أبوبكر الرازي
المدير العام
عدد المساهمات : 1008
تاريخ التسجيل : 29/07/2009
الموقع : جامعة شندي - مركز تقنية المعلومات
 | موضوع: مرض أنفلونزا الخنازير  الأحد فبراير 14, 2010 1:06 am | |
| مرض أنفلونزا الخنازير بسم الله الرحمن الرحيم
عيادة على الهواء
موضوع الحلقة : مرض أنفلونزا الخنازير 12/ 11/2009م
دكتور/ بابكر احمد على مقبول البرنامج القومي لمكافحة الأوبئة والأمراض
المشتركة ، ودكتور/ السر عبد المتعال سر الختم محمد مدير وحدة التصدي
المرضى والأمراض المشتركة . مقدم البرنامج : تحية
الصحة والعافية لمستمعينا الأعزاء الذين يتابعون أثير أم درمان عبر عيادة
على الهواء ، أهلا ومرحبا بكم وكل التحايا لكم اعزائى المستمعين من فريق
العيادة لهذا اليوم ، مستمعينا الأعزاء ليس لدينا حديث هذه الأيام سوى
أنفلونزا الخنازير أو الأنفلونزا بهذا المدلول هذا الوباء الذي انتشر
بسرعة في كثير من دول العالم طرى ما حقيقة هذا المرض ما هي طبيعته كيفيفة
حدوث العدوى أهم الأعراض المرضية للأنفلونزا هنالك العديد من النقاط التي
نود الوقوف عندها حتى نتجنب الإصابة بهذا الوباء اذاً اعزائى المستمعين
رحبوا معي بضيفي العيادة الدكاترة الأعزاء دكتور/ بابكر احمد على مقبول
مدير البرنامج القومي لمكافحة الأوبئة والأمراض المشتركة أهلا ومرحب بيك
دكتور بابكر دكتور/ بابكر احمد : أهلا وسهلا ومرحب بيك ومرحب بجميع الإخوة المستمعين عبر برنامجكم عيادة على الهواء مقدم البرنامج : أيضا نرحب بدكتور/ السر عبد المتعال سر الختم محمد مدير وحدة التصدي المرضى والأمراض المشتركة أهلا ومرحبا دكتور/ السر عبد المتعال سر الختم : أهلا ومرحب بالأعزاء المستمعين عبر إذاعة أم درمان في برنامج عيادة على الهواء مقدم البرنامج : مرحبا بكما ونستقبل اعزائى المستمعين أسئلتكم واستفساراتكم عبر رقم الهاتف ( 87553152 ) من جديد نرحب بضيفي العيادة دكتور بابكر بداية ما حقيقة هذا المرض اى أنفلونزا الخنازير دكتور/ بابكر احمد : حقيقة مرض أنفلونزا الخنازير دا الاسم الشائع طبعا لكن هي الاسم الأصح هو أنفلونزا (h1n1
) هي أنفلونزا نفس الأنفلونزا من ناحية الأعراض هي نفس الأنفلونزا التي
نعرفها من قديم الزمان لكن خصوصية هذا المرض جاءت من انو هذه الأنفلونزا
كانت أولا معروفة أنها بتصيب الخنازير طبعا الفيروس الىّ هو النوع ( أ )
عندو أنواع فرعية فيها ما يصيب الإنسان فيها ما يصيب الطيور فيها ما يصيب
الحصين وفيها ما يصيب الأحياء المائية لكن كل نوع فرعى بيختص بإصابة فصيلة
معينة أحيانا بيحصل اختلاط ينتقل الفيروس من فصيلة الى فصيلة أو من جنس
الى جنس هذا الشيء الحصل في حالة أنفلونزا الخنازير انتقلت الإصابة
الفيروس أصبح لديه المقدرة انو ينتقل من الخنزير الى الإنسان ودي كانت
المرحلة الأولى في الوباء بعد أيام أو أسابيع من انتشار الوباء هو طبعا
بدا في المكسيك وأمريكا أصبح له خصائص جديدة بقت هناك في قدرة انو الإنسان
يصيب أخيه الإنسان ومن هنا يعنى الخنزير طلع من اللعبة فبقت الإصابة بين
الإنسان والإنسان وسميت أنفلونزا (h1n1 ) الىّ هي الآن منتشرة في جميع بلدان العالم مقدم البرنامج : انتشار هذا النوع من الأنفلونزا دكتور السر يعنى بسرعة شديدة نحنا عايزن نعرف كيفية حدوث العدوى دكتور/ السر عبد المتعال : الحقيقة
هذا المرض يصنف ضمن الأمراض التي تمتاز بانها عندها قابلية سريعة جدا
للعدوى لأن هذا المرض يسببه فيروس وهذا الفيروس ينتقل عبر الرزاز لذلك هو
يمتاز بأنو له القابلية على الانتشار السريع عبر أوساط المواطنين خصوصا في
مناطق الاختلاط والازدحام وعند حدوث اى ملامسة قريبة على اقل من متر من
إنسان الى إنسان لذلك نحنا بنفتكر انو هذا المرض بينتقل بالانتقال المباشر
نحنا عندنا نوعين من انتقال العدوى عندنا العدوى المباشرة الىّ هي بتكون
في مثل هذا المرض تحديدا على مسافة اقل من متر دي تسمى انتقال مباشر أما
