الرادة ياها ايديه تضمو وبينا يدفا
عيونو الحزن ما هداها بل زاده الوجع يدفا
قليبو في يوم فراقو الابدي فارق حتى بالالفة

فضل جنب الحبيب ساهم فضل ساهر قريب منو
شرب على قدر ما اداه الله من القليب حنو
فضل في كل ثانية يريدو ابدا ما انشغل عنو
دفع كل العمير والعافي كان يفداه لكنوا

حبس كل الكلام في جوفو خلي عينو تتكلم
كتم بوح الانين واللوعة نار في حشاه بتالم
صبر لما النهاية المرة حانت وبالمصير سلم
مسك قلم اليقين من حبو رغم اساهو يتعلم

كلمات اغنية الميلاد محمد النصري

الايـام مالن مـاهـن فـى الآلآم داقـالى اوتاد
الايام كاتـفانى حزيـن وسـوجرن الاشواق باصفاد
كـندكن الأحلام بـالحـسـرة ويبسـن الوديان فى المسرى
ولو بتعـدل الخطوة والـعـتـرة مـا اتراوحت وجيتك صاد
مـا حـبـيـت عـيـنك بـالصدفة ومـا لاقـيـتك دون ميعاد
اتـلاقـينا صـباح الدنيا وشلتك منيه واتجنستك فى الميلاد
اتحـسـسـتك حـب بـاـفطره وعـشـتـك فكره وشلتك زاد
ومـن شـقـيـت طريـق اشواقنا ولامن جيت من عندك صاد
ويـوم مـا جيت من عنـدك راجع كلى مواجع ونوح وسهاد
اتوكـيـتك حزن دامــس بـين خـلجات الـقـلـب الراد
واتـلفـته عـشان الـقاك فـرحـة زول بـي زولـوا العاد
وانا ماشى مبارى دريب الرجعه محطه محطه لقـيته رماد
حتة كنا وحـتة كان الــشوق وقاد
الاطـفال احـسـاس الوحده الآمال مـنشره سواد
لا لاقــيـت اطـفـال بــيـغــنوا لا اتـنيـن قاعدين يتمنوا
وادى الخـير مرابوا جـراد يـا احـلام الـقـلب الراد
واتـذكرتا انـا لـيالى الهجعه وخيال الشوق مشدوده شداد
غـيـبـتك كـان اسـبـاب وسـفـر الـطـيـف فى العـتمه جهاد
يـاما مـشـيـت فـوق دربـك اسـعى طول الليل شقيتلى بلاد
كم كـبـيـت فـوق دربـك دمـعـه واسـتـنـيـت طيفك ما عاد
واه يا زول اهـديـتو حـيـاه اهـديـتو عـيون ومروه وزاد
اه يا زول اهــديـتـو بـيـوت اديـتـو خيـوط شعرى الوقاد
لـو فـاضـل فـيـك مــن ريدى رماد
اطرحـلى وشـيك انا دايـر اجـيك لـيه بـابـك ساد
لـيه الأحزان لــيـه الآهـات والدمـعـة حــصاد

كلمات اغنية بحر السراب محمد النصري

يـا فـرحـه فى بـحـر السراب يا كلمة فى اول جواب
يـا واحه فى ليل الصعاب آخر شعاع وسط الضباب
يـا نـجـم مـن دنـيـانـا غـاب يا اغلى ما تحت التراب
تـنـخــلـفـى قـبـال العذاب بيك برسل الآهات خطاب
يـمـه يـا الأمـل الـرحــل قــبـال يـقـول كـلـمـة وداع
يـمـه يـا الـنـور الـخـفـت قـبـال يـرسـل خـيط شعاع
يـمـه يـا دمـعـة فـطـيـــم خـلــوه لـي لـيــــل الضياع
يـمـه يـا مـركـب نـجـاه غـرقــت قـبـل تـفـرد شراع
يـمـه يـا نـجـمـات صـبـاح مـرن سراع مرن سراع
يـا يـمـه مـن بـعـدك انـا اصـبـحـتـا لـلأهـــات وطن
دروشــتـا فـى خـلــوة أســاى ســبـحـتا بخرز المحن
كـتـحـتـا صـبـري انــا لـلــريـاح غنيتا للاحزان بكن
دقـيـتـه بــاب الـذكــريـات كـان الـقى لى هناك سكن
ما لـقـيتا صورتك فى الخيال لا شفتا من بعدك زمن
ودرتــا لـى درب الــرجـــوع كـل الـمــعـــالم اختفن
فـتـشـتـا فـى كـل الـبــلاد كـان الـقـى لـطـيـبـتك مثيل
دورتـا فـى كـل الـبـقـاع شـايـل عــذاب لـيــلاً طويل
زادى الوحيـد كـان الصبر فى الظلمه والزمن العليل
زمـنـا يـشـيـل حــق الـضـعـيـف يـديـهـو لعابر سبيل
زمـنـا يـغـيـر كـل شـئ حـتـى الـزمـان كان مستحيل
يـا يـمـه كيف يتبلا شوق والشوق على كل يوم يزيد
لا انـتـى بـنـتـى ولاهـو راح لا غـيـرو الزمن المديد
يـا يـمـه بــعـــدك لا فـرح طــلانا لا ضــمـــانـا عيد
غير خيط امل يبدا ويروح كل ما العذاب يرجع يعيد
كـل مـا اقـول يـا داك فـرح الـقـاهـو مـنـى بعيد بعيد
لـكـنـى راجـع لـيـك انـا بـالـرغـــم مــن كـل المحال
جـايـك عشان اعرف خطاى من وين تستف للرحال
جـايـك لـو كـان مـسـتـحـيـل جـايـك او كـان بالخيال
راجـيـنى لـو كان فى الحلم ما الدنيا من بعدك زوال
عـنـوانـى خـلـف الـلاوجــود يـا امـى يـا ابـعـد منال

كلمات اغنية سوقني معاك يا حمام محمد النصري

لشاعر السودان الاول محمد الحسن سالم حميد

سـوقـنى مـعـاك يـا حـمـام سوقني محل ما الحبيبة
قـريـبـة تـراعـي الـغـرام غـريـبـة الأشـواق حبيبة
يــــــــجــــــــــيــــــــبـا مـــــــنـــــــــــام فـي منام
سـوقـني مـحـل مـا الـمـحـنـة وأيـادي تقطـر سلام
سـمـاحـة الـحـيـاة فـوق أهـلـنا وبلادي تقرقر وئام
غلابه وأمان مو الطيابة ضكارى بصارى وكرام
حـبـابـه الـحـبـان في بـابـه وتـدخـلـوا عليّ الحرام
فــقــارى ولــكــن غـــنـايـا غــــنـايـا بـهــذا الغمام
بـهـذا الـنـيـل كـم تـغــايـا وتـيــرابـا نـرمـيـهـو قام
إرادة الـقـمـره الـبـتـقـدر بـراهـا تـضــوي الضلام
شــعــاع شــمــشـاً يـامـا خـدّر وإذا يـبــَّس لا يـُلام
فــيـابـا خـرابـا الـحـرابة وخرابة فكر سـوسي سام
خــرابـة الـكـل نـفـسـو تـأبـى عـقـابـه تـلِم عم سام
ولـِيـد مـخـلـوق لـلـقـرايـة خـزيـن مدخـور للجِسام
تـتـمــر نـيــتـو الــتــخــــايـة إلامــا مـذهـــلـل إلام
درب مـن دم مـاب يـودي حرِب سُبّه حرب حرام
تـشـيـل وتـشـيـل مـابِ تـدِّي عُـقـب آخــرتا إنهزام
بطـانـة الـشـيـطان قـديمِة وبعد دا منو العرشو دام
إذا الإنسان ما ليهُ قيمِة عـلي إيش خلَّفُو سام وحام
تـعـالـوا الـدم مـا هـو مــويـةِ ولا ها ترايي المسام
أخـــــــــويـــا وطــــــــراوة الـــخــــــــــوة إبتسام
تـعــالــوا نـحـانـن بـعـضـنـا نخـل قلبو على التُمام
نـبـضـنـا يـشـهـل أرضـنـا وأرضــنـا تجِم العضام
تـعـالـوا بـدل نـبـنـي ســاتـرنـخــيــب ظـن الصدام
نـطّـَيــب لـلــعــازه خــاطــرنــقــوم لأطـفـالـه سام
أخــيــر كــرّاكــةً بـتـفــتـح حـفـيـر وتـراقـد الركام
أم الــدبــابــة الـبـتـكـشـح شـخــيـر الـمـوت الزؤام
تـعـال لي غـابـتـك يا خيرا تعال لها يا أسده الهمام
بـدل دوشـكـة يـغـنـي طـيـره مـحل قنبلة عش نعام
بـلـد صـمـَّي وشـعـب واحـد عـصـية على الإنقسام
أبـيـه وبـكـراهــا واعــد صـبـيـة ومــشــهــــاده تام
بـسـاط أحـمـدي كـم يـشـيلـنـا وتـشـهِّلنا على الدوام
نـَقـِل لـيـلـنـا تـقـوِّي حـيـلـنـا ودلـيــلـنـا تـمـام التمام
نـلـقــّم ســقـف الـمـتـاهـة نـجـم هــدّاي فـي الضلام
ونـطـعــِّم حـرف الـــنـــزاهـة لإيـئــلافــك يـا حمام
ديــمــقـراطــيـة وأمــان ســـوا .. سـوا عـالـين مقام
مـواريــثــنـا الـمـن زمان مـحـصـَّنـة في أروع نظام
بـــريــدك يــا زول بــريــدك بـعـشـقـك حـتّـى الهيام
أريـحـــيـــتـك عــد تــزيــدك مـهـابـة ولـيـك الـقـيـام
عــهــدي مـعـاك يـا حـمـام حـبـِيـْب الـرُسـل الـكـرام
رسـول الأمـراء الـعـظـام عـصـامـي عـلـى مـا يرام
مـاب تـهـدِل في خــنـادق ولا ب تـقـدِل فــوق حطام
ولا ب تـنـزل في فــنـادق وسـطـنـا مـراعــيــك قُدام
فــيـا مـلــدوغ مـن أديــس مـعــــــــوَّق فـي كـوكـدام
تــعــال عــمـِّر فــيــنـا مـيـس كـفـانــا طشـيش الكلام
جـنـاحـيـك جــنــوب شـمـال وأمـش طــوِّف يـا حمام
مـحـِل غـصـن الـعـزّة مـال عـلـيـك وعـلـيـهُو السلام
حـكــيــم الـطـيـر يـا مـهـبـِّر شُـراكـة الـقـَتـَلـة الـلـئـام
مـتـيـن بـإسـم الـحـق تـكـبـِّر وبـالـرحـمـة تصلِّي إمام
فــلاحـة الــعــالــم تــعـــمــر مـحـبـّــة مــــودة ووئام
تــــــشــــــمّــــــــِر ســـــــــــــــاعـــــــد الـــســـــلام
ســوقـنـي زمـن كـُلـُّو عـافـي نـتـاجـو عِلم خيرو عام
بـري آيـمـة مـن الـمـنـافـي وطــن وافـي علـى الدوام

