شعراء الحقيبة... توثيق شامل

تذكير بمساهمة فاتح الموضوع :

توثيق شامل لكلمات شعراء الحقيبة .. وهم :

ابراهيم العبادي--احمد محمد حسين(العمرابي)--احمد محمد الشيخ الجاغريو--خليل فرح -- سيد عبدالعزيز--صالح عبدالسيد ابوصلاح--عبدالرحمن الريح--عبيد عبدالرحمن--علي المساح --عمر البنا--محمد الرضي ودالرضي--محمد بشير عتيق--محمد علي الامي--مصطفي بطران..

سعادتي مؤكدة / عبد الرحمن الريح

أنا بيك سعادتي مؤكدة
وبلاك حياتي منكدة
حرام عليك يا جميل
ما صح عليك تعمل كدا

يا من محاسنك بقلوب
عاشقين مستفردة
خليتني أشكو من الغرام
وأقول حقائق مفردة
وأقول حبيبي عمل عدوي
خلاني لي الأذى و الردى
ما عندي مانع حتى لو
ضيعني ساكن الموردة

أنا بمحاسنك بفتخر
وانت المحاسن سيدا
يومي الأشوفك يبقى عيد
والدنيا تبقى معيدة
البدر إن شافك يزول
من الأنوار الجيدة
أما الشمس لو شافتك
ترجع أسيرة مقيدة

أنا طرفي شايفك يا جميل
أخد اللجين العسجدة
مهما أعاين في الشباب
وين ذي محاسنك أوجدا
قبال أراك أنا كنت في
أيام جميلة مبجدة
متى روحي من بعدالعذاب
تشفق عليها وتنجدا

بقا عقلي مشغول بالوصال
وأفكاري ديمه مهودة
خايفك تحرض يوم لقائي
وأيام عذابي تزودا
بالنفرة والجفا والصدود
مسلتا غزلان الودا
نفسك على الجور والبعاد
والعزلة اوعه تعاودا

يا من على حرب العشوق
لحظك جيوشه مجندة
وقامتك تطيبك كأنها
مخلوقة من قطر الندى
والحكمة في كونك بخيل
واهلك أرابيب الندى
أصلك بتدلل علىّ
ولاّ الحكاية معاندة

احترامي اليك / عبد الرحمن الريح

إحترامي اليك
من صميم قلبي
غير ما أشعر
اتفاني عليك والدليل حبي
تسمح تنظر
شوف دموع عيني سايلة فى خدي
من لهيب الشوق..برضو مافي خلاص
هكذا يا ظالم جزا الاخلاص

دبت في حبك
و الفؤاد مجروح
ما فضل مني شئ خلاف الروح
هكذا الأشواق تسمو بالعشاق
من ثري الأشباح
لسما الأرواح
حيث تروي هلال
للنجوم معناك سامية في علياك
طاهرة كالاملاك

إنت ابهج نور من بدور الكمال
تجعل الفنان عبقري الخيال
لو نظم أشعار او عزف أوتار
تندهش افكار
والعقول تحتار
ياجميل ياما في الجمال أسفار

أنا في شخصك بحترم أشخاص
و طبعا عندي إحترامك خاص

الحرموني منك / عبد الرحمن الريح

ياالحرموني منك
أنا يا حبيب قلبي
سائل دوام عنك
يا الحرموني شوفتك
أنا في قلبي صورتك
كل ما ذكرو سيرتك
ازداد بي شجوني
يجفو النوم عيوني
ويزحم قلبي حبك
يا المنعوك زيارتي
هم شاعرين بحالتي
وماجاهلين مكانتي
لكن التقادير
حجبت عني شخصك
منعونا التلاقي
لكن رغم ذلك
ظل هوانا باقي
أسأل طيف خيالك
عن فرط اشتياقي
وأسأل نور جمالك
عن نار احتراقي
طبعا يا ملاكي
لو يرضيك هلاكي
أنا لا أعصى أمرك
حجبوك حيروني
أبو ليك يذكروني
ليه يا حبيب أراهم
زايدين في جفاهم
من شدة قساهم
مانعين التفاهم
برضي أقول
عساهم
يسمحوا لي بوصلك

الم الفراق / عبد الرحمن الريح

ألم الفراق واشكي
لمين أنا أحكي
يوم الحبيب ودعني راح
ضاعف علي ألم الجراح
كان لي أمل أجد إنشراح
وأجد مع المحبوب صراح
كانت دموع عيني تسيل
كلما أشوف وجه الجميل
بين الزهور وعلى النخيل
بكت الطيور يوم الرحيل
مهما تزيد الروح ضرام
ليك الوقار والإحترام
أحب كتير أيام أراك
انت المنى وانت المرام
ياروحي ماهذا الصدود
وأنا دمعي جاري على الخدود
لو كان قليل خليك ودود
فرط الدلال فات الحدود
أنا ياحبيب عاشق أسير
أعتز بيك واهواك كتير
لو قلت لي غيرك سمير
مولانا عارف الفي الضمير
أنا يا حبيب الروح محال
أنساك لو هجراني طال
لو أبعدك عني الدلال
لابد من يوم للوصال

يا غايب عن عيني / عبد الرحمن الريح

يا غائب عن عيني مع أنك في قلبي
أيه حاصل بينك بين حسنك وبين قلبي

مهما الأيام طالت اذكرني وصون عهدي
أذكر حبي الصافي وأذكر أيام ودي

أيام ما كان منظور يوم تختار بعدي
أيه الأسباب مالك متباعد عن قربي

يا حبيبي تعال مرة انا مغرم بيك هايم
سهران والكون كلو في صدر الليل نايم

مابين محتال واشى وعازل فى الحب لايم
حسدوني الناس وظلموني انا مخلص يا ربي

يا حبيبي ليه انت دايماً علي جاير
دايما مخليني بين الأنام حائر

الدنيا فرحانة والكون جميل ناير
وانا بالجمال مالي معذب يا ربي

مع احد رواد الحقيبة الشاعر / عبيد عبد الرحمن

عبيد عبد الرحمن 1908-1986م

ولد الشاعر المبدع عبيد عبد الرحمن عام بحى العرب بأمدرمان ذلك الحى الموسوم بالفن والغناء والطرب.

تلقى تعليمه فى المرحلة الأولية ولكن ظروفه حالت دون مواصلة تعليمه فعمل مع والده بعض حين وظل يكثر الاطلاع على كتب التراث
فيهضمها بقريحته المتوقدة وذهنه اللماح.

وقد برع فى قول الشعر صغيراً تماماً كصديق عمره سيد عبد العزيز فقد نشأ فى ذات الحى العريق
فتوطدت بينهما صداقة خالدة على مر الأيام الى أخر العمر
وجمعت بينهما صداقة الشاعر الأديب خالد آدم ( ابن الخياط) فراحوا يتعاطون الأدب.

وعبيد عبد الرحمن صاحب مدرسة فى الشعر الرصين..

ولقد سبق معاصريه بالأخيلة المدهشة والصياغة المحكمة والكلمات الرقيقة المهذبة
فقد وصفه الشاعر عبد الرحمن الريح بقوله :

كم عبيد فى شعره الرصين كان مثال اللبق الأمين
منه تظهر فى كل حين تحفه تشجى الناس أجمعين

صدر له ديوان شعر بالأشتراك مع صديقه الشاعر سيد عبد العزيز بعنوان ليالى زمان حوى بعض المختارات
ثم صدر له ديوان زمن الصبا وأخيراً صدر له ديوان من جزئين عن دار البلد للطباعة والنشر والتوزيع.
الأول بعنوان رسائل والثاى بعنوان غزال البر.

ومثل صديقه سيد عبد العزيز وسائر شعراء الحقيبة فقد كان عف الحب يهتم بجمال الروح والذوق السليم ف
قد كان الحب العزرى عنده سجيه ولكنه عندما اضطر الى الوصف الحسى فقد بز جميع الشعراء
الذين تنافسوا فى وصف فتاة أثناء الرقص فى قصيدة منظر شىء بديع ما أحلى الغزل.

وعبيد عبد الرحمن حديقة مختلفة الألوان تفوح بالشذى والطيب وهو كشجرة النخيل
كلما هززناها تساقطت رطبا جنيا.

قصيدة رسائل
• من اغانى عام 1954م
• لحن وغناء الكاشف
• ( هذه القصيدة عبارة عن رسالة أرسلت لصديقي الشاعر سيد عبد العزيز عندما نقل الى مدينة الأبيض)

حبيبيى ... أكتب لى
وأنا أكتب ليك
بالحاصل بي... والحاصل بيك
***
الباقى على .. أنا شوق وحنين
واقيم الليل آهات وأنين
أتقلب ما بين الجنبين
فارقنى حبيب آلفنى سنين
إستحكم بينى وبينه البين
ماليك أمان
ياذا الزمان

ياليالى زمان... الله عليك
أنا أكتب ليك
وانت تكتب لى

يا حبيب روحى .. ونور عيني
يا وحيد عمرى الما دمت حى
أكتب لى عن كل شىء
أذكر ودادى
أرحم فؤادى
أرع الوفا ودع الجفا
وأذكر صفا أيامنا ليك
أذكر جلوسنا على الربى
نستعرض أسراب الظبا
نسمع لهمسات الصبا
ونحن فى عز الصبا
أبسم اليك تبسم معاي
جالس حداى تسمع غناى
مع صوت الناى
دا أنا يامناى الطول حياتى
بغنى ليك

قصيده الليل ما بنومه
• من أغاني عام 1954م
• لحن وغناء الكاشف

• ( كلمات تفصح عن أنها قيلت فى حبيب هاجر مخادع)