الانتقال عبر الهواء في زول مثلا بعيد منك بمسافة أمتار هذه تسمى طريقة
غير مباشرة في انتقال العدوى لكن هذا المرض يمتاز بانو الانتقال مباشر
وفيها ميزة وفيها شيء من التخوف انو طالما بينتقل من إنسان الى إنسان فدي
حاجة تخوف لكن الميزة الفيهو في اقل من متر فقط هي المسافة التي تتيح
انتقال العدوى أما إذا كان بينك وبين المريض مسافة أكثر من متر لحد ما انت
في مأمن من هذه العدوى لذلك نحنا بنفتكر انو دائما تخلى مسافة بينك وبين
المريض أو بينك وبين الإنسان الذي تشك في انو مصاب مسافة أكثر من متر فهذه
الطريقة الوحيدة لانتقال العدوى الىّ هي انتقال مباشر إذا كان بالرزاز
المباشر أو عند استخدام بعض الأدوات التي يستخدمها المريض مثلا المعلقة أو
كباية الشاي إذا انت لامستا بعض الأسطح قد تكون ملوثة بهذا الفيروس وإذا
ما غسلت يدك جيدا بالماء والصابون العادي فانت بتكون في عرضة للإصابة أما
إذا اتخذت كل هذه الحاجات التي قد يلي ذكرها خلال هذه الحلقة سنناقش إنشاء
الله هذه النقطة بالتفصيل مقدم البرنامج : دكتور بابكر دايرين برضو نقيف على الأعراض يعنى الأعراض المرضية للأنفلونزا دكتور/ بابكر احمد :
الأعراض هي باختصار ارتفاع في درجة الحرارة يعنى تصل درجة حرارة الإنسان
أكثر من 38 درجة مئوية الىّ هي حمى يعنى إضافة لأعراض النزلة الىّ هي بقول
عليها بالدارجة وهى الكحة العطس أو العطاس الكتير يعنى سيلان الأنف
افرازات قد تكون برضو من داخل الصدر ذي البلغم الآلام العضلات الصداع هي
نفس الأعراض بتاعة النزلة العادية مقدم البرنامج : طيب نحنا نعرفها كيف امكن تجى نفس الأعراض الواحد يقوم ما يهتم بي إنها أنفلونزا الخنازير الىّ هي ( h1n1) ولى دي أنفلونزا ساى يعنى ما يهتم انو يمشى الدكتور ولى ياخد ليها حاجة ولى كدا لأنو عادة الأنفلونزا الناس بيعتبروا مرض خفيف دكتور/ بابكر احمد : هي
ما تزال مرض خفيف لكن يعنى عامة نحنا بنحس انو اى زول شعر بأعراض النزلة
حتى لو سميناها النزلة العادية في هذه الظروف العالمية الىّ فيها انتشار
للوباء أنفلونزا (h1n1
) يعنى على الأقل يستشير طبيب أو اى شخص يعنى مساعد طبي اى شخص له علاقة
بالمجال الطبي عشان على الأقل يطمئن هل هذه الأعراض هي النوع المعنى من
الأنفلونزا أو هي الإصابات القديمة التي كانت بتحدث عادة وتكثر في فصل
الشتاء مقدم البرنامج : دكتور
السر امكن انت ذكرت يعنى جزء من الممارسات الممكن تنتشر بها نحنا دايرين
نرجع للممارسات التي تسبب حالة الانتشار ذاتا يعنى حتى انو نتجنب انتشار
هذا النوع من الأنفلونزا دكتور/ السر عبد المتعال : حقيقة
غالبا ما نتحدث في وسائل الإعلام المختلفة انو دايرين نتكلم عن النظافة
الشخصية للإنسان وسلوك الإنسان السوداني نحنا نتمنى انو يكون بمستوى يتيح
له شيء من الصحة بدون ما يلجا الى استشارة طبي أو يمشى يطلب الخدمة
العلاجية في المستشفيات يعنى الزول لمن يجى يعطس نحنا عادة بنخت يدينا وهو
بيعطس نحنا بنفضل أو نتمنى انو المواطن يكون حريص على نفسو وبصير على
روحوا انو يستعمل منديل إنشاء لو منديل ورق متاح وغالبا إذا في منديل ورق
يرميهوا بطريقة منظمة في مناطق القمامة ويغسل يديوا طوالى إذا اتيحت له
الفرصة بالماء والصابون فدى أهم حاجة عندنا نحنا لأنو انت بعد شوية حا
تسلم على زول في يدوا بعد شوية الزول دا يتعادى وقبل ما يتعادى يسلم على
زول تانى نتمنى من الناس انو يساهموا معنا في نشر هذه الثقافة الصحية عبر
غسيل اليدين بالماء والصابون تبقى ثقافة يومية عند المواطنين ونستعمل عادة
المنديل عند العطس أو عند السعال وإذا كان منديل يعنى مستخدم استخدام
أحادى يعنى مرة واحدة نرميهوا في القمامة بطريقة منظمة امكن دي الحاجات
المهمة جدا جدا وعدم استعمال أدوات المريض إذا في طفل عيان في البيت عادة
ممكن يدوا بالملعقة بتاعة أخوه أو بيشرب بالكوب بتاع أخوه أو المرأة
وزوجها ممكن يشربوا بي ماعون واحد برضو نتمنى انو الناس يعنى يخلوا