كلمات اغنية صبريه محمد النصري

حـمـتـا اطـراف الـفـيـافـى شلتا صبحى وليلى حافى
مـا نـسـيـت ارد الـقـوافـى زى طـعـم صـبريه مافى
زى عـشـم صـبـريـه مـافـى زى نـغـم صبريه مافى
شـافعى من عربان بلدنا منها وفيها الـوداعــه شتلة فى قيزان بلدنا قايمي بي إيده وضراعه
القديم الافحه طرقى زاهى فى روعة طباعه البسـيمات الفى وجيها ياها من زمن الرضاعه
واقعى زى شمس العصارى فى العمر باقيهو ساعه
فى الـقـلـيب الشايله صافى زى صفاء صبريه مافى
فى الـهـجـيـر راحـت تـدقـق فى النهار الحار تورق
لـلـهـدوم بـالـيـل تلـتق فى الجرف زارعاله حوضاً
راجـه قـبل الحين يبتق واليسالمه من بلدنا هى يوت
تـقـولـوا إن شاءالله عـافـى وزى سلام صبريه مافى
فى كـريـقـرت خـالـها احـمـد شـايلـه ليله وايده تنبح
شـوكـى لاقـتـه فى دريـبـه لـما كان بالمعزى تسرح
نـامـت الـمـسـكـيـنـى تـقـنـد والـفـونـيـس ذاتـو روح
بـاقـى تـمـتـمـه فى خشـيمه تسأل الله المسرى تجمح
مـالـه مـال الـمـسـرى إلا شـان حبـيـب روحه يقرح
دى الـبـنـيـه الـريـده وافـى وزى غرام صبريه مافى
زى شـعـور صـبـريـه مافى زى حنان صبريه مافى
رادت الناس والسمـر رادت الصـفا والعكـر رادت المـوج الهدر رادت الصفا والعكر
رادت الحلى ودروبه رادت الـصفا والعكر فى عـيون صبريه طلت ريده الخلا للبحر
نـافـرى مـن قـيـلـت الكرارق وخايفى من قولة السفر
والـرحـيـل الـسـرو خـافـى فـى قـلـب صـبـريه مافى
فـى زمـن صـبـريـه مـافـى فـى خـيـال صبريه مافى
والـــنـهـــــايــة الـــــفــى فــصـــــول ســيـــرة البنيه
لــمــا عــــادت لـلــبــيــوت الـكـانــوا قـبـل المغربيه
مـالـقـت غـيـر الـزوامـل الـشـايـلـى احـلامـه الصبيه
شـــايـلـى عـيـدان الـكـرارق والـصـبـاحـات والعشيه
ضــاربـي بـطـن الــوادى زفـه لـمـة الـنـاس والسعيه
والـمـطـيـرى الـضـاربـي قـبلي لاقت الدمعه العصيه
والــرحــيــل عـــز الـبـــوادى الـرحـيـل وجــع البنيه
زى رحــيـل صـبــريـه مافى زى سفر صبريه مافى

--------------------------------------------------------------------------------

كلمات اغنية سؤال محمد النصري

أسـع ياتـو فيهـم يا خلـق الله عـاد أو عـاد يـات مصـيـر لى وللولاد
تبدا أمونة رحلة ما كان فى الحساب باراها الزمن شبعا فى العذاب
من يوم سـافر أحمد قاصـد للجنوب باكى أمونة فرقة هزت للقلوب
زوجــهـــا أبـو الـــولاد الـــخــاتى العيوب
مـفـقــود مـن ســـنـــة وأعـــلـــنـــوا للحداد
وتــمـــــر الـــســــنـــة بـــى فــــوق السنة
تــمـــو أربــع ســـنـــيـــن مـــــرت محزنة
فـكــرو فــى الـكـفـيــل وبـــيـــنــاتــن جنا
ومـحــل الأبــــــــــو بــقى عـــــــــم الولاد
عـقـــدولــــو الأهـــل ســـــوو الـــمـــتــبع
مــن مــرت الأخـــــو الفــــــــــات مارجع
تــنــداس الــمـــشــــاعـــر أو قــــول اقتنع
لازم الـنــاس تــضـحـى شـــان لبنى وعماد
ويــتــــم العـقــد بيـنات الدمـوع لا فرحـا كتـيـر لا ضـوّت شموع
عجلات الزمن مابتقبل رجـوع ومابتمشى الحياة زى ماالزول أراد
سـنتـيـن بالكـتـيــر كـان جـابو الولـد والحـزن الـقـبـيل جـواهـم برد
سـمـو عـلــى الــفـــقـــيـــد الــراجل الصمد
شــان حـــفـــظ الإســــم وتــأكــيـــــد للوداد
وما كـان فــى الــحــســـاب الــزمــن العنيد
يـنــســج فى الـخـيــــوط مــن زمـنــــاً بعيد
فـى يـومـاً عــصـيـــب ومــا فـى الـبال أكيد
مــن أول جــــديــــــــد اتـكــــــــــال الرماد
فـى لـحــــظــة ســـكــــون عـمّــــــاها الديار
حــس الـــبـــاب نـــقـــــر قــايـلة أمونة جار
تـاريــهــو الــفــــقــــيــــد كـــان فى الإنتظار
مفقـود الجنوب يرجع تانى صاد كان صدمة قاسية فوق الإحتمال
خلـتـا بـيـن جحـيـم واقع أم خيال إخـتـلّ العـقل وكان آخـر سؤال
أسـع ياتـو فـيهـم يا خلـق الله عـاد أو عاد يات مصير لىّ وللولاد

كلمات اغنية يادنيا محمد النصري

يادنيا بي حظي الزريع بتحمـــــــــل القـــــــــــــدر المريع
خايف من الاحزان اضيــع ما القي بي قربــــــــي الوجيع
صوت القوافي البيك تنوح والسالفه في لحظة وضـــوع
فارقتي والايدين تلوح رسبتـــــي في عيني الدمــــــــــوع
وريني وين بعـــــــــــــــدك اروح بينا اقطع عشم الرجوع
في قلبي ما بتبري الجروح من فتي فارقتي الهجـــــــــيع

ليه دنيتــــــــك كانت ســـــــراب ممـــــدودا بي مد العذاب
احزني لازمني اكتئاب وانا بي وراكي شــــــــــبابي شاب
سدي المداخل وكل باب طــــــليني من دنـــــــــــيا الغياب
بلقاكي في نفـــــــــــس الرباب واشعاري ليك عالم وسيع
ساهرتا طول الليل معاك كم مره عــــــــــــديت النجـــــوم
ما طافت الاحلام رؤاك لو اضمن احلمـــــــــبك بــــــــنوم
ياقلبي يا ضايع كفاك شـــــن جبـــــــتا غير حسرا وهموم
ابكيها لو ينفع بكاك الدمعه ما بتجــــــــــــدي الصــــــريع

