الشعر الشعبي والدوبيت والمسادير

-2 -

الليلة السحاب فوق البطانة منيِل
وولع جمرة القلب القبيل متحيل
طريت ست الصبا ال ما جالسوها العيٍل
جمالها يفوق على قدر العقل مايخٍيل
*****
حرقوصك نتل جاب من هواك دعاش
خيم فوقك الليلى ومكاييل هــاش
اتعتم سماك أسقى الـ أكانوا عطاش
عربك تالتة ..واقفين..لابرش لافراش
*****
ركزن لك بروقك عكلن قيزانك
انهلن بشايرك واستعد عربانك
اتدلقن سحابك نع فوق وديانك
بى فرحة وطرب دقو الرباب عربانك
*****
أضحو مبسطين شاكرين كريما حى
سندوا الواقعة حلبوا وشربوا من النى
اتملى التبوب مصعن حمير الرى
قاموا يعافرو فى الشقق الرباطن نى
*****
أخدوا الهجسة لى الكيفة الشميشا ضحي
يات من كان حلف قال الكرامة علي
أم ريد لولـت القــلاى ,جميلة الزى
أرياح الـــدمك غمرن ربوع الحى

يوسف الشوبلي { فصيح البطانة } في رده علي / ود موسي

رسالة بليغة من أهل العوض مخصوصة
للإبن الظريف ود المدن ود موسي
بدور رد السؤال لو باللغةالمهموسة
فينا نقيصة ولا الصورة جات معكوسة ؟

جبتا الفتنة تعلن حرب بىجاسوسة
والسبب الفنيلةالقلت في الوسخ مدسوسة
نحن نفوسنا في بحور العفاف مغموسة
مية غمسة لاعار لا دنس لا سوسة

نحنا أهل العوض والعزة مابنكوسا
أصحاب سمته وأصحاب فرسةً موروثة
نحنا أنعامنا بتعاف ترتع المعفوسة
ونحن جدودنا عادي بطيعوا الجاموسة

إيانا أهل العوض أهل النحاس أب رنّة
أهل البَدر ة والمهيوب وأهل الشنّة
أهل عزة وأهل سمتة وعروض ومحنة
ناس البادية ناساً عشرتن تتمنى


نحن أهل العوض حافظين عهود ماخناّ
وللجار و العشير بالشينه ما تعجلنا
بيوتنا مسيد ضيوف زمن العدم مابخلنا
وما بصح الوليد في أعرافنا يجاهلنا

ونحنا أهل العوض والله لاتقينا ولا تبدلنا
واثبين كالأسود من واجبة ما اتماهنا
في البر في البحرتلقانا وين ما كنّا
في قمم الرجال كذب البمِس لى حصونّا


ونحناأهل العوض في الحالي و الفات كنا
قج شرك الكلا م في مشينا ما بعطلنا
بس بوعيك أكان دقس في أصولنا ومتجاهلنا
نحسب في الجدود ستين ومن غيرإنََّ


ونحنا ربّونا الشياب فوق ماما ماتعجنا
حافظين لسان حافظين كرامة أهلنا
أشبال من أسود في ضبعة ما تهجنا
سايرين سير كرام لامن نلاقي اجلنا

ونحنا ذاتنا يا ود موسي ما بواخذونا بي بنولـِّد
و الـما عندورأي حقو يتبع ويقلد
لو ما مخـّك المخمود وحسك المتبلد
جامعة موسكو ما جابت دكاترة تولد ! ؟

ما راعيت شعور الناس شعورك فاترة
بتسيء للعزار أهل ا لسيوف الباترة
أَمَانةً تَدخنك شطة ودموعك قاطرة
ما سمعت بالولادة أتخصصولادكاترة !؟

نحن والله عرب وأولاد عرب لينا الشرف والعز
بنسرح بالرزق نحلب نصـُر ونجز
ويوم الحارة والعركة السلاح برز
ثابتين كالجبال الشامخة مابنفز

المخسوفة والمرقوعة ياها لباسنا
المجلوبة والمقنية من ميراثنا
الجار والعشير من الكتف لى راسنا
في المال والعروض تخشى الملوك منباسنا

ليه يا ود موسى بتذم الرجال بالعايلة
ما بعشّوا الضيوف تحت السحابةالشايلة ؟
ما سمعت في أم همج كاكوم عقيد الزايلة ؟
ما سمعت بالنمر حرقالخديوي القايلة ؟



لكن لسانك فك يا إبني أصلو مابتستامن
تشحن في النفوس من الغبينة مُداماً
بس سمة المن مثالك في البحر بترامن
العربي إن رقص ألبل قرونن قامن

دحين ياخي رغم الغطرسة بالتمثيل وحبة كاشك
تلقى أصفارنا أكبرمن مساحة داشك
شبعانين طحين من الفطير ودراشك
أخير تبعد بخاف من شوكنا يخرب شاشك

ومهما زعمت من عزة ونفخ فشفاشك
أعلم طينّا أنصح من تراب خشخاشك
شوف ليك ناس رخاس تاخد عليهم فاشك
أول غلطة كان تنيتا بنعل خاشك


دحين ياخي اولاد عرب والغير عرب كلهم أخوانك
إحذر واكترث شكل قوافي لسانك
والرمي فوق الجماعة بالتعابير خانك
في نص البحر بتدور تقج صيوانك ! ؟

نحنا نضافنا يا ود موسي مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشرة ولكن للخصيم طاعون


نحنا سماحنا يا ود موسي مو كريمات ولمعة لون
نحنا ولدنا عاشميق عكس للعرجون
نحنا ناس لينا أعراض بيحكما القانون
سماحة الزول يفرّج كربةالممحون


نحنا دفعنا يا ودموسي ما جركان
ونحنا ما بندفع الجبنة وحليب الكان
ونحنا دفعنا فى النوق أمات سناماً بان
نحنا ضربنا للعوق انفجاربركان



وكان كلمنا يا ود موسي بنقول الكلام حقاني
وكان غنينا بنخت الشعر فى معاني
عزيزين فى النسب من ذلة مابنعاني
نحسب فى الجدود ستين ومن غيرعاني


دحين يا غبار الكبرياء المن المعالم حاجب
أحذر منّوا لا ينسيك حقوق الواجب
ومن أمثال تراثنا الفي العرف والواجب
مهما العين تطول مابتعلى فوق الحاجب

وعشان ما نغلط معاك ونشيل النقط من شينك
أوعى تعضعض الناس البوضحوا شينك
هسع وقعت في الحلة ووجب تكشينك
شن ودّاك لشعراء البطانة تشينك

دحين ياخي الطامع في كثيرة الغير قليلتو تضيع
وسيد بيت القزاز ماببدأ بالجديع
بولاد الحديد القاسي في القطيع
العربي إن حرن وسط المحاص مابطيع


نحن والله لا بنخاف لا بنعاف ولا بنتهدد
لا بنكل ولا بنمل ولابنتردد
كمان للزول البخون عُشرتنا ما بنتودد
نبقالو البلا في كل فِجَة مَمَدَّد

b]حقوق الرفقة:[/b]

يتكون مجتمع الهمباتة من فئتين: الهمباتة الذين يقومون بنهب الابل
و«العملا» الذين يقومون ببيع الابل المنهوبة.. ومن أشهر الهمباتة
«الذين تتردد اسماؤهم الطيب عبدالقادر سليمان المعروف باسم
«ودضحوية» من قبيلة الجعليين، ورفيقه طه محمد ابو زيد
البطحاني المعروف باسم «طه الضرير» ومن نفس القبيلتين
الصديق ود عثمان ود التركاوي «اب ترمة» وعلي احمد علي،
و«كيقة» ودعمران والخضر ودفكاك، وعثمان ود علي «ترتر»
ومدني محمد عويضة والعطا ود حليلات ومن الكواهلة وقبائل
كردفان محمود ود آدم، عبدالله ود المقدم، شرف ود المجرب،
محمد ود عايس، ابو حبيب ابو زيد، حامد امبده، عبدالله حريكه،
عوض الكريم محمد ابراهيم، موسى ودكوكو، وغيرهم كثيرون.

العملا

كانت قبيلتا العليقات والعبابدة اشهر تجار الابل حيث كانوا يبيعونها
في مصر.. وتتألف فئة العملا غالبا من اشخاص كانوا همباته، ثم
تركوها لاي سبب من الاسباب، وهم الى جانب بيع الابل المنهوبة
يقومون بمساعدة الهمباتة بتقديم القروض لهم اذا ما اصبح احدهم
خالي الوفاض، ويقومون بتجهيزهم «تشهيلهم» وكانت بوادي
السودان تزخر بهم مثلما تعج بالهمباتة، وهم معروفون بالاسم
في كل قبيلة وكل منطقة، وقد كان من اشهرهم في شرق
السودان عواد، ادريس ود علي، علي جبريل، محمد هدل،
ومن قبيلة الكواهلة «محمود ود ادم، احمد ود المليح
ومن الجعليين في الشمال: احمد ود عوض السيد، احمد عوض
الكريم «ودضيقة» حاج علي ود طه، دوشان، وابو جارندة في
منطقة جبل دود غربي سنار، وفي غرب السودان جريجير من
عرب القريات وقنفود وعيد من الكبابيش.

ولم يكن عمل العملا قاصرا على الرجال بل ان «ستات المجالس»
ممن احترفن صنع الخمر وتهيئة مجالس اللهو من الجواري اللائي
نلن حريتهن بعد الغاء الرق في السودان، كن يقمن ببيع الابل
المنهوبة كما يقمن باقراض الهمباتي المال الذي يحتاجه..
يقول ود ضحوية:-

الدرب البجيب كمش النقود موهين
وما بمشيهو ديك بيتو اب جليدا لين
الولد البيقوم من أم حمد متدين
غصبا عنويا الساحر يسوقن بين

يخاطب جمله الساحر قائلا ان الطريق الذي يجيء بالنقود الكثيرة
«يجيب كمش النقود» ليس هينا ولا سهلا، ولا يمشي فيه من
يلازم بيته مثل الديك صاحب الجلد اللين الناعم.. ولكن الصنديد
الذي يقوم بعد ان يستدين من الغانية «ام حمد» فلا بد له ايها
الساحر من ان يسوق الابل واقتدارا عيانا بيانا.. ويقول اخر مخاطبا
ناقته: -
الليلة ام هلال امست سراتك تارة
واسايدك سواويق لي الردوف والداره
ان بردن نكافيبن سوالف السارة
وان حرن صناديدا نقابل الحاره

فهو يقول لناقته «ام هلال» ان سنامك «سراتك» قد رجعت للوراء
«ترت» من طول الركوب، وان أسيادك يعرفون قود «سواويق»
الابل ممتلئة الارداف، وتلك الحبلى «الداره» فاذا ما خلصن
«بردن» نكافئ بهن افضال وديون «سوالف» الغانية المسماة
«السارة» اما اذا تطلب الامر القتال فاننا صناديد في المعارك
الحارة.

السالف

والسالف هو ابرز صور التعاون بين الهمباتة، وهو يتمثل في واجب
الهمباتي نحو زميله اذا كان في موقف يحتاج فيه الى المساعدة،
فهو واجب وليس دينا يرد، فما ان يحتاج الهمباتي الى المساعدة
فانه يلجأ الى الهمباتة في المنطقة لمساعدته حتى دون سابق
علاقة او معرفة، ومن يتقاعس عن اداء هذا الواجب يعتبر خارجا
على «السوالف» وتسوء سمعته، ويحجم الجميع عن التعامل
معه او تقديم العون له في وقت الحاجة.

عاش العرب في السودان منذ ما قبل تصدع الاخدود الافريقي
الاسيوي العظيم عندما كانت اسيا وافريقيا قارة واحدة، ينداحون
في الارض، فلا تحدهم الا الجبال بين الفرس والترك والبحر الابيض
المتوسط غربا وعندما استشرى الجفاف والتصحر في شبه
الجزيرة العربية.

ثم راحوا يهاجرون الى وديان الانهار في العراق
والشام ومصر والسودان، وظلت الهجرات العربية تتواصل الى
السودان، وكانت اخرها هجرة حمير قبل الاسلام بخمسة قرون.

الامر الذي يؤكد ان الوجود العربي في السودان لم يكن امرا طارئا،
وواضح ان العرب لم يعيشوا في المنطقة الاستوائية من السودان
بل استوطنوا شرقه ووسطه وشماله وغربه.

وعندما وفد العرب الى السودان بعد الاسلام عاشوا فيه كما كانوا يعيشون
في جزيرتهم، وظلت حياة الترحال وراء الماء والكلأ هي ديدنهم وحمدا لله
ان الباحث قد استرشد باشعارهم، وهي «عربية فصيحة» فلينظر الاقحاح من
العربان في نسبتها الى جذورها في احرف لسانهم السبعة.

وقد توارث العرب في السودان الالتزام بقيم القبيلة وتقاليدها واعرافها
ومعاييرها الجماعية، وكما قلنا فان تفشي الجهل اواخر السلطنة
الزرقاء وسياسة التجهيل التي طبقها الغزاة الاتراك والانجليز، وضعف
الواعز الديني الناجم عن الجهل بالدين «الهمبتة» مكان الاعتزاز
والفخر، ودليل على الشجاعة والبسالة والاقدام والنبل والكرم
الفياض.

وهي تكسب صاحبها تقدير واحترام القبيلة والمجتمع،
حتى ان بعض القبائل لم تكن لتعترف للشباب ببلوغ قدر الرجال اذا
لم يمارس الهمبتة، وكانت القبائل تتفاخر بهم، وتحتفل بهم حين
يعودون بعد رحلة موفقة، ذلك انهم يشركون في كسبهم كل
محتاج في القبيلة من الأيتام والأرامل والمسنين والفقراء،
كما ان الهمبتة كانت تكسب الرجل اعجاب الغواني..

فالرجل الصنديد «الولد» الذي يخاف ان تكومه القبيلة وتعيره بالخوف،
عليه ان يمتطي «يخلف ساقيه» جملا فحلا« تيسا» رقيق الفم
«قدومو» فاما ان يأتي بمال يرضي الظبية «البهم» ذات الرضاب
الذي يقطر عسلا« لهيجو مسكر»

او ان تثكله نساؤه يحثو الرماد على رؤوسهن
«وهي عادة كانت سائدة في السودان عند موت»
عزيز حيث تملأ الاقداح بالرماد، وتحثوه الباكيات على رؤوسهن.

