فقدتك........جد

فقدتك جد .. وعشتا على الأمل بعدك
إغالب جزري عاتي المد ...
وفاض الشوق كتر بالحيل
وحاتك شوقي ما ليهو حد
فقدتا عـــيون عشــان
عيني رضـيانة تسّـــهد
وتحسب فوق نجــوم الليل
وما يفتر عشم صفاها العد
فقدتك شـوق طفح مع النيل
سرح في اليابسة فات الحد
علت أمواجو بالفرحـــة
وحضن ضفاتو شـوق المد
فقدتك ارض مشتاقة شان
تربالا تتــمـــــدد
تمرق الخير لناسا رضيانة
وتطــل زهراتا تتفرهـد
فقدتك دعـاء الوالدة بالتوفيق
وقت ابوابو في وشى تتؤصد
بتتفتح دروب مليانة بالبركات
وتشرق في سماى شموس وتجدد
ويرن صــوتك يمة فيني حنين
ويفضل صداهو جواي يتردد
أنا الجاري ريدي ليكي سيول
مابيحد قـوة هديرو الســد
ولا بتوقف مشـــيه رياح
وقصـــادو كل الجبال تتهد هد
وتكتب الأيام لقانا أكيد
وفي كبوشية هوانا يتردد
فقدتك جد ...

ودالعاص
مرافي
لكم التحاياوالود
(امييييين يارب)
شكر علي.....المرور

وانشاالله ما تفقد عزيز ودالعمدة اخوي

يديك العافية يـ سوط العنج
وانشاءالله الجميع مايفقدو عزيزين

شكراعلي... المرور

رد الله غربتك ودالعمدة اخوي زعدت سالما غانما وانشاءالله ماتفقد عزيز

مشكورة يابت كبوشية
وربنا يديك العافية

مشكور اخي محمد علي المرور

مشكور اخي سائر الخير
علي.....المرور

ترجع بالسلامه اخي ود العمده وتلقي الاعزاء في انتظارك

لكي الشكر وضاحة