شعراء الاغاني السودانية

تذكير بمساهمة فاتح الموضوع :

عمالقة الفن السوداني
ود القرشي الشاعر والملحن

الفنان الجامعة متعدد المواهب «السر أحمد قدور» سعدنا بلقائه وامتعنا من خلال برنامجه اليومي خلال شهر رمضان «أغاني وأغاني» الذي بثته فضائية تلفزيون النيل الأزرق.. كما أن إذاعة «البيت السوداني» التي ترسلها الموجة «100F.M» اراحتنا كثيراً بأدائها المتميز.. وقدّم السر قدور وإذاعة البيت السعيد «كل على حدة» حلقة تتحدّث عن الشاعر الفذ والملحن البارع «محمد عوض الكريم القرشي»، فلهما الشكر الجزيل في تبليغ المتلقي المعلومة المفيدة.
ويسعدني أن اتحدّث عن شاعرنا وملحننا ود القرشي من زاوية أراها مكملة ومتممة لما جاء به الفنان السر قدور وإذاعة البيت السوداني التي قدّمت برنامجها الشيّق في الثالث من نوفمبر 2006م. ولهذا اخترت العنوان المذكور أعلاه موضوعاً للحديث عن ود القرشي من خلال ثلاث حقب أبطالها أحمد المصطفى والخير عثمان وعثمان الشفيع.

الحقبة الأولى:
كان ذلك في عام 1944م من القرن الماضي حينما غنى الفنان المجدد عميد الفن أحمد المصطفى أغنية «يا عظيم» وهي من كلمات الشاعر أحمد إبراهيم الطاش. فخطر ببال أحمد المصطفى أن يوقف إذاعة وترديد هذه الأغنية لأنه رأى أن لحنها دائري «الموسيقى تردد اللحن» ففعل وأوقف التغني بالأغنية.. ولكن شاءت الظروف أن تصل إلى أحمد المصطفى برقية «تلغراف» هي في الواقع كانت خطاباً طويلاً من معجبٍ في إحدى مدن السودان أشاد بهذه الأغنية إشادة كبيرة أقنعت أحمد المصطفى وشجعته بأن يعدل عن فكرته فواصل في أداء أغنية «يا عظيم» التي وجدت رواجاً كبيراً بين المستمعين.
وفي ذات يوم من أيام نفس عام 1944م جاء ضيف إلى العاصمة قاصداً أحمد المصطفى وعرّفه بأنه هو الشخص الذي أرسل إليه ذلك التلغراف الطويل، وأنه من أبناء الأبيض واسمه «محمد عوض الكريم القرشي»، فنَمت بينهما صداقة سريعة قدّم خلالها ود القرشي لأحمد المصطفى رائعته «يلاك يا عصفور» تأليفاً ولحناً، فأداها أحمد المصطفى خير أداء وملأت شهرتها الآفاق وحدا بها الركبان.. ومن خلال المتابعة لكلمات الأغنية يتضح للقاريء الكريم أن ود القرشي من فرط اعجابه الشديد بأحمد المصطفى فإنه شبهه بالعصفور المغرّد الذي يذهب معه ليغني للحبيب المغرم به في تلك الأغنية. وبعد نجاح «يلاك يا عصفور» فإن أحمد المصطفى وعلى غير المتوقع حينما عرض عليه ود القرشي التعاون معه وذلك بتقديم المزيد من الأغاني الملحّنة، امتنع أحمد المصطفى بأدبه الجمّ عن أن يصبح مؤدياً وحسب لا محلناً لأنه أحسّ إذا سلك هذا الطريق فإن موهبته في التلحين ستندثر وتموت واكتفى بأغنية «يلاك يا عصفور» وانتهى اللقاء الفني بين العملاقين مع الاحتفاظ بالصداقة والإعجاب بينهما.

الحقبة الثانية:
معلوم أن مهنة ود القرشي كانت تجارة الماشية «الأبقار» التي يأتي بها بائعاً من الأبيض إلى ود مدني ثم الخرطوم، وكانت ود مدني سوقاً تجارية رائجة يحل بها ود القرشي ويقضي بها أياماً.. والرجل وهو شاعر وملحن تسيطر عليه هذه الموهبة التي تجلّت في أغنية «يلاك يا عصفور» شَعَرَ بعدها بفراغ بعد أن فارق أحمد المصطفى وكان يبحث عن صوت متميز يؤدي أغانيه فوجد ضالته في الشاب «الخير عثمان» في سنة 1945م. وكان اللقاء بينهما قد لعبت فيه الظروف دوراً أساسياً.. فمن ناحية كان ود القرشي تاجر المواشي يحل ضيفاً في منزل «العم النور ود البشير» وهو تاجر مواشٍ وجزار وهو خال الخير عثمان. ومن ناحية أخرى فقد كان لود القرشي صديق وزميل مهنة تاجر مواشٍ في ود مدني اسمه «عوض سوار» وكان عوض سوار هذا صديقاً كذلك للفنان الخير عثمان الذي كان يُلقّب بـ«فنان الجزيرة» حينما دخل الإذاعة ذائع الصيت والشهرة وغنى قبل عامين تقريباً «1943م» من لقائه بود القرشي وكان عمره دون العشرين. وهو من الرواد الأوائل الذي صدحوا بعد سرور والكاشف وحسن عطية وأحمد المصطفى والفلاتية غنى أغنيات أشهرها «عيوني وعيونك» كلمات وألحان محمود فلاح، شدا بها الخير قبل الكاشف وأغنية «أمل» التي مطلعها «عايز أنسى آلامي وأحقق أحلامي ونسعد هوانا» وهي من كلمات إسماعيل خورشيد وألحان التجاني السيوفي.
هيأ عوض سوار لقاءً لود القرشي بالخير عثمان في ود مدني «البلد الأمة، مهد الفنون والعقل والوجدان السليم» كانت ثمرته التعاون الثنائي الذي بدأ بأغنية «صباح الهنا» وأغنية «يا حبيبي دمعي الغزير فيضانه فاق الغدير» ثم أغنية «حنتوب الجميلة» وهذه الأخيرة لها قصة سأرويها فيما بعد.
تواصل التعاون بين ود القرشي والخير عثمان ولكن الخير لم يكن منتظماً في مواعيده وذهابه إلى الإذاعة بأم درمان من ود مدني لمشغولياته وارتباطه بود مدني، وهذه جعلت ود القرشي يشعر بشيء من عدم الرضا لم يؤثر في صداقته واحترامه كعادته للخير عثمان بل أعطاه المزيد من الأغاني التي بلغت نحو عشر في أوائل الخمسينيات.

الحقبة الثالثة:
هذه هي المرحلة الأخيرة الكبرى التي كانت تمثّل مرحلة إنطلاق ود القشي ومرحلة ظهور عثمان الشفيع وإبداعه في فن الغناء الذي بدأ بأغنية «القطار المرّ» في سنة 1948م وتواصل العطاء ردحاً من الزمن قدّم فيها العملاقان نفيس الدرر وبدائع الألحان وروعة الأداء فدخلا كتاب الفن مع قممه الشماء، أحمد المصطفى وإبراهيم الكاشف وحسن عطية الذين كان لهم القدح المعلى في ترقية ذوق المواطن السوداني وحضارته.

ملحوظة:
في عدد قادم سوف أحكي قصة أغنية «حنتوب الجميلة» التي هي من كلمات وألحان ود القرشي وأداء الخير عثمان بإذن الله تعالى..

ما هي الإشكالات في هذه الأغنية؟ هل هي سياسية أم رمزية؟

= ليست فيها رمزية إنما فيها خصوصية وتشبه معانيها.

< على ذكر أغنية (عداء)، فسر الناس أغنيتك الشهيرة (يا خائن) بأنها تحمل تأويلات سياسية؟

= لا أبداً.. لم تكن هناك خيانة أو تفكير في انقلاب، فعندما أرجعت قصيدة (موج البحر) لعبد الرحمن الريح التي حدثتك عنها، قفز إلى ذهني الموسيقار عبد الوهاب، وعبد الحليم حافظ في أغنيتيهما (تخونوني)، و(توبة) وأن أنسج على أنغامهما (يا خائن) فقد وجدت سهولة لوضع كلمات تتماشى مع القوالب اللحنية للأغنية، ولاحظ الناس غيابي ليغنيها إبراهيم عوض بعد تعديل (الكوبليه) الأخير في شكل راقص رغم أنها أغنية تتحدث عن أجواء مفعمة بالحزن خاصة في (تهدم وتدنس.. طهر صلاتي وتشيد سعادتك في حطام حياتي).

< يعتبرك النقاد من أبرز الملحنين في فترة الخمسينيات والستينيات، ويشيرون إلى وجود أزمة ملحنين.. كيف ترى الساحة الآن؟

= الذين استمعوا إلى أغنيات الزمن الجميل يستحيل ألاّ يكون عندهم عطاء يوازي ذلك الزمان، أعتقد أن هناك الكثير من الشعراء والملحنين لكن أبواب الظهور مغلقة تماماً، وجزء من المسؤولية يتحملها الأستاذ الطيب مصطفى عندما كان مديراً للتلفزيون، ففي عهده لم يكن تسجيل الأعمال متاحاً، زمان كنا نسمع (قلت أرحل)، (الطير المهاجر)، (في عز الليل) ونسمع للتاج مصطفى، وعبد العزيز داؤود، صلاح بن البادية، صلاح مصطفى كلهم قدموا غناء يشبه الزمن الجميل.
أنا سمعت سنة 1958م أغنية (ناداني غرامك) لعثمان حسين، يفترض هذه الأغنية تغنى سنة 2050م، لجمالها وكمالها، لا يمكن أن تمحى هذه الأغنيات من الذاكرة الجمعية للشعب السوداني، ولكن تجيء فنانة مثل ندى القلعة لتتغنى بأغنية (لقيتني كيف؟) ما هذا؟! أو ذلك الذي يغني (إن شاء الله تتهني بيهو) هذه ألفاظ بعيدة كل البعد عن غنائنا وأخلاقياتنا، فقد تبدلت المتعة إلى (الأرجل) وفسدت حياتنا بالأورغ و(التراكات) وسنتحول بهذه الطريقة إلى آليات تابعة للعولمة وستغير كثيراً من إحساسنا بالغناء.