الليل ما بنومه
أنا حارس نجومه
طول يالليل وهود عاجبني طول الليل
الليل نسيمة عليل الليل سكونه جميل
الليل به النسمات تتأمل الأفلاك
الليل بع العشاق تتذوق الأخلاق
تتناجى بالأرواح
ولشدة ما ترتاح
ما دايره تانى صباح
أنا راصد كواكبه
تايه فى ظلامه
وساير فى مواكبه
سابح فى خياله
وما عاشق جماله
بس لى فيه ذكرى وماخذ عنه فكرة
يكون فيه التلاقى وانظر فيه حبي
والحابيه قلبي
ينظر ما ألأقى
يا ليل أنت شايف توليهي وهيامي
ويالليل أنت عارف أشياء من غرامي
أما بلغك ياليل
***
بالله عيرنى سماع
أحكيلك حبى الضاع
وتغير الأوضاع
هويت محاسن إنسان فى غاية الإبداع
عاهدنى وحبيته ووجدت عهده خداع
الوداع
الوداع
الوداع

قصيده أزاك يا عيونى
• من أغاني عام 1956م
• لحن وغناء ابراهيم الكاشف
• ( والأغنية نتيجة أحاسيس خفية تسببت فيها العيون وما أكثر ما تتسبب فيه العيون)

أزاك يا عيونى ... جزاك
درت السهر لى روحك براك
***
ورينى كيف
زدتى إنهمال
ورينى ليه
شفت الجمال
مسحورة بى سحر الدلال
مفتونة بى عيون الغزال
الله لا يهدى الكان هداك
***
الليل ليك كم ليل ويوم
ولهانة سهرانه النجوم
فى سيل دموعك عايم عوم
لا شايفة زول لا لاقية نوم
***
يا عيونى ايه
الكان هداك
تتشابي لى
شوفة الملاك
***
سببت لى يا عيونى نوح
وهديتى لى قلبي الجروح
هزيتى جسمى أذيتى روح
وبعدت بى عن النصوح
وقعت فى شراك الشباك
وأحترت كيف أعمل معاك

قصيدة حليل زمن الصبا

• الحان وغناء ابراهيم الكاشف

حليل زمن الصبا الماضى
حليل زهر الحياة الزاهر
حليل زمن الحبيب راضى
حليل زمن الهوى الطاهر

حليله الأبلج الباسم
حليله الكاحل الناير
حليل قمر السما القاسم
لياليه وصبح داير

آه لو آه تفيد مجروح
والمثل القديم ساير
رهاب ما حصلوا الجارى
وسماك ما بحصلوا الطاير
تجدنى مراقب أخبارك
إذا النسمات بها تخابر
تجدنى على الفراش مضنى
تجدنى على الأسى صابر
***
أنا البعدك أصون عهدك
وليتك كنت بى خابر
وليتك مرة تذكرني
ولو فى ذكرة الغابر
***
فداك نوم عيوني يا نايم
وهل بلغك أنا مساهر
أراقب فى كواكب الليل
أرك بيناتها ماك ظاهر
أغفى الطرف وأتناوم
أقول للحسنة لى جاهر
متين أنظر جمال نورك
ووين يا كوكبي الزاهر
جمالك يسعد الشافك
صباحك يشرح الخاطر
مياسك الهلك ناسك
ودلالك وبسمة الفاطر
***
عيونك وإزدهار لونك
زهور وشما الندى القاطر
وروحك نسيم الروض
إذا مزجوا الشذى العاطر
***
تعود لى مسالمتك سالم
بعودة سلامة يا مسافر
أِوفك زى ملاك رحمة
أشوفك زى غزال نافر
أِوف فيك هيبة الظافر
أِوف فى محيك البدر
البفوق بدر السما السافر
***
ذكرى أهاجت الذكرى
دوام فى فكرتى تخامر
حليل الماضى وأيامه
حليل الرونق العامر
حليل زمن الحبيب طائع
حليل زمن الحبيب آمر
زمنا الكنا لا ندرى
بما كان الزمن ضامر

عبيد عبدالرحمن «أذاك يا عيوني»
عبيد عبدالرحمن «أسمعته تغريدي»
عبيد عبدالرحمن «أفكر فيه و اتأمل»
عبيد عبدالرحمن «الجمعة فى شمبات»
عبيد عبدالرحمن «الشال منام عيني
عبيد عبدالرحمن «آلفني»
عبيد عبدالرحمن «الليل ما بنومو»
عبيد عبدالرحمن «أنا ما بقطف زهورك»
عبيد عبدالرحمن «أنا يا طير بشوفك»
عبيد عبدالرحمن «آه من جور زمانى»
عبيد عبدالرحمن «بي هواكي»
عبيد عبدالرحمن «جاهل وديع مغرور»
عبيد عبدالرحمن «حجبوه من عيني»
عبيد عبدالرحمن «حليل زمن الصبا الماضي»
عبيد عبدالرحمن «ذكراك سميرة روحي ومؤنساها»
عبيد عبدالرحمن «رسائل»
عبيد عبدالرحمن «زاد أذاي يا صاحي»
عبيد عبدالرحمن «صفوة جمالك صافي»
عبيد عبدالرحمن «ضاع صبري»
عبيد عبدالرحمن «ظلمونى الناس»
عبيد عبدالرحمن «غزال البر يا راحل»
عبيد عبدالرحمن «لي حبيباً فاتني ريدة
عبيد عبدالرحمن «محبوبي لاقاني»
عبيد عبدالرحمن «من محاسن حسنه المحاسن»
عبيد عبدالرحمن «يا سليم الذوق»
عبيد عبدالرحمن «يوم الزيارة»

رسائل.../ عبيد عبد الرحمن

حبيبى اكتب لى وانا اكتب ليك
بالحاصل بى والحاصل بيك
الحاصل بى انا شوق وحنين
واقيم الليل آهات وانين
فارقنى حبيب آلفنى سنين
ماليك امان يا دا الزمان
ياليالى زمان.. يا ليالى زمان
يا ليالى زمان الله عليك
,,,,,,,,, ,,,,,,,,,
اذكر جلوسنا على الربى
نستعرض اسراب الظبى
نسمع لهمسات الصَبا
ونحنا فى فجر الِصبا
ابسم اليك تبسم معاى
تسمع غناى ..
على صوت الناى
انا يا مناى
انا طول حياتى بغنى ليك

الزيارة..../ عبيد عبد الرحمن

أفكاري الحيارى .. وتاهت باختيارا

حبيبي آه قلبي تاه .. في يوم الزيارة

الدنيا وعمارا .. الجنة ونعيما بزهورا وثمارا

فصود في خدود يضون .. وخدود بدون أمارة

يرسلوا نور ملون .. أحمر أخضر أصفر

فاتن يا سمارا

التفت وأهداني تظرة .. تزري بالزهر اذدهارا

مثلت فيها البراعة وخفة الروح والمهارة

الشغل عقلي بفنه .. نظرة مني ونظرة منه

وارتفعت الحرارة .. والتهبت العواطف

وأصل النار شرارة

ماهو عارف البي .. لانه لسه نونو

حوله ناس بالعيد يهنوا .. ناس متابعنه ويهنو

وانا روحي ليه تهوم .. داعيها حادي الشوق

هايمة بليلها ونهارها .. وانت يا الناعسات عيونك

الله لعيوني السهارى

غزال البر يا راحل../ عبيد عبد الرحمن

غزال البر يا راحل
حرام من بعدك الساحل
أنا المن حالى ماك سائل
***
أنا المنى الفؤاد مضنى أنا المنى الدمع سائل
أعانى عذابي الهائل
أخذ منى الفؤاد مأخذ
ونال منى الهوى نايل
***
غبت عن العيون
أما الفؤاد بي ذكرتك آهل
فراقك يا حبيب قلبي
على ما تظنه شى ساهل
ظهر فى وجهى تأثيره
***
وصبح منى الفكر زاهل
وتعرف كل ده ولكن
تقيف عن أمرى متجاهل
***
سمير الأنجم الزهرى
ليلى بنهاره متواصل
فقدت منامى وأحلامى
ومافى من الألم فاصل
جميع ما أنت ترضاه
جميل منك إلى واصل
تأكد ماكذبتك شىء
وحات روحك هو الحاصل
***
أنا مجنون هواك
لكنى أظهر مظهر العاقل
أخاف على حبك أضمضم
أخاف يجد الكلام ناقل
أخيل خدك الأسل
أخاف من لحظك الواقل
يشوفنى ويمضى تأثيره
يسيبنى ويمشى متاقل
***
حبيبي تبين الأخبار
إذا كان يوم يجيك عازل
يريد يوشيك عن امرى
فأفهم أنه مترازل
أقول ليك الكلام الجد
وما أنا فى الكلام هازل
وما أنا للوداد ناسى
ولا عن حبى متنازل

حجبوه من عيني.../ عبيد عبد الرحمن

حجبوه من عينى إلا من قلبي
لا ما قدروا حجبوه

****

حجبوه من عينى وضاروه حاسدنى
بقو بينه ما بينى
لا أدرى ما ذنبي المنعوه من حبي
وبعدوه من قربي وابو لا يبارحوه
هو منطقى وذوقى سموه معشوقى
الليهو زاد شوقى مع أنه فى قلبي
هو الوحيد حبي

****

يا عوازلى وصحبي بس ما تشوفوه
هو ما بتشوفه عيون وما حاموا حوله ظنون

****

وديع رقيق وحنون
هو القطعة الشيقة
والشمس المشرقة
والنار المحرقة
أهو رمزى حلوة

حليل زمن الصبا.../ عبيد عبد الرحمن

حليل زمن الصبا الماضى
حليل زهر الحياة الزاهر
حليل زمن الحبيب راضى
حليل زمن الهوى الطاهر