المجاملات بتاعة السودانيين شوية ويكونوا بصيرين على أنفسهم دي نحنا واحدة
من الحاجات التي نطالب بها في المجتمع ومن خلال الثقافة اليومية التي
ننشرها عبر وسائل الإعلام المختلفة مقدم البرنامج : دكتور بابكر عند اى إضافة في هذا الإطار ولى ننتقل الى نقطة أخرى دكتور بابكر احمد :
والله ذي ما ذكر دكتور السر يعنى المرض ما عايز الاحتكاك اللصيق ومن
العادات دي نحنا عندنا السلام بالأحضان يعنى والسلام برضو بالقبل مع انو
دي عادة في السودان قليلة لكن ممكن تكون منتشرة شوية وسط النساء وأيضا
القبل أو السلام على الأطفال الصغار كل منهم سواء كان رجل أو أنثى والأم
والحبوبة بتشوف أحسن طريق تسلم على أطفالهم الصغار بالتقبيل فدى الأشياء
دي برضو ما محبب إنها بالذات لو كان عندك أعراض بتاعة نزلة يعنى تجنب انك
تسلم تكون بالطريقة دي لأنها شوية خطرة مقدم البرنامج : طيب
دكتور بابكر يعنى ممكن نستعمل مثلا إذا حسينا بالأعراض الانت ذكرتها قبل
شوية ممكن نستعمل علاج بلدي مثلا ذي ما بنعمل مع النزلة العادية الناس
يقول ليك يعنى مثلا اشرب زيت سمسم أو اشرب عصائر كتير ارتاح كدا دكتور/ بابكر احمد : شراب
السوائل سواء كان ماء أو عصائر هي من الأشياء المحبذة يعنى طبيا في حالة
الإصابة بي اى حمى يعنى لما يكون في ارتفاع في درجة الحرارة من الأفضل انو
الإنسان مع خلدوا الى الراحة يكثر من شرب السوائل نحنا هنا البلدي امكن هو
في اغلبوا هو عصائر المفهوم العندنا الكركدى الليمون كل الأشياء دي بتخش
في انو تكون من المستحبات لي انو الإنسان يستعملا يعنى مقدم البرنامج : طيب حا نواصل في النقطة دي تانى لكن قبل ما ننتقل الى نقطة أخرى معنا مستمع على الهاتف الو مرحبا مشاركة عبر الهاتف : أسرة العيادة كل سنة والجميع بسعادة تامة مقدم البرنامج : أهلا بيك مشاركة عبر الهاتف : معكم الهجا موسى الإمام قرية فقيدة – المناقل مقدم البرنامج : مرحب بيك الهجا مشاركة عبر الهاتف : طبعا
السودان ذو مداخل عديدة فالمصابين يأتون من اى مدخل هل قادرين على أن
تحموا السودان والمواطنين من هذه المداخل أو عبر الميناء أو عبر الجو كيف
الحماية والحقيقة يا دكتور كل الدول العربية فهمت المواطنين من هذا المرض
فهل عندكم العلاج دا ممكن تطعموا المواطنين ديل في منازلهم ولى هل عندكم
مراكز يذهب لها المواطنين عشان يطعموا أطفالهم ويطعموا أنفسهم وهل يا
دكتور المصل دا في الصيدليات متوفر عشان المواطن يقدر يمشى يتناولوا في
حالة إسعافات أولية ولى كدي وحقيقة يعنى في طفل ولد وهو مصاب بهذا المرض
يعنى من أين أتى لهذا الطفل وهو ولد قبل أسبوع أو عشرة أيام وأصيب بهذا
المرض ثم ثانيا انتو يا دكتور بابكر طعمتوا الحجاج هنا في السودان وبرضو
السلطات السعودية عندنا في السعودية برضو طعمت هل تكرار الجرعات دي لها
اثر صحي على المواطن وما هي آخر الإحصائيات المصابين عندكم في السودان
بالنسبة للمصابين وبالنسبة للذين رحلوا من هذا المرض وشكرا جزيلا مقدم البرنامج : شكرا ليك أخونا الهجا دكتور/ بابكر احمد :
أخونا الهجا شكرا ليك على إطراءك وكل الملاحظات القلتها إنشاء الله اقدر
أرد ليك عليها حماية المداخل بالتأكيد يعنى نحنا عندنا فرق صحية بتعمل ليل
نهار في كل المداخل في المطارات والمواني البحرية والمواني البرية وبتراقب
جميع القادمين الى البلاد مش بتراقبهم لحظة وصولهم المطارات والمواني
وإنما حتى يصلوا بيوتهم وامكن يعنى لاقيت أسبوع أو عشرة يوم بتصلوا عليهم
ويحبوا لو ظهرت عليهم اى أعراض دا شغل تم منذ أن بدا الوباء العالمي في
أواخر مارس وما زال مستمر وامكن الدولة برضو يعنى وفرت أجهزة للكشف
الحراري للداخلين في المطار والمواني كلهم لمن يدخلوا عندنا جهاز بيحدد
الشخص الذي درجة حرارته مرتفعة وبنعرفوا ونمشى نعمل معه إجراءات خاصة
وبنتابعوا بصورة فيها أكثر دقة يعنى بالنسبة للتطعيم نحنا يعنى حا نوفر