< أعلم أن لديك تحفظات أيضاً على شركات الإنتاج الفني؟

= أعتبرها من العوامل الهدامة بالنسبة للفن السوداني فقد جاءت من أجل الكسب ولم تأت لتمارس تشجيع الأغنية، وحتى الأغنيات التي عرفها المستمع في زماننا حجبوها عنه بدعوى صريحة أنهم يريدون الغناء الهابط الذي يمكن تسويقه، والشاهد أن لي صاحب شركة أتعامل معه، في آخر لقاء بيننا طلب مني صراحة أن أمده بغناء هابط، إذ أن الغناء النظيف والجميل غير متاح الآن في ساحة الكاسيت، وأصبح الناس يهرعون نحو المنتديات التي لا تمنحهم غير الكلام فقط، ويأتون بأشخاص لا أدري من أين أتوا ليغنوا لعثمان حسين مثلاً، وهذا ينطبق أيضاً على الإذاعة والتلفزيون، في مرة شاهدت موسيقاراً يقدم بعض أغنيات عثمان حسين في مقطوعات موسيقية بداعي التحديث وشكل الموسيقى متغير، ولعل أية خلجة في عثمان حسين أو نفس طالع في (غنائه) أحفظه، وليست لدي متعة سمعية تعادل عندي عثمان في كل الكرة الأرضية وبالتالي فأغنياته لا تحتاج إلى تحديث من موسيقي أو فنان. وقد كتبت عن هذا الموضوع في تكريم الشاعر حسين بازرعة محذراً الشعب السوداني من محاولات التحديث بالإشارة إلى ألاعيب الصبية وقصار القامة.

http://www.newkhartoumsd.com/neew/index.php?o...-08-28-16andItemid=210

وشى به زميله وقال انه يدبر انقلاب عسكرى ضد عبود فحكم عليه بالاعدام

05-23-2013 06:05 AM

حوار :رنده بخارى

يعتبر من الشعراء الذين اسهمو فى مسيرة الفنان ابراهيم عوض الى ان توجوه ملك على عرش الاغنية السودانية من خلال اعمال ملكت وجدان الشعب السودانى ربما لانها عبرت عن حالهم لذا كان من الطبيعى ان لاننسى هولاء الشعراء وعلى راسهم الطاهر ابراهيم الذى سجلت له زيارة بمنزله وخرجت منه بهذه الحصيلة
من الاعدام الى المؤبد
للشاعر العميد معاش الطاهر ابراهيم قصة معروفة يتداولها كثير من الناس حتى وان بدا متحفظا فى الحديث عنها ووثق لحادثتها بقصيدة اسمها يا خاين وتقول ان هناك من وشى به وقال ان الطاهر يحيك فى الظلام انقلابا عسكريا ضد حكم عبود فحكم عليه بالاعدام ثم خفف الى المؤبد فكتب تلك القصيدة التى تقول :
حرمت عيوني يا خائن رؤاك
وسعيت لهلاكي بأوسع خطاك
يا خائن
آه ..آه يا خائن
آلامك أداري وأطويها
وأناشد عيوني تخفيها
كلمة حب خدعتني بيها
معنى الحب غير معانيها
والآمال الكنت بانيها
تسيبني لوحدي أبكيها
يا خائن
.. آه ..آه يا خائن
ليصيغ لها لحنا ودفع بها الى الفنان ابراهيم عوض لتحقق الاغنية نجاح لازال صداه يتردد الى يوم الناس هذا
العسكرية ليست ضرب نار فقط
العميد الطاهر ابراهيم ولج الى بوابة الشعر مرتديا بزته العسكرية بيد ان المفردة الرقيقة التى تضج بالمشاعر الجياشة مما جعل كثيرين يستهجنون كيف لعكسرى حياته تتسم بالجفاف ان يكتب شعرا نضرا هكذا الطاهر قال ضاحكا انا لست الشاعر الوحيد العسكرى فهناك عوض احمد خليفة واخرين فلكم ان تعلموا ان العسكريه بها درجة عالية من الانسانية وليست حمل بندقية وضرب نار فقط فهم عاشقيين للتواصل
حد زر الدموع
زامل ابراهيم كلا من بابكر النور ..سوار الذهب وعبدالماجد حامد خليل وبالرجوع الى قصة دخوله للكلية الحربية نجد والده لعب دوار كبيرا لانه نمى فيه حب الجيش والقتال اما قصته مع كتابة الشعر كان الفضل يرجع فيها الى الفنان الراحل عثمان حسين الذى لازال الطاهر يعشق الاستماع اليه حد زرف الدموع اذا طافت بخياله زكرى عثمان او داعبت مسامعه صوته
فراقك نارو حراقة
قدم الطاهر ابراهيم للفنان ابراهيم العوض الذى ربطته به علاقة جيرة بحكم انهم يقطنون بحى واحد وهو حى العرب وقدم له عدد من الاغنيات منها حبيبى جننى وحير بالى ..متين يا روحى نتلاقى فراقك نارو حراقه ..وللفنان محمد وردى حرمته الحب والريدة ورنى بنظره بعيدا ثم قال بالرغم من حبى الكبير لعثمان حسين الااننى لم اقدم له اغنية واحدة
مر الامر بسلام
عندما استمع الطاهر الى اغنيته متين ياروحى نتلاقى فى الاذاعة الام بصوت ابراهيم عوض انتابته حالة من الفرح والخوف فى ان واحد الحالة الثانية كانت من ان يتم فصله من الخدمة العسكرية كما حدث لاحد زملائهم عندما شاهده القائد يرقص على انغام الموسيقى فتم فصله فخشيت ان ينبا الى علمه اننى انا من كتبت الاغنية ولكن الحمدلله مر الامر بسلام
ليس لهولاء الفنانين مستقبل
لايوجد فن فى هذه البلد هكذا يرى شاعرنا الطاهر ابراهيم ومضى بالقول ليس لهولاء الفنانين مستقبل فكل من شعر بان حياته كساها الجفاف وردد اغنية ما اطلق على نفسه فنان وهذا الشى ينطبق تماما على نجوم الغد فالاصوات الجادة والجميلة تركت الغناء اين عابدة الشيخ الان وكذلك اسرار بابكر حنان النيل ونوبية الملاك التى قدمت لها مشتهى الانظار ولعابدة فات وفات

ولا الزي بتعادى
رغم انف المرض ومعاناته المتجددة لازال الشاعر الطاهر ابراهيم يكتب الشعر باحساس ربيع الشباب واخر ما كتب قصيدة بعنوان عداء وتقول بعضا من ابياتها:

(تعاديني وتتمادى
أنا العمر ما أتخليت
ولا الزييّ بتعادى
يفيدك إيه
استقرت بيك حياتي
لما هميت باقتسامه
غيرت مسراها ودروبه
كسيته حلة من الوسامة
كنت لبلوغ الأماني
نزعة الروح والتزامه
كنت للأزهار شذاها
وللجراحات التئامه
طوقت بالأفراح سنينه
كنت فيها الابتسامة
بتتبدل ليه
ملتقانا زمن غابت
مساحات الفرح اخفت الاحزان ملامحو

شاعر أغنية عزيز دنياي الطاهر إبراهيم في ضيافة (تقاسيم):
طباعة
البريد الإلكتروني
التفاصيلنشر بتاريخ الجمعة, 23 كانون1/ديسمبر 2011 08:41
جلست لديه: هادية قاسم المهدي
الأستاذ الطاهر إبراهيم كان ضابطاً في الجيش، وفي فترة الحكم العسكري الأول تم إعفاؤه من الخدمة بسبب ظهور المحاولات العسكرية العديدة لتغيير النظام وقتذاك، ومن ثم لم ينجُ من الإعفاء من الخدمة بالجيش، فالتحق بمشروع الجزيرة كمفتش.. أو ما يطلق عليه الآن كلمة مفتش زراعي..

ثم انتقل من الجزيرة وعمل ضابط مجلس (ضابط إداري) وخدم بالجنوب بعد ذلك.. يتمتَّع بعاطفة جياشة جعلته أسيراً للمفردة الشعرية الغنائية، تغنى له الفنان الراحل إبراهيم عوض بالأغنية ذائعة الصيت (عزيز دنياي)، يقول إن للوطن مكانة خاصة عنده وكذا القوات المسلحة التي ارتبط بها ارتباطاً عميقاً في ظل تجربته العملية.. (تقاسيم) التقته في مساحة زمنية قصيرة ورأت أن تكشف عن وجهه الآخر:
< مَن هو الأستاذ الطاهر إبراهيم؟
أنا من مواليد مدينة ود مدني، درست بأم درمان ثم التحقت بالكلية الحربية وتخرجت في عهد الاستقلال، وأنا فخور جدًا بكل دقيقة قضيتها في القوات المسلحة بدأت في القيادة الشرقية وانتهت في الغربية وهي مليئة بالمشاهد المشحونة بالفخر.
< ما هي أبرز هواياتك؟
ـ قراءة الكتب ذات الصلة بالعسكرية محلياً وعالمياً ركوب الخيل صيد الوحوش البرية.
< علاقتك بالشعر والفن؟
ـ لا أعتبر نفسي شاعراً إلا أن علاقتي بالفن أصيلة فمحبتي للموسيقا والتشبّع بحسّ الطرب من مصادر كثيرة جعلتني أقرب من الأجزاء المؤثرة في المناخ الشعري.
< علمنا أنك تجيد فن اللحن.. كيف أُتيحت لك هذه الفرصة في طقوس العسكرية؟
ـ أنا أُلحِّن وأعزف على العود والكمنجة وأتاحت لي الحياة العسكرية الاشتراك في عدة أحداث عسكرية سياسية من أجل السودان، واكتسبت شهرة خاصة من خلال الالتصاق بالضباط والجنود إلا أنني لم أحظَ بالتغني واكتفيت بكتابة الشعر.
< ما هو مصدر إلهامك الشعري؟
ـ عندما طُردت من خدمة القوات المسلحة في عهد عبود، وجدت نفسي بمشروع الجزيرة الذي ساعدتني بيئته في تنامي مقدرتي الشعرية حيث الخضرة والجمال.
< يبدو أن الناس تعرفوا عليك من خلال الأغنية الشهيرة التي تغنى بها الفنان إبراهيم عوض (أعز عزيز) متى كتبتها؟
ـ كتبتها في سنة 1961م وهي لها مكانة خاصة عندي.
< أيضًا علمت أنك مولع بالراحل عثمان حسين؟
ـ محبتي لعثمان حسين لا تُوصف وقد أعطانا الكثير بل كان سببًا في تحولي من نجاح لنجاح أكبر.
< مقاطعة: ألم يتغنَ لك، أعني ألم تقدِّم له إحدى قصائدك الغنائية حتى يترنم بها؟
ـ أنا أستمتع جدًا بأغاني عثمان حسين ولا أريد أن أُفسد هذه المتعة لذا لم أكتب له أغنية واحدة بل أكتفي بسماع أغنياته التي كتبها له غيري.
< لماذا الدارجة تحديدًا في تناولك الشعري؟
ـ أنا «عائش» في السودان الذي أغلبيته إفريقية كما أنني أحب الدارجية؛ لأنها تصل بكل سهولة للمتلقي السوداني وأتمنى لو أكتب بالهدندوية والهوساوية وغيرهما.
< في رأيك ماذا ينقص الفكر السوداني؟
ـ للأسف ينقصه الكثير ويكفي أن أقول إن الفكر القومي تشتت ونحن نفقد الإنسانية في التعارف مع الآخرين.
< ماذا عن أدباء هذا الجيل؟
ـ أعتقد أن هذا الزمن ليس فيه أدباء على الإطلاق والقلة النادرة تتحدَّث شعراً بدرجة عالية من الارتباك والتحفظ وربما الخوف، فالشاعر يجب أن يربط الإنسان بالحياة لا بالخوف ويجب عليه أن يكون طلقاً.
< ربما كانت لديهم «معوقات»؟
ـ من أكثر الأشياء المعيقة هي (قوانين الحقوق الأدبية والفكرية)؛ لأنها خاوية ومحاكمها مهازل وقوانينها لا تستحق حتى الحبر الذي كُتبت به.
< لماذا أشعارك حبيسة أدراجك إلا القليل منها؟
ـ إن المناخ الحالي لا يتمتَّع بالحرية الكاملة في إبداء الحس كما أن المتلقي عموماً تغيَّر ذوقه، لذا أنا حريص على عدم نشر أشعاري وتقديمها للغناء خاصةً بعد أن تحولت خماسيتنا الموسيقية إلى سباعية.