ان الباسل الذي يريد «بدور» ان يحظى بشكر القبيلة عليه ان يركب
ويتوغل «يتوكر» في بلد العدو، فاما ان اتى «جاب» بما يرضي
الظبية ذات الرضاب المطعم بالسكر، او قضى وتبخترت الصقور
الصلعاء فوق جثته وصوتت «اب صلعة تيتل وكركر»!!

وواضح ان المرأة زوجة وبنتا واختا وأما وخليلة في حالة حضور دائم في
وجدان «الهمباتي» بل هي سبب رئيسي لاقتحام المخاطر وركوب
الصعاب، اذ هي الواحة التي يعود اليها «الهمباتي» من حياة المخاطر،
فتنسيه كل ما عانى من أهوال قاتلة ومشاق مرهقة، وفي كل
اشعارهم يتضح كمون المرأة في وجدانهم، ووراء مجازفتهم
بانفسهم من اجل اكتساب ودها!!

«الهمبتة» تعني نهب وسلب الابل دون سواها!! و«الهمباتة» هم
الرجال الذين يمارسون نهب الابل، ومفردهم «همباتي» واللفظ
من لهجة عرب غرب السودان، ويرادفه لفظ «مهاجرا» ومفرده
«مهاجري» ولفظ «النهيض» و«النهاض» و مفرده «نهاض» في
بادية البطانة في وسط السودان، ولفظ «سراجه» ومفرده
«سراجي» في بادية كردفان.

وعن أصل الهمبتة ونشأتها يقول الباحث

ان بدايتها كانت في اواخر عهد السلطنة الزرقاء وما بعدها في القرن الماضي
اثر ضعف السلطة المركزية، وضعف الواعز الديني نتيجة للجهل الذي ضرب
اطنابه على المجتمع السوداني من جراء سياسة التجهيل التي
طبقها الحكم التركي، حيث راحت القبائل تغير على بعضها تسلب
وتنهب.

وكان هذا العهد يسمى عهد «القيمان» وبعد سقوط
السلطنة الاسلامية الزرقاء على يد الاتراك العثمانيين وقيام سلطة
مركزية انحسرت ظاهرة القيمان وتقلصت واصبحت تتم بعدد من
الرجال يتراوح بين المئة والمئتين، وكانوا يسمون «النهاض».

وفي عهد الحكم الثنائي الانجليزي المصري مطلع القرن الماضي
توصلت ولكن بعدد قليل من الرجال يتراوح بين الاثنين والثمانية،
وبعد الاستقلال من الاستعمار واستقرار الغالبية من العرب الرحل
وانتشار الوعي الديني والتعليم اندثرت هذه الظاهرة الا من بعض
الحوادث الفردية في اقاصي البوادي السودانية.

الهمبتة» ظاهرة اجتماعية على غرار ظاهرة « الشعراء الصعاليك»
التي عرفتها جزيرة العرب قبل الاسلام، انتشرت في السودان خلال
العهود الاستعمارية التركية والانجليزية، وقد جاءت في أعقاب الحروب
التي كانت تنشب بين القبائل أواخر عهود السلطنة الزرقاء، اثر ضعف
هيبتها، بسبب تنازع الامراء الفونج على العرش وتسلط الوزراء من
قبائل الهمج على زمام الحكم.
وبسبب تردي المجتمع في الجهل بالدين ومن ثم ضعف الواعز الديني..
وقد انحسرت هذه الظاهرة بعد استقلال السودان، وانتهت الآن تماما
الا من بعض الحوادث الفردية في اقاصي بوادي غرب السودان..
وخلفت ارثا ادبيا فريدا.

انتشرت لثلاثة قرون واندثرت عند الاستقلال..

- عدم الاعتراف للشاب ببلوغ قدر الرجال إذا لم يمارس «الهمبتة»!!
- المروءة والنجدة والشهامة من أخص خصائص «الهمباتة»!!
- «الهمباتي» لا ينهب من قبيلته ويرعى حقوق الجار والعشير!!
- لا ينهبون ابل المرأة واليتيم والفقير.. والغني الكريم!!
- الوفاء للرفيق من أميز صفات «الهمباتة» ويفدونه بالأموال والأرواح
- العُملا يُسوِّقون الابل المنهوبة و«يُشَهِلون» الهمباتة عند الحاجة.

::::::::::::

«الهمبتة» ظاهرة اجتماعية على غرار ظاهرة « الشعراء الصعاليك»
التي عرفتها جزيرة العرب قبل الاسلام، انتشرت في السودان خلال
العهود الاستعمارية التركية والانجليزية، وقد جاءت في أعقاب
الحروب التي كانت تنشب بين القبائل أواخر عهود السلطنة الزرقاء،
اثر ضعف هيبتها، بسبب تنازع الامراء الفونج على العرش وتسلط
الوزراء من قبائل الهمج على زمام الحكم. وبسبب تردي المجتمع
في الجهل بالدين ومن ثم ضعف الواعز الديني..
وقد انحسرت هذه الظاهرة بعد استقلال السودان، وانتهت الآن تماما
الا من بعض الحوادث الفردية في اقاصي بوادي غرب السودان..
وخلفت ارثا ادبيا فريدا.

و«الهمبتة» وهي تعنى «نهب وسلب الابل» كانت تعتبر من ارفع
ضروب الفروسية، وكانت حياة «الهمباتة» على غرار حياة اسلافهم
من «الشعراء الصعاليك» في الجاهلية عروة بن الورد والسليك
بن سلكه واضرابهم مع اختلاف جوهري رئيسي هو ان غالبية
اسلافهم كانوا لا يتورعون عن سلب الضعفاء والحريم بل وسبيهم
واسترقاقهم، فيما يتصف «الهمباتي» بصفات الفارس النبيل الكريم،
كما ان اسلافهم كانوا «خلعاء» لفظتهم قبائلهم، بينما «الهمباتي»
محل تقدير وافتخار قبيلته واحترام المجتمع، لأن المروءة والنجدة
والشهامة والكرم كانت من أخص خصائص «الهمباتي» اذ انهم
مغامرون شجعان، لا يهابون الردى والمخاطر، ويواجهون الأهوال،
ويتحملون المشاق، يحفظون القبيلة، ويرعون حق الجار والعشير،
ولا يسلبون الضعفاء.

وقد استأثرت هذه الظاهرة باهتمام الباحثين في العلوم الاجتماعية
والثقافية، اذ انها انتجت شعرا شعبيا ظلت المجالس تسمر به
وبحكاويهم في البوادي حتى الآن.

ومن ابرز من تناول هذا الموضوع الباحث الاستاذ الطيب محمد الطيب،
الا ان الاكاديمي الدكتور شرف الدين الامين عبدالسلام رئيس شعبة
الفلكلور بمعهد الدراسات الافريقية والاسيوية بجامعة الخرطوم
(رحمه الله) ، وحده الذي اوفاها حقها من البحث والتنقيب والتمحيص،
حيث جاب البوادي في شرق ووسط السودان ، دارسا ومنقبا،
واستقى معلوماته من منابعها الاصلية في الاطراف القصية
للبوادي، من افواه المشتغلين بها انفسهم، والمتصلين بهم
اتصالا مباشرا، ومن الذين شهدوا احداثها وعاصروا فرسانها، حيث
شملت زياراته منطقة الجعيلين في بادية البطانة في شرق النيل،
ومنطقة الكواهلة في البطانة بين نهري الدندر والرهد، ومنطقة
قبيلة حمر في بادية كردفان في غرب السودان.
واستعان الباحث باشعار« الهمباتة» في التعرف على مختلف جوانب
حياتهم، ونحن نستعرض هنا بعجالة هذا البحث التراثي الشيق:

تنوع الحديث عن السلطة في شعر الهمباتة . فهي احياناً رجل الأمن الذي يكلف بالقبض عليهم واحياناً اخرى العمد والنظار الذين يمثلون امامهم للمحاكمة ، وهي اخيراً مآمير السجون الذين يتولون امرهم في السجن . وقد صور الهمباتة كل ذلك في شعرهم ، والصفة السائدة في شعرهم الذي يتحدث عن علاقتهم بالسلطة هى الاستخفاف والتحدي واللا مبالاة في حالة المواجهة حين تصبح واقعاً لا مفر منه .

لذلك جاء شعرهم مصوراً لمواقفهم مع كل فئة من هذه الفئات التي تمثل السلطة :

البلد اللبَـــــــوك* عُمدو* وجفوك* نظـــــــــــــــارو*
ليــــــه المتلنا* يقدل* ويحــــــــــــوم* في ديـــــارو
النلوى حكارى في العند مشيهو حاكى عصارو
منو البانينا غير المولى واسعــــــة ديـــــــارو ؟

اللبوك : ابى
نبذ الشئ: اباك: رفضك
عمدو : عمده : مفردها عمدة
نظارو : نظاره : مفردها ناظر
المتلنا : المثلنا مثلنا
يقدل: يمشي ويتبختر
يحوم : يتجول .
ديارو : دياره

الحياة المضطربة :
كان القلق وعدم الاسقرار هي السمات المميزة لحياة الهمباتة ، وكان ذلك نتيجة لحياة الترحال الدائمة وكثرة ما يواجههم من مصاعب . وقد عكس شعرهم ذلك :

يومـــــــاً في بسط عنــــــد المقسِّم نومنـــــــــــــا
ويوم نضـــــــــارى من لفـــح السموم بي هدومنا

في بعض الاحيان تقتلهم الحيرة وتشتد بهم الحاجة إلى بعير يسافرون عليه ، ثم ينهمر الخير عليهم فجأة فيعودون للهوهم وطربهم ويغرقون في بحور النعيم ، لكنه نعيم سرعان ما ينقضي فيعودون إلى سيرتهم الاولى :

يوم فـــــــــــي سُولا * متحيــــــــّر ركوبتي حمـــار
ؤيُوم مِتعلـــــــى فوق كيك* المدا* أب فَقــــــــــــّار*
ليلــــــــة بَدير* أم برطُــــــــوم* يمين ؤيســــــــار
ليلــــــــة ببسط الزينـــــــات* بنات الـــــــــــــــــدار*

سولا : اسم مكان
كيك : الجمل القوي
المدا : لعلها من مد أي سار ومشى
أب فقار : الفقرة قفا الرقبة وجمعها فقار او فقارات
بدير : من دار وادار
أم برطوم : البراطم الشفاة وأم برطوم هي المرأة
الزينات : النساء الجميلات .

ليس في حياتهم يوم كالذي مضى ولا ليلة كالتي إنقضت ، ومذاق هذا اليوم غير مذاق الامس والغد ، تناقض في الحياة بين اليوم والامس تنعكس آثاره على النفس ، لكنها الحياة التي ارتضوها لأنفسهم :

يُـــــــــوم مجنِّبين* ماسكيـــــــن نَقيب* الهـــــوْ
يُوم في ليلــــــة يابْسين فُـــــوق سُروجن كــوْ *
مبـــــــرومة الحَشـــــا* الميهـــــا التخيِنة أم بَوْ*
يوم بنجيهـــــــا نازلين زي صقـــــــور الجـــــو*

جنب : صعب المراس
نقيب : الطريق في الجبل
الهو : الخلاء
كو : كلمة صوتية تدل على القوة والشدة والصلابة
مبرومة الحشا : كناية عن ضمور الخصر
أم بو : السمينة المفاضة

هذه الحياة المضطربة التي يشوبها القلق ، جعلت الهمباتة يشعرون بأن حياتهم قصيرة ، وأن الموت يترصدهم ويتعقبهم في كل لحظة وحين . ولكنهم كانوا يخففون وطأة هذا الشعور بايمانهم بأن لكل إنسان أجل مكتوب ، وأن الله وحده هو التحكم في المصائر . ونتيجة لهذا الشعور الذي سيطر عليهم , فقد كثر الحديث عن الموت في شعرهم :

الرِّيح ليــــها خالــــــــــــق بابا مُو مَكْتـــــــــــُوم*
الرُوْح ما بْتفـــــــــــارق الجِتّـــــــة* غير اليـــــوم

مكتوم : الكتمة شدة الحر .
الجتة : الجتة هي جسم الانسان

جاء شعر الهمباتة حافلاً بالحديث عن رفاقهم ، تحدثوا عن مواقفهم وعددوا صفاتهم ووصفوهم الشجاعة والاقدام ، ولم يقفوا عند هذا الحد بل وصفوا مشاعرهم حين تفرق بينهم الايام ، وهو شعور مكلل بالمشاركة الوجدانية ، فقد روى " طه الضرير"
الليلة النفس امســـــــت حزينة وعامــــــدة
وما بتســـــــلى بي برقع* حميـــــدة وحامدة*
فارقنــــــا الرباعــــــة* أبّان* قلوبا جامــدة*
ناس طــــــه اللحو* ضوء القبيلة الهامـــــدة*

عامدة : من عمد اشتد حزنه
برقع : غطاء الوجه المعروف والزبيدية اكثر القبائل استعمالاً له .
حميدة وحامدة : اعلام نساء
الرباعة : الزملاء والاصدقاء ، ابان : اصحاب .

