بلداً هيلي انا

موضوع: بلداً هيلي انا السبت يونيو 26, 2010 8:32 am

البلد الحنين ..
سميتو يُمٌة و يابا...
بين العالمين عزة و جمال و مهابة..
الحزن القديم ..
.تمطر تزيلو سحابة..
لي أطفال حزانى...
نازحين و غلابة.
في العصرية ..شٌفع جارية لألعابا..
و الشاي في المغارب ذكرياتو صبابة..
أشجار التبلدي العامرة بالترحابا...
ناس من كل لون ..
إتعمٌرت أنسابا
و النيل في الهجير...دوٌزن وتر أعصابا.
. سمحة الدنيا..بيك..
و بين إيدينا حبابا..
يانا أهل بلدنا
و قُدرَتم غلاٌبة
دا بلداً هيلي انا..

يامحمد يارائع
يديك العافية

ياسلام يارائع والله ابيات تترك
اثر الدمع علي الخدين يالها من رائعة
ومااروعك يامحمد
عطرنا بمثل هذة الابيات التي
تزيل الحزن من القلوب
وتزكرنا بــــ اجمل الايام
لك التحية
تـــــ / م

يامحمد انتو قاعدين فى السودان ونحن بعيدين والكلام ده مابنحملو

البادرابي كتب:: يامحمد يارائع
يديك العافية

انت الاروع ياعمر ياجميل

ودالعمدة كتب:: ياسلام يارائع والله ابيات تترك
اثر الدمع علي الخدين يالها من رائعة
ومااروعك يامحمد
عطرنا بمثل هذة الابيات التي
تزيل الحزن من القلوب
وتزكرنا بــــ اجمل الايام
لك التحية
تـــــ / م

شكرا لك عزيزي واخي عبد العظيم
ابعد الله عنك الحزن في الدنيا والاخره

ود عدلان كتب:: يامحمد انتو قاعدين فى السودان ونحن بعيدين والكلام ده مابنحملو

هههههههههه
تبكو بس انتو
القال ليكم سافرو منو