من اعذب واجمل الاغاني التي تغني بها الفنان ابراهيم عوض هي من كلمات الطاهر ابراهيم :

الطاهر إبراهيم «عزيزي دنياي»
2.الطاهر إبراهيم «مهما تغيب عني يا الحبيب»
3.الطاهر إبراهيم «أعاهدك احلف احفظ عهدك ابدا مابحب تانى من بعدك»
4.الطاهر إبراهيم «حبيبي جنني وغير حالي»
5.الطاهر إبراهيم «ابيت الناس وابيت خلانى خاصمت الكل علشان حباني»
6.الطاهر إبراهيم «إختاروا أساي»
7.الطاهر إبراهيم «ليه تظلمني في هواك انا ليه بتلومني»
8.الطاهر إبراهيم «احلامك أحلام ما بحلم بيها

يا خائن - كلمات الطاهر إبراهيم

غناء - ابراهيم عوض

حرمت عيوني يا خائن رؤاك
وسعيد لهلاكي في اوسع خطاك
ياخائن . .
********
الآمي اداري وأطويها
واناشد عيوني تخفيها
كلمة حب خدعتني بيها
طعم الحب غير معانيها
والامال الكنت بانيها
تسيبني لوحدي ابكيها
********
قساي وشقاي لاقي لذاتك
واطلب الغفران وهي غلطاتك
بالدموع القاك جارحة نظراتك
بحروف من نار ناطقه كلماتك
تحرمني دون الناس ابتساماتك
يا المن عطف اتجردت ذاتك
*******
تهدم وتدنس . . تهدم ماتقدس
تهدم وتدنس طهر صلاتي
وتشيد سعادتك بحطام حياتي
وأفضل ابكي ودموعي بتشرح آهاتي

فارقيه دربي - الطاهر ابراهيم

غناء - ابراهيم عوض

احلامك أحلام ما بحلم بيها
دنياك غير العايش فيها
ليالي غيابك ابكي ما بتبكيها
ليالي أشمعنى أساهر وتنوميها
********
حبك امجد فيه بلحني وفني
حبك جاري في دمي اتخللني
حبك أصرح بيه لما أغني
حبك فسرتيه بعدك عني
********
عهدك كنت بصونه بكل أمانه
ريدتك تفني حياتي وأقول علشانه
لولا نظير اخلاصي وجدت إهانه
كنت أجود بالروح لو أعز مكانه
*******
بتجري الأيام زي ما بتجري دموعي
بتجري تمر وتسيب الهم في ضلوعي
لا تسألي . . ولا يوم تتمني رجوعي
مع شمعك في النور وانا حالكه شموعي
فارقيه دربي . . أنسيه حبي أخليه قلبي

ليه تظلمني..

كلمات الطاهر ابراهيم

غناء- ابراهيم عوض

ليه تظلمني ليه تظلمني
في هواك انا ليه بتلومني
********
ليه تظلمني تزيد الامي
ياتاج العفة يا نور احلامي
أقضي معاك يا جميل أيامي
كيف تنساها وتنسى غرامي
*******
ليه تظلمني وانا بتمنى
قلبك قاسي علي ما حــــن
أودع شجني واعيش في جنه
عليها بلابل الروض تتغنى
********
ليه تظلمني وانت حبيبي
أشعلت النار زدت لهيب
في الالام انت طبيبي
وقي الأحلام أنت حبيبي
*******
ليه تظلمني وانت ملاكي
نيران قلبك زايده هلاكي
أرجوك ترحمني وترحم ذاتي
كفاك ياروحي عذاب في هواكي
********
ليه تظلمني يا أول حبي
يا أحلى غرام وضعته في قلبي
أقسم بيك يا أعز محبي
وانت حبيبي ودقات قلبي

ابيت الناس..كلمات الطاهر ابراهيم

غناء - ابراهيم عوض

ابيت الناس
ابيت الناس وابيت خلانى خاصمت الكل علشان حبانى

قلبك حنين على قاسى للناس بتلين وانا لى ناسى

لكن لى متين جارح احساسى صابر متحمل اذاك ياجافى

انا بالدموع ودعتا حبى وبالامل صبرتو قلبى

والصبر طال كتمتا غلبى ورضيت بالهم والهم ابانى

قطارو اتحرك شويه شويه من بعيد بايدو شوفتو لوح لى

بكت عينهو بكت عينيا ده حكمك يا اغلى يقوى على

ابيت الناس ابيت خلانى خاصمت الكل علشان حبانى

كتبها الطاهر ابراهيم
إختاروا أساي

غناء - ابراهيم عوض

أصبحت صديق في بعدك عنى للأشواق والصبر المضنى
للإحساس بصدك جارح وكل مثير لعذابي وحزنى
للتفكير في متين نتلاقى أعرف حالك وتعرفى عنى

عشت غرامك في الحاني في نجواي وفي حرماني
عاشو الحب قبالنا ناس لكنه غرامك اختار تاني
عشت ظروفي الحلوة ومرة كانت أبعد من خيالي

أخترت طريق لقلبي الخالى عواطفه بريئه وطهره مثالي
لقيت في حبى المكتوم لي تحى ظروفه حروف في خيالي
أصبح نور دنياي المظلمة وساعد أقوى من الليالي

دموع الشوق عيونى توري أصبح ايه من بعدك امري
وصفوه حبك في أيامه كانت بوجودك غاية عمري
أنتى غرامي الانا توجته بأصدق مابلحني وشعري

عزيز دنياي - الطاهر ابراهيم

غناء - ابراهيم عوض

كنتا معاك سعيد والليل في بعدك ما اضناني
اصبر امكن يفيد صبري وامكن نرجع تاني
خايف الناس تغريك تنسي دموعي وتنسي حناني
وافضل مخلص ليك لو حتي سعادتك في حرماني
واضحي بزهرة عمري علشان ما تعيش طول عمرك هاني
واستشهد بي الحاني واوري حقيقة امري
عرفتا الحب من قبلك مره وانتي الحب العاش في كياني
بهرب منك لرضاك وبحاول من اجلك انساك
وامهد ليك تتخلص مني القي خطاي تجمعني معاك
لو تعرف عايش علي عطفة وكل حياتي من املاك
بتعرف يوم في دنيا غيابك يساوي سنين في دنيا هناك
يا اعز عزيز في دنياي انا طامع ابقي عزيز دنياك

حير فكري..الطاهر ابراهيم

غناء - ابراهيم عوض

حبيبي جنني وغير حالي
حير فكري ده الشغل بالي

قلي اوعى تخبي
بهواك شاهد ربي
انا لو غلطت معاك
سامحني واغفر ذنبي

يا حليل الريد بينا
يا حليل عشرتنا يا حليلنا
لكن ظروفنا القاسية
فرقتنا وما اتلمينا

تنساني ما بنساك
تجفاني ما بجفاك
نافر وما هماك
رحماك بي قلبي رحماك

بريدك والله بريدك
لو سقيتني السم بأيدك
سمك شفاي ودوايا
يا طبيب تعال لمريضك

اغنية عهود- الطاهر ابراهيم

غناء - ابراهيم عوض

قول الناس ما بأثرني

كلمات والحان الطاهر ابراهيم وغناء ابراهيم عوض

_____________________
اعاهدك
اعاهدك احلف احفظ عهدك
ابدا" مابحب تانى من بعدك
اعاهدك بالحب وارعى عهودى
اعاتبك بالدمعة الفى خدودى
اصلك لابتحس ولاحتى بتشعر بوجودى
اسهر فى غيابك وابكى كتير
واحمل همى وهمك وهموم الغير
تجهل حبى وانا حبى ليك اول واخير
اظهر اخلاصك كلمنى
قالو ايه الناس قالو ليك عنى
انا لو كل الناس بقو عزالى
قول الناس مابأثر فينى

مهما تغيب-الطاهر ابراهيم

غناء - ابراهيم عوض

مهما تغيب عني يا الحبيب
قربك لي هنا وفرقك لي صعيب

صابر اداري هواك لس الامل سلواي
حبي الشريف ليك وعمرك ما عرفت هواي

ذكرتك تحوم في الخيال كل يوم
اذكر البعاد كتر الهموم

انا برضي بستناك مهما البعاد طول
اصلو البيحب لا يمكن ينسى الهوى الاول

اسمر جميل سادة في خدو حورية
ساكن قريب داري والسكنة اهلية

قلبي السعيد بيك ساهر لياليك
حطمتو كيف قلي يا قاسي هان ليك

من الاغنيات التي تغني بها ايضا الفنان ابراهيم عوض للشاعر - الطاهر ابراهيم

لو بعدي بيرضيه - ملاذ افكارنا -- اعتذار -- غصبا عني-- شاركي حياتي-- انت ليه سهرت عيني-- متين ياروحي نتلاقي-- حبايب -- مين قساك..

غني له الفنان محمد وردي

كلمات اغنية حرمت الحب والريده محمد وردي

حرمت الحب والريده
الطاهر ابراهيم
قست الدنيا علية
وجافى النوم عينية
مع هجرانك لية
حالفة تغدري بية
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
فكري الحيرتيهو
وعقلي الودرتيهو
صوني وعدك ليهو
أوعك تخلفي بيهو
حرمت الحب والريدة
برضي ما أرضيت
صعبان علي وحياتك
ياريت لو ماحبيت
خليتيني في حيرة
وما راعيتي الجيرة
والله أنا جارك وانتي
يا جارة بهواكي رغم الغيرة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
الحب والريدة
رمز الحب والريدة
أنا برضي ما أرضيت
صعبان علي وحياتك
ياريت لو ماحبيت

هذا كل ما اردت نقله عن الشاعر / الطاهر ابراهيم...

مع الشاعر / عبدالله النجيب - الملقب بشاعر العيون
.....................................................

اخر لحظة

الثلاثاء, 13 أبريل 2010

حوار: إبتهاج العريفي

لحظات جميلة وممتعة أمضيناها في دياره العامرة بأم درمان- الثورة

وضيفنا يعتبر الأشهر بين شعراء الزمن الجميل.. وما أن يذكر اسمه

الا مقترناً بلغبه.. إنه الأستاذ الشاعر عبد الله النجيب (شاعر العيون).

حصل على أكثر من (500) وشاح وعلم وشهادات تقديرية من منظمات

وهيئات وأندية رياضية... تغنى له العديد من المطربين صلاح مصطفى،
منى الخير، زيدان،أبو داؤود، ابن البادية و.. و يصل العدد لـ (25)
مطرباً، هذا إلى جانب كبارالملحنين، على سبيل المثال علاء الدين حمزة
والماحي سليمان وبرعي محمد دفع الله وأحمد زاهر وأحمد المبارك
وعبد الماجد خليفة وغيرهم، فلنطالع معاً الدردشة مع شاعرالعيون:

ملامح من السيرة الذاتية؟

- الشاعر عبدالله النجيب عبد الرحيم، ولد بمدينة أم درمان في العام

1931م، تلقى تعليمه الأوسط بمعهد أم درمان العلمي ثم الثانوي

بمدرسة سوميت الليلية بالموردة، وعمل بالبريدوالبرق لمدة (40)

عاماً، كتب الشعر وعمره 18 عاماً وعاصر أفذاذ الشعراء، كتب
شعر المديح النبوي والقصائد الدينية ومئات الأغاني السودانية
القديمة والحديثة، بجانب أنه أحد رواد التجديد في حركة الشعر
الغنائي السوداني وقدم للساحة الفنية عشرات الفنانين الجدد وكتب
العديد من البرامج الإذاعية وعضو مؤسس في إتحاد شعراء الأغنية
السودانية، عمل في المجال الصحفي ومنح وسام العلم والأدب والفنون
الفضي في مهرجان الخرطوم الثقافي من السيد رئيس الجمهورية،
وتم تكريمه على مستوى ولايات السودان في العديد من المناسبات
القومية.

حدثنا باختصار عن مسيرتك الفنية؟

- عند بداية ظهورنا كانت الأغنية تعيش العصر الذهبي ووجدنا أمامنا

شعراء الحقيبة أمثال العبادي وسيد عبد العزيز وعبد الرحمن الريح

ومحمد بشير عتيق، وكان أصحاب الأغنية الحديثة في ذلك الوقت

إسماعيل حسن، بازرعة، قرشي محمد حسن وحسين عثمان منصور،
حيث بدأنا مسيرتنا كزملاء في البريد بصحبة مبارك المغربي ومصطفى
سند ومحمد يوسف موسى وإبراهيم الرشيد ونعمان على الله، فآلينا
على أنفسنا قيام الندوة الأدبية في أم درمان ومعنا السر قدور وإسماعيل
خورشيد، وكان الطلاب في ذلك الوقت يأتون إلينا ويجلسون معنا في
الإجازة في دار العلوم، وبدأنا في كتابة الشعر الغنائي وقبل أن يذهب إلى
الإذاعة لدينا رابطة الأدب القومي بها كبار الشعراء، بعد قراءة القصيدة
تذهب للجنة الإذاعة.. وكان في ذلك الوقت لدينا أغنية الأسبوع وبذا
بدأنا نزاحم الشعراء الذين وجدناهم أمامنا، حيث كتب محمد يوسف
(كلمة) وبعدها كتبت قصيدة (حدق العيون) ومصطفى سند كتب (يا
غالي الحروف) وبعدها بدأت علاقتي مع الفنان صلاح مصطفى.