حليله الأفلج الباسم
حليله الكاحل الناير
حليل قمر السما القاسم
لياليه وصبح داير
آه لو آه تفيد مجروح
والمثل القديم ساير
رهاب ما حصلوا الجارى
وسماك ما بحصلوا الطاير
تجدنى مراقب أخبارك
إذا النسمات بها تخابر
تجدنى على الفراش مضنى
تجدنى على الأسى صابر
***
أنا البعدك أصون عهدك
وليتك كنت بى خابر
وليتك مرة تذكرني
ولو فى ذكرة الغابر
***
فداك نوم عيوني يا نايم
وهل بلغك أنا مساهر
أراقب فى كواكب الليل
أرك بيناتها ماك ظاهر
أغض الطرف وأتناوم
أقول يا الحسنو لى جاهر
متين أنظر جمال نورك
ووين يا كوكبي الزاهر
جمالك يسعد الشافك
صباحك يشرح الخاطر
مياسك ده الهلك ناسك
دلالك وبسمة الفاطر
***
خدودك وإزدهار لونك
زهور وشما الندى القاطر
وروحك روح نسيم الروض
إذا مزجوا الشذى العاطر
***
تعود لى مسالمتك سالم
بعودة سلامة يا مسافر
أِشوفك زى ملاك رحمة
أشوفك زى غزال نافر
اشوف فيك منتهى الرقة
أِشوف فيك هيبة الظافر
أِشوف فى لثامك البدر
البفوق بدر السما السافر
***
ذكرى أهاجت الذكرى
دوام فى فكرتى تخامر
حليل الماضى وأيامه
حليل الرونق العامر
حليل زمن الحبيب طائع
حليل زمن الحبيب آمر
زمنا الكنا لا ندرى
بما كان الزمن ضامر

اذاك يا عيوني.../ عبيد عبد الرحمن

أزاك يا عيونى ... جزاك
درت السهر لى روحك براك

ورينى كيف
زدتى إنهمال
ورينى ليه
شفت الجمال

مسحورة بى سحر الدلال
مفتونة بى عيون الغزال
الله لا يهدى الكان هداك

الليل ليك كم ليل ويوم
ولهانة سهرانه النجوم
فى سيل دموعك عايم عوم
لا شايفة زول لا لاقية نوم

يا عيونى ايه
الكان هداك
تتشابي لى
شوفة الملاك

سببت لى يا عيونى نوح
وهديتى لى قلبي الجروح
هزيتى جسمى أذيتى روح
وبعدت بى عن النصوح
وقعت فى شراك الشباك
وأحترت كيف أعمل معاك

من محاسن حسنه المحاسن..../ عبيد عبد الرحمن

من محاسن حسنه المحاسن
وفى جبينه النور والجمال

مالى والغزلان فى تلالن
ايه ينيل قناص غير علالن
كيف أطيق وأتحمل ملالن
يعشق الغانيات فى ظلالن
بعشق التايهات فى دلالن
بعشق الهيباتن جلالن
بعشق الأخلاق والكمال

هن كما الأفلاك فى سماهن
فى بروج البدرين حماهن
مافى خاين طالن رماهن
دارت الأيام هن كما ياهن
مترفات ناعمات بانتماهن
هن خزائن الدار بين لماهن
المسك والراح والزلال

شوف جمال الحى نورو باين
بعشق الأزهار فى الجناين
بعشق الرمان غصنو لاين
بهوى زولا ما زانه زاين
بهوى طبعو اللى عرضو صاين
بهوى حسنه وخايف أعاين
أنسحر بى سحرو الحلال

بين خدودن وبين انفصادن
يجرى بحر السيف يروى صادن
شوف عيونو الأكباد حصادن
والبطير ما طار من مصادن
ناعسات كاحلات صابنى صادن
كيف أطيق الموقف قصادن
ما بطيق رميات النبال

يا زهى الأزهار حين لباسن
والغصون من لونك مياسن
هاك عقودى الناظم قياسن
من درارى وغاص فكرى كاسن
مبكرات أشعار فى جناسن
فى وريدك خايل لباسن
زى نجوم الليل للهلال

ما سليت إن نهت النواهى
فى هواك أو دهت الدواهى
برضى بفخر بيك وبباهى
ليلى هاك أفكارى السواهى
تحكى ليك آمالى الزواهى
ليلى آه أنا جسمى واهى
ما بطيق للهجر احتمال

الليل ما بنومو..../ عبيد عبد الرحمن

الليل ما بنومو

الليل الليل ما بنومو لأني
أنا حارس نجومو

طول يا ليل وهود
عاجبني طول الليل
الليل نسيمو عليل
الليل سكونو جميل
الليل به النساك تتأمل الأفلاك يا ليل
الليل به العشاق تتذوق الأخلاق

تتناجى بالأرواح
ولشدة ما ترتاح
ما دايرة تاني صباح
الليل الليل ما بنومو لأني
أنا حارس نجومو

أنا راصد كواكبه تائه
في ظلامه سابح
في خيالو سارح
وما عاشق جماله
بس لي فيه ذكرى
وماخد عنه فكرة
يكون فيه التلاقي
وانظر فيه حبي
الحابيهو قلبي ينظر ما يلاقي
الليل الليل ما بنومو لأني
أنا حارس نجومو

ويا ليل يا ليل يا ليل يا ليل
بالله عيرني سماع
اشكيك حبي الضاع
وتغير الأوضاع
هويت محاسن إنسان
في غاية الإبداع يا ليل

عاهدني حبيته
ووجدته عهده خداع
قت ليهو الوداع
يا حبيبي الوداع
الوداع الوداع
يا سميري الوداع
الليل الليل ما بنومو لأني
أنا حارس نجومو

انا يا طير بشوفك ../عبيد عبد الرحمن

أنا يا طير .. أنا ياطير بشوفك

فرحان وبتغني .. وحبيبك معاك

وحبيبي .. غاب عني

أنا ياطير موله .. محزون لاني

وحيد .. حبيبي غايب

آه يا طير .. وتاني علي مصايب

من ادهى الغرايب .. لي اجمل حبايب

صدوا .. وبعدوا مني

أنا ياطير حبيبي .. للآلام تركني

وبدلل عليّ .. وبالهجران هلكني

زعلان مني صد .. وبرايه استبد

اتناسى المودة .. واعتاد التجني

ياريت كنت زيك .. لو يجدي التمني

حبيبي يكون .. معاي

وفي الاشجار نقيل .. وبالاغصان نميل

بخفة جناحك ..وحرية سراحك

في الافنان .. نغني

آلفنى ../ عبيد عبد الرحمن

آلفنى فى البرهة القليلة
وفارقنى ما بين يوم وليلة
صادفنى فى داخل خميلة
هتن الطل سقاها
بعيونو الهميلة
والأوراق تداعب اغصانها وتميلها
وثغر الفجر ضاحك
والزهرة الجميلة
تختال لى انا لازال أخيله
فى ظاهر عيونى
وفى داخل الخميلة
روضة رشح نداها
يفوح طيبه ونجيلة
بى باسمات زهورها
وبىباسقات نخيله
خطرت لى والخاطر يجيله
بين قلبي المعنى
وبين روحى الوجيلة
الصدفة العجيبة
والفرقة العجيلة
والقعدة اللذيذة
فى تلك النجيلة
***
صدفة وكان معناها ودليله
رأت العين حبيبه
وروت الروح غليله
***
مشهد كان يمثل
قيس يوم لاقى ليلى
بالحب المولد والعاطفة النبيلة
***
فارقنى وماباليد حيله
ساب الروح يتطلب رحيله
ياخدوده الندية
ويا عيونه الكحيلة
هل من شوفه لى
أم هى مستحيلة

زاد اذاي يا صاحي..../ عبيد عبد الرحمن

زاد أذاي يا صاحي واعتراني نحول
طرفي دامع وصاحي وبالسهاد مكحول
علي حال الحول والموانع بيني
وبين حبيبي تحول
وقلبي قال ما بحول صبري ضاع يا جافي
وخصبي صار ممحول
صبري ضاع ياجافي وخصمي صار ممحول
العلي ما بزول والأنين يابدري والحنين مابزول
الجسيم مهزول
منيتي وآمالي ونومي في عيون زول
يا نسيم مرسول لي حبيبي لعلك
منو واجد سول
اجثو ليهو مثول علي انظر
حسنو واقبُل المعسـول
يافضول أقول رفعة قامته
وحسنه وصفه شرحه يطول
من ندى المسطول
لا قصر لا طول ربعة قامتو
واصلو حسنو وصفو يطول
من دلال مسطول كم يواعد يمطل
والمطـل ممـول
الوريد كالدمية والأسيس مسدول
حسنو خالي عقول
والوصول للبدر يا خي غير معقول
الكتيف مهدول
بعضه نام في بعضه تقول حرير مجدول
زاد أذاي يا صاحي واعتراني نحول
طرفي دامع وصاحي وبالسهاد مكحول

الجمعة في شمبات..../ عبيد عبد الرحمن

تحت فيحاء الخميلة
كنا والأطيار تغني
ترقص الأطيار تمنى
بيننا أوجه جميلة
***
كلما العصفور يغرد
والنسيم يهفو ويبرد
تزدهى الأقمار تورد
واحدة صاحية وواحدة وسنى
وواحدة فاترة فاتنة حسنه
فى غفلة الدهر أختلسنا
نحن بيناتن جلسنا
جلسة ما منظور مثيلها
عندما أتلاقت عيوننا
تهنا واتوافت ميولنا
وأنضوينا
بين أحضان الجنينة
فوق أعشابها الحنينة
من سلاف الحب رشفنا
أرتوينا
قلنا يا ساقينا لحظة
أم كؤوس الراح سقينا
ورحت تلعب بى عقولنا
كلما قامتك تميل
وترنو عيناك الجميلة
***
الغيم أرسل سدوله
ونسيم شمبات يأرج
ويعرج من حقوله
جداول الموية كابه
ونسايم العزرى هابة
كل زول مفتون بى زوله
عيون لى عيون محاربة
وشفاه لشفاه مقاربة
وزى ما الناس يقولوا
خليهم يقولوا
حلات الجمعة يومها
وحلو شمبات مقيلها

جاهل وديع مغرور../ عبيد عبد الرحمن

جاهل وديع مغرور
فى أحلام صباه
نايم خلى ومسرور
ما عرف الهوى

فى سور وداخل سور
فى روضة زهور
غناء وقصور فى قصور
آية الجمال مبصور
أخلاق الرضيع
فى هيبة المنصور

باهى الدلال موفور
محجور الخدور
ما هو الخليع وسفور
زاد فى نفورو نفور
وأصبح قلبى فى ايدو
اليمين عصفور

لو ينفع المحذور
مالى ومال هواه
الضامر المفزور
قاسى ومنيع ما بزور
لكن دابو تاب
جاهل صغير معذور

