الشعر الشعبي والدوبيت والمسادير

ا لشعر الشعبي والدوبيت والمسادير:

سوف اقوم بنقل هذه المواضيع كل علي حده :
.......................................................

{الدوبيت} ذلك الفن الجميل
{الشاعر أحمد عوض الكريم أبو سن} يقول عن الدوبيت والمسادير
{الطيب ود ضحويه} يقول عن الدوبيت والمسادير
{دوبيت} أسمع نحن
{دوبيت} الشم خوخت بردن ليالي الحرة - محمد أحمد بك (الحردلو)
{دوبيت} عاجبانى البنية والشى المولع جمري
{دوبيت} قدرك وين مشيت جاييك
{دوبيت} كل ما أقول باقي الكلام تميتو
{روائع فنية من المسادير والدوبيت لِ بت البادية في بوادى شرق دارفور}
{طه الضرير} يقول عن الدوبيت والمسادير
{عكير الدامر} يقول عن الدوبيت والمسادير
{لمحة عن تراث} :: الشعر الشعبي والدوبيت والمسادير ::
{مجاراة} من ود شوراني لود الدكيم
{ود شوراني وأحمد عوض الكريم أبوسن} يقول عن الدوبيت والمسادير
{ودشوراني} - الغزل بمرابيع النجوم -
{ودشوراني} - عندما زار مدينة شندي -
{ودشوراني} - قال فى الصقط (هديتو ليك يا الجراح) -
{ودشوراني} - كرم الجدود -
{ودشوراني} - مرثية ود كرار - ناظر البشاريين
{ودشوراني} - و أحمد عوض الكريم ابو سن -
{ودشوراني} - وادي اللتيمة - مسدار شلل
{ودشوراني} مدرسة شعر البادية والمسدار
اختا الفي الحديث بعزل وإجيب مقدودو
انا اللي اعدايا زُت مزرود دوالى
تعريف شعر الهمباتة :-
تعريف شعر الهمباتة : {رفاق الهمباتة}
تعريف شعر الهمباتة : {علاقة الهمباتة بالسلطة}
جمال الخريف في {أشعار البطانة}
درقة الرغوة - الدنيا - {عكير الدامر}
دوبيت {شعر البدايات}
دوبيت {عكير الدامر} فى مدح الشيخ الجعلي
دوبيت {عكير الدامر} في نبأ رحيل الشيخ الجيلي الكباشي
دوبيت {عكير الدامر} في وصف الدنيا
دوبيت {هنبتة}
دوبيت {يا لزّام تقايلي وفوكَّا يوت مُتسدِّر}
دوبيت ومسادير {كلآم بنآت}
رباعيات {ودشورني}
شاعر الهمباتة {الطيب سليمان ود ضحوية}
الشعر القومي {عكير الدامر} شعر عكير الدامر الصدق قوة المعني
شعراء البطانة
شعراء المسادير.. و..البيئة
طه الضرير في ذاكرة ووجدان {الطيب ود ضحوية} 1/3
الفخر عند الهمباتة {وقفة مع الطيب ود ضحوية}
قصة تراثية رائعة في حلقات متسلسلة {ود دكين وريا وطه البطاني}
قصيدة (عكيرالدامر) الحكم
قلبي الليلة منطقت المغاني فتحة {ود شوراني}
لمحات عن {فن المُسادير}
الليلة البلوم اصبح يقوقى وينوح {ود الشوبلي}
مجادعة بين {ود شوراني - الصادق}
مدح الشيخ الجعلي {عكير الدامر}
مسادير {الحاردلو}
مسادير جميلة ومتنوعة
مسادير جميلة ومتنوعة #
مسادير كردفانية
مسدار {أبوالسرة}
مسدار {البادية}
مسدار {الخريف}
مسدار {القمري}
مسدار {المطرة}
مسدار {أُمّاتِي القِبيلْ}
مسدار {سواكن - صديق صالح ضرار}
مسدار {عازة وغالية طلعن في التريا تمونك}
مسدار أبو شكال {ودشوراني}
مسدار السكران {ود شوراني}
مسدار الصفية {حسن التوم}
مسدار الصيد {الحاردلو}
مسدار الضير {ود شوراني}
مسدار المطيرق {الحاردلو}
مسدار الهلضيم {ود شوراني}
مسدار رفاعة {أحمد عوض الكريم ابوسن}
مسدار قوز رجب {الصادق حمد الحلال}
مسدار ناي المسافات {ود شوراني}
مسدارالشرّاد {ود شوراني}
المطر .. الليل .. الفراق في {الدوبيت}
من تراثنا الأدبي - قصيدة المتلت من روائع «الجابودي»
من تراثنا الأدبي «الدوبيت & الشاشاي والجابودي»
من تراثنا الأدبي «الموشح»
من تراثنا الأدبي «الموشح» - موشحات أندلسية -
من تراثنا الأدبي «الموشح» موشحة الاهيف لابن حيان
من تراثنا الأدبي «الموشح» موشحة عن بيت الله الحرام
من تراثنا الشعبي «الجراري»
من تراثنا الشعبي «المردوم»
من تراثنا الشعبي «المردوم»
من خيمة الحاردلو
موشح دوبيبتي جميل جدا
نبذة تاريخية عن {حياة وأدب الهمباتة}
نبذة تاريخية عن {حياة وأدب الهمباتة} #
نبذة تاريخية عن {حياة وأدب الهمباتة} ##
نبذه عن - طه محمد أبوزيد - {الضرير}
نضم البنات {الدوبيت}
الهَمْبَاتة «الشعراء الصعاليك» في السودان
الهَمْبَاتة «الشعراء الصعاليك» في السودان {أصلها ونشأتها}
الهَمْبَاتة «الشعراء الصعاليك» في السودان {دوافع الهمبتة}
الهَمْبَاتة «الشعراء الصعاليك» في السودان {قواعد الهمبتة}
الهَمْبَاتة «الشعراء الصعاليك» في السودان {مجتمع الهمباتة}
الهَمْبَاتة «الشعراء الصعاليك» في السودان {مراحل الهمبتة}
واحد وأربعين خمسين وخمسة فريدا {الحاردلو}
وصف الأبل بين {شعراء البطانة}
يوسف الشوبلي {فصيح البطانة}

الدوبيت : ذلك الفن الجميل
...........................................

الدوبيت ..

ضرب شعري غنائي أشتهر به سكان المناطق الرعوية في السودان، وله أسماء أُخر في العالم العربي مثل الزجل والمواليا، أصله كلمة فارسية مكونة من شطرين أولهما (دو) ويعني اثنين، والمعنى واضح وهو الشعر ثنائي الأبيات.

حيث يتكون الدوبيت من قصيدة غنائية طويلة مكونة من مقاطع صغيرة تتألف من بيتين
من الشعر بذات القافية مع اشتراط انتهاء الشطر الأول لكل منهما بنفس القافية التي ينتهي
بها البيت، وهذا ما يجعل المقطع الواحد من الدوبيت مكون من أربعة أجزاء صغيرة م
وحدة القافية مثاله ..

الناس العلي الساحر بشقّوا الصيّ
أمسوا الليلة فوق راياً نجيض ما نيّ
ناس أب ترمة جاموس النحاس أب ديّ
عقدوا الشورة ميعادهم جبال كربيّ

وهناك حالات يكون فيها المقطع ثلاثياً أو خماسياً وفي حالات نادرة يكون سداسياً،
ويشتهر بهذا النوع سكان بوادي السودان الغربية في كردفان ودارفور، وفي بعض المناطق
من أواسط السودان الغربية المتاخمة لكردفان، كما أن أغلب شعر (الحكّامات) بغرب السودان
ينتمي لهذا الدوبيت الثلاثي، ومثاله من غرب السودان هذا المقطع الجميل الذي يُمدحُ به
لعرسان ليلة عرسهم وتغنيه لهم بنات الفريق ..

سقتا النَّم علي الجاغوس
الشجرة الظليلة الما نقرها السوس
في راسها النمر وفي ظلها الجاموس

ورغم أن الدوبيت متجذر في وجدان القصيدة السودانية الدارجة، ويشكل الضرب الأوفر حظاً من
الانتشار والتداول لسهولة حفظه وجمال معانيه وارتباطه بحياة البداوة الفطرية التي يحن إليها كثير
من الناس الذين شغلتهم حياة المدن والحواضر عن الاستمتاع بجمال تلك الحياة، إلا أن شكل قصيدة
الدوبيت كما هي في السودان لا تنتمي حقيقة إلى الدوبيت بمعناه في العالم العربي.

حيث الدوبيت هو
أحد فنون الشعر المعربّة والخارجة عن أوزان الشعر العربي الخمسة عشر

وللدوبيت خمسة أنواع
جميعها لا تطابق الدوبيت الذي نعرفه في السودان وأقربها إلى الدوبيت السوداني هو النوع المسمى (الرباعي الخالص) وإن كان يختلف عنه اختلافاً طفيفاً، ويتفق معه في كثير من النواحي الأخرى، حيث يتفق معه في وحدة القافية في المقاطع الأربعة، ويختلف معه في وجوب أن يكون هناك جِناسٌ بين قافيتي المقطعين الأولين، وجناسٌ بين القافيتين الأخيرتين.
وبذا يختلف عن الدوبيت السوداني الذي لا يشترط سوى وحدة القافية في جميع المقاطع.
أما بقية أنواع الدوبيت الأربعة فهي بعيدة كلياً عن فكرة الدوبيت المتعارف عليه في السودان وفي منطقة البُطانة على وجه الخصوص.

ينتمي الدوبيت السوداني
إلى بحر من بحور الشعر (المستحدثة)، وهو البحر المسمى بحر (المواليا)، الذي هو فنٌ (مستحدث) قيل أنه أستخدم أول مرة لرثاء الوزراء البرامكة حين نكبتهم على يد الخليفة العباسي، وهذا النوع من الشعر مطابق تماماً لما نسميه نحن في السودان (الدوبيت)، حيث لا يشترط هذا الضرب من الشعر سوى اتفاق القافية الأخيرة من كل جزء من الأجزاء الأربعة أو الثلاثة من مقطع الدوبيت، وربما أتى الخلط بين المواليا والدوبيت – في اعتقادي - لعلاقة المواليا بالفرس البرامكة.

ويعتقد الكتّاب والمؤرخون أن المواليا ضرب من الشعر المستحدث والذي لم يجري على
ألسنة العرب في الجاهلية، حيث أن المقياس هو بحور الخليل بن احمد، ولكن ربما أغفل
الخليل بن أحمد هذا الضرب من الشعر ولم يرد مطلقاً في بحور شعره الخمسة عشر، أقول أغفله لأن هذا النوع من الشعر ينتمي إلى الشعر الجاهلي.
وأخص الثلاثي منه بالذكر، وربما أغفله الخليل غير عامد لأن استخدامه لم يكن كثيراً،
لذا ومن باب إحقاق الحق ينبغي أن يعترف بالمواليا كأحد بحور الشعر الرسمية المعتمدة.

ودليل على كون المواليا أكثر أصالة من جميع بحور الشعر الأخرى، أن أقدم قصيدة شعر عربي
على الإطلاق { هي قصيدة العنبر بن تميم } والتي كتبت قبل الهجرة النبوية بحوالي مائة وخمسين سنة، وكان قد نظمها لحداء الإبل وهو عائد من منطقة تسمى بهراء في الجزيرة العربية، قال فيها ..

قد رابني من دلوي اضطرابها
والنأي في بهراء واغترابها
إن لم تجيء ملأى يجيء قرابها

ونلاحظ مدى الشبه الشديد بين بناءِ هذه المقطع وبين مقطع قصيدة المواليا وزناً وقافية
و(استخداماً)، ورغم أن هذا المقطع لم يعرف إن كان له بقية من قصيدة أم لا، إلا أنه
حتى وإن لم يكن مقطعاً معزولاً من ثلاثة مقاطع فقط، فهو على الأقل يحاكي تماماً م
ن ناحية الوزن أوزان المواليا الثلاثية الموجودة في غرب السودان.

ورغم أن المقطع السابق من قصيدة العنبر بن تميم قريب الشبه من البحر السابع
من بحور الشعر وهو (بحر الرجز) إلا أن وجود القافية في نهاية كل مقطع ينفي
نتماءه لهذا البحر، حيث أن بحر الرجز لا وجود للقافية في نهاية كل شطر من قصائده.

وقد استخدمت المواليا أو كما تسمى في السودان الدوبيت في مختلف المناسبات والأغراض،
مدحاً ورثاءً وغزلاً وتشبيباً وفخراً وحماسة.

يقول الشاعر العظيم (ود ضحوية) في نقده لظاهرة اجتماعية بدأت في الظهور في وقته، وهي عادة التبطل واللا عمل، وينتقد فيها الولد الشاب الذي لا يسافر (لقطع الطريق) إلى أن ينقضي الشهر
ويهل هلال الشهر الجديد ولا يرد البحر يعطن ويبل (شنانه) في مائه، ولكنه رغم خموله وكسله
حينما تمر الفتيات أمامه فإنه يراهن كالصقر ويمشي أمامهن مشية الغرور والفخر (القدلة)،
ويختمها بوصف هذا الشاب بالخيبة والمذلة ..

ولداً ما سَفَر لمن شهيرُو يهلّ
ما وَرَدَ البَحَر .. عطَّن شنانُو يَبلّ
وكت الشوف .. يشوف متل الصقير يقدل
وا خيبةً علي ولداً يعيش بالذل

وللدوبيت في السودان
حظ وافر من القصائد الغزلية الرائعة وأشهرها تلك القصائد التي كتبها العاشق
المتيم قيس البُطانة {المحلق الحمراني} في ابنة عمه وزوجته {{تاجوج}} الجميلة،
يصف عينيها بأنها فص ألماس يزين الذهب المُجمَّر ويشبه شفتيها بالتمر وشعرها بالبستان
وخصرها بالضمور وملمس جلدها بملمس القماش الكيدي المخطط،
وذلك حينما أصابته اللوثة العقلية نتيجة طلاقه منها ..

فص الماز مركَّب فوق مجمَّر
فص عينيكِ يا أم خشماً متمَّر
فوق بستان .. تِحِت سالك مَضمَّر
جليدك .. طاقة الكيدي المنمَّر

ويقول أحدهم وأظنه أيضاً {ود ضحوية} مادحاً الكرم والبذل، ورغم ان ود ضحوية كان قاطع طريق
إلا أن قطاع الطريق في ذلك الوقت كانوا أشبه بروبن هود (لصوصٌ نبلاء)، فهم يقطعون طريق الإبل
فقط لاغير، أما النعاج والبقر فإنهم يعفّون عن نهبها، كذلك لا ينهبون أملاك النساء ولا الأطفال.

يقول الشاعر أن هذه الإبل إن (حرَّن) أي كن لدى غيره فهن بُكار (والبكرة هي الناقة) ولسن صفائح زيت، أي أن ما سيبذله من تعب هو من أجل شيء له قيمة مادية ومعنوية في ذات الوقت، وإن (بردَن) أي حينما ينتهي حرّ المعركة وتصير هذه الإبل ملكه وتتحول لنقود فإنه ليس بخيلاً بها للغير ..

ان حرَّن بُكار .. ما هن صفائح زيت
وإن بردن نقود .. ماني البخيل صريت
......الخ

نجد في شعر (الهمباته) الذي هو نوع من الدوبيت الخاص بقطاع الطريق في العهود الغابرة،
جميع معاني الشعر، وأكثر ما كتبوه كان عن رحلاتهم الشاقة لنهب الإبل من بقاع السودان ا
لمختلفة، وفي ظني أن هؤلاء الهمباتة كانوا من العوامل التي ساعدت (جزئياً).

في توحيد السودان بعض الشيء في زمان كان السودان فيه قارة لا وطن، وقد وحدتهم
(ظروف عملهم) قبل أن تتوحد البلاد، فنجدهم إخوة تجمعهم الصداقة و(الخوة)
رغم تباين مناطقهم الجغرافية، وفي ذلك يقول قائلهم ..

الخبر البيجي الصدِّيق مقفَّل جُوَّة
حالف ما بقيف دونو ان بقيت في هوَّة
عِنْ طرش الدرق ما بنسى شرط الخوَّة
كبّاس للدهم .. عند البقول : يا مروَّة

وأشعارهم للمتمعن فيها دروس في تاريخ وجغرافيا هذا الوطن، يقول شاعرهم يصف حياته
بالتقلب وأنه لا يدوم على حال، فيوماً هو في منتهى السعادة، وفي اليوم الآخر يتحمل المشاق
لسوق الإبل من جنرة إلى كاجة وهي مدن في غرب السودان، ثم يعود ليصف محبوبته
بأنها ظبية منطقة الباجة في شمال السودان، سياحة في ربوع الوطن ل
ا تتجاوز الثلاثة أسطر ..

يوماً في بَسِطْ .. عند المزنَّد عاجا
ويوم غربتَبِن من جنرة شايل كاجة
بيش نرضيها غير البِلّ جدية الباجة ؟

كما نجد أن للدوبيت
استخداماً آخر وهو الرثاء، حيث أن للدوبيت مقدرة عجيبة على إيصال المعاني الإنسانية بسهولة، وأن يجعل المتلقي يعيش حالة الشاعر ذاته، وتحضرني قصيدة للشاعر السوداني ود البنا
{الفرجوني} أطال الله عمره في رثاء صديقه المرحوم شيخ قبيلة الشكرية {حسان أبوعاقلة أبوسن} ورغم طول القصيدة وجمالها إلا أن هذا البيت كان بليغاً جداً، حيث يتساءل الشاعر فيه عن فارس الصف وطاهر الكف {صديقه حسَّان} ما خبره الليلة، لماذا لم يلاقيه بابتسامته التي عهدها عليه
ويدعو البروق أن تبكي عليه وأن تنهمر سيلاً لأن الذي يعدل (الحال المائل) قد رقد في قبره ..

فارس الصف، وطاهر الكف، خبارو الليلة ؟
ما لاقانا بيتبسم لَزومَ الشيلة
أبكَنْ يالبروق .. كُبَّنْ دموعكن سيلة
رقَدَ البِسند الهاكعة وبعدل الميلة

ومن أجمل المرثيات أيضاً ما قاله الشاعر الراحل صلاح أحمد إبراهيم
يرثي صديقه الشفيع أحمد الشيخ بعد إعدامه من قبل النظام المايوي عقب الانقلاب العسكري
الذي مُني بالفشل وراح ضحيته الشفيع ورفاقه في الحزب الشيوعي، حيث وصفه بجبل الذهب
واضع الساس الذي لم يهتز ولم يتزحزح حين التف حبل المشنقة ودُرِعَ حول عنقه ..

فارس الساحة جيَّاب الحقوق للناس
سنَّاد الضعيف وكت الضيف ينداس
يا جبل الدهب .. إنتَ الوضعتَ الساس
وما اتزحزحتا يوم درعوا الحبل في الراس

وللجبل مكانة مميزة في الوجدان السوداني، فالشخص القوي والثابت الذي لا يهتز يوصف
بأنه جبل، وقد انعكس هذا الوصف على كثير من قصائد المدح في الدارجية السودانية عموماً والدوبيت خصوصاً، وقد وصف الزبير ود رحمة بذات الوصف (جبل الدهب)، ولا يعني هذا بأي
حال أن هناك انتهاكاً أدبياً لحقوق قائلة الأبيات التالية (بت مسيمس)، التي سبقت صلاحاً
بأزمان طويلة، حيث تضمن صيرورة الإبداع بقاء النسل الإبداعي حياً على مر العصور،
تقول الحكَّامة بت مسيمس واصفةً الزبير باشا ود رحمة بعدما نفاه الانجليز إلى جبل طارق ..

في السودان قبيل .. ما بشبهوك بالناس
يا جبل الدهب ... الصافي ماكَ نحاس
بارود انتصارك .. في غمرة الكبَّاس
خليت المجوس ألين من القرطاس

وفي ذات السياق، وصف الفرسان الذين لا تهزهم الخطوب بالجبال، ذلك الوصف البديع والمدح
الذي أسبغه أحد شعراء الشكرية (ود حَسوب) حينما سأله أحدهم عن أبو علي
{وهو جدٌ بعيدٌ لحسان الذي رثاه الفرجوني أعلاه} فقال له رأيته تواً {هسع شُفتو} على ظهر حصانه {يتلتت} وبقع الدم على لحيته، ووصفه بأنه جبل الموسم الذي تقصده القبائل ولولاه لما كان النصر حليفهم على أعدائهم ..

هسع شفتو .. فوق ظهر الحصان بتلتت
ولصفي الدم .. علي دقنو المليحة اتشتت
جبل الموسم الفوقو القبايل ختت
أكان ما حضر .. قوم ناس خميس ما انسكت

هذه الروعة والوصف البليغ؛ لم يطلب أحدٌ من الشاعر أن يمدح أبو علي، كل ما طلب منه أن يجيب بالنفي أو الإيجاب على سؤال جوابه كلمه :
نعم رأيته ولا لم أره، ولكنها الشاعرية المتدفقة التي تبحث عن مسارب للنفاذ إلى الوجود.

وبين ود حَسوب والفرجوني مسافات زمنية ليست بالقليلة، ولكنهم اجمعوا على فروسية أبو علي، فنجد الفرجوني بعد مئات السنين يمدح أبو علي، الممدوح قبله، ويصفه بمن صد الهمج، وذلك في نفس مرثيته التي اقتبسنا منها ما سبق، يقول وهو يرثي حسَّان ..

يبكنك سيوف أجدادك القُطّاع
ويبكيك أب علي الصدَّا الهمج ما طاع
جِنسك مُو مُلَملَم .. بُرقة مُو لُطَّاع
نور في نور كواكبك .. كُلهن سطَّاع

وللنساء باعٌ طويل في شعر الرثاء وأغلبه لأبناء وآباء وأزواج ماتوا أو قتلوا في ساحات الشرف.

قالت بنونة، ترثي أخاها الذي أصابه الجدري فأقعده عن القتال وأماته ميتةً لا تليق بالأبطال
لا أتمنى لك الميتة التي يذر فيها الرماد عليك
{فميت الجدري لا يغسل ولكنه يذرى بالرماد عن بعدٍ خوف العدوى}
أريدك يوم لقاء العدو أن يكون دمك وشاحاً تتوشحه، وأن يكون الموتى تحت يديك مسلوبين
خاضعين لك وغبار المعركة (العجاج) يكتح وجوههم، ثم تأتي لذكرى سيفه فتحن
إلى سيف أخيها الذي كان يجز به الرقاب ..

ما دايرا لك المِيتة أم رماداً شحّ
دايراك يوم لُقاء .. بدميك تتوشّح
الميت مسولب .. والعجاج يَكتحّ
أحيَّا علي .. سيفو البسوّي التحّ

ثم تواصل وصفها له في قصيدة طويلة غاية في الروعة، يغنيها الفنان الكبير عبد الكريم الكابلي بصوته العذبِ المنساب الذي لا يشيخ يصاحبه لحنٌ عدنيّ جميل، في شريطٍ ضمَّ باقةً من زهور الأغنيات هذه أحداها.

والدوبيت يستخدم أحياناً
لوصف رحلة ما أو منطقة من المناطق أو ظاهرة طبيعية، ومن أكثر الشعراء الذين وصفوا الطبيعة في شعرهم شاعر البُطانة الشهير (الحاردلو)، وهو من الشعراء الذين وصفوا فأجادوا الوصف، والكلام عن الحاردلو ذو شجون ولا ينتهي أبداً، ولكن نكتفي بهذه الصورة التي نقلها لنا عن رحلة عودته من أحدى مناطق السودان إلى أهله في منطقة البُطانة، حيث يقول أن هناك خبراً أكيداً وصله وهو أن البُطانة قد رشها مطر الخريف، وأن السحاب ينزف فوقها حتى مطلع الفجر لا يتوقف، وأن حشرة (أم صريصر) قد هاجت فُحولها استعداداً لموسم التكاثر وبدأت في غنائها الشبيه بالنواح، ويصف ناقته (بت ام سايق) بأنها أسرعت حين أحست بهذا الفرح الجميل في أرض البُطانة، فلم تتناول عشاءها إلا بالقرب من فريقهم في البُطانة ..

الخبر الأكيد .. قالوا البُطانة اترشَّت
ساريةً تبقبق للصباح ما انفشَّت
هاج فحل أم صريصر والمنايح بشَّت
وبت أم سايق علي طرف الفريق اتعشت

والدوبيت لا يقتصر على أبناء البادية،
فهذه بنونة سليلة الملوك، ولا تنتمي للبادية بأي صورة من الصور، وإن كانت قبيلة الجعليين
التي تنتمي إليها بنونة تراوح بين البداوة والحضارة وذلك لموقعها الجغرافي ما بين بادية البُطانة بمراعيها الخصبة النادرة في الجنوب، وبين حوض النيل العظيم في الشمال، الذي تقطن أغلب القبيلة على ضفتيه.