مصطفى سند وإسماعيل خورشيد ماذا يعنيان لك؟

- مصطفى علاقتي به علاقة (نسب)، أما خورشيد فهو أستاذي

الذي تعلمت منه الكثير، وهو الذي كان يوجهني إلى القراءة.

لماذا لقبت بشاعر العيون؟

- لأن العيون تمثل رسالة الجمال في عالم الحياة، وهي اتكاءة الحب

على سطح الحياة، وهي التي ترسي الأنوار وتفسر الأسرار وترى

الليل والشمس والقمر والوجوه المشرقة، وهذا اللقب بدأ في الشارع

إلى أن ذهب للصحف والمجلات وأجهزة الدولة الرسمية، وعندما كنت
أذهب إلى القاهرة يقولون شاعر العيون في القاهرة.

تأثيرأغنية (عيونك كانوا في عيوني)؟

- في فترة كتبت عن العيون قصائد كثيرة، لكن هذه القصيدة من كلماتي

وألحاني وقد وجدت رواجاً كبيراً وتغنى بها العديد من الفنانين، منهم

عبد المنعم حسيب وسيف الجامعة وحنان النيل وعصام محمد نور.

رأيك في أغاني الشباب اليوم؟

- عندما أتينا في هذا المجال وجدنا من سبقونا، كذلك هؤلاء

الشباب امتداد لنا وأنا لست ضدهم وأبوابي مشرعة لهم.

أجمل الأصوات الشابة في الساحة؟

- أولاد الصادق- عصام محمد نور- وليد زاكي الدين- فرفور-

أسرار بابكر، كلها أصوات جميلة بشرط التغني بالكلمة الهادفة

وليست الهابطة.

أكثر المطربين الذين تعاملت معهم؟

- الفنان صلاح مصطفى باعتباره ملحناً مقتدراً، يأخذ الأغنية ويقوم

بتلحينها وهو مثقف وواعٍ ويدرك قيمة الكلمة التي يقدمها وأنا اعتز

بعلاقتي معه.

إيه حكاية (العيون) في أعمالك الفنية؟

- من غير ما أحس أو أشعر أجد كلمة العيون في قصيدتي حتى

النبوية، لكن لديّ العديد من القصائد لاتدخل فيها كلمة العيون.

هل قام أي وفد أو فرد من إتحاد الكتاب والأدباء أو إتحاد

الشعراء بزيارتك في مرضك؟

- والله الكثيرون لا يعلمون عن مرضي شيئاً لأنني لم أخبرهم، لذلك

لا أعاتب شخصاً... لكن أشكر الدكتورالشاعر عمر محمود خالد

والأستاذ محمد يوسف موسى والأخوين حميدة إلياس بابكر وعثمان
مجذوب، لأنهم طرقوا العديد من الأطباء في سبيل علاجي لكن دون
جدوى والحمد لله، كما أشكر الأستاذ هاشم هارون حيث قام بزيارتي.

اذا علمت الدولة بمرضك و قررت علاجك هل توافق؟

- اعتبر أن هذا حق، لكن لن أطالبها ولن أعاتبها ومتأكد أنه ليس

هناك مسؤول يعلم بحالتي التي وصلت إليها منذ (6) أشهر، لكن

نرجع ونقول إرادة الله.

رأيك في الإساءات التي تحدث بين الفنانين عبر الصحف؟

- منذ أن ظهرنا في الوسط الفني نحن أصدقاء ورابطة واحدة لم

يحدث بيننا تنافر، بل تسود بيننا المحبة والاحترام... أما اليوم

فنرى أشياء غريبة تحدث، والفن كلمة سامية والشاعر رقيق،

فأرجو منهم أن يبتعدوا عن مثل هذه الأفعال.

بصراحة رأيك في برنامج نجوم الغد؟

- برنامج ناجح وفكرته جميلة وهادفة وتربوية.

الهوايات المحببة لديك؟

- جمع العملات وطوابع البريد- تربية الطيور (القمري)، والفن

أخذته من روح أخونا المبدع الأستاذ الهرم محمود أبو العزائم

والأستاذ المحامي جبر عبد الرحمن رحمهما الله، حيث وجدت

فيهما الروح الجميلة والصفاء والنقاء.. وعن طريق أبو العزائم
تعرفت على عباس العقاد وأخذت منه علماً وثقافة، بجانب أنه
ليس لديه رياء ولا نفاق ويقول كلمة الحق عالية.

انتماؤك الكروي؟

- أشجع كل الفرق السودانية.

كلمة أخيرة؟

- الشكر لأسرة صحيفة (آخر لحظة) لاهتمامها بي،

وشكراً خاصاً لابن أخي الأستاذ مصطفى أبو العزائم

عندما علم بمرضي تأثر كثيراً حتى دمعت عيناه واعتبر

أن هذه عاطفة كبيرة منه.

الصحافة
اتونس معاه: محمد شريف
18/03/2008م

النجيب: إذاعة الكوثر أرجعتني لمحطتي الأولى بكتابة المدائح النبوية

ضيفنا اليوم عضو ومؤسس الندوة الادبية بام درمان، وعضو ومؤسس
اتحاد شعراء الاغنية السودانية وعضو مجلس النصوص الشعرية
بالمجلس الاتحادي للمصنفات، كبير وكلاء البريد والبرق سابقا، كتب
عددا من البرامج الاذاعية والسهرات والمسلسلات التلفزيونية ، نال
شهادة الرائد من الاذاعة ووسام الخدمة الطويلة الممتازة من الدولة،
نال وسام العلم والاداب والفنون من رئاسة الجمهورية، حصل على
نوط الكلية الحربية تكريما له على قصيدته مصنع الرجال وعرين الابطال،
من دواوينه «عاشق الخلود» و«وطن تاجوج»، من مؤلفاته «محاصيل
ومدن ومعالم سودانية» و«من مائدة فطور رمضان»، منح العضوية
الفخرية لاختصاصي طب العيون، ضيفنا هو «شاعر العيون» عبد الله
النجيب عبد الرحيم، زرته بمنزله بام درمان الثورة جلسنا نتونس في
حوش البيت وسط مجموعة من الطيور والحمام والقمري، هذه الهواية
التي حرص عليها منذ مطلع الثمانينات وكانت هذه الونسة مع شاعر
العيون وعاشق الطيور.

* بداية كلمنا عن الميلاد والنشأة؟
= أنا من مواليد ام درمان نشأت في حي «ودالبنا» حي الشعراء والادباء
والفنانين امثال: آل البنا، سرور، كرومة، الامين برهان،خالد وعلي ادم
بن الخياط، ابو الروس، عقيل احمد عقيل، حسن حامد البدوي، وغيرهم
درستفي الخلاوى ومعهد المعلمين وثانويات ام درمان.

* هل كان الدخول للساحة الشعرية سهلا
في وجود كبار شعراء الحقيبة وقتها؟
= بالتأكيد وجدت صعوبة ومعاناة في البداية خاصة اننا لقينا قدامنا
شعراء الحقيبة ناس سيد عبد العزيز، عبيد عبدالرحمن، عتيق، عبد
الرحمن الريح، وود الرضي، القصيدة ما كان بجيزوها طوالي اول
شي بقروها ناس «رابطة الادب القومي» بعدهم يقروها ناس الاذاعة
وكان في لجنتها عبدالرحمن الياس، مبارك ابراهيم ومحمد صالح
فهمي

* ابناء دفعتك من الشعراء منو؟
= محمد يوسف موسي، السر دوليب، ابراهيم الرشيد، اسماعيل حسن،
بازرعة. وانا بعتبر نفسي قمت في بيت كلو شعراء لاني متزوج شقيقة
الشاعر مصطفى سند وعديلي هو الشاعر محيي الدين فارس وكان بيتنا
تجمعا للشعراء وبزورونا طوالي ناس ابو آمنة حامد وكجراي وصلاح
احمد ابراهيم.

* في بداياتك تأثرت بي منو من شعراء الحقيبة؟
= كنت معجبا جدا «بشاعر العيون» الاصلي احمد فلاح الشاعر العشق
النيل واحتضنه ورفض بجود بي جسده وبعتبر نفسي امتداد ليه وكنت
بردد اغانيه الكتبها في العيون زي:
(عيوني وعيونك اسباب لوعتي)
و (عيوني هم السبب فياذاي)
و(عيونك علمن عيني بكاء الخنساء).

* بتذكر اول قصيدة كتبتها متين؟ واسمها شنو؟
= بدايتي كانت بي كتابة (المدائح النبوية) وسجلت عددا منها في الاذاعة
وأول قصيدة عاطفية كتبتها في الخمسينات اسمها (انا حائر) على طريقة
الحقيبة واول قصيدة اتلحنت واتغنت اسمها (طمني يا دكتور) لحنها
علاء الدين حمزة وغناها التاج مصطفى، وبرضو غنتها الرحمة مكي
واذكر ان اول اغنية غناها خلف الله حمد كانت من كلماتي واسمها
(من زمان).

* عملت فترة في البريد والبرق لقيت قدامك منو؟
= سبقونا في البريد ثوار 24 والشيخ احمد حسون وصالح عبد القادر،
عباس حاج الامين، صالح باخريبه، احمد حسن بلجيكي، بابكر قباني وخليل فرح.

* زملاؤك منو من الشعراء في البريد؟
= الشاعر ابراهيم الرشيد.

* وزملاك في البريد العملوا في الصحافة؟
= ابرزهم: عبد الرحمن مختار، احمد البلال الطيب، جعفر حامد
البشير، مصطفى سند، محمد يوسف موسى والنعمان على الله.

* حدثنا عن «الندوة الادبية» وابرز اعضائها؟
= تأسست الندوة الادبية في الخمسينات في حي البوستة ام درمان
وكان مقرها منزل رئيس الندوة عبد الله حامد الامين وانضم ليها
عدد من الشعراء منهم اسماعيل خورشيد، السر قدور، مهدي محمد
سعيد، وانضم ليهم: محيي الدين فارس، الحسين، تاج السر، الفيتوري،
ابوبكر خالد، د.عبد المجيد عابدين، حامد حمداي وضمت عثمان حسين، الحويج، والكابلي.

* لقب (شاعر العيون) دا جاء من وين؟
= في فترة غنوا لي الفنانين اغاني فريدة من نوعها كلها فيها كلام
عن العيون مثلا: صلاح بن البادية(من كلام عينيك) وعبد المنعم
حسيب (عيونك كانوا في عيوني يصدوني ينادوني) وعبد العزيز
محمد داوود (اشوفك في عيني) والعاقب محمد الحسن (ساحر
العيون) وصلاح مصطفى (صدقت العيون)، و(يا عيوني كفاك) و
(احب عينيك)، والتسمية جات من الشارع العام ووصلت اجهزة
الدولة الاذاعة والتلفزيون والصحف والمجلات وانتشرت داخليا
وخارجيا، ودا لقب اعتز بيه اعتبره ارفع وسام وبسببه نلت
العضوية الفخرية لاختصاصي طب العيون، ودا شرف لي واضافة
جديدة.