هم يعتزون برفاقهم ويعجبون بشجاعتهم وشدة مراسهم وقوة عزيمتهم واقدامهم
أمـــــــْرار في الكَدُوس* وأمْرار سجارة اعلِّبْ
أمـــــــْرار في خلاء وأمْرار بهيمــــــــة أسلّبْ
كـــــــــم اربع جنين فوق الدّرق بِتّلــــــــــــبْ*
لي الياجينــــــي* راسي* ؤمنو ماني مجلــِّب*ْ

الكدوس : الغليون
تلب : قفز
الياجيني : الذي يجيئني
راسي : ثابت
حلّب : خاف وفزع

والحديث عن الرفيق يتخذ اشكالا مختلفة بدءاً بالفخر بثباته ومضاء إرادته ، والحزن على فقده حتى ولو كان الفقد مؤقتاً وانتهاء بالوقوف معه وشد أزره والقيام بواجبه عنه والتعفف عن محارمه :

مانــــــــــي* الفاسد* ال بي الكِضبْ بِتنبّــــى
سارح* بى العــــُروض* لي جارتي ما بدبّى*
ياستــــــــــار من نضم الخشوم والسِبـــــــــــّة
انا اخــــــــو الزينة عند حل الرفيق والضّبـــّة*

ماني : لست
الفاسد : الذي ساءت اخلاقه
تنبأ : اخبر وهى هنا بمعنى المفاخرة
سرحت المواشى : ذهبت للمرعى
العروض : جمع عرض وهو ما يصونه الانسان من نفسه او يلزمه امره . تدبى : جاء متلصص
الضبة : ضب شد قبضته عليه

آراؤهم في غيرهم :
رسم شعراء الهمباتة صورة مشرقة لحياتهم التي يعيشونها فهم يفتخرون بـ " الهمبتة" ويمجدونها ، وكانوا يحتقرون الضعفاء الذين لا يسلكون مسلكهم ، ولونوا حياتهم بالوان قاتمة وخلعوا عليهم الالفاظ الدالة على الضعف وصغر الشأن " ناس قدر الله " و " المنفوخ جراب الصوف " و " الديوك " وما اليها وجاءت في شعرهم كثير من المقارنات بينهم وأولئك :

اكــــــــان شُفْتينا في ساعـــــــة الدَرَك*ْ والخـــوف
ما بِتْسلـــــــي بي المنفـــــوخ جُراب* الصــــــــوف
نحن ألبِنْكــــاور* أم قُوفــــــة* ونَسُوقــــــــا رَدُوف
نحـــــــــــن ألنّدخُل* الحــارّة* العِصيهــا* ظْرُوف*

الدرك : الخطر
الجراب ، وعاء من الجلد
نكاور : نسوقها مجتمعة
أم قوفة : الناقة
الندخل : أي الذين نخوض
الحارة : الحرب
العصيها : مفردها عصا
الظروف : الوعاء يقصد به هنا ظرف الذخيرة .

وكانوا يعتبرون حياتهم هي الحياة المثالية وما عداها وضيع حقير
واحــــــــدين أمّلُوا البـــــــرازة* والحشّاشــــــــــة

وحدين أمّلـــــــــوا فوق سيـــــــــِرة الحواشـــــة *
واحــــــــــدين أمّلُوا الرّكْبــــــــة المعاها جعاصــة*
ود النــــــــور حِليــــــــــل بهما*ً مَنَامُو* حَنَاســــة*

البرازة : تقاة لدق القمح
الحواشة : قطعة من الارض محوشة
جعاصة : التباهي
البهم : في البادية يقصد بها الصيدة الصغيرة
منامو: منامه
حناسة : من حنّس : اغرى وارضى .

تحدث الهمباتة ايضاً عن فئة اخرى من الناس ، وكانوا يطلقون عليهم " البلايس " ومفردها " بلاسى " وهو الجاسوس والمخبر الاجير . وقد كان هؤلاء يشكلون هاجسا للهمباتة لانهم يشون بهم لدى اصحاب الإبل والسلطة ، لذلك فقد عاب عليهم الهمباتة هذا المسلك وهجوهم في شعرهم :

ألبِل جَفَلـــــــــــــن* على ابو فـــــــــــــــــــــــاس*
مابجيبهــــــــِن* وَدْ يُمــــــــّة وما بجيبهِن البلاسْ
حِسْ رصاصهـــــن بَكَى زي صبّة أم هَرْمـــــــاس*ْ
مابْترضالنــــــــــا* بي جيبة الســــــــــــُّروج يُبّاسْ

جفل : نفر وشرد
ابو فاس : مكان بعينه في كردفان
جاب الشئ : اتى به
صب الماء : سكبه
أم هرماس : في غرب كردفان تعني الامطار الغزيرة
مابترضالنا : لن ترضى لنا .

ذكر الاسلحة :

يعتمد الهمباتي في حياته على قوته النفسية والجسدية وقوة السلاح ، فإذا تحدث عن العنصر الاول في نجاحه فلابد أن يذكر الثاني وهو السلاح ، حيث أن القوة والشجاعة لا تكفيان لتحقيق النصر . اما سلاحهم فهو سلاح عرب البادية واهل السودان عموماً المكون من السيوف والفؤوس والدرق وبعض انواع الاسلحة النارية ، اما السيف فهم يكنون عنه بالفاظ منها " القداد " ، " الهاري " ، " الحاد " ، ويكنون عن الدرقة بـ " الصايمة " اما انواع الاسلحة النارية فقد ورد منها " أب جقرة " ، " القربين " ، " أب خمسة " ، " أب ستة " ، " أب عشرة " . وقد جمع أحد شعرائهم كل هذه الانواع من السلاح في قوله :

بعد أب جقـــــــــرة والهاري البياكل الصايمــة
حققناهــــــا ياخوي العبـــــوس مي دايمــــــــة

يعتبر شعر الهمباتة مرآة صادقة لحياتهم ، فهو يعبر عن طريقتهم في الحياة ويعكس ما يدور في نفوسهم ، فنجد فيه تصويراً اميناً للمخاطر التي يتعرضون لها والمغامرات التي يخوضونها .

ويشتمل شعرهم كذلك على آرائهم الاجتماعية والاقتصادية ، وآرائهم في غيرهم ممن لا ينتهجون نهجهم .

ونجد في شعرهم بجانب ذلك فخراً بأنفسهم وبسطاً لمذهبهم والفلسفة التي يقوم عليها وطرحاً لقيمهم ومبادئهم ، تلك القيم والمبادئ التي تسود حياتهم وتحكم علاقاتهم ببعضهم وبغيرهم من الناس.

شرح الدوافع والاسباب :

تقوم حياة الهمباتة على المغامرة ، وهي حياة مهددة دائماً بخطر الموت ، لذلك ادرك الهمباتة بحسهم انهم في حاجة إلى تعليل هذه الطريقة في الحياة ودوافعها . ومن هنا جاء شعرهم يحمل الاجابة على السؤال الذي قد يخطر بذهن أي باحث في حياتهم عن الاسباب والدوافع التي حدت بهم لانتهاج هذه الطريقة في الحياة التي تقوم على السلب والنهب :

عكسنـــــــــا طرينا يا الممنـــــــوع ليالي لعبنا*
وسينـــــــا* سروجنا فوق النيب* بعد ما شبنا
قَلّت* نومـــــــــي فوسيبة* القُرير اللينـــــــــــة*
كم لــــــــــي رضاهـــــــا بي درب الدراهم غبنـا

ليلي لعبنا : اوقات اللهو
سينا سروجنا : وضعنا سروجنا والسرج هو مايوضع على الدابة ليستقر عليه الراكب
النيب : المسنة من الإبل
قَلّت نومي : جعلتني مُسهّد
فوسيبة : الفوسيبة هى القصبة الرطبة ويشبه بها محبوبته
فوسيبة القُرير اللينة : كناية عن محبوبته .
القُُرير : منطقة في شمال السودان اُشتهرت بجمالها وطبيعتها الساحرة ...

وفي هذه الابيات يشير الشاعر لاحد دوافع الهمبتة وهو سعيه إلى نيل رضاء محبوبته ، وكما اسلفنا فإن للمرأة دورها الاجتماعي الفاعل في وجود ظاهرة الهمبتة .

وعلى هذا النحو اوضح شعرهم كل الاسباب والدوافع وراء حركتهم . فتحدث عن المرأة وعن القبيلة وعن الرغبة في اللهو والطرب وعن الفقر :

من جبــــــــــــال حُفـــــــــــرة* قمنا سربنــــــــا*
بُكــــــــــرة في المــــــــزروب ملينا قِربنـــــــــــــا*
حِس الجالســـــــــة* تَرطُن في الركوب متغبنــــــة
قُعـــــــــاداً بي الفلــــــــــس كيفن ليالي الصبنـــــة*

جبال حفرة : اسم جبال بمنطقة كردفان
سرب : خرج لرحلة بعد الظهر
القربة : وعاء يحمل فيه اللبن والماء
حس : صوت
الجالسة : مقعد السرج
ورطن : تكلم بالاعجمية ويعني الشاعر أن الجالسة تحدث صوتاً
الصبنة : يقال صبن المطر إذا كف عن الهطول .

الهمباتي فخور بشجاعته وإقدامه ، صامد عند الشدائد والملمات حريص ألا يصدر عنه ما يكون وصمة عليه وعلى رفاقه وبناته ومحبوبته وهو دائماً " يطرا " يتذكر محبوبته في مثل هذه المواقف ، فخور بمصاحبة جمله ، معتز بمضاء سيفه وبندقيته .

يحكي لنا الطيب قصة تتبعه لقطيع من الإبل بمنطقة وادي أبو سلم لا راع ولا رقيب لهن" صياب "يريد اقتناصها وطريقه دائماً وعرة المسالك خطيرة " زلقيب " لا يمكن أن يلحق به الجبناء ولا الشجعان ولا يجبن مهما واجه من تحدي :

بـــاري لي بكــــاراً بي اب ســـلم صياب
مطلقــات همل بين الدليـــج والكــــاب
زلقيب دربي أنـــا المنـــو الرجال بتهــاب
ينقطـع اللسان يافاطمــة ابوك إن عــــاب

وفي ابيات اخرى يتحدث عن غزواتهم ويفخر بشجاعته وذيوع صيته في انحاء البلاد كما يفخر
بسباته عند اللقاء:

نــاس أب آمنة شدوهن مع الاوكـــات
عقدو الشـورة من تقلي وعقيدن فـــات
ابوك ياالزينة الخجـّا المديريـــــات
ابوك ياالزينة عكــاز التقيلـة إن جات

وفي الابيات التالية يفتخر بشجاعته واعتماده على بندقيته وحدها :

اتوجهنــا من دار دتـــي* والبقـــارة
وامسى يتاتــي* بالقلعـة ام قرود لايسـارا
واحدين يا أم عــروض مثل التيـوس تتبارا
وواحدين فـازوا بالقصبـة* البتوقد نـــارا
داردتي : غرب السودان
يتاتي : يسير محاولا الاسراع
القصبة : البندقية

الليلــة أم هلال امسـت سراتك تــــارا
واسيــادك جواميــس الردف* والــدارة*
إن حرت صنـاديداً تقابــل الحــارة
وإن بردن نكافيبن سوالـف الســـارة
نكافيبن : أي نكافئ بهن

هم حين يتجشمون المصاعب يفعلون ذلك عن مقدرة وبسالة ، واقيم النوق عندهم الردوف أي التي
يتبعها ثَقبها" الثقب هو بلد الناقة " والدارة " الحامل " التي اوشكت أن تضع حملها ، ومن اجل هذه
النياق يخوضون المعارك الضارية ، فاذا ظفروا بها كان ذلك من نصيب محبوباتهم حيث المتعة واللهو
والانفاق بسخاء ، اما إذا استرجعها اصحابها فلا يعني ذلك انهم ليسوا شجعان .

وعلى طريق ابوحمد حيث تمر القوافل إلى مصر يترصدون القافلة التي تمر عابرة حتى إذا ما التقوا بأصحابها اخذوها عنوة واقتدار:

الولد البجـيب كمـــش النقـو* مُوهيــن
سايم دمـو في وقت الحديث مـطيّن
غصبـاً عنو يـا الساحر نسـوقن بيّن
النوق : النوق ومفردها ناقة

فما أن يفوزوا بغنيمة من الإبل حتى يقتادونها إلى السوق بعيداً عن موطنها الاصلي ، بعيداً عن انظار
الانجليز " الحُكّام " وهنالك يبادر تجار الجمال من عرب العليقات " اسم قبيلة " بالشراء ، اما
غيرهم من الفقراء فوسيلتهم إلى ارضاء محبوباتهم أن يذبحوا لهن الديكة :

واحدين في البيوت بي ديك جداد رضوهن
واحديـن بالخلا والفيافي نفــوهن
بلد الانجليــز عقبنو ماشـافـوهن
وقفن زومـة ياطـه العليقات جوهن

سخريتهم من العاطلين :

كثيراً ما يسخر الشاعر من المتبطلين الراضين بحياة الذل والفقر، مفاخراً اياهم برفاقه الشجعان
واصفاً الهباتي بأنه " الولد " الذي يسري الليالي واضعاً ساقيه واحدة فوق الاخرى على ظهر جمله
" ابو قوائم " ، وهو يحمل قربته " وعاء يوضع فيه الماء يصنع من الجلد المدبوغ " ، كما يحمل
ذلك النوع الفاتك من السلاح " أب كسرة " فشتان ما بينه وبين الخاملين " ناس يمه " الذين لاهم
لهم غير أن يطالبوا امهاتهم بالمزيد من الطعام :

ولداً بطبـق المسـرى فوق المســرى
يخلف ساقـو فـوق ضهـر ابوقوائم ويسـرى
حقـب قربينـو فوق جربانــو خت ابكســرة
فرقــاً شتــى من ناس يمـه زيدي الكســـرة

أسعد الطيب العباسي
لعل دارسي الأدب الشعبي وتاريخه الحديث يجمعون ـ كما أرى ـ على أن الطيب ود ضحوية وطه الضرير هما أكثر زعماء الهمباتة شهرة وصيتا، وأنهما الأكثر إجادة لشعر الدوبيت المتعلق بأدب الهمبتة، فقد ملكا نواصي كلمه، وشوارد قوافيه، ورفداه بالمعاني المبتكرة، والمفردات الفخيمة، وبالرنين العالي، والإتعاشات الموسيقية الراقصة، لما إمتازا به من موهبة شديدة الكثافة متناهية العذوبة، ولقد إمتاز الطيب ود ضحوية بالإكثار الشعري الذي خلا من الغث، ويكاد شعره وحده أن يقدم لنا صورة متكاملة لحياة الهمباتة في كافة مناحيها وفي كل مجالاتها، فمن هو هذا الرجل؟!

إنه الطيب عبدالقادر سليمان الذي غلب عليه لقب (ود ضحوية) و(ضحوية) هي جدته وتنتمي إلى بيت يقرب للسروراب بكبوشية، وقد أطلق إسم الضحواب على هذا الفخذ من تلك القبيلة نسبة لجدته، وقد إتصفوا بشراستهم في القتال فلقبوا بوجوه الدم، قال مرة يخاطب جمله(العاليابي):

يا العَليابي أَختر ما عليك بالهم (1)
واطري المدة عن ستك واخرت الزم (2)
عند الحارة فوق رسنك بموت حرم
أخلو الديرة أسيادك وجوه الدم

ولد الطيب بقرية تسمى الضيقة، وهي إحدى قرى الجعليين المنتشرة على الضفة الشرقية لنهر النيل، وتقع بين منطقة العلياب وجبل أم علي، والراجح أن حياته أمتدت لنحو من سبع وخمسين عاماً في الفترة ما بين عامي 1886 و1943م وهما تاريخي ولادته ووفاته. والطيب ينتمي إلى قبيلة الجعليين، فوالده ينتسب إلى المسانداب ووالدته إلى السروراب، وهما فرعان من فروع قبيلة الجعليين.