هل الهلال فى حجور
متقلد نجوم
لافح أزار ديجور
ما برحم المهجور
ماسور الجمال
قال برضى حكم الجور

ناعس لواحظ حور
هاروت لو رآهن
مثلي كان مسحور
فاق الحسان الحور
فى خدو الزهور
زاهية وجمالها بحور

ظلموني الناس.../ عبيد عبد الرحمن

[center] ظلمونى الناس ونسيو هواي اشكى وابكى آلامى براى
ظلمونى الناس

ظلمونى الناس وجاروا على والجور ده كتير علي ما شوى
رفقا يا ملاك بحبى و بى علشان حبك
ظلمونى الناس

ظلموني الناس و جاروا علي والجور ده كتير علي ما شوى
رفقا يا ملاك بحبى وبى علشان حبك
ظلمونى الناس

ظلمونى الناس وتجنوا علي والقالو كتير يا نور عيني
يكفينى أسى يا مليح الزى علشان حبك
ظلمونى الناس
ظلمونى الناس وتجنو علي والقالو كتير يا نور عيني
يكفي الأسى يا مليح الزي علشان حبك
ظلمونى الناس

ظلموني الناس وتنكروا لي وانت المحبوب ما حاسى بى
طالب احسان باسط ايدى علشان حبك ظلمونى الناس

[/center]

حياني حياني .../ عبيد عبد الرحمن

محبوبى لاقانى وبنظرة حيانى
جذب الفكر حسنو جهر العيون نورو
بعد اشتياقى الطال
فاجأنى بظهورو
شخـّصتَ فى حُـسنو و أصبحتَ مأسورو

سـبّحْـتَ كـَبـّرتَ هـلـلـّتَ بحياتو
و بكل احساسى رديت تحياتو
شكيتلو الامى آمالى وأحلامى

زى الصباح مُشـْرق
زى الزهور باسم زى اللهيب مُحْـرق
و بعواطفى بادلتو بدموعى جاوبتو
شكيتلو من هجرى ظـُلم الهوى و جورو

بادلتو بشعورى شعورى
ملأ الحياء شعورو
شفتَ السحر كامن
من وجنتيه نورو
من العيون خوفى وآمالى فى ظهورو
يازول انا قلبى حباك اموت انا مالى بنساك

ياساحر النظرات يامدهش اللفتات
وين ايامك الخالدات

اشعلت لى نارى
جددتو تذكارى
انا ليك دوام طارى
يالساكن قريب جارى
جارى انا قلبى حباك اموت انا مالى بنساك

زينة الدهر يحلو السمر
الحب امر دمعى انهمر
ليك ياقمر

قلبى حباك اموت انا
انا مابنساك

الشال منام عيني../ عبيد عبد الرحمن

الشال منام عينى
وفؤادى جارحه
إن شاءالله يلاقينى
وبهواى أصارحه
نتقابل الإتنين
واشكى له مر البين
لعله قلبه يلين
يعطف على المجروح
والروح تناجى الروح
والعين تشوف العين والأيد تصافحه
اقول حبيبى متين يبقى تقريبى
متين تبقى حاسيبى
ليك بى الموده ابوح
بين الرياض والدوح
جالسين ومتآنسين
وانا و اب عيون ناعسين
فى الحب أفاتحه
تقيف فى شاطئ النيل
يعطف على ويميل
اقول ليهو انت جميل
يا بدر نور ولوح
يا زهر عطر وفوح
ولا أنت اسمك مين
قال فى ابتسام ياسمين
عبقت روايحه

انا ما بقطف زهورك.../ عبيد عبد الرحمن

أنا ما بقطف زهورك
بس بعاين بعيوني
يا الغصن في نهورك
يا البدر في خدورك
مترقب ظهورك
أتأمل في محاسنك
واتمتع بي مناظرك
وأتوسع في فنوني
أعايني تفسيرك
وما بشكي لي غيرك
أضناني تفكيرك

يا الرمز حيرني
وهواكا صيرني
أتحدا العزلوني
لازلت مأسورك
ما قادر أزورك
ملأ العيون نورك
كشف الظلام بسمك
وتجلا لي رسمك
شخصك ملا عيوني

لعبت بي دورك
وسبحت في بحورك
أصبحت مسحورك
عرفت أوزانك
وعزفت ألحانك
آهات تواليني
يا العالي موهوبك
يا الراقي اسلوبك
الناس ينسوبك
يا العالي تعليمك
أنا من مظاليمك
إيه ذنبي وريني
يا حبيبي

افكر فيه واتامل..../ عبيد عبد الرحمن

افكر فيه واتامل
اراه اتجلى و اتجمل
هلالى الهلَّ و اتكمل
تفاصيل قولى و المجمل
ساصبر يا أخى ايه اعمل
اذا قلب الفتى اتحمل
مصايب الدهر و الامه
ارى الصبر الجميل اجمل
حديثى و دمعى يتسلسل
فصول فى رواية تتمثل
اقيف فى مواقف استبسل
و عن رؤيا الحبيب حالا
ابين فى مناظر اتوسل
هواه بجسمى يتخلل
مجارى الدم اذا اتحلل
وقيع لى رضاه اتذلل
و ما هماه يا سيدى
دا واحدا اصله بيتدلل
ترك افكارى تتضلل
بعذره البيه يتعلل
فما شرع الهوى حلل
لقانى نهار و لا
فى ليل اذا أليل
صريح قانون هواك خول
هلاكى و قلبى ما اتحول
حقيقة و ليس تتأول
صريع لحظات سيوف لحظك
و حالى ان شفته تتهول
تذكر عهدنا الاول
صحى الايام بتدول
قريب يوم داك ما طول
مضت ايام و يا حليلن
بقت احلام تتأول

ضاع صبري.../ عبيد عبد الرحمن

ضاع صبري اين يا وصـلي
قلبــي بي نار الغرام مصـلي
يا عـهود امالي أنفصــــــلي
مابقيـف من النـويح أصلي
عقلي بات كل ساعة ينقص لي
فيك ضاع ياطـيبة الأصلي
أي ده ليل والبدر واضـح لي
ام ده ديسـك محيو فاضــح لي
يالعيون عاد روقـي و أحـلي
كفى رمشك ده المجـرح لي

زاد من نار الصدود وجلي
يامعاني الشـعر و الزجــــــــلي
باهي جيدك و الخــديد مجلي
ترى ده الهـلاك في الأعين النجـلي

ليك نسايم الشوق دوام يسلي
في هواك كم كم ضايعا مثــلي
ماسليتك و أنت كيــف تسلي
و أنا صرت ميت و الدموع غسلي

ما ليالي الهجر تجمع لي
و ديمـه يا نيراني تشــتعـلي
يابدر بالله أســطعـلي
و ياسـهيل أرجـوك تسمعلي

ترمي محييك في الكـــفل تعلي
تفني قامتك بالصـدير تعـلي
ياحمام بالله أسـجع لي
ماله ضـــايع في الخيال فعلي

مع احد رواد شعراء الحقيبة ..../ علي المساح

على المســـــــــاح

نشأته:

اسمه الحقيقى على احمدانى

ولد على المساح فى حوالى العام 1900 او 1901 او 1904 بحى الاسبتالية بامدرمان م

ن قبيلة الحربيلب و اقام فيها حتى نزح مع والده الى ودمدنى وهو مازال طفلا.
كان والده يعمل بمحلات التاجر المعروف على الحضرى و لم تتح لعلى الفرصة للالتحاق بمدرسة او خلوة
فتعلم الصنعة من والده و عمل ترزيا افرنجيا بسوق مدنى بدكان الترزى الافرنجى محمد على احمد
واستمر كذلك حتى آخر ايامه.
و عندما توفى والده استقر به المقام بمدنى بحى المدنيين هو و والدته و شقيقته و ابنها محمد الحسن.

و سر تسميته "بالمساح"
انه كان من المعروف انه لايطيق البقاء فى مكان العمل حتى انه لم يتعلم الترزية التعلم الكافى.
و كان كثير التجوال صباح مساء بين انحاء المدينة يتتبع الجمال و يصغنى للغناء اينما وجد فلقيه احد اصدقائه
الذى كان يعمل فى بيع و شراء الحاجيات فى الازقة و الحوارى و عندما ابتدره بالتحية رد عليه قائلا:
" ايه الحكاية..يا اخى انت اصلك مساح (اشارة الى عمل المساح)
الذى كثيرا مايرى بين الحوارى و الشوارع يقوم بمهمته.

كان يضع القديم من الثياب و مركوب قديم به الكثير من الثقوب لم يشترى شيئا جديدا فى حياته
كان دائما يشترى القديم من الثياب و الاحذية و كان قليل الكلام و قال شعرا اكثر مما تكلم.

شعره:

. يقول المساح

" تاثرت فى بداية تكوينى الشعرى بالعبادى و ابى صلاح و خليل افندى فرح
و خلافا لشعراء الحقيبة لم انظم الدوبيت بتاتا و باكورة انتاجى نظمتها فى العام 1918
اى عندما كنت فى 14 من عمرى و هى اغنية الشاغلين فؤادى:

الشاغلين فؤادى و تايهين فايقين *** افتى البى ذارف دمع المايقين
تال القبلة شايف لى برقا لمع *** و الصيد فى الخمايل يا ناس اجتمع

و قد تغنى بها اولا مطرب ود مدنى الطيب الانجليزى و اتى بها لاحقا المطرب ابراهيم الكاشف
الى ام درمان و اشار المساح الى ان الكاشف اداها بنفس اللحن الذى ابتكره لها الطيب الانجليزى.
اول من اتصل بعلى المساح ليمده بقصائده الفنان الامين برهان الذى غنى اول صوت له :
غنى صاح القمرى و سجع

كما غنى له الكاشف اجمل و اشهر الاغانى:

انت بدر السما فى صفاك *** قولى من عينى ما خفـــاك
قلبى دون الناس اصطفاك *** روحو تسمو سماك آلفاك
الممات و الحيا بين شفاك *** ليك نفور الظبا من جفاك
انت كعبــــة حب لليطوف *** انت جنة دانيات قطـــــوف

كما تغنى له الفنان عبد الله الماحى و لحنها كرومة و أداها (بين القوسين رواية معاوية):

ظبى الخدر الما شاف قفـــــــــــار (غفار)*** منه العسجـــــــــــــــــــد عار الصفـــــــــــــــــــــار
اين المسار ناقص (ناحل) جسمى و زايد (زادى) الحسار *** جيتك واقع بانكسار بعدك عسرى و قربك يسار

وهى من الاغانى التى انقرضت اسطواناتها بصوت كرومة. التى جاءت مجاراة لاغنية ابو صلاح المشهورة:
ام لونا غامق الخدار *** فايق السندس لمعة و نضار

و قد سبقه ابو صلاح فى التصريح باسم ملهمته (زينب ..زوجته)

و لكن المساح لم يصرح باسمها.
و من المعروف عن المساح انه كتوم لايصرح باسم من يهواه و هو على نقيض ابو صلاح
فكثير من اغنيات ابو صلاح تشيد باللون الاخضر (مثل..خديره اصيلة)
اما المساح فيهوى اللون الاصفر العسجدى.