فارقــــــــــــــتي في عـــــز الغرام من قبل ما تثبت خطاي
افردتا ليك درر الكلام خلــــــــــدتا وصفـــــــــك في غناي
ماانتي ما بيـــــــن المسام في كل احســــــــــاسي ومعاي
طفل الغرام البينــــــــــا نام اتلافتو الاقـــــــــــــدار رضيع
سبتيني لحـــــــزني العميق للحسره لخـــــــاطري الجريح
ياريتني لو اقدر افيق لو متـــــــــــا يمــــــــكن اســتريح
يا دنيا طال بي الطريق وانا بين مسافــــــــــــاتك كـــسيح
كيفن وصولي بلا رفيق والخطـــــــــــوه كيف بعدك تطـيع
زود شجـــــــــوني علي العـــــلي طيف المهاجر مني فات
يادنيا ما بايـــــــدي شئ غير الله يلهــــــمني الثبـــــــــات
والباقي في جواي حي ياحليــــلو ودع سيـــــــــــدو مات
ببكيهو عمــــــــــــري الباقي لي فوق الدموع لو بستطيـــع

كلمات اغنية حوش الربيع محمد النصري

يا مبيتانى الليل قوي
وراجياني أجيب ليك الشمس
طالقانى فيك عكس الهوي وسابقانى
بى فسراع .. وامش
نقرشتى قلبى عشان يكون
يوم مهرجان سعفك .. برش أنا ما نقدت
حب العيون لا من يحاحينى الرمش
ساعالى ناموس الشجون
وحامانى بى غنواتى اهش
مابين مرايات الظنون
فيك كل مرة
بلاقى وش
بقبقتى بى ريح السراب
فانوس رؤاى والشوق عطش
وصقعالى بى داك السحاب بار البروق
وأوعاك تطش
ولا همسة يا بنية الغمام
الرش واديك مندهش
ليش لا قبض شتل الغرام
لا طيروا فيك سوالو عش
نوبة المجاذيب اترخت
ودرويشي ينقز مندرش
وانا روحى تقابة بخت ليها الله
لى رب العرش
فى الضلمة لسه بنات نعش
يابنية بارى العنقريب
ضارب العريجي مجرد غش
فى سكة الشوق الخبيب
إندهدهت راجى الهواء
وعود التباشير يملأ طيب
ينفخ مزامير الهوى
وعلى نقرة العشق الرهيب
تصدح معانينا السوي
وتسكت زنازين الوجيب
وانا بيكى ببقى الكون ندى
وكل المواسم همبريب
لا ريدة تتحترب صدا لا ظن
حبيب فى حبيب يخيب
العمر بالبسمة إبتدأ والصرخة
ما صرخة نحيب
صرخة اريحية ورضا
وأنا راضى بي ذكراك نصيب
يا بنية ما اكتر من بشر فى خير وشر
يختى ويصيب
يسعدنى اكونك من مطر
ما شرط طينك يستجيب
المهدى وين المنتظر عز الكدر
غير فى الحبيب
دي الكتمة
وكشر المطر
حوش الربيع الهمبريب .

كلمات احلامنا الجايه

غبت وجيت من وين ياغالي .. تفتح باب الحب جــــــوايا
شن سويت في احلامنا الفاتت .. جايي تكوس احلامنا الجاية
****
ضمضناك يالجرح النازف ..دسدسناك في جــوفنا شظايا
تاورناك في الزمنالناشـــف .. وكوركــــــنابك يامولايا
عضينابك جمر صبرنا ..وصبري يزيـد العشتوبرايـــــــا
جيت من وين وانا لسه بريدك ..ولسه عيوني عليك بكايا
****
آه من قلبك .. وقوة قلبك .. يوم تاقيت الباب تالايـــــــا
يوم لملمت وســـــاع الحلة ..ويوم ضيقت علي دنيايا
ابكي عليك وابو التيتي ابكي معــــــــاهو ويبكي ورايا
وين غتّست حجر افراحي .. ووين بددت الضو جوايــــا
ِ*****
تبني ولبني وراك افتش ... درب الشـــوق ماعندو نهاية
اتوسدت رصيف الرجعة ومـــرّ كتييير مـــا كنت معايــا
اتمنيتــــــك نورا يشرق ..نقطة مطرة عطــــا غيمايــــا
اتمنيتك نيـــــل وبوادي .. وغيمة ظليلة وضل نيماية
اتمنيتك عـــــز الصيف ..سعفة معلــــقة في تمرايـــــــا
****
وانت مشيت خليتني اغني ..الله الليل ياليلي برايــــا
آه مسكين لي نفسي أمني ..وللميتين تاريهو غنايـــــا
والأيام ماساكني تحندك .. مادي لسانة حلاتـــك ودقدق
وانت براك عــــارف دنيانا .. لما تقوم حاسدي وكاويا
****
وغبت وجيت من وين ياغالي ؟ والأيام في غيبتك قاسي ..
ونار الشوق حااارة وقلايــــــا وغبت وجيت من وين ياغالي ..؟
والأحزان في غيبتك كابي ..وجاري بحار الهم لوايــــــــة
وغبت وجيت من وين ياغالي ..تفتح باب الحب جوايـــــا
شن سويت في احلامنا الفاتت جايي تكوس احلامنا الجايــا

انا منتصر جعفر خالد من كبوشيه الكناوين وانشاء الله نستفيد ونفيد وجعلكم ربي زخرا لكبوشيه

]color=#336666]اهلا وسهلا الاخ منتصر جعفر ومشكور علي الاطلالة -

لك مني من الود اخلصه واسف علي التاخير[/color]

لا تزعلي
للشاعر :- خالــــد الباشـــا

لاتزعلي لا تبكي لا لاتحزني لا ترثي مركبنا الغرق
قـدر العشـق انـا وإنتـي نتلمـة ونوالـف ونتفـرق
لا إنتي لا أنا لا القلوب الشايلـة حبنـا بـي صـدق
تقدر تبل زرع السنين بي فيض دموعنـا بعـد حـرق
**
غـيـر نـسـأل الله يسـهـل القـاسـي وتـهــون
يدينـا فـي باقـي العمـر صبـرا نقشقشبو العـيـون
دي القسمة والقـدر الوقـع والدايـره اقدارنـا بيكـون
بس نحن ناس طيبين خلاص أحسنا في الدنيا الظنـون
**
سامحيني كان سقتك معاي في سكة في مشـوار ضيـاع
ومليت حياتك بالمنى وأحلام مسافـرة بـلا شـراع
وعميت عيونك بالغنـا وكيـف مـرن الأيـام سـراع
ما قايلك اسـه بتكتبـي مجبـورة بـي قلمـي الـوداع

**
لكن خـلاص قبـل الـوداع وتفوتـي والأيـام تفـوت
خليك قـدر البينـا كـان لاتفكـي روسيـن الخيـوت
لا تخلـي قلبـك للسنيـن لايبنـي فوقـو العنكـبـوت
أمليهو بي عشـم الله خيـر لاتنسـي إحساسـك يمـوت

**
ما انتي مولود الفرح الجاني في الزمن الحزين
ولدوكي في زمن الغناء المعزوف علي وتر الانين
جيتيني والايام عقاب وفضله من باقي السنين
في دنيا آخره كوم تراب لا بتدي لا تقدر تعين

**
لكن خلاص قبل الوداع وتفوتي والايام تفوت
خليكي قدرالبينا كان لاتفكي روسين الخيوت
ما تخلي قلبك للسنين لا يبني فوقو العنكبوت
امليهو بي عشم الله اخير لاتنسي واحساسك يموت

**
وانا أصلي مابنساكي يوم .. مهمـا يطـول بينـا العمـر
وعارفك كمان شايلاني شـوق .. وغـرام مقلـد بالصبـر
ذكرى وحنين لـي ماضـي راح وأيـام تغفلنـا وتمـر
وعـارفـانـي مـابـقـدر بـــلاك إلا الـجـبـر ..
بس في النهايه أخـوك أخـوك لامـن يضـم جسـدي القبـر

]size=24]الشوق عذاب
للشاعر خــــــالد شقـــــــوري

ما كنت فاكر الشوق عذاب ما كنت قايل الريده شوق
ما كنت فاكر الدنيا عاد محصوره بين جفن العشوق
لاكن بعد سفر السنين والرحله بين اشقى واتوق
عرفت جبل الشوق ألم والريده في اعلاهو فوق

تلقاني في الليل البهيم دايما افتش في الشروق
ومن ما اشوف نور الصباح ارجع اكوس الليل اروق
ما قالوا غير حريقا عاد النار تضوي تشع دروب
شن شفت يا لهب الغرام فيك من زمان غير الحروق

ليلا نهار زاكي الهموم في راسي عاد تسكت تحوم
ما حانة لي ريدي الندي وما فاكره لي قلبي الشفوق
قلبي الحزين انجب هواك كيف من هواكي المر اضوق
يمكن غرامك ما عرف وريهو ايه يعني العقوق

في سكة الصفى والوئام حجر الظنون لي بيعوق
والشك يدور في هواي من سجنوا غالبني المروق
فاضل لي ايه انا غير اجن والليل يجن وبالجن افوق
اتهادى في ارض الضياع وازرع لي من احزاني روق
[/size]