أرسله والده في صغره إلى أخواله السروراب ليلتحق بالخلوة، حيث حفظ فيها ما تيسّر له من القرآن الكريم، ونهل ما نهل من علوم الفقه والحديث. وعندما بلغ التاسعة عشر من عمره إقترن بابنة خاله الفكي سرور.

منذ فجر صباه بدت عليه مخائل العلم والفقه والأدب، وكان والده يعده للدراسة في الأزهر الشريف آملاً أن يعود لابنه بعد حين عالماً أزهريا، غير أن هذا الأمل خاب وزرته الرياح، فالطيب الذي كان مستعداً نفسياً وفكرياً للسفر إلى مصر والإلتحاق بالأزهر غيّرت مجرى حياته حادثة مقتل شقيقه الأكبرعلي الكرار ود ضحوية، الذي كان مرتبطاً به إرتباطاً وجدانياً، فقد كان يحبه لكرمه وشجاعته، وقد عُرف عن الكرار أنه فارساً مغواراً و من أساطين الهمباتة، ولقد حدث أغار ذات مرة على قبيلة الهواوير و نهب منها إبلا كانت من بينها ناقة تمتلكها شاعرتهم (ريا) ففزعوا (3) خلفه بقيادة فارسهم الذي يدعى علي ايضا وعندما أدركوا الكرار قتلوه ومثلوا بجثته وأحرقوها بحطب شجر الهشاب، واستعادوا إبلهم وناقة شاعرتهم ريا . لما بلغ هذا الخبر الطيب أضمر في نفسه الثأر، وقال لقومه الضحواب أنه سيثأر لمقتل شقيقه بقتل قاتله (علي) غير أن ريا قالت متهكمة:

يا الضحواب جميع مفقودكم الكرار
وضلوعو بطقطقن تحت الهشاب والنار
وينو الطيب القايل بجيب التار
يسلم لي علي العوزكم الدوار (4)

ضاعف ما قالته ( ريا ) من أحزان و أوجاع الضحواب وأخذت شقيقة الطيب ورفيقاتها ينتحبن ويذرفن الدمع السخين، فنظر الطيب الى أخيه الصادق الذي كان مطرقاً وحزيناً، ثم أشاح بوجهه إلى النافذة و أمعن النظر إلى شقيقته والدموع تنهال على خديها، و في مكان غير بعيد رأى ود ضحوية جمله (الحوري) يتغذى على بعض النباتات، فالتفت مرة أخرى للصادق ونظر اليه نظرة وشت بما عزم عليه، ثم أخذت عيناه ترنوان إلى جمله الحوري وقال:

أكل الخلفه وقبّل على المنسية (5)
وشمخ الحوري لي كتلة عريب ناس ريا
إن ما اسكت الباكيات واخلف الكيّه
قولة أبو فاطنة يا الصادق خسارة عليا

ثم توشح سيفه وامتطى ظهر الحوري باحثاً عن (علي) قاتل شقيقه، فتقابل معه وجهاً لوجه على ساحة الثأر، والطيب يقول له لن أغدر بك كما غدرت بشقيقي الكرار، ولكني سأقتلك وفقاً لقواعد الفروسية وأصول المبارزة فاستعد بسيفك، ومن خلال مبارزة عنيفة استطاع الطيب أن يجهز على غريمه، وقام بجز شعر رأسه وحمله الى شقيقته فاطمه، فأحال حزنها الى فرح، وبدأ الضحواب ولأول مرة يتقبلون العزاء في فقيدهم الكرار، وتغيّر مجرى حياة الطيب بعد هذه الحادثة فسار على درب شقيقه القتيل، درب الهمبتة الطويل الوعر، الذي جمعه بصديق عمره طه الضرير، وكان للقائهما قصة شعرية.

في درب الهمبتة إلتقى الطيب ود ضحوية بطه الضرير وهو طه محمد أبوزيد، عُرف بعدة القاب كأبو
الزينة، وود أب زيد، وغلب عليه لقب الضرير، وقد خُلع عليه هذا اللقب بسبب ما اعترى بصره من
ضعف، ورغم ذلك كان خبيراً بدروب البوادي ومسالك (الوعرات), ومن المواهب النادرة التي كان
ينفرد بها أنه كانه يتعرف على المكان من خلال شم تربته... وقد إرتاد طه آفاق الهمبتة منذ بواكير
صباه، إذ ولجها وهو لم يتعد السابعة عشرة من عمره، مما أكسبه خبرة وتمرساً عظيمين، واتسمت
شخصيته بالقوة وكاريزما القيادة، وهي صفات أهلته لأن يكون قائداً لمجموعته، كما صار خبيرها
ودليلها.

يقول الطيب ود ضحوية:

واحدين في البيوت ديمه مكبّرين عَمَّامُن
عدموا الحيلة والزول أب عوارض لامُن (1)
واحدين صنددوا وختوا الضرير قدامُن
طبقوا العودة للماسكات عِداد أيامُن (2)

وأبرز من ضمته مجموعة طه إلى جانب صديقه الطيب، على ود الفقير: وكيقه ودعمران، وقريبه
الصديق ود التركاوي الذي كان يلقب بالعمدة، وبأب تَرَمة. وكان أب تَرَمة شجاعاً ومقداماً ذكره طه
في شعره كثيراً كقوله:

بي يوم الخميس قوز بره متيامننو (3)
وكش أب تَرَمة قدامنا ومرقلنا جنو (4)
كم فزعاً لحقنا حمدنا بيض أب سِنو (5)
يا ريت السيوف لو تحكي بالفاعلنو

وطه إستحق القيادة عن جدارة، فقد كان يهتم بأفراد مجموعته إهتماماً كبيراً، ومن العجيب أنه كان
يسلّم نفسه إن كان مطلوباً لدى البوليس، أو ان يقوم بمغامرة إن لم يكن مطلوباً وكان أحد أفراد
مجموعته محبوساً، وذلك بغرض أن يقوم بتهريبه من السجن، وعندما حبس قريبه الصديق عثمان ود
تركاوي في إحدى السجون ثقل عليه الامر وأحزنه فقال:

الخبر السمعتو الصديق مقفل جوه
حالف ما بقيف دونوإن بقيت في هوه
صقر الميتره الدايمن بيقلع قوه (6)
بتب عجلان على البقول يا مروه (7)

ولد طه الضرير ببلدة أبودليق في العام 1901م، وتوفي فيها العام 1980م، وينتمي إلى قبيلة
البطاحين، فوالده علامابي، ووالدته عركشابية، وتنتسب جدته لأبيه إلى فرع الشرحاب. وقد أشتهر
طه بعدائه الشديد للانجليز، وله مواقف مشهودة معهم.

جمعت بين طه والطيب وحده المصائر، وإتحاد المصالح، وصداقة متينة الجذور، وإلفة لا تدانيها إلفة،
فكانت علاقة شهد لها الجميع بعلو الشأن، وذيوع الصيت، وقد رفداها بقيم العُربان، وأخلاق
الشجعان، وكانا يعلمان أن دربهما وعر المسالك، ومحفوف بالمخاطر، لذا لم يكن غريباً أن يقع طه
ذات يوم في أيدي السلطات بتهمة النهب، وصدر عليه حكم بالسجن لمدة سبع سنوات، والغرامة مبلغ
خمسون جنيهاً، على أن يحبس لعامين آخرين في حالة عدم دفع الغرامة، وتم إيداعه بسجن
القضارف مشددين عليه الحراسة، وعندما أُبلغ الطيب بهذا الخبر العاصف هبط عليه عناء ثقيل،
تهالك تحت وطأته على الأرض، وأطلق زفرة حرى، وأطرق عن دمعة حزينة..

وأخذ يقول:

الليلة النفس صبحت عنيدة وعامدة (
وما بتتسلى غير برقع حميدة وحامدة (9)
يا حليل الرباع أبان قلوباً جامدة (10)
ناس طه الضرير ضو القبيلة الهامدة (11)


عندما أفاق الطيب ود ضحوية من تلك الرؤى والأطياف قرر أن يسافر من كبوشية إلى القضارف حيث يرزح تحت وطأة قيده في سجنها صديقه طه الضرير.

قرر أن يسافر بعد أن أخذته تباريح الشوق إليه كل مأخذ، فشد رحله صوب القضارف على متن جمله "العاتي" يرفعه آلٌ ويخفضه آلٌ وتلفظه بيدٌ إلى بيد، وعقيرته ترتفع بالنميم فتملأ نفسه شجواً وشجناً، والعاتي يطربه النميم فتزداد سرعته وتتباعد خطاه فتخبو من خلفه أضواء كبوشية، والطريق يمتد أمامه طويلاً، ويترنم ود ضحوية بقول رفيقهم الشاعر الفحل يوسف ود عاب شبيش:

الدَرِبْ إنْشَحطْ واللُّوسْ جِبالُو اتْنَاطَنْ (1)
والبَنْدَّرْ فَوانيسُو ال بيَوقدَّن مَاتَنْ
يا فَرُوجْ هَضَالِيمْ الخَلا ال بنِجَاطَن (2)
أَسِرعْ قَوبِعْ أَمسيتْ والمواعيدْ فَاتَنْ (3)

وتستمر رحلة الطيب ليتصل نهارها بليلها وهو لا يني ينشد ما يجول بخاطره من أشعار، وعندما يردد أشعار صديقه طه يحس وكأنه يتذوق فاكهةً إِستوائية معسولة اللُّبْ.

اللَّيلْ بَوبَا والكُرْتْ الرَحِيحْ وَالَنٌّو (4)
رَكَزَنْ فَوقْ ضُرَاعِنْ والهَنيسْ غَزَنُّو (5)
الجَبلْ أَبْ قُرودْ يا امْ عَارضْ إِتْعَدَنُّو (6)
الموتْ عِزَة واللَومْ ليَنَا ما بْرضَّنو

وأخذ الطيب في رحلته هذه يسأل نفسه كيف تسنى القبض على صديقه، ذلك الأسد الهصور الذي يهابه الجميع، ولا يستطيع كائناً من كان أن يقترب منه ليمسه بسوء، أليس هو القائل:

منْ شَندِي إِستعدينَا ومَرَقْنَا خَلاَسْ
طِرَي المريُودَه وأدَّرْدَقْ عَليهَا أَبْ رَاصْ (7)
كَان نِتْلاقى في فَنَقَه وضَربْ رَصَاصْ (
ما بْجيِبَُونَا نَاسْ طَرْطُورْ مَعْ الَقَصَّاصْ (9)

إنتهت رحلة الطيب وأناخ بجوار السجن، وطلب السماح له بزيارة صديقه طه، فجاءوا به إليه والأغلال تلتف على جسده البادن القوي ويديه المفرودتين كجناحي نسر.

وما أن رأى الطيب حتى طار إليه بعناق عنيف كأنه إرتضام. إرتج له قلب حارسه ثم أخذا يرتاحان من أشواقهما على ذكرياتهما الثرية.

وانسهما الجميل, وعندما سأل الطيب صديقه طه عن كيفية القبض عليه أطلق آةً ملؤها الحسرة وقال: هؤلاء الإنجليز الأنجاس أعلنوا عن جائزة مقدارها خمسون جنيهاً لمن يدل عليَّ، وكما تعلم يا صديقي أن الناس فينا إثنان منهم من يحبنا ويوقرنا ومنهم من يهابنا ويخشانا، لذا لم يؤد الإعلان عن الجائزة غرضه، غير أني يا صديقي وقعت في هوى حسناء من عرب هذه الناحية تشبه تلك التي قال عنها
صديقنا الفنجري:

عُودِكْ حَكَّمُو البَاري الجَمِيلة صِنعْتُو
خَتّهَ ورَسَمَا بيْ قالباً عَدِيله شَمِعَتُوا
عُنقاً زيْ حَرَاريبْ البُطَانَة فَدَعتُو
بصْبُرْ عَاشقُو كَيفْ مَا دَام جَهَنَمْ تِحتُْو

وكان لهذه الحسناء محب أعماه الغضب، وأكلته الغيرة، فوشى بي وتم القبض عليَّ غدراً، وبواسطة قوة كبيرة وأنا نائم. وعندما أخذوني إلى هذا السجن وجدت صديقنا الفنجري يقضي فيه عقوبة، فسألني ذات السؤال فقلت له:

رُقَادْ السِجِنْ وتِقِفِلْ الأَوضَاتْ (10)
سِمِعْ فَيْ الفَايْحَة واحدين في العَربْ شُمَّاتْ (11)
مَكَتَوبةْ الجَبِينْ هِي بالصِحْ مَا بِتِنْفَاتْ
لَزُوم للحارة والمِحنْ البِجَنَْ ضَيفَاتْ

فردَّ عليَّ قائلاً:

شَيلْ المِحْنَه يا امْ قُرْقُدْ عَليهو شُدَادْ (12)
والسَفرْ أبْ مِسَاويكاً حَجَر غَيرْ زَادْ (13)
العَطَا مِن عَدَم نَدي ونقول مَا عَادْ (14)
والصَبُرْ عَلي الكايْنَاتْ البِجنْ بَلا مَيعَادْ (15)

ناهبوا الإبل أصحـاب القيم الخاصة ، كانوا قبل أن يتواروا خلف ظلمة السنين يتسمون بالحزم والعزم والشجاعة المنقطعة النظير، كأنما قلوبهم قدت من الصخر.
عاشوا حياتهم التي تمددت فوقها ظلال إرث قديم أطلق في أعمـق أعمـاقها سـهام الصعـاب والمغـامرة فتأرجحت حياتهم المتقلبة أصلاً ما بين إملاق عابر يخشـونه ويتفادونه
بركب الصعاب وثراء يقصدونه قصداً وينتزعونه إنتزاعاً فترضى عنهم تلك التي تقبع
في قلوبهم الحمراء.