و تغنى له الفنان عوض الجاك "زمانك و الهوى اعوانك"
وهى اغنية نظمها فى ملهمته و ى فتاة من اصول مصرية تسمى "بهجة" .

فقد سافرت مع اسرتها فى عطلة الى مصر فى عام 1924 و لما عادت سالت صويحباتها
ان كان غيابها قد اوحى للمساح بشئ فانشد المساح صديقتها و تغنى بها فنان ودمدنى محمد سليمان الشبلى
(اوردها كاملة هنا حيث انها ناقصة و محرفة فى كثير من المواقع)

زمانك والهوي أعوانـــــــــك
أحكمي فينا هذا أوانـــــــــــــــــــــــــــــك
بهواك كيف أطــــــيق سلوانـــــــــــــــــك
حمامة الغصون صداحة فوق اغصانـــــــك
ذكرى لى حبيب يا حمامة مولاى صانـــــك
هاجت عبرتى يا دموعى كيف حبسانـــــك
وين تلقى المنام يا عيونى غاب انسانــــك
***
أنا كايس رضاك، ورضاى اظنو محــــالك
بتعكر صفاى و بياضى اصبح حـــــــــالك
و الحال العلى ياريتو لو يوحــــــــــــالك
مدنف وجدى بيك لكن فقدت حنانـــــــــك
روحى واهبها ليك دى هدية طوع بنانــك
الروض سحرو ماخوذ من سحر عيناتنك
ظلموك لو يقولوا الدر شبيه اسنانـــــــك
حسنك مافى لا عُجمان و لا هربانــــــــك
ان هب النسيم هزّاك ميل بانــــــــــــــك
ما ضر لو اكون انا من حبانـــــــــــــــك
يا ذات الجمال فرضا على اجلالـــــــــــك
بى شوفتك مباح دمى العزيز ما غلالـــك
عدتى و عاد هناى يا "البهجةهل هلالك

و لا ادرى من اين اتت "هاروت سحره ماخود من سحر عينانك"
وغيرها (بافتراض ان رواية معاوية يسن صحيحة) التى توجد فى كثير من المواقع.
من المحتمل ان السبب فى ذلك ان معظم اشعار المساح قد ضاعت فهو لم يكتبها
كما ان حفظة النصوص من المطربين و الشعراء بودمدنى غيبهم الموت دون ان يهتم احد بحفظ هذا التراث.

و للمساح اغانى شجية كثيرة منها التى سجلها على الاسطواتات المطرب محمد صالح السيد وكذلك عبد الله الماحى:

قام حاديهن رقص *** بى راما فى واديهن
فاتنى الريم
يا الوصالك عز و قسى *** يا عزة ريدك ما بتنسى

و ايضا "نغيم فاهك"
التى لحنها و أداها فى عام 1928 فنان ود مدنى عبد الرؤوف عطية الذى انتقل لاحقا الى ام درمان و عمل شيالا مع سرور
و هى مسجلة فى الاذاعة بصوت الفنان عبد الرحيم الامين :
نغيم فاهك يا ام زين دواى
شفاى البجبر قـــــــــــواى
يا ام حبا ردف تـــــــــواى
كمل صبرى و زود هواى

و كذلك:
زمنى الخاين ما بدور له شهود....
التى صاغ لحنها الفنان الشبلى و اشتهر بادائها الفنان ابراهيم عبد الجليل
و حين سأل عن مناسبة أدائها قال" شكوى زمان، لا اكثر لا اقل"

كذلك له اغنية ....يا الشاغلين فؤادى تايهين فايقين

و يذكر المساح نفسه فى عدد من الاغانى:
يا فاضح البان زرنى *** لا تمنعى فى الخيال النوم
عقلى طاح ودَع و طاح *** نايم خالى و سار المساح

و فى "نغيم فاهك":
انا كاتم السر ما فشــا
انا حامل البلا ما اشتكى
انا المساح دمـــع البكا

و يذكر اسمه كذلك فى اغنية "الشاغلين فؤادى"
و التى يقول طناشد قول اخوك امساح على حالته صعيبة خلاص يا محمد على، ذكر فيها محمد على الأمى .
و فى الحقيقة بحثت فى الشبكة عن هذه القصيدة لاتاكد من ذلك و خصوصا ان الجقر حين اورد القصيدة كاملة

الحزن فى الحقيبة" و هاهى كاملة:

الشاغلين فؤادي وتايهين فايقيــــن
يفت البى ذارف دمع المايقيـــــــــن

تال القبلة شايف لي برقا لمــــــــع
والصيد في الخمايل ياناس اجتمع
قوموا يا أحبة نسترق السمــــــــع
ما يطيق القعدة والمايق دمـــــــــع

البلابل صاحت في الليل الهجيـــــــع
سهرانات عيوني وجافيت الضجيـــع
من الحاله ديه اولا لي النجيــــــــــع
وا حسرة شبابي الما لقيت لي وجيع

كلف احبابى لي يا مولاي قــــــدروا
انسلبت لحومي واعضائى خــــــدرو
لاموني العوازل بى حالـــــي ازدروا
هم تايهين دلالن ساهين مــــــا دروا

سامرت الكواكب لما الفجــــــــــر لاح
منادى الفجر نادى وقال ياهل الصلاح
صلوا الوقت حاضر قام أهل الصــلاح
وانا الليل قايمو لا خيال لـــــــي راح

النسيم عاودني أقوم من نومي تــــاب
مدهوش فكرى حاير مشطوب انشطاب
يا نسيم بلاهى جيب رد الخطــــــــاب
اوع الجاهلة نية وما بتحمل عتـــــاب

حليل القدرو سامي فوق الجيل فريـــد
حليل روحي بقت ليه طوق في الوريد
بكتب ليه خطابي وعذري عذر مريـــد
يا نسيم بلاهي طبق ليه البريــــــــــد

انكسرت اعضائى من كسرة الولـــــــوع
وابكي العبره خانقه وانا ليها البــــــلوع
أصبح قلبي يرجف خلى من الخـــــــلوع
يا ناس روحي شاهقة هيه ناوية الطلوع

جمر الحب ده ولع حفيان ماش عليه
ماذينى الضنى وانا صابر عليـــــــه
حالته كئيبة أخوك يا محمد عـــــلى
وناظم القول أخوكم المساح عــــلى

و يقارنه معاوية يسن بعدد من الفنانين العالميين و لكن اقول انه غالبا ما استقاه من المدائح النبوية حيث كان المادح غالبا
ما يذكر اسمه فى نهاية القصيدة ونرى ذلك بوضوح فى مدائح الشيخ البرعى.

من ابرز الذين وثقوا للمساح
صديقه الرحالة خالد عشرية الذى تعرف به فى نهاية العشرينيات و من اهم فترات صداقتهم حين دعاه عشرية الى خزان جبل اولياء
حين انشاء الخزان فقضى معه بضعة شهور و شهدت مولد عدة قصائد منها قصيدته فى عشق ودمدنى التى لحنها الفنان الشبلى:
جاد نسيم الليل على
بى عبيرو و غطانى
زاد على ولــــــــهى
و حنينى لأوطـــانى

و يشير عشرية الى طرفة اثناء وجود المساح معه فى الخزان فيقول
" كان الجبل قرية صغيرة يسكنها عرب البساطاب وكنا بحكم شوقنا للسهر نضطر الى حضور حفلاتهم
التى يتم الرقص فيها على انغام "الحُومبى".

قاخذت المساح معى يوما الى احدى حفلانهم و كان ظنه انه سوف يشاهد رقصات على منوال ما اعتاده فى ود مدنى
فوجدنا فى الحلية اطفالا يصفقون ووسطهم مصباح صغير و يعلوه الغبار الناجم عن حركة الرقص
و هو يراقب بصمت و حين غادرنا انشا يقول:

ناس الجبل لسع "......."
شاهدت آخر اختــــــــــــــراع
الراقصة ترفس بالــــــــكراع
تحلف تقول دايرة الصـــــراع
يا باسطى انا دمى هــــــــــاج
لى ربى برفع احتجـــــــــــاج
"الحومبى" ضرب ملا الفجاج
كيفن نشوف من العجــــــــاج

علي المساح «الشاغلين فؤادي وتايهين فايقين»
علي المساح «إنت بدر السماء في صفاك»
علي المساح «زمانك والهوى أعوانك»
علي المساح «ظبي الخدر الما شاف قفار»
علي المساح «نغيم فاهك يا أم زين دواي»
علي المساح «يا غصن الرياض المايد»

نغيم فاهك .../ علي المساح

نغيم فاهك يا أم زين دواى
شفاى البجبر........ قواي
يا أم حبا ردف...... تواى
كمل صبري وزود هواي
رقى رقى جودي بدواى
ظمأى بعدك وقربك رواى
أقيم ليلى واحسب سهاى
يغيب عقلي وافقد نهاي
وفى جسمي ظاهر وهاى
اسعفينى دنا .....انتهائى

ذكرت البين ليه ياغراب
صياحك يافراق يا خراب
ديار أم زين كانت قراب
غبن بانن في... السراب