التطعيم وإجراءات توفيروا جارية بصورة مطمئنة لكن نحنا أسى ما وصلنا ذاتوا
للمرحلة التي نطعم فيها المواطنين بالرغم من انو الخطة معدودة ومرتبة لكن
الوقت ما جاء الى إننا نحنا نعمل حملة شاملة عشان نطعم جميع المواطنين دا
الحبيت أكدوا ليك في توفر التطعيم ، الحجاج نحنا طعمناهم هنا وحجيجنا
السوداني الآن الوصل المملكة العربية السعودية عندنا إحصاء طبية معاهم
بترفع لينا تقارير يومية وما أظن تلقوا تطعيم تانى في المملكة العربية
السعودية حسب التقارير التي تصلنا ومافى احتياج الى إنهم يطعموا للمرة
التانية دا شيء بيجينا تقرير يومي كل صباح عن الحالة الصحية للحجيج في
المملكة العربية السعودية ، الإحصائيات للحالات نحنا طبعا زينا وذي جميع
دول العالم عندنا حالات متفرقة بدأت منذ أواخر مارس ذي ما قلت والى الآن
عندنا حوالي 21 حالة على طول هذه الفترة الزمنية ليست حدثت في يوم أو حدثت
في أسبوع ولكن حصلت بصورة متفرقة مقدم البرنامج : هو قال ليك برضو في كلاموا في مصل في الصيدليات لهذه الأنفلونزا دكتور بابكر احمد :
المصل لا يوجد في الصيدلية هو أول حاجة المصل غالى شديد وكميتوا محدودة في
العالم بيتم استيرادوا بواسطة وزارة الصحة وبنحفظوا أو بنستعملوا في الوقت
المناسب إذا دعت الضرورة مقدم البرنامج : طيب
عندو سؤال تانى قال في طفل وليد مصاب بالأنفلونزا ديا هو بيسأل هي جات من
وين هل تكون جاتوا من أموا من كدا أنا ما عارفة الطفل دا لكن من خلال
سؤالوا يعنى نحنا بنفتكر انو طفل صغير مولود دكتور/ بابكر احمد : هو
طفل شوفي لمن قلت عندنا 21 حالة في السودان يعنى أنا اعرف المصابين في
السودان بالاسم والموقع والعمر وكذا لكن في حالات شبيه تتشابه مع بعض ربما
يكون هذا الطفل يعنى مصاب بي اى مرض تنفسي وما أكثر الأمراض التنفسية التي
تصاب الأطفال حديثي الولادة لكن حسب معلوماتي يعنى ما عندنا طفل مسجل أصيب
في أيامه الأولى والأطفال في السته شهور الأولى هم اقل عرضه للإصابة بهذه
الأنفلونزا مقدم البرنامج : يعنى ممكن طيب نحنا نلقى في طفل نقدر نقول عليه طفل مصاب بالأنفلونزا لكن قد لا تكون هي (h1n1 ) دكتور/ بابكر احمد : قد لا تكون (h1n1 ) قد تكون شيء ناتج من مضاعفات الولادة قد يكون شيء مثلا تعرض لمشاكل ولى هواء حاجة كدا مقدم البرنامج :
دكتور بابكر في تطعيم الحجاج دا يعنى نحنا من زمان بنعرف انو الحاج دا لمن
يجى من الحج أو العمرة بيكون مصاب بالأنفلونزا يعنى بس في الفترة الأخيرة
بقت (h1n1 ) دي يعنى زمان الحجاج بيسافروا من غير تطعيم من هذه الأنفلونزا دكتور/ بابكر احمد : هي
طبها البيجيبوها الحجاج لينا دي اسمها الأنفلونزا الآسيوية وكانت بتكثر
لمن يكون الحج متزامن مع فصل الشتاء في المملكة العربية السعودية ودي هي
التي طعمنا ضدها الحجاج لأنها دائما في البلدان الباردة الحج طبعا بيجوا
فيه المسلمين من كل دول العالم وفى ناس بيجوا من مناطق باردة شديد جدا
وبيجوا مصابين بهذه الأنفلونزا وتتناقل بين الحجاج ودي فئة خاصة
الأنفلونزا هي بتنتقل من إنسان الى إنسان يعنى لها نفس الصفات ونفس
الأعراض ولكن نحنا طعمنا ضدها الآن لأنو لما الحاج يكون مطعم ضدها تطعيما
بيقلل فرصة إصابته بأنفلونزا (h1n1 ) مقدم البرنامج :
دكتور السر عندك إضافة في هذا الإطار ولى معانا تلفون الو مرحبا طيب الى
أن يتم الاتصال بالمستمع القادم نواصل في الحديث عن أنفلونزا الخنازير
دكتور السر يعنى الأنفلونزا دائما مربوطة بفصل الشتاء والتوقعات الخاصة
بالالتهابات التنفسية عادة بتكون اكتر في فصل الشتاء يلا نحنا أسى مقبلين
على هذا الشتاء أو دخلنا فيهو يلا نحنا دايرين نتحدث عن الأنفلونزا
وارتباطها بفصل الشتاء خاصة دكتور/ السر عبد المتعال : طالما
هي أنفلونزا دا يعنى بالضرورة إنها بتكثر في فصل الشتاء وفى العالم كلوا
نحنا طالما موجودين في هذا المناخ المدارى وامكن نحنا اقل عرضة من باقي
الدول الأوربية والأمريكية للإصابة بهذه الأمراض أمراض الأنفلونزا