* والعيون بتعني شنو لي (شاعر العيون)؟
- بعتبرالعيون (رسالة الجمال في عالم الحياة واتكاءة الحب على سطح
الحياة ومرايا القلوب والارواح والارواح عالمها الحب والحب عالمه
الخلود وهى البترسل الانوار وهى البتحجب الاسرار وهى البتدي الليل
والنهار وتعري الشمس والقمر وكل شئ جميل في عالم الجمال والعيون
في احساسي ونفسي وروحي وذاتي).

* الثنائية مع الفنان صلاح مصطفى بدأت متين
وليه اخترت صلاح ليغني من كلماتك؟
- نحن أصلاً كنا زملاء في حوش البريد والبرق كنت موظفاً وكان
مهندساً وملحناً، لحن لي أغنية لعبيد الطيب ولحن لي أغنية تانية
لصلاح محمد عيسى قلت ليه الاغنية الثالثة دي حا تغنيها انت
وفعلاً كانت أغنية (يا جميل وين ايامي الراحت) وغنى لي بعدها
(زهر الروض يا نادي) و (حبيبه غريبه) و(أحب عينيك) وصلاح
تشرفت به لانه يختار الكلمة المموسقة وصادق لانه لا يكذب.

* الاغنية الكانت سبب في شهرتكم شنو؟
- أغنية (صدقت العيون) وبرضو اغنية (كلام المحنه).

* هل في أغنية اتمنيت تكون صاحبها؟
- أغنية الشاعر سيد عبدالعزيز:
(مسوا نوركم شوفوا في جبينها صباحو
الصباح ان لاح لا فايده في المصباح)

* اتهام أول لاتحاد شعراء الأغنية انو (صوري)
وما قدم للشعراء أىّ شي؟
- دا اتهام باطل الاتحاد بقيادة محمد يوسف موسى قدم الكثير للشعراء
وضع ليهم أسس كاملة لنيل حقوقهم الادبية في الاجهزة الرسمية
وموسى بمجهوده وكفاحه الفردي شيد داراً لاتحاد شعراء الأغنية
بدعم من الدولة وأهل الخير وتعب لغاية ما كرّم الشعراء وهم على
قيد الحياة وعمل صندوق لدعم المبدعين.

* اتهام تاني ليكم في المصنفات الفنية انتو «مررتوا»
بعض الاشعار وكنتوا سبب في انتشار الأغنية الهابطة؟
- اناعضو في المصنفات ومعاي اساتذة كبار أمثال سند وهلاوي
ومهدي محمد سعيد والأمين العام السابق التجاني حاج موسى
اثبتنا بالادلة انو المصنفات بريئة بل وضعت ضوابط للأغنية
وان الاشرطة المضروبة دي ما مرت على لجان شعر ولا الحان
بل محسوبة على المصنفات.

* اتهام ليكم شعراء اذاعة الكوثر بأنكم شاركتوا في تخريب
الاغاني السودانية والمدائح النبوية؟
- اذاعة الكوثر اذاعة مظلومة والهجوم عليها بلامبرر. الكوثر
رجعتني لجذوري الاولى بكتابتي للمدائح النبوية بعد أن تعرفت
على الاخ عبدالرحيم علي والاخ عبدالله الطاهر وشيخنا الزاهد
الورع محب الخير كاتب المدائح النبوية المقتدر خالد المصطفى،
فتشبعت بحب الرسول صلى الله عليه وسلم وكتبت أكثر من
(10 قصائد) في المديح ويكفي ان الكوثر منحت الشعراء
والفنانينفرص مجانية للحج والعمرة.

* شخص تحب أن تهنئه بقدوم شهر رمضان المعظم؟
- أهنى الاخ الوزيرهاشم هارون ولأول مرة اشوف وزير
يزور المبدعين في بيوتهم المظلمة.

* جديد النجيب شنو؟
- آخر قصائدي (اتفقنا) وعندي أغنية لصلاح مصطفى
(نار الهوى) وقمت برحلات مع لجان المصنفات بصحبة
هلاوي وسند لعدد من ولايات السودان وعندي برنامج
كل سبت وثلاثاء، وبإذاعة الكوثر شرح لقصائد الشاعر الشيخ
خالد المصطفى اسمه (في ساحة القبة الخضراء).

]size=24]آخر حاجة
[/size]
آخر حاجة قدروا يقولوا وينك … انت مافى … وما بتوافى

وما فى لحظة شوق بدونك

****

كانوا فى عينيك بشوفوا … كعبه ، لو دايراين يطوفوا.. .

وكنت لو مريت أمامهم.. كل ناس الحى يقيفوا..

***

ليه تحاول تزدهى وتعبد شبابك …

تعزل الحبان وتبعد عن صحابك

وتحرق الأشجان .. وما تسمع عتابك ….

خايف عليك.. من حبي.. من قلب انجرح

وعروقه شبت فيها نار ….. لكنى بالمقسوم رضيت ..

وبديت أغني الفرحه وأحكى الانتصار..

***

يا حليل زمن طشيت خريف وسعيت شتا …

واقول يا دنيا كيف .. ألقاه؟ ما خليت بلد ما جيته

أسأل كل ساحه وكل واحه …. وكل قيف

***

يا ربي .. ده الناديته فى الأحلام … وده الناجيته ما خليته ..

مما شفته طيف .. يا حليل زمن بستنى فيك واحسب الأيام …

وهاجرت صيف..

قسمه ونصيب..

لو سألوكي عني

لو سألوكى عنى بلا خجل

قولي الحصل

قولي أبتدينا من الأمل

قلبين بحبوا النور بحبوا الدنيا ، والخير والعمل

ماتقولي عاشق وبس خلاص

أنا ياهواي قنديل بضوي عشان رضاك

للناس دروبهم وبسعى لفجر الخلاص

طاقة وعزيمة ونور أمل

لو سألوكي عني بلا خجل .. قولي الحصل

نحن أبتدينا الحب سوا

شان نبني دستور الهوى

بندورو للناس والأهل

ونغني نغسل من شوارعنا السكوت

نحن البنبنى الدنيا بالحب النبيل

نحن العزيمة الدايرة فيني بلاخجل

قولي الحصل

قولي البحبه قوي وعديل

إنسان عظيم بعشق بلاده وعنده مبدأ حر أصيل .

ناس حبايبك

t]]ناس حبايبك بفرشولك نور قلوبهم

في زمن ضاعت مواسمه ويفتحولك باب دروبهم

ليه تخلي الشوق مساهر في عيونهم

وكيف تفكر يوم تسيبهم

لو بتتذكر زمان جيران صباك

كان كلامهم وكان سلامهم ليك براك

كان الوجود واقف بيسأل عن رضاك

وكنت القمر دايما تهل يضحك سناك

ساقي ريدك من قلب طيب وديع

زي المطر زي النسيم زي الربيع للناس جميع

ونحن فيهم كنا من غيرك نضيع

وأي حاجة تقولها نستسلم نطيع

ياجمال للخير بيدعو وياملاك طاهر كريم

أصلو ماتغير طباعك ، أصلو ماتحجب روائعك

نحنن مابنحمل فراق أعيادنا ..مابنقدر علي نار الجحيم

لو سمعت علينا كلمه .. هل تصدق أنو بتعدي النسيم

يجرح مشاعرك يانداوة روحناياريدنا العظيم

نحن واثقين مافي حاجه وانت برضو كمان كريم .
[/]

الجوهره

تسألوني عامل أيه في الجوهرة

أيه أقول مابس حلاوه وسكره

جسمي بيناتكم هنا

وقلبي ساكن أتبرا

اصلي عاشق لي حبيبه مفكره

شايله روحي وسارحه فوق بي مقدره

فوق للقمر وفوق للنجوم المزهره

جسمي بيناتكم هنا

وقلبي ساكن أتبرا

زي الحديقه الفايحه بي عطراً سرى

إيه اقول مابس لذيذه .. ومسكره

جسمي بيناتكم هنا

وقلبي ساكن أتبرا

ضحايا المدينة

أنا كان بكيت إيه البجيبو بكايا ...؟

قاسيت الاللم والـمُرّة في جوايا

الهاجر صغير من أرضه همه ورايا

والساب البلد شال الوجيعة حكاية

والشال القشور خلى الأصل والراية

كان تابع حرام ..وكان عاشر ..دروبه خطايا

آه يازمن ..وآه ياحضارة .. نهاية الغول المدينة والشر المدينة

ونحن ليها ضحايا ..

الولد الغريب هاجر يكوس تعليمه

ساب القرية ..ساب الطيبة خلى أصوله

حايم في المدينة القاسية أهله يقولوا

ياحليل الشباب ضايع غريب ياحليلو

سكن المدينة وضاع مع الضايعين

يخطف رزقه ويلفح بالشمال ويمين

غشاه المدير خلاه طبعه مشين

ياحليل الولد الكان نضيف وامين

لكن المدير الطاغي ماكفاه

شاف البنية الجات تكوس بي وراه

تاريها أخته الشابة عايزة تراه

في درب المدينة شافها المدير اياه

اغراها المدير خلاها تنسى أخاها

أخد الصبية وبالدس كمان ضماها

قال بالحلال وعقد الكتاب خلاها

من دون حد يعرف حتى وين يلقاها

وفي الاجهاض جريمه وكانت بنيه كسيره

ماتت ياخسارة واتهموه بتدبيرها

والحق أنتصر لازم حقوق الناس

ترجع للجميع من دون ضياع أو يأس

ربنا بعظمته قاس الامور مقياس

العدل فيه والرحمة والقسطاس .

مضت الايام

غالي أنت وغالي برضو الشوق عليّه

المعزة العندي ليكم الله عالم عزّه ليّه

الهواكم قالو قاسي دمعه في خد الأماسي

بالسنين نحن اليتامى وعمرنا الضايع مآسي

تاني وين لي قيفنا نرجع وتاني وين نلقي المراسي

كنت في لمعان عيونك بعشق الدنيا وجمالها

وأشقى وأتعذب وحاتك في نسيمها وفي ظلالها

واللي أدي الناس نعيمها شالها منك ومني شالها

ليه أحبك وانت دنيا كيف طريقها ومنالها !

يازمن علمنى أنسى وياقدر علم سنينك

الحنان الساقي روحي ما أظن يشبه حنينك

والعيون الباكية تشكي أصله ماحاكت عيونك

إنت لو خنت الأمانة برضى ماممكن أخونك

أوراق هواك

أوراق هواك عندي بقراها يوماتي

تحمل سطور وجدي وأعذب مناجاتي

لو كان شقاى بجدي كان تكفي آهاتي

من بدري سامع بيك وعارفك عنيد قاسي

وعارف طباع انسان متنكر أو ناسي

وريني أعمل كيف وأشرح لك إحساسي

مادام غناك للناس وعامل تقيل راسي

من لون شعاع عينيك جمدت كل انسان

ومن نور شعاع عينيك جمدت كل بيان

تتلألأ فوق غصنك زي ورده في بستان

يابهجة القافية والشعر والأوزان

لو مرّه شفت رضاك عاملنا بالاحسان

أو مره قلت كلام ..أوراق هواك عندي

أوراقي فيها دموع مليانه شوق وكلام

مغموسه في عطرك وفواحه كالأنسام

من الصباح تسري زي أعذب الأنغام

وأنا في الدموع والشوق والناس يقولوا حرام

ياقاسي خلي جفاك وأرحم شقا الأيام

ولو مابتراعي شعور .. أوراق هواك عندي .