كَمْ شَدَّيتْ عَلى التِلِبْ الكُزَازِي أَبْ دَوْمَه
وُكَـمْ قطَّعْتَهِنْ مِنْ سِنْجَـه طَالبَاتْ رَومَه
الـرُوحْ مَا بِتْفَـارِقْ الجِتَّـه قُبََّـالْ يَومَا
يَـا رَيـتْ كُلُـو نَسْـلَم مِن فِلانَه ولَومَا

مرتقاهم صعب وجبلهم لا يتسلقه إلا الأقوياء، يفتحون صدورهم لسهام الموت ويضعون أرجلـهم في مستنقعه ويقـولون لها من تحت أخماصك الحشر.

الوَلـَد البِدُور الشَّكْـرَه يابَا الشَّينَه
يِبْعِد رِدُّو كَـوْ يَنطَـح بَوادِي جُهَينَه
أَمَّا نْجِيـبْ فُلُـوساً تَبْسِطْ الرَّاجِينَا
ولاَّ امْ رُوبَه لا حَولَينْ تَكَوفْتُو عَلَينَا

نفوسهم طليقة كـما هذا الهـواء، صرختهم داوية كما تلك الرعود، أهل فطنة, وأريحية، رماحهم شرع وسيوفهم مـواضٍ قطـع، يسومون دماءهم عندما يحمي ،
ويبذلون أموالهم من أجل حبيبة القلب وضيف الدار والفقير المستجير.

قُولْ لَلمَلْكًه مَا تْجِيبِي المَبَشْتَنْ حَالُو
إِلا الوَالْدُو مِـن مِيَّـه عَازِلْ خَـالُو
عَـارْفَ المَوتْ فَرِضْ مَبْدِي مِن قَبَّالُو
يَـومْ الوَاجْبَـه مَالُو ودَمُّو مَا بِرْتَالُو

تتحكم في فعالهم قيم موروثة وفضائل محسوسة، فنوالهـم كمـاالغمام، وقلوبهم خلت من وجلٍ
أو روع، تقع الخيـانة في وجـدانهم في مواضع البغض والكراهية، لا يعتدون على أنثى ولا صغير
أو فقير ولا جار ولا صديق.

نِحْنَا المَا بْسَمُّـونَا العِرَيبْ وَين جِيتُو
نِحْنَـا البِنَرْكَبْ الدُّرْشِي البِجَابِدْ خَيتُو
نِحْنَا عَشِيرْنَا مَا بنُخُونُو ونَخَرِبْ بَيتُو
نِحْنَـا عَدُونَا بِنَعَصْرُو وَنَطَلِّـعْ زَيْتُو




يرسلون من السجن رسائلهم التهديدية لأعدائهم من الأبالة ومن تسببوا في محنتهم فتخرج هادرة ومجلجلة.

اللَيـلَه السِـجَنْ كَتَـمْ عَدَمْلُـو هَبُـوبْ
وَابْ قَلْـباً خَفِيـفْ فِيهُـو زَيْ مَرْقُـوبْ
نِحْنَا انْ مِتْنَا فِي شَـانْ الله مَافِي عِيُـوبْ
ونِحْنَا انْ عِشْنَا وَآسَهَرَ السَّعِيْ امْ عَرْقُوبْ

هكذا عاشوا بين جدرانه العالية وزنازينه الضيقة الموحشة وقيوده المثقلة على أعضائهم وخالطوا
فيه من لا يحبون ونأوا عن ديار الأهـل ومثوى الأحبة فلم تسقط من أعينهـم قطرة ماء ولم تثقل
أجفانهـم دمعة أسى، ولكنهم أخرجوا لنا شعراً سارت به الركبان وبقي خالداً كأنشوطـة على عنق
الزمان.

رحم الله أفذاذ الهمباتة النبلاء من مات ومن كـان حيا وشعرائهـم الفحول أمثال طه الضرير، وأبوجيب
ابوزيد، واحمد تيراب، ويوسف ود عاب شبيش وقمر الدولة الصديـق، وشـرف ود المِحِـرب، وعبـدالله
ود المقدم، وموسى ود كوكو الهبابي وصديق موجو..

ورحم الله أميرهم وأمير قوافيهم الطيب ود ضحوية،
فقد أحبـو الحياة وأحبتهم وسلس لهم الشعر فأعطاهم من قياده ما تمنوه، وعندما عسعس ليلهم
وتنفس صبحهم وأقعدهم الكبر عن مواصلة مغامراتهم ورحـلات عشقهم فإنهم يعودون إليها تحت
إلحاح ذكريات الأيام الخوالي التي استوعبت أحداثها ومضت بعد أن دفعت بالسعادة بين جوانحهم،
فتعود السـروج إلى ظهور النوق وتنتزع الأوتاد والشايات وترتد من جديد أسلحتهـم إلى قـرابها وتبرز أشواق بعيدة ويشمخ البعير لمغامرات جديدة، بيـد أن إيغال العـمر فيهم يأخذهم إلى تلمس الصوفية المؤتلـفة في دواخلهم فتأخذهـم إلى دروب التوبة وعندها يصبح ماضيهم ذكريات تروى وحكايات تحكى.



ينهبون الإبل ويسلبونها ولا يعتدون على غيرها وفقاً لتقليدهم القبلي الموروث الذي صار عرفاً يجب إتباعه وواجباً يتحتم أداءه.

الـوَلَدْ البِخَـافْ مِن القَبِيلَه تْلُومُـو
يَخَلِـفْ سَاقُو فَوقْ تَيساً رَقِيقْ قَدُّومُو
أَمَّنْ جَـابْ رِضْوَةْ البَهَمْ البِنَقِّرْ فُومُـو
وَأمَّـا إتْخَامَشَنْ قَـدَحْ الرَّمَادْ حَرُّومُو

لا يرضيهم التقاعس ولا يسـرهم البقاء بين الدور عـاطلين عن الرزق، فيعتلون الحدبات والقيزان،
وينزلون الأودية والوهاد، ويجتازون السهوب والسهـول، ويهزمون الغابـات والوعرات، ذلك درب
الـرزق العسير وطريق الغنيمة المحفوف بالمخاطر.

واحْـدِينْ دِيمَه حَارْسِينَ البِيُوتْ مَا اتْعَدٌّو
وُوَاحْـدِينْ سَاقُوا بِالحَدَبْ المِفَاسِحْ وُمَدُّو
لَفَحُـوا السَّرْجْ عَليْ ضَهَرْ المِفَونِقْ وُشَدُّو
وَصَرَفُوا أَبْ مَارْكَه لِلْبَهَـمْ المَزَوَّقْ خَـدُّو

على صهوات أيانقهم وعلى ظهور مطاياهم يهاجرون لأمكان بعيدة من أجل الكسب، فيغازلون الغفار
ويتزملون بالصحراء، ليعودوا غانمين لمثوى الأحبة وديار الغرام.

يَومْ بِنْكَامِنْ السَّادْرَاتْ صَعِيدْ وحُدُودْ
وَيَومْ نَاوِينْ كَجَوجَاً غَادِي مُو مَرْدُودْ
يَومْ بِنْكَرْبِجِنْ فَوقْ العَـوَاتِيْ العُـودْ
وَيَومْ بِنْجَالِسْ الدَّعْجَا امْ بَرَاطْماً سُودْ

يملكون نواصي الكلم ويصطادون شوارد القوافي ويشيدونها على الإيقاع واللحن الفريد فيغنون
للرواحل والكواحل.

أَحْــدَبْ مِـنْ قُــدَّامْ قَفَـاكْ مُنْضَـمْ
أَفَـزَرْ سَاقَكْ رَدِيْحْ كُرْعَيكْ مُوَاقْعَ النَّـمْ
السَّبَبْ اليَبَّسْ لَهَاتَكْ وَاخْفَافَكْ مَلاهِنْ دَمْ
بَـلا الـزَّولْ المَرشَّـمْ فَوقْ فَرِيقْ الشَّمْ

بينهم وبين الجمال إلفة ومحبة وأسرار فهو نجيهم في الفلوات وحامل أثقالهم ويودعونه أسرارهم
العاطفية ويخاطبـونه ويغنون له ويعظمونه.

وَدْ جَمَلَ المَهَورَه اللَّيهٌو القَبِيلَه مِتَالْـبَه
أُمُّو مِدَاقْمَه مِن مَفْرُودَا لِلْنَـاسْ غَالْبـَه
يا ضِـدْ اللَّهَوبَـاتْ وَالسَّمَـايِمْ القَالْبَـه
دَومُـو بَشِيشُو أَزْرَقْ مِن سَبِيبْ الطَّالْبَه

يتدفقون فتوة وحماسة ولا يذعنون لقوة أو سلـطة، هاماتهم بالعزة مرفوعة، وأياديهم بالنوال ممدودة،
يركبون الصعاب والمخاطر وقـت ما شاءوا وكيفما بدت، فيا طرقي كوني أذاة أو نجاة أوهلاكاً.

سَمْحَه الشَدَّهْ فَوقْ ضَهَرْ السَّمِينْ مُوْ البَاطِلْ
وُشَيـنَه القَعْـدَه والضَّحَـوِي البِيَرزِمْ هَاطِلْ
البَكَـرَه السِيْـدَا عَاجْبَاهُـو وُمْسِيلَـهَا كَنَاتِلْ
دِي بِنْسُوقْـهَا وُكَـانْ لَـمَّ الفَـزَعْ بِنْكَاتِـلْ

سمح الوداد لو كان صافي وبدون أغراض
سمحة النفوس بتكون لا عِلة لا أمراض
صافية المحبة تكون شلال فرح فيّاض
ناصعة بتَضوِي شموس بِشع سناها بياض

سمحــة السمـاحـة أدب حشـــمـة زوق وأخــــلاق
سمـحة السماحة قنــاعة ورضى بى قســمة الخلاًََق
سمحـة السماحة نجـــدة للمــلهوف أخوك إن ضاق
سمحة السماحة كرم للضيف بى إلحاح حـرام وطلاق

أخدو الهجسة لي الكيفة الشميسة ضحى
يات من كان حلف قال الكرامة علــــــــــــي
أم ريد لوت القلاي جميلة الـــــــــــــــــــــزي
أرياح الدمك غمرن ربوع الحـــــــــــــــــــــــي

إن وقفة عديلة وإن مشت مبرومة
وإن قدلت معجنة من وسط مكسومة
إن قعده موهطه وااقساوة القومة
مبرومة حشا وعجوة محس قدومه

أزمعتي الرحيل قصدك تزيدي جروحي
يا ام خشماً تقيل بى حبي مابيا تبوحي
حبك في الفؤاد دايماً مشحتف روحي
وين القى الرقاد كان ناوية انتي تروحي

لـقيــتا واقفــــــة وكــان بيناتنــا عشــــــرين يــــــــاردة
ومــــافــــي بينــــي وبينـــــا حاجـــــة متعـــارضـــــــــة
يمكــن خـــوف.. ويمكــن نــحس وكلـــها احتمالات واردة
ولا البنفـــــــرد دايمـــــــا بشــــوت فــــي العــارضــــــــة

الزول إن جَفاك من دون سَبَب جـَلَّيهُو
أنجَع مـن دِياَرُو وحَــرِّم عـليك واديهُو
أحفظ لى رِويحتك من عَـقربُو ودَابيهُو
أمسَحُو من خيالك وخلِى يَموت بالفيهُو

الزول كان طلع فى راسك قبل منو
خليهو يموت فى شكوكه وظنه
مايغرك مهما كتر ريده وحنه
القرش بلا طبع ناسو مابتهنوا

الزول لو جفاك ماتفوت تخليهو
ما تسيبوا للشيطان يلعب وراك بيهو
أسأل عن الأسباب وألقى العزر ليهو
أيه فايدة الأحباب كل خل تخليهو
ولو حتى كان غلطان قول الله يهديهو
وخلي العشم دايماً صَبّح وماسيهو
هَدي الحبيب القال فاز البِبادِيهو
أفشي السلام يا خوي ما تبقى ناسيهو
يبقى الوداد في الناس والناس تهاديهو
وما تبقى زول لوّام دايماً تشاكِيهو
وسيب للرجوع فرصة أحزر تجافيهو

الريد البهينك اخيرلك اقطع خيتو
لاتخليك حنيّن تبكي وتقول ياريتو
زولك كان جفاك اوعك تفتش بيتو
اعصرو بالفراق لامن تطلع زيتو

الزول لو جفاك فتش على ورضيهو
ولو قالو مريض فتش طبيب داويهو
قرّب من دياريو وخليك فى واديهو
ولو قال يوم نساك خليك دوام طاريهو

الجفا ما بدوم والبين أخير إصلاحو
وفى فراق الاحبة كيفن نزيد لى جراحو
أحسن بالمودة والمحبة نلمو نلقى نلقى صلاحو
يسعد وينبسط يضحك باقى عمرو ما يروح معاهم راحو


الــجفا إن حـصل فــتِش وعَـالـج أســــبابو
أبــعد مـن الـــشر ومـاتغنيلو, سَــــكِّر بَـابُو
سَوِّى الخير ضمان يوم الحِسَـــاب تنـجابو
ألزم لى حُدود ربك وأفــهم مَا حَواهُو كِتابُو

جماع لسانك والله جاري وحالي
البشرى حالك اريتو لو كان حالي
سويتو القصيد اب معاني معالي
ونحن وراكم اسياد المقام العالي
تسلم ودحسن قولك مسكّر وحالى
ونظمك للقصيد من الطراز العالى
كلماتك رصينة تشـع درر ولاّلـىء
تنـفذ للفؤاد من دون إذن طـوالى

جماع لسمح اللهيج واللمة
نظمك حكم حلاهو رجيع النمة
حاضر بديهة وسريع النهمة
جادع شيخ بشرى شد الهمة
وراك عبد الله قايد الأمة

جسمي صار منحول أما الروح عليلة
شورتك أخوي جماع كانت مااااااا ياها العديلة
أرجع لي ورا
عندك مخارج شوف القي لينا سبيلا
كشكش للجيوب
ما بِتعدم ياكا سيد الروح جميلا
حَسُن الخلق ما ظلمت فتيلا

لوكان بالمـال المخرج جاهــزين يمين الليـــلة
لكــن المـال براهــو ما أظـن بعـدل الميــــلا
حــاول مخــارج تانية ما أظـن تغلبك حـــيلة
راجـــع كـلام السـلفو وخلـيك من ناس ديـــلا
تلقى الجواب الشـافى وكمـان معاهو دليــــلا
خليك دحين فى همك متين العرس والسيرة؟؟