البدر محيك وشعرك كليل
يميل خصرك منه العليل
تقل ردفك لاعضاك فليل
قتيل حبك ودمعي الدليل
رق جسمي وصابه انتحال
على حبك حمل الرحال
ومن بعدك أنا حالي حال
يالقمره وصالك محال

أنا أعيد الحب من جداد
أنا الحافظ حق الوداد
أنا الهائم والناس شداد
أنا اللابس توب الحداد

أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المساح دمع البكا

زمانك والهوي اعوانك..../ علي المساح

زمانك والهوى أعوانك.....احكمي فينا هذا أوانك

حمامة الغصون صداحة فوق أغصانك
ذكرى لي حبيب ياحمامه مولاي صانك

هاجت عبرتي ويا دموعي كيف حبسانك
وين تلقى المنام يا عيوني غاب إنسانك

مدنف ودى بيك لكن فقدت... حنانك
روحي وهيبه ليك هي هدية طوع بنانك

هاروت سحره مأخوذ من سحر عينانك
ظلموك لو يقولوا الدر شبيه أسنانك

في صبحي ومساى نازلات دموع ساحالك
وأنا كايس رضاك ورضاك أظنه محالك

أتعكر صفاي وبياضي أصبح حالك
والحال العلى ياريتو لو يو حالك

حسنك مافى عجمان ولا عربانك
لو هب النسيم الزاكى ميل بانك

أدبك خدرك الضاراك على ما بانك
ما ضر لو أكون أنا من احد حبانك

قلبي أمين هواك يا الجميلة خلالك
يا ذات الجمال فرضا علىّ إجلالك

لو شوفتك مباح دمى العزيز ما غلالك
عدتي وعاد هناى يا البهجة هلّ هلالك

الشاغلين فؤادي.../ علي المساح

الشاغلين فؤادي وتايهين فايقين
يفت البى ذارف دمع المايقين

تال القبلة شايف لي برقا لمع
والصيد في الخما يل ياناس اجتمع
قوموا يا أحبة نسترق السمع
ما يطيق القعدة والمايق دمع

البلابل صاحت في الليل الهجيع
سهرانات عيوني وجافيت الضجيع
من الحاله ديه اولا لي النجيع
وا حسرة شبابي الما لقيت لي وجيع

كلف احبابى لي يا مولاي قدروا
انسلبت لحومي واعضائى خدرو
لاموني العوازل بى حالي ازدروا

هم تايهين دلالن ساهين ما دروا
امرت الكواكب لما الفجر لاح
منادى الفجر نادى وقال ياهل الصلاح
صلوا الوقت حاضر قام أهل الصلاح
وانا الليل قايمو لا خيال لي راح

النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب

حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد

انكسرت اعضائى من كسرة الولوع
وابكي العبره خانقه وانا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع

جمر الحب ده ولع حفيان ماش عليه
ماذينى الضنى وانا صابر عليه
حالته كئيبة أخوك يا محمد على
وناظم القول أخوكم المساح على

غصن الرياض المايد..../ علي المساح

يا غصن الرياض المايد
يا الناحِلني هجرك وانت ناضر وزايد
تهجرني ليه.. وأنا ليك رايد؟

يا غصن الرياض المايد
ما أظن عن غرامك لو أموت ما حايد
سهران ليلي طال و العين صِحت ما قايد
تعبان قصدي ليمك، وإنت ناضر وزايد

يا الهاجر جفيتني بنظرة لي ماك عايد
شوفتك زي هلال العيد، وفيهو بعايد

أنا و حبك ترعرعنا ونشأنا ندايد
من زمنا قِبيل، أيام قُلال وعدايد
ما خلِص القديم، و تبين مصايبو جدايد
حِن يا حبيب .. كفاي مُر العذاب وشدايد

يا خُلاصة الحواري الـمن جِنان وخوالد
حُسنك ليك يدوم، لا أم تلِد لا والد
راسخ في ظلال مجدو التليد التالد
يا الـلابس العفاف حلية وعقود وقلايد

انت بدر السما..../ علي المساح

انت بدر السماء في صفاك
فولي عن عيني من خفاك
ياحبيبي متي وفاك
***
قلبي دون الناس اصطفاك
وروحي تسمو سماك الفاك
الممات والحياة بين شفاك
فيك نفور الظبي في صفاك
***
قلبي واله بيك ما نساك
عاني فيك العنا من اساك
قصدي زورة طيفك عساك
ياحبيب القسا سيب قساك
***
انت كعبة حب لليطوف
انت جنة وادانيات قطوف
***
ما الو بدر السماء ما شروق
ما الحماه ومنعه المروق
خده زهري وبسمة البروق
وغير اشوقه انا مابروق
****
حاجبه يحكي النون والهلال
وطرفه فيه معاني الدلال
فاه فيه الدر والزلال
وجيدة اتلع ظبي التلال
***
ياحليل زمن الجهل
بين تلال الابي في السهل
من جروفنا بنشرب نهل
يازمان هل من عوده ...هل

ظبي الخدر .../ علي المساح

ظبى الخـدر المـاشاف قفار منو العسجد عار الصفار
ظـبي الخـدر اين المـسار ناحل جسمي وزاد الحسار
جـيتك واقـع بـي انكـسار بعدك عسري وقربك يسار
ظـبي الخـدر مـحياه دار حـسنا فـيه الماء و الخدار
مـن لحـظاتو سبب الودار ريقو خلاصة الفي خليتو دار
ظـبي الخـدر مـحياك قـمر مـيل فـرعك شال الثمر
طـايل ديـسك ينـضح خـمر مـن العـلقم هجرك امر
ظـبي الخدر في حشاي مقيم حزنك دمعي وحنان وغيم
لـمتين اسـمع من فاك نغيم طيب انفاسك يشفي السقيم
ظـبي الخـدر صـاد مو ودود جيدك دمية وورد الخدود
جند انصارك منعو الحدود زور المضني و خلي الصدود
ظــبي الخدر طـرفك كحيل صدرك عالي وخصر نحيل
من اردافك دايما وحيل تحكي سحايب الضحي في الرحيل
ظـبي الخدر فـي إئتلاف عقلي غرامك لي جسمي لاف
نـومي وعـيني في اخـتلاف يسكر نغمك زي السلاف
ظـبي الخدر قـدرك وسـيم يالبي عفافك محجوب لثيم
مـني سلامك مامر نسيم يرضي لذاتك ويكوي الخصيم

مع شاعرنا الغنائي .../ عمر البنا

]size=24]الشاعر الغنائي عمر البنا من مواليد أمدرمان عام 1900م وهو ينتمي إلى آل البنا الأسرة الأمدرمانية العريقة ..
تعلم القرآن في خلوة والده الشيخ محمد عمر البنا والأولية أيضا في مدرسة والده ثم التحق بمدرسة أمدرمان الأميرية
ثم كلية غردون التذكارية وكان والده يرغب في دخوله المدرسة الحربية ولكنه فضل العمل الحر وسافر إلى رفاعة
ليشرف على أعمال والده الزراعية والرعوية خاصة إن آل البنا عرفوا بحبهم للقنص والصيد والعيش في المراعي
مما هيأ لشاعرنا الكبير المناخ الملهم ليبدأ مشواره في الشعر الذي عرف به آل البنا شعراء بدءا بوالده الشيخ محمد عمر البنا
شاعر المهدية صاحب القصيدة الشهيرة التي جاء فيها:

الحرب صبر واللقاء ثبات

والموت في شأن الإله حياة

كما كان هناك شقيقه الأكبر الأستاذ والشاعر الكبير عبد الله محمد عمر البنا صاحب القصيدة المشهورة ومطلعها:

يا ذا الهلال عن الدنيا أو الدين

حدث فإن حديثا منك يشفيني

حدث عن الأعصر الأولى لتضحكني

فإن أخبار هذا العصر تبكيني

وفي هذا الجو الشاعري نشأ عمر البنا
فبدا كتابة الشعر وهو في سن السادسة عشر من عمره ومنذ تلك الفترة واصل مشواره في الشعر خاصة شعر الغناء,
حتى آخر أيام عمره, وعندما بدا كتابة الشعر كانت محاولاته منحصرة في الدوبيت ومن محاولاته تلك عندما قال:

حليفة الخضرة الدايما ملازمة حرابا

مستورة القناع الخايفة من آدابه

الحاشاها من شبت ما اجتازت البوابة

وفي تلك الفترة بدأ أول محاولاته في الشعر الغنائي عندما كتب قصيدة زدني في هجراني
وشارك في تلحينها مع كروان السودان كرومة وقام بمجاراته الشاعر الغنائي عبد الرحمن الريح بأغنية
(غيبت عن انساني)
ولقد أدت تلك المجاراة إلى خلق روح المنافسة بين عمر البنا والأستاذ عبد الرحمن الريح الذي جاراه في اكثر من عشرة قصائد
ولم يجاريه الشاعر عمر البنا في بأي أغنية …

ولقد أطلق على الشاعر عمر البنا مخاطب النسيم وبريده
وهي إشارة إلى القصائد التي تغنى بها للنسيم مما جعله مثل حامل البريد يحمل النسيم للعشاق
بعد أن يخاطبه قائلا كأمثلة:

أغنية (نسيم الروض زورني في الماسية)

وأغنية (نسيم سحرك لو يسري)

وأغنية (النسيم الفايح طيبه من رؤياك)

وأغنية (نسائم الليل)
وغيرها من الأغاني عندما يجلس تحت شجرة النخيل في منزله العامر بحي ود البنا
ومعه اللورد كما كان يحلو له أن يسميه وهو الفنان كرومة
ويقومان بتلحين الأغاني التي تغنى بمعظم قصائد عمر البنا إن لم يكن جميعها إذ بخل الشاعر عمر البنا
بقصائده على المغنيين الآخرين في ذلك العهد إلا الفنان عوض شمبات
الذي أعطاه أكثر من أغنية حتى لا يتغنى بأغاني كروان السودان كرومه فقد كان الفنان كرومه يخاف من الفنان عوض شمبات
عند حضوره إلى حفلات الغناء التي يقدم بها كرومه أغانيه في الأعراس لأن عوض شمبات كان يحفظ هذه الأغاني
عند سماعها لأول مرة فكيف حفظها؟

ويجئ رد الفنان عوض شمبات في استخفاف (قايلني صفايا)
والفنان كرومه معروف بأنه سريع التلحين للأغاني وكذلك الشاعر عمر البنا كان سريع التأليف للأغاني.