صدقت العيون
عبد الله النجيب

غناء / الفنان صلاح مصطفي

صدقت العيون وكلام المحنه ... هنانى بحنانه لما على حنه
.. قال لى كلمه طيبه .. كانت منه حلوه ..
مين غيره البيزرع أيام عمرى .. جنه ..؟؟
***
فصل الحب قصير من البدايه .. والأيام تمر وتمر الروايه ..
عشنا الدنيا شفنا .. شفنا الكون حكايه..
البصبر عليها ... بيلقى فى النهاية ..
قال لى كلمه طيبه .. كانت منه حلوه
.. مين غيره البيزرع أيام عمرى .. جنه .. ؟
صدقت العيون لما بقيت أسيرها..
عشقت الموجه ترقص .. ترقص فى الضفيره..
وشفت النور هناك .. والشامه الصغيره
... بتقول للخدود .. أحلام الأميره ..
قال لى كلمه طيبه .. كانت منه حلوه ..
مين غيره البيزرع أيام عمرى جنه ..
****
صدقه العيون تعكس لى ضياه .. ويزيد فى حنانى ..
وأسبح فى شذاه .. غرد يا كنارى .. واسجع من غناه .
وأرقص يا فؤادى .. واسعد بى هواه ..
قال لى كلمة طيبه .. كانت منه حلوه ..
مين غيره البيزرع أيام عمرى جنه ..
صدقت العيون يا ملهماتى .. ولقيت فكرى تايه..
وين أغنياتي.. الصادح بلحنى .. والمالك حياتي..
ألقاه ليه.. ليه ما ألأقى ذاتي...؟
قال لى كلمة طيب.. كانت منه حلوة
.. مين غيره البيزرع أيام عمرى جنه ...
***
مشاعر حنانى ... وكل ما أعاني..
من أسمى المعاني ونغمة لسانى ...
ألحان المودة .. تقول حبه تانى ..
حبيت فيه فرحه .. وشوق للتسامى..
قال لى كلمة طيبه .. كانت منه حلوة ..
مين غيره البيزرع أيام عمرى جنه...
الميزه الرقيقه ... تزيد فى علاه...
عرفت الدنيا غنوه … ولى أحبابها حلوه..
تقول ليها العيون .. .. وتكون من صداه..
تغرد للمحبه .. وتزيد من هيامي..
قال لى كلمة طيبه .. كانت منه حلوة ..
مين غيره البيزرع أيام عمرى جنه..

عيونك كانوا فى عيوني

عبدالله النجيب

غناء الفنان/ عبدالمنعم حسيب

عيونك كانوا فى عيوني ... يصدوني وينادوني...
أخاف لو قلت حبونى ... وأقول يمكن يحبوني
عزوني ويصافونى ... عيونك كانوا فى عيوني..
أصبر بي هواك البال ... وأزرع قلبى بى الآمال ..
عشقتك وكنت عندى خيال .. مجرد حبى ليك محال
أداريه واخليه .. واخاف من قلبى يحكيه ..
عيونك كانوا فى عيوني ..
****
ظروفنا تحرم اللقيا ... تعادى الحب ولو طاهر ..
يعيش فى خوف من الدنيا ... يكون مكتوم وما ظاهر
فكيف احساس ... تحسه الناس... نضيق بيهو ...
ونعاديه ..وكل الكون يشك فيه .. عيونك كانوا فى عيوني..
****
حبيبي لانك انت عفيف ... رقيق بتخاف من الأشواق
تعال .. نتحدى حتى الخوف ... تبوح بهواى ..
وأقول أهواك ... نكون ظاهرين.. وما خايفين ... نعيش ليه ..
ونذوب فيه ..نجاهر للانام بيه
عيونك .. كانوا فى عيوني...
****
نحاول نبرز الاخلاص... وزادنا البهجة والنشوة
نفتح فى قلوب الناس... مشاتل من حنان حلوه ….
نقول ليهم .. نوريهم... معانيه... وأمانيه... ونفخره للجميع بيه..
عيونك كانوا فى عيوني
****

مع الشاعر : عزمي احمد خليل
.....................................

سيرة ذاتية

• عزمى أحمد خليل

• من مواطنى وادى حلفا – دغيم

• ترعرع في الشرق فامتزجت عراقة النوبة
بعنفوانأهل بورتسودان وكسلا واروما.

• درس الأبتدائي والمتوسط في اروما وبورتسودان
والثانوي في حلفا الجديدة.

• درس الفلسفة والمنطق وعلم النفس
بجامعة القاهرة فرع الخرطوم.

• عمل معلماً بمديرية كسلا.

• عمل ضابطاً بالخطوط الجوية السودانية بمطار الخرطوم

• عمل صحفياً بجريدتي الخليج والوحدة
بدولة الامارات العربية المتحدة.

• عمل مشرفاً إجتماعيا بجامعة الملك سعود بالرياض

• سكرتير رابطة شعراء الغناء بالمهجر.

تغنى له العديد من الفنانين مثل العاقب محمد حسن –
العطبراوي – عثمات مصطفى –هاشم ميرغني-
حمد الريح –عبد العزيز المبارك –خوجلي عثمان-
يوسف الموصلي-محمود علي الحاج –الهادي حامد-
ابوعبيدة حسن-عبدالله البعيو-سيف الجامعه –
مجذوب اونسة –محمد سلام- الرشيد كسلا-
بشير عبد العال-
إنه إنسان متواضع يدخل في نفسك كما الظل
لقد تغنى له الأستاذ الفنان صديق احمد بهذه الرائعة

"الأحزان غشتني والنوم لي يضرو"

عزمى أحمد خليل «الفقد واحد» "فى رثاء الراحل زيدان إبراهيم"
عزمى أحمد خليل «ديوان حان الزفاف»
عزمي أحمد خليل «الدنيا عيد والكل سعيد والكل بيحلم بالجديد»
عزمي أحمد خليل «الزمن مقلوب»
عزمي أحمد خليل «السودان الوطن الواحد»
عزمي أحمد خليل «أنا برجاك وعارفك جايه وما بتتأخري عني كتير»
عزمي أحمد خليل «حان الزفاف وأنا حالي كيفن بوصفو»
عزمي أحمد خليل «حرق الكعك»
عزمي أحمد خليل «دايرينك معانا إلا أبيت طريقنا»
عزمي أحمد خليل «ده ما سلامك ولا الكلام الكان زمان هسي كلامك»
عزمي أحمد خليل «سلامتك والله يا محجوب»
عزمي أحمد خليل «صحى يا حياة ؟ ضىء الشباب في عينيك مات؟»
عزمي أحمد خليل «طروني ليك وأنا كنت قايل أصلى ما بطراكا تاني»
عزمي أحمد خليل «عندي كم في الدنيا زيك لما تزعلي مني إنتِ»
عزمي أحمد خليل «كتير حاولت انساكا لا نسيتك ولا قدرت»
عزمي أحمد خليل «لا لا ما بحزن عشانك لو صحى اتبدلت خنت»
عزمي أحمد خليل «ودعناك الله هاشم»

السودان الوطن الواحد

السودان الوطن الواحد

تانى يرجع للمبادى

وينجلى البلا ... والغلا

والمنافقين يمشوا غادى

وتانى تكتب الف غنيه

بيها يتغنوا الشوادى

ما الجميله ... ومستحيله

يا ها دائماً بس بلادى

سلامتك والله يا محجوب

ويا ميَّ ما تشيلوا الهم

اخو الخير للوطن بيرجع

ونوال بالفرحه تتبسم

وتزغرد بالعديله أميرة

ويعود للدار وِليد مريم

ويطير البوم من الخرطوم

وكل حر بالحياه ينعم

الزمن مقلوب

هذه القصيدة من الأستاذ عزمي احمد خليل لصديقه الصنديد الشاعر محجوب محمد شريف

صحيح والله الزمن مقلوب
وسيد الحق يعيش مسلوب
حتى الفجر بيبقى غروب
ويسافر للعلاج محجوب!!!
سيرتك شاغله كل مجال
وكل الناس قلوبها عليك
شلت الهم ... عشانهم كم
وضحيت واصلو ما هاميك
وكنت في كُل حاره جسور
دوام حب الوطن ماليك
لا يوم لنت ... لا هادنت
وهسع الكل جميع يفديك

عمرك كلو شلتو نضال
وكُل بلادي طُفت سجونها
ما إتغيرت ... وما جابنت
وللثورات بقيت مجنونها
باعوا كتير مبادئ وخانوا
الا براك ابيت ما تخونها
لا غراك مال ... لا جاهـ
ولا خيبت عزه ظنونها

ترجع بكره إنت حديد
وتلقى عدو الوطن روَح
والشتل الزرعتو زمان
من كتر الصمود فتح
اصلو الضلمه مهما تطول
لا بده الصباح يصبح
وتشرق بالمعزه شمس
للحزن السكن تمسح

حرق الكعك

قصيدة إلى روح شهداء مذبحة 28 رمضان- واشنطن رمضان (أكتوبر 2005)

الدنيا عيد والكل سعيد
والكل بيحلم بالجديد
وكان الجديد ذي مافي عيد
حِرِق الكعك وحزن الوطن
واطفالنا مالبسوا الجديد
والدنيا عيد
*****
كان الجميع راجين يعيدوا
وكُلُ زول أهلو في رِجاهو
اللي غايب مشتهينوا
واللي عايد ولامي جاهو
إلا لكن ياخساره
ماخلاص الجاهو جاهو
كانت الوقفه الحزينه
وعيدنا غير إتجاهو
والوطن دفع التمن
بدل إسماعيل تلاتين شهيد
والدنيا عيد
*****
ياوطن صبرك أبويا
باكر الايام بتنصف
وكُلُ خاين لى بلاد
في القريب الجاي يعرِف
مالغيوم لومره وآرت
السماء لا بد يكشف
والبيسكت بكره بينضم
وبالسقوط من قلبو بِيهتف
وبكره عِيد سودانّا يِرجع
وينكتب بالعِز نشيد
والدنيا عيد
*****
بكره بِتعيد مصيرك
بِ رجوع الحق وناسو
الظلام لابُد يزول
والنهار يكشف لِباسو
والقيم ترجع جميله
وكُلُ عَزك لِي أساسو
شعبي يا الغالي وحِنين
وين يِفوتو الليكا داسو
كُلُ اولادك فِدايتك
وليك يمِدوا القلبِ إِيد
والدنيا عيد