ولكن الدوبيت في السودان لا يرتبط مطلقاً ببادية أو بحاضرة، بل هو فن نابع من القلوب. وللشايقية في أقصى شمال السودان حيث تنعدم المراعي تماماً وتختفي معها حياة البداوة، إلا في أضيق الحدود، ولا تشابه بحال من الأحوال حياة الرعي والبداوة المؤسسة في سهل البُطانة ومراعي الغرب الرحيبة، ورغم ذلك كان للدوبيت نصيب، وإن كان قليلاً، منه ما غنته مهيرة بنت عبود لفرسان الشايقية تستحثهم على النهوض ومقاومة الأتراك قبل غزوهم لديار الشايقية، ورغم ان القافية في أبيات مهيرة غير موحدة، إلا أن ما قالته هو دوبيت بشكلٍ أو بآخر ..

غنيت بالعديلة .. لي عيال شايق
البَرَشو الضعيفة ويلحقوا الضايق
الليلة استعدوا .. وركبوا خيل الكرّ
وقدامهم عقيدهم بالأغر دفَّر
جنياتنا الأسود .. الليلة تتنتر
ويالباشا الغشيم .. قول لي جدادك : كرّ

ولم أكن أريد الاستشهاد ببيت شعر للرائع حميّد لأنه ليس ملكاً للشايقية وحدهم، ولكن بيت شعره التالي يُرغمُ المستشهدَ على الإتيان به، يصف حميّد أصحاب المظاهر الكاذبة الفارغين المفرغين، الذين يتباهون بحديثهم المنمق وملابسهم الجميلة، في حين أن رؤوسهم خاوية، فقال ووصف فأجاد الوصف، وبهذا الوصف البليغ أختتم ويكون الحديث قد انتهى ..

الناس في العروض .. لا تقيسها بي تبيانا
لا يغرك لباسهم والعروض عريانة
ديل حراس رِزِق .. مِتلَ التكنِّي أمانة
زي إبل الرحيل .. شايلة السُقى وعطشانة

الشيخ عوض الكريم عبدالله عوض الكريم أحمد بك أبوسن / يقول عن الدوبيت والمسادير:
..........................................................................................................

هو الشيخ عوض الكريم عبدالله عوض الكريم أحمد بك أبوسن ،
أكبر أبناء الشيخ عبدالله ناظر الشكرية.

ولد أواخر الحكم التركى.

قرأ القران فى خلوة ود المادح لغياب المدارس النظامية فى مدة صباه وكان يتمتع بذكاء عال ومعرفة لامور الدنيا .

لزم أباه الشيخ عبدالله كل حياته ولعله أقتبس من ذلك البعرى نظم الدارة المتازة .

كان على درجة عالية من الأعتدال بالنفس ، ساعده على ذلك ذكاؤه الخارق ، وعفافه الكبير ، وكان يدير عن والده الكثير من أمور الحكم حين كبر الشيخ ، وذلك فى كل نواحى
الأدارة التى كانت تشمل أدارة الشكرية فى مديريتى كسلا والنيل الأزرق .

فى سنة 1919 م كان أحد أعضاء الوفد الذى سافر الى انجلترا فى نهاية الحرب العلميةالأولى نائبا عن أبيه وكان أصغر رجال الوفد سنا .

ثم باشر العمل الأدارى أثناء مرض والده فى الفترة 1919 - 1923 م .

أصبح ناضر الشكرية فى المديريتين من ذ923 1م الى وفاته 1942 م .

أدار أمور القبيلة بحكمة ونزاع\هة منقطعة النظير ، وكان مقدرا من الحكام المصرين والأنجليز على السواء ، يرون فيه الحاكم النزيه الذى لم يرتش وكان على خلق عال وسيرة محمودة ، محبوبا عند الناس مهابا عند الجميع بما جعله مثالا للحكم الصالح . سجل له الأنجليز ، النزاهة فى الحكم والمعرفة الأدارية العالية والخلق المتين الذى لم ينح لاى حاكم غيره.

عاش هذه السيرة الحسنة معروفا فى بلده وفى جميع أنحاء السودان حتى وفاته فى يوليو 1942 م .

دار الوثائق البريطانية

قال الأستاذ المرحوم أحمد على جابر : اخبره العبقرى الكبير والعالم والفيلسوف الأستاذ / عثمان وقيع الله صالح بانه زار دار الوثائق البريطانية ووجد مكتوب عن الشيخ عوض الكريم عبدالله عوض الكريم أبوسن ناظر الشكرية الأتى :-

1/ ناظر القبيلة الذى ما ارتش .
2/ ناظر القبيلة الوحيد الذى لم يزن .
3/ ناظر القبيلة الوحيد الذى لم تسجل ضده كذبة .

لقد وجه حاكم عام السودان بأن يميز الشيخ عوض الكريم أبوسن فى مرتبه على كل نظار السودان لأن ضيوفه كثر وليس له دخل غير مرتبه.

مسدار القضارف احمد عوض الكريم ابوسن

يا السوسيو بشوفك ليك دور بتوق
تصنف عند علوقك وليه تابى تضوق
غير تعبا يجيك يجرن قماقمك روق
نقر فى قلبك المنع البصر ما يروق

نقر فى قلبى بريب الشرابن توق
محمودالخصال كامل الادب والزوق
بعد صممت اشوف الطبعو مو ملقوق
بلدو المو قريب بدنيهو من غير سوق

سرج القمرى والربابى
عليك وقيتو ماغيت غردك الحوبابى
بى السكة الوطاتا مدلجة الدولابى
قم ناجع معتمر والتطرق مابى

:: شرح المفردات ::

بتوق: المقصود يشتاق
تصنف : تقف بين الفينة والاخرى
البريب : الصيد
الشرابن توق : اللائ يشربن بى زعر . والتوق ايضا ما يشبه الغدير
ملقوق : فاسد وغير محمود
وقيته : شديته
الحوبابى : صفه للغرد وهو حزام الجمل . والمقصود ان ه>ا الغرد صنعه الحوباب
الدولابى : كثرة زهاب الجمال وايابها
ناجع : مسافر سفر بعيد عن البلد
معتمر : بمعنى عتمر اى ضرب فى الصحراء
التطرق : ابطأ انواع السير ويليه الكربته ثم المغار

ود شوراني واحمد عوض الكريم ابوسن ..كلام عجيب

احمد عوض الكريم
جيت عد ام شديدة عقبت ودشورانى
صدفنى ابو علوه راحبى الم*** الورانى
جاتنى الذوقا للزنم العقب طرانى
بحشمه وحداقه ومنطقن سرانى

ود شورانى
فى اوكات جيتك القلت خلى ما ارجانى
مرغم قم من اللزولو باعد ودانى
قلبى ينوح ودمى يسوح ونومى جفانى
فقت جميل وقيس ومحلق الحمرانى

احمد عوض الكريم
ودشورانى شوفتك كان قبل هامانى
تغنى لى فوق الثديهن رمانى
مكلوف الغدير فى ساعته خانو امانى
لكن الكبر لحب الاسالى حمانى

ودشورانى
ات يا الشيخ غناك كله حكمه معانى
تشكر فيه فوق العقلهن ربانى
ست القافيتو ولف عليها لسانى
كم وكم ليها سيد جمل مقلد وعانى

احمد ود عوض الكريم
ام عقلا طبيعى مو منقول
روحو خفيفه لونو التبرى فى شنقول
فوق نوران خدودا ولفظها المعقول
ودشورانى تستاهل عليها تقول

شورانى
درعات الوحيش القاد سلولن مارق
شبت فوق قنوب شافت بريقن طارق
مختصرا عفيفا وناس لقاها جرارق
وين ما يبين جمال تامرلو يرجع عارق

احمد عوض الكريم
ام حزما قصار عم المتانى تاليها
لى زمنا طويل دايرك تغنى عليها
عقلها وفرى خانات الشكر ماليها
قفلت باب غناى فوقا وطلع عاليها

شورانى
ست حد الصبا المن الشبابات قنع
عفيفه وقاطعه عشم ال**** البدنع
ما دام راقيه وهبى ذكاها مهو تصنع
مافى اسباب تخلى من غناها اتمنع

احمد ودعوض الكريم
بت خيل القسيم اللبيب نسافا
عنقها صيد مخرط وعاليا اردافا
يا سمحة الودعتك للسعوب عوافا
مسيتى المقنج دومتهو سايحه مسافا

شورانى
سمحه اللفؤادى مجرحات سيافا
خلتنى السماحه الغيرا كلها اعافا
شتلة قيف جدية قاع ومهرا قيافا
امسى عليها داوى ابدومتا سرافا

احمد عوض الكريم
داوى الشوح وللطلايع افه
ذاعباهو اللسعوب الساحه مى ولافه
من الشوله الفوق الحاجبين لفافه
قلبى الكان صميم يا الشيخ طلع طفافه

شورانى
شكر الجمال لكل الشبايب كافه
خايل فوق فلانه الديسها فايت انصافه
خلت حالتى حالة فى الزبد بتلافه
لحت دوف هجين القمح العنافه

طه الضرير يقول عن الدوبيت:
.......................................

طه الضرير

هو طه محمد أبوزيد ويقال له " طه ود أب زيد كما يكنى ب
" أبو الزينة " وهى ابنته :

أبوك يالزينة عكَّاهِن قَبَض فى روسهن
الهُوى والشرِق فوق العواتى بكوسهن
أمسَى الليله فى الغوب الكتير جاموسهن
نوى العودة للغالى ورفيع ملبوسهن

وينتمى طه الضرير لمجموعة البطاحين أبوه من فرع العلاماب وامه من العركشاب ، مات الضرير بمنطقة " أبو دليق " حيث كان يعيش عن عمر ناهز الثمانين.

وقد ترك العمل بالهمبتة فى الأربعينيات من هذا القرن بعد أن ضعف بصره حيث كان يعانى من ضعف البصر منذ شبابه الباكر وسبب لقبه الضرير الذى صحبه منذ الصغر أنه لايرى فى الهاجرة ولكنه يرى على ضوء القمر مالايراه فى الشمس.

تميز بمعرفته بالدروب والنواحى ، ويقال أنه كان يعرف المكان الذى هم فيه بشم ترابه ، ولعل ذلك يصلح سبباً لتقديمهم فى حملات الغزو حيث كان خبير الحملات ودليلها ومن ذلك قول الطيب ود ضحوية :

بيوم السبت من الدُّمُر سافرنا
قام بينا الضرير قبض الدَّهس واسهرنا
أحكو لها السريع ياموصِّلنُّوا خبرنا
قولوا للبقيت نَوَن جِمالنا خَتَرنا

ومنه قوله :

واحدين غير نفيلة ممكنين هدّاَمُهم
قطعوا التّبه والزول أب عوارض لامهُم
اندرجوا الصناديد والضرير قِدَّامهُم
نووا العوده للماسكات عِداد أيَّامهم

ومنه مايصف فيه الطيب رفيقه طه بأنه مقدام فى ساحة الوغى :

قَجَّ السادرة فى الوادى أب نِعاماً دكَّك
وضايق سوقها قبال الضرير يتمكك
أنا أخو النايرة إن خِرِب الحديث واتلَكَّك
إت قدَّامى ماك ورَّانى مقطوع شكَّك

الطيب ود ضحوية يقول رايه عن الدوبيت:
..............................................

الشاعر الهمباتى الطيب ود ضحويه – حياته وشعره :

المؤلف : دكتور شرف الدين الأمين عبد السلام (رحمه الله)
الطابع : مطبعة جامعة الخرطوم
التاريخ : 2000 م

استهل الكاتب برموز كتابة النصوص العامية كمعين على قراءة النص .

ثم تأتى مقدمة الكتاب شارحةً لفظ الهمباتة ودلالته على جماعة من البدويين كانت تمارس نهب وسلب الإبل فى ربوع البادية السودانية.

والهمبتة هى طريقة فى الحياة تقوم على نهب وسلب الإبل ، ويختلف الهمباتة عن نظرائهم صعاليك العرب فى العصر الجاهلى الذين يتعرضون للقوافل التجارية ، بيما اقتصر نشاط الهمباتة على نهب الإبل دون سواها ، ويعتبرون من ينهب مادون الإبل حقيراً وسارقاً ويعدون فعله حراماً .

أشهر الهمباتة هم الطيب ود ضحوية وطه الضرير.

وتحت باب أشهر القبائل فى الهمبتة وأشهر الأفراد يوضح الكاتب أن أشهرها فى بادية البطانة هم :
البطاحين والشكرية والكواهلة ورفاعة والجعليين ، وفى بادية كردفان توجد قبائل حمر ودار حامد وكاجه والكبابيش الزيادية والقريات الهواوير والهبانيين.

أما عن نسب الشاعر ومولده فيبين الكاتب أن
الطيب ود ضحوية ولد فى النصف الثانى من القرن التاسع عشر.

واسمه كاملاً : الطيب الحاج عبد القادر بن سليمان بن ضحوية ،
تقول بعض الروايات أن الإسم ضحوية هو لجد له ، بينما تذهب روايات أخرى للضحواب أنفسهم أن ضحويه هى جدته والدة سليمان وقد ولدت فى لحظة كان المطر ينهمر غزيراً وذلك عند الضحوة وهى فى اللغة إرتفاع النهار بعد طلوع الشمس.

ولد الشاعر بقرية الضِيِقه وهى إحدى قرى الجعليين المنتشرة على طول الضفة الشرقية لنهر النيل وترقد فى أحضان جبل أم عل.

والده مسندابى وأمه سرورابية ، والمسنداب والسروراب ينسبون إلى الجعليين العالياب.

كان والده ثرياً ، ولذلك لم يكن ود ضحوية يسعى من نشاط الهمبتة للكسب المالى بل استهوته المغامرة والمخاطرة ، إضافةً لإعتبار الهمبتة ضرباً من الفروسية والبطولة.

حرصت أسرته على تعليمه فألحقته بخلوة أخواله السروراب حتى أكمل حفظ القرآن ، وتزوج فى سن مبكرة.
تلك كانت لمحات مختصرة لما ورد بالكتاب وسنعود بشئٍ من التفصيل للموضوعات التى نظم فيهاً ود ضحوية شعره وعلاقته برفاقه الهمباتة .

وقال الطيب ود ضحوية

ناس قدر الله قاعدين البيوت زى الكلاب الشول
وفالحين لى مساوقـــــــة الحديــــث والقــــــول
وواحديـــــن فى الغروب يـا شمـــة تامين حــول
كُـــــــــسر فوق دبـــــابيكن بكتـــــلوا الــــــزول

وقال
ناس قدر الله قاعدين فى الفريق ماب ختروا
ومن كُـــبى وكشف حال الحــــــريم ما بفتروا
اٍلا اختر براى أسد الرضــــــيمة بنُـــــــــترو
وصاحبى اٍن زلَ ما بفــــــــشاه ديمة بـــــسُترو

عكير الدامر يقول رايه عن الدوبيت :
...........................................

عكير الدامر الشاعر الهدندوى الأنصارى
الذى عاش فى مدينة الدامر حاضرة ولاية نهر النيل ,والمربعين الأوائل قالهم
فى السيد عبد الرحمن المهدى ,والثالث قاله معارضا شعار وحدة وادى النيل الشهير,
وله من الأشعار والمسادير والدوبيت الكثير, فى مختلف ضروب الشعر.

وهنا يقول عكير شاعر الدامر

عهدنا معاك كندال حربة مابتشلخ
وصرة عين جبل معقودة ماب تتفلخ
أكان اٍيدينا فيك من المسوك تتملخ
السما تنتكى وجلد النمــــــل يتسلًخ

وقال
ياعينة الرخا الضهريها لاقا صباحا
فيك سراً عظيم وانا قصدى ليهو اٍباحة
أفعال الظـــــــــــلام اٍيــــاك نـــــور مصباحا
تمشى على مهلتك والـــــــــــرجال شــــباحه

وقال
سيبوالوادى سيبو الوادى قيراط فى الأرض مابندى
اٍلا مراكــــــــــــــــب العـــــدو فوق دمـــــــــــانا تعدى
مابننسى القــــــــــــديم وقلوبــــــــنا ما بتــــــــصدى
جرحـــــــــــــنا مغــــــــــوٍر تمـــــــلى منــــــــــــدى

لفحات فنية من المسادير والدوبيت في شرق دارفور
..................................................................

لفحات فنية من المسادير والدوبيت في شرق دارفور وخاصة ما أظهرته
شاعرتهم الرقيقة بت البادية من شجاعة أدبية و مجهودات ثقافية
ولغوية وفنية في هذا الضرب الادبي..

وكذلك لإبرازها مظاهر جمال
البادية في صور شاعرية بديعة مع رحلة أسفار ألبل دجن ورقدن
في حشائش الحسكنيت وتمجيدها العظيم لأخوها بالفخر والكرم
والشجاعة والفروسية..

وهنا سُلط الضوء على بعض
من أنفاس أشعارها الجميلة التى التقطت جزء منها وأخر
من جماعةأدب المسادير والدوبيت الذين
تباروا معها في ساعات حانية.

وهذه بعض من أبيات مساديرهم
البديعة متمازجة مع لمعان جوهر بت البادية و دلالها الظاهر
الواضحة والسنون براق وكما رأيت يزين جيدها عقد الس ك س ك
المرصع بالودع اللبيض وحبات الفرص والنقار وبانت الحزامة
( الفركة ) وبيت الشملة و الحجال وحمرة البروش في خلفها..

يقول أحد الباحثين عن الفلكلور الشعبى ان مسألة الابداع في
الادب الشعبي هي عمل فردي وهذا ما تأكده لنا بت البادية في
مسادير غنا البنات وتمجيدها لأخوها بالفخر والكرم
كما نراها تقول..

أخوى في الهمبتة وقام بالصقور في سماءها
وأخوي قَطع بحــــــور و يبس اتباعها
ركاب جقلـــــة أخوي الصاعقة بتلاقـــــــها
ديدان الحنيش قــــــام بالجمـــــل مطهـــــا
سيد واجــــب ومعروف بالكـــــرم والخيل
وبضبح بالمراح وما بجاري ناس الشين
كرمو بزاحم الماشى ومـــــــراكب السيـــل
وجاب شنب الأسد ما بغلـــبوا لبــــن الطير
وأخوي يوم قال تعال جات الصروف مترصة
وأخوي في الحارة يا خـــــلاي ما بتوصى
وأخوي العقــرب العاقر نحاف في الرصة
وأخوى يوم داك دبيبة الخيل بإيدو مرصة

ثم يدخل شاعر بدوى أخر الى فساحات الداره وأجواء المسادير
والدوبيت تحركه نيران الهواى والوجد وحب ألبل والبنات
ويذهب في حد قوله الى النظم الجيد من رباعيات مثيرة
مما أثارت صيحة جمهور العامة الحضور بالتصفيق
ورقت قلوبهم الحنينة الى سمعها .

الزول ما بطيب لو ما ذكـــر حكاوهن
ألبل والبنات قاتلينى ديما هواهــــن
من طُرفُ الحكم داهن بيقتلو داوهن
في نيمهن علاج رب العباد خصاهن

تعود بت البادية مرة أخرى
الى مجادعة الشعراء عندما سمعت كلام جقلة وألبل والبنات
في أيام الخريف والدهاريج والسماء ممجوجة وتدج جقلة
في جو البرارى والهوادج مسروجة وتسوق ركاب الجمال
والنوق الى مشراب الوديان دجن وصعدن ورقدن في
حشائش الحسكنيت وما أجمل سمات البنات ناس عزة
وام زمام وام رخاء وام قماش وام حباب وام دهب
وام قروش بالودع مرصوصة وترى المخاوى والمخال
والشعر والسعن وبيوت الشملة والخيام وتزينهن دلال
الخمام والفرص ويالها من جمال..

ابداع وهي تقول

اتواحطت في العطفة وحروسك دجن الفرقان بعاشش والعواطف وجن
راحن ورقدن في الحسكنيت بعجن وأمهات فلجن يوم قطع الخمير فجن
حبابن ألبل انتفن وبقن في الزور فضحن شققة قلبي غنا الزرزور
إن كان زول يقوم بالليل ناوي يزور - عشان برمل الودعان وبحلف بالزور
خُوفك فصد السيسة وضرع لبنوك سال

ويمضى شاعرنا الجميل ينم ويحدو في رحلة أسفار ألبل من دقش
الصباح الباكر وهي تسلك دروب الغرب الخطيرة وتقطع البراري
والمسافات الطويلة الى ينزلوا أهلها في وديان أزوم وأبشي
ووادي صالح تقودها رجال فرسان لا يهابوا ظلام الليل والنار
وزادهم كفوف وذخيرة وعيش أبيض وجيم
في الجربان وهكذا يقول:

عجن من الدقش وقص دوالي الديرة
وشالـــن سيسة الغــــرب الخطــيرة
قدامـــن رجال زاتمو كفــوف وذخيرة
ما برضو الهوان لو وسدوها ضفيرة

قد أظهروا شعراء المسادير والدوبيت القادمين من بوادى
شرق دارفور الى ليالي الخرطوم قدر بديع من نفائس أشعارهم
التى بانت طبائع البادية الأصيلة وبعض المفردات اللغوية
النقية مثل جقلة وبكرة وشقرة وخصوا ألبل بشكل خاصة
بكل رمية جميلة ، برز ذلك في منحى الشاعر الرقيق الذي
كان يلبس طاقية حمره ذكرتنى بايام كردفان زمان
وطق الجنين ( شجر الصمغ العربي ) هاهو يقول:

ألبل والبنات خُــــرص الفـــتن نظمنو
ألبل والبنات قــــــلبي البعتق عمنو
شالن فكري في سوق الشعر سامنو
كم نصر دنى وكم من عزيز ضامنو

لما فرغ شاعرنا هذا من أبيات الدوبيت الماضية التى زادت
حلاوة عن سابقاتها عرج مرة أخرى الى مدح جقلة وبقيت
جقلة حاضرة في كل صدر بيت وجقلة هي ست المال والرجال
وجقلة هي العز والفخر..

جقلة ليها مكـــان كل الملمات شقرة
جقلة القروش إن ضــاقت تحل الوكره
جقلة تاجرة شيكان وجناها محـكرة
أصلو العز والفخر من قديم في البكره

جقلة : هي الناقة

دوبيت الشم خوخت / محمد احمد بك ( الحاردلو )
......................

