ضـــب سـنــــار

يا اخواني البقطع الكهرباء والمويه ده ضب بشري شكلو

[b]لاعزاء:ـ
عادل عثمان
بت محجوب البشير

شكرا على المرور وتعالوا شوفوا تعلبقات الناس على القصه دى
ـــــــــــــــــــــــــــــــــــــــــــــــــ

بكون تمساح عشاري لانو الضب ما بقدر على البلاك اوت ده شغل تماسيح
الشيوعيين ديل اتطورو وادوات ثورتهم اتطورت من البلوفة دخلو دلوقت على جنينة الحيوانات
مرة ضب ومرة تمساح يا ربي المرة الجاية لابدين بشنو
اوعو يكونو حيستعملو الافاتار ومسخري الهواء والنار والماء *

ـــــــــــــــــــــــــــــــــــــــــــــ

تحياتي ياعمر
كان الله في عونكم وعون هذا الشعب المبتلى في خصوصياته وعمومياته .. غلاء اسعار ، ماء عكر معدوم ، كهرباء مقطوعة ، تعليم ، صحة ، خدمات عامة ولا حتى مجرد أدغاس أحلام ، ونفس الطاقم الحاكم مرشح للاستمرار مع إضافة شوية ألوان صناعية ونكهات لزوم الهضم وكده ....
عموما أصبروا وصابروا وأحتسبوا كما عهدناكم ... تلقوه قدام ...
مع أطيب المنى بصيام مقبول وعيدكم مبارك
الشفيع إبراهيم

ــــــــــــــــــــــــــــــــــــــــــــــــ

تقول اخر الاخبار الوارده من السودان ان الضب غاضب من التماسيح
الملت البلد فاختار ان ينتحر بصعقه كهربائية...
اللهم ربى لاتؤاخذنا بما فعل السفهاء منا يارب العالمين،،،

ـــــــــــــــــــــــــــــــــــــــــــــ

[b] وتتواصل التعليقات على هذا الحدث الفريد
ونختار لكم التعليقات من موقع سودان نت

قاتله الله منذ أن قدم ولم تشهد المنطقة أي تطور ملحوظ بعد أن كانت الأولى من ناحية الإقتصاد وجميع مواقفه سالبة تجاه المواطنين إنقطاع الماء والكهرباء ما هو إلا عقاب جماعي لأهل المنطقة إذ وقفوا ضده في الإنتخابات فلجأ إلى التزوير وشراء الذمم كالعادة
اللهم عليك به في هذا الشهر الكريم
آمين
__________________

[b] ومن نفس الموقع هاكم التعليق الظريف ده

ياخ ده بكون ضب قدر الورل
اصلن سنار دي مشهور بالضبوب الضخمة

عارف قبل كده واحد من المواطنين عندو القندران بتاعو اتعطل والترلة شاحنة سكر والدنيا مطر
طبعا ما في طريقة يخليها للمطر

مشى جاب ليو ضب متل حق المعتمد ده ربطو ليك في الترلة

الناس دي تحلف قالو الضب ده جرى بالترلة دنس جري
ياخ قال ليك جاء ماري جمب بي ام دبليو زي الواقفة
نمن وقف الترلة دي نفسا كان قايم هيه هيه هيه
الا عملوا ليها تنفس اصتناعي

تقول لي ما يوقف كهرباء خزان سنار

تلاتة يوم دي عشان يعرفو الضب قاعد وين في مكتب المعتمد

اتضح انو قاعد في الكرسي ورا مكتبو

[b] يا عادل ايه رايك فى تعليق الزول المبسوط ده

اكيييييد الاخ ضب علمانى
كان غرضو يفصلوا الكهربا عن الموية

[b] قام واحد يا عادل مبسوط اكتر منو رده عليهو


خطأ خطأ

الضب انصار سنة
يريد فصل الماء الانثي عن الرجل الكهرباء

__________________

بالله لو كان قال فار ما كان احسن شويه علي الاقل الفار من القوارض ولكن الضب ده بتاع لحس ساى ياهوى

ويقال انه تلقى تدريبات ودورات متخصصة في الصين وكوريا الشمالية

ونطالب بتشكيل لجنة قومية لمكافحة (الضبوب - أو الضببة - الكبيرة) بولاية سنار..أو تأسيس وزارة ولائية هناك باسم ( وزارة التبرير الفطير ومكافحة الضب الكبير)..وإذا تعذرت هذه وتلك، أي ربما لترشيد الصرف الحكومي لن تقبل الحكومة مقترحي هذا، وعليه نقترح بتسليم ملف ( مكافحة الضب الكبير) لمن يتولى منصب المعتمد برئاسة الولاية بكل الولايات ، خاصة أن المواطن السوداني - في كل ولايات السودان - لايعلم : (ماذا يفعل المعتمد برئاسة الولاية أثناء ساعات العمل الرسمية؟).. نعم يجب أن ينشغل أي معتمد - برئاسة أي ولاية - بمكافحة أي ضب كبير تحدثه نفسه بالتسلل الي مفاتيح الكهرباء، أوهكذا عليه (تحليل راتبه ومخصصاته)..كونو يكافح ليكم الضب الكبير شئ ما ساهل ياجماعة
الطاهر ساتي
صحيفة الوان