ويذكر انه في عام 1936م كانا في رحلة فنية إلى القاهرة لتسجيل بعض الأغاني في اسطوانات
وهما في الباخرة بين حلفا والسودان طلب كروان السودان كرومه من صديقه الشاعر عمر البنا
أن يسجل حبه وولهه في كلمات يناجي بها نفسه ويتذكر بها المحبوبة فما كان من الشاعر عمر البنا إ
لا أن يستجيب لطلب رفيق كروان السودان ويضع كلمات شاعرية كلها حب وهيام وضعها في أقل من ساعة
وسلمها لصديقه كروان السودان الذي اطلع عليها فأدخلت السرور والبهجة في نفسه وذكرته بمن ترك في أمدرمان
وفي أقل من ساعة أيضا وضع لها اللحن لتسجل في مصر
وكانت درة كروان السودان (زهرة الروض الظليل) (جاني طيفك)
ليست هذه فحسب فقد واصل الشاعر عمر البنا تسجيل هذه المشاعر فقدم لكروان السودان أغنية
(في الطيف أو في الصحيان) ثم أغنية (أنا صادق في حبك)
ويواصل ذلك الهيام المشترك لسجل كروان السودان ..
أغنية (أمتي أرجع وأغنية (النسيم الفايح طيبه من رؤياك)

والشاعر عمر البنا كان يؤمن بشاعر غنائي واحد قام بمجاراته في أكثر من قصيدة وهو الشاعر الغنائي صالح عبد السيد أبو صلاح
وقد جاراه في أكثر من قصيدة وكمثال قصيدة (طبعا يهواك) التي وضع كلماتها أبو صلاح
وجاراه عمر البنا بقصيدة (نعيم الدنيا)
ليس هذا فحسب بل من إعجابه بالشاعر الغنائي أبو صلاح تغنى له بأغنيتين سجلهما الفنان عمر البنا في اسطوانات
وهما قصيدة (وصف الخنتيلا) وقصيدة (يا ربيع في روض الزهور).

ولما كانت من هواياته مثل آل البنا جميعهم الصيد والقنص فقد نظم الكثير من القصائد في المدح والتفاخر بكلاب الصيد
التي يمتلكها ويخرج بها للصيد في جلاء ضواحي أمدرمان
وفي أحد الأيام ضربت إحدى العربات كلبه المفضل لديه ويدعى (تمام)
عندما حاول قطع الشارع أمام منزل عمر البنا ودهسته العربة فقال يؤبن (تمام):

ما دوامة يا تمام

في كيوف الشارع

ما أصلوا الدنيا ما عدا

والمعيشة مشارع

بعد ما كنت سباح

يمينك ضارع

قتلت الليلة

هكذا كان شاعرنا الغنائي الفذ والمطرب الكبير الأستاذ عمر البنا عليه رحمة الله.
[/size]

عمر البنا «أخوان آمنة»
عمر البنا «الأهيف ابا ما يلين من بعده»
عمر البنا «الجنيات يا بغارة»
عمر البنا «المدفع الرزام»
عمر البنا «أمتي ارجع لامدر واعودا»
عمر البنا «زهت أيامي وأنا بتغزل»
عمر البنا «زيدني في هجراني»
عمر البنا «لا تنغشوا تنطربو»
عمر البنا «مالك يا حبيبي جفيت»
عمر البنا «نسايم الليل زيديني»
عمر البنا «هجد الانام وأنا وحدي مساهر»
عمر البنا «يا حبيبي أنا عيان»
عمر البنا «يا زهرة الروض الظليل»
عمر البنا «يا سيد الروح هل تدري مالكني هواك من بدري»
عمر البنا «يا عيني وين تلقي المنام»
عمر البنا «يا نعيم الدنيا»

هجد الانام وانا وحدي مساهر../ عمر البنا

هجد الانام وانا وحدي مساهر والنحول علي جسمي ياحبايبي ظاهر
آآآآه اسبابي الحب الطاهر

اسباب سقامي وبكاء طرفي الساهر
لااذاي بعادك مضي سيفه وشاهر

مره اندب حظي ومره اهتف اظاهر
اشكو دهري واناجي النجم الزاهر

انتع عادل وظالم انت ناهي وامر
يتمني البدر ليك يبقي مسامر

كونك دواما في نور اليه مخامر
امتيازك عنه انت هادل وضامر

بالبان والاس مال قوامك ظافر
علي صدرك قنبل كم اسلم كافر

العيون والضمره والوريد الوافر
من محاسنك عارن الغزال النافر

كل ما اكتم حبك دمعي بيه يجاهر
مابفيدني طبيب مهما يكون ماهر

طبي مابين كوثر فاك وبين جواهر
سنك اللماعه والخديد الزاهر

عار صفاه التبري من صفاك الناضر
ياخلاصة الحسن في العصر الحاضر

الملوك ليك تخضع لنداك تقول حاضر
تخشي سطوة حسنك وفيك يتلو محاضر

بي وصالك جاحد وبي جفاك مبادر
كاليزيد في الجبره وفي بخاله مادر

بجمالك وحسنك يالفي عصرك نادر
لي ارحم حلمك راعي لاتكون غادر

يا حبيبي انا عيان../ عمر البنا

في الطيف أو في الصحيان زورني
ياحبيبي أنا عيان

مالو لـو فـي بعـض الاحيـان
تسمح لـي صحـوا اراك عيـان

تاخذ ياحبيبي عـن حالـي بيـان
عسي تبقي قلوبنا في الغرام سيـان

ياالفريد في حسنك وبهجة امدرمان
لي من شوفتك يا حبيبـي زمـان

أنا ساهر ونـوم عينـي حرمـان
وانت بين اترابك في نعيم وامـان

النحول علي جسمي يا حبيبي بيان
وانت جسمك نامي وبالنعيم طربان

لو رأك الناسك المـن الله جبـان
بيك يفتن ويصبح بالغـرام تعبـان

قبل حسنك قط مارايـت انسـان
فاق العسجد لمعة والحريـر لمسـان

كيف يحصر وصفك ياحبيبي
لسان والبان اتعلم من قامتـك الميسـان

مالـدرر لثنـاك مابنـت الحـان
للمـاك وايـه نفحـة الريـحـان

انت حسنك كامل لكـن لمحـان
خدك قاسـي وقلبـك ماحـان

يا عيني وين تلقي المنام../ عمر البنا

ياعيني وين تلقي المنام أحبابك... جفوني

يامن جــــــــــــفوني هلا كفــاكم جـــور

أنا عقلي راح ومع الفراق لازال أتلف جفوني

صدو...وجفوني لاأدري كيف مأسور

زاده الجراح خلو السهاد والشوق أتلفوني

هم...يعرفوني أنا بين زمير وجور

أنا قلبي طاح زاده العلي أضعاف مالفوني

مــتى يـسعـفـوني...؟ لـو بالـنظر مـسـرور

ألـقى الـنصاح ماضرهم لو كـان شـرفوني

مـتى يـنـقـذونـي...؟ مـن الظـلام لـلـنـور

قرب الصباح في الجوف جيوش أشواقهم غزوني

يـالـيـل...طـرونـي قــال لي مـذكـور

جرى دمعي ساح واحسرتي الأهوال أعتدوني

كـيـف أسـلى نـوني وأسـلى العــيون الحـور

ذات الصفات..فيهن شفاي وطبي ..وجنوني

الاهيف ابي مايلين../ عمر البنا

الأهيف ابا ما يلين من بعده
صار قلبي ضريم بى نار الفرقه
لمتين يا كريم الحظ يخدمنى وحبيبى يلين
اراه الناعس در فاطرو كريم
يألفنى ويترك لطباع الريم
هو جسمو سليم و انا جسمى معذب وقليبى كليم
نور محيو الفجر و الليل هضليم
له راحة الدنيا و ليا التأليم
لو مره نسيم يتمايل غصنك منه مقيسيم
قبل الحاظك ما رأيت يا وسيم
الأعين تفعل فعل المكسيم
براق الغيم زى بسمك و ليك الشادى نغيم
كيف عاشقك يثبت فى وطنه يقيم
انت نافر و عارفه بهواك سقيم
ماليا نديم غير نجم الليل و منامى عديم
لو كان يا مدلل لى هجرى تديم
اتعذب و تمنع حظى التقديم
لى جود بالليم انا من بعدك صار قلبي أليم
متى تعطف و تبقى حليم
يا صفى القلب و روح التعليم
بقى شغلى نميم و فراشى قتاد و غطاى حميم
لو كان لى وصلك اوجد تتميم
لى سرك بحفظ فى قلبى صميم

نسايم الليل زيديني..../ عمر البنا

نسايم الليل زيدينى
بالشذى والطيب عودينى
زاد الشوق لى يهون امتى وصاله
يا نسايم الليل آنسينى
فى رجوعك لا تنسينى
بى طيب الحب آسينى
من بعد الضر ماسينى
انا برضى عشوق مهما جيوش الحب صالوا
يا نسايم ما بترعينى
ما بفيدنى شذاك دعينى
لو قصدك لى تعينى
ارجعى بى دمعة عينى
للمعشوق قوليلى ينوح ونومه عصالو
فى الهوى يذداد تمكينى
يا بلابل الدوح حاكينى
فى نواحى دوام شاركينى
فى الحب ابكيك وابكينى
اصيح مفروق لى بروق ثغرك لالو
طيفك لامتى يجينى
وفى لذيذ النوم يناجينى
من سهم البين ينجينى
ويبرد نار سجينى
وفؤادى يروق واناجى ملاك طيبه خصاله
سلامى بعد تجنينى
عليك وليالى سنينى
بعد شعرى وتفنينى
فى وصفك وعد حنينى
يغشاك مرفوق مع النسام وروحى خلاله