حقك عليّ ...واللوم عليّ
كلمات القامة: السر عثمان الطيب

حقك علي .. واللوم علي ..
طالب السماح والمعذرة ..
صفيلي قلبك بالرضا .. والعفو عند المقدرة
لما الحزن فاض بي ودفق .. والهم طواني واعترى
غير قصد اني جنيت عليك .. ولساني زلّ وافترى
غامرني احساس بالندم .. مسخ حياتي وكدرا
في جوفي زي سماً زعاف.. بي غفلة يكتل بالضرا
الغنية مارقي من الضلوع .. أوزن ربابتي واطنبرة
ملياني بالاسف العميق .. عذب ضميري وفي سرى
عينيا اكتحلت أسى .. سهراني جافاها الكرى
دمعاتة تتجمد تقيف.. حد شوفها ما فات محجرا
يا المني شان خاطر وفاك أردع هواجسي وأزجرا
واتحاشا فيك لغو الكلام .. دايما خواطرك اجبرا

ما البيني والبينك .. متل حن السحاب الممطرة
البينا والبين الودي ..ما عمرها انفصمت عرى
رضياني ينشف ريقها من طول الرحيل والدردرة
من دمعها النخلة ارتوت ..واتمطقت طعم الترى
رضياني تفني وتنعدم مطعونة وسط الخاصرة
تتلوى تتحرقص برق .. شق البوادي ونورة
يا روحي قمرية هواي .. أنا لي تقاتي بدودرا
ولفتها ومديتلها بي كفي ...عيشة وسكره
لو وشوش الريح في الغصون بدد آمالها ونفرا
بي ريشة ريشة وبالصبر ..بابنيلة عشها في الضرة

بحق من خلق الجمال .. ورسم المحاسن صورا
انا رائي فيك نقا الوجود ...قدامي انت المنضرة
سواك الله مليكة فوق عرش القليب متحكرة
ختاك بين درر العفاف ..تتلالي في التاج جوهرة
انا ما بنتقص حنك علي .. لا يوم مشاعرك بانكره
حفظ الجميل والامتنان .. طبع النفوس الخيرة
اصلو المشاعر ما بتدوم ..لو عايشي بالغش والكرا
والريد دروب ما ب يتمشن .. لو خطوة الزول لا ورا

خطواتي لا قدام عليك .. ما اتعبها السير فترا
عجلاني لو تقدر تطير ليك .. كل ما الشوق تاورة
لو تاني يوم اغلط عليك .. بي كلمة جارحي مؤثرة
إن شاء الله ..يا نور العيون .. انا جرحي لا طاب لا برا
إن شاء الله .. يا نور العيون .. أنا جرحي لا طاب لا برا

يلا معاي

الشاعر عبد الجليل فتح الرحمن

يلا معاي نرسم شوقك لوحة ريد لي أجمل ريدة
يلا معاي نرسم ريدك مسدار حب لي أحلى قصيدة
يلا معايا..
غيرك ما متخيل روحي في يوم تفرح وتبقى سعيدة
وما اتصورت الدنيا بدونك رغم خيالي وإنو بعيدة
وما بتألم لي أقداري وللأقسام ال الله بريدا

بس في روحي وروحي فداكي ما بستغرب تبقى وحيدة
اقسم بالخلاكي أماني للآمال القلبي بريدا
انتي الروح للروح الغيرك ديمة حزينة ونارا شديدة
انتي هناها وكل مناها انتي نعيما وفرحة عيدا
انتي الحسن الخلا حياتي نسعد بيهو وتروي نشيدا

فتشي في عالم مجنونك كان تلقيلك ليهو مريدة
تلقي براك في دربو أغاني وفي أعماق وجدانو فريدة
يوم تلقيها الروحا كريمة طبعها في اخلاقا حميدة
رغم عزيمتو الما بتتغير زيدي علي ادراكو عقيدة
غردي فوق اغصانك غني رددي لحنك يا غرّيدة
اطربي هم الدنيا الحالم ديمة علي آلامي يزيدا
خلي العين ترتاح لو مرة ارقد انوم احلمبو غميدة
وأعرفي انك في دنيايا ياكي سجوني التحكم قيدا

شبـر شـك

الشاعر : عطا الكنيبلي

شبر شك .. يغرق .. ملامح اليقيــــــن
منام ظن .. يبدد .. صحاك من سنيــــن
أظنك .. محدد .. فراقك متيــــــــــــــــن
تدسو .. و توسد ... قليبي الأنيــــــــــن
***
أقيــــف .... لا تأكد .. بعوم في الظنون
بضيق .. لما تبعد .. و أغش العـــــيون
أعيشك مغمد .. محل ما تكــــــــــــــون
أنومك ..و أسهد .. منام السكـــــــــون
***
أزاي .. احتراسك تقول الـــــــــــــوداع
تشل حيل حواسك .. بلا اقتنـــــــــــــاع
متين قلبي داسك ... متين يا مطــــــاع
يطل بطش بأسك .. .فراق و انقطــــاع
***
فراق مافي رجعة .. برغم الطريــــــق
أنيــــــن.. مافي دمعة .. تهدي الحريـق
اغيب مرة اوعى .. أغيب ما أفـــــــيق
افيق وجعة وجعة .... أغيبيب و أفــيق
اطيق ياتو لوعة .. و بقيت لا رفيـــــق
***
أطيق ياتو لوعة .. و بقيت لا رفيــــق

الشاعر : عطا الكنيبلي

الدم ما شفع

الوفاء ما نفع

وبيناتنا آحبيب

الكاينى التكون الواقعى التقع

فجرك ياجريح

يشرق لاتهم

مهما انصر ريح

واتفتق الهدم

ماشيك ما نصيح

مشاى فى الحلم

عايمك ومانى قايلك تتقطع ترع

شايلك انتظار

حايمبك زمن

أرتحل المدار

ما ارتحلت محن

من اوهن غبار

ليه عينيك عمن

شايلك ومانى قايلك فى ايدى وقع

ايه يعنى الطواف

بينات النجوم

قبل الحب يخاف

ينزوى فى الغيوم

تتلاقى الضفاف

من غير اى لوم

ساسق واعترافك

فى الاخر رجع

فى اللا حس جراح

فى الخاطر غلب

أرتعش الصباح

مالايام قًلب

شن يجدى النواح

باب الرجعة جُب

برحل بارتياح

فوق درب الوجع

ما الدم ماشفع

مدن الضياع
محمد سفله
محمد النصري

والله يــامــدن الـضـيـاع امـالـي فــيــك مـا بتـنحسب
فـي دوبـا فـارقـتـا الـبلد جيتك مقاسي الشوق غصب
شـديـت رحـالي بـلا ضجـيج خايف شياطين الجحـيم
جــيــت دايــر ابـيـع الـضل ما جابني ليك شوقا قديم
ضاراني وشك من قفاك ضاريت كمان واقعي الاليم
احــلامـي غــرب شــرقــت شـرقــتـا بـانت بالغـرب
شـــان ود غــلابـه وكـادحــيـن لاود شيوخ لاود عمد
مـن قـمـتــا طـاويـني الشـقي ومتـعودي العيشي النكد
جـيـت دايـر اغسل همي فيك والقالي في جوفك سـند
قـــايـد شـلـيـلي ودرتــا انــا تــاريني ضلــيت الدرب

عـلمني ليلك كيف اموت واشيل براي نعشي واحوام
وكــيـف قـلـبي يـتـمـدد تقـا فوق الحزن كيسـابو كوم
والـــقـــا الــشـــقـــا شــقــيــــش امـش الـقــاهـو وين
مـا بـيـنـي مـا بـيـن الهـدوم كايلني هم زايدني خوف
ســـــــــاوي الـــــــفـــــــــــــؤاد ســــــاحــت حـرب

كـيف الـمصير وانا في ودايك تاهت خطاي وبلا دليل
استسلم ارجي الدار تجي انا عاد ولا اطاوع المستحيل
الـرجـعـه اقـسـي مـن الـبـعاد اوبين ووب هسي وقبيل
اتـعـوجـن قـبـلـي ومـحـن فـي اوطـاني عايش مغترب

مـاسـاتي يـامـدن الـضـيـاع اكــبـــر مـن الـحـان الغنا
مـيــلادي كـان عـام الـرمـاد الفـيهــو اباحو الغرصـنا
لاكـت سـلـيــمـان يـوم هـويت لا بيـن ايدي خاتم المنا
شـان اجـلـبـك بـاقي الزمان او اهوي بلقيس ولا احب
والله يــــــــــــــــــــــــــــــــــــــــــــــــا مـدن الضيـاع

كلمات اغنية ساقية نواحي - محمد النصري

يا جاية من بعد السنين هدت حصون الأمنيات
أنا قلبى بالشوق الحزين لاعرفتو حى لا عارفو مات
ورينى كيفن أرتجيك وأنا عمرى فات فيهو الفوات
يكفينى أقفلوا باب هواك وأبكيك وأغنيك ذكريات
جايانى بعد الليل دخل وانا كنت راجيك الصباح
وكتين لقاك كان الأمل وأشواقى أقوى من الرياح
جيتينى يا نجمى الأفل والدنيا تتشايح جراح
في سكة عاقلها لو غفل تدميهو بي صابى الرماح
و أنا أقبلك من غير زعل طبع المحبين السماح
لكن معاك فطن الوحل حنمشى كيف ونهارنا راح