المختلفة نحنا نطمن المواطن انو نحنا كدولة في السودان عدد الإصابات حا
يكون اقل من عدد الدول الأوربية الىّ هي فيها امكن مناخ بارد وشتوي اكتر
من عندنا لكن كحالات بتاعة أنفلونزا بتكثر عادة في فصل الشتاء وممكن برضو
في السودان عندنا لكن نحنا بنؤكد انو هذه الأنفلونزا زيها وذي الأنفلونزا
العادية لكن قد تكون مصاحبة بعض المضاعفات عند نسبة بسيطة جدا من المصابين
الىّ هي قد تستدعى انو يطلبوا الخدمة العلاجية من المستشفيات أو المراكز
الصحية مقدم البرنامج : يعنى مع قدوم فصل الشتاء اى إصابة بالأنفلونزا لازم الذهاب الى الطبيب أو المستشفى دكتور/ السر عبد المتعال : والله
نحنا بنقول الإصابات قد تكون أنفلونزا موسمية أو أنفلونزا عادية مافى شيء
يستدعى انك كل ما تجييك أنفلونزا تبدأ تعطس وتحس بشيء من الأعراض البسيطة
والخفيفة وانت تمارس في حياتك اليومية العادية ما بتستدعى انك تذهب للطبيب
لكن إذا حسيت انك مصاب بالأنفلونزا حا تكون بعد دا مراقب لنفسك وإذا جاتك
بعض الأعراض نحنا نذكرها بعد شوية انت بتستدعى انك تطلب خدمة علاجية لكن
تكون مطمئن ولا تخاف على نفسك تمشى تقدم نفسك للطبيب وتلتزم بالنصائح التي
يقدمها لك الطبيب كلها وإنشاء الله ما تحصل ليك حاجة طالما هي أنفلونزا
عادية إذا كانت الأنفلونزا هي نحنا بنفتكر إنها الطبيب المعالج هي
أنفلونزا غير عادية بتتعمل ليك بعض الفحوصات وإذا لقوا بعض الحالات هي
خفيفة بينصحوك بالبقاء في المنزل وتناول علاج المنزل الىّ هو سنتطرق ليهو
إنشاء الله في هذه الحلقة مقدم البرنامج : نواصل في ذات الإطار والتوعية والعلاج في المنزل والعلاج في المستشفى بالنسبة للأنفلونزا دكتور/ السر عبد المتعال : ذي ما ذكرت قبل قليل انو نحنا الحالات الخفيفة والبسيطة قد تكون أصلا هي ما أنفلونزا ( h1n1) بنطالب المريض انو يتلقى العلاج المنزلي بدون استدعاء تدخل الطبيب لكن إذا اكتشفنا إنها حالة بتاعة أنفلونزا حتى لو كانت أنفلونزا(h1n1 ) وهو حالتوا بسيطة ومستقرة حسب تقييم الطبيب بنطالبوا أيضا بالبقاء في المنزل وتناول العلاج المنزلي مقدم البرنامج : معانا تلفون الو مرحبا مشاركة عبر الهاتف : السلام عليكم مقدم البرنامج : وعليكم السلام مشاركة عبر الهاتف : التحية لك أخت هويدا والتحية للدكاترة مقدم البرنامج : مرحب بيك منو معانا مشاركة عبر الهاتف : برير موسى البصير مدينة شبشة مقدم البرنامج : أهلا بيك يا برير مشاركة عبر الهاتف : والتحية
للأخت إسراء يعنى بالنسبة للدكاترة ما هي أكثر المناطق التي يتركز فيها
هذا المرض وما هي أعراضه وكيف نقى أنفسنا من هذه الأمراض وما هو الفرق
بينه وبين نزلات البرد العادية يعنى الحقيقة دا احتمال يكون اطرقوا ليهو
الدكاترة وكيف نتعامل مع المريض ربما المريض ذاتو يشكل له هاجس عندما يسمع
الناس انو عندو أنفلونزا الخنازير وكدا ما هي التوعية الصحية بالنسبة
للمريض وحتى يعنى بالنسبة للناس الحوليهوا وهل له فترة حضانة معينة وأنا
اشكر الهجا كان من ضمن كلاموا دخول الأجانب الى السودان وشكرا لك ولكل
التيم مقدم البرنامج : شكرا ليك يا برير طيب دكتور بابكر أخونا برير بيقول أكثر المناطق انتشارا لهذه الأنفلونزا دكتور/ بابكر احمد : أنا ما عارف هل هو بقصد أكثر المناطق في العالم ولى أكثر المناطق عندنا لو أصلا مقدم البرنامج : هو قصدوا أكثر المناطق عندنا في السودان دكتور/ بابكر احمد :
لو في العالم أنا بقول له أسى العالم كله مليان أنفلونزا والأنفلونزا في
اى مكان والحياة عادية وما عملت مشاكل وما عملت خوف والناس حياتهم العادية
شغالة واتعودوا يتعاملوا معها نحنا هنا في السودان ذي ما ذكرت الحالات حتى
هذه اللحظة امكن يعنى وصلت 21
حالة بعدين كان معظمها في الأول هم قادمين من خارج السودان يعنى جايين من
أمريكا جايين من انجلترا جايين من السعودية جايين من الأمارات المرض كان
مرتبط لينا بي انو يكون من الخارج قريب جدا بدأت بعض الحالات الداخلية