ارخوا أضانكم لزاهر المسدارى
مسدار بفوت الخمسة قصيد مضارى
اقرض رباع وخماس وتعال جارى
وازن بيوتك ما تقيف حتى لو ضفارى

نظمك حكم حلاهو رجيع النمة
حاضر بديهة وسريع النهمة
جادع شيخ بشرى شد الهمة
وراك عبد الله قايد الأمة

من خيمة الحاردلو

ما تستاهلي الدمرة وقفلة الباب
وما تستاهلي الإهمال الوراهو خراب
وين الناس قبلت خلوك لا لمبة لا مشهاب
قاعد فيك شهرونص مالقيت منهن ترحاب

ما تستاهلي الدمرة الوراها غتاس
عطيش قِرَبِك ون ماهن بقن يُبّاس
سيدك كان نميمو بلم عليهو الناس
هجروك الجنين خلوك يباب ويَبَاس

ما تستاهلي الموتة الرقادا صعيد
وما تستاهلي خلوك لا حبل لا وتيد
سيدك كان بجر مسدار وإختو قصيد
وبقول كلاما زين وكت إمرق مباري الصيد

ما تستاهلي الدمرة الوراها الموت
وما يستاهل الضيف ما يرحبوبو يامن إفوت
حاردلو ختاهن درر مشغولة بالياقوت
هجروك الجنين ضبك بصارع العنكبوت

عاد يا السرة لا تلوموني كان هَجّيت
قبيل كت مأمل أستقيم معاكن آم سوميت
وآخدلي معاكن تلاتة أيام مقيل ومبيت
دحين للقعدة وحيدي أحسن أعود للبيت

شعر/ محمد زين العابدين أحمد أبوجديري :-


فارِسْنـا الكلـسْ البلكـرمْ معـروف
كرمَكْ في الرَّجالْ بايـنْ دوام مألـوف
ما بتخشى الفَقُرْ حاشاكْ تعرف الخـوف
يوم النار تبقْ تهجمْ عديـل مكشـوف
***
بهديـك التحيَّـه المـا بتكفـي ثنـاكَ
يا ابْحِجْلاً برصْ كلَّ الخلـوقْ جايـاكَ
ما تضاريتْ مرقتَ الناسْ بقتْ في ضراكَ
من طيبْ الحديثْ عطَّـرْ ربانـا شـذاكّ
***
يوم دقَّ النحاسْ بارودنا سَـوَّا سحابـه
والفرسانْ تصولْ في الحاره مـا بتتغابـه
خاضوها أم لهيـبْ جنياتنـا نتفاشابـا
ثابتين كالجبالْ فرسـانْ دُواسْ وحرابـه
***
نهجم من دِغيشْ فـي عتمـةْ الفجريَّـه
بنخوضْ أم صِقيرْ ..شافعنا بـوزن ميَّـه
نوطاهُو الجَمُرْ .. نَستاكْ زخِيـرةً حيَّـه
نفديها القيمْ وارواحْنَـا شانهـا هديَّـه
***
والداير السـلامْ بلقَانـا عهـدْ وأمانـه
نتوَاثـقْ صِـدِقْ واللهِ مافـي خِيَـانـه
نُسْكِتْ للمدافـعْ ونُخْـرسْ الجبخانـه
في شانْ السلامْ راياتو فوقْ لـي سمانـا
***
مرحب بالجنوبْ والحـرب الله يزولهـا
مرحب بالشمالْ الباوقه جاريه سهولهـا
مرحب بالشرقْ ناس دقنه تروي بطولـه
مرحب بالغربْ مَردُومْ وتُويَـه وفولـه
***
مرحب كردفـانْ والله مـا ناسيكـي
كيف أنسى الدلالْ أنسى السماح الفيكي
ما يوتْ في حَشَايْ قايلاني ما طاريكـي
بهواكْ كردفان وكتينْ يفيـض واديكـي
***
مشتاقْ لي الرِّمالْ لـي فُونْقَـةَ الحبَّـان
ومشتاقْ للبريقْ يشلـعْ علـى الوديـان
ويا حليـلْ القمـاري تذَكِّـرْ الخـلَّان
بي جيْةَ الحبيبْ في الغُربـه ليهـو زمـان
***
مشتاق للهَرَعْ شايلو العِشِقْ لي غـادي
ومشتاقْ للدعاشْ نَسَّمْ جنوب الـوادي
ومشتاقْ للحبيبْ وكتينْ علـيَّ ينـادي
بالذوقْ الرَّفيعْ جـدَّدْ علـيَّ سهـادي
***
مشتاقْ للمُزُنْ جهـةَ الصعيـدْ ماطرنـي
ومشتاقْ للنسيمْ وكتين يطِـلْ عابرنـي
بهواكْ كردفانْ كلَّ الجمـال ساحرنـي
شان سِحْرِكْ غَلَبْ جُوايْ صِبِحْ جابرنـي
***
ديل أهَلِـكْ عُـزازاً بالكـرمْ إتحلُّـوا
حين يحمى الوطيـسْ واللهِ مـا بتذلُّـوا
ناسْ قدحاً كبيرْ كِتْرَ الضيوفْ أو قلُّـوا
ديلْ ناسْ الذِّكرْ لا كلُّو تَـبْ لا ملُّـو
***
gaffarbadri
15-05-2009, 11:59 PM
من أمّات رميلـه متركشـات لشمـال
سِمْعَنْ هَدْري لا قبَّال كرير واضـلال
إشَّرْحَطْ بريقـن راح يشيـل وَلْـوَال
وتيسن زاعَلِـنْ باكِـر مـع الشهـلال
***
خلاّهِنْ رتوع في بقيل وخَرْجَـة نـال
لامن دور الـوادي السـرى السيّـال
فوق قمزوز طلع شاف في ملينته زوال
وقلفة كو حفيرها لقيلـه فيهـا نعـال
***
مطامنات هنـاك لامـن نهـارن زال
وشرقن كلهن شمَّـنْ دُعـاش أتعـال
مابيات البلد دايرات حقـو السـروال
وطيفاً متّـع الغنّـاي قـدر مـا قـال
***
في عاقب نهار سـوَّن لهـن مرحـال
وعينيهـن خلقهـن زرق بـلا كحّـال
من ريح الحويل بِقْيَنْ دحين في حـال
وديل ليمِنْ على الناس المتلنـا محـال
***
جَاهِنْ منقلب وقتـاً عصيـر وشفـافْ
وكاسب ليلو بيهن من صدف ما بخاف
ديـل الطبعهـن دايـم الأبـد عيّـاف
وفي نايط السروج لقين بَقيـلاً جـاف
***
حجار المزار ال مـن بعيـد بنشـاف
جرن فوقـو دورن ال لتعفـر عـاف
لافخ ود نهار مـن اليحـوم طـرّاف
لقن سبرون بقيله من الملين مو جـاف
***
شاف برقـاً فـوق الجبـل رفـراف
وهن وحل الدرار يا الليلة منو خفـاف
من عند المضيق مرقن هناك بسنـاف
ديل قِسْيَنْ على القوي والمتلنا ضعـاف
***
لوْنِنْ من بعيد متـل البليبلـي نُضَـاف
حرد ومعصّرات من شبَّـة الأكتـاف
للنـاس ال بغنّولهِـنْ يجـروا القـاف
ماليات الخشم من كامـل الأوصـاف

الليلة البلوم اصبح يقوقى وينوح
وميزان قلبى اصبح من بكانو مفوّح
على بـهماً لِوَيِّنْ بى النتيل مِسَّوِّح
لى شوفتو بترد الروح بعد ما تروّح

الليلة البلوم طربان يقوقى ويصيّح
والعاشق ينوح لامن صباحو يبيّح
عناب الحجاز فدّع غصونو بميّح
ترا الحارق حشانا ولى قلوبنا مسيّح

يا قميرية نغمات الغرام زيديهن
وسوى القوق ونماتك عقب رديهن
على بهم النديمات القفر واديهن
ليهو سلامى والشوق يا أم جناح وديهن

انزلى فوق فريع قبل الفريق يا نايحة
كترى في الطنين متل الحوارة الرايحة
مربوعة بنات لينة ورطيبة ومايحة
قوليلا السلام ليك يا أم ضفيرة سايحة

قوليلا العشوق تعبان اذاهو مطوّل
يات من شافو اصبح في العليه متهوّل
عشان عينيك مبارى البى القفار متجوّل
لاكين لى الممات من عهدو مو متحول

كل ما شاف برق في القبلة يشلع وجّة
يتقافى المنام من عينو ياخد لجّة
نيران الجحيم ليهو في الفراش منفجة
دكتور الغرام مع اهلو عامل حجّة

قال مرضان هواك لى شفاهو مافى طريقة
في كبدو الحراب في جوفو باقة حريقة
قط ما ليه علاج من غير يقرطع ريقا
والا يمددوهو ويمسحوه بى عريقا

طارت منى قمرية المحبة وقفّت
نافضاهن على بلد الحبيّب خفّت
براى خلتنى زى جاهلا يتيم اتلفت
تقطر عينى بى الدمعة الروية الصفت

قمزت وصفقت وضربت هوايا فوق
وخلست بى رشيشا اصلو مو ملحوق
نافضاهن قلب والداً رؤوف وشفوق
شاهد في المنام دم الصغير مدفوق

قط لا اتصددت لا اتصنتت لى قوق
وسوّت لى الهبوب لفحى الهدم مشقوق
هوّت بى صقيعا منطرح واقوق
في شوفو البعير متل الخلال مدقوق

الصقر المضر لا حسب لا راعى
لى مركب غرامى الجبدولها شراعا
شافا وانعدل ختف الجناح بسراعا
واتجمع تقول حرحافا ماضى ضراعا

يا صقر السواد عينك تشوف الابرة
يخرخر ماها جدول لا تطيب لا تبرى
جناحك بى حديد شركا سريع في الهبرة
يردخو لى الكتف ردخا منافى الجبرة

علّق فوق تقول نجمة وهجع شاتيها
جاها مخوى متل الصاقعة متواتيها
هيّق لى الكفت لاكين وقع خاتيها
قيّع وانعدل عقان سبح بى تيها

حست بى هواهو اتدلدمت وانصرت
وانبرمت متل مترار فلانة الترت
هوّت بى الصقيعة تقول نجمة خرّت
وخوّت جو تقول طنوب وجيبة درّت

غتسن في السماء وقطعن سبيبة الشوف
عقب ادنقسن لى الأرض بسون فوف
بجمّع عليها بشوف حمار الدوف
وهى بتنصرّ منو غادى تسو رحيل الخوف

كبدو انسل دم داير يقصّر قيدا
وهى بقت تحوّت في المِكَر رِقِّيدة
من ربط الحبيل تب فضلتلو عِقيدة
مقطوع النصيب دخلت طريدتو عَقيدة

نزلت في كتيرا اتركبت في فروعا
كلها تترجف من السفر والروعة
قالتلو القدام قالو البلد مضروعة
كان ما صب مطر ما تنبت المزروعة

غير اليوما تام قط ما بتموت لك صيدة
والبجدعها القدر قطعا حربتو تصيدا
معلوم في المقانص تربح الرصيدة
والنوم لى القماح أم الزرع حصيدة

علق يسوى جاك لامن شميشتو انجمعت
وضحكن من قماحو بروق قبلتو ولمعت
حنت لى القميرية سحيبة ماعت ودمعت
وكت الليل برد في الوعرة ناو انسمعت


طلعت فوق فريع من الهبوب لوّاج
وجدعت شوفا بى ضى البروق وجواج
رضيت بى سقط زيفة انطلق سوّاج
وقالت الزيفة اخير لى من اضافر اب عاج

كل الليل تهلع عدتو القمرية
من اب عاج مبيتة في مخافة وريا
قبل القبلة تشرب غبشتا البدرية
صبحت دارا خالية ترا السفر باكرية

حصّلت الفريق وديارو ساعة النافلة
نظرت في البنات من غير حفل والحافلة
لقت في محبوبتى كفل أم سبيبة الجافلة
وعنق اللريل وعيون الجدية الغافلة

نزلت فوق فرع سيالة تبكى تنين
مراتن تردد لك نغيمها حنين
مراتن تسوى القوق معاهو طنين
تطرى الزول حبيبا ليهو منو سنين

محبوبتى سمعت وفهمت نمة الغناية
ونظرت ليها بى عيون التملى تنايا
دميعة زى نداية مقدة متناية
قطرت بى الخديد متبعة مى وناية

قالت كيفن حالو يا قميرية
يبقى عليهو متل العلى حمة عضام نارية
بذّكرنى عند ساعة الهجعة ويقول يا ريا
والا خلاص نسانى وبقيت عندو ما مطرية

كل ما اطراهو يا قميرية ريشات فؤادى يفرن
تقول عقد انقطع يجرن دموعى يترن
قلبى مرات يجر مرات يقيف يتحرن
واحس بى تياب جمر فوق لى عضاى انشرن

يعلم خالقو يا قميرية قلبى بريدو
فكرى معاهو رحل شال المنام فوق ايدو
الشوق العلى زايد تملى جديدو
والريد العلى فات العبار تحديدو

روّحى ليهو يا قميرية واحكى الحاصل
قوليلو الشوق عليك ليل بى النهار متواصل
قوليلو المنام بقى بى السهر متفاصل
قوليلو كفاك نجيع عود لى ديارك واصل

روّحى سافرى يا قميرية والله يعينك
ومن عقب الطريق مولاى يبقى ضمينك
جمّعى في هواك من الشمال ويمينك
لامن توصلى سيد حياك وفيهو بتنوم عينك

واحد وأربعين خمسين وخمسة فريدا { الحاردلو }

الحاردلو
واحد وأربعين خمسين وخمسة فريدا
أسمر لونا باهــــــــــــــــــي وريدا
عجلة هوسك الفي النص سمح تمريـدا
حلاتو لهيجا مــــــن مافيش بجيب الريدا
بابكر عبد الرحمن البحر

بريبت العسيم الفوق اردافا رامي وضيبا
ضامر هافا تقدل بي خطاوي قريبا
ما خلاني مجافي النوم وحالتي كئيبا
ضحابي وسرف عمري وشواني لهيبا

................