جيتينى بعد الليل دخل وأنا كنت راجيك الصباح
وكتين لقاك الأمل وأشواقى اقوى من الرياح

ما بين عواطفى وشوقى ليك خايف متاهات الجنون
لو عقلى أختارك رفيقة بينزف القلب الحنون
لو قلبى أختارك حبيبة توهدب العقل الظنون
جهجهتى عمرى سنين معاك محتار وراك أنا كيف أكون ...؟؟
جيتينى بعد الليل وأنا كنت راجيك الصباح
وكتين لقاك كان الأمل وأشواقى أقوى من الرياح

وصحبت مواسم الدنيا صيف والصيف رزازو رهاب.. رهاب
وماخدرت واحة امل لو ما هطل فوقها السحاب
ساقية نواحى ولا بتقيف يسقن دموعى انا في اليباب
لا كنو لو بتق عشم يببتق الصبا والشباب

جيتينى بعد الليل دخل وانا كنت الصــــــــباح
وكتين لقاك كان الأمل وأشواقى من الرياح

يا ساكنة ما بين الضلوع في قلبى جوه سواد عينى
دنا قلبى ملكك من زمان كلما تجرحى نبضو حــــى
ما أنت اقرب ليهو منى
وانت اقرب منو لى ..!!
ما طال مسكنك الفؤاد انا ليه أوريك العلى

جيتينى بعد الليل دخل وانا كنت راجيك الصباح
وكتين لقاك كان الأمل وأشواقى أقوى من الرياح

برجع خلاص
برجع خلاص من سكتك قنعان ومتألم براى
برجع خلاص من سكتك
اكشح رمادها مع الرياح واحة أمانينا وهواى
يؤسفنى ....!!!
يؤسفنى أقولك ذكرتك تفتح جراحاتى وبكاى

يا يابه
كلمات : خالد الباشا
يـابــا يــــا قــمــري الـبِـهِّــلْ وحيـاتْ عيـونـي المشتـهـاك
يــا يـابـا فــي نـظــرك مِـتــلْوآشـوقـي لـــي لـهـفـة رؤاك
يـا يـابـا كــان شَـوفـك كِـمِـلْ باكر تشوف بي عينك جنـاك
والله تــمـــرك مـــــا هِــمـــلْ مـا دام مسـمـدو بــي شـقـاك
صِـــح يـابــا ايـامـنـا بَـتـقِــلالا المفـضـلـي مــنــو هــــاك
وعـمــري الـطـويــل فــوقــك يَضِل ينشر يابا حدود رضاك
بــس يـابـا لا تبـكـي وتـسِـل روحـي المَشكَنـة فـي هــواك
انـا بــس كفـايـا الـقـاك تـبـلْ شــوق القُـلـوب المشـتـهـاك
مـا يانـي زاتـي الـمِـن طِـفـل متلمـي ابـويـا عـلـي ضــراك
ربيـتـنـي بالـصـبـر الــطــوٍّل سويتـنـي بــي بـركـة دعــاك
والليـلـي كــان حِمـلـك تِـقِــل خـت المحَمِـلـو فــوق جـنـاك
كـــان تـقــدر الأيـــام تــحِــل ديـن السنيـن وجــزا عـطـاك
بـس يابـا لا تخـاف المَـنَـون مـادام مصيـر الـنـاس هــلاك
واعرف كمان والدي الحَنون الصالِحـي مـا اتقطعـت وراك
وكان الله شـال نـور العِيـون يـا يابـا نحـنْ وهّــج ضِـيـاك
ان شاء الله ما تخيـب الظنـون عشمـك بتلقـي الـفـي جـنـاك
أنا كان مناي والكون عريس ألقـاك تهـش بالخـيـر جـنـاك
وكـان طـلّ دربـك يابـا ميـس شيلـن عيونـي ابــوي فِــداك
هبشنـي فـي الايـام بصـيـص احسبنـي خطـوة مَـعَ خُـطـاك
يا ريتنـي يوسـف والقميـص اكـســيــر عـويـنــاتــك دواك
يا يابا يا قمري البهِّل

رمية ضياع الجيهى

يا واهب بقية عمرك المنفى
قصاد غلب الحنين والشوق
وضياع الجيهي والمرفى
يا واهب بقية عمرك المنفى
شيل طول الليالي براك
وجم حيل غنوتك جواك
وحير بالصبر منفاك
لو باقي العمر كفى
يا واهب بقية عمرك المنفى
شوف من ميسو جاك العيد
وفتق فيك جروح الريد
وحالتك لما تبقى بعيد
كت قايل الجراح تشفى
يا واهب بقية عمرك المنفى
جنيت من حبك الترحال
وصبح وصل الحبيبة محال
ما قليب الغربة حن ومال
برغم قساوتو كان اوفى
يا واهب بقية عمرك المنفى
علي زكراهو كنت امين
ورويت كل المسافة حنين
وخلاص اعطش براك سنين
بعد قلب الحبيب جفى
ويا واهب بقية عمرك المنفى
شذاك الكان مذكي الروح
يخصم بالرسول النوح
علي صدرك عبيرو يفوح
وقت في حضنك يدفى
يا واهب بقية عمرك المنفى
نسف كل الغرام الكان
ورماك في جب من الاحزان
تقاسي اللوعة والحرمان
حضن بلدا غريب ضفة
يا واهب بقية عمرك المنفى

لاتنجع
للشاعر خالد شقورى

يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
***
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
***
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
***
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
***
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
***
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
***
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
***
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
***
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
***
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف

يلا معاي

الشاعر عبد الجليل فتح الرحمن

يلا معاي نرسم شوقك لوحة ريد لي أجمل ريدة
يلا معاي نرسم ريدك مسدار حب لي أحلى قصيدة
يلا معايا..
غيرك ما متخيل روحي في يوم تفرح وتبقى سعيدة
وما اتصورت الدنيا بدونك رغم خيالي وإنو بعيدة
وما بتألم لي أقداري وللأقسام ال الله بريدا

بس في روحي وروحي فداكي ما بستغرب تبقى وحيدة
اقسم بالخلاكي أماني للآمال القلبي بريدا
انتي الروح للروح الغيرك ديمة حزينة ونارا شديدة
انتي هناها وكل مناها انتي نعيما وفرحة عيدا
انتي الحسن الخلا حياتي نسعد بيهو وتروي نشيدا
فتشي في عالم مجنونك كان تلقيلك ليهو مريدة
تلقي براك في دربو أغاني وفي أعماق وجدانو فريدة
يوم تلقيها الروحا كريمة طبعها في اخلاقا حميدة
رغم عزيمتو الما بتتغير زيدي علي ادراكو عقيدة
غردي فوق اغصانك غني رددي لحنك يا غرّيدة
اطربي هم الدنيا الحالم ديمة علي آلامي يزيدا
خلي العين ترتاح لو مرة ارقد انوم احلمبو غميدة
وأعرفي انك في دنيايا ياكي سجوني التحكم قيدا

لاتنجع
للشاعر خالد شقورى

يا الشايل شمسك في جواك خليها تبين للناس تطلع
يا النازع فرحة والدة هناك غير حس آهاتك ما بتسمع
***
يا الناسي اللبقة المفتوحة دي بلاك طوريتك ما بتقرع
المنجل في راس التمرة ناسيهو وامك ما بتطلع
الكتقة وقعت والحملان في اللوبي بقت تجري وترتع
والزير الفي بيت الضيفان حرمان لا نزّ ولا نقع
***
يا السبت عقابك وروحت وحيات عز بلدك لا تنجع
الشتلة تقولك لاتنجع الواطة تقولك لا تنجع
الحوض الما رفعت سرابو ينادي يقولك لا تنجع
الحبل الما تميت وسيرو يهاتي يقولك لا تنجع
والنيل الفي واطاتنا ترع بيقولك ازرع ولا تنجع
***
ماك فاكر يوم داير ترحل وابوك الحاج شايلو عصا
لا حيلو وقف طقش الابريق اندفق سال فوق المصلاة
قام بارى الحيطة واتوكل ويقوم فد مرة ومية يقع
ويقولك يا المبروك ارجع
***
ارجع ارجع يا زول ارجع غير ارضك عاد ما بتلقى بطاح
شن داير في بلدا والناس ما فيهن حاس وما فيها صباح
الليل الويل مليان اتراح الويل الليل مليان اتراح
بياع بيقول افراح افراح زي البيقول تفاح تفاح
***
مجلوبة الفرحة ومفروشة من ضحك الناس دايرين ارباح
لو كان في ايدن ملك الكون كان لمّو عبير الزهر الفاح
كان علمو نفس الزول العاش في سدر الليل داير يرتاح
كان حجزوا الغيم في واطاتو وكان آمسكين باعو الارواح
***
وين تلقى الفرحة وتتهنى في دارا ضيقي ومافي براح
جم ناسا من عين العطشان تخطف ومضات البرق اللاح
***
سايب اهلك ونخلك راحل قول وين ماشي وين آ صاح
الشمس النايري ابت تطلع النيل يا زول اصبح رحراح
الضل قصر ما غتى رويس ولدا ساكب عرق الكتاح
الواطة ابت تديك الخير ولا انت عليك ما هابي رياح
***
قولي وين ماشي ووين غاشي ولي شن سايب بلد الصلاح
النسمة ان جاتك بتجيك ملياني عبير عند الفياح
الموية ان داير تلقاها نقاعا واطيب من الراح
ان درت نغيم الموج تلقى وان درت كمان الطير صداح
***
ارجع ارجع يا زول ارجع
الضحكة هناك من جوة الجوف الفرحة هناك ما فيها الخوف
الشقى ارحم في ضل النيم وبعيد من ناسا واقفة صفوف
جم ناس حبان تلقى المكسور مشيول في كتاف واحد مكفوف
الجن الاحمر فاقد الحيل في خلوة حاج الخير مكتوف
دكان الشيخ فوق الواطة كيمان كيمان ما فيهو رفوف