يعنى وهى الحمد لله قليله ونحنا متوقعين ذي ما ذكر دكتور السر في البرد
موسم الشتاء الأنفلونزا عموما تزيد وحتى الحالات دي متوقعنها تزيد وعدينا
العدة الى انو نواجه الموقف إذا تطور يعنى ، الأعراض الاتكلم عنها نحنا
امكن طبعا اتكلمنا عنها قلنا هي أعراض النزلة ذاتا العادية الزكمة والحمى
والكحة مقاطعة من مقدم البرنامج : هو قال الفرق بين الأنفلونزا الخنازير والأنفلونزا العادية دكتور/ بابكر احمد : مافى
اى فرق حتى في الأعراض حتى مافى فرق في المرض امكن 90% من الناس قد يشفى
من غير أن يتناول دواء يعنى عدد كبير من الناس لذلك هي شبيه تماما لذلك
حتى نحنا ما دايرين كل الناس تمشى الى المستشفى وتزحم المستشفى وتخاف وكدا
في علامات معينة ممكن نتطرق لها وكدا ذي ما قال دكتور السر يعنى لو سرعة
التنفس زادت بالذات عند الأطفال يعنى لو الحمى زادت لو حصل ضيق في التنفس
يعنى دي بعض الأعراض البتخليك انت تمشى تعرض نفسك على الطبيب لو كنت من
فئات خاصة الحوامل مرضى السكري الأمراض المزمنة الأخرى مثل الكلى والكبد
وأمراض القلب لو عندك نزلة وعندك الأمراض دي برضو حقوا تمشى تقابل الطبيب
لو كنت كبير السن 65 سنة وما فوق برضو يستحسن انك تقابل الطبيب يبقى
الأعراض هي نفسها لكن في فئات معينة نحنا دايرنها يستحسن إنها تقابل
الطبيب في أعراض معينة لو جات يستحسن الإنسان يقابل الطبيب ، التعامل مع
المريض يعنى الثقافة الصحية ذي ما ذكر أخونا دكتور السر هي امكن تكون
العامل الوحيد الذي يضمن لنا السيطرة على عدم تزايد الحالات وانتقالها في
أوساط المجتمع الىّ هو انت شعرت بي انك مريض أبقى في البيت وخليك قاعد في
البيت لو عندنا طفل شعر بي انو مريض برضو نحجزوا يوم يومين تلاتة من
المدرسة الى أن تزول منو الأعراض في البيت ذاتو يكون قاعد ويكون مخصص له
فرشوا ويتغير له فرشه بصورة منتظمة عندو أكواب خاصة مواعين خاصة بيستعملا
بننضف مكانوا ومكان افرازاته وبيستمعل مناديل دي الأشياء التي ننصحوا بها
فيما ذلك حتى لو استعمل كمامة يكون أفضل بالذات لما يحتك بي باقي أفراد
أسرته مقدم البرنامج : كدا ناس البيت الباقيين يقوموا يزعلوا ويخافوا ويقولوا الزول يعنى الزول دا عازلنوا براهوا وحاجاتوا براهوا وكدا دكتور/ بابكر احمد : لا
هو ما عزل لدرجة انو الناس تنفر منو لكن دا شيء عادى في بعض الأسر يعنى
شيء عادى حتى لو مافى مرض في بعض الأسر في ناس لمن يجيبوا الأكل لو هم
أربعة بيجيبوا أربعة كبابي بتاعة موية لو الفرش معروف دا سرير دا ودا سرير
دا مافى اختلاط فدى حاجات مفروض تكون يعنى ما فيها غرابة وما فيها اى
تمييز ودا الشيء المهم جدا انو الناس ما تفتكر انو الأنفلونزا دي مرض فيهو
يعنى وصمة بتاعة عيب ولى عار ولى كدا مداخلة من دكتور/ السر عبد المتعال : نحنا
عندنا في ثقافتنا يعنى بنشوف في البيوت إذا الزول عندو نزلة في البيت
بيقول دي كبايتى يعنى مافى زول يشرب بها نحنا الحقيقة دي ثقافة بنشجعا جدا
جدا بالذات في الأيام دي نحس المواطنين انو إذا في زول مصاب في البيت
يفرزوا ليهو عدتوا كباية شاي كباية موية الملعقة بتاعتوا حتى في البيوت
عندنا ثقافة ذي دي مقدم البرنامج : برضو بيقول أخونا برير بيقول هل في فترة حضانة لهذا الوباء يعنى دكتور/ بابكر احمد : فترة
الحضانة تقريبا من يوم الى أربعة أيام دي فترة الحضانة الأمراض الفيروسية
دائما فترة حضانتها قصيرة ، يعنى فترة الحضانة مقصود بها الفترة بيكون
الإنسان دخل له المكروب لكن لسه ما ظهرت عليه الأعراض يعنى ذي احتضن المرض
لكن لسه ما ظهرت الأعراض بعداك بتظهر الأعراض امكن أقصاها خمسة أيام وممكن
المريض يشفى بدون علاج مقدم البرنامج : عندنا مكالمة الو مرحبا مشاركة عبر الهاتف : السلام عليكم مقدم البرنامج : وعليكم السلام مشاركة عبر الهاتف : معاك تاج السر محمد مقدم البرنامج : أهلا بيك تاج السر اتفضل مشاركة عبر الهاتف : بسأل
