الدوبيت السودانى الجميل

بسم الله الرحمن الرحيم
السلام عليكم ورحمة الله وبركاته

الدوبيت السودانى الجميل

الدوبيت من الادب الجميل والرصين فى الادب السودانى ونمازجه كثيرة حتى ان
بعضا منها صار مسرحيات مثل موسى ود جلى والمك نمر وغيرها فلماذا لا ننقب
فى هذا البحر حتى نتطلع على مكنونات شعر الدوبيت السودانى
وهذه بعض الابيات كمحاولة منى للبداية
قال احدهم يصف مشية محبوبتة بمشية الغزال (الريل)

ختوتا ريل وخولها موسط
ومابين تاتاى قدوما وخطوتا الإنرصت
حسيت قلبى فارقنى وكع كبدتى إنقصت

وقال آخرمتحدثا عن المه وسهاده وتعلق روحه بالمحبوب حتى انه توهم ان روحه قد سرت الى ديار الحبيبة
البارح براى وكتين الخلايق هاجعه
طافت روحى جات بى دياركم راجعه
وكتين شافت الزول اب بسيمتا ناجعة
اب حسا حنين متل القمارى الساجعة
ابت الجية حلفت يمين ما راجعة .

وهذا احدهم لم يحتمل نظرة محبوبته له فهو يصف نظرتها بالرصاص الذى اصابه (بالجنون والخبال)
البارح براى بعد العصير بى حبة
شفته الاخدر الليهوالعيون تدبه
وكتين اتلفت ورصاص عيونو انكبه
روحى ابت تروق وعقلى طشه وغبه

ياسلام عليك

كلام ده يا ود الخاله

» عن فن الدوبيت
» جمال الدوبيت
» الاحيح والنواح في الدوبيت السوداني