مسيرة الفنان محمد النصري

[b]
الفنان محمد النصري ابداع تتجدد دوما
تعامل محمد النصري خلال مسيرته( وهنا اعني التعامل الفني الذي ورد عبر الكاسيت والتسجيلات الرسمية ) تعامل مع (30) شاعراً حسب الحصر التالي

الشاعر عدد الاغاني

محمد سفله 20
عبدالله التاج 4
محمد خير درو 2
علي خضر 1
خالد يس 1
محمد النصري 1
خالد الباشا 7
عبدالجليل فتح الرحمن 4
عوض علي حامد 3
ياسر علي بشير 3
عبدالقادر ابراهيم 3
خالد شقوري 7
رامي قسم السيد 2
عثمان عوض درار 1
صلاح البوج 3
عبدالقادر محمد 1
خالد عبدالله بخيت 4
عثمان خليفه 1
ياسرعلي بشير 1
صلاح التركي 2
محمد الحسن سالم حميد 3
محمد المهدي حامد 1
رحاب شريف 2
السر عثمان الطيب 1
الامين حبان 1
جادالله عثمان 1
محمد عثمان اب شعب 1
عطا الكنيبلي 2
عبدالروؤف ابوزيد 2
خليفة عثمان خليفة 1

وحسب الحصر التالي فان محمد النصري قد صدرت له ( 10 ) البومات فنية كانت كما يلي

أول البوم هو نسيتيني ويتضمن اغاني :

الاغنية كلمات
أ‌- نسيتيني محمد سفله
ب‌- حذاراك محمد سفله
ت‌- وداعاً يا ربيع الدنيا عبدالله التاج
ث‌- يا نجيمات عبدالله التاج
ج‌- كذبة ابريل محمد سفله
ح‌- مدن الضياع محمد سفله
خ‌- بشوفك في عيون عيني محمد سفله

كل الالحان محمد النصري

2- ممكن انسي ( بعد اعادة التسجيل )

ويتضمن اغاني :

الاغنية كلمات
أ‌- ممكن انسي محمد سفله
ب‌- زمن الفجيعة محمد خير درو
ت‌- زهور الاقحوان محمد سفله
ث‌- حليلي محمد سفله
ج‌- شبه البدر محمد سفله
ح‌- افتكرتك محمد سفله
خ‌- هيثم علي خضر
د‌- نجوي محمد النصري
ذ‌- غربة وارتعاش خالد يس

نواصل سرد تفاصيل مسيرة الفنان محمد النصري وما انتجه من البومات غنائئية

[
- لاتزعلي

ويتضمن اغاني :

أ‌- لاتزعلي كلمات خالد الباشا لحن محمد النصري
ب‌- ياحسرة كلمات عبدالجليل فتح الرحمن لحن عبدالجليل فتح الرحمن
ت‌- فراق قلبين كلمات ياسر علي بشير لحن محمد النصري
ث‌- مابتخيل. كلمات عوض علي حامد . لحن عوض علي حامد
ج‌- لقيتك .كلمات عبدالله التاج . لحن محمد النصري
ح‌- غنيناك كلمات عبد القادر ابراهيم لحن محمد النصري
خ‌- معذور كلمات عوض علي حامد لحن عوض علي حامد
د‌- رسالة كلمات خالد شقوري لحن محمد النصري

لسه قادر
أ‌- لسه قادر كلمـــــــــــات محمد سفله الحــــــــان محمد النصري
ب‌- سقف الصبر كلمـــــــــــات عبدالقادر ابراهيم الحــــــــان محمد النصري
ت‌- اماني كلمـــــــــــات عثمان عوض عثمان الحــــــــان محمد النصري
ث‌- بحر الشعاع كلمـــــــــــات خالد الباشا الحــــــــان محمد النصري
ج‌- سؤال كلمـــــــــــات صلاح البوج الحــــــــان محمد النصري
ح‌- وين الندية كلمـــــــــــات محمد سلفه الحــــــــان محمد النصري
خ‌- صبريه كلمـــــــــــات خالد شقوري الحــــــــان محمد النصري
د‌- لما شفتك كلمـــــــــات رامي قسم السيد الحــــــــان رامي قسم السيد
ذ‌- ماتظن كلمـــات عبدالقادر محمد الحــــــــان عبدالعظيم منصور

5- حزن الحراز ويتضمن :

أ‌-حزن الحراز كلمات خالد عبدالله بخيت الحان محمد النصري
ب‌- يادنيا كلمات خالد عبدالله بخيت الحان خالد عبدالله بخيت
ت‌- لاتنجع كلمات خالد شقوري الحان محمد النصري
ث‌- لازم اجيك كلمات عبدالقادر ابراهيم الحان محمد النصري
ج‌- ضياع الجيهي كلمات ياسر بشير الحان محمد النصري
ح‌- الامل الرحل كلمات صلاح البوج الحان محمد النصري
خ‌- تسألني كلمات صلاح التركي الحان محمد النصري
د‌- ناقش الاحساس كلمات عبدالله التاج الحان محمد النصري
ذ‌- ياشمات كفاية كلمات عثمان الخليفة الحان محمد النصري

6- سوقني معاك ياحمام ويتضمن اغاني :
الاغنية كلمات الحان
أ‌- سوقني معاك ياحمام محمد الحسن سالم حميد تراث معالجة لحن النصري
ب‌- بالميلاد كلمات خالد الباشا محمد النصري
ت‌- حزن العيون كلمات عبدالجليل فتح الرحمن عبدالجليل فتح الرحمن
ث‌- بنيات الجرف كلمات محمد الحسن سالم حميد محمد النصري
ج‌- حوش الربيع كلمات محمد الحسن سالم حميد لحن محمد النصري
ح‌- الضرب علي الميت كلمات محمد سفله -- محمد النصري
خ‌- عقوق الحن كلمات ياسر علي بشير - محمد النصري
د‌- رسلي طيفك كلمات خالد عبدالله بخيت - خالد عبدالله بخيت
ذ‌- سكة رحيل كلمات خالد عبدالله بخيت - خالد عبدالله بخيت

ب‌- غيم الوداد كلمات خالد شقوري الحان محمد النصري
ت‌- جيتيني كلمات محمد خير درو الحان بابكر البرصه
ث‌- ما لقينا بيت كلمات رحاب شريف الحان محمد النصري
ج‌- قلب بالصح كلمات محمد سفله الحان محمد النصري
ح‌- ارحل ياحمام كلمات كلمات رامي قسم السيد الحان رامي قسم السيد
خ‌- شكوي كلمات محمد سفله الحان محمد النصري
د‌- خير اعم كلمات محمد المهدي حامد الحان محمد النصري
ذ‌- ياتو طريق كلمات عبد الجليل فتح الرحمن والحانه

اشارات الوادع ويتضمن اغاني :

أ‌- اشارات الوداع كلمات عوض على حامدالحان عوض على حامد
ب‌- ياممكون كلمات د\ياسر حسن الحان محمد النصرى
ت‌- ياوردة كلمات محمد سفله الحان حسين سفله
ث‌- حقك علي كلمات السر عثمان الطيب الحان صلاح عبدالنبى
ج‌- يلا معايا كلمات عبدالجليل فتح الرحمن الحان عبدالجليل فتح الرحمن
ح‌- نوم العافي كلمات خالد شقوري الحان محمد النصري
خ‌- باكرنا نيل كلمات الامين حبان الحان الامين حبان
د‌- بلاد الشوق كلمات خالد الباشا الحان محمد النصرى
ذ‌- دائرة الحرمان كلمات جاد الله عثمان الحان عبد الرحمن عجيب

ضل السحابة ويتضمن اغاني :

