بقولوا ........فن

يلا يا أخوان تعالوا
شوفوها كيف محن الزمن
داير اكتب لي كلام
في حاجة ما معروفة كيف
وصفوها قالوا عليها فن
والله محن
بقولوا فن
الفن دا مايك ومندلين ؟
الفن دا ساون واورقنين ؟
وفنان وقف منفوخ سمين
بدا حفلتو
لمن تشوف
ألوان قميصو وبدلتوا
والمايك المسكين
سجين في قبضتو
تقول يغني الاوصفوك
أو بالاقل الم الفراق
والناس تردد بي ورا
لكن كضب
أول كلام غناهو كان
راجل المرا
ومزيكا صاخبة مزمجرة
بعديها جاب
هوي يا أب شرا
والحفلة كلها جايطة جوط
تنطيط وفرحة وفرفره
وكل شاب محزق بالهدوم
شمّط بطينتو وضمرا
وبنات نضيفة متمرة
لابسات لبس
مابتوصف
الجينز كيف
وبلوزه ضيقة مشرشرة
وفنانا بالحيل منطرب
فرحان يغني ومنكرب
ماغني غنيات الرجال
دور عليهو غنا البنات
فيو صال وجال
ما الناس دي أصلها حالا مال
وخلاص خرب
ما الفن بقي
ممكن يكون لي أي زول
أسهل درب
ويقولوا فن
وغنا الحقيبة
خلاص قدم
سبقه الزمن
يا حليلو مات
وهنا اندفن
والله محن

والله دا الحاصل الفن انتهى والفنانيين بقوا ذى الارز من الكثرة ونجوم الغد كل يوم تخرج ليها ناس وخلاص عاملين فيها فنانيين

تسلمي علي المرور مني
وربنا يكون في العون
الفن ادب وذوق

أولاً جمعة مباركة ــ الواحد يفلفل شعروا ويعمل فيها فنان والشي الغريب الاخوان اولاد حجرالعسل (احمد وحسين الصادق ) في الحفلة الواحدة تبوسوا
الله يرحم الفن يامحمد ودالفكي خلفتوا وراكم صعاليق