الشم خوخت بردن ليالي الحرة
والبراق برق من منا جاب القرة
شوف عيني الصقير بي جناحو كفت الفرة
تلقاها أم خدود الليلة مرقت برة
******
تعرف لي مشاهيد الرقاد والفرة
فلاخ المصب بيه بتبين تتورى
فوق حيا فوق محل من الصعيد منجرة
ويا باسط النعم تسقيها في ها المرة
*****
أب عراق فتق قرنو المبادر شره
والباشندي عمت مهششيب الدره
من النقرة كل حين فوق عليو منصره
وها الأيام محاريها القليعة أم غرة
*****
قدمت من هنا وبي أضانا سمعت كره
وفوق كرتوت شخيتيرا تخين خر
قلاتو الوهاط بي لشقة قبلو محري
يا باسط النعم ما تلقى فيهو مضرة
****
بت المن قرين مرقن علي الجبال
وفوق (بيه وبلوس) مابرجن الوبال
صفرا درعتن تتدلى لا البهال
وبيضة شاش قرابيبن تريع البال
*****
مرقن يا مجيب لي جملة السؤال
شاحدك تجمعن من مطبق الحلال
ما ينقص حساب الدرج ولو بي عجال
ونحن نجيب لهن في كل يوم موال
********
من (بيلا) الصباح إتسربقن همال
والدوف فوق حقائبهن كترتو جمال
الخور العطيش بلدا عزاز ورمال
ومدروك ما هو من حر النهار بي كمال
******
قطعن (ودعول) بجرن شفاقي عدال
ختمن مقرح الحربة الجبالها طوال
قلت أمات قرود وردنو بي القبال
وخلقا كيف برمولن دمير حبال
*******
من امات رميلة متركشات لا شمال
وسمعن هدمي لا قدام كرير أضلال
بشلحط بريقن راح يشيل ولوال
تيسن زاعلن باكر مع الشهلال
*****
خلاهن رتوع في بقيل وخرجة نال
لا مت دور الوادي السرى سيال
فوق قمزوز طلع شاف في ملينو زوال
وقلعة (كو) حفيرها لقالو فيها نعال
******
مطامنات هناك لامن نهارن زال
وشرفن كلهن شمن دعاش اتعال
مابيات البلد دايرات حقو السروال
وصفا متع الغناي قدر ما قال
****
في عاقب نهار سون لهن مرحال
وعينيهن خلقن زرق برا كحال
من كرف الحويل بقين دحين في حال
وديل ليمن على الناس المتلنا محال
*******
جاهن منزقف وقتا عصير وشفاف
وكاسب ليهو بيهن من صدف ما بخاف
ديل الطبعهن دايم الأبد عواف
في نايط السروج لقين بقيلا جاف
******
حجار المزار المن بعيد بنشاف
جرن فوقو دورن للفقر عراف
لافخ ود نهار من البحوم طراف
ولقى سبرون بقيلو من الملين مو جاف
******
شاف برقا بقل فوق الجبل رفراف
وهن وحل الدرار يا الليلة منو خفاف
من عند المضيق مرقن هناك بي سناف
وديل قسين علي القوي والمتلنا ضعاف
*****
لونهن من بعيد متل البليبلي نضاف
مرد ومعصرات من شبة الأكتاف
للناس البغنو لن يجرو القاف
ماليات الخشم من كامل الأوصاف
*******
اتنشلن من الغبشة أم صهيب ناموس
وجين بين القصيرة وفوق فريع قلبوس
سدر المرمى لقين ردو مو مانوس
ووقعن بين حقاقيصو المعيز أربوس
******
خلاهن علي حجير الصفية حبوس
ولقى في الدهسريب قمبار وعرق فقوس
في المخلوقة شن تشبه معيز ام روس
غير الفي وريدن شولقن مرصوص
******
تيسن لي مراتعن تملي بكوس
وديمة بقل علي البرق البشيل حرقوص
كم ذولا رقد فوق دربهن ممغوص
ومنو اتخلصن ماصيدن جاموس
*****
قامن منها اتنين مضاكرة تيوس
ولقين في السمير خطا وجيع مكبوس
دمجا أزرق مشهادو مو معفوس
ومنو بيردن الميع المقامو البوص
*****
اخدن في الميع دورين حسابهن تام
ومن أوديت بزوال شرفهن قدام
طلعن قوز كديس جاهن صقيط نمنام
ووصلن حد بطانة مرتع العدام
******
الهبريم طلق جاب للميع حوام
ومن شهر النفاس فضلن لهن أيام
جين راجعات من القوز المقامو تمام
لونن يشبه البفت الجديد والخام
*****
ديل الطبعهن بالحيل خفاف وهمام
وفي سمير ود حريري مضقلات كل عام
قربن لي مواليد الرخيس وبعام
ومن عين البعاين سورة الأنعام
******
نون بالنجيع يا سابل الأكمام
اسبل سترك السابل علي النوام
تيسن جك مغرب وبي الملاين حام
جاهن وعافطنو وحيل سدوهن قام
*******
من دعت السراويل قبلهن دراتات
وفي العشنوق لقن زوزاي وبي فارات
عسكر خاف عليهن في ضرا نالات
وجاهن وجاعرن بعد النهار ما مات
*******
ختمن شابلك العارق التلات سدرات
وهكعن فوق عزاز حمريبه ام سوبات
دايش ليلي تام ما لقيت لهن مرحات
لامن هجسن باكر علي الطلحات
*****
خلاهن علي رد الفروخ بايتات
وفي المكفي الورا أم ميمون لقي ختيتات
متماسك سدوهن وبالحدوب شاتات
جاهن وجاعرن وجنو منحتات
******
ديل الديمة من رد الأنيس ناجعات
وكل حين فوق عليوا زاوي منجمعات
ضمر خلقة ما من قلة معيش ضايعات
تيسن دور الوادي الورا القلعات
*******
خلاهن علي رد الدموكيات
فلخ الفار مسيلباتو اتلقن باردات
في ترتير شدير ومعاهو حمريبات
تقلن وحضرنبو اللي النفاس دانيات
******
اتحلن جناهن في ضرا نالات
لامن درجنو وجف من السيبات
كم فوقن دقونا ولفن قافات
وقالن دوبا ليهن في الزمان الفات
******
الحي في الوجودو القالو قبلنا مات
كلو بلا هي بي لهج الطريفيات
شن ما قلنا فوق عنف الرقاب ساويات
قبلي ود أب شوارب جاب لهن كلمات
*****
يا باسط الأراضي والسبع سموات
وكلو الدابي حاف وأبو نعلات
دغس العين تنجيهن من الآفات
لا من وخرن بيلا المعيز ناجعات
*******
مرقن من مطيبقات الخوي أب دنان
وهكعن فوق معالق الوادي أبو ريحان
شافن في السمير سايمة وحيامة إنسان
وطلعن ها القليع المسمى بي النسوان
*****
المعزي المراتعهن سهول وقنان
انجبدن ثناييهن سداد في سنان
بعد ما اترقدن بي مطبق الوديان
يكتب لي لماهن ربنا المنان
******
كلبي الشارعو فيهن جا منقلب هقلان
واتحير قعد ساكت بقيت محنان
تيسن ديمة من حر الرحيح كملان
وجاهن من قفر بلدا بعيد ضبلان
*****
من الفجخاء هبر خـــلاهن
لا من دور أمات رميلة وجاهن
عند المتني فوق عاجبا جديد لماهن
ختمن بيلا فوق ميع البقر دلاهن
*******
المعزي البجازن ديمة فوق في خلاهن
بالغات النصاب أنصاري ما زكاهن
من ود البصير جايب إذن بغناهن
شوفن يا الزبير في لساني ديل ما احلاهن
******
جفلن من زوال شوفا بعيد باداهن
عرقن ود عول وادن قليلة قفاهن
ناس ابن الذريح ضربو المثل بي غناهن
من كاف السوام الميرغني بينجاهن
*******
من عوج الوكت ما بتركن وانساهن
فوق حيا فوق محل دايما بكوسو رضاهن
ملزوم بي مراتعهن وخبرة ماهن
وصلنو المصب واتوكرن في خلاهن

قصيدة الحكم / عكير الدامر

ﻗﺼﻴﺪﺓ ﺍﻟِﺤﻜَﻢ ْ ﻋﻜﻴﺮ
ﺍﻟﺪﺍﻣﺮ
ﻏﺎﺏ ﻧﺠﻢ ﺍﻻﻫﻞ ﺑﻘﺖ
ﺍﻟﻌﺪﺍﻭﺓ ﺍﻗﺎﺭﺏ
ﺍﻟﺒﺘﺠﻴﺒﻮ ﻓﺰﻋﻪ ﻳﻜﻮﻥ ﺩﺑﻴﺐ
ﻭﻋﻘﺎﺭﺏ
ﺍﻟﺒﺘﻘﻮﻝ ﺻﺒﺎﺡ ﺍﻟﺨﻴﺮ ﺗﻠﻖ
ﺑﻜﺮﻩ ﻣﻐﺎﺭﺏ
ﺩﺑﺮﺓ ﺻُﺮﺓ ﻭﺟﻌَﻪ ﺟُﻮﻩ
ﺣﺮﺑﺔ ﻏﺎﺭﺏ
**********
ﻳﺒﺲ ﺷﺠﺮ ﺍﻟﻤﺤﻨﺔ ﻭﺭﺍﺣﺖ
ﺍﻻﻫﻠﻴﻪ
ﻭﺩ ﺍﺧﺘﻚ ﻧﺼﻴﺤﺘﻲ ﺗﻘﺎﻃﻊ
ﺑﺎﻟﻜﻠﻴﻪ
ﻭﺩ ﺍﻟﻌﻢ ﻧﺼﻴﺒﻪ ﻭﺑﻲ
ﺍﻟﻤﺮﺽ ﻣﻤﻠﻴﻪ
ﻭﺍﻟﻌﺠﺐ ﺍﻥ ﻗﺒﻴﻞ ﻋﺪﻣﺎﻥ
ﻭﻟِﻖ ﻣﺎﻟﻴﻪ
**********
ﺍﻟﺠﻨﻰ ﻓﻲ ﺍﻟﻤﺤﺎﻛﻢ ﺷﻔﻨﺎ
ﺧﺎﺻﻢ ﺍﺑﻮﻩ
ﻭﺍﻟﺤﻖ ﺍﻟﺠﻠﻲ ﺍﻟﺸﻴﺎﺏ ﻗﺒﻞ
ﺑﺎﺑﻮﻩ
ﺍﻟﺸﺒﺎﻥ ﺑﻘﻮﺍ ﺍﻟﺒﻴﺼﻠﻲ ﻣﺎ
ﺑﺤﺒﻮﻩ
ﻭﺍﻟﺪﻳﻦ ﺍﻟﻤﺤﻤﺪﻱ ﺍﺻﺒﺤﻮﺍ
ﻳﺴﺒﻮﻩ
**********
ﺍﻟﺼﺒﻲ ﻗﺎﻃﻊ ﺍﻟﻮﺍﻟﺪﻳﻦ
ﻭﻟﻢ ﺣﺒﺎﻟﻪ
ﻭﺍﻻﺧﻮ ﺑﻲ ﺍﻟﺒﺘﺮﻣﻲ ﺍﺧﻮﻩ
ﻣﺸﻐﻮﻝ ﺑﺎﻟﻪ
ﺍﻟﺨﺎﻝ ﺍﻧﺴﺤﺐ ﻭﺩ ﺍﻻﺧﺖ
ﺳﺒﺎﻟﻪ
ﻭﺍﻟﻌﻢ ﻭﺩ ﺍﺧﻮﻩ ﻳﺪُﻭﺭ ﻧﺴﺐ
ﻳﺎ ﺑﺎﻟﻪ
**********
ﺍﻟﺠﺎﺭ ﻗﺎﻃﻊ ﺍﻟﺠﺎﺭ ﻭﺍﻟﺤﻴﻂ
ﻋﻠﻮﻫﺎ
ﻭﺍﻥ ﻗﻠﺖ ﺍﻟﻨﺼﻴﺤﻪ ﺍﻟﻔﻲ
ﺍﻟﻜﺘﺎﺏ ﻗﺘﻠﻮﻫﺎ
ﺍﻻﺧﻮﺍﻥ ﻋﻠﻰ ﺑﻌﺾ
ﺍﻟﺴﻴﻮﻑ ﺳﻠﻮﻫﺎ
ﻭﺍﻣﻮﺍﻝ ﺍﻟﻴﺘﻴﻢ ﺍﻫﻞ ﺍﻟﺴﺒﺢ
ﺍﻛﻠﻮﻫﺎ
**********
ﻣﺎ ﻳﺘﻘﺪﻡ ﺍﻝ ﻟﻲ ﻋﻠﻪ ﺩﻳﻤﻪ
ﻋﻄﺎﻩ
ﻭﺍﻟﺒﻬﺘﻚ ﻋﺮﺽ ﻣﻜﺸﻮﻑ
ﺗﻤﻠﻰ ﻏﻄﺎﻩ
ﺍﻟﺒﺰﺭﻉ ﻟﻪ ﺷﻮﻙ ﻻﺑﺪ
ﻳﺘﻮﻃﺎﻩ
ﻭﺍﻟﺒﻄﺒﺦ ﻟﻪ ﺳﻢ ﻻﺑﺪ
ﻳﺘﻌﺎﻃﺎﻩ
**********
ﻭﺩ ﺑﻴﺖ ﺍﻟﻤﺤﻞ ﻣﺎ ﺗﺠﺮ
ﻣﻌﺎﻩ ﻣﻮﺩﻩ
ﻭﻣﺎ ﺗﺘﻐﺶ ﺑﻲ ﺭﺯﻗﻪ
ﺍﻟﺤﺠﺮﻣﺎ ﺍﻧﻜﺪﻩ
ﻛﻞ ﻳﻮﻡ ﺍﻟﻔﺮﺡ ﻟﻲ ﻻﺻﻠﻮ
ﻳﺎﺧﺬ ﺭﺩﻩ
ﻣﻮ ﺯﻭﻝ ﺳﺘﺮﻩ ﻭﺩ ﺍﻻﻳﺪﻩ
ﻗﺎﻃﻌﻪ ﺍﻟﻤﺪﻩ
*********
ﻛﺎﻓﺢ ﻓﻲ ﺣﻴﺎﺗﻚ ﻭﻟﻲ
ﺍﻟﺒﺰﺍﺣﻤﻚ ﺭﺍﻛﺐ
ﻭﺍﺗﺪﻭﺭ ﻣﻊ ﺍﻻﻳﺎﻡ ﻧﺠﻮﻡ
ﻭﻛﻮﺍﻛﺐ
ﺍﻣﺶ ﻗﺮﺍﺑﻰ ﻣﺮﺓ ﻣﺮﺓ
ﺧﻠﻴﻚ ﺭﺍﻛﺐ
ﺍﺻﻠﻮﺍ ﺍﻟﺪﻧﻴﺎ ﻃﻮﻓﺎﻥ
ﻭﺍﻟﻤﻌﻴﺸﺔ ﻣﺮﺍﻛﺐ
ﻭﻧﺴﺔ ﺍﻟﻌﺎﻟﻤﻴﻦ ﻳﺎ ﺭﻳﺒﻪ ﻭﻻ
ﻧﻤﻴﻤﻴﻤﻪ
ﻭﺍﻻﻧﻔﺲ ﻋﻠﻰ ﺍﻟﺸﻬﻮﺍﺕ
ﻛﺘﺮ ﺗﺼﻤﻴﻤﻪ
ﺍﻻﻳﺪ ﺍﻟﺒﺘﺮﺣﻢ ﻣﺎ ﺑﻴﻘﻮﻟﻮﺍ
ﻫﻤﻴﻤﻪ
ﻭﺍﻟﺒﺰﺭﻉ ﺟﻤﻴﻞ ﺑﺒﻘﺎﻟﻪ ﻟﻮﻡ
ﻭﺯﻣﻴﻤﻪ
*********
ﺍﻟﺤﺮﺓ ﺍﻟﻤﺆﺻﻠﻪ ﺍﺻﺒﺤﺖ
ﻓﺠﺮﻳﻪ
ﻭﻟﺪﺕ ﺑﺎﻟﺤﺮﺍﻡ ﻭﺳﻂ
ﺍﻟﻔﺮﻳﻖ ﻋﺼﺮﻳﻪ
ﺍﻟﻮﻟﻴﺎﻥ ﻳﻘﻨﺘﻮﺍ ﻭﺩﻳﻤﻪ ﻓﻲ
ﻧﺎﺭﻳﻪ
ﺧﺎﻳﻔﻴﻦ ﻛﻠﻤﺔ ﺍﻟﻀﺎﺑﻄﻴﻪ
ﺩﻱ ﺍﻟﺤﺮﻳﻪ
**********
ﺍﻻﻓﻜﺎﺭ ﺑﻘﺖ ﻓﻮﻕ
ﺍﻟﺤﺴﺎﺩﻩ ﺟﺮﻳﻬﺎ
ﻭﺍﻟﻠﻲ ﺍﻟﻠﻪ ﺭﺍﺣﺖ ﻭﻣﺎ ﻓﻲ
ﺯﻭﻝ ﻃﺎﺭﻳﻬﺎ
ﺍﻧﻄﻔﺖ ﺍﻟﻨﺼﻴﺤﻪ ﻭﺑﺪﺭﻱ
ﻃﺎﺭ ﻃﺎﺭﻳﻬﺎ
ﺍﻣﺎ ﺷﻬﺎﺩﺓ ﺍﻟﺰﻭﺭ ﺣﺎﺿﺮﺓ
ﻟﻲ ﺍﻟﺒﺸﺮﻳﻬﺎ
*********
ﻋﻤﺮ ﺳﻮﻕ ﺍﻟﻨﻔﺎﻕ ﺳﺮﺕ
ﻭﺳﻴﻌﻪ ﺗﺠﺎﺭﺗﻪ
ﺍﻧﺒﻬﻞ ﺍﻟﻔﺴﺎﺩ ﺍﻟﺠﺎﺭ ﻗﻤﺰ
ﻓﻮﻕ ﺟﺎﺭﺗﻪ
ﺍﻟﻤﺎ ﺗﻢ ﺳﺒﻊ ﺳﻨﻴﻦ ﻳﺒﺦ ﻓﻲ
ﺳﻴﺠﺎﺭﺗﻪ
ﻭﺩ ﺍﻟﺘﺴﻌﻪ ﺻﺎﺣﺐ ﺭﺧﺼﻪ
ﻭﺍﺟﺒﻪ ﻓﺠﺎﺭﺗﻪ
*********
ﺍﻟﺠﻮﺭ ﻭﺍﻟﻀﻼﻝ ﺑﻴﻦ
ﺍﻟﺨﻼﺋﻖ ﺷﺮﻥ
ﺍﻻﻧﻔﺲ ﻋﻠﻰ ﺍﻟﺸﻬﻮﺍﺕ
ﺟﻤﻴﻊ ﺍﻧﺠﺮﻥ
ﺭﺑﺎﺕ ﺍﻟﺨﺪﻭﺩ ﻭﻣﻦ
ﺍﻟﺤﺠﺎﺏ ﺍﺗﻮﺍﺭﻥ
ﺍﻟﺴﻮﻕ ﻓﻴﻪ ﺑﺎﻋﻦ ﻭﺍﺷﺘﺮﻥ
ﻭﺍﺗﻌﺮﻥ
ﺟﻤﻴﻞ ﺧﻮﻑ ﺍﻟﻠﻪ ﺭﺍﺡ
ﻭﺍﻫﻞ ﺍﻟﻌﻠﻢ ﺭﺿﻴﺎﻧﻪ
ﻭﺑﻲ ﻫﺘﻚ ﺍﻟﻌﺮﻭﺽ
ﻭﺍﺣﺪﻳﻦ ﺑﻘﺖ ﻋﻴﺎﻧﻪ
ﻛﺜﻴﺮ ﺍﻻﻣﻨﻮﻩ ﻭﺳﻮﻯ ﻛﻞ
ﺧﻴﺎﻧﻪ
ﺣﺎﻛﻲ ﺍﻟﻤﺮﻓﻌﻴﻦ ﻗﺎﻝ
ﺍﻟﻌﺒﻮﺭ ﺗﻘﻴﺎﻧﻪ
**********
ﺍﺏ ﻋﻤﺮﺍ ﻃﻮﻳﻞ ﻣﺎ ﺑﻨﻘﺘﻞ
ﺑﻲ ﻇﺮﻭﻓﻪ
ﻭﺍﺏ ﻋﻤﺮﺍ ﻗﺼﻴﺮ ﻣﻮﻳﺔ
ﺷﺮﺍﺏ ﻣﻐﺮﻭﻓﺔ
ﺳﻮ ﻋﻴﺸﺘﻚ ﺗﻮﻛﻞ ﻭﺍﻟﺮﺯﻕ
ﻣﺼﺮﻭﻓﻪ
ﺑﻴﺾ ﺩﻳﻤﻪ ﻭﺍﻟﻌﻨﺪ ﺍﻟﻠﻪ ﻣﻲ
ﻣﻌﺮﻭﻓﻪ
***********
ﺗﺠﺎﺭﺓ ﺍﺧﺮ ﺍﻟﺰﻣﻦ ﻓﺎﻧﻴﻪ
ﻭﻋﻤﻴﺮﻩ ﻗﺼﻴﺮ
ﺍﻟﻤﺎﻝ ﻣﺎ ﺑﻴﻌﺰ ﻭﺩ ﺍﻟﻘﺒﻴﻞ
ﻣﻮ ﺧﻴﺮ
ﺍﻟﺸﺒﻊ ﺑﻌﺪ ﺍﻟﺠﻮﻉ ﺳﻴﺪﻩ
ﺩﻳﻤﻪ ﺻﻐﻴﺮ
ﺍﻟﺮﻳﺶ ﺍﻟﺒﻘﻮﻡ ﺑﻌﺪ ﺍﻟﻜﺴﺮ
ﻣﺎ ﺑﻄﻴﺮ
*********
ﺗﺠﺎﺭ ﺍﺧﺮ ﺍﻟﺰﻣﻦ ﺯﺍﺑﻠﻪ
ﻭﻣﺘﺎﻋﻪ ﻗﻠﻴﻞ
ﺍﺧﺬﻭﺍ ﺍﻳﺎﻣﻜﻢ ﺍﺻﻠﻪ ﻃﻴﺮﻩ
ﻓﻲ ﺍﻳﺪ ﻋﻴﻞ
ﻣﺎ ﺩﺍﻡ ﺷﺒﻌﻮﺍ ﻧﺎﺱ ﻭﺩ
ﺍﻟﺮﻳﺎﻟﺘﻮﺍ ﺗﺴﻴﻞ
ﺍﻻﻓﻀﻞ ﻋﻠﻰ ﺍﻟﺨﻼ ﻭﺍﻡ
ﺷﺪﻳﺪﻩ ﻧﻤﻴﻞ
*********
ﻋﻤﻞ ﺍﻟﺨﻴﺮ ﺍﺟﺮ ﻭﺍﻟﻨﻴﺔ
ﻣﺮﻛﺐ ﻭﺻﻠﻪ
ﻭﺍﻟﺸﺮ ﺩﺍﺭ ﺧﺮﺍﺏ ﻟﻲ
ﺍﻟﺪﻳﻤﻪ ﺑﺘﻘﻨﺺ ﻟﻪ
ﺭﻓﻖ ﺍﻟﺪﻭﻥ ﻭﺩﺍﺭ ﺩﻭﺍﻩ
ﻗﻄﻌﻪ ﻭﻓﺼﻠﻪ
ﻭﺍﻟﻌﺐ ﻭﺍﻟﻜﻠﺐ ﻟﻮ ﻃﺎﺭ
ﻳﻌﻮﺩ ﻟﻲ ﺍﺻﻠﻪ

انا لسانى في الفــارغة آ بَطِلقو
وانا الرازانى في النيران بزِلقو
انا الفي جيبي للعشمان بدِلقو
وانا الشر إن قصدتو بطقو أفِلقو

انا المظلوم بقيف مـن تالا شقو
وانا الفي جيبي بديو مــا بشقو
انا الوغش الوعر قاسى البشقو
وانا المالليو راسو عديل بشقو

انا الضائق شـــــديد ممكون بحلو
وانا الفي ورطة تب معروف بسلو
انا العارف مقام والـــــــــدى بجلو
وانا القــــــاصدلو شر تقيان بزلو

انا الــــــراى البحل الضيقة سيدو
وانا الخصم العنيد قط مـــا بحيدو
انا اليوم القبيح صنديد حــــــديدو
وانا الخير يا جماعة الخير بزيدو

انا المعني الأصــيل في القول بريدو
وانا الشعر الـــــرصين ناحت جديدو
انا الجود من جــدودي ورث مسيدو
وانا الشافوني قالو عِـــــــــدم نديدو

انا الصنقر علي طرف الثريا هناك خيالى
وانا المتل عِيّن الخــــــريف للناس نوالى
انا اللي اعدايا زُت مــــــــــــزرود دوالى
و انا الظالملو زول قط مــــــــــــــا بوالى

ما بتقدم الفي الشــــــــر دوام متمادي
وفي حِكم الزمان يا سادة ظالم البادي
قالوا كبارنا قولاً ما بيسر حـــــــسادي
ما بُضر الحسد والناس أصول ومبادي

اختا الفي الحديث بعزل وإجيب مقدودو
واختا الليك بواعد وما بيفيها وعـودو
اختا الكُدةَ دائماً صاري لموجـــــــودو
واختا الفي الجبانة دوام مركب عـودو

اخـــــتاهو الخسيس ما تسيهو ليكا رفيق
وفارقو الاصلو ما بتلقاهو ساعة الضيق
حكمةً ثابتة مي محـــــــــــــتاجة لتحقيق
دا شافع الحــــية مهما يبقي طبعو مُعيق

فوت النفسو شوم ملعون وطبعو لجاجة
مـــــــا بكرملو زول لا بدي وكت الحاجة
بخز في الحارة ما برجاهو يعوي عجاجة
ناسي طبيعة الــــــــــــدنيا الدوام دحراجة

كتير الفعلو شين إلا الخُطب حجاجا
دائماً في المجالس بالكلام إجــــاجا
كراعوعلي المفاسد يخ وتُف دجاجا
صُــح الدابي ما بيلد الطيور إن ناجا

مسدار سواكن / صديق صالح ضرار

قالوا عليكى منسية
وقالوا أميرة شرقية
بتطلعى زى صباح الفل
من الجزر المدارية
بتشرقى متل شمس البحر
لابسة غلالة وردية
مطرزة بالعقيق والدر
وبى أصداف محارية
خلاصة المسك والعنبر
مضمخة بيه مجلوة
حلاتك وانت ست الحسن
وانت مليكة محظية
* *
عشقتك والعشق كتال
إذا ما ليك الفؤاد قد مال
تهب الذكرى يصحو البال
أغنيك والغناوى طوال
سواكن فخر للأجيال
* *
طريتك فى الهوى والصيف
وقدلة عذاراك بين المشيل والقيف
طريت فى الشاطة كل ولوف
ملازم خدره حشمة وخوف
ذكرت اندارا حاضرة وريف
وسالت منى عبرة خفيف
حبست دموعى شان ما تقيف
معاها أقيف حسب أمرك
أطوق بالنجوم نحرك
أخُتَّ وسام على صدرك
أملِّى عيونى من سحرك
وابدأ فيكى بالتوصيف
وإنتى : ويا علو مجدك
مقدمة فى المدن وحدك
وشامخة قباب خرافية
* *
سواكن والهوى قتال
سواكن والليالى طوال
تهب الذكرى يصحو البال
سواكن مفخرة أجيال
* *
غناوى البحر تمتدَّ ،
ويمتدَّ صداها فى الساحل
على مدَّ المدى الماهل
على شط الجزيرة تنام
مع الأحلام
على سجف الضريح أعلام
موشية ، من حرير الشام
مزارالختم الحدانا إمام
على دقنة الأمير القام
يقبل جبهتك والهام
على ماضيكى ألف سلام
على البيفضل فيكى والراحل
على الأطلال
على الشوق البرانى هيام
على قطر الندى النازل
على الشرفات يحط حمام
وفيه الساجع الهادل
على دقنة الأمير القام
يقبل . . ما بين عينيك والهام
إليك وإليه ألف سلام
* *
محال الزمن يُنسيك
مغانى اللهو والتطريب
قصورك تحكى عن ماضيك
وعن سر الجمال الفيك
قصور مأهولة بالأسرار
تصور روعة المعمار
عليها من الحداثة سوار
وشيىء من مسحة صوفية
* *
قريتك فى الزمن مشوار
تحلق حولك الأقمار
صبية فتية فى شبابك
تصدى الغزو عن بابك
ولا هزاك قط شنار
ولا سهم الزمن صابك
وكنت الكوكب السيار
على المدن الحضارية
* *
بتطلعى يا سواكن نور
تفجى الغيهب المستور
وده المسطور فى علم الغيب
حنانك فينا ينزل سيب
يفيض من بحرك المسجور
ويشرق وجهك الشهباء
يشع من فوق علاه ضياء
يعود سرب الظباء الحور
تجاور نبعك المسحور
وتسبح فى عيون الماء
ودا الخالينى فيك بَسْتَنْ
مرابعك فى حماها انْجَمْ
لقاى يا الحلوة بيك لو تم
أبادلك بالسلام ألفاً
وأبحر بيكى عبر اليم
على صهوة شراعية
* *
سواكن ليس باقى دمن
سواكن خالدة جوَّ الدم
سواكن فينا روح وقيم
قبيلة من التراث والفن
وقمة نهضة شرقية
* *
تدلت من مراقى الشعر
وحلت فوق سقوف الدور
نبوءة من الزمان الفات
تبدت فى يقين وثبات
بأنك رغم هذا الجور
بتنهضى من سكون وبيات
ومتلك أصلو ما بنضار
و لا بتثنيه بعض أمور
وحولك يا سواكن سور
تحدى القاصديكى دهور
منيعة وفيكى كل صفات
حَرَانْ مُهر السباق الحر
فشدى خطاكى فى المضمار
بتلقى الدانى فيك محتار
وتلقى القاصى بيك مبهور

دوبيت......

