واحد من اهلنا العرب ديل عندو ولدو سافر امريكا وليه عشره سنين ما شافو
ومافي عنو اي خبر قام عمك لملم من ناس الحله قروش وطبه شنطتو الهاند باك ومشي امريكا اول ما نزل من الطياره عينو لي زول سوداني لابس عمتو
قام طب قبض فيهو وقال ليهو الا توديني لي جبريل ولدي
الراجل استغرب وعمك ابا يفكو قام قال ليهو كويس ارح انت معاي البيت وانا بوديك لي جبريل ولدك ده
قام ساقو معاو والراجل ساكن في ناطحه سحاب ركبو الاسانصير من النوع الشفاف داك وبدا الاسانصير يطلع وعمك شايف الواطه بتبعدوصلو الطابق 49
وطلعوا تاني وكت وصلو الطابق 99 بقا عمك يشوف السحاب تحتو
قام قال لي الراجل
انته قايلو جبريل منو
السبت أغسطس 18, 2018 5:13 pm من طرف متوكل هاشم عثمان العوض