قلبي الليلة منطقت المغاني فتحة
من العاند القمح كلابي شرحة
ياعوض الكريم العيون سهر الليالي جرحة
خدو يسير وروباتو علي الكتوف لفحة
أب كرمت بعد ماشدرو الغزار ماشحة
جاه مدعدع المزعوب نهار الضحة
علي هجوم السحي الدرع قلوبنا الوحة
يا الليلة الأمل فيهو لا بطل لاصحة
ود عوض الكربم
يوم اللربحة القم بيهو من ود تي
رايق وفايق والم تب ما بي
الحويت رب الناس وإبن قصي
سهران من فراقو نايم في مواقي حصي
ديسو مع البلولي مقاسمو النصي
قوامو قوام جنيبة وعينو ظبي الصي
الصادق
بضحك ظاهري طوول وباطني مو مطروح
الله كريم علي الجتة المفارقة الروح
بنعدي الأيام يوم إجي ويوم يتروح
متل عاشق أم شور منشوي ومسروح
دربك راسو محني وعلي إتعسر
وحسسك جوة في جوجوي أبي إتفسر
رصاصك وقع في قلبي خسر وكسر
نفسك مسكة الوقع الدميرة ومسر
رانفي
قلبي الليلة ريشاتو الظريف قطاها
بين أكتافيهو وردافيهو الهضليم رصاها
تتني أبصارو لي نار أم لهيب خصاها
فرت فاهو قسمين الكبد قصاها
ودعبد الرحيم
مشتولات الجزاير أمواج بحورهن لاق
جدعن قلبي في لجة جزاير الواق
ما دام بسمني وفي يقيني عملن داق
كيفن بقدر معاهن أحلحل الميثاق

قال ود شوراني :
يوما بالعتامير فوق ضهر عنافي
ويوماً شايل اب جقرة التقيل كتافي
الخلاني شايل النهار والليل حافي
خايف اللينة تطلب شئ واقولها مافي
***
ثم قال
غنم السيسبان ضمر من الكراش
ثوب ضلوعن انظف من رفيع الشاش
الخلاني لا شائل في المدير والباش
سليب الضحى ودفع الدراهم كاش
ثم قال جلوق
قصيبة التقنت الفصاصه اصبح زارق
بعد الغفر جاها الصقط مسارق
السبب الخلا الحساب من راسي اصبح فارق
جمال العانز المن الانيس بتدارق

قال ود شوراني :
يوما بالعتامير فوق ضهر عنافي
ويوماً شايل اب جقرة التقيل كتافي
الخلاني شايل النهار والليل حافي
خايف اللينة تطلب شئ واقولها مافي
***
ثم قال
غنم السيسبان ضمر من الكراش
ثوب ضلوعن انظف من رفيع الشاش
الخلاني لا شائل في المدير والباش
سليب الضحى ودفع الدراهم كاش
ثم قال جلوق
قصيبة التقنت الفصاصه اصبح زارق
بعد الغفر جاها الصقط مسارق
السبب الخلا الحساب من راسي اصبح فارق
جمال العانز المن الانيس بتدارق

مكتوم الحريق الفي الليل نقر طنانو
داير كمعة العسل النقع في شنانو
القلل قميض عيني وهز جنانو
تاتالو وتاتايو وتني نالو في ميدانو
قال
شرفتا ريل وكفيتا خيل
لبن صهبا ودخلا مبسط
من تاتاي قديما وخطوتا اللرصت
حسيت بقلبي فارقني وكبتي انقصت

سألتك يا إلله العرش مجيب دعوانا
يا من باللي تشاء جعل الحجر إنسانا
تغر عينانا بالمنو البدور خجلانا
أبوس الخد وشم الند وشوف ميحانا

يا ود الحلال حسسي الحاسبو أنا محسسني
بي حسس القريب البارسو ويارسني
هو بعقر قفاي والسوس بجي بحدسني
غير اللصدا ما لقيت من يانسني
كاتم العبرة كان بكيت مولود مابكرسني
بابكر عبد الرحمن البحر

جود ياعالم المخفية حدّ الخبره
جود بالشوفتو تخفي الجمرو للعبره
أضوق الصحة ل متين والمنوسر إبرا
من الخلا عندي الواسعة زي فم إبرا
جود يا عالم السر الخفي وداريبو
جود ل عاشقاً مبلي جفاه حبيبو
جود ارفعني من سناي غرامو و لهيبو
جود أسعفني بالعمعم قصارو وضيبو
جود ياعالم السر الخفي ومجود
جود يامنزل الاعراف وصورة هود
يا مولاى جود بي شوفت المريود
ألفّح روبا ولحم في فؤادي نهود
بابكر عبد الرحمن البحر

في سوق القضارف كم قدلت بإصولي
وكم وسقت جمال لي أمات قلايداً لولي
بشتنبي الزمن شيلني فوق صنقوري
ركبني الحمار حت السرج مو هولي

كان معجب بفتاة اسمها الروضة بت السرة وكان له ميعاد معها لشرب القهوة فحضرت لموعده
ولكنها وجدته نائماً فأخذت عصاه (المطيرق) وعادت بها ادراجها واخفتها لكى تثبت حقيقة
حضورها فخرج هذا فى إطار التداول الشعرى العادى الى اشبه بالمسرحيات الشعرية
فى صورها المعروفة حيث تتضمن عناصر الحكى والسرد فى الإطار الشعرى ،

وهناك تشبيهات فريدة وبليغة .

يبتدر الحردلو :
ذكــرتـى بـالـبــنـــات لا عــن مـصوع فاحت
ضــايـــق غـلــبــهـــن مـن شـيـنـــتــن بتاحت
جــدع ودعــتـن بــالـلــيــم عـلــى مـا طـاحت
هـبـــرت كـفــتـى وعـقـب الـمـطـيـرق راحت
فقال له عبدالله مداعباً :
أصـبـحــت الـمـطـيــرق فـى نعـيـم وسروره
وات الـنـــوم عـبــدتـو وما قريت لك صوره
سـاعـتــيــن إن صـبـر كـت تحظى بالبتدوره
ســعــدك إن رقــد مـا بـجــبـر الــمـكـسـوره
الحردلو :
ســرفــة عـيــنـى داك الـلــيـــله مــاهــا مريه
أصـبـــح حـــالتى مـثــــل الــدخــلـو الظبطيه
أتــرجــــــاك يـــــا ابــو الـــتــــايــه اول سيه
مـا اتــواخــد اكـون فـى حـالـة غـيـر مرضية
عبدالله :
مـســـامـح يــا ابــو يــوســـف ولــو فـى مـيه
نـعــــمــــن لـلـــدغـــس بـتـــمـــســح الـقـافيه
إن بـقــى لـلـمــطـيــرق شـيـلـه جاب لـو حكيه
مـى مـســـروقــة لـكـن فــيـهــا حـكـمـة خفيه
الحاردلو :
بـعــرفــك وكـت تـقـوم فـى حجازه واجواديـه
تـبــذل فـيـــهـــا جـهــدك بـى صــفـــاوة نـيـه
مـعــلـــوم تـصــلـح الـبـطحــانى والـشـكــريـه
لـكــن الـمــطـيــرق مـا بـتــجــى غـيـــر ديـه
عبدالله :
شـيـلـتـهــا فـى الـحــقـيــقــة مـثـبـتــابــا الجــيه
خــوف مـســـك الـضـهــر والـلـوم مـع الكلــيه
بـى أســـبــاب الـمـطـيــــرق لا تـشـــيــلـك ديه
أنــا مــلـــزوم بــهــا وعـقــب الـضــمــانه على
الحاردلو :
مــطــرقـى مـن بـشـــم مـــرداء مـن الـغصان
ونـونــايــا كـتـيـــر جـــادعـــاه عـلـى الـجديان
ســراق الـمــطــيـــــرق فيـهـــو نــوع رسيان
مـو مـتـل سـراق حمارة المسمى اخوك حسان
عبدالله :
شــرف الــمــطــيـــرق سـيــتــهــا زى الـــزان
دا كــلـــو الـــســـــبــــب بـريــبــة الــعــنــقـان
والــمـــنـــاهــا هــا الــســرقــة ام حــديـثـاً بان
كـــان تــتــنـى فـــوقــــهــــا نـكــتــــر الأوزان
( أنس ... وصمت )
ويدخل عدلان ود على
جــيــب قـــاف الـمــطـيـرق خــلـنــا الـنـتـسـلى
نـتـجــادعــبــو فـى مـجــلـس أخـــوك عـبـدالله
اضـحــك وانـبــســط خــل فـاطــرك الـلـنــحل
مـى مـســروقـه اصـلـهـا عـنــد بـرنـجـى الحله
الحردلو :
طــول بـــالـــعـــســيــن قــــانـص بــــدور كلبى
مــا لــقــيــت مـســـتـحــق نــمــى ونــوادر قلبى
دحــيــن يـا راضـيـه كـان فـد يـوم معاى تنسلبى
هــاك يــا ســمـحـة زى مـا تــدورى منى اطلبى
عبدالله :
مـن حـســـس أم رشـوم الـحـار بـقــول وآ غلبى
مـمــا لـقـيــت لـى وجـيـعــاً يعرف الحاصل بى
شـمــبـــانـيـــهــا مــو بـــرانـى خــافــس قــلـبى

مسادير الحاردلو

حرف الدال

جرح جديد

ظهرن فى ها الايام جروحه جداد
بتكدر وانوح والنوم على ما عاد
من فرق ام دغستا خلقة مى مرواد
معشوق ليلى اخير ما لاى ضاقلو رقاد


سهام ام نعيم

ودوا اخبارى يا عوادى
قولوا مقيلو ان امسا بو بصبح قاضى
شمبانى ام نعيم ضابانى بى فى فؤادى
قبلو معضضه وشبرين مرق بى غادى


الليل الطويل
ان امسيت الليل على بعيد
وان اصبحت حسرات ام نعيم بتزيد
من فور محورها الراسو ونصابو حديد
بطنى اشيمطت واتل قلبى هريد



الى متى

يا حليلك قبيل وكتا بانقير عندى
جمالى مشنكتات وبخدمن الفى شندى
بعد ما بقيت مفلس وعادم الجرقندى
يا معشوقة يا متين نتقلد فى الهندى


اصابة المقتل

ها الايام بشوف زرقك كتير وابصيد
وطعنك لى قديم يا اللينة ما هو جديد
مرا تف مسك حزة وقريب ام إيد
ومرة حنضل معاه مدروش قرض مرميد

حرف الحاء

ليلى ونهارى مسرح

كبس الهم على ليلى ونهارى مسرح
بطنى اشيمطت قلبى البفر مجرح
الصايدنى كان صاد الحجار بتمرح
لكن رحمة المولى الوسيعة تفرح

حرف التاء


نمامو متلق


زى بت اب سبيب قول لى الخضر كان شفتو
نما مو متلق كان عليهو ولفتو
الدر والجواهر بيهو ان وصفتو
أقدر اقول انت الليلة ما انصفتو



دمى العزيز

غيها فى ظاهر للبدور معرفتو
فى الباين على دمى العزيز انا خفتو
عرقا فى المناكب كان كتب كارفتو
داك لومك على ما تقول عقب قافتو



ظلم المحبين


بت ال سوللن من الفروخ قادمات
وفوق القو ز لقن دفيق برم سلمات
ديل ال طبعهن دايم الابد ظالمات
أخدن كولتى منى وقبلن سالمات


بنات المسيد

انس امات رشوم كم ضقت فيهو ونلتى
متيت ما سمعتى ذكرو من الملك تنفلتى
المعزى الغيهن بطلت ليهو شغلى
يقول ود اب دبل من المسيد لى ألتى

حرف الفاء

دراهم المحبين

الداير مصاريف عندهن بتخنف
وأخاد قرشهن مليوم زمان ومنشف
ولف لى نميما فيهو ما بتخنف
عدلان قولو اجدع كلمة ما تصنف


حتى عبد الله

حت عبد الله شاف الحال معانا ضعيفه
ما قال ضوه خلت فى عقابها خليفه
الضايقين لماها قالوا : إن حلفونا حليفه
حلوة ولينة يدفى جليده من الزيفه


الكثير القليل

أجمع فى الرزق لى شان رضاهن افافى
كترتو ومسخ واتعاجزت عرافى
قدر ما أدى قدر مظنونى مانى مكافى
غير متأسف ألياخدنو كلو عوافى

كان قد أجاب بها على قصيدة محمد ود أحمودة الشاعر الفادنى:
رويان موية زين ماكل دره ومتعافى
بليدن غادى كان ما تكون وشيكا شافى
بت اللى تعيلات النطح متلافى
يبرد فى البطين لى سعدو ذابح دافى

حرف السين

الذوق السليم

الشافك قبيل ميت عليك بى حساسو
وال هسع سمع ظنيتو يقسى خلاسو
الذوق المكمل والصبا ألبى قياسو
من دون البنات فازت بو خلت ناسو


كيف خلاصى؟

قالة منامى إن اصبحت وان كت ماسى
ساعة فقدها جدن على امقاسى
جلدا مسو يخفى طاقة المدراسى
من نيران غرام اللينة كيف خلاصى


المكتوم ظهر

غى التاية دسيتو وابى يندس
أول كان ملاسعنى ودحين بان بس
تحت العقلة وقت اتلامع الكسكس
قدر النملة من غى أم نعيم ما خس

القبلة المسروقة

كم شويم لهن وكتا بفاقق وريس
كم وديت لهن من عندى واحد كيس
بسرق دغمتن نعمنى فيهن سيس
دا وكت الزمان بلحيل معانا كويس

حكم الليل

العقد المبانت وفصلو كله خروس
تلق من طرف فيهن كتير ملبوس
تتحكم عليك بعد النجم ما يغوس
توريك ريسة الريس على المريوس

حرف الراء

شيخة بنات الدار

لقتنى خجيجة فى كل الامور محتار
جاتنى مدرجة البهم الصباهو كبار
تتضلع متل مكلوف على دينار
سلمناها ليك شيخة بنات الدار


اتشرفت بها ريرة

بلاش غنانا ألما ذكرنا جزيرة
نار بيها البلد واتشرفت بها ريرة
لين فخدها المخدة سديرة
فيها شويرة اللدتو امه محيرة