أ‌- ازيك كلمات عبدالجليل فتح الرحمن الحان عبدالجليل فتح الرحمن
ب‌- ضل السحابة كلمات محمد عثمان اب شعب الحان ميرغني النجار
ت‌- يايابا كلمات خالد الباشا الحان محمد النصري
ث‌- الشوق عذاب كلمات خالد شقوري الحان عبدالمنعم ودالعوض
ج‌- امانة عليك كلمات خالد الباشا الحان محمدالنصري
ح‌- شبر شك كلمات عطا الكنيبلي الحان محمد النصري
خ‌- مالو ان كان شكن كلمات محمد سفله الحان محمد النصري
د‌- خائن العهود كلمات صلاح البوج الحان صلاح البوج
ذ‌- ماشي علي تضيق كلمات محمد سفله الحان محمد النصري
ر‌- ماني شمتان فيكي كلمات محمد سفله الحان محمد النصري

البوم عندك خبر

أ‌- عندك خبر كلمات خال الباشا عبدالمنعم ودالعوض
ب‌- مجبور اجيك كلمات محمد سفله لحن محمد النصري
ت‌- ود البلد كلمات خالد شقوري - محمد النصري
ث‌- فرحة رجوعك كلمات عبدالروؤف عبد الله - الامين حبان
ج‌- شهر ذاد كلمات خليفة عثمان خليفة - محمد النصري
ح‌- نفاج الوداد كلمات عبدالروؤف ابوزيد - عبدالمنعم ودالعوض
خ‌- جفا وحن كلمات عطا الكنيبلي - محمد النصري
د‌- ابوي مسكين كلمات رحاب شريف - محمد النصري

محمد النصري: أنا ما القلب البجرسو شوق...!
بقلم: أمير الشعراني
(م)
من عينيه الذكيتين، يطل نبع من حنان، ينهمر بين كلماته المتلفحة بثوب ابتسامته البريئة، فعند أول لقاء به، يجتاحك احساس، انك تعرفه منذ سنين، دخل إلينا، تسبقه أريحيته المعهودة وطرفته الحاضرة، ليغمرنا بوابل من الحكي، وطل من الذكريات.
محمد النصري، فنان الطمبور الشهير، خرج للدنيا في العام (1974م) تسبقه "صرخة أريحية ورضاء" فى بيت من بيوت القرير، لأسرة ربها شاعر وكذلك الجد والخال، فما كان غريب أن تأتي صرخة ميلاده مموسقة ومدوزنة تنبئ بفنان عظيم.
(ح)
حب الطمبور، سرى في شرايين دمه "الخفيف" وهو بعد طفل صغير، يتنقل بين الجرف والقرير ونوري، وفي مروي شاف كل جميل، وشاف عيون لعبو بيهو شديد، فكان الملحن الأول للاناشيد داخل مدرسة مروي الإبتدائية، وفنان الجمعيات الأدبية، مما أكسبه حب ورضاء الأستاذ ابراهيم ود الحسين، الذي ترجم حبه الى (طراده) يدسها في جيب النصري الصغير عقب كل لحن، ومن هنا بدأت مسيرة محمد النصري الفنية مدفوعة بـ(طرادة) المدير وتصفيق واعجاب زملائه التلاميذ.
(م)
مدرسة كريمة الثانوية، اكتشفت ورعت رجليه القويتين، وكادت أن تهمل مرونة حباله الصوتية، فمحمد أصبح فيها هدافاً يشار اليه بالأقوان، ولكن احساس الفنان داخله كان أكبر، وعن ذلك يقول الفنان محمد النصري: "أنا أصلاً (كورتي) ما انفصلت من طمبوري".
ويذكر من طرائف المنافسات المدرسية، هروبه من معسكر فريق المدرسة، لإحياء حفلة، وما أن بدأ يتغنى بطمبوره، اذا بالجهازين الاداري والفني للفريق يحاصرانه من كل اتجاه، يحكي محمد ضاحكاً: دي كان أول مرة يجلسوني في دكة البدلاء، واتذكر دخلوني الشوط الثاني احرزت ثلاثة أهداف.. المدرب قال لي تاني كل كورة تمشي تغني وتجي تلعب.
(د)
ديوان العمل الحكومي، اعتقل الفنان محمد النصري، ثلاث سنوات، موظفاً بالكهرباء المحطة جيم، قبل أن يحزم أمتعته الى الخرطوم التي دخلها غاضباً، من برنامج نادى الطمبور، ذات البرنامج احتواه من بعد وقدمه للجمهور.
سألت النصري عن سبب الزعل.. فأجاب قائلاً: (سمعت فى احدى حلقات هذا البرنامج الذي يستمع اليه جل أهل الشمال وعشاق الطمبور، نسب تلحين أغنية يا نجيمات التي قمت بتلحينها الى شاعر آخر، فحضرت للاذاعة غاضباً، مطالباً بالتصحيح، وقد تم ولكني القعدة الـ"ياها".
(ن)
نجوى وهيثم، قصة حب انتهت، بمأساة، عندما اكتشفا انهما اشقاء، وقد كتب المبدع علي الخضر ووثق هذه الحادثة بأغنية جميلة غناها محمد النصري، الذى عاد نفسه وكتب "وا اسفاى يا نجوى" فكانت الأغنية الأولى والاخيرة التي تغنى بها النصري من قصائده الكثيرة.
أسفاي يا نجوى ... أسفاي على الأفراح
رحلت بلا إيذان خلتني للأتراح
والغناء عند النصري، عندما تطلقه نصاً هكذا تحس بأنك تخنق الكلمات فالرجل يملك من ناصية التلحين ما يجعلك لا تستطيع قراءة النص بعد سماع الأغنية.
(ص)
صادف الفنان محمد النصري عميد شعراء أغنية الطمبور الشاعر الكبير حسن الدابي في آخر حياته فرمى الدابي في قلب النصري كثير من الوصايا قليل من التحذير بأن ثمة مطبات ستواجهه في مسيرته الفنية".
سألت محمد النصري عن المطبات، فقال ضاحكاً والله مطبات شديدة، ثم عدل جلسته وقال بشئ من الفخر: "شاعرنا الكبير حسن الدابي ما قال كلام إلا اتحقق فالرجل كان حكيماً".
(ر)
رضاء قليل خلّفه ألبوم (ممكن انسى) في نفس محمد النصري الذي ابتدر به انتاجه الفني في العام 1999م لتتوالى ألبوماته الواحد تلو الآخر ويزداد رضاءه، وإن كان يقول: "لسه أجمل أغنياتي لم تأت بعد وأسعى دوماً للأجمل".
شعراء كثر رفدوا مسيرة النصري بكثير من الأغاني نذكر منهم "محمد سفلة، محمد خير درو، علي خضر، خالد شقوري، خالد يس، خالد الباشا، محمد الحسن سالم حميد، خالد عبد الله بخيت وغيرهم من شعراء أغنية الطمبور".
(ي)
ينعم محمد النصري بدفء أسرته الصغيرة بعد أن ودع حياة العزوبية مبكراً متوجاً (أميرة) سيدة على قلبه، منحته قوة دفع أسهمت في مسيرته الفنية، كما منحته "أصالة _ خالد_ وابوبكر".

هو محمد محمد عثمان محمد صالح النصري
من مواليد مروي شرق
بدا الغناء في بواكير صباه وتغني في بداية مسيرته للشاعر محمد سفلة الذي شكل رمزا في مسيرة محمد النصري فيما بعد
ثم سارت خطاه علي طريق الابداع الي ان اكتملت فيه كل عناصر النجاح التي تمثلت في اختياره الموفق في ما يغنيه من كلمات ،،والحانه التي تنبئ عن زوق رفيع واداؤه الذي يقودك الي قمة التطريب

هنا وفي ما اقدمه من اغنيات نلاحظ ان النصري قد مر في مسيرته بعدة مراحل يمكن القول ان المرحلة الاولي قد لاتمثل الكثير من النجاح الا انها كانت الاساس الذي انطلق منه النصري بعد ذلك

بدأ محمد النصري مشواره الفني بثنائية مع الشاعر محمد سفلة والشاعر عبد الله التاج ورسم اولي خطواته علي خارطة المبدعين
بدا في الانفراد بذاته وصوته وبدا مرحلة جديدة في مسيرته التقي فيها بعدد كبير من الشعراء منهم الشاعر القامة السر عثمان الطيب ومحمد المهدي حامد ومحمد سعيد دفع الله
والتقي بعدد من الشعراءالشباب منهم خالد الباشا وخالد شقوري وعوض علي حامد وخالد علي ورامي قسم السيد وعثمان عوض عثمان ومحمد سفلة واخرون ستاتي اسمائهم تباعاً

تظل سيرة النصري علي لسان كل المهتمين بادب الشمال واغنية اطنبور
وقد شارك محمد النصري في نشر الاغنية وتطويرها وايجاد مستمع جديد وذلك لما تميز به من اداء جميل وصوت طروب وتطريب متفرد

ومحمد النصري استطاع ان (يكتسح ) الساحة عبر اختياره الموفق لاغنياته من ابداعات الشعراء وحقيقة ان هذا المبدع يستحق الوقوف عنده والتامل في ما قدمه
و استطاع ان يرتب وجداننا ويطربنا الي ابعد الحدود وذلك خلال اختياره الذي دوما ما ياتي موفقاً جدا لاعماله التي يقدمها
وقد استطاعت موهبة محمد النصري اكتشاف العديد من الشعراء الذين ولجوا الي الساحة عبر صوت النصري المتميز
واذا حاولنا ان نغطي جميع جوانب النصري لما استطعنا.. وذلك لقوة التجرية وعظمتها وما اثمرت عنه من نجاح هو خير دليل علي ذلك

كثيرون من من استمعوا للنصري اكدوا جاهزية صوته لاداء اي لحن مهما كانت صعوبته ذلك ان محمد قد توصل ( اخيرا )
الي معرفة طبقات صوته واين يغني فيها

النصري بدأ الغناء مبكراً وكان حينها طالبا في نهايات المرحلة الابتدائية (وبالمناسبة محمد النصري جمع بين الفن والرياضة وكان امهر لاعبي كرة القدم وقد لعب بفريق كريمة وصعد به الي الدرجة الثانية )

.. اول البوم غنائي للفنان محمد النصري هو ممكن انسي وان كان محمد قد اعترف ذات يوم في احدي اللقاءات انه غير راضٍ عن اداءه في هذا الالبوم لذا قام بإعادة تسجيله مرة اخري وتم طرحه مؤخراً في الاسواق

ان محمد النصري بدا الغناء باكراً وهو في اواخر المرحلة الابتدائية واحترف الغناء في بداية التسعينات حيث اكتسب شهرة واسعة انتقل بها الي العاصمة وجاء عضوا في نادي الطنبور في 1998 تقريباُ
والمراقب لمسيرة المطرب محمد النصري يلاحظ ان تجربته قد مرت بمرحلتين

المرحلة الاولي التي شكلت بداياته والتي يقول النصري عنها انها مرحلة لم تكن (محسوبة ) ذلك انها شكلت فقط بدايته الفنية وقد صاحبها بعض الخلل وهذه المرحلة سجل فيها النصري البومين غنائييين هما ممكن انسي (1999) ونسيتيني 2001 تقريبا ثم جاءت المرحلة الثانية مابعد 2002 م والتي تمثل مرحلة النجاح الحقيقي في مسيرته الفنية

... مفقود الجنوب من كلمات الشاعر: صلاح البوج...

أسع ياتو فيهم يا خلق الله عاد

أو عاد يات مصير لى وللولاد

تبدا أمونة رحلة ما كان فى الحساب

باراها الزمن شبعا فى العذاب

من يوم سافر أحمد قاصد للجنوب

باكى أمونة فرقة هزت للقلوب

زوجها أبو الولاد الخاتى العيوب

مفقود من سنة وأعلنوا للحداد

وتمر السنة بى فوق السنة

تمو أربع سنين مرت محزنة

فكرو فى الكفيل وبيناتن جنا

ومحل الأبو بقة عم الولاد

عقدولو الأهل سلو المتبع

من مرت الأخو الفات مارجع

تنداس المشاعر أو قول اقتنع

لازم الناس تضحى شان لبنى وعماد

ويتم العقد بينات الدموع

لا فرحا كتير لا ضوّت شموع

عجلات الزمن ما بتقبل رجوع

ومابتمشى الحياة زى ما الزول أراد

سنتين بالكتير كان جابو الولد

والحزن القبيل جواهم برد

سمو على الفقيد الراجل الصمد

شان حفظ الإسم وتأكيد للوداد

وما كان فى الحساب الزمن العنيد

ينسج فى الخيوط من زمناً بعيد

فى يوماً عصيب وما فى البال أكيد

من أول جديد اتكال الرماد

فى لحظة سكون عمّاها الديار

حس الباب نقر قايلة أمونة جار

تاريهو الفقيد كان فى الإنتظار

مفقود الجنوب يرجع تانى صاد

كان صدمة قاسية فوق الإحتمال

خلتا بين جحيم واقع أم خيال

إختلّ العقل وكان آخر سؤال

أسع ياتو فيهم يا خلق الله عاد

أو عاد يات مصير لىّ وللولاد

مشكور الاخ - ابوعزة علي الاضافة.. ونطمع في المزيد

مع خالص الود..

هؤلاء المحملون على جناح الوسامة المضمخون بالعطر ..الذين يرسمون الفرح في دروبنا .. نحملهم كأزهار الربيع بنفسجا يضوع طيبا ، هم الذين نلجآ الي أصواتهم التي تحمل في جنباتها معاني السلام .. الشجن .. الحنين ..لسان حالنا في كثير من الأحيان ، بل جل التعابير والمفردات العصية التي تأبي أن تنسلخ عن جلد الأشياء .

النصري .. أحد هؤلاء في صوته مفردة الحنين والشجن ، نجده في عدة نصوص يلبس عباءة التجلي يأخذنا لدنياوات محفوفة بأطرب المعاني التي أراد شعراؤها أن تكون فيها .

سكة رحيل .. غيبي ياشمسي .. لونت الزمن .. يازول يا جميل .. يسوقني الشوق .. النصيب .. سلامك .. عطور الإلفة .. النسائم .. أماني .. أم الحسن .. ست الدار .. في غيابك .. شادية .. كان شوقي ومناي .. ابو الهدهد .. عبر الآثير

..سكن في عمق هذه النصوص ..عاش مفرداتها كلمة وعطر أعطاها من روحه نفحات فخرج اللحن شجيا يزغرد كعرس الأماني ، بهيا .. أنيقا في مضمونه وروعة إدائه .

سكة رحيل

هادنت أطيافك دموع
شديت يقيني ..سرقت خيل
خيمت من تال الآسف
شداني للأحزان صهيل

كحادي الرواة .. متفردا يحتلب اللحون الخضر من ثدي الأوتار فتسري كعناق الفجر للأرض البتول ..تستعصي كما السؤال العسير وتتواضع لتحف كل الوجود غناء عذبا ودواخل حنينة .

سلامك

سلامك ما هو قلبك
سلام زولا علي مجبور
ليه القمرة تقسي عليّ
ومن دنياي تشيل النور

أنا أجيك مشتاق .. أجيك ولهان
يفيض الشوق بحور و بحور
أتمني التلاقي معاك وجبر الخاطر المكسور

النسائم

ما غشت النسائم روضنا لا فتحت الأزهار
لا حام الفراش في صباحو لا غازل النوار
لا عادت ليالي غرامنا لا غنت الا طيار

يالحظة عشقنا السامي وينك يا صفاء الأنهار

النصري

درة الشمال وبرق الوطن اللامع ..يقف هنالك علي التلة تلوح له أذرع النخيل وتحمله علي صدر الريح .. تركض الأنجم تطارد صوته الحنين فيزدان في بريق الليل .. يتسع كالحكايا .. يصير هجعة مسافر وإتكاة غريب .

أماني

كلمات : عثمان عوض ضرار

زي لون الفرح زي نسمة
زي طعم السعادة أماني
من عينيها أول نظرة
ذوبت العناد في كياني

أحلي من الأمل والله
أحلي من الربيع وأزهاره
لا محدود ولا متناهي
نورها الفيني أشعل نارو
دون إحساس وقفت أمامها
دقيت لهواي أوتاره
وغنيت في جمالها أغاني
من وحي الغرام وأشعاره

أرتديت بعد ما توبت من قوله بريد وبعاني
حتي شقاي يوم ودعتو عارف نفسو راجع تاني
عارف أنو في أيامي بعض العذاب راجاني
وأشواق ما بتخف تتضاري بالامه تتحداني
سلمت ورضيت بالقسمه برافة فؤادي وحالو
باشواق عيوني الساهرة لطيف الحبيب وخيالو
عارف ما بقاوم حسنو يهزمني الجمال في دلالو
تاسرني النداوة الفيه الرقة وبشاشة إستقبالو
خايف من ظروفي تعيدني لآسف العواطف تاني
وأرحل في دروب ودارة وأغرق في بحر أحزاني
أتناسيت زمان المرة حتي زمانها إتناسني

كيف أنسي الملكني هواه وكيف تنسي الأماني ..أماني

في عينيك تبين الروعة وأروع ما حواه زماني
تتوهج تشع زي فكرة .. زي نجم الصباح الداني
أفسحي لي فيها مكانة خليها تكون عنواني
ما دام فيها لي تجلي قدرة ربي يا إيماني
يا كعبة طواف إحساسي يا مرسي الجمال ومداره
جيتك والأمل سايقني لورد الخدود ونضاره
أفتحي لي باب في الجنة لهمسة هواك وأسراره
وأسقيني الفرح وإستني أعرفي قلبي أيه أخباره

هكذا صدح النصري ولا يزال يملأء الدنا من حولنا نغمات تفيض بالمعاني ..تحكي عن أسرار العشق .. الأحلام المكسورة.. الفرح المجبول والبوح الساكن في عمقنا.. فله التحية ..بعض من عشق وكل الأمنيات..

منقووووول

» اغاني الطنبور ( وداليمني )
» اغاني الزهور
» شعراء / فنانون / اغاني /