لسع انت فى الرحراح وماك عارف زويلك راح
ياشالو العرق سافربو يا كان فى خشم تمساح
والحال انت وصوك بيهو قالولك شقى وملحاح
وما يغافلك يعدى القيفة مو زولا نجيض سبّاح
وانت سرحت وين خليتو يادوبا الحكايى صباح
غرق ومافيش عشم تلقاهو واليتعاقبوا الصياح

لاتعزّب رقبتك ساكت امش إتناول ابرفاس
كلّم ودمضوى يجيبوا ما زولا خبير كوّاس
واليجمعلو كم تنفار يكون بيناتن الغتاس
اخيرتلقى الجنازى تجيباشان مايمسكن وسواس
وانا بطلع اكلم خالتو ديك ست الجلد والراس
وعاد شوفلك بلد امشيلا والله الامر حساس

هوى آفاطنى سمى اسمالله الموت حق قدرمكتوب
حكم فوق الرقاب فارجنا لكنو الصبر مطلوب
دحين وداختك المن فوق غرق وياهوالعمر محسوب
وبالرفاس يفتشوا فيهو والقوز بى تحت مقلوب
هسع جيتا من قدام والحرّوم يجوك يادوب
طاقات الزغاريت بره واقعات فى الأحى والووب

يازول انت من وين جايى تفلح فى الخبيرالشوم
ديمى عليك خارتو صفق وسامنّك حسين البوم
لايبقى الجنى القاصدنو احمد ودعلى المرحوم
يالغبيان جناى ييداك راقد بى هنوك محموم
جاتو الوردى بى رجفاتا ختيتلو البطاطين كوم
من دخل البحر حسّاباشان كدى ماشبع فى العوم

فى الراكوبه ديك تلقاهو قولو طويل عمرتاريك
هيى قوم يابخيت الحال وبابرفاس يفتشوا فيك
ونايم فى عنيقريب خالتك الدايما ترافى عليك
وناغمو مرتين وتلات ياجنى ها! النضم موليك
سقطيب والعيون شاخسات سنونومشبكات شبيك
تبن راسو ولقاهو قضى قدرك وين مشيت جاييك

الشاعر الكبير عكير بلغ المدى في التصوير حين عاتبه السيد عبدالرحمن ممازحاً
كما ورد في القصة" بانو عقيدتك فينا ما زي زمان"
فماذا كان رد شاعرنا القدير كان بتلك الابيات التي سارت
بها الركبان ردحاً من الزمن ولم تزل خالدة:

عهدنا معاك كنداب حربه ما بتشلـّخ
وصرة عين جبل ملوية ما بتتفلّخ
كان ايدينا فيك من المسك تتمــــلّخ
السما ينتكي وجلد النمل يتسلّخ

انظر يا رعاك الله الى الفعل المشدد الذي بضفي الاحساس بتمسك الشاعر وتوكيده على عهده مع الامام وانظر الى الاستحالة التي صورها في عدم النكوص و التخلي عن مبادئه! مش زي مبادئ أولئك الذين يصدق أن نقول فيهم:

عهودن زي الموز دوام تميع وتميّل
عند شوفة الغنيمة لعابن دافر يريّل
مسكتن هينةولينة زي مسكة العيّل
وطبعهن شين جبان غدار وفسيّل!!

]color=#660099]

عــكــيــر الــدامـــر
فى مدح الشيخ الجعلي

[/color]

حباب الكوكب ال لي كل شر حباس
حباب السره من ناس همزه والعباس
طريق ديمه المنيل ونادي خاتي يباس
قباب نور الزمان البق من كدباس

يافرع الطهاره الصافي من ادناس
بعيد قلبك من الوسواس والخناس
جبل الرحمة يا مشرع جميع الناس
تعيش قبلة صلاح لي كافة الاجناس

البنا ما بقيف يا سيدي من غير ساس
ياسر حاج حمد بركه وندى واحساس
صوطك لي المرض من العضم حساس
يخرج بي عجل ذي طلقة الرصاص

احياك الله لي الاسلام ركن حراس
عرق دم الرشيد سيد العلم ميراث
تعالج بي النظر لا محايه لا كراس
وبي موية الوضوء بتطرد جنون الراس

حبتك السعاد اهل العقول النايره
بي جنحات صقور جاتك مخويه طايره
والد المعتصم يالجعلي سيد الدائره
احياك الله يا درع القواسي الغايره

خصاك الله بي التقوى النظيفه الصافيه
بالحياة طلوع ثم الصداقه الوافيه
يد ذو الفقار لي كل شر متلافية
فلتحيا وتعيش وعليك تاج العافيه
*****
كم وفقت ناسا طولت متعاديه
كم ارشدت عالم في الحضر والبادية
سفينة نوح صحبتك في الامان متهايه
نعم البها فاز وحياته صبحت ناديه
*********
رايتك في المنام واخذت جلسه وهانيه
واليوم الله جاد بي شوفتي ليك التانيه
لكل كتاب والدنيا اصلها فانيه
نعم الجالسك لو كان دقيقه وثانيه
**********
اشكر خالي مجذوب لي هون قاسيه
صدق لي الرؤيه ثبتت راسيه
يا نسل النبي الضو الليالي الماسيه
اقبلها من عكير الجاب ليك متواسيه

غاب نجم الاهل بقت العداوة اقــــــارب
البتجيبُ فزعه يكون دبيب وعقـــــارب
البتقول صباح الخير تلق بكره مغـــارب
دبرة صُرة وجعَه جُوه حربة غــــــارب

**********
يبس شجر المحنة وراحت الاهـــــــــليه
ود اختك نصيحتي تقاطع بالكــــــــــليه
ود العم نصيبه وبي المرض ممــــــــليه
والعجب ان قبيل عدمان ولِق مالــــــيه

**********
الجنى في المحاكم شفنا خاصم ابــــــوه
والحق الجلي الشياب قبل بابــــــــــــوه
الشبان بقوا البيصلي ما بحبـــــــــــــوه
والدين المحمدي اصبحوا يسبــــــــــوه

**********
الصبي قاطع الوالدين ولم حبــــــــــاله
والاخو بي البترمي اخوه مشغول باله
الخال انسحب ود الاخت سبــــــــــاله
والعم ود اخوه يدُور نسب يا بــــــاله

**********
الجار قاطع الجار والحيط عــــــــلوها
وان قلت النصيحه الفي الكتاب قتلوها
الاخوان على بعض السيوف سلـــوها
واموال اليتيم اهل السبح اكــــــــــلوها

**********
ما يتقدم ال لي عله ديمه عطــــــــــاه
والبهتك عرض مكشوف تملى غطاه
البزرع له شوك لابد يتوطــــــــــــــاه
والبطبخ له سم لابد يتعاطـــــــــــــــاه

عكير الدامر يصور مشهد
نبأ رحيل الشيخ الجيلي الكباشي

ما بنقبل حكم ناس في بلاد الغربة
وتحت التاج نقع جمل انكسر في هربة
بدل الزل وعيشة العار وحالة الكربة
أولى الآخرة" ميت ما بخاف التربة"

*****************
فيك طبع الأسد صالحت او حاربت
وفيك طبع البرامكة بعدت او قربت
فيك طبع الملوك شرقت او غربت
وفيك طبع الحكيم لقمان حلل او ربطة

*********************************
يا مولاي أه من غلبي
من النارو حرقت قلبي

يا مولاي بشكيلك شقاي و غلبي
حظي الديمة من ريدة الأنيس جافلبي
طالت السفرة و إتحفت مناسم?? تلبي
هب الريد تلبي و عاودك الحنين يا قلبي

مالك نفسي مطعونة تملي تنيني
مالك عيني لي الغميد أبيتي تليني
عطشان ديما طفح الموية ما برويني
كاتلاني الطريفية البريدا غريني

الناس عيدت مرقت علي أصحابا
و أنا فريت علي الجاهلة السمح ترحابا
فاطرًا يحكي براق البدودي سحابة
دي لفت قلبي زي لف طرحتا اللافحابا

يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك

عصباً عني فارقت الضريح لي ربي
كل ما هب نسام منو زاد في جمري
جرحي القرب يبري الداير يبدر عمري
بدرو ليّ تغريد بلبلك يا قُمري

أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن

عمي الهادي نشاب البريدا ضربني
قسم نومي من تيبان حيايا سلبني
حاكم الصافي أبي يقبل سؤالي صدمني
صبري الكان جميل جربتو و كلو غلبني

عن من أحب أنا غير خاطري فرقت
هايم بي غرام عن حالتي كنت سُرقت
لولا أدمعي ،م ناري كنت حرقت
و لو ما ناري من كترت دموعي غرقت
***********************************************
ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت

شعرك منتظم زي السلاسل فتلو
وعينيك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو

ممشوق القوام الماوجدتا مثيلو
جفاهو معاى ولا محنة غيرو
جافانى العزيز الكنتا ديمه نصيرو
هو يسوى الغلط وانا اسوي كتر خيرو

عكير الدامر
في وصف الدنيا

سرورك ما بتم عاقباهو ديمة الفجعة
وظاهرك لينا سكر الا طعمك وجعة
كم طفشتي مرتاح وقلبو مابي الهجعة
روحو تشابي وانت قطعت خط الرجعه
.....
تقابلك عروس تعشق معاني رقيصه
تملاك بالمحبة وتمشي نازله نقيصه
ما يغريك دلاله وتوب جمال بلقيسه
عاين للقبور وبعدين سماحته بتقيسه
...
بتقابلك جنينة تمتعك بي ثماره
وترقد في امانا وتنهمك بعمارا
باكر تبقى ليك حنضل تشوفو دمارا
تسحب منك .... وتدق مسماره
...
زولاً شاف رقاد العبروهو مشبر
والزول البرص فى الطوب ووشو مغبر
إتأكد دة بكرة مصير غير إتكبر
إنسى الموت والمال والبنون إتبتر
...
دى الغدارة دى الحقارة دى العقارة
كم قلبت زغاريد عرسه بي نقارة
أعلِنا بالحرب قبال تشب الغارة
وقبل الروح تغرغر وتبقى في الغرغارة
...
إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

مسدار

ياقوته

عازة وغالية طلعن في التريا تمونك
يا تمرة كريمة القاد سبيط عرجونك
إنكال بالجمال لامن دفق ماعونك
يا ياقوتة الحضرى الحضارمى زبونك

يا تمرة كريمة القاد سبيط عرجونك
لو كان امنوك زاهد الدنيا بخونك
معلومية الذكاء فيها ماهرة فنونك
ربى كساك بالهيبة وصدر قانونك

يا فوسيبة الوادى الروايا مرونك
حب المنقة والانناس حلاتك ودونك
محال ما بتمتعى الحى بهواك وشؤنك
مهوس بيك وقلبى عليك وبقيت مجنونك

قمر السبعتين نورك مضوى دجونك
يقل ويقفد الحيا والصبر مسجونك
واعى الناس يضيع ما بين قسام وهونك
كل المالى مركزو صار قتيل مسنونك

عودتك قامته مربوعة وكحيلة وجونك
خدك دكن الشف والفدى الفى اذونك
ديسك كابى خمر وصندلية دهونك
ماهو غريب على لو كان ساهرنبى طعونك

مختار هو النشاك ورعاك وصف ذهونك
ماك مسيومة فى الاسواق منيعة حصونك
كتير من عاش مدهور وعلقنه ظنونك
نحن برانا ما بختانا سوط عربونك

ظبية عنس الريل المجازى هنونك
جنيبة خيل قيافة ولابسه والكون كونك
يا اميهية الصيف فى خلاك وبقونك
باب ليمك عرج واقف غفر كركونك

ها الايام على مقطوع سلك تلفونك
وقلبى المبلى رتبتيله ميدان قونك
ما دام انتى حاملين السلط فى عونك
ظلمك لى مقبول بالحريص كردونك

يا سجاعة الليل الملولحه غصونك
فاقد سمحه كان ما زاد عليك مو دونك
وين يا جريعة النحل اللذيذ مشنونك
كبدت نوق مسارى ومطرك ليمونك

يا لولية الغواص صعيب مخزونك
قفل واختفى ومنع المودة حزونك
قمح القجة شركه وضحى بمليونك
عسى اوجد لماك واسعد واكون ممنونك

مسدار القمري

رفاعة الربة قافاها البليب طربان
وناطح المنة ميثاق قلبي مو خربان
فوسيب السواقي البلدوب شربان
بلوده بعيدة فوق في بادية العربان
^^^^
رجال التاكا بي جاهن قواسـيك هانـت
مسك فجـاَ عـميق والـبيداء لـيك إدانـت
علي الفي جيدها متبور البراري مبانت
المـخـلوفـة جـضت من دويـك وعـانت
^^^^
بــلـدات الكـموقـة وحـلـة الـسـراف
جاهـن داوي دنـاي المسافـات راف
يالضيـب العلي رأس القـلع هـراف
لأهطك حر شيوم لوفراد ولأهو قراف
^^^^
دخـل سـيالة قـد فـوق الحلـيلة بديـنة
وقـصد الليـلة في بـاكريتـه يـعـديـنا
لي بـلد العـلي سـيدك مـردم ديـنـها
ارح يالقمري في باقي النهارودينا
^^^^
حفيرات السنط جيتن تعوم بي التنه
ناطح الشمعدانـه عـديلة مي منحنية
درعـات العـفا الكبد العـسين منـتنية
مي لأفخـاك ياتـيس قنة بيك معـتنية
^^^^
عقب ود موسى شرف أمات رقاريق شفت
بـعـشوماَ سـمع نـقرة وقـطعـت الـلـفتـة
بـعـد دحـن جـرايـدك ومن شـقيقك خـفت
وآغـل الأصدرت أمر القـضاء والإفـتاء
^^^^
إيـدين أب تبـوب شقيت وعرهـن خاتر
جيت لي أم عود تجمع في النقع ماك فاتر
الحـافـظ حـضورك ولي غـيابـك سـاتـر
أسـرع واغـلو يـالجتمام قـفاك مـتواتـر
^^^^
ديـك الشاقـة بانت ومنها الحمريـب
وعوم بالراحة أوعة تقطع الدمريب
ود جمل النـدم عـنافي مـاك هـريب
ماهو بعيد عليك بـلد أم حنانة قريب
^^^^
خـرد الـقدة شـب فـوق دبـة اللآساد
حسن شيخ طرقي ينجي من الحساد
مـحمـود الـطبـائـع ليـن الأجــسـاد
جـميلاَ بالظـرف فـوق الـندايد سـاد
^^^^
إتـجـمع بـعـد شـرف الحـرير طـار
وداني بعيدو بالمصعي وجري الحارحار
عـلي جـريعة البـنوني ومسكة أب محار
لـولـح رأسه واتـمرعـف تـقول سحـار
^^^^
سيتلو مقيلة بي الباكرية في الضقال
أخد لي هجسة قم فاقد السحي الماقال
الـيبس سـراة السـرعـة ماهـا تـقـال
لطـيف قـامة أدعـج وأكحـل الأمـقـال
^^^^
طبق فوز الصباح بعد النهار ما برد
فـرد الخـب ويـقن للنجـيع واتحـرد
يالقمري العلي رأس الغصينات غرد
ويـن المن زوال الحـي سـلوها إزرد
^^^^
ود أبـوقرمة وابـقدوم جـنى الندام
شـيشك بـرد الـسرج سـقتو لا قدام
الخـلاك جـرايـدك في الـنقع خـدام
خف يعدمني حرعشقوالبقى لي مدام
^^^^
الجـبل اللبيرق بدري قصدو يـفوت
سوا هـيـوت وصـور لعبـة البنـوت
على القل الحيا وضرب القلب نبوت
هرول وتات قرعب ضارع السبوت
^^^^
داك شدر أم هشيم الطار وكلو اتساده
يالجـرت حـسكتـك ليـك بـقيت عــاده
ظـبـيـة عـنـز الصي الورودن مـــاده
خـلت كور شـديدك من رحيلك نــادى
^^^^
عقب الوادي فز من المطيمر وناسو
قطع الشلخة والدرب بجرايدك داسو
هـجـام أم وضـيـباَ غـامـقن خـراسـو
ماهو بعيد على القمري الهرج ضراسو
^^^^
كباسة وصلها غزز غادي شافلو قنوبة
ولـع بـنـقو شـنير منه نـاشـف الـكـوبــة
على الطبق الرشم بالجدلة غـط الروبـة
سوى الريملان غـرفـن جـرايدو ودوبه
^^^^
هـجـام الـمقـلدة بـي حـبوب الـنـوبـه
داني الفنقة والنقعـات عـجنها دبوبـة
نقول القمري حاكى الفاجرة ومسلوبة
ولا الـطـب في البـاقـير ووجه سوبـا
^^^^
ود أبـقرمـه حر عـنافي مـاك تـماري
داك شـدر القـنيص وقـنوبة الحماري
يالـقطر المـزود ولعـتو الكمـسـاري
قرب ليك دور عاشقي المرابشه قماري
^^^^
عـقـيداتـن بـبينـن عـن كـتيـر النـص
وجاهن كفو زي مكن الخياطة برص
على المرناع بريريب اللرايل الحص
عجلك تر وعـينك في الشقيـق لاتبص
^^^^
قـال لي الشقيـق ما فيهـو لي ضريبة
ماك فاكرني كل مرات بجيبلي قريبة
الخلاني إيـد الضالمة أقـوم جـاريـبه
شايف هجـمة أم خـداد بقت لي قريبة
^^^^
بعد يالقمري ما وخرت إيد أم ودعة
بـرد قـربـت سـمـح أم رقـيبتاَ فـدعـة
الخـلت عيوني أللاجة جافية الخدعـة
بـيـن ثـديـها وأردافـها رقـاَ بـدعـــــة
^^^^
مطيمر سعده إيدك جاتو حامية تريره
ناطح البي غـرامها مجرعاني مريره
فوسـيبت التري اللتمايحـت في قريره
بـينـك وبـينها يا العنـافي قلعـة ريــره
^^^^
صبيب الفوتريت لزم جـرايدك مض
كورك خوفتو من حرة جريك إترض
الخلاني أنس الفرض بعد ما اتوضى
لولي وقـصكنـار حجـالها ماهن فضة
^^^^
ضهـير قـلعة مبارك جيتو تلعب شد
مـنعـت اللسـه والكـرباج وقـولة هـد
علي التـالاك إحـسان وذوقها مابنعد
يـومـك كـلـو تـمـصع ماتـلحقلك حـد
^^^^
شيـوم ركف الجلاد أبو حـمرة معبوكة
رق ضميره خـل قماقـمه لــون الدوكة
المـن عـشقو قت ليهو النـفس مدروكـة
جيت في رده ستة الساعة فوق الشوكة
^^^^
أقطع خور أبوعشر برد خبيبك وروق
وديك قلع الحداربة وديك حفير السوق
عـشان الليـلة ياقـمري البـقولـن قـــوق
كبدة فوق وعين عسلاَ لذيذ في الضوق
^^^^
الــــعـد البـصيــح نـشالـو
نسقيك فيه لانفوتو مانغشالو
إنصاف يومي والدوام القطر وشالو
خلت غردي عند السري مابفشالو
^^^^
صعيد قلع النزل سافل الحفير جيعانة
سوى هبوته لي الفيهو النفس طمعانة
يالقمري أبعقارباَ في الضمير لآسعانا
هـادا إياهـو آخـر يـوم وعـهـده مـعانـا
^^^^
حردوب الجبل بأن ليك شمالك شايفو
وجافل من زوال حجار رقيلك خايفو
واغل البي التملي بتمشي عالية وظايفو
قـبـل الديـدبـان مايـدور ويـمنع طايـفو
^^^^
زرزير الجهال الخافوا من الضرب
سيتو بذاتو عن طرف الفريق بالدرب
دنـاي البـعيـد سـاحـر ديـار الغـرب
ظهرب قربت لأعب دواير الكـرب
^^^^
وصل نعمان نفض ريشو وجناحو الخوه
شافلو كهارباَ في النادي ضاربات جوه
قـال لي البـليـب حـايـز الدلـع والـقـوة
هـادا المنـصفـك ومـديـك شروط الخـوه
^^^^
كـتيرات الزريـبة الخاتمات النـادي
أبرك عندهن لاتقول سلام ياعـادي
السلحاتو قاطع القلب وهارد أكبادي
ترا تلقاهو في قوردن هوتيل الغادي
^^^^
سمع نايبك بسوق حاك بانشراحة وراحة
سـند مالند كرب جـورجي المسي لفـاحة
أنـا وإيـاك والعـنـدك معـاهـو صـراحــة
سعـيدة حـظوظنا ما دام الصراية براحـة
^^^^
سلام السـنة كان ما قـلتو هـسع ردو
خـلي يـقول وسهـلاَ بالـمحـدر شدو
الخـلاني أقـلـب الصـج وألعـب مدو
هادا أياهو يالقمري الشمخ فوق ندو
^^^^
قال انفضلوا المابدورلو فخر بالقدلة
دبورة ومقص تاج حكمو عادل عدلة
لبـس النادي لي شخـصاَ يـميز المدلة
نـواشين أربـعة وتاجاتـو فـوق البدلة
^^^^
قـال خـتوه فـوق سـرج أبـقفايـن بـاش
مايضربو العجاج يخرب سيور القاش
واقــف بـره سـنـيورقـاتـل الأحـبـــاش
دايـر يـنصف القـمري أبـجـناحـاَ راش
^^^^
أمر بي رباطه جاهو علوقه غير مكيال
ضامراَ غرده حارت ومحجمه السيال
أسـاويـر الـعـساجـد ونـائـب الأفـيـال
فوق ست ريدي ظهرب واقعات خيال
^^^^
بـعـد ما أنـصف الفي يـومه داني بـلوده
دخل طايبني سيد ريدي الوضيبة بقوده
علي الطبق الرشم ردم الصدير بي عقوده
مـعاه اللـيلة يالـقمري الـشبـاب بـنعـوده
^^^^
بـراوة عـليك يا العجلك ترير البـكس
دنـيت البـونة بي لعـبة حـنين التـكس
مع البي الحشمة لاعند المقادم مكسي
سعدك نجمو طالع ماهوماش بالعكس
^^^^
فضى من اللوازم وانتحف واتجلى
كوع فـوق مراتبـو وللجلوس انحل
قـالع العيـص معانـد شايـة السلسلة
قـالي معـاه بي لعـب التياترو إتسلى
^^^^
أخـدنا الليـل تـفنن بي طرب غير عـلة
تـمم كيـفي تـيـس قـنـة أب حـديـداَ شل
أنـا والـديـسـو لاعــنـد المـتـاني إتــدل
نـومـنا بـقالنـا من بعـد الإمـام ما صلى
^^^^
أضحت شمسنا وجانا البسالي يطايب
وشاف القمري لي سمح الطبايع جايب
قـال لي فليـوة الخيـل أم عـشوقاَ ذايب
قــــادر جـامع الشـمل البجـيب الغايب
^^^

دوبيت هنبتة

شـــايفة الكـــلام زايد وعسـولة ساكتــة خلاص
لا قالـت رضيـــت لا هجست وســواس
لا قالـــت أبيت لا صــدت الحُراس

والعالم تجقلــب ناسية المنام ونعاس
شيـتاً هنبتــــة وشيتًاُ شٍعـر وجناس
وشيـتاُ بالغبي وشـيتا قـدام النـــاس
جيلانــي جًود وزاد فوق الشعــر مقياس
وفات أهل الشـــعرالبدرســو الكراس
وقال ما مهـــم شيـــب الشــعرفي الراس
في شان الشــباب حســاً ملان احســاس
وإن الهنبتة عزة وما إفـــــــــلاس
شــقاقين الدروب والليــل سوادو دمــاس
عداليــن العيــوب عٍرفة وشــدة وباس
يعني شنو الصُداع ما نحن وجع الــــراس