عن العدوى دي هنا في ميناء بورتسودان طبعا في أهلنا العايدين ديل وطبعا
هنا مافى اى حملات مراقبة يمكن الكشف عليهم هل الناس ديل مصابين أم ما
مصابين وأرجو النظر في ذلك لأنو في ناس عايدين من المملكة العربية
السعودية هنا في الملاحة مافى اى مراقبة هل الناس عندهم عدوى ولى ما عندهم
مقدم البرنامج : شكرا ليك باعتبار انو بورتسودان طبعا ميناء ومدخل دكتور/ بابكر احمد : شكرا
ليك يا تاج السر يعنى أنا اطمنك أنا عائد قريبا الى الخرطوم كنت مدير
المحجر الصحي في بورتسودان نحنا مافى إنسان بيدخل البلد وإلا طاقمنا بتاع
الصحة أولا الداخلين البلد ذاتا بتجينا أسماءهم بيجينا تقرير عن حالتهم
الصحية قبل دخول السفينة الى المياه الإقليمية وبعداك بنرسل فريق طبي
وبيخش وبيعاين جميع المرضى حتى بعداك يسمح لهم بالنزول الى ارض الميناء
والآن تشددت الإجراءات أكثر يعنى والدليل على كدا الى الآن المرضى الثلاث
الدخلوا مستشفى بورتسودان هم من الذين اكتشفوا في مثل هذه الحالات مقدم البرنامج : دا
بيقودنا للحديث عن دوركم انتو كجهة منوط بها الحفاظ على صحة المواطنين
يعنى كل المداخل مؤمنة والمخارج في سؤال أخونا الهجا قبيل قال التطعيم
عندو اثر يعنى فرضنا ذي الحاج أسى اخذوا تطعيم من هذه الأنفلونزا عندها اى
اثر بالنسبة لصحتهم دكتور/ بابكر احمد : لا
طبعا التطعيم مفيد وأنا بس قلت للهجا انو ما بيكونوا اطعموا مرتين نحنا
طعمناهم ضد الأنفلونزا الموسمية ما بيكونوا اطعموا تانى ضد الأنفلونزا
الموسمية في السعودية حتى لو السعودية دايرة تطعمهم ممكن تطعمهم ضد
الأنفلونزا (h1n1 ) ودا إن توفر وأنا اشك إن توفر بكمية كبيرة عشان السعوديين يستعملوه للحجاج يعنى مقدم البرنامج : دكتور السر حملات المراقبة للوقاية من هذا الوباء دكتور/ السر عبد المتعال : عندنا
استراتيجيات لمكافحة الوباء نحنا عندنا كقطاع صحي بعض الإرشادات الفنية ذي
ما ذكر دكتور بابكر الىّ هي من ضمنها التطعيم ودي بنلجا لها عندما يصاب
عدد كبير من المواطنين لكن البيهمنا كخطوة ممكن يساهم فيها المجتمع الىّ
هي التثقيف الصحي ودي أهم خط دفاعي أول لمكافحة جميع الأوبئة لازم المواطن
يكون هو الشريك في العملية الصحية يكون شريك أصيل ويكون عنده بعض المشاركة
الفاعلة في مكافحة الوباء وفى حماية نفسه وحماية المواطنين عشان كدا نحنا
بنطالب انو المواطن يكون معنا انو أول حاجة يلتزم ويكون في ثقة متبادلة
بينوا وبين القطاع الصحي وبين النظام الصحي ويلتزم بكل التعليمات
والتوجيهات التي تأتى من الأطباء والمثقفين الصحيين ويلتزم بالحاجات التي
كنا بنتكلم فيها قبل شوية من ضمنها غسيل الايدى واستعمال المنديل عند
العطس وعند السعال وعدم الاختلاط المباشر بالمرضى يعنى اقل من متر وبرضو
عدم الاستهتار بالأشياء البسيطة مثلا إذا لقيت زول مريض تقبلوا وتحضنوا
حتى لو كان الطفل الصغير الاتكلمنا عنو قبل شوية ممكن خالتوا تكون جات
قبلتوا ولى كدا دي كلها أسباب تساعد في انتشار العدوى لكن نحنا كقطاع صحي
عندنا التثقيف الصحي وعندنا تطعيم حا نلجأ له بعدين لمن يصاب عدد كبير من
المواطنين في السودان مقدم البرنامج : إنشاء الله ما يصابوا ، معانا مكالمة الو مرحبا مشاركة عبر الهاتف : السلام عليكم مقدم البرنامج : وعليكم السلام منو معانا مشاركة عبر الهاتف : معاك نور الدائم احمد مكي من الهلبة غرب الدويم مقدم البرنامج : مرحب بيك أخ نور الدائم مشاركة عبر الهاتف : بنسأل
الدكاترة ديل عن المرض أنفلونزا الخنازير إذا كان يا دكتور المرض دا عمّ
في القرية ومثلا أصاب زول والقرية طبعا ما فيها خنازير يعنى أنا قصدي يعنى
هل المساعدين الطبيين والناس ديل عندهم الفكرة عن المرض مقدم البرنامج : شكرا ليك نور الدائم دكتور/ بابكر احمد : طيب
أخ نور الدائم طبعا نحنا كنا منذ فترة كنا بننتشر في جميع مدن السودان
وولايات السودان في تدريب الكوادر الطبية عن أعراض المرض وكيفية انتشاره
