السلام عليكم ورحمة الله وبركاته
صباحك زي نغم طنبور ملان فرحه
وصوت قمريه هايمة تقوقي فوق طلحه
هناك تلقي القمر سافر جمال وضحه
ينسم فيك رزاز عافيه يغطيك ويكون طرحه
يفيض اشواق لكل جناتنا والمنحي
ونسمة شوق تصبح حالمه منشرحه
وصوت حبوبة تتلو اوراده بالسبحه
وقنان حله فاض فوق جمرو بالكشحه
بكا الاطفال بدورو الشاي من السمحه
تيس مغرور يشابي دوام علي السرحه
وقبالت النيل تجيك ريحة الجروف نفحه
تموج في سنابل عيشنا والقمحه
عود واسوق طواري تهندس النقحه
تلون سندس الافراح جمال صفحه
ترابلة مجرتقين بي حبات عرق ناضحه
يقابلوك بي دفا الاحضان بشاشه تسوي يامرحه
علي الديوان وسنو مسالخ الضبحه
عزاز وكرام طوال ايدين بعاد شبحه
جمال الشيل يشدو الحيل سيوف لفحه
يواصلو دوام علي الارحام فضيلة شرعناالسمحه ^^^^^^^^^^^^^^^^^^^^^^^
مع كل الود للجميع الاهل بكبوشية
السبت أغسطس 18, 2018 5:13 pm من طرف متوكل هاشم عثمان العوض