ويعني شــنو الخداع والفلهمــة واقناع
نحن الهنبتة ديل نحــن طول البــــاع
فرســان هوايد الليل والحق بناخدو ضُراع
أهــل الكرم بالحيــل شايليــن للوجع مقلاع

ساعة الحرة نـار زي طلقة الرصــاص
وبنداري الزعــل كلامــاً حنين حناس
نحن أولاد جعـــل ناس حمــزة والعباس
نحن مخضرميــن إزميلنا زيد فدياس
وبنــعرف الأصــول قالو الزمن دساس

شــوف جنس البنــات البقرن الكراس
ما زي العجب خـــاون سُعاد وخُناس
يا حليــل البلد ياحليلها شيــلة الفاس
يا حليل الفهــم ..حليل العلم ميراث
يا حليــل الكرم والمدة دون مقيــاس

بجييكم في الكـــلام كابس على نعاس
ومن بعــد المنــام يحلى الكــلام ونّاس

مسدار الخريف

يافصول العام دروبنا الغاديــة أو الجاية

حساب المـدة بالأيام صحــف ورواية
شــبع وصيام يقين ونوايا صــور ومرايــا
وبين البين نداري المايــل نقلبو وئام والناس غتايــة
وعيون الريــد، تضوي بديل لي قمر الليل
غتاهــو سحاب.. باراهو رباب
وصوت أولادنا وينو شليــل والأم حجايــة
والريحــة دعاش غمام وسقايــة
والمطرة الجايــة غنوها حكاية ..... ونحن صغار
والمــوية سداية واللبَنَـة عباية ،نسيج مترار وخدار في تقاية
وبشارة رشاش تبل الريق وموية إبريق والناس صلاّية
ماهو سراب بعيد غشاش وشمسنا طشاش أكيــد ضواية
إلا الحــرّة مجالهــا يضيــق
والدنيا خريف........ وبحرنا يشابي يسالم القيف
فــي مــّدهُ سقاية ، وجزرهُ جباية، والهيــن سرِّيــف
وقفانا زمان خلينا الزيف
وودعناك خلاص يا صيــف ... والفلاح، كريــم الراح
شــد الحيــل زرِع وســعاية
وخريفنا الباســل ، شبل الغابــة، الحارس بابها
مجاز وروايـــة ..... والمغزى حكايــة
أصلو شبلنا الما مهزوم ... رايح فـي النوم .... والام لولايــة
وبالورثة جســور ، ومويتهُ سيــول ... وحركتهُ عطايا
واســدنا الزينــة ، هندس للعيـــنة... بروق لالايـة
وفــي الواطة جسور وزوايا
وصحــي من نوموا شهــّل لـي لزوموا وحـلّ الشاية
عظمة نافر ورحمة أليــف ، وبدا بالجبهــة بشاير الكيــف
وحرتنا بلادنا.. ريحة اجدادنا وفي النجاضة زربنا صريــف

والعينة تقول أسدنا هصـور
ولازمـاُ يكْـتر المحصول وتجـي البابــور سيورها تتدور
وفــي بعض القول ، أخير سلوكة.... دي المبروكة لا بتطالب ولا بتقــول
والتيراب ، مِهــادو تراب بكــلِ سـرور
واصبح شــوكة، راس الحنطــة ... سبب الغبطــة
واضــان الفــار، النــوارة.. السمّيـعة للأخبــار!!!
الجيّــابة للأمطــار !! ومن أنبــاءها
إنــهُ أسدنا، مــدّ ضراعــو ... طــول باعــو
ومطــر الجبهة زادو عيـــار

والعيــنة التانية زي أخواتها ...... أيام محسوبة ، عـــد السبحة ، في إيــد حبوبـة
وفوق المعصــم أحــلى سوار
وهاك ياضــراع، رعــد لعلاع، وسحابــو بعيـــد..
لكـن بي كفهُ للخيــر جمّــاع
وعيشنا فــي زمنهُ ما طماع لــو صبـت مرة أو اتنيــن،
بالتأكيــد أملنا متيــن فــي حل الديــن... وراحــة البـال

ومرت فتـرة ، وجات النتـرة ..... بتملا العيـن
سحب طوافـة، سيول جـرافة وعيشنا اتشكّـل بصورة قيافــة
اتعدل وطال كبـّر للفـــال
والآمــال بقت مكيال
ويــوم بقى لبَنَــة، وتم الكيف بفنجــان جبنـــة
وفــي الأخبار، العيش لبّــن واتدلّـل يا شقيــان
ويا سغيــرونى.. اتعجّــن
وشــِد الحيــل يافـلاح نَجِّـض حشك .. بيّـض وشــك.. أملا الدار
حـرَّر دينـك ، سالمــة يمينــك ... إســتقلال
أصــلو العيش خلاص اختــار .... وفرهــد ساري طول اللـيل
ومهاوِد .... لشمسو نهــار
ومنـي بعيـــد، إنت السافل ... وحالــي صعيد
هتاف تأييـــد..... إيــد فـــي إيــد

والنجامــة ماضيــة حديــد
بدري تقــوم نحِش القــش، وكديب السِــعد والغش
وعشرة نبقى نـحن عليك ، يالأصــلي وما تقليــد

جنيهنا الحــر والدولار
صــك العملة ، عيشنا الحِمــلة ..... ما قطاعــي سايـم جُملة
شامخ راســو ... ثابت ساســو نوّر لونهُ ..... والكل دونو
حتــى الوالــي والمختار
واسـدنا هميم ، تــوم الديـــم كريم ترحيبــو
ورغــم الفرق الفــي اسلوبو، فهــو أصيــل ما بدّل توبو
وجاب المويـــة ... عيون بكايــة ، وعيشنا شراية
رنــا بالطرفة الما ونايـــة
سحابها رحول .. وصوت المويــة همــس القــــول
والمقياس يزيــد مقدار
وبِقــى قندول، وعــودهُ النادي ما مكســور
وأكــد إنــه ابن أُصــول زيدو الحسبة في المطمور
حلال كان أردب أو مكيــول ضمان فــي أجرهُ .... عنك رســول
والختمة وداع لنضال أيام... وعــود بالرجعة والإكرام
شبلنا حسام .. مغادر وسادر وما بننساك، إنت الحاضــر.....
جوه مراحنا الراتـــع وشايل
وغنيناك ، هلال لعريسنا الشويَم وساير
زراق فــي سمانا ، ونجمو الدايــر
قمــرنا الهــلّ... وضــوّ قبائل
ويا القمــرة أبــوك ما جــا
وتبدا حكايــة ، لفصل جديــد
واملنا وِليــد ....راجيـــك يا أِســيد
لأحلــى خريــف ، و أعلى رصـــيد

دوبيت... كل ما اقول كلام

كل ما أقـــول باقــي الكــلام تميـــتو
يهــف لي من جـــديد زى التقــول ناديــتو

زى هبــة نســيم تفتح دريب ســـديتـــو
يجــفاني الغميــد ليــل الســهر خاويــتو
زى جاهــــلي الصحى يــومي النســيت غتيــتو

أســـافر لي بعيــد أزور الحبيب في بيـــتو
والقانـــي قاعــدة هنــاك كأني ما غبيــتو

والعجــب العجيب زعلي كان ما لفيــتو
زى طفـــلاً بيبكــي ويضحــك أكــان رضيـــتو

ســـري الــداني زى حبوبتــي كم حجيتــو
حليل بيـــتي الكبيــر توب الغـُتــا الفريــتو

يا ريحه الهــدم جديـــد وما فشـــيتو
يا الشــوف والسـمع زى النعاس لوليتــو

يا غيــمي العميم ريحــة الدِعاش شـميتو
في أهــلي العقاب حارســيـن وما خليتـــو

أمــي العزيــزة ليــك منـي الســلام اهــديتو
حقك علي كان الجــواب ما مامضيتــو
حقــك علي إن فاتني شيــتاً سيــتو

حقــك علي كان في الصبــاح ما طريــتو
وكان بالليـــل نٍعســــتٌ قــبُـــل ما أقول أمســـيتو
وكـــان طولــت الغيــاب ودينــي ما حليــتو
ونسيــت الحســـاب والعنـــدي ما عدَيــتو
وحيـــات النبــي مغبـــــــونة من خليـــــــتو
الله يجـــازي للســفر البعيــــــــــد مارضيــتو

أريتـــِك كـان حِــــضرتًي يـــوم قلت لا ولاويتـــــــو
واريتني كان ختيــــــت مُشـــرعي العــديتو
أتلفــت وراي زى القليــــــبي نســــــــــــيتو

كمـــلت اليقيــــن فتشـــــــــتو مانـي لقيتــو
لحنـــت الحنيـــــــــــن في شـــعري كم غنيتــــو
ساهرت الليــــــالي ونــوم العيون جافيـــــــــــتو
والطاعـــــــــم مِســـــخ والمٌــــــــر براكٍ حســـيتو
مشــــتهياك يمه وشوقي ليـــــــك مديتـــــــــو
وجايــــــــأك بُكــــــــرة أحكيلـــــك القاســــــــيتو
أتونــس حِـــــــداك قولاً كتيــــــــر ما حكيتـــو
وأتنفس هــــــواك يا داب النفــــــــس ختيـــــــتو

دوبيت..من شعر البدايات

من شعرالبدايات

ســـلمى ســـليـــلة الـــسمـــحات ســـبانى ســناهــا
ســامى ســمؤهــا اسـمى مـن الـسمـاك فى سـماهـا
ســـبحــانــو الــسمــيع الــبى الــسمــاحة كــساهــا
ســـلتـــنى ام ســـماح يـــاســـادة قــاسى انــساهــا

قـــلبى يـــنوح حـــزيـــن مــمكــون مــفارق زولــو
والـــحال الـــعلـــيو عـــجز الـــلســان مــن قــولــو
نــــاس الــــحى عــــموم والله جـــابـــو شـــلولـــو
زى ود الــــلفــــندى الـــشالة ســـيك فى قـــبولـــو

ايــــــات الــــــكريـــــم والله جـــــاد تـــــصويـــــرة
واداهـــــا الـــــقوام ســــوالا ديــــسة مــــسيــــرة
مــادام قــدرى كــل مــا يــوم يــجيــب لى جــريــرة
يــكفى انــا فى الــخيــال ايــات تــكون لى ســميـرة

يــــشهــــد ربى ايـــات فى الـــسريـــرة ســـريـــرة
ويـــشهـــد ربى ايـــات مـــا عـــشقـــت انــا غــيرة
لــو جــابــوا الــجمــر فــوق راسى خــتو ضـريـرة
مــــابــــترك غــــناهــــا وغــــيرة امـــسك ســـيرة

ايــــات الــــسمــــاح شــــالـــوه مـــن عـــينـــيهـــا
وايـــات زى فـــريـــع نـــسام خـــفيـــف يـــتنــيهــا
حــد مــا نــصحــت نــفسى الــقاهــا تـجرى عـليـها
وحــد مــا قــرعــت قــلبى بــرضــو يـجى عـانـيهـا

اية جــــميــــلة جــــاهــــلة وبى ازايــــا عـــليـــمة
وربى يــــــجيــــــب لــــــعواقــــــبى ســــــليـــــمة
عـــارف نـــفسى شـــوم انـــا مـــا بـــفوز بـــليــمة
ويــاريــت لــو بــقيــت عــطراً ســقتــبو جــسيــمة

انـــــا إتـــــقلــــبت حــــياتى وافــــكارى دار دوارة
وصــــارت حــــالـــتى زى دوحة اتـــحرق نـــوارة
وكــت والــديــها حــكمــوا حــموهــا بــيتـنا زيـارة
يـــاريـــت فى الـــمقـــابـــر قـــبرى يـــبقى جــوارة

لـــو الـــناس عـــموم فى الـــدنـــيا قــالــوا قــوافى
مــــاظــــن يــــوصــــفوك يـــا اية حـــسنـــك وافى
لـــو انـــا ســـيبــت ريــدك كــيف اكــون مــتعــافى
وغـــــيرك إنـــــتى جـــــوه فؤادى قـــــط مـــــافى

قــــط مـــانـــسيـــت ولا جـــور الـــزمـــن قـــسانى
وكـــــيفـــــن انــــسى لإنــــسان ســــكن إنــــسانى
حـبو عـرفـتبـو الـدنـيا وعـلى شـاطئ الفرح رسانى
وقولة انساهو ديك ابعد من قومة الشعر فى لسانى

فــــرقــــنا الــــزمــــن شـــتت مـــصايـــبو تـــقاوة
والـــــــــقدر إن وقــــــــع والله مــــــــابــــــــتلاوة
مـــا تـــقول لـــيا انـــسى وعـــيش بـــتلــقى حلاوة
جـــــرح الـــــحب عـــــنيـــــد لا بــــبرى لابــــداوة

دوبيت

أسمع نحن
نـــحن نـــفوســـنا لــكل الــمحــامــد لامّة
ويــوم ســواهــا ربى اداهــا اجـود خـامة
نـحن الـماب نـهاب الـحارة نخشى لِطامة
نــحن نــزولـنا فـوق اعـدانـا زى الـطامة

نــحن الــعازة نــبقــالة الــدرق نــحمـيهـا
نــصقــع بـالـسلاح قُورة الـعدو ونـدمـيهـا
نـقطـع راس ونـجدع إيـد نـعوم فى دمـيها
عِزة عـازة مـا بـنرضى الـدخـيل يـرميها

نــحن مــساعــد الــمك نــحن ود حــبوبة
والـباشـا صـبح رمـاد حـرقـنا فى راكوبة
نــحن خــيم كـرم سـنة الـمحـل مـنصـوبة
ونـحن حِمـم لـهيـب فوق الدخيل مصبوبة

نــحن ســيوفــنا هـزمـت لـلسلاح الـنارى
ونـحن كلامـنا دغرى عديل ومو متوارى
نـحن عـطانـا فوق الناس بروق وسوارى
ومـن روس الـخصوم شافعنا بملى لوارى

نـحن غُبـش بـخات فى إيـدا قابضة اللوح
مِتــقبة نــارا غــير لــلبــارى مــا بـتنـوح
نـحن بـنعـشق الـموت يـوم عطورو تفوح
ونـحن بـخيـلنـا يـديـك مالو جت والروح

نـحن صـبيـنا مـا بـحلـحل صُرر جـاراتو
ومـا بـشوف الضعيف وإتباهى بى فاراتو
مــعروف الــكرم لابــسيـن دوام شـاراتـو
وعـادى بـنفـقش الـفارس الـغلـيدة سـراتو

نـحن أرضـنا خـضرة ومـاها جدبة يبيس
ونـحن بـنصـرف الضيم عنوة مو تحنيس
نـحن وسـطنـا مـا بـنقـبل عـميل وخسيس
ويـوم الـحارة مـا بـنضـارى فى الـبوليس

نـحن الـماب نهاب من السلاح يوم ضخو
نـعشـق صـوتـو نـطرب بى مُسـيقة سـخو
بــنواجــه خـصمـنا ونـرمى بـب فى فـخو
والــظالــم الـعبـاد فِد صـفقة نـشرط مـخو

نـــحن ورانــا آية ومى ســماح والــسارة
لابسات عِفة توب وبيوتنا حافظة اسرارة
واثـقات مـننـا وعـارفـات قـلوبـنا جـسارة
إن تــريــنا صـاديـن يـبقى لـوم وخـسارة

نـحن عـقولـنا مـن الـحِكـمة ماخدة نصابة
نــحن نــحلـحل الـحوبـات نـفك لـصعـابة
نـحن صـغيـرنا يوم العركة لاوى عِصابة
نـحن صـبرنـا مـا بـماثـلوهـو إلا صـحابة

نــحن ضـربـنا بـهدل نـاس قـلوبـا سـميـنا
نــحن الــفى الــوجــود والله قــلة ســميـنا
نــحن وطـنا فى كـنفـو الـعزيـز ضـامـينـا
ونـحن بـنسـتر الـسمـحات نـجود بـدمـينـا

عــندنــا ريــف جـمالـو يـحيّرك وصـيفـو
عـندنـا نـيل بـشارة خـير مـكاضـض قيفو
عـندنـا صـيد نـفور مـن الـصعـب تـوليفو
شــوفـتو بـتسـعد الـمحـزون تـتمـلو كـيفـو

عــثمــان فى الــشرق قـاد الـبواسـل وقـام
وفى قـــــلعة ســـــواكــــن دمّر الــــظُلام
ود عــبد الــطيــف والــماظ بــطولة تـمام
ونـحن الـفى جـوارنـا حـقوقـو مـا بتنضام

نــحن فِعــالـنا تـغنـيك عـن حـديـث وكلام
ويــكفــيك هــكس.غـردون قـائد الإجـرام
يـــوم الـــعركة نِســـتبــشر نــقيــف قِــدام
ونـــحن نـــسبــنا تــقوى والــقبــيلة إسلام

مسدار

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضايا الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَا المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

واللاّ صَحِي الورم عَضّامِي

سفريتك مِي في النيّة

ماها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِلِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرْفيرات الحُزْنِ

وشِنْ القَعدة

يا أبو السُّرة

شِنْ القَعدة في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة ..

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

وما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

نادينا القعوي والبُلْطي

قرقور السّمَك ودّانا لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

وفُتْنَا عليها

كانت نايمة

عَجّال البحر حارساها

كانت نايمة بين حجرين وضُل ساسوية

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

مَسَكْنَا دَرِبْنَا

وعُمّال الطّمِي الصّحوها

خابرين الدّروبْ

مَرَقوبنا في مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

وصوتها مكتِّمو القَرَبين سيوف وسَوانْكِي

قولَنْ لي الأَخْلو ديارو

دمّكْ فَرْهَدْ في نارو

غَوّرْ في الأرض

طارو صَقْرين

أولاد الأرض ما طارو

لحمي غَطّى بِنْ عَمِّي

شو صار حالو يا إمِّي

منديل العِرْضْ في بيت الدِّينْ

دمِّي ما يخلِّي دمِّي

إنّا من دير ياسينْ

صِرْنا في جِزْر التّين

عَمْ نسقى بعضْ

حُبّ الزّيتونْ بدّو يرجع للطينْ

صابرا تحت الدورية

صابرا فوق الدورية

صابرا فوق الدورية

يا حال الضِّدْ

لحم الطِّفلين نابت غُصنْ الحريّة

جِذْري مو في شاتيلا

ما قال حالي يا ويلا

حِنّا في الأرضْ

أرضِ فلسطين

يا إمِّي هيلا هيلا

يا إمِّي هيلا هيلا

يا أُمِّى هيلا هيلا

هيلا

هيلا

هيلا

هيلا وهيلا يا ابو السُّرة كُجْ العين

تخبر الشّينة من الزّينْ

تَفُرْز الطّاري من السّاري

يا ابو السُّرة كُجْ العينْ

ومدُّو صباعك السّبابي

قول لي الغَافي يا زول هويْ

وهوي يا غافي يا زول هويْ

أرخي الغُردة للعَنّافي

شِدْ القمري بالحوبابي

في مسدارنا

شِلْنا نهارنا

في إيدنا من ساسو البحر عقدينْ

مَسَكْنا دَرِبْنا

وعُمّال الطّمي الصّحونا

خابرين الدِّروب مرقوبنا في مُشْرع مَسَارب الضّيْ

لقينا الدُّنيا تترجّانا

قوقا القِمري

خَوّى صقيْر

وعَوّى حِدَيْ

وكُنّا جماعة

دابّات الأرض والسّايمة

عَوّامة البحر والطّيرْ

وحتى الغيمة قصّاصة الأَتَرْ

فوق راسنا شايفة الدّربْ

ضِنيب اليَانْكي

قال القمري لي الضُّليلة :

خَلِّكْ صاحية زوغ اليانكي لا يودِّرنا

قال الدّابي :

إن يغباها ما بيغباني

ولمّا الشّمْ مودِّعة غاربة

وَصّتْ جملة الصّقّار عيونهنْ كَارْبة :

أبقو أَلِفْ

بَفوت لي المِتْلَكُنْ ناهضينْ

وفوق ديناب عريباً غادي

قال السِّحْلي لا تغشوهو

ديل عُربانْ توابع اليانكي

وخَلُّوها العريب الغايبة

السّراقْ طبيقو معاهو

تيجاناً عروشها الخروعْ ..

الهَشْ ..

العَويشْ

الناّر تَعَلِّبْ فوق عُقَال العَرْشْ

ولا خَسّانا بي هادي العروش الهـُرْبة

يا ابو السُّرة .. لا عَقّالْ

مسكنا دربنا

وعمال الطمي الصحوها

خابرين الدروب مرقوبنا من وادي الضلمة

الكان

وعقب لمينا في باقي الجمع

قاصين دريب اليانكي

سنور الغيب في الكونغو

وصبراً من جنوب أمريكا

ومن كلهاري ديباً ضاري

والتمساح وليد أمازون

ونمراً في النمور كمبودي

وام رَخَمْ الله مكسيكية

ولمّ لميمنا

لمّ لميمنا والشّمش البتوقد فوقنا

شدّ شديدنا لا التِّمثال مَشيّلْ روقنا

عَالَم حُرْ يدوعِلْ فوقنا

لي يوم سوقنا

نبصُق فيهو .. في عينيهو جَرْ واسوقنا

يا شمسي طِلِّي .. طِلِّي

شاوري عَ بيتي دِليِّ

كَيّال الكيل .. ختياري ماتْ

ظِلِّي عَمْ يحرس ظِلِّي

عَادِلْ عَ خَييّ ميلي

خَييّ ما يحمل شَيلي

ما خَفّ الشّيلْ

تاني المرّات ناطِرْ رصّاصِي سيلي

عيني في الفيل ما ظِلّه

كِلْنا ندريه ما نضِلّه

يا ويل الويلْ

نرمي الجمرات عَدِّ المستشْهِدْ كِلّه

نرمي الجمرات عَدِّ المستشْهِدْ كِلّه

دوبيت

عاجبانى البنية والشى المولع جمرى
جاهلة وديعة لسع ماوعت بى أمرى
حيرت الفكر شالت سنينى و عمرى
وفى الاخر بقيت أقوقى زى القمرى

نوارة فريقنا فى جيلا واحدة فريدة
أحى منها ووبين على من جيدا
مضمورة خصر يانى أبتليت بى ريدا
شركت وفترت ياناس غلبنى أصيدا

ممشوقة قوام تقدل تقول وزينة
عارفة جمالا علة وفى القلب مازينا
تضحك مننا وكتين تجى تحازينا
نتكبكب عديل والنار تولع فينا

مفدع صدروا طامح تشوفو تقع قبالو
مضمر خصرواجامح يشدك بى جمالو
وان أداك نظرة ونشن فيك نبالو
يبقى الموت غشاك وباقى العمر شالو

مرة حلمبتبو راقد معاى حاوينى
فارد سبايبو وبى الشعر غاطينى
نفاسو الحرق فشفاشى طلع عينى
لهلب جلدى حبو وفى القلب شاوينى

فى عن مشيو شايف صديرو أتخج
ضامر خصرو من شيل النهيد أحتج
باغة عسل فى خشيمو حاجبو أزج
يتاكى ويميل بى عندى لامن وج

مسدار ابو شكال
من القضارف الي خشم القربة
لي ود شوراني

ود الدينكي ماخد في القضارف مُدة
بي ارادة الله ايامو حسبت عُدة
بلد الديسة لاعند المحازم هده
بكرة عليهو ناوين باعتماد الشدة

حوش ابو ازهري الام كافة الاجناس
علي روسن جنيناً ليها قيمة وبأس
ذكرنا محاسن الجاهلة وسهرنا خلاص
لي سبباً يتعب المقدر التراس

طلع الفجر والناس اغلبن ماحسّه
انا ساهرني فرق الريدو مابندسه
مادام عندي تيس قنة المقاشر اللسه
الله ان راد مع قافي الهويد بتمسه

بعد قفلن قهاوي المنزل المضيوف
قمت علي البجيب ركب الصهب مردوف
مشتول القريرة اب جدولا معنوف
قصدي عشية عنده مجال حظوظ وكيوف

جملي الضهرو سالم خاتي غارب ودبره
شرع رسنو قجيلتو الذمام في الوبره
علي المقنية بت خيل القسيم ام حبره
بشقي الساسو غالق فتريت مو تبره

دناي المسافات البيمغي غردتو
هبر شايتو وفتح قيدو البشلشل وقدتو
علي الحاميك ذورك في الارض ماتختو
إته الليلة محسوب القضارف فتو

قال لي الأمين الشورة مي في أيدك
ساعة نقضي منك قوم عليهو شديدك
ابطيت يالبضم نقع البطانة جريدك
من بلد الظريف الفرقو جارح سيدك

اخد أذني وهجر جمل الرباط لي بركو
ماضي وعادي عينو تروغ ونايبو يسوكو
ناطح اللريل القناصة عابرة شروكو
مهرة عرضة ديشه مرتبنو مكوكو

جملي الفرط الميدان ابوه وخالو
جدعلو رسانتو قدامو ودرعلو عقالو
المنعلقة فيهو الروح وحابه مجالو
لاتنغش ياابو شكال بعيدة منالو