وكيفية تشخيصه وكيفية علاجه وكل ما يتعلق بالمرض بالأمس القريب كان معنا
جميع مدراء الوبائيات في السودان هنا في الخرطوم وأيضا كانوا في دورة أو
في اجتماع تم تنويرهم بكل المستجدات وما يجب عمله في ولاياتهم لذلك يعنى
الكوادر الطبية إنشاء الله في طريق الى انو نحنا أسى ما نقول كلها وعيناها
دربنا كل الناس وكدا لكن الخطة شغالة والمر ض حالته الآن ما عندنا حالات
تستدعى الناس تفكر انو يجيها في كل قرية وفى كل جهة وفى كل مكان و21 حالة
من 40 مليون ماذا تعنى يعنى حاجة بسيطة مقدم البرنامج :
طيب يا دكتور نحنا عارفين من أعراض الأنفلونزا الىّ هو العطس عادة الناس
في البيت في حته واحدة أو قد تكون في المواصلات العطس دا بيجى نتيجة اى
شيء إذا الواحد استنشقوا يعنى بعداك قد يكون مرتين تلاتة مثلا يلا أنا
اعرف كيف دا عطس بتاع أنفلونزا ولى عطس نتيجة أنا استنشقت حاجة كدا وخلاص
بعد شوية تلقى الناس الحوليك كلهم بالذات الأيام دي كل واحد خايف وكدا دكتور/ السر عبد المتعال : يعنى
الخوف دا حاجة كويسة نحنا بنشجع عليها ونحنا بنتكلم عن انو دي أنفلونزا
عادية يعنى هي أنفلونزا لكن شكلها جديد الفيروس المسبب جديد ما كان عندنا
في تاريخنا الطبي في العالم لكن اذا الزول عطس مرة أو مرتين أو تلاتة ما
مهم يعنى اذا عطس بحاجة مثيرة ذي مثلا بعض التوابل ولى كدا المهم ما يخرج
منه أثناء العطس حتى لو كان زول صحيح وما عندو اى حاجة معروف لأنو بعض
البكتريا تكون موجودة وجود طبيعي في الحلقوم وفى البلعوم الانفى لذلك اذا
عطست وانت سليم وإذا عطست وانت مريض يجب أن تستعمل هذه الأشياء البسيطة ذي
المنديل أو أن تعطس في منديل اذا كان منديل ورق أو منديل قماش وتتعامل معه
في انك تضعه في مكانه الاساسى بحيث انو ما يعرض الآخرين الى الإصابة لكن
اذا عطست مرة أو تلاتة مرات يجب أن تكوم محطاط من انك تحمى الآخرين من ما
قد يخرج منك من مكروبات ومن بكتيريا ومن خلافوا لكن اذا الزول عطس أكثر من
أربعة مرات دا يكون عطس ما طبيعي خصوصا اذا ما كان اتعرض لي اى مثيرات من
التوابل أو بعض الدخان أو الغبار أو كدا مقدم البرنامج :
طيب دكتور بابكر يعنى امكن الأنفلونزا ذاتا عندها فترة يعنى نحنا دايرين
نعرف الفرق بين الفترة العادية دي مرات شهور ما بتروح وهى قبل ما تظهر حتى
أنفلونزا الخنازير دي لأنو قبيل قلنا انو الناس بيعتبروها مرض خفيف وكدا
أسى الفرق بين انو مثلا واحد مصاب بأنفلونزا واستمرت لفترة يعنى امكن طالت
وهو ما عايز يمشى على أساس خايف يقولوا ليهو دي أنفلونزا الخنازير يعنى
نحنا ننصح بي شنو للناس الزى ديل مثلا دكتور/ بابكر احمد : والله هو شوفي من النادر إنها تطول الأعراض بتاعة الأمراض الفيروسية دي لفترة اكتر من بالكثير أسبوعين لكن مرات بيحصل تجدد إصابة مقاطعة من مقدم البرنامج : يعنى اكتر من أسبوعين وبعدين تبقى كحة دكتور/ بابكر احمد : لا
هي مرض فيروسي تطورت الى التهاب بكتيري دا التهاب صدر عادى ودائما ما يحدث
بعد الالتهابات الفيروسية وبمجرد ما تكون في كحة ومعها إخراج بلغم دي
معناها المرحلة انتقلت الى الالتهاب البكتيري ودا برضو علاجوا بسيط لكن
لابد انو يصل الدكتور علاجوا مضادات حيوية يعنى بياخد كورس بتاع مضادات
حيوية بعد انتهاء الكورس تلقائيا الكحة بتكون خفت وأعراضوا ذاتا بتكون خفت
في ناس بيحاول يصل المرحلة دي وبرضو بيصبر ويقول ليك الحكاية تروح براها
عشان كدا انت بتقولي لي خش في أسبوعين وتلاتة أسابيع وكدا فدا لازم يصل
الدكتور عشان يدوا مضاد حيوي مقدم البرنامج : معانا تلفون الو مرحبا مشاركة عبر الهاتف : السلام عليكم ورحمة الله مقدم البرنامج : وعليكم السلام مشاركة عبر الهاتف : لك التحية أستاذة هويدا حماد والتحية للدكاترة مقدم البرنامج : أهلا بيك منو معانا مشاركة عبر الهاتف : الطيب عبد القادر بله أبو حلقة – الماطورى مقدم البرنامج : أهلا بيك الطيب اتفضل مشاركة عبر الهاتف :
يعنى أنا بسأل الدكتور ف | |
|