زهرة الروض الظليل.../ عمر البنا

يا زهرة الروض الظليل
جانى طيبك مع النسيم العليل
زاد وجدى نوم عينى اصبح قليل

يا زهرة طيبك جانى ليل
اقلق راحتى وحار بى الدليل

امتى اراك مع الخليل
واجلس امامكم خاضع ذليل

دايما انوح واقول حليل
صفى القلب القدره جليل

كيف لا اسهر واكون عليل
انا فى الثرى وهو فى الاكليل

يا الليك عفافك دايما زميل
يا المن طيبك طيب زهر الخميل

لو مر نسيمك على الف ميل
يخلى العالم طربا ثميل

يا اهيف يا ذا الطرف الكحيل
يا الصدرك عالى وخصرك نحيل

مناى فى الدنيا قبل الرحيل
ارى شخصك لكن مستحيل

يا زهرة روضك يبعد عن الـ
عاشق ومحال للقاك ينيل

بستانك نضير ساقيه نيل
الحياة ومحصن بالدردنيل

امتى تعود ايامى القبيل
يا حبيب واوجد للقاك سبيل

ومعاك اتحادث فى قبيل
شفاء داء قلبى الوبيل

قال لى صحيح جسمك هزيل
وجمر الغرام فى عضاك نزيل

لو ما بخاف عاذلى الرذيل
لكنت اوصلك ولعياك ازيل

زهت ايامي.../ عمر البنا

زهت ايامي و أنا بتغزل ** ما بهتم لقول العزل

ما بسمع كلام في حبيبي** هو اذاي وهو طبيبي

أحب انسان في حسنه فريد** بيه اقفل باب الريد

وديع وبديع صغير في سنه** عجيب وصغير في سنه

كواكب السما كمان عشقنه** عجيب وغريب يا ناس في فنه

عن حبه محال بتحول** أخذن نور شعاعن منه

فرع الياسمين المال فى كثيب** لانه هو الحبيب الاول

لو شافوه بالتاكيد** لعوازل قالوا لي سيبه

يعذروني ولي يهنوا** ويعشقوه وعليه يغنوا

وللقاه الجميل يتمنوا** ويبكوا وديمه مثلي يحنوا

يا لايمي انا لم ازل** ما بسيب الغزل

شذى الازهار من انفاسه** ورقة النسمات من احساسه

اقيسه بايه قولي يا زيد** لو قلت ملاك اجده يذيد

جمال غلبني اعبر عنه** ومثاله عيوني ما شافنه

ظريف ورشيق لطيف لكنه** بى ما يجود علي بي حنه

لو نزل السماك الاعزل ** انا عن حبه ما بتنازل

زيدني في هجراني..../ عمر البنا

زيدني في هجراني
وفي هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي الدوام تعصاني
يا درر ألحاني
يا أزاي و دواي
يا راحي يا ريحاني
إنت نايم و أنا
ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفا" باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم
زيدني في هجراني

امتي ارجع لامدر واعودا.../ عمر البنا

امتي ارجع لامدر واعودا

واشوف نعيم دنيتي وسعودا

امتي تلمع بروق رعودا

حظوظي تنجز لي وعودا

روحي ضاعت في النار قعودا

لي هون يا ربي عودة

اشوف حبيبتي وانظر خدودا

عساها ترحم تكون ودودة

ومسامعي تسكر من ردودا

وتطفي ناري الفاتت حدودا

اشواق كتيرة الدموع شهودة

وللمنام العيون زهودة

وفي الهجر روحي ضاع مجهودة

لم تزل حافظة لي عهودة

ياالمن فراقك ايامي سودا

خلاف وصالك دايما كسودا

غير محاسنك مين يسودا

الملوك وياسر الاسودا

ما كانو يعرفو ناس بلودة

الغرام من قبال ولودة

من يوم وضوعا الفي الخير خلودا

فاتنة النفوس طايعة وجلودة

ابواب لقاها ام خدود مصودة

ونار العذاب في الفؤاد محصودة

هناي ومنية روحي ومقصودا

اشوف رشيم يضوي بين فصودا

ياسيد الروح هل تدري.../ عمر البنا

يا سيد الروح هل تدري مالكني هواك من بدري

طال البين امتي تبين وتزيل ضرري

متين من داخل الخدر تظهر وتسخر بالبدر

وبي شوفتك تشرح صدري واشاهد ليلة القدر

والقي مناي في دنياي ويطيب دهري

محاسنك سيدة العصر وحايزة لتاج النصر

اعلم يارقيق الخصر بريدك زيادة عن بصري

انت ازاي وانت شفاي وجبر كسري

هاهي حقيقة الامر انا ما بسكر من الخمر

ولا من صوت القمري لكن نظرات سيد عمري

تسكرني وتصحيني وتزيد اسري

اساهر الليل للفجر ملازم النوح والضجر

لولاك يا ظبي الحجر دمعة عيني ما بتجري

قلبي حنين انا لي سنين فاقد بصري

محاسنك احن علي شكري وهبت ليك بنات فكري

عساك تسيب المكر ولو في النوم تجيب ذكري

قلبك يريم يحن يا ريم ويسيب هجرى

مالك يا حبيبي جفيت.../ عمر البنا

مالك يا حبيبي جفيت
وبي وصالي وودادي نفيت
حارق فؤادي ما لقيت
وبي نظرة منك واكتفيت
مالك يا حبيبي لو كان وفيت
وبي طيف خيالك واختفيت
يا المن دلالك ما فضيت
وتعذيبي في حبك رضيت
سجلت نفسي وليك مضيت
ومملوكك أحكم ما قضيت
من نار هواك بيك التجيت
ومنك التعطف ارتجيت
لو في الخيال لي مرة جيت
كان ضعت وفي الحال نجيت
يا درتي الليك انتقيت
وغيرك بديل انا ما لقيت
بيك كم تعبت وكم شقيت
ويا ليلى انا قيس قيس بقيت
فوق الكواكب حق عليت
غاب البدر وانت انجليت
مهما عظم خطبي وبليت
في حبك اذداد ما سليت
يا البي صدودك لي فنيت
وايه النظر لو اغتنيت
انا فيك كم آمال بنيت
وهاجرني ما ذنبي الجنيت

يا نعيم الدنيا ../ عمر البنا

يا نعيم الدنيا كيف الحياة غير ليمك

من بعدك اصبح حظي زي لون هضليمك

يا حليف الخدر التايه في نعيمك

مادام هاجرني ارسل لي نسيمك

وانعش روحي بند جسيمك

او طيب المسك الفايح من تبسيمك

يا اماني حياتي البيك نور اقليمك

يتمني التبري يلمع كأديمك

ومشتاقة الشمس تظفر بي ليمك

وتاخد من نورك وتلثم لي قديمك

يا فرع البان المايل في خميلك

من قمة حبي متعلم ميلك

يا بدر التم ما بتم تكميلك

لو ما تجعل محبوبي زميلك

سيوف الهند من لحظات عينك

ليه بيها تصيبني ايه بيني وبينك

غير كوني احبك وحيات خدينك

كف عني صدودك يا حبيبي ودينك

ليك حق في صدودك وتيهك وتدليلك

وليك حق تهجرني ويكتر تعليلك

ما دام حسنك فردي وعلي جيلك

ممتاز بالعفة المانعاني اجيلك

مع صدك وهجرك مازلت اريدك

ومنام عيني بين حزوز جيدك

تاية في نعيمك مولاي يزيدك

وضيعت حياتي تسلم لي ايدك

الجنيات يا بغارة.../ عمر البنا

الجنيات يا بغاره شدو خيلهم للمغاره

أخوى ما برضى الحقاره
هزّ وعرض في النقاره
في العركه الحلقن صقاره
كتل القوم يتم صغاره

يا الجنيات يا الربحتو
كيف امسيتو وصبحتو
سيف أخوى في لفحتو
بشيل الرأس بى صفحتو

عاجبنى وشكره جبتو
ما بخون جارتو وقريبتو
يا ناس بوريكم عجيبتو
للضيفان بضبح وجيبتو

داك كوراك في الحرازه
مرقو الناس للبرازه
أخوك يا جدية العزازه
سام الروح والشكره حازه

يوم العركه الفى سماحه
اشتبكو سيوفها ورماحها
برز اخوك يا أم سماحه
والخيل صداهن قماحه

أب قلبا فيه الحراره
أب عينا حمرا وشراره
يدخل الحاره ويطفئ ناره
ويشبع الصقار مراره

اخوان امنة../ عمر البنا

نحاسهن اترزم
خيول المحاص الكرفن لي ريحة الدم
هن بتصاهلن وعقيدن اتقدم

قوم شوف الخيول يا خوى عدادهن كم
قودهن للحرابه وفيهن اتحكم
كم فارسا عنود من شوفتك أتبكم
اقطع دابرهم بى سيفك الأبكم

شدولو وركب فوق قارحه الأدهم
لحاق الصديق والجار في ساعة الهم
إن حمر في الزول غير شك يكتلو وهم
يتدردق تقول مضروب بألف سهم

أسد الكرمت الفى عرينه يتنتر
اقدل يا جنا فوق عزك اتبختر
اهجم وأتذكر عيون عبله يا عنتر
ادخل العوق وخلى الصف ورا ينتر

وقت النحاس قح وقلب حربي
دا اليوم الفيه أم حداقه نفخر بى
تبراني الصقور وتتغدى من دربي
أكلى من القلوب ودم الرجال شربي

جينا منصورين أبشرى يا آمنه
جُرى النم علينا وارقدي متطامنه
مسكناك لسانا واسمعي كلامنا
إن حوتا الألوف ما بقيفوا قدامنا

عارفاكم تمام انتو فرساني
وما فيكم جبان في الحاره بنسانى
ترفعو راسي عالي وتطولو لساني
الرجاله حارساكم والسماحه حارسانى

» فنان الجماهير - سيد خليفة - توثيق شامل......
» رحيل كروان الحقيبة / مبارك حسن بركات
» اغنية الحقيبة ... ليست عبقرية ام دومان