الذهب خجلان

مبرومة الحشا الميها الخفيفة وطيرة
خجل التبرى من ضو جبهتا وتنويرة
زولا مج بريطماته ووسدتو يسيره
كان يقنع وتوب من الشبابات غيره


شراب على ظمأ

حمدية السرور ما ركبوك فوق عر
ما بتمجدك تقطع قراك بالمر
إن جادت عليك تديك مويخرا در
وعقبان تربعك لامن تضوق الشر


الدل المحبب

بت الما بريدن حايمة الصفير
على هنباى لقن زوزايت أما اضفير
درعاتا تغلب شقلة والكانفير
بدرى الليل تعدية حنبقة ونفير

القلب الخافق

ديل الطبعهن دايم الابد قفير
حيامة الكلب تزيدن زعزعة ونفير
مطعونن كضب ما بنفعو الغفير
قلبى بشوف عقب بادالى فى الفرفير


حربها سلام

كم شلع لكيب دوتى وخرب كجيرو
كم كسر نهيدا حالى فى عصيرو
سرى الخاتو عندو حفيظ على ستيرو
حربو معاى افضل من أيا تيب غيرو

النهد المسبوك

نهدا دق تبل ماهو المدوشش قرو
يلعب حردفى توو المراقد ترو
فوق بوش العصير الناس يقوموا يبرو
فوق ندداها كرباج النصر بتورو

السبب الحمانى

الزول الصباه فات الكبار والقدرو
كان شافوهو ناس عبد الله كانوا يعذروا
السبب الحمانى العيد هناك أحضروا
درديق الشبيكى الفصلو فوق سدرو


حرف القاف


بوراق الحب

الحم غززن لى حسارى عندى بوراق
كولهن طنعو تف لى من بعيد ما بزارق
السبب الخلانى من النقير مدارق
سكعى البانقير بى دريب اصبرى العارق


سخلة ود فهيد

جميز فامك البارى الهرف والفرق
برعيمك سمح دغمة براطمك زرق
كحلة وغر عيونك يا أم حواجبا فرق
سخلة ود فهيد ديفة الثنايا البرق

رمح حاد

درعا تا على عليو النعام مراقة
درجت عقلى فى نجيم علقته أم براقة
تف أم إيدنفج حربته مى زراقة
حادة برا نفخ فورا كتير وطراقة


امتنعت عن كل طالب

قرنك برعوهو وجدعو كلاقة
قرطن فوق عقد ورقك برا لصاقة
ست سرقة مشية ثابتة خاتية شلاقه
دى قسيت على فرسان ا والدراقة


حديث عذب

بت اليازمان قبل الرضيم تتاقه
فيها خمس حزوز شورتين عقب خناقه
تلت وبكت الخوخ النقرتو دقاقه
فوته على البنات تمرة لسان وحداقه

دهر معاكس

كم شويم لهن وكتا كتير فوق ناقة
زمنا فى طرف ريسة وشوية فاقه
عاكسنا الدهر كترت علينا العاقة
نحن برانا يا عبد الله كيف نتلاقه


جفانى النوم

ها الايام على زايد حسار معتوقة
آخد ليلى تام غمدة نهار ما بضوقه
جلد الما انسلخ لحمو وانجلب فى سوقه
كرفها قالوا منعش لى البشم معشوقه


فاقت بنات الجيل

لخلوخة تقوم مسايسه ومفروقه
بين التقنتين دفق البصير ما روقه
ان جلست معاك وان سمع منطوقه
على المشببات بلحيل بعيد معلوقه


شهادة شاعر

ديفة اليازمان جفلن على بانقوقه
دفقوا الشاهى صرف فوق عقلته المشقوقه
كان يا الليلة فى قيد الحياة ود دوقه
نما مو ملتق كان بجدعو فوقه


تحسر على الماضى

كت فى جقدله وفا قه وشوية روقه
على الدنيا راضية العندى مى ممحوقه
شن معناها هسع نمتى المربوقه
كانت ليك قبيل ما تبقى كدى مسرقه


لا أطيق فراقا

لتيب خشم الدرو الكبد البقونة بساقى
فى ناموسو فوق ساجا كبير متاقى
ديفة الفى اللتيمة مقمحة البنداقى
فى سهمين عوالى وجرسه منو فراقى

خفيف الراس

ستات اللبيق ال فصلنو مطارق
حسرورهن على كل مرة بصبح فارق
خفيف الراس شفق جاب لى الخبر مسارق
قالوا بحنسوهو وخالتو فى بطارق


نسام الغفر

لتيبا حارسو حراتو ومسايس وفارق
عقب الحرة صقار من السموم مدارق
أتناين عروقو وراح فصيصو يزارق
لامن جاهو نسام الغفر مسارق


الحساب الفارق

حسرورن زمان انا ضيقنبو خلاقى
طول الليل مساهر وعينى ما بتلاقى
من فرط البجينى الهجعة بى العراقى
وين ما دور أغلق فوقى يصبح باقى


جيل طردونة

مطرقى مابمضع فيها لى السواقه
كتلت من عصرها وما انخبر سراقه
جيل طردونة هادا ما لى فيهو علاقه
يا ريت السركه تكون لى فيهو لياقه


حرف الكاف

شيطان الشعر

كل صبحا جديد بسمع ربعا غريب فى غناك
من شدة فهم ولا أم نعيم قابلاك
أحكى لى الصريح والشئ ال عليه مطاوعاك
خلنى ها النغنى والضايقو أضوقو معاك


نصيحة عالم

مما قمتى فوق ساجك مولع ضيك
ما اتبعت عر لافية العطاش بى ريك
السرع والنشاط ما بشبهن لى زيك
تاتى المشية خلى الناس تموت بى غيك


بدرى النخل

العتب الكتير يا بدرى لى السماكى
ما شاف النخل وكتين إميل متاكى
كان خلقك تمام ومصدقات دعواكى
ود بنقالى كان اقعد تملى معاكى


شديرة من قاسك

بت اليازمان جا بالقماح قناصك
لا بهجس ولا بضوق الغميد جساسك
فى الزمن القبيل عاجبانا قوة راسك
شن معناك بقيتى شديرة لى من قاسك



حرف اللام

الساق المصبوب

فى امات البنات حايدانى ولدت نيلة
وساقا دقوصب عقب القناية عديلة
انا واياها كان بيناتن ا جارية خليلة
اقنع بيها من غى العرب والعيلة


جمر الحسار

بشكى عليك " يااللوس " صديق الخلة
ماقال لى بت نور خاتمة العرب والحلة
كان خلتنى فوق جمر الحسار إتقلى
شوفتك تبدل الصابق الرغيبة وصلى

رجع الكلام

ود الفونج حديثك فى امات عقيدات لولى
واقع بف دحين رجع الكلام لى قولى
أم ريقا متل عناب جنينة الخولى
قالت لى رجب ما جيتا شن سيتولى


هبرت كفتى

ديفة اليازمان وردن قبل كلكول
جفلن بى صقيع وكتين بدا لن زول
ما بمسك جيدهن خيل ولا زهمول
هبرت كفتى وساكت قعدت فى سهول

درجات من الجمال

فى يوم الجمع بلحيل رطبها عوالى
ما خده النورة فوق الصفصفو الغربالى
إن ثبتت سيادتك للشباب اجمالى
تحكابها الدول لا عن سراية الوالى


ضراعة عاشق

أمرك نفديهو وفى الحكم ما تبالى
مكيون سلمك رتبة مدير طوالى
بضرع تملى ولى الخلقنى سؤالى
من شأن أم قرين ما ينقطع ميصالى

الدمع المنهل

أجاب الحاردلو قائلا معلما الشاعر كيف يقول الشعر:
البارح طريت ليمك هوية ليل
مسافتك يا أم رشيم لى ابعدت بلحيل
أل خلى صبيت عينى جلبا سيل
ضوق الكمعه مسخ تافح القنديل


آمنة سوت

جات آمنة سوت مسخ علينا الجيل
طبلت قيدها كع فى العاصى والعنتيل
الشرباتة شتت والعواصى تسيل
مى داب ود رهد مدروك مجر النيل


دلاح ادريس

جيب دلاح دريس خل بيهوها النسله
ما ببرد على فرق الفويطر و مجله
بعد جيعانه والملق الحضاها إتمل
ظنيتو القعاد امسخ لى يا عبد الله


حرف الميم

القلب المطفطف

خلانى البريق داك البلوح قدامى
بصدد متل جفر الجمال الرامى
طفطيف قلبى عادنى وزاد خيال احلامى
عقبان طول اللسنات على لوامى


صبوة العابد

ترى شفناها بت بت المعرز عومو
الحاويها فى السالكات مندر كومو
على المتشببات سوقك بعيد فى سومو
شوفتك تبدل الحارت صلاتو وصومو


أيام مضت

كم شويم لهن وكتا عدال ايامى
شيخ اللتبراوى وفيهو ماشى كلامى
بالغبى والبيان ما بطلها الغنامى
دى قسيت على ناسا كبار ومسامى


بنات العام

الضو ال بشوفو بدا لى يا قدام
برقا لاح بعيد ولا فريقها بت هجام
انا واياها كان بيناتنا ماشى كلام
اقنع بيها اصلا من بنات ها العام



طعام من حنظل

جفر الجمال حاكيتو ها الايام
من زولا بدلنى وصابنى منو غرام
الخلانى انوح بعد السقد ما نام
الهور والحناضل ستو لى طعام


أحلى من المسك

طاقة التاجر الجابها المسافر الشامى
فى سوق الحراج دلالى فيك ما بسامى
مسيكة أل كت قبل فوق بلغة العوامى
عرق التاية افرق منو لى الشمامى


قل نومى

من ديفة ال بغادرن درت الكرامى
اللحم انسلب رابن على عضامى
التاية ام شليخ حسرورها قل منامى
فيها مكملات خلق الجدى البعامى


حرف النون


نسينا اهلنا

الزول السمح يوم الخميس واعدنا
فى ديم كسلا إن سافرنا منو ابعدنا
يا عبد الامين ما شفتو كيف واددنا
ترى هادا المنسينا العقاب وبلدنا



حكم الشاعر

يوم بوش العصير مرقت عليهو أمونه
خلت جيلو كلو تقول كياييل شونه
الناس أل بماثلوك على هنونه
مخسوفين عقل ما عندهن موزونه


دموع النافلة

بت ألبى سرب قناصى ما نشاهن
مرقت من كلاب ألبى الشرع وشاهن
من سرق إيدى جيزان الدموع بشاهن
رقدن فى الشلوخ لا النافلة ما قشاهن


كلام الناس

البارح كلام الناس بدور افرقنا
كلو مرق كضب عقبان صفينا ورقنا
الدرعة أم شلوخ ستة مالكة عشقنا
تتمايح متل قصبة مناصح الحقنه

فوق كم ؟

قوم يا اللوس أرح فوق كم عقب قعدتنا
نبل شوقنا ونشوف اللينة بت بلتنا
فوق جمرا صنوبر والهبوب هبتنا
نعود النمهن دايم الابد شغلتنا


يأس العاذل

تام قنعان خلاص واتيقن الهادينى
قال لى توب وارجع من طرق سيتينى
من فرق الشبيشب الوسادتو يمينى
من المستحيل يسهى وينوم ودعينى


الريال البرانى

شتن والعقد الفريد احمد ترى أورانى
وتعب الفى العقاب لى هيادة اترجانى
وكت الحضرة جات من بيتها ها الورانى
ود الفونج على ريالك طلع برانى


الظاهر المخفى

الناس كلهم يهدونى
من اللبنت فوسيب جزائر عونى
أكلتم حبها واخفاهو ما يدرونى
يظهر كل مرة ويفضحنو عيونى





عيون القلب

بع ليهن شبابى كان إحمدن
ترك ليهن الفرض والسنة عمدا
كلاب شرع القنيص بى دريبها رمضن
عيون القلب من البصلحنى رمدن


الشباب خجلان

ضربولو الهبك واتجمع البيشان
جات تقدل مهيرة كرجة ود عدلان
العينين بعاينن والشباب خجلان
حققنا القمر يخفى النجم إن بان


حرف الياء

اللهيج النى

زينب فى البنات مى داب سماحة الزى
شن تشبه بلا اللدتو أمو ودى
فيها تلت خصالا ما حواهن حى
الصبا والجمال عقب اللهيج النى


شوق زينب

بعد سبعين سنة وبيض سبيب عينى
ما بحسب بساهر من طوارق الغى
شوق زينب ترى خلانى منى ولى
أشكى على الغصون لى من يعرف ألبى


قل حياى

ما بتشوفنى هسع كيف بقيت مى اياى
يوما تب اغيب ويوم اطش بى خلاى
فرق النية بلحيل قل على حياى
فيها شبه خلق بريبة الباسياى


عجز الشعر

أبى يبقالى فوق غيرك اجيب بوباى
لا شفناك ولا خبرنا بيك حجاى
القاف السبق والدايرو من أوجاى
كل أل قتو فى وصفك أراه دون جاى

حرف الهاء


قوز ود ضياب

قوز ودضياب يالليل ترى بى شياهو
بهما بطرد فرحان ودعاجبو خلاهو
زولا فى أم قدود المولى كان اداهو
يقعد عندهن يترك لهن ماواهو


قالت واحدة منهن

واحدة منهن قالت ولوفنا تراهو
قلت ليهن نعم محسوبكن اياهو
الصبا والجمال الدايرو ها اللبراهو
ترى هدا الهرد قلبو وقسمها وكلاهو


شهادة مجرب

بت ناس فاطنه زينب فيها عنقا باهى
شن تشبه برا الفى النالة غريد ساهى
حلفوا الضاقو ليمك فوق كتاب الله
أحلى نفيسها مالا الزعفران والشاهى


القلب المقصوص

يارب يا إلهى ألبى الجمال خصاها
شبريق الملاين شوفو كيف رصاها
سلطان الغرام بالتيه على عصاها
شنبانيها ريشة قلبى طب قصاها


كرباج النصر

جمال أمات خدود قط ما انذكر لى براها
بكرة إن شال قدمنا الكريم نصباها
فى بوش العصير كية الشباب خالفاها
كرباج النصر بتورو فوق ندداها


عتر وما سمى

ود اللدرع أل بين ود فهيد ومساهى
فى شورتين تحت حزاز وريدو الباهى
ما شفت أم نعيم الكنت بيها بلاهى
دابى عتر دحين ما قلت بسم الله