غسل الصافي بالعطرون ودهن البخة
طغاه المتل هابر شروك الفخة
شديت سرجو عانيبو الظريفة ورخة
ماغيتلو السيور خايف الكرب يترخة

دوار البروق الفي الروينة طريفي
ختيت فوقو جرباني وفراشي وسيفي
ود اللريل الضاربابو امو مكيفي
عندو عشية ياابو شكال جلوسي وكيفي

دناي المسافات البيجدع باعو
ختيت وركي فوق سرجو وطلق لو ضراعو
بلدان الـــــــــــــــخروسة مقرن براعو
مابصعب علي مصعي الرقيق سماعو

جملي الليهو كتح الصافي قوّي وطغى
قام من شايتو ذي تور الوحيش بتمغى
داداب سكة السمحة ام فراقاً شقى
مسكو وسافر الشوح الإله يتوقى

عاصمة القضارف طرقها مقافيهو
حلال الطرف جاهو الجفيل باديهو
علي اللمسوعو مابسمع كلام هاديهو
عنا واتشمر أب قنفة الغدر واديهو

عصارة الزيوت والحوش وميدان كورتو
جاهن قالع الحسكة العزيزة مهورتو
ناصح السمح الخلاق طبيعتو وصورتو
نذراً ماسهل عرفوا الاسافلة سرورتو

ميدان البراحة المسمى بالحرية
جيته ترش رقبتك في الذمام ملوية
فلانه الناره توقد في فؤادي هبيه
نومنا معاها يالعنافي ميه المية

قارح المن زوال الحي سلولن حوّد
تيسن دور الهدمي وعليهن عوّد
فات رد الجباراب جنو ركب وذوّد
ناطح الديسه كالدجن الظلامن سوّد

قارح القمح العنافة والمزروق
وخر حله الملك القريبة السوق
علي مهرة معني ان أيمناً مطلوق
شد رسنو وذمامو وراسو علقو فوق

المحجر سهل دربو وظهر عاليهو
ود الدينكي واسع الصي بدأ مواليهو
فوسيب الروى الوخري وردف تلويهو
بلدوا لليله ياابو شكال رقادك فيهو

دناي المسافة السرعو حايرة كفوفو
شقّ رفاعة جافل من زوال قضروفو
رخيتلو ، جبدتو ، خوفتو يفكك المخلوفه
لاقى جريهو أحرّ من اللمتني عكوفة

أم شدرة وخلاويها ومدارس أنجاله
وخرن الشروف الصيب يدني زواله
الوطتني سم الحية والمــــــــــلاله
اسمح من سبايك الخيل ووحش النالة

تيس ماده البشوفلو علي البطانة فجيج
أطغى عليه جملي المن رشاشو بهيج
خبه وشبه فوق الوعرة والصهريج
ناطح الخدو يخفي الدر شعاع ووجيج

التدري أب ضراعا للمسافة بداني
شب فوق العزازة وقفة منها عاني
علي المدياهو ضارب متكل الشرياني
قنة وعنة غزز في العلو الوسطاني

بان علم الرواشدة وجاك طريقا سالك
فيها حاج علي الاجواد وابنو كذلك
الذكراهو بتفتق الجراح الدالك
اسرع واقلو يامنسول عماره ومالك

غابة الفيل بدتلو وفيها غزه وشرح
وخره ناطح العجك النخيلو مقرح
ألمن فرقو يا أبوشكال فؤادي مجرح
عندو امر قتل ممضي وسلاحو مسرح

داك علم ام جداد الطار وبان لك شرفو
اسرع وخرو وسوي المششي البتعرفو
لتيبا زرعو مابين خيرسانو وصرفو
سمحات كلهن خلقو وخدودو وطرفو

ياتيس العلو القفر العساين رادو
جيت شاق اب قرع زعلان ورسنك شادو
الخله البصر نجم الكواكب عادو
أذاني غرامو وأخشى يضيعني موادو

الخلتني بعد الحب بقيت في طور
هجام دوره فات سوق الشواك والخور
اللبب والحقبه والغرده ودواير المور
ماغاهن علي ام خداد صغير الزور

فارط القود بعد عرقن محاجمو وندن
فات حي المريبيعة وحنونو اشتدن
شبه الصيد ضميرا وجيد عيونا وخدن
دربو كلاهو بي لهطة وشديدن ولدن

ياكتيوي القنيص الفي السنن شارعنك
الصيد لحمو فد يوم مامرق من سنك
حاج عثمان عقب مشروعو زود جنك
لاتدور التعــب دون سمحة يكرم منك

جملي الليهو من زمن البلام متعاجب
قال لي التعب للسمحة حقا واجب
سالكة الضمير ست الجمال العاجب
كلها سمحة شخصية وعيون وحواجب

لي امك حسن قنديت محرر وساعي
نذرة سهيت تشوش من دخلة الراعي
ابوك تور الوحيش البرقو شال هجاعي
ات دناي بعيد الانسو خاربة أطباعي

علي الخلتني اقيم الليل مساهر وواعي
شايل راسو جافل وفي السفر مداعي
ياللحميتني اهد بالسوط وأل سبي كراعي
مصعيك نفضو دفق الدمعة في سماعي

منسول الحرارة السيد جدودو رفاعي
فات حد المشاريع بين هنيس ومراعي
للمشي في الرمض والهاجرة مافيش داعي
بنبيتو اللتيب الســــــــــــــــايسو الزراعي

ود الدينكي بالحسكة وذمامو نتقلو
نوختو ولقيت من قام عليهو فتقلو
دخلت الضل وجد ناساً بهبو ويقلو
واجب الشخص يأمر بالسلام ويعقلو

الخله المقيل تيس قنة ماوافقلو
شايفني الضهر كل مره بتاوقلو
مهما عمري موعود بي رحيلو ونقلو
كان يلقاها يري الموت كأنو عتقلو

صليت الضهر حاضر كسبت فضيلتو
شديتو وركب ناطح الحميدة وخصيلتو
الدر النفيس خدادو يـــــــخفى اصيلتو
فرو وبسمو براق السحابه ونيلتو

التدري اب علوقا بتمون البيت كيلتو
فز خارت الرسن داير يضاحي مقيلتو
الفاهمة العهدنا الحالي هي جميلتو
زوله عليها يا أبو شكال بكمل حيلتو

مقسوم الجنيه والحاجة والمكسور
فات قلعات كتوتة واتوجه العتمور
تحت المادة قلبي من الغرام المأسور
اقول بالنسبة لي قيس ليلي مو محسور

ودالدينكي فات كمدوب نواحي الحله
خلف الظن وقلب الفن حواك يا اب تله
داداب ســـــــــــكة ام خداد بعيد المله
مسكو الاصهب الجاب للمنافسين عله

ياقارح التيوس اللي الروينة مضاعنة
وخرت المقطع وغادي عينك طاعنة
مادام الرزق عند الله موبي ضراعنة
نرضى ونبسطو ونرجع نشوف اوضاعنة

شقه الناله والحمريبة يجري معلي
فات علم الشريف حسب الله قفه مولي
فوسيب الروى اللي آخر عريجو متلي
ضيوفو الليلة نحن وعندو بدري ندلي

ود الدينكي قزز في قهاوي السكة
لوعب وذوعب الحرتت قفه ودفكه
علي مهرة ملك بربر نواحي الدكة
فشخ الارض وسرجو ربابتو غنت لكه

شقراب جيتو بالدغري الريس غير لف
وخرتو وعقب ناتل ذمامك تف
بعد رحلن قوايمك وللنواحي شرف
قصد سمحة ونفض جنحي البيختف كف

برد في جريك يالقارح اب قران
حاج الزين تروسو زوال شروفن بان
الخلتني آوازر السقدة للآذان
بينك وبينه سهلة ومنها الخزان

الخزان وآالات الحديد والترعة
ود الدينكي جاهن جاري طابق السرعة
تفحا في جناين الباوقة اول فرعة
دانة بعيدو هضليم ماتتيب القرعة

طلع الكبري جاري الاصهب الممسوك
لاصق ذورو شارد كوعو مو مدعوك
ناطح ام حرحره الفيها القلب مشبوك
مهرة مولدة فرسان محاص وملوك

علم الري ظهر شتلو البموح ومكاتبو
ود الدينكي دخلو وجاهو دربا فاتبو
الحامينا قلبنا في العشق مانعاتبو
سامعين ياجمل قيس ليلي حبها ماتبو

موقف عاصمة القرب هاب حديد وارواح
جاه مع الغروب ساعة مساء ومرواح
حلاة لهج البيسهر عاشقو للبياح
تخفى البرتكان والمنقة والتفاح

حصل منزل السمح المهذب وراقي
ابرك بارتياح ياللي هساك ماغي
مادام ياجميل ريدك مليتبو فراغي
ليش مااتعبلك الحوري المحني وشاغي

ود الدينكي نايبك سوكو وعى الغافل
وخلي يتوق عليك ود الدروع الحافل
الفاق جمال ظبي الوحيش الجافل
ابيض باسمو ديسو مقاسمو ضامر وكافل

لفت نظرو فرز المسارعة نشاطه
غير ماشي مارق لااندري لا اتباطأ
راقي جوابه خطابه فيهو تلاتة
ديسا لاح وفرعا ماح وقدما تاتة

يا أبو شكال سميرتنا ام عقاربا نابحة
جاتك بأعتنا وتقدير ونفسا فاتحه
ظبيه عنس الريل البروقهن قادحة
كلت السرعة عصرات الهبوب الكاتحة

سلام يا المنك ان سلم العقل بتجفري
ضحيتيبي لسيف الغرام البفري
هللي يامقل واخشي العذاب لاتكفري
غايتو غرقتي في بحر الجمال الوفري

المسنونو بفرم في البطون مو فاصد
قال مرحب حباب الجانا تعبان قاصد
معروف كل زول في مجيهو ليهو مقاصد
لكن انتو واضحين اسمكم مو راصد

فلانة اللخطر عاملانا فوق القيف
ماحت راجعة دخلت بالفراش والسيف
لي الراح قال ليها المتلك بيتعب كيف
قالت حق علي المضيوف خدمة الضيف

لتيبا زرعو في اخر العين مو صيف
ردف باردو ونزل فوقو الكياقي اب هيف
فرقها صبري ماخلالي فيهو طريف
لفظها حالي من مافيش بجيب الكيف

اب قنفه الموالي المرقة والشريف
ابو القماز امو نعامة ليها عريف
هجم عانس وحش ماده الجريهن ديف
كلامه تقيل مركز مو خفيف لف ليف

بعد نزل السرج من القوي الخبات
قادة علي محل الشاية والرباط
أيمن في السفر نخلات سياسته بخات
لي زولا يكون عند سمحه قيل وبات

الماضي الجمع صي الفيافي شباحو
قفل قيدو في رجولو ومسك مفتاحو
مادام وفى عهدي مع الخيالي سماحو
عسى يبرد غرامو الفي الفؤاد أرماحو

محبوبي الغزير ديسو وقوامو عدال
صادر نوم عيوني وقلبي وشغل البال
قال للسقة كــــــــــــب الموية للجفال
اسقة وخلو في رعاية البيدري الحال

بعد خته العلوق للبمغى غردو ودايرو
راح فرش المراتب في عوالي سرايرو
الخلاني سلف النوق احاكي فدايرو
زولو يمل وصبرو يقل طواله مسايرو

عاقب ميزة السرج والفراش وبعيرن
جابني علي الملايات الجهرني حريرن
وحاتا معاي من فرقو الله يديرن
كان ناس ليلى قبلي اتحاسبنبو سميرن

زولنا اللي النفس والضيف بيعمل قيمة
جاب موية الشراب بي شكلها وتنظيمه
قلبي يقاري في الفرقة ولماتك ديمة
بدل اليقظة يفرح بي خيال النيمة

علمو وجونا ندمانا الفحول والابناء
جلسو وصدوا راجعين شاعرين بي تعبنا
ياميهيه الظمأ في ليالي الصبنة
ارجوك احي روحنا عليك صبرنا غلبنه

ياسمحة الجمالك خاتي كلها وبنه
شخصيتك خياله دقيقة ماغايبنه
الخلانا بي ابو شكال عليك نهبنا
لينة وعينة وقاسية عند التبنه

يالبهدلتي راينا ولي دمينا سفكتي
جبتينا الوهم ساعة علينا مرقتي
ألزم نفسي بالوضوء لي صلاة الوقتي
بعده نشوف حظوظ تعب البيمغي المكتي

انا والفي مشيها بتاتي مابتر
بعد الليل برد قلنا الجهر والسر
مادام كل مابسمت جناني بفر
موبدعة الغرام يصعب معاي ويجر

البارح مع ست السماحة سهر
ضوقه الذ علي العسل النحلتو تور
من فرق الخلق لي الحب بعد ماكبر
ضقت تعذب المرقوب ومابي يقر

فوسيبا نصيح طينو وشرابو مدافق
حسسو معاي مطول وعندو مدة مرافق
اوصيك ياجرح موت شــــهيد ماتنافق
مادام كل يوم لدم أكـــــــــــــــابر سافق
انا وديفة البجن لي ود حريري شياه
سنقنا النوم بـــــــــــــــــعد مااذن النباه
رب العزو مــــــــــــــــــاليه غير اله
يغفر لي الذنوب بي حرمة اهل الجاه

حب ظبي الجزو البي ود حريري مصيفو
بصري وقلبي مـــــافي طريقة منو يقيفو
اخد الغفوة متكي وقام عـــــــلي تشطيفو
بعدو بدور يتم كـــــــيف العنالو يضيفو

شبه القمحت سابحة وسريعة وديفة
جلست وشبت النار في برندة صيفة
حبت تطرب الندمـــــــة وتقدر ضيفة
سمحة عفيفة فاهمة الروس ملاهن كيفة

بعد القهوة درتـــــه الشدة قاتلي تقيل
وجدت كلامه مخلص ماها لفظه عيل
اول كنت يالشتل الــــــــــخدارة منيل
رايح اولاد ابـــــــوي العدلتن بتميل

بدري سمعني من عوض الكريم سعال
قال جاي هـــــــــسع حصلو المرسال
يوسف والده شيخ خط اتبرا ام دوال
تحتو بطانة ام ميمون مراتـــع المال

حبك في قلبنا كـــــتير ضمنتي بجينا
نغماتك ترد الــــــروح وتطفي لهيبنا
مسداري النظمتو عليك عرفتو بريبنا
إالا تقولي ود شوراني زولنا حبيبنا

بعد ماقضى واجبنا ومرق ودعنا
جينا علي الهميم البي الاهل بستعنى
حاج عبدالله في ديوان ضيوفو جمعنا
جده كريم وذهنو فـــيهم بدر المعني

مريت بالمباني الرسمتن بالخرطة
من الياس ولاحاج مصطفى اتأخرته
ديل اولاد ابــــــــوي البيهن اتفخرته
ناسلين من رجال شغبة البحلو الورطه

اخد تسريحي من القربة واتوجهت
قافيت ديرة ام جرحا نحرمو شخته
خدها يضوي أنسها مو طيارة ونهته
يابدوينا فوق المي لديحة وبـــــهتة

ياتور الوحيش اللي النديوات عامد
اطرى وعدنا عن احمد محمد حامد
قلبو شديع ولفظو علي العشير مو جامد
لين جنابو ولاع كل ضياً هــــــــامد

من تراثنا الشعبي.. المردوم

الخضيرة ............بت أم النيْ
كي جري ............ قلمكي ليْ
دول الكبار .. دسوني قبير الحيْ
قولوا للخضار الليالي أنزلقن بيْ

***
شيلي لي ........ أم قندول
أنا...... ضربني لي هموم
ولد الميرم ...... فوق البحور
خشمه قمير ....... للبنظر
أنا ......ضميري مشــــغول
بطير حمامة بمشي البحور
****
يا النجيمي الطالعي مع الصباحْ
انا ببكي واي ...... مع البواحْ
حبيبي ......... قلبي أنجرحْ
***
الشايب مابادورا بدور سجيلي القدري
كن غريب ................ كن فقري
الشايب دا .... حرام ما بلمس صدري
****
أنا قاعديْ ...جنب الرهيد
إذّكرت الماضي دنقر بكيت
يا كبـــــاري قالوا جنيت
.............أنا ماجنيت
علشـان الغرنوق جفيت
***
الشدير الشقة ان ببقي لي زقاية
الغرينيق ..... الحارق حشاية
شق تومي ....... الريدة قساية
****
أنا بركب الطيارة كايسي دربا
.............عصير الباقة شربا
تعال يا حبيب ..من دار الغربا
الإغتراب يوم .....فتحوا دربا
دموعي تسيل ماني دايري

ســــــــــــــاقوني
جوة القبير دسوني
الأخضر الليموني
كحيل ....عيوني
الشماشة رازوني
****
السجيلة ..... هاي الجارة
من الأسف بجر لي سجارة
اللخيضر ...... وين ديارة
المنقة الهندي الشايل نوارة
الظروف ......معي جبارة

***
الجــــــارة أنا برفع اللِّشارة
الحبيب ......... كيف حاله
.................الدنيا غرارة
سامحوا ليي أنا بسكن جواره
****
أم تمايم شوفوا الوليد الرايق
............اللابس أم بنايق
مع البلوم.... نطيروا رفايق
-----------------
حوالي الساعة ستة أنا طريته قاعدة ببكي
ودوا ليْ الســــــــلام ليْ روحي الفارقتني
.......................القديم الفات خلي
كونوا في الجديد اب قجيجي خرب طبعي
****
أنا ماني برايا ..... أخواتي معايا
مرينا بالجنين عطشان بدور زقايا
................عربيته قالوا جايا
خليق الدردخان... المالبسوه عرايا
***
يا الســـــــــــــــــــــــاجيلة
أنا بجافي أهلي بدور لي قبيلة
مشتاقة ليك يا خضار النجيلة
الزرعـــــــوه في أراضي هبيلة
****
بت أم سبيب ..مقلوبة قلب شديد
سافر بعيد خلاني ....بلد الصعيد
البلد كردفان .........وليالي عيد
شفتوا الحبيب خشيمه لبن جديد
****
مريوما ..حب القليب كواني
الشماشة خاصموه عليْ شاني
القمير........ الضّوَ فرقاني
****
يا حليمِيْ ...... الجــــــــــارة
قولي لي ....... كــــــــــــفارة
الحبيب حــــــرموني من دياره
سيد الخنفس أنا ببقى لي نظارة
****
ما شفتوا المــــــــال حـــــراري
في ضميري .......عمل لي مرض
محمد نور ......خلى اب زايدة
ترك البلد في اللّردسي قام وقعد
****
أم ضمار ...........الرقيق فريع البان
مالكوا يا الكبار....... بقيتوا ليا دقار
................أن بشكي لي الكمندان
أنا طالبي مرور من بارة لي بورسودان

يا مطيرق........... اللّراكَ
فليل دمور........ دا هواكَ
كِن حية ......... ما بنساكَ
جدي الريل الراتع في فلاتهَ
****
يا خضار...... الأسواق

الليمون ... أنا مابنساك
الوردي ....... المشتول
خلوني ... بسكن معاك
ما دام القليب طال مناك
****
يا إسموكي المسطر
اب خشيمآ أبيض
حليب.. قطن بكّر
الفراق.. لي قاسي
فوق ..المنام بذكّر
****
سكر جنيد الغالي
مالكوا يا. اللّهالي
بشتنتوا.. بحالي
الصُبا ...ليّا ليالي
****
...................أم التمايم
الشماشة دول.... بريدوا التهايم
ولضم الفريدة... البرتقان الناير
كَن لي مراد ببقى الحمام الطاير

]size=24]المردوم

من رقصات الشباب في بادية الحوازمة ,وقد يكون معناها مشتق من ردم المكان إذا أهال عليه
التراب ودكاه ,وذلك لأن رقصة المردوم تعتمد على ضرب الأرض بشدة فتصبح كانها مردومة ,و
يسمى عندهم (المردوع).

وكلا الإسمين لهما نفس الدلالة والمعنى من ردم للأرض أو ردع لها,وهذه الرقصة مرت بمراحل
مختلفة ولكل مرحلة إسمها وطريقة أداءها المميزة مثل القنذو ,الفنفان وأهم مايميز هذين النوعين
الأغاني القصيرة مع سرعة الإيقاع مثل :ـ

غربوا .......... صبحوا
شكوا الريش بتن ما جو ا
وين القنزو
إتنين ........ ولاد اللّم
التالت ......ولد اللّعم
وين القنزو
****
رقيق... حـُــرْ
قاعد ليكوا ضُرْ
منه ... مابنكْر
كِن قلتوا بريده
أنا ..... بريده
الجنة ..فريقه
****
شيلي لي حليمي بت أمه
الجيدي ........ البرمه
أنا ببقي خدامة لي أمه
****
سكر في ...... قرطاسه
ان ببقي ليك.. حراسة
لو ما الفريق بي ناسه
تهموني ........ بيك
أنا ببقي ليك حراسة
لو ما الفريق بي ناسه[/size]

من تراثنا الشعبي... الجراري

الجراري

هو الفن الشعبي الاكثر اهمية عن قبيلة الزيادية حيث انة يمثل الوعاء الجامع لكل تطلعات الافراد ومن خلاله يستشرقون المستقبل كما انةيحمل كل همومهم وتطلعاتهم ومن خلاله يمكن للباحث ان يتعرف علي نمط حياتهم في الماضي وفي حلهم وترحالهم.

و يشارك فية الجميع في صفوف متناسقة وفسيفسائية وله رقصات وايحاءات وادبيات واقسامه السيرة ولها ادبيات يغلب عليها طابع الشجن والفخر والاعتزاز بالمحتفي به..

ومن اغنيات السيرة

احمد سوّى الشقّه ..توسّد ضرع ام قجّه
..جبد نيشانها وقجّه ..
لامن عمرو تقضّى

ورقصاته تقترب من الفلكلور الخليجي في الرقصات النسائية ومن اقسام الجراري الاخري
(ام سقيردو) ويغلب عليها الطابع الحماسي(اخوي الفي ظني كن قالو جريت عليك بنغني الدوسة
ام رمام بكريها مابتني) بتشديد وكسر النون.

ورقصاتها تقترب من الدبكة الشامية وهي تؤدي بصورة جماعية من الرجال والنساء ..
تقف النساء في شكل( قوس ) وتكون بينهن ( الحكّامه ) وهي تصدح بأغاني الفروسيه
والحماسه غالباً ...والنساء من حولها في شكل ( كورال )..
وفي المقابل يقف الرجال في شكل قوس كبير ..وفي وسط الدائره تقف الفتيات الراقصات ....

تبدأ الحكامه بالغناء ..وبعد ان تنتهي من المقطع الغنائي يبدأ الرجال في ( الكرير )
وهو اصدار اصوات من الحناجر بطريقه معينه ..

ثم تبدأ الفتيات في الرقص مع الكرير ...وفي النهايه يكون رمي الشبال .

من تراثنا الأدبي {{ الموشح }}

موشحة الاهيف لابن حيان

عاذ لي في الأهيف الأنس **** لو رآه كان قد عذرا

رشأ قد زانه الحور
غصن من فوقه القمر
قمرٌ من سحبه الشعر
ثغر في فيه أم دُررُ
جال بين الدر واللعس **** خمرة من ذاقها سكرا

رجة بال.... أم كسل
ريقة بالثغر أم عسل
وردة بالخد أم خجل
كحلٌ بالعين أم كُحلُ
يا لها من أعين نعس **** جلبت للناظر السهرا

مذ نأى عن مقلتي سنى
ما أذيقا لذة الوسن
طال ما ألقاه من شجن
عجبا ضد ان في بدن
بفؤادي جذوة القبس **** وبعيني الماء منفجرا

نصب العينين لي شركا
فانثنى والقلب قد ملكا
قمر أضحى له فلكا
قال لي يوما وقد ضحكا
أتجي من أرض أندلس **** نحو مصر تعشق القمرا

وهذه الموشحة الغزلية ايضا بعنوان هند وفيها محاورة من اصدقاء

ليت هندا أنجزت ما وعدت..... في لقاها للمحب المسهد
ليتها قد واصلت حبا بدت...... فتوافت عند ذاك الموعد
.
لا تلمني في هوى هند فقد.... سحرت لبي بتلك الأعين
أيقضت مني شباباقدعقد..... عمر خمسين خلت من زمن
وروت قلبي رضابا فأنعقد.... خمرحبين سقوا من مزن
أشعلت نور المحيا فأتقد..... نور مصباح ضوى دنياغد

لا تلمني! لم تلمني.؟.......خفق القلب لعين سحرتني
إن تلمني سأغني!.....عين حورا قتلتني
ولوجه نيرقد غاب عني....صرت أشدو بدموع هملتني
هكذا هند بحب أيتمتني.....وبأسر الحب صرت المقعد
.
شعشع البدرعليك ياهنادي.......صرت بدراآخريزهولديا
كيف أنساك وقد صرت سهادي......أرتوي من فمك نشوالحميا
لاتغيبي بعدك يدمي فؤادي....... .بل تعال لأرى منك المحيا
إن تركتيني فوالله أنادي.....أين أنت أين ذاك المشهد
.
موكب النورتلألأ في سناك.......يخطف الإبصار سحري جمالك
أهوقدركلناأسرى هواك.........أم قضاء يشغل الكل خيالك
هكذاصرت إسيرا في حماك......أنشد الرحمن عزافي وصالك
ولك ندعوه دوما في رعاك.....يحفظ الهند فتعلو السعد

صرت أدعوالله دوماللقاك......صرت أدعوه قنوتافي صلاتي
ورجوت الرب يجعلني مناك.....فنعش عمرا هنيا في صفاتي
نملأ الدارسرورا في ذراك.....ثم خلفا في بنين وبنات
وبقايا صالحات في حماك......ولهذا الفضل ندعو الواحد

بزهوروحبورصارعرسي.......أشكر الباري زواجا منك هند
في غناء واصلوا يومي بإمس.......وبنثر الزهريعلوفوق نهد
ثم زفوني بتاج يعلورأسي.....وحريرموشيا قد لف زند
ونشيد يملأ الروض ورقس.....ناغما في الناي ثم العود
.
وأباريق من الراح وكأس....داهقافي الخمرتعلوه الزهور
يحتسيها الكل في ضحك وأنس.......وللحن العود تهتز الخصور
تتمايل كلها غنجا ورقس......تتناغم طرباغيدا وحور
وأنا النشوان في دل ولمس.....ساكرا في نشوة للأبد

عودة ثانية الى هند

أقبلت هند فصرنا واقفين....لنحييهاعروسا لعريس
ننثرالورد وزهرالياسمين....فوق بدرين مشعين أنيس
ثم نشدوا بالرفاه والبنين.....نشرب الأنخاب خمرالخندريس
ليتم العرس رب العالمين......ينعم الزوجان نعم الخلد

مسك هند عطرالروض عبق.....ينشرالأطياب من نفح الخزامي
حسنها فاق الجواري في ألق.......مرويات الحفل في شرب المدامي
مسورات مسفرات في حلق.........ناعسات الطرف حلوات الكلامي
مكحلات العين مملوءة الموق..........ميسات الطول هيفاء القدِ

عادت الذكرى لهند لتعود......طيف أحلام الكرى كالسلسبيل
ذكريات لعيون وخدود......ضيق الخصرمع الريح يميل
وكواعب تملء الصدرنهود......لغزال.ساحرالطرف كحيل
وحنان من جمان وعهود.......في دلال الحب والمعتمد

غادرتناهند مشبوكة اليدين.....بعريس العمرتهدينا سلام
ولها الكل مودع بإبتسامات وعين...بعضهاباك وبعض في هيام
أدمع الأفراح تجري في حنين....والدة هند ووالدناالهمام
حقق الباري أماني الوالدين.....نشكرالله العلي الأوحد

عقب احد الصدقاء هلى حبي لهند :

منذ رأى قلبي هنـدا وقفـا............عند هند ما تعـدّى غيرهـا
فهي هند وهي عنوان الوفا.........شمسها كون تغطي بدرهـا
ولذا قلبي عليهـا اعتكفـى............ونفى حب سواهـا دهرهـا
وأرى موتي إذا منها الجفـا............صار يوما أو تعدت للصدود
فأجبته:
قلب هند قد تعشقني أنا.............ثم واصل حبه مني زواجا
آه عزيزي فاحفظ الحق لنا...........لاتتجاوزحدك اليوم لجاجا
قسمابالله إن عدت هنا.............أشعل الحرب صياحا وحجاجا
أترك الساحة بهندوبنا..............ولتبقى فاضيا أو واحد

فيرد عليه صديقه و يصف له هموم و شجون الحب مع هند:

قد شواني الحب يا هند شوي *** أنا كالمجنون معــفرّ في ألحوي
ليس في الحب عزيزٌ أو قوي *** كلهم يصــرخ صراخ المنكوي
آه يا هنــــــــد وقد طال النوى

فمتى ترحمي يا هند الحــــشا *** طار مني اللب والشيب غزا
ليتها بالوصل تنوي أو تشا *** ويكون الوصل للقلب عزا
آه يا هند وقد طال النوى

ارحميني فأنا ابن الطيــــبين *** ضيّع العمر مع الدهر اللعين
وضعي الكف على الصدر الحزين *** تسمعي الشوق من القلب ونين
آه يا هند وقد طال النوى

إن لشفة لون كالــورود *** ذاب هذا القلب شوقا للورود
أرسمُ القبلة نارا في الخدود*** وامني النفس في تلك النــهود
آه يا هند وقد طال النوى

و هنا قد فاض به الهوى فزاد من عشقة وانسالت الكلمات من بين دفتي قلبه فاكمل قائلا :

وافقت هند على لقياالحبيب…… .بعد لأي ودلال وظنون
ثم قالت لست شابا بل أريب………فحلفت الله مغرم وحنون
قلب شاب يزرع الحب خصيب… وأب في عطفه حان وعون
فتهادت ثم مالت بعجيب…… ثم قالت أبتا خذ بيدي *

كلمات رائعه رقيقه بسيطه من الموشحات الاندلسيه ..

أطفت عليها فيروز سحرها و رقتها فزدادت بريقا و توهجا ..

جــادك الغـيث إذا الغـيث هـمى ~~~ يــا زمــــان الــوصل بالأندلس
لــم يــكن وصــلـك إلا حــلـمـــا ~~~ في الكـرى أو خلسة المختلس

- 1 -
يا من حوى ورد الرياض بخده
وحاكى قضيب الخيزران بقده
دع عنك ذا السيف الذي جردته
عيناك امضى من مضارب حده
كل السيوف قواطع ان جردت
وحسام لحظك قاطع في غمده
ان شئت تقتلني فأنت محكم
منذا يطالب سيدا في عبده؟؟

- 2 -
يا شفيق الروح من جسد
اهوى بي منك ام ألم؟
أيها الظبي الذي شردا
تركتني مقلتاك سدى
زعموا اني اراك غدا
وأظن الموت دون غد

- 3 -
جاءت معذبتي في غيهب الغسق
كأنها الكوكب الدري في الأفق
فقلت نورتني يا خير زائرة
أما خشيتي من الحراس في الطرق؟
فجاوبتني ودمع العين يسبقها
من يركب البحر لا يخشى من الغرق

-4 -
ادنو شيئا ايها القمر
كاد يمحي نورك الخفر
أدلال ذاك ام حذر؟
با نسيم الروح من بلدي
خبر الاحباب كيف همو؟

- 5 -
اذا كان ذنبي ان حبك سيدي
فكل ليالي العاشقين ذنوب
أتوب الى ربي واني لمرة
يسامحني ربي اليك اتوب

- 6 -
لو تعلمين بما أجن من الهوى
لعذرت او لظلمت ان لم تعذري
لا تحسبي أني هجرتك طائعا
حدث لعمرك رائع ان تهجري
ما انت و الوعد الذي تعدينني
الا كبرق سحابة لم تمطر

- 7 -
حجبوها عن الرياح لأني
قلت ياريح بلغيها السلاما
لو رضوا بالحجاب هان و لكن
منعوها يوم الرحيل الكلاما
فتنفست ثم قلت لطيفي
اه لو زرت طيفها الماما
خصها بالسلام سرا و الا
منعوها لشكوتي أن تناما

الموشح :

فقد يكون بسيطاً مؤلفاً من أجزاء مفردة، كما في الموشحةالتالية :

عَبِثَ الشوق بقلبي فاشتكى
ألم الوجد فلبت أدمُعي
أيها الناس فؤادي شَغِف
وهو في بَغيِ الهوى لا يُنصِف
كم أداريه ودمعي يكُف
أيها الشادق من علمكا
بسهام اللحظ قتل السبع

وقد يكون مركباً مؤلفاً من فقرتين أو أكثر، كما في هذه الأبيات لابن سناء الملك:

كذا يقتاد سَنَا الكوكب الوقّاد
إلى الجلاس مشعشعة الأكواس
أقم عذري فقد آن أن أعكف
على خمر يطوف بها أوطف
كما تدري هشيم الحشا مُخطَف

من الشعراء ينجحون في وصف الطبيعة، ووقع اختياري على موشح محمد بن عيسى اللخمي، المشهور بابن لبانة يقول :

في نرجس الأحداق، وسوسن الأجياد، نبت الهوى مغروس، بين القنا المياد
وفي نقا الكافور، والمَندلِ الرطب، والهودج المزرور، بالوشى والعَصبِ
قُضبٌ من البِلّور، حُمين بالقُضبِ، نادى بها المهجور، من شدة الحُبِّ
أذابت الأشواق، رُوحي على أجساد، أعارها الطاووس، من ريشه أَبراد

ونظرة خاطفة على موشحة لسان الدين بن الخطيب في الغزل وذكر الطبيعة ومدح السلطان الغني بالله:

في ليالٍ كتمت سر الهوى
بالدجى لولا شموس الغرر
مال نجم الكأس فيها وهوى
مستقيم السير سعدَ الأثرِ

باعتبار الموشحات فتحا جديدا في الأدب العربي فهي تغيير عن نمطٍ واحدٍ من أنماط الشعر، ولا يجب أن نطلب منها أن تكون غذاء الذهن والفكر، بل يكفينا ما تخلقه في نفوسنا من لذةٍ محببة،

وهذا مقطع لابن زمرك في ذكر الصبوح ومدح سلطانه ابن الأحمر

مولاي يا نكتة الزمان دار بما ترتضي الفلك
جلَّلتَ باليُمن والأمان كلّ مليكٍ وما مَلَك
لم يدرِ وصفي ولا عيان أملِكٌ أنت أم مَلَك؟

[center]وهذه القصيدة من روائع الجابودي
المتلت
[/center]

شبه الجدي الحباشي *

المسخ علي معاشي

من ميساو قام باري الهواء الرشاشي *

تتكي فوق عفاها *

المويه الجمام صفاها

روبة الجوّاد والكفيه فوق قفاها

بكرة تميدنا الجابره *

وزامولك الطنابره *

سلاحك حاد ودرب المكاتل خابره

شبه الجدي اب رتيمه

يا مسيكة الحاجر الشيمة عسل النوناي الصافي در خشيما

ست الصبيح الناير

انا غير رضاك شن داير

عرساً براك يا السمحة اريتو طاير
الجدي الفي نتايلو

برنجي الزينه شايلو

فرير دمور ممكون قفل فتايلو

الحباشي : لون بين البني والابيض
الرشاشي : اول الخريف
عفاها : عافيتها
تمدينا : مكان
زامولك : احدثو اصوات
رتيمه : غرة في طرف الوجه
الحاجر الشيمة : التمساح
برنجى : كاس

نضم البنات.. الدوبيت

الشايب ما بندورو

بالملالة فوق صنقورو

ناخد الصبي ساكت على حنجورو

الشايب بى التسلو

وبالشوكة التنكسرلو

شايب الضلال أحماني قريني أتلو

الشايب الجمجمــــة

نفسك دعاش الرمـــة

ناخد الصبي ساكت يبرد الحمى

البكرة الحومرية

من الغداد بريــة

لا ضاقت قيد .. لا إنشدت بى حوية

يا صنـــدل العرايــس

الأخــدر المتقايــس

الناس عرب .. ما بتفهم الحدايـث

يا صندل الشقيـقــة

تهمونـي بيـك رفيقـــة

الناس عرب .. ما بتعرف الحقيقة

ما هبن الرشايم

واتملن الخيران .. الوزين العايم

الليلة وين أمسيت .. يا التمير فطور الصايم

يا يمة واحراقي

ما قلتو الحي بلاقي

يا اللابس السديري .. سويني ليك عراقي

ريحة البخور والنــدَّ

توبك سمح ما هــدِّ

حكمك ليهن .. حكم السيوف في جدة

صباح الخير باريها

ومو خابر مراعيها

هاجرين أم فوت .. لآمتين حسين يجيها

غنىّ لي يا ربابة

فريع البان حبابا

هوى يافقير قوم علّب التقابة

توب الزراق مو غالي

وحديث خشيمكمُ حالي

حبيب قساي بالريدة شاغل بالي

--------------------------------------------------------------------------------

اللخـدر يا جـملنا

وفوقو الحرير متنى

سبق الطائرات مسخ جمال أهلنا

باجوركن أب غرامـة

ما برتع الغنامـــة

باكر تجي أم رعود كاشه الهرع قدامة

باجوركن أب ضريبة

المابشبع الغــربية

باكر تجي أم رعود وتشرب السوريبة

يايمه أنا المظلومة

متوجه الحـيكومة

فشان المال أدوني طيرتاً بومة

يا قلبي ما تنطمــس

وأطري الحديث الأمس

يا ضل الغيم غشيتني أديتني الشمس

مي زرقا كنيكيجة

ومي حمرا هريريجة

عسلية الرقدن سيجة

والخلت عقلي دهيجة

مي زرقا خويدم نار

وما بتجيب غلط الجار

عسلية الرقدن زنهار

والخلتني ابيض فوق نار

فرع القرض الكابي

والتحتو بيكر الدابي

انا جنيت يا اصحابي

من ام سنا قصابي

زمامي رايح مني
جيب لي خبير طمني
يا يمة نشل العد ... في غيابو تب محني

كور الدباس الطاير
قول ليهو عيشك باير
يا ناظر القبيلة ... جيب لي زولي الساير

روحي انتلت هبودة
خداري النشف بالبودة
يا اخواتي ما تناغمني ... ناقة اب سبيب مشدودة

قلبي العليهو بهاتي
قصيبة الخدارو مشاتي
لبينة عشاي المنو ... ما ورعني اخواتي

الشاشاي والجابودي والدوبيت

يتميز التراث الشعبي السوداني وخاصة تراث اهلنا في البادية السودانية وذلك لقدرتهم في ارتجال الشعر بدون تكلف ، حتي الأُمي منهم يجيد نظم الشعر ولكن لا يسمونه شعراً ، بعضهم يسميه (نضم) اي نظم ، وقد صنفوا هذا النضم الي الشاشاي والجابودي والدوبيت سأدرج لكم امثلة لهذا الادب الذاخر للدوبيت ، الشاشاي والجابودي :

الدوبيت:

الليلة الغرام أحكامو فِيْ مشّاهِن
باح أسرارو مني وكلهن فشّاهِن
بِت البي زلف غنامي ما نشاهِن
سلمن من كلاب البي الشرع وشاهن

مالك يا نعيم كتّر عليا عتابك
أسعل ربك الصايبني ما يكون صابك
جاهلاً صغير رشرش عيونو اتشابك
ودّر فكري وأصبح في شعوري متابك
بعد الشدة فوق ضهر البحدر الطافة
صرفتو المضيفة كل يوم بى لفافــة
أكان النعمة بتدوم والعمر بترافا
كم شادك على عنافي ليهـو حفافـة

الشاشاي:

قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة

ساحت إيـدا في الخـد المبهرج
وعامت ديسها نام فوق المرجرج
صـورةً جهجهت قلبي المضـرج
وفـرع البانـة لعلع فينا كـربج

الجابودي:
قش البطانة الفاقع
برعنو أمات براقع
أنا ما بديك: دهبي اللقيتو واقع

قش البطانة الفرهد
فوق المزرقن يرعد
انا ما جافيت لكن دريبك أبعد

يا يمّة انا المزنّب
ماكلاني نار جهنّب
حليل تومي.. اللقا الخريف وقنّب

اللخدر عيش الحدب
يا القايم فوق اللدب
عاشة القشيش، لابد تبقالي سبب

الدوبيت

العشاق، وأهل البطانة

إستـأذن وقـف .. عزيزي نقّر بابي
زي ساعلــن قديم بتنابحن كلابـي
عند بهم الخزين أنا ما قريتـا جوابي
ربي العودة لي ناساً بعـزُّوا جنابـي

بعد سوق الردايف وللسدر حزامتي
دقيت المقد ثروة ونقل فوق هامتي
دابي مسكت في الدرب البفرع شامتي
عدم النقدي فرق المنو رابطة غيامتي

بقيت شايبا كبير يا إبني
وابى يتخلى ريد الحبهن سالبني
صابر فو أزاهن والصبر غالبين
حسرورن علي نار ام لهيب قالبني

مادام حبيبي.. وحبى يتناساني
ما فيش فايدة للبكى والنويح يا لساني
أنا في حوجة لي فقرا وطبيب نفساني
كونو غميدي قلا ونومي زي حسساني

شالة السريع رصابة
بالله العظيم يا سايق اتوصابا
صلح هودجا الفوقو الخلوق تتصابا
واحذر .. من شعاع الشمسِ لايكون صابا

الليلة البلد أصبح معاي متقفل
كل ما أقوم صعيد انا بلقى روحي مسفل
عيني سنقدن والنوم بقالــى تجِفِــل
الميزانو بعد الرحجة جابلو تِنِفِــل

البارح بعد ناس الفريق ما هجـــعوا
عقبان صادنى طاعونى المنوسر وجعوا
البــدو والبنـادر والعريب النجــعوا
ما ببقــولي متل القدمــوني ورجعوا

بِريريبة البساتين والعُلو المتسايف
ممطور برقو يلهب همبريب وعسايف
بطارية اليمني .. الضميرك هايف
دغسة وفرَ وشامك خلى نومي جسايف

أبكَن يا الـ بقيتن للغبينة مساكِن
عليكَن طال .. ظِبَيْ ناس بت فلانة فَرَاكِن
حسس الديمة قمْحان منّهِن شرَّاكِن
زي ما بْتَرْكُن النار في الحجر .. فِيْ راكِن

نسيمِك يا ام هَبَج شفخانة الـ متألّم
حُقَنِك سيف.. وسَلْفِك راس حصان متكلّم
أكان كتّم سماكي وليلِك أمسى مضلّم
ما بْشُق بيكي طالْب الجامِعة المِتْعلّم

البن البطقطق وحرّق القاليه
خلّ مزاجي راحل بي جميع ما ليه
مشتول القريرات النتر خوليه
خدّر.. وطرفي شايفو.. وروحي علقت فيه

حرقوصك نتل جاب من هواكي دعاش
خيّم فوقك الليلي ومكاييل هاش
اتهتم سماك اسقى الـّ اكانوا عطاش
عربك تالتة.. واقفين.. لا برش لا فراش

ركزنلك بروقك عكّلن قيزانك
انهلن بشايرك واستعد عربانك
اتدلقن سحابك نعّ فوق وديانك
بي فرحة وطرب دقو الرباب عربانك

أضحو مبسطين شاكرين كريماً حي
سندوا الواقعة حلبو وشربو من الني
اتملى التبوب مصعن حمير الري
قاموا يعافرو في الشقق الرباطن ني

أخدوا الهجسة لي الكيفة الشميشا ضحي
يات من كان حلف قال الكرامة علي
أم ريد لولَت القلاي ، جميلة الزي
أرياح الدمك غمرن ربوع الحي

مبسوطة البطانة وقاستا النقاعة
دار خبر الرحيل اتباشروبو جماعة
قاصداك أريل الفودة البضوي شعاعة
أحمت عيني تغمِد .. عقربا اللطاعة
ميّلوا بالدويحيّة العرب عارقين

ومتناقلين .. مسفّلة عُطْفَتُن .. مارقين
عَقّاد العليو نزلوبو متفرقين
وباشنديهو فوّح .. وكِتْرو جاب دُلْقين

الليلة السحاب فوق البطانة منيِّل
وولّع جمرة القلْب الـ قبيــل متحيِّل
طريت ست الصبا الـ ما جالسوها العَيِّل
جمالها يفوق على قدر العقل ما يخيِّل

نزلوا .. وعدّوا في "أب شقروت" تمانْة ايام
بقرهُن برعى قمبيلاً منيّل ودام
عنانيف النجوع جابن خبر قدام
وفي اطراف النهار سرّب عقيدهُن قام

مادّين و"الغبيّة" أوان مقيل هدّوها
عركسوا فوكّا ملّوا روايا واتعدّوها
داروا "القُرني" ها الشورة الكبار عقدوها
والعُطفة الموشحة بالحَبَر قادوها

البارح جلس فوق الفراش المـاهل
مهتم شايفو بي نزول اب قفايا باهل
كفّيت بصري قت لي قلبي خليك ماهل
يهوداك خلّ عقلك صبرو زي الجاهل

البارح سمع ساجع القماري النوّح
اتذكر زمن جهلي وشبابي الروّح
بقين دورا ستاتي العطارهن فوّح
لقن ايامي و ايامهن مطرهن شوّح

البارح كلام الناس بدور يفرقـنا
كلو طلع كضب عقبان حلينا ورقنا
الخضرة ام شلوخا ستة مالكة عشقنا
تتمايل تقول قصبة مدالق الحقنة

البارح رقادنا كسيدة فوقا بريش
رويكيبةً تجيب سقطاً معاه رشيش
الخلاني ما اشهّل جمال العيش
هنيهيداً بسوّنّو الدُغش بيشويش

ما بجمع بلاهن مال أدور وِفيـر
مرعاهن عسين قش الخلا القفير
ما سكنن كُمُر بلداً وخيم زفير
زوال جاموس عليهن كشكشة ونفير

الليلة الغرام أحكامو فِيْ مشّاهِن
باح أسرارو مني وكلهن فشّاهِن
بِت البي زلف غنامي ما نشاهِن
سلمن من كلاب البي الشرع وشاهن

مالك يا نعيم كتّر عليا عتابك
أسعل ربك الصايبني ما يكون صابك
جاهلاً صغير رشرش عيونو اتشابك
ودّر فكري وأصبح في شعوري متابك

بعد الشدة فوق ضهر البحدر الطافة
صرفتو المضيفة كل يوم بى لفافــة
أكان النعمة بتدوم والعمر بترافا
كم شادك على عنافي ليهـو حفافـة

كم شديــتا فـوق تيسـاً مسوكو الغلة
كم قـرّن لِـقــاح شهـدان علي عبدالله
فـرتيك البكان حارسني مـن فضـل الله
بعرفني البتيتلن بى فريق جـــودتالله

ليش يا ابو اللغا تأيد نعيم في عتابـو
قلبـك من حديـد والله انحسب جوستابو
حلف بالله العـزيـز وكتـــابـو
العارضني أفرش لـومو واتغتابو

قصيبات الحميسي الشاتن
وجن فيّ نيرانن بعد ما ماتن
جذبن صحتي،، ولي بي غلت ما لاتن
شالن نومي.. أخدنو الزوابع وفاتن

شتيلات الروى .. جوز البقر ساقيهن
ديمة منورات ما هجّد اورتيهن
آه يا قلبي مـن الدرمن حرتيهـــن
زرقن لي نشاشيـبـن طبيب ما ليهــن

وكتن كان قريب كل الخلوق ليك تطرا
والري فوقك المصبوب قهارة الخترة
عندك طبعة يومن تطرى إيدك تترى
زي صفق الأراك .. الشم ريحة النترة

ب المــن رشاشـن بالبطانــة اتهوّن
وفـن فـوق علـــو ومن الأنيس إتحوّن
وا أسفايا مـن الكـل يـوم بتلــوّن
شهـدان موسـي من فرو المنازل ضوّن
المـلـك المـمـلـك من جدود حبـابــو
سلطان مصر والسودان بتتنبابــــو
السبعـة الدول منفـتــنة في أسبابو
والعلم أب هلال منصوب على سن بابو

أصبـح يا نديم تاجراً مراكبــك غِـرقـن
عــوضك الإلـه زولن مجالسو يشـرقـن
كشمـت فاطرة البـرق أب سحابا زرقن
غير مكتـب فؤاد عندي الدفاتر حرقـن

خلينا البيوت وهجـرنا وادي الفطـــرة
قـاصـدين النزول في دار صبـــاح البكرة
من يــوم صرنـــا عـادمين الملاح والكسرة
عبيــنـا اللـواري الليــلة يــوم الخترة

حُرّاسنا استعــدوا الكابتـن أدى ســلام
المزيق ضرب .. خبت البروجي تمام
ما شُــف يا نديم نايح الطفلّن حــام
شيـشكـم يا بواشــات خففوا الأحكــام

الليلـة الدبـاسـة علي الدجيـج والــدي
تقـول فارسـة حريمـاً باتعـة في الحمبي
أجبد السير على أم شلاخ سمحة الــزي
سابل ديسها .. راسي حديثها .. مو تقـزي

نمي أنا لي ام خدود ساكت بقالي وجعـة
عشان كل يوم راميني بعد الهجعــة
اخير مني انا المن بدري عبّ النجعة
أحاكي الطايف الفوق فرعو ياخد سجعة

السدر البخيت لا زال هو في تحسين
دنده شال ثماراتو العنب والتيـن
جن يتباشرن حور الجنان والعين
كركونن رطن بالهسكي والقربين

وسـام الحفلـة عندك وفيهو أتـبخترتي
يا نجفة بنـي بشـرى التقودي الحرتي
تسجلي في القرارات والبقية أسـرتي
ما تخافي الله؟! في الناس المساكين جُرتي

قدمت من هنا بي أضانا سمعت كرّه
فوق كرتوت شخيتيرآ تخين خرّ
قلاّتو الوهاط بى لشغه قبلو محرّه
يا باسط النعم ما تلقى فيهو مضرّه

يا فارِط جُـمال الميس بعد تتعــارك
سُرْعَك صيحة الكرْسة ووهيط تَتوارَك
يا عفريت سليمان الـ ضرب صُفّارك
على سيدة بنات آدم مغــيت ترّارك

الهمباتة

قطع وادي العشر تيس العُلو أب سيقان
قبــض السكة واتقيقم رمــى الفدان
نيتـو يماسـي حورية جنان رضـوان
عندهـا لينـا عظمة وشندقوقة وشان

سكران النقيب حكمت معانا الفتقه
ابرك يا سمع رعد ام عتيم الاتقة
علي دور الفلير دموره عاتق عتقه
جبدك للزمام نتيل رباب مو نتقه

هجين الجرحو فتقنُّو البروق بي دعاشن
طفّر منعقـــل عارفني ليه مخاشن
علي ست الجمال الحادق المو داشن
لوبع والجوالس رحّلن بي فراشهن

الضير اللسان سوط العنج مو قالسو
فات نص المسافة وسرجو فكّ جوالسو
ناطحبي الغرامو فؤادي حسسه مسالسو
نفسو عفيفة مو مداين السعوب ومخالسو

ود الحوري شاف قلع النواصل جرّف
السوط منّو زي عادي المحيرة اتغرّف
يا ود العنانيف أب قفاياً سرّف
وااااا سهرك على الـ لفسلْنا ما بتحرّف

بت اللا زمان نطحت فيافي وصي
يجادعن بالبغو قش البطانة الني
دغسات العيون الما بيرد الحي
لي ليمك شحد ربي ورفعت ايدي

الشاشاي والجابودي

الشاشاي

خبّك مو وشيك الليلة مالك
تتقل فى اليمين وتجر شمالك
بنيتآ لى شيوما بشنّى حالك
رقاداً دونا قط لا تسيهو بالك

وسـط الدارة نزلـن من قصورن
عامـن شوقـن قلبـي البـدورن
هج وضج في ود عينـي نـورن
وطابت روحي من نفحـة عطورن

قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة

ساحت إيـدا في الخـد المبهرج
وعامت ديسها نام فوق المرجرج
صـورةً جهجهت قلبي المضـرج
وفـرع البانـة لعلع فينا كـربج

شالت إيـدا مـن صفحة جبينـا
ومالت ولعـت نـار الكميـنـة
ودارت شتـت شوق ليما فينـا
حليل الراحـة يا روحي الحزينة

حسدت التـوب على اللفة الهنية
وحاسد الروج على الرطب الجنية
وحاسد الحنة في قـدم البنـيـة
علي النِّعمة وعلي الدرجة السنية

شكيت الصيدة كان شالت منامي
وهبّت جمرة الشوق في عضامي
عفيت الصيدة تسلم من كلامـي
براي بربحت تعذيبي وهيـامـي

حلـف بالله أنـا إن كُـت حليلـك
زي المتلي مـا ِبلمـح كحـيلـك
أغطـيك بالرموش في العين أشيلك
واخبيك فـي القليب نومـك مقيلك

تود الدقدق ألمن قام نشيّط
عصاقيلا تخلى الكور يعيّط
تقولب ايديك تقول مكنة مخيّط
بلا ست ريدى ما اظنك تبيّت

تقول لى يا ولوف طوّل غيابك
تلاتة شهور تمام معروف حسابك
دحين وكتين حضر والمولى جابك
أقيف لا تلجلج النوريك حسابك

أقول ليها العتاب لي ليه تشنّى
زمانآ ماهو دا غيّك مكنّى
اتركى ها العتاب لى روحى دنّى
براك لي مين بنوح دايمآ واغنّى

تقول لى يا ولوف لى امّى ماشّه
بجيك بسراع وحاتك مانى غاشّه
على الفانوس بشوف دمّاعآ باشّه
أنا الفلاّح و هى أفندينا باشّا

قيزان قاش برور طارن صباحك
شبـّال الزمام كمـّـل مزاحـك
خريـر دومات قفاك أصبح وشاحك
أرح للعندهن مضمـون ربـاحك

خش القاش وبرد كربتـيـبـو
دخل حيشان أرابيبو وطبيـبو
بـرك في بيت أهل عزو وحبيبو
شرب زاواتي من ناقع زبيبـو

...................................................................

الجابودي

قش البطانة الفاقع
برعنو أمات براقع
أنا ما بديك: دهبي اللقيتو واقع

قش البطانة الفرهد
فوق المزرقن يرعد
انا ما جافيت لكن دريبك أبعد

يا يمّة انا المزنّب
ماكلاني نار جهنّب
حليل تومي.. اللقا الخريف وقنّب

اللخدر عيش الحدب
يا القايم فوق اللدب
عاشة القشيش، لابد تبقالي سبب

الأخدر عيش الشاتي
صيفو وخريفو مشاتي
أرمولو القيد مفتاحو في حجباتي

يا اللخدر عيش الزرع
انا منك ما بنقرِع
يا اولاد ابوي السوسة بتاكل الفرع

يا يابا ود حيسونة
يا راجل العيلفونة
عرب أم ضمير ما يرحلو يخلونا

يا فتيل الريحة
الريدة ليك صحيحة
ات كان جفيت كلمني بالنصيحة

نحن الاتنين برانا
نتونس في خلانا
فوقك تقيل يا مطرق الخيدرانة

جِدّياً دابو قرّم
يرعىَ العسين والبرّم
شعرو وسواد شبيه الليل الضلم

قـوقـن يا قمــاري
لى أهلنا الفي الضهاري
رشرش تومي .. بقيــِّد البشاري

جابـو التِـلـوب شـدوهـن
بـي تويلـي الريف عموهن
بجز قرني .. يا خالي أما جبتوهن

البكرة الحومرية
من الغداد بريــة
لا ضاقت قيد .. لا إنشدت بى حوية

يا صنـــدل العرايــس
الأخــدر المتقايــس
الناس عرب .. ما بتفهم الحدايـث

يا صندل الشقيـقــة
تهمونـي بيـك رفيقـــة
الناس عرب .. ما بتعرف الحقيقة

........................................................

الهمباتة – بقية

عقاد شاية يا الهضليم زوالن باين
من زمن البلام انت الشروف دنّاين
اللحمتنا لي شيبنا وشرفنا نعاين
انفها سيف, تسلب الضيف, خدوده رتاين

اتوجهنا من بلد الكول والكمبو
لولح راسو طربان والسفر يقنبو
خرخر عرقوا فوق دوماتو.. اتبلنبو
عكّ الفجّة واصبح نارو تاكل الجنبو

الليلة السجن جابلو انكتاما وحرة
نحن جرارقو.. حدث للجنين البرّة
سحار الغروب راجيني كتم الجرة
بلحق بيك مراح حسب الله وين ما فرّ

يا ستار علي ركب الجنين القفُّو
يلقو الغدرة في إبل البدان يتشفُّو
يعزلو ام دانقس الريشة الهبوب بتلفوّ
يصبح سيدا يخمش في التراب.. ويسفُّوا

الولد البجيب خمش النقود مو هيِّن
سايم دمو .. في وكت الحديث مطِّن
الولد البقوم من ام حمد متديِّن
غصبا عنو يا الساحر نسوقن بيِّيين

همباي مرتع القود واللرايل النفّر
طلعا وفاتا هضليم النعايم الطفّر
ناطح المنو سهران والضماير جفّر
فايز بي زكا وتيبان حشمتو الوفّر

أصبحْ(ت) مِنْكلي وأمسيت منامي محجّر
بدور الشَّدة فوقو الـ بالزمام بتكجّر
عرباً شاشوا للنشغة وعقيدتن فجّر
يرزم قلبي بدروبهُن عقيرو مهجّر

من الهكعة يتردم سحابا يسوق
يقلب نيلو يتعفرت رعـود وبـروق
صبح سيلو دافق فى الانيس وشقوق
قرن تبابـو لا ميع السرابى الفـوق

بعيدة بلودك آ المتل المزرقن فمك
وأحلى من الروائح ومن عبيرن شمك
قت لي قلبي ها المجروح بمتّر دمّك
وابشر بي نظِرْةَ الشوفتو تفرج همّك

فارط القود عقيد البي البطانة بشقّن
شاف شباك سراية ام ريد رتاينو يبقّن
الوالاه بي تعبـــا مواقــل ورقّن
لهجا مو مسيــخ .. نغما حلاتو.. ودقّن!

ها دي الخاسَة جاتك يا مَأصَّل جارّة
واغل الـ فقدو قرّشْني الحَناضْل المارّة
مِدَادات الدوايات من مَحاجْمَك خارّة
لـ شوف ملكة الدنيا أم عساكْراً فارّة

أيديك خِفّهن قبل الشمش ما تطيح
محاجْمك خَسَّرَن عاج الرسن بالقيح
يقِّن وسوّي "فورفورت" النصارى صحيح
واتواقد متل نار الغَباش في الريح

يا تيس شِب علي رزمي المزرقن راعدو
خشبك دقة من زورك جناحــك باعدو
سيدك كان يتم املو وظروفو تساعدو
عازم بكره حوّال ام شديده يواعدو

ود العانس التحويرو سمّــح صورتــو
شدّيتو ونشـق طوفو وحــدر مخلـوفتو
قصدي الليله دهب البرته اشوف منسـوفتو
قبّال فوقنا صقـــط المصري تقرن فوفتو

مالّا تْكِبِّس الساحة وبسيلو ملامة
أخير الخَتْرة يا "البيرق" .. َدرَكّا سلامة
سوق أم قُجّة مو هَرَفي وكضب خَشَّامة
أنا يا الوَزْنة .. يوم ضرب السُّلاح في الهامة

ود اللحمر الماريق علُوقو وأكلو
والدرب البِهابنو الجُمال شرّكلو
بِذر الدكة ما بتلملموا ويضحكلو
علي المتبورة ما بِرتالو ينعل شكلو

ناس قدر الله قاعدين في البيوت ما بخترو
من كُبّي.. وكشف حال الحريم.. ما بفترو
أنا البختر براي أسد الرضيمة بنترو
صاحبي إن ضل ما بفشاهو ديمة بسترو

ناس قدر الله في الحلة مكبرين عمّامُن
قطعو الطلة والزول اب عوارض لامن
اندرجوا الصناديد، والضرير قدامُن
نوّوا العودة .. لي الماسكات عداد ايامُن

ماني التمبل القاعد بقول سوّيت
وما قبضوني عن ساعة السؤال قريت
ان بردن نقود ماني البخيل صرّت
وإن حرّن بكار.. ماهن صفايح زيت

الليلة القعود سوى السفر في نيتو
طرى ناس النقينق وزودن جنيتو
الزول البتيتل بي فريق مكنيتو
هو اليعمل جنايا .. انا مستعد لي ديتو

تيس القنة دعدغ بالكرب وإتشابى
قطع الباح مغبي بي وهسالو ربابة
تبقى عليهو جافل من قميري الغابة
أهجم بي البقطع في البطون ساكلابا

اربطو الجانا ضامر لا كبد و لا كرشه
سحّار الغروب جيب لي العلوق بى ورشه
نفّضن المراتب و طرّحن بالفرشه
داير يبرى جرحآ فى القلب مو خرشه

لا قاني القُطابي، وقال حَلَفت قَسَمتَ
طرْ في الجو على سَابع القبايل حُمتَ
رَحلوا الـ بشبعُونِي وبي قفاهُم صُمتَ
فاتُو وماتُو هَجُواتي الكِتالِهُن غَمتَه

موشح دوبيبتى جمييل جدا

غناء: صباح فخري

من بحر الدوبيت (فعلن فعلن مستفعلاتن فعلن)

يا غصـن نقا مكللا بالذهب أفديك من الردى بأمي وأبي

إن كنتُ أسأت في هواكم أدبي العصمة لا تكـون إلا لنبي

يا مالك مهجتـي تـرفّـق باللهْ لا بدّ لكل عاشـق مـن زلةْ

روحي تلفت ومهجتي في علة لا حـول ولا قـوة إلا باللهْ

الغصن إذا رآك مقبل سجدا والعين إذا رأتك تخشى الرمدا

يا من بوصاله يداوي الكبدا مـا تفعله اليـوم تلقـاه غدا

لو صادف نوح دمع عيني غرقا أو شاهد لوعتي الخليل احترقا

أو حمـلت الجبـال ما أحمله صارت دكّاً وخرّ موسى صعقا

يا من سألك عن الهوى كن عادل احذر تبلى وخل عقلك عاقل

واسـمع مثلا من منتبه لا غافل الحب أذى والعشق سم قاتل

تالله لقد سمعت في الأسحار عـن جارية تـدق بالأوتار

تالله لقد سمعت من منطقها من عذّب عاشقا جُزي بالنار

قصة تراثية رائعه في حلقات متسلسله { ود دكين وريا وطه البطاني }
..........-------------------------------------------------------------------------

تروي الروايات ان هذه الواقعة وقعت حوالي عام 1818 ميلادية
وكانت الواقعة الشهيرة بقتل احد
:: فرسان البطاحين حمد ود دكين زعيم الشكرية ::
واحتمي البطاحين بابناء عمومتهم الجعلين وعلي راسهم المك نمر
وكادت الحرب تقع بينهم ولكنها انتهت الي الصلح.

وصور الشاعر الكبير ابراهيم العبادي هذه الواقعه مع اضافات ادبيه جمه
ومحشنات افضت بها الي مسرحية شعريه بقت اثر عظيم لتلك الواقعة
التي تناسي التاريخ سببها الاصلي وبقيت ابيات الشعر والحان القوافي ......

الحلقه الاولى

قال طه :
أخوك يا ريا وكت الخيول بدبكن
أخوك يا ريا وكت الرماح يتشبكن
اخوك جبل الثبات وكت القواسي بحبكن
كم بكيت وكم قشيت دموع الببكن
قالت ريا
وراك اسود علي ما نمت اسع طيب
قال طه
بسم الله قولي اخوك طيب
نصيح وشديد حاضر قلبي ماهو مغيب
إلا الشفتو في النوم من هوايله يشيب
الزول في الصحي مخدوم عليه شقاهو
وإن غمض شويه تجي الهموم لاحقاهو
الصف ابلبوس انا ما بخافو لقاهو
ياليت الحلم في صحيا كان بلقاهو ...
كان خيرولا شر بلقاهو ما بهم بالى
وحارسنى السبات من الكبار قبالى
وكت هسع صحيت وشفتك سالمه قاعده قبالى
ان اتلخبت الكون مانى مبالى

قالت ريا
كعب نوم النهار أمس العصير كنت نايمه
رأيت قدام الفريقنا أشوف صقوراً حايمه
كبيرن غار علي من نومي تبيت قايمه
صحيت مهجومه لا مفصل ولا في القايمه

قليها طه :
وانتي كمان رأيتي صقور عباره غريبه
علامتا كافية ظنيت الحكايه قريبه
هاك مني الصحيح الما بتدخلو الريبه
هادي الحله بي عيني أشوف تخريبه

قالت ريا
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها

وقعدت ريا تبكي
رد عليها طه وقال
ما بفيد البكاء وكلامي احسن تنسي
قالت ليه ريا
كيف ما ابكي وكيف افوت مراتع انسي
افقد كل شي عزي ورجالي وانسي
تطلق فوقي نار عقبان تقول لي انسي ..

يتبع...

الحلقه الثانيه:-

كنا في سيرة لقاء طه وريا وهم بيحكوا بعض قصة الحلم

قال طه :
فال الخير أخير ما شفنا شيناً جدت
كلا لشفنا أحلام في طريقه إتعدت
قبل الليلة إيد لحمان قطْ ما اتمدت
ما بنهد شرفنا لو السماء إنهدت

قالت ريا :
خير إنشاء الله خير والخير مساك وصباحك
والفال السمح فالك يضوي مراحك
بالضيفان أشوف عامر تملي مراحك
شينك ما أشوف وأشوف هناك و أفراحك

قال طه :
خير الزول يقول مهما الامر يتهول
قالوا الناس علي فالو الحلم يتأول
غاية الحي فناه إن كان قرب إن طول
يترك ذكرو والناس الوري بتتقول

قالت ريا :
وريني الحلم التورك مزهول

قال طه :
أصبري لي أروق حبل الفكرمبهول
احكيلك شنو الشفتو والله مهول
شفت الوحده شفت النار وشفت الهول
أحكيلك تمام الشفتو ما بتغابه
جايين العصير أنا وإنتي من الغابه
سايقه ليك بهم قدامي بي رقابه
بينا والفريق إتولعت تقابه
قدر ما نشوف بعيد قدامنا نلقي حريق
وقت النار علت ما شفنا تاني فريق
باصرنا المروق ما لقينا لينا طريق
تشكي من عطش واخوك يابس ريق
فترتي قعدتي ,انا محتار جلست وراكى
حاقبه الدرقة ختيت سيفي فوق أوراكى
وكت بعد البهم لى قسعو قمتى براكى
غسعتي وجيتي ومعاك كور صقور تبراكى
تبت بي عجل شافنى جفلن و طارن
غابن من عيوني وفي اللعوت اتضارن
ما غابن كتير جن يقدلن يتبارن
قدامن كبيرن عينني وغارن
سل السيف ولاقاهن أخوك يالضامره
تور عنز أم هشيم الفي المجامع دامره
سيل تلوى اندفق فوقو السحائب هامره
حجر الصاقعه فرتاك الصفوف العامره
بادرني الكبير ديك إستعدن وقفن
ما مهلتو طار راسو وجناحي يرفن
طارن ديك وقت بي ريشو رقد اتكفن

قالت له ريا :
عارض ومات خلاص لي الليلة يمكن عفن ..
نحمد ربنا الليلة مات عارِضنا
وان كان عمروا طال يا ريا كان قارضنا
يلحقوا بي عجل ديش همنا المارضنا
نبدا زواجنا بكرة منو البيجي يعارضنا
بطال البعيش في الدنيا اصلوا غناه
ان كان مالو راح غير اهله مين يدناه
سمح الفوق اساس ابواتو تمه بناه
والزول دون قبيله غناه شن معناه
ما بنفرح بي مال ونقول كفانا ورثنا
نفخر بالرجال في الحارة يبقوا ترسنا
نجمع ناسنا هيلنا من الكبار حارسنا
يحضروا اهلنا فرحانين يباركوا عرسنا
كل بطحاني يفرح بي عرسنا مناه
ساعة جمعتن بيتنا يتم بناه
عذاب عيش العزب يا ريا مر ضقناه
سمح الزول صبي يلد ويربي جناه

يتبع...

الحلقه الثالثه:-

طبعاً ريا ما قبلت الكلام ده لانو ابوها عبد الله المعروف بابو كبس ما تم سنه من وفاته والناس في حالة حداد فقالت

دا الاعوج تراه ووالشين نهايه حدو
إن شاع ده الخبر يملا الفريق لي حدوا
يقولوا ابكبس من دخل ود احدو
فرحوا وعرسو لا موجعن لا حدو
إن كان في الفريق ماتت مريه ذليله
لي الحول يرفعوا العرس الدخلتوا الليله
خليه ابكبس راجل الرجال ودليله
إن كان بي قبيلة تعدوا تبقي قليلة
خليه الكلام وعرسنا في ده الحال
من بالك أمرقو محال والف محال
علي ميتت ابوي لي الليله حول ما حال
نصبح بكره ونسه ونشوف بشاتن حال

رد عليها طه وقال ليها
الموت ما شمت غاية البخود والببروا
والموت والحزن ما جابو زول من قبرو
الزول في الشدايد أولي يلزم صبروا
يترجي الكريم مولاه كسره يجبروا
بنخاتر منو الوجعه هيلنا برانا
نحن أهل المصاب والناس عزا مجابرانا
في أخر المراح دايماً تجي الفترانا
هادة الحد ندوس والناس عقب تبرانا ...

يتبع..

]color=#cc0000]الحلقه الرابعه

بعدين ريا شافت تحسم موضوع العرس ده مع طه وانه لازم يتم السنة كالعادة المتعارف عليها في الحداد
فقالت[/color]

الناس بالمكارم والفعال بتباهو
زي الفطرة ينشا الزول حسب مرباهو
عادة جدو عادتو ونحل ابوه نباهو
يلبس ثوب قبيلته ان داره ولا اباهو
من الليلة حول مضيهوه تاني اتكلم
الدايروا بيتم رب العباد ان سلم

رد عليها طه
تاني امضي حول وانا بالحسار اتالم
علي حكمك صعب انا قابلو ما بظلم
نستني السنة قاسية وصعيبه علينا

ردت عليه ريا
تم الاتفاق من الكلام خلينا
زي عادة البلد لا زدنا لا قلينا
إن شاء الله السنة بي خيرة عايده علينا
يا طه البهم قرب رجوع سراحو
بنات واولاد ديك ناس فريقنا الراحو
نصيحة سمعتها من الكبار الراحو
قالو العربي ما بنعز كان ما مراحو

وتقوم ريا فايته علي الفريق وطه يعاين فيها وهي ماشه ويقول
ياليت السعادة ان كان بقت بيديه
كنت اعيش غني في الدنيا بالزنديه
علي حكموا ناسي الفى اخذوا الديه
اموت بالعطش والمويه بين ايديا
آه يا ريا قاسيه وزايده فى التفنين
اه يا رب ارحم صبري امس ضنين
يمحق ديه السنه ربي الحليم وحنين
يخصمه من حياتي رضيت بعشرة سنين
كيف أتهن واعيش وانا صبرى ولاّ مودع
وسبب الرخرخ المن قام صغير متفدّع
جنيت وجنى جنّ وحالى اصلُ مبدّع
اهج فى الجيش اهج فاضلى تانى أجدع

يتبع ....

الحلقه الخامسه :-

وهنا ريا داخله علي الفريق لاقوها خمسة عرب راكبين زواملم " وده بداية الحلم الشافتوا
ريا وشافوا طه "

العرب قربوا من ريا قام واحد من العربان المع ود دكين شيخ العرب نادي ريا وقال

بالضيفان تمري لا سلام لا كلام
صدقوا اهل المثل توب العرب صح لام

ردت عليه ريا
حبابكم عشرة ومن دون كشرة والف سلام
يا وجوه العرب المتلي ما بتلام
انا بت الرجال اهل الدرق والسيف
بت الما بهموا بي حساب الخريف والصيف
بت البحجو لى المرقوب بكرموا الضيف
انا ريا كان شفتكم افوتكم كيف

قام العربي قال ليها
من وين في الاهل كفاك فخر يا بنية

ردت عليه ريا
انا بت البيوت المن بعيد معنيه
بى فوق السما نفوسنا وبيوتنا حنيه
انا بت ابكبس في النسبه بطحانيه

قام رد عليها ود دكين طبعاً عرفها انها هي زولتوا العاوز يعرسه زاته فقال
عبد الله ابكبس عز البطانه وفخري
في راس العرب بنعد ماهو الوخري
كريم وهميم كان للقبائل دخري
بت شيخ العرب هيلك صحيح تفتخري
توقد ناره ديمه الما بكوس الجمره
وفي الضيفان يهوش سكينو دايماً حمره
بي كاس ما عبر لبنو بيجيك بالعمره
هيلو الشكرة هيلو الرئاسه هيلو الامره
المرحوم ابوك كان للقبيله غطاها
عزك قديم عمك حسين ابو طه
ان شاء الله اخوك ديه السكه ما تخطاها

بقصد بيها ود عمها طه يعني هل هو في مكانه ابواتوا(دايره تديه كلمه ناقصه فى ودعمها)
فردت عليه ريا قايله
كما يسد مكانن قدموا ليش يوطاها
( يعني ماشي في الواطه ليشنو غير اكرام الضيف واغاثة الملهوف )
لا يفوت ولا يموت الساحتو يوم مغشيه
تقابة الفريق يوقد صباح وعشيه
زايد في الرجال طالق قفاي ووشيه
ضيوف الليل يكفيهم مرارة وشيه

رد عليها و دكين
ما دخل التراب البركه في الذريه
والخلاك وراه ما بقولوا مات يا ريه
دايما في القبائل سيرة ابوك مطريه
بيكي وبي اخوك تزيد ودى المحريه

يتبع...

الحلقه السادسه :-

قام واحد من العرب داير يعرفا انه ده شيخ العرب ود دكين فقال :

ما بتسألي لامن وين ولا وين ترسو

قالتلوا ريا
كيف العربي يسأل ضيفو كيفن تنسوا
أول بكرموا ويخابروا ساعة أنسو
من مقلب حديث يعرف أبوه وجنسوا

فرد عليه العربي
عملتي حسابو ضيفك وكرموا وجبتيه
يخجل كان سألتي وإسمو ما عرفتيهو
إسم شيخ العرب سامعابو ما شفتيه
(داير يوريها بان حمد ودكين دا راجل غنى وراجل كذا وكذا..عشان تقبل بيه)
ده خريف البطانه الفيها مالوا مشارك
هيلوا السارحه هيلوا الصاهله هيلوا البارك
ما وقع لك كلامي ساكته لي شنو خبارك
فخرك ود دكين جاك في فريقك زارك

ردت عليه ريا
مرحب حبابو العزو ماهو لفايه
اب ناراً تولع للضيوف دفايه
بي شيخ العرب الإفتخار ما كفايه
تابعو إنت جانا نفخربو ونخدموا حفايه

رد عليها ود دكين
بارك ربي فيك عقلك يدوم يا ريا
كرمك ماهو كلفه ديه طبعتك فطريه
إياك بت التلوب والسمته فيك محريه
قديم فوت البطاحين عزه للشكريه

يتبع...

» وقفات مع عباقرة اهل النم والدوبيت
» من عجائب الشعر ؟
» روعه الشعر العربي