ودعناك الله هاشم

إلى توأم الروح وصديق العمر أبدا الراحل المقيم
الفنان هاشم ميرغني

منو القال ليك رحلت

وهواك في قلوبنا ساكن

تهون الروح عشانك

ويوم ما بتبقى هاين

عيوننا تنوح حزينه

تـفـتـش ليك تـعاين

ولو حاولنا نصبر

غيابك فينا باين

حليل ناس راما بعدك

وسودا وراكا فاتن

####

زمان غنيتو ريدنا

وواسيت كل جريح

وما خبيتو حزنك

وكان واضح صريح

عم الدنيا عشقك

وملا الكون الفسيح

وللعشاق بنيت

من فنك ضريح

المجنون شفيتو

وبيك جن النصيح
####

ذكراك فينا باقيه

وما بننساك محال

نرجاك كل لحظه

مهما البعد طال

وحاتك ما بنقنع

غيب وارجع تعال

لكن ما بإيدنا

ليك المولى شال

خلاص حان الزفاف

وخلاص العمر زال

####

تغني إنشاء الله بكره

للحور الحسان

وتصدح بي غناكا

في روض الجنان

ودعناك الله هاشم

في ذمة الرحمن

ليك الجنه نسأل

والتوبه والغفران

ويجزيك الله خير

عن كافة الحبان

####

الفقد واحد

شعر عزمي أحمد خليل / في رثاء الفنان زيدان ابراهيم

*****

يا دنيا تب ما ليك أمان

و كل غالي فيك أنا شايفو هان

هاشم رحل وزيدان كمان

وكل الكلام بقي كان وكان

يا دنيا تب ماليك أمان

*****

اختارك الرب دون سواك

و ما لينا يد في الاختيار

تبكيك بنوت البلد

و يحتار لفقدك ألف دار

يالكنت ضل في كل شمس

ويا الكنت للمظلوم ديار

تب في الكرم ماليك أخو

حتي الممات كان ليك هظار

*****

يا الكنت بتلم الجميع

لو كان هناك أو كان هنا

موتك ترك بالجد فراغ

كان في الحجا أو في الغنا

تشتاق للقياك الأماسي

و الليل حزين ضاق العنا

مسخت كل جميل وراك

و الغنوه بعدك أحزنا

*****

عزاني فيك أنا كل عاشق

يا الكنت للعشاق طبيب

في الدنيا ما كان ليك عدو

لو من بعيد أو من قريب

كل الوجود شايل غناك

و الكل دوام كان ليك حبيب

و الناس معاك كانت تغني

و سموك كمان العندليب

*****

مخير الله علينا عاد

ويا حليلو فنان الشجن

و يا حليلو زيدان العديل

الغنا للحب و الزمن

و يا حليلو ود أم الحسين

و يا حليل كمان أم الحسن

الفقد واحد للجميع

لو بره أو داخل الوطن

*****

واشنطن في الأحد 25 / 09 / 2011 م

عزّ الممات

صحى يا حياة ؟ ضىء الشباب في عينيك مات؟

وكل الحكايا الحلوه ديك الليله صبحت ذكريات

يا قلبي أغرق في الأسى ويا عيوني شيلي الليل دموع

وأبكيها يا عمري الحزين ما مات خلاص ضىء الشموع

الآهه تحرق في الحشا والنار بتوقد في الضلوع

والحلوه عدت لي بلاد ما فيها أصلو درب رجوع

والناس بتسأل وين حياة؟

مليتي دنيا الناس خلاص وعدمتي حيله مع الزمن

شوفي الزمن غدار وكيف ما راضى غير عمرك تمن

كم من قليب حزنان وراك وكم من عيون بعدك بكن

وحياتنا بيك كانت فرح والليله دايبه عليك حزن

وواحشاها عينيك يا حياة

الليله بختك يا تراب جاتك حياة بي طيبتها

ما تقسى إنت عليها يوم بي طيبه اسمع قصتها

العزه في عالمنا داك كانت زمان من عزتها

ولا من لقت ظلم الزمان الدنيا فاتت خلتها

واهي ليكا جات

يا الله يا واهب العمر يا الديمه للطيبين وفي

أديها من عندك حنان وهو أحن منك إنت في

خليها تنسى الدنيا ديك ما البي جوارك مكتفى

والرحمه عندك إنت بس يا عالم السر الخفي

وفي ذكرتك عزّ الممات

دايرانا بعدك نحيا كيف ما كنت نورنا وضينا

والكان بيفرحوا بي لقاك الليله فاقدينك هنا

ولو جيتي لعيوني الحنان الليله مات فيهن سنا

والليله كل زول وألفك دنياهو صبحت محزنه

بيبكي وبيسأل وين حياة؟؟؟

حبة فرقه

أنا برجاك وعارفك جايه وما بتتأخري عني كتير
آسرك حبي وغالي عليكي وقلبي كمان في هواك أسير
ما العنقود لو جافي خمايلو نسمه تبكى ويشقى عبير

أنا ما ندمان على البيناتنا ولا جرحت مشاعرك يوم
وإنتِ هواي لو قايله ظلمتي ما تفتكري بعيش مظلوم
أن دنياي يا ستي محبه وعمرو الحزن على ما بيدوم
والدمعات لو مره بكيتها ما بتعيش في خاطري هموم
والأفراح ما بتجفى دياري مهما حبايبي يجيبوا اللوم

جابك درب الريده عشاني وبرضى لقيت في هواك دنيايا
وهسع فتي لناساً غيري وعايشه بقلبك لسه معايا
وقالوا بعد مرات بتغني وتبكي كمان يوم تطري غنايا
عارفك ما بتتهنى بدوني وأنا غيرك ما بلقى هنايا
ومهما تلاقي حنان عند غيري عمرك ما بتنسيهو هوايا
الأغصان بتعيش متشابكه ومره الغصن يجافي حبايبو

ولما الغيم ما يمر بي عندو يرجعوا ليهو وتاني يطايبو
وإنتِ بترجعي زي ما كنتِ وقلبك قلبي احن قرابيو
وما بتلقيني في اصلكِ وحبك إنتِ محال ما سايبو
اصلو البينا هي حبة فرقه وشاطيء هوانا بترسي مراكبو

وعــــد الحـــــر

لا لا ما بحزن عشانك لو صحى اتبدلت خنت
إلا لسع ما مصدق وانت في أعماقي إنت

قالوا عنك ناس قرايبك إنت عندك غيري غايه
وبرضو ليك ميعاد معاهم زي ميعادك داك معايا
الرسائل هي ذاتها وحرقة الشوق والوصايا
وبرضى صدق ما ظلمتك وقلته ما بتخون هوايا
وقلته مهما أغيب عليك إنت برضك في رجايا

ما بصدق مهما قالوا ريدي في عينيك هان
اصلى عارفك ما بتلقى غيري سكه أمان
والحنان الشفتو مني زيو مين يديك حنان
وبرضى عاذرك لو نسيتني وبي وراي حبيت كمان
ما البيخون في يوم حبيبو بكره بيخونو الزمان

يلا قول وريني آخرك في قليبك غيري مين
والمحبه العشنا فيها ورحلة الشوق بالسنين
وكل حاجه جميله بينا روحت الليله وين
لا لا ما أظنك بتنسى وكنت طول عمرك حنين
إلا وين وعدك معايا ما قالوا وعد الحر هو دين

طروني ليك

طروني ليك وأنا كنت قايل أصلى ما بطراكا تاني
وكنت قايل طول فراقك بيمحي ريدك من زماني
إلا تاري البينا لسع لا نسيتو ولا نساني
***
وفجاءه اتذكرته ريدنا والزمان الكان معاكا
المشاوير والأماني والفرح ساعة لقاكا
حتى قلبي الكان نساك ما لو زي ما نساكا
صحا جرح الماضى تاني ومن جديد هسع بكاكا
رغم ظلمك وطول جفاكا حنّ لي أياما هواكا
***
وابتديت من تاني أندم زي كأني الكنت ظالمك
لمته نفسي وقلته يا ريت لو ظروفنا تلم وأكالمك
وأحكي ليك أنا كيف ظلمتك لما جيت غلطان ولايمك
ورغم طول الفرقه بينا اشتهيت لو بس اسالمك
وأسألك لو طاري ريدنا ولا سارح في عوالمك
***
كان لقيت ليك قدره تنسى عاد منو البديني قدره
أنسى زي ما نسيتني إنت وبرضى أرجع تاني أطرى
الليالي البينا كانت من جمالك شايله نضره
ياما بتذكرني بيكا وياما بتبكيني ذكرى
وانت لو هنّاك زمانك برضى راح أتهنى بكره

في بعادك

دايرينك معانا إلا أبيت طريقنا
ولسه ما قادرين نسيبك وانت سبته الريح تسوقنا
وقالوا يوم سألوك علينا لألأ في خنا
وقالوا زي داريتو شوقك وشوف غلبنا نداري شوقنا
وشوف نجمنا كمان ظلمتو ولسه نجمك ضاوي فوقنا

الصباح كان بيك مندى وجيتك في دارنا تحلى
والغريب الطال غايبو عاد معاك بالفرحه طله
ياما غنت ليك بيوتنا وشالت اسمك حله حله
الغيوم ضحكت عشانك والفراشه جناحه ظله
الفرح فاتك معانا والحزن قال لينا يلا

ياما فيك نحن انظلمنا وفرقتك بكتنا ياما
ولسه برضو بندعي ليك تلقى في دربك سلامه
وتلقى ناس يدوك حنانهم واصلو ما يدوك ملامه
مافي عاشق عادي عاشق كان بشيل الابتسامه
بدل القاسيات محنه وظلل الساحات غمامه

قسمه غايتو تفوت دروبنا وتمشي مننا دون مرادك
نحن نسهر ليلنا كلو وانت تغرق في سهادك
فيك عيون بتحن لينا ما الحنان حتى في عنادك
انت ما بتحمل فراقنا ونحن ما بنحمل بعادك
وريدنا كان قصرته عمرو يبقى ليك في السكه زادك

اصلو ما تشيل لينا هم نحن اتعودنا نشقى
كم ندمنا وراك ليالي وفجاءه تاني فرحنا بقه
وبرضو ما بيكمل عشمنا مهما تبكى قلوبنا فرقه
ونحن على نياتنا دائماً والبنتمناه نلقى
والسعاده هي كان أبتنا البتبقى علينا تبقى

حان الزفاف

حان الزفاف وأنا حالي كيفن بوصفو
يا ريت هواك لي ما انقسم ولا قلبي ريدك نزفو
قالوا البعيش الدنيا ياما تشوفو
تشقيهو بي فرقة عزيز و بالحسره ريقو تنشفو
وإن شاء الله ما يحصل فراق لقلوب بعد إتولفو

بس قولي لي أنساك كيف وأنا قلبي ريدك محنو
أبحر سنين في كون هواك والليله فاقد مأمنو
وأنا من زمان عارف البيكون وقليبى كنت بيقنو
والليله يوم حان الزفاف أنا حالي مين ما حننو
ولو ده الحصاد من كل ريد ناس قيس صحيح اتجننو

جوني الصحاب وأنا قالوا لي شافوها في توب الزفاف
شافوا الدموع واتحسروا والشوق غمام في عيونها طاف
ومش عاد حرام ساكن الضفاف
ينشَر في عمرو الجفاف
طول عمري بزرع في الورود وحصادي شوك آخر المطاف

ده ما سلامك

ولا الكلام الكان زمان هسي كلامك
والا يعنى نويت تسيبنا وفي الخريف تحرم غمامك
وده ما سلامك

جينا بعد الفرقه نسأل قلنا نلقى محنه عندك
نحكي ليك عن ليك شقانا وعن متاهات نجمو بعدك
نحن سالمناك بطيبه وياما بكى عيوننا ردك
وليه زمان اديتنا ريده وجيت حرمتنا تاني ودك
وقلبنا الجرحت خاطرو برضو ما قادر ملامك
وده ما سلامك

كنا قايلين بي ورأنا إنت زينا طاري ديمه
وكنا قايلين نحن عندك زي عيونك لينا قيمه
قلنا تتلقانا إنت والزهور تحضن نسيمه
إلا ريدك تاري روِّح وعدي فات زي كل غيمه
جينا ليك بالأبتسامه إلا ما لقينا ابتسامك
وده ما سلامك

جينا شايلين ليك فرحنا وكان عشمنا تزيدو حبه
تطرى ناس فاقدين عيونك وبي وراك ما خلوا غربه
قلنا ننسى تعب سفرنا بي ليالي معاك أحبه
جينا ما لقينا في عيونك ذكرى ساكت للمحبه
شلنا شوقنا رجعنا بيهو وما ندمنا على سلامك
وده ما سلامك

عندى كم في الدنيا زيك

عـندي كــم في الدنيــا زيك لما تزعـلي مني إنتِ
انتي جرحي الما بيبــره حتى لو من عيني غبتي

قـلـبي قـبـلــك ما أظـنــو لحـظـه من أيامي عـاشه
بي عيون الدمعه بصبح وينسى راحل زي فراشه
يـوم رضيتي علي وجيتي طلَّ فوق عيني دعاشه
بـيـكِ عـيَّــد قـلـبي دابـو غيمة الريد جاتني راشَّه

لـمـا أرحــل بي خطــايا قـلـبـي مـا بــرحــل معايا
أصلي بس خليـتـو ليكِ يبقى عَـشـره عـليـك ورايا
وعيني عاد كان شفتي بعدِك ما بتوالِف غير بكايا
أصـلي فـي ريـــدك غـرقـت وناوي أغــرق للنهايه

يا سـلام لــو شـفـتي حـالي يــوم تجـيـني رسـالــه منِّك
بـنـسـى ظـلــم الـدنـيـا كـلـو ولي حـروفــــك أحكي عنِّك
ما عـنــدي هـم في الدنيـا غـيـرك لو وحاتك زدتي حنِّك
عندي كم في الدنيا زيك لما تزعلي ولا يزعل قلبي منِّك

عـنــدي كـم في الدنيـا زيك لما تزعلي مني إنتِ
إنتِ جرحي الما بيبرى حتى لو من عيني غبتي

قدري حبك

كتير حاولت انساكا لا نسيتك ولا قدرت
وقدر ما قلت ما بشتاق غلبني الشوق واشتقت
وبعد فكرت ما أرجع بكل مشاعري ليك عدت

زمن راجيك تحن مره وتشعر بي حناني عليك
وتدلل عليّ برضك تقلل في المحنه الفيك
وأزعل حبه يوم يومين ومن كترة شوقي أنسى وأجيك
انت صبحت ليّ قدري تقسى علي وأفتش ليك
وريدك بالعذاب الفيهو ما في أحنّ من عينيك

تمر أيام تكون وافي وترضى عليّ تفرحني
وأخاف أنا لو جرحتك يوم ودائما أنت جارحني
أجيك مشتاق ملان أفراح وللدمعات تروحني
وأعيشو وراكا ليلى حزين والآلأم تصابحني
وبرضى أعود أنا المظلوم وأقول ليك أنت سامحني

بقيت يا ريدي ليّ دنيا وزي دنياي عليّ قسيت
بحسك إنت أطيب زول وحتى جفاك كمان حبيت
وريدك ما في منو خلاص بطراك برضى مهما نسيت
وأنا نسيتك عشان أطراك ما انت معاي مشيت أو جيت
مقدر ليّ أعيش حبك رضيت بالفيهو ولا أبيت

في انتظار عينيك

عشان عارفني بستناك أبيت ميعادنا توفيهو
أريتك كنت جيت ساكت وشلت قليبي بالفيهو
***
رجيتك وفي انتظار عينيك كملت الصبر كلو
أنا وأشواقي والساعه ميعادك جينا من قبلو
ولامن راح زمن جيتك وخطاك في دربي ما طلو
شفقت عليك من السكه ودموع عينيّ وراك كملو
***
قبُل ما قلت حاييني خفته تغيب وأتودر
وعشان ما تنسى ذكرتك وقلت براك بتتذكر
ما خليت قلب فيني عشان ما قلت تتأخر
يعني أقول نسيتني خلاص وحاتك الله لا قدر
***
رجعت وأسفي في عيوني ودرب الرجعه ما عرفتو
وكل الجيت بيه من أفراح فارق دربي يوم فتو
وحالي ألبيّ اصبح كيف أريتك جيت براك شفتو
وحاتك ما بلومك يوم حتى لو ميعادنا أخلفتو

وقفات مع الشاعر /* عمر الطيب الدوش :
...........................................

محطات من حياة الشاعر

تمر علينا هذه الأيام الذكرى السادسة عشر لرحيل الشاعر العملاق عمر الطيب الدوش الذي رحل عنا في نهاية التسعينيات من القرن الماضي ولكنه خلد نفسه بإبداعاته التي يترنم بها الكبير والصغير من أبناء الشعب السوداني ويذكر أن الدوش تغنى له عمالقة الغناء في السودان مثل الموسيقار محمد وردي الذي قدم له أغنية (بناديها, و أرحل, والود) كما تغنى له عبد الكريم الكابلي بأغنية (سعاد)..
*فنون الأحداث :
أول دفعة
مدينة شندي حاضرة الجعليين شهدت أول صرخة لمبدع عطر سماء السودان وكان ذلك في العام 1948م درس في معهد الـموسيقى الـمسرح الذي أصبح حاليا كلية الدراما والموسيقى قسم الـمسرح عام 1974م وكانت دفعته هي أول دفعه تتخرج من الـمعهد وكان من زملائه هاشم صديق وإسحاق الحلنقي وصلاح الدين الفاضل وناصر الشيخ والريح عبد القادر. وفي قسم الـموسيقى كان محمد وردي وانس العاقب وعثمان مصطفى..
عشاهم من الدكان
سعاد محمد الحسن التي رافقت الدوش كمحطة هامة في حياته وتروي سعاد قصة لقائها الأول بالدوش «كنا ندرس في معهد الدراسات الاضافية بجامعة الخرطوم آنذاك، في فترة حكم مايو 1983، خرج أساتذة المعهد لاستقبال شخص ما لا نعرفه نحن الطلبة وكانوا (متكتمين) عليه، كنا ننتظر هذا القادم بشغف بعد أن عرفنا من الأساتذة أنه صديق عزيز لديهم، فجاءنا شخص أشعث أغبر يحمل كمية من الكتب لا يستهان بها، كنت أول من أصدر تعليقاً عليه وصحت (سجم أمو واخواتو بدل مايجيب ليهم شنطة هدوم جاب ليهم شنطة كتب)، درسنا تاريخ المسرح وبعد شهر على بقاء هذا الأستاذ معنا عرفنا أنه عمر الدوش»... سبتمبر 1986م تاريخ مميز في حياة الدوش فقد شهد دخوله القفص الذهبي عندما تزوج من سعاد محمد الحسن.. حيث تم الزواج دون حفلة ودون أن ترتدي سعاد ثوب الزفاف التي تحلم به كل فتاة في ليلة زفافها، وقالت سعاد عن قصة زواجهما «عند المساء اشترينا (جردل) فول وذهبنا الى بيت أخت عمر، الوحيدة التي حضرت عقد القرآن من أصدقائي هي سهير عثمان قوليب، في المساء تجمع أصدقاؤنا في بيت أختو، حسب الرسول كمال الدين شال العود وغنى وأصحابي غنوا لي ، وانا ذاتي غنيت فاصل في العرس، وناس بيتنا ذاتهم اشتروا عشاهم من الدكان».
بترحل من مراسيها
إبداعات الدوش صدح بها مجموعة من الفنانين السودانين حيث تغنى له الفنان حمد الريح بأغنية (الساقية) و(سعاد) للكابلي التي يقال أن الدوش كتبها في زوجته سعاد وهنالك رواية أخرى أن الدوش كتبها قبل أن يلتقي بها بفترة طويلة, وسحابات الهموم لمصطفى سيد أحمد , وتغنى له الموسيقار محمد وردي (بناديها , والود , والحزن القديم) من المعروف أن أغنية بناديها من الأغاني الرمزية التي كانت سائدة في عهد نميري وعندما طلب من الفنان محمد وردي أن يفك شفرتها رد قائلا «لوقمت بفك الشفرة تصبح غير رمزية لكن أقول ان زمنها كان لابد من الرمز في هجمات الرئيس السابق جعفر محمد نميري ضد القوى التقدمية كلها بينما جاء باسمهم إلى السلطة، ولجأ الشعراء المتمكنون آنذاك للشعر الرمزي»... ويقول الدوش في مطلعها:..
بناديها
وبعْزِم كُلّ زول يرتاح
على ضحكَة عيون فيهَا
وأحْلم اني في أكوان
بتْرحَل من مراسيها
عصافير
نبّتَت جِنْحات
وطارت
للغيوم بيهَا
غلبنا الشوف
في أواخر التسعينيات وبعد وفاة الدوش كتب الشاعر هاشم صديق قصيدة رثى فيها صديقه ورفيقه بمعهد الموسيقى والدراما حيث يقول في أحدى مقاطعها»..
عزيزي الدوش
مساء الخير
صباح الخير
شدَرنا نِشف
بيوتنا قِبور
حِلم العافيه
بات مطمور
بلد بى حالها
صِبحَت سور
سقتنا الريح
غُبار عتمور
زَمنا كِضِب
جوع وكُجُور
شَرَقَنا الخوف
غَلبنا الشوف
فى عِزّ النور.
(الاحداث)
وان شاء الله سوف اقوم بتزيل جميع قصائد الشاعر الدوش

]color=#ff0000]بناديها -- عمر الطيب الدوش-- غناء وردي

[/color]

بناديها
وبعزم كل زول يرتاح
على ضحكَة عيون فيهَا
وأحلم اني في أكوان
بترحَل من مراسيها
عصافير
نبّتَت جنحات
وطارت
للغيوم بيهَا
مسافرِ من فرح لي شوق
ونازِل
في حنان ليهاَ
أغني مع مراكب جات
وراها بلاد حتمشيهَا
واحزَن لي سفن جايات
وما بتلقَى البلاقيها
بناديــــــهَا
ولما تغيب عن الميعاد
بفتش ليهَا في التاريخ
واسأل عنها الاجداد
واسأل عنها المستقبل
اللسع سنينو بعاد
بفتش ليها في اللوحات
مَحَل الخاطر الما عاد
في شهقَة لون وتكيَة خط
وفي أحزان عيون الناس
وفي الضُّل الوقَف ما زاد
بناديــــــهَـا
والاقيـــــهَــا
واحس باللقيا زي أحلام
حتصدق يوم
والاقيــــــهَــا
واحلم في ليالي الصيف
بَسَاهر الليل
واحجيـــهَــا
ادوبي ليهَا ماضيهَا
واطنبر ليها جاييــهَا
وارسِّل ليها غنوَة شوق
واقيف مرات والوليهَا
بناديـــــــــهَــا
وبناديــــــــهــا
وبناديها

]color=#990000]الساقيه
كلمات الأغنية : عمر الطيب الدوش

[/color]

الساقيَهْ لسّه مدوِّرَهْ
صوت القواديس والمياه
طلَعَتْ
مَشَتْ
متْحدِّرَهْ
مدَ البصر
لفَّ الظلام
حَوْل الجدوال أسْوِرَهْ
نعْسَان خضارهْا الا نْتَكَى
ورمى الغُصون
متْكسِّرَةْ
مَدّ الخيال
غنّت مُدُن
والساقيَهْ طاحونة الأنين
طُول الليالى
مدوِّرَهْ
تحت الهجير
تحت الظلام
تحت المطر
الساقيَهْ لا زِم تستمر
***
الساقيَهْ لسَّهْ مدوِّرَهْ
وأحمد ورا التيران يَخُب
أسيان يفكّر مُنْغَلِب
ما بين بُكا الساقيَهْ
مابين طُفولَهَ بتِنْتَحِب
فى اللّى ما شين المدارس
فى المصاريف
فى الكُتُب
في اللّى ضاق عنُّو المكان
وهسَّه سافَر
واغتَرب
لِمُدُن بعيدَهْ تنوم وتصْحى
على مخدّات الطَرَب
والساقَيهْ طاحونة الأنين
طول الليالى بِتنْتَحِب
تحت الظلام
تحت المطر
عزِ الشتا
الساقيَهْ ثانيَهْ تقيف تكون
آمال عريضَهْ مُشَتّتَهْ
وأكباد صغيرَهْ مفتّتَهْ
تحت الظلام عِز الشِتَا
أحمد حكى
وسّد الراس الضُراع
والشوف
نواحى النيل تَكَا:
وصّانِى أبُوى
الموج بيهْدِم كُل رخوَهْ
على الجروف
شِد الضُراع
زى المراكبى مع الشراع
لازِم تعرفو الظلم جاي
من وين عليكْ
وافتَح عينيكْ
على زهور الغابَهْ والأدغال
على الاطفال
وعشان يكون الحقِّ ليكْ
تَعْبُر بحور
تَهْدِم جبال
الحق هو هو النضال
والحق فى ساحة مجْزرَهْ
والنصر للفاس
والرجال
ولى سواقى مدورة

الود - غناء / وردي
كلمات الأغنية : عمر الطيب الدوش

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك من طوَّل
لسّه معاي
ولى بُكْرة

الحزن القديم - وردي
كلمات : عمر الطيب الدوش

ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى

» مع الاغاني الشعبيه
» شعراء / فنانون / اغاني /
» شعراء الحقيبة